التايم : الإسلاميون أثبتوا أنهم يفهمون الديمقراطية أفضل من الليبراليين

[عادل أبو عمر]

[

أما الحديث عن الإسلاميين وفهمهم للديمقراطية ، فهم لم يمارسوها بعد ، ولم يمهدوا لها بعد ، وكما قال المقال فاليبراليين زرعوا البذور ، والاسلاميين قطفوا المحصول.

الله ينور عليك يا أستاذ محمد

كنت أتمنى مثل أي مصري إن الليبراليين من يفهمون الديمقراطية وزرعوا بذورها ....

كان نفسي يعلموا غيرهم أول سطر في كتاب الديمقراطية .. احترام إرادة الشعب ...

يعلموا غيرهم احترام الديمقراطية ...

في احترام نتيجة الاستفتاء ..

لكن حتى هذه اللحظة ما زلنا نتناقش في أمجاد الليبرالية بينما يضيع الحاضر بين أيدينا ..

نحن نصرخ عليهم بالله عليكم كفاية كلام كبير .. الناس مش عارفين يفهموا لغتكم ..

والمشكلة مش في الشعب .. ده أكيد

[عادل أبو عمر]

في نقطة مهمةجدا غايبة عن حضراتكم

وهي ان المقال لم يكتب الا بعد زيارة جون كيري للاخوان المسلمين

الزيارة التى حاول الاخوان منع تصوريها من قبل اي صحفي حتى من صحافة اجنبية

ولكن طبعا موضوع المناقشة اعلن

وهو ان الاخوان طمأنوا القيادات الامريكية ان كل معاهدات السلام ماشية تمام التمام

يعنى لا معاهدة سلام ولا اتفاقية غاز حتتغير ولا عداء طبعا لاسرائيل من سنصدرها الغاز

مش عايزين بعد كده الصحف الامريكية تفرح وتكتب فيهم بيتين شعر كمان

ولكن لا يمنع كمان اننا نقول كلمة حق وهي انهم نجحوا بتواجدهم وتنظيمهم بالشارع المصري

بس اهم حاجة يقولوا انهم بيلعبوا سياسة من غير دين ومن غير شعارات وخصوصا انهم في اول مقابلة جابوا لمس الاكتاف

الرباط الخاص بي

يعنى

لا معاهدة سلام ولا اتفاقية غاز حتتغير ولا عداء طبعا لاسرائيل من سنصدرها الغاز .... كدة يبقوا خونة و متواطئين

طب لو عملوا العكس هنقول عليهم ايه ؟

تم تعديل 13 ديسمبر 2011 بواسطة عادل أبو عمر

[Alshiekh]

كلمتي على الماشي

من امتى بناخد مقالات صحافة الغرب كأمر مسلم به؟

طيب مش الصحافة دي عملت تحقيقـــــــــــــــــــــــات عن تمويل اإخوان المسلمين والجماعات الإسلامية والقاعدة وعلاقتهم كلهم ببعض بغسيل الأموال وأماكن غسيل تلك الأموال في دول الكاريبي حيث الجنس والقمار ، وحددوا اسماء بعينها واسماء مشهورة يتم إدارة تلك المشروعات المشبوهة بإسمهم وعلى رأسهم إسم الشيخ القرضاوي؟

هل ممكن نصدق كل اللي بيكتبوه ونفتش في تمويل الإخوان والجماعات الإسلامية الأخري كما صدقنا أنهم إنقلبوا بين عشية وضحاها لفهم الإخوان وبأنهم يفهمون في الديمقراطية ربما أكثر من ساسة بريطانيا؟

طيب ماحدش خد باله انهم لما عملوا لقاءات مثلا في الإسماعيلية حيث تكونت جماعة الاخوان وجدوا أن مدح الناس اللي مدحوا في الإخوان مدحوهم علشان الإعانات العينية والمادية وليس لانهم يفهمون في السياسة؟ والذي يحمل في طياته معنى مبطن بأن الناس بتنتخب اللي يطعم الفم. ما اخذتوش بالكم انهم قالوا ان اللي بيحصل في مصر حصل زيه في المانيا لما اختارت الحزب المسيحي أملا في العودة لثقافة القرية.

عموما لو كانوا انتظروا شوية لما يبان فعلا لو كان الاخوان بيفهموا في الديمقراطية او لأ كان ممكن نفهم ده ، لكن كيري يزورهم من هنا ويطلع المقال بعدها مباشرة ... تبقى العملية فيها غزل عفيف وغزل صريح كمان.

ببساطة ياريت يتم تطبيق نفس القاعدة على هذه المداخلات

مجلة إكسبريس الفرنسية: البرادعى واجه بوش.. والآن يواجه مبارك

لوس انجلوس تايمز: البرادعي أفضل أمل لمصر لتنشيط نظامها السياسي الراكد منذ نصف قرن

لوس أنجلوس تايمز تبرز شعبية البرادعى وتشبهه بالسادات

البرادعى للجارديان البريطانية :(حكومات أجنبية أعربت عن قلقها على سلامتى وأمنى ليس أولوية

.

.

.

.

أمريكا و بريطانيا و فرنسا ... يتنافسون في مغازلة الدكتور البرادعي .. طبعا في هذه الحالة ده شيء عادي ...

.

لا تعليق

[

أما الحديث عن الإسلاميين وفهمهم للديمقراطية ، فهم لم يمارسوها بعد ، ولم يمهدوا لها بعد ، وكما قال المقال فاليبراليين زرعوا البذور ، والاسلاميين قطفوا المحصول.

الله ينور عليك يا أستاذ محمد

كنت أتمنى مثل أي مصري إن الليبراليين من يفهمون الديمقراطية وزرعوا بذورها ....

كان نفسي يعلموا غيرهم أول سطر في كتاب الديمقراطية .. احترام إرادة الشعب ...

يعلموا غيرهم احترام الديمقراطية ...

في احترام نتيجة الاستفتاء ..

لكن حتى هذه اللحظة ما زلنا نتناقش في أمجاد الليبرالية بينما يضيع الحاضر بين أيدينا ..

نحن نصرخ عليهم بالله عليكم كفاية كلام كبير .. الناس مش عارفين يفهموا لغتكم ..

والمشكلة مش في الشعب .. ده أكيد

أولا شكرا على أنك رجعت لمداخلاتي كي تقتبس منها

ثانيا : لو لاحظت ان الحجيث عن البرادعي كان نتيجة أفعال قد تمت ليست مستقبلية.

أما الحديث عن " الإسلاميين " وليس حتى الإخوان فهو رجم بالغيب، إزاي؟

يعني مثلا لو واحد لسه خاطب أو حتى قاري فاتحة ، ويقول أنا ديمقراطي في بيتي ، نقوله ايه؟ " بكرة المياه تكذب الغطاس " ، لكن لو واحد عندة زوجة و3 من الابناء والبنات لما يقول انا ديمقراطي في بيتي ونشوف فعلا انه بيتشاور مع اسرته في مايخص الاسرة من أمور نقول عليه فعلا ديمقراطي في بيته.

لكن اللى لسه لااتجوز ولا فتح بيت ولا شوفنا له عيال ولاعرفنا حايتعامل معاهم إزاي ، ونقول عليه ده ديمقراطي في بيته، يبقى اكيد بنجامله.

الكيمقراطية ليست إزاي توصل للجماهير ، ولكن ازاي تستمع للرأي الآخر وتقبله لو كان صحيحا وترفضه لو كان غير ذلك.

يعنى حزب مبارك كان اسمه ديمقراطي ، لكن هل طريقته في أخذ الموافقة كانت تقترب من الديمقراطة من قريب أو بعيد؟ بالطبع لأ.

إحنا بقى نستنى ونشوف المجلس حيبقى ازاي ، ولو شكلوا حكومة حايعملوا ايه.

وعلى فكرة انا مش عاجبني تصرفات بعض الليبراليين لانهم بيتصرفوا نفس تصرفات الإخوان ايام انتخابات العصر البائد أو بيرددوا نفس الكلام اللي كانوا بيرددوه في العصر البائد.

ونستنى ونشوف الدنيا حاتمشي إزاي لان لسه بدري ، الديمقراطية ممارسة وليست انتخابات ونتائج انتخابات.

[عادل أبو عمر]

فى ظل شعب ستين فى الميه منه عبيط

ياريت يا باز أفندي تتكلم عن اللي يخصك بس لأن الشعب ده أكرم من كدة و ما يستاهلش كلام زي ده لا يتقال و لا يتسمع و لا يتشاف