ما تيجو...نحلم للسنة الجديدة

[لماضة مصرية جدا]

السلام عليكم و رحمة الله و بركاته

خلوها تكون ساحة للاحلام اللي اكيد مش مستحيلة

خلونا نجدد ايماننا ان كل يوم و كل لحظة ممكن يكون عمر جديد

خلونا نطلع مارد الاحلام من القمقم اللي اتسجن في السنة اللي فاتت

و تعالو

نحلم

سنة 2012

لونها ايه

طعمها ايه

انا حطيت امنياتي....في توقيعي

يا تري انتوا تحبوا تتمنوا ايه و تكون دي بصمتكم للسنة اللي لسه هتتولد

يا رب سنة جديدة

عمر جديد

و نقطة و من أول العمر

[عبير يونس]

في اسئلة كده لما حد يسألها

باحس بالغباء الفوري :blink:

و باتبرجل و اتلخبط و اضرب لخمة

منها سؤال موضوعك

مش عارفة بجد:unsure:

طب اديني فرصة

يمكن لما اشوف ردود

اتحمس و اتشجع واقدر اقول حاجة

فوتك بعافية مؤقتا

:sad:

[ابراهيم عبد العزيز]

أكبر حلم يروادني في 2012 ويتملك عقلي هو أن يتسلم الشعب المصري إدارة بلده لكي يديرها بالشكل الذي يريده كما وعد بذلك في يونيو 2012

هذه أكبر أمنية عندي للعام القادم

[اثار]

اكيد بحلم ذي كل مصري ان بلدي تمشي في الطريق الصحيح

من غير اي عقبات وتحط رجلها علي أول الطريق بأذن الله

بحلم اجي في يوم 13/12 السنة الجاية ان شاء الله افتح الموضوع الجميل

ده واقولكم الحمد لله احلامي كلها اتحققت

يارب مصر كلها تبقي بخير وسعاده في أقرب وقت

[عادل أبو عمر]

باحلم

من كل قلبي

إن حلم إنسان عزيز عليا يتحقق

ياااااااااااارب

[المطحون]

احلم ان يعود المصريين يحبون بلدهم وانفسهم ويعطوا ولو مساحه بسيطه للاخروالتسامح وان تنقشع تلك الفتره الضبابيه اللى عايشنها الى اشراقه شمس حريه وامان لكل المصريين وان تعود بلدنا قلعه للعلم وقبله للعرب والعالم اجمع

[عبير يونس]

طيب حأقول اهو

:unsure:

باحلم لمصر تقوم تاني وتاخد مكانتها بين الدول الكبرى

باحلم للمغتربين يقدروا ياخدوا قرار العودة لبلدهم و لأهاليهم

باحلم لولادي ربنا يكرمهم و يوفقهم و البيبي يوصل بالسلامة

باحلم للمحاورات تزدهر أكتر وأكتر ويبقى فيه مجلة " محاورات المصريين"

باحلم لكل الموجودين هنا ربنا يوفقهم على المستوى الشخصي و المهني و في كل المجالات و انا من ضمنهم

بأحلم بالحياة الطيبة

♥♥♥

[باهى الطائر الحزين]

اثنان فى مكان واحد وتحت سقف واحد / وكلاهما ينظر باتجاه معاكس للاخر !

رغم ان كل ما يحتاجه الأمر هو مصافحه او اعتذار من القلب او حتى مواجهه

واتساءل : متى ستزول هذه الغيمه الرماديه التى تخيم على هذه الأجواء وينقطع

هذا الصمت ولو بكلمه / سلام ؟

نحن لا نعلم اذا كانت الأمانى تتحقق او لا ولكننا نعلم اننا جميعا بحاجه الى ان نتمنى

واعتقد اني بنهاية ساعات العام الحالي سوف اغمض عيناي واتمنى ...

ان اقتني قطه !!

[عبير يونس]

واعتقد اني بنهاية ساعات العام الحالي سوف اغمض عيناي واتمنى ...

ان اقتني قطه !!

وقطتك راحت فين؟؟؟

بعتها؟؟؟

:unsure:

[التونسى]

بحلم .. وبعيش .. غير حلمى.. مليش

بحلم ببلدنا .. عمار .. وخضار .. وجناين فــرحه

بحلم ببلدنا.. عـروسه جـميـله .. ولابسه الطرحه

بحلم ببلدنا.. ســلام.. وأمــان .. وقلوب مِتسامحه

بحلم .. وبعيش .. غير حلمى.. مليش

بحلم من تانى .. بـ ثوره تاخُدنا .. لاعـظـم..وِحـده

بحلم من تانى..الشعب المصرى .. يكون إيد واحده

بحلم من تانى.. مـنــتــفــرقــش .. ونـصـبـح أهـــدا

بحلم .. وبعيش .. غير حلمى.. مليش

بحلم بالخير للغير .. وبقولها .. بصــوت مـسمـوع

بحلم بالخير للغير.. أنا أصــلى .. بجـــد .. قــنــوع

بحلم بالخير للغير .. ولا حـــد .. يِبـــــات مـوجـوع

بحلم .. وبعيش .. غير حلمى.. مليش

[جويرية]

اخويا سلفي اتصلت بيا مرة و قلتله هابي كريسماس قعد يضحك ههههههه

عايزة اتصل بيه تاني السنة دي و اقولها له

[se_ Elsyed]

بأحلم لمصر إنها تبقى أجمل بلد في الدنيا .. وإن كل القوى السياسية تنسى خلافاتها وتتحد على هدف واحد وهو " بناء مصر من جديد "

وباحلم نفرح بالمولود اللي تعبنا الاف السنين عشان نشوفه بعنينها سنة 2011 ... باحلم أشوفه بيمشي وبيحبي وبيكلمنا ونكلمه وما يجيش حد يحاول يسرقه او يخبطه على دماغه او يغتال فرحتنا

باحلم بظهور طبقة عندها طريقة تفكير مختلفة وتعمل حاجات مختلفة تغير مصر

[engmido]

بأحلم لمصر إنها تبقى أجمل بلد في الدنيا .. وإن كل القوى السياسية تنسى خلافاتها وتتحد على هدف واحد وهو " بناء مصر من جديد "

وباحلم نفرح بالمولود اللي تعبنا الاف السنين عشان نشوفه بعنينها سنة 2011 ... باحلم أشوفه بيمشي وبيحبي وبيكلمنا ونكلمه وما يجيش حد يحاول يسرقه او يخبطه على دماغه او يغتال فرحتنا

باحلم بظهور طبقة عندها طريقة تفكير مختلفة وتعمل حاجات مختلفة تغير مصر

جميلة قوى المداخلة دى يا س س

ومعبرة جدااا

نهارك زى الفل

[لماضة مصرية جدا]

السلام عليكم و رحمة الله و بركاته

ايه الحلاوة دي

ايه الطعامة دي

ايه اللي انا شايفه ده....(وش حكيم و هو بيتنطط ع المرسح في اغنية مش فاكره منها غير البوقين دولم)

يعني انا مش عارفة اشكر كل الحالمين ازاي...و ازاي خلوا المساحة هنا دافية اوي بدفا و حلا روحهم و احلامهم

بس الحقيقة

انامش هحلم لمصر خاااااااااااااااالص

اينعم مصر هي امي

و المجلس العسكري هو جوز امي :P

بس انا حاسة ان مصر مش عايزة بس حلم...

دي عايزة ايدين تشمر و تشتغل و تفكر في كل طاقة نور تحرك المركب اللي احنا غارسين فيه ده لقدام

انا بقي بحلم بلوكشة احلام وعلي بعضيها

بحلم اني اعدي السنة دي علي خير

عندي حوالي سبع او تمن مقررات...(يا دي الخيبة مش عارفة علياكام مادة)....بس بتمني اخد في دور مايو خمسة و كده يبقي فل اوي و اكمل بقي في دور 9 الباقيين

حد من الجامهور شايفاها رافع ايده و بيقولي طب بدل الخيبة اللي انتي فيها ديت ما تذاكري و تخلصي

و من خل ال موقعي هنا امام فرن بيتنا....مقدرشي اقول غير....ليس في الامكان ابدع مما كان و العاقبة عندكم في المسرات:)

بحلم

اني اسافر تاني...بس المرة دي مش عايزة احدف علي الخليج نوهائي.....ياااااااااارب

بحلم

ان ربنا يوفقني و اقدر اعمل عمرة

بحلم

ان اختي تتجوز.....بس في مكان قريب لينا علشان لو هي سابت البيت انا هحتاس في المطبخ

بحلم

ان اخواتي يترقوا في وظايفهم و يحافظ علي اسرتهم و نجيب نونوهات تانية كتير

بحلم

ان ماما تبتدي تلعب رياضة....(اهو ده لو حصل في السنة دي....و ربنا لانزل اهتف في الميدان و اقول ماما بتلعب رياضة يا جودعان)

بحلم ان امل صاحبتي تاخد الدكتوراة السنة دي علشان تعملي تقشير بالليزر بالمجان بقي بدل ما هي لسه متبته في صابونة نابلسي شاهين ديت...(احمدك يا رب امل مش بتيجي هنا:)

بحلم

اني اجيب عربية و تبقي ليا....و اعمل بيها تفحيطات لما اقول يا بس

بحلم

و بحلم

و بحلم

ياااااااااااااااااااااااه

يا رب

كل اللي في قلبه حلم تحققهوله

كل اللي ف عمره بقية تديله فيها سعادة

كل اللي روحه طيرمتشعلق علي جناجات الخوف و الرجاء قربه منك

يا رب

يا رب

يا كريم اوي يا رب

صباحكم.......فانوس سحري....يقولك شبيك لبيك....احلامك جوه قلبك و هتتحقق بيك

[لماضة مصرية جدا]

باحلم

من كل قلبي

إن حلم إنسان عزيز عليا يتحقق

ياااااااااااارب

يااا نعمممممممممممممممممم

بتنادي علي بابايا :P

اوعي تكونوا مدبرين حاجة يا عفاريت للسنة الجديدة...هروح اقول لماما....(وش عيل فتان اوي و مصدق لقي شبطة)

صباح حضرتك.....عزيز...و خالد...و حسانين و كدهوت يعني:)

تم تعديل 14 ديسمبر 2011 بواسطة لماضة مصرية جدا

[عادل أبو عمر]

باحلم

من كل قلبي

إن حلم إنسان عزيز عليا يتحقق

ياااااااااااارب

يااا نعمممممممممممممممممم

بتنادي علي بابايا :P

اوعي تكونوا مدبرين حاجة يا عفاريت للسنة الجديدة...هروح اقول لماما....(وش عيل فتان اوي و مصدق لقي شبطة)

صباح حضرتك.....عزيز...و خالد...و حسانين و كدهوت يعني:)

ربنا يفرح قلبك يا لماضة

مين حسانين

[عبير يونس]

باحلم

من كل قلبي

إن حلم إنسان عزيز عليا يتحقق

ياااااااااااارب

يااا نعمممممممممممممممممم

بتنادي علي بابايا :P

اوعي تكونوا مدبرين حاجة يا عفاريت للسنة الجديدة...هروح اقول لماما....(وش عيل فتان اوي و مصدق لقي شبطة)

صباح حضرتك.....عزيز...و خالد...و حسانين و كدهوت يعني:)

ربنا يفرح قلبك يا لماضة

مين حسانين

يعني انت عارف خالد؟؟؟!!! :blink:

[عادل أبو عمر]

باحلم

من كل قلبي

إن حلم إنسان عزيز عليا يتحقق

ياااااااااااارب

يااا نعمممممممممممممممممم

بتنادي علي بابايا :P

اوعي تكونوا مدبرين حاجة يا عفاريت للسنة الجديدة...هروح اقول لماما....(وش عيل فتان اوي و مصدق لقي شبطة)

صباح حضرتك.....عزيز...و خالد...و حسانين و كدهوت يعني:)

ربنا يفرح قلبك يا لماضة

مين حسانين

يعني انت عارف خالد؟؟؟!!! :blink:

ألف مبروك يا مدام عبير

أول حلم يتحقق

وكسبتي معانا

جهاز التكييف اللي أنقذه خالد

جدع يا خالد

[عبير يونس]

هييييييييييه

كسبت كسبت

بس كسبت ايه ؟ :blink:

اوعى تقوللي تكييف باور؟

يا أستاذ عادل

احنا بنشتري المصري :closedeyes:

[عادل أبو عمر]

احنا بنشتري المصري :closedeyes:

و احنا اللي بنصنعه