ما تيجو...نحلم للسنة الجديدة

[لماضة مصرية جدا]

السلام عليكم و رحمة الله و بركاته

طبعا احب احيي استاذي عادل و الجميلة عبير...مش عارفة ليه فكروني ببهجت الاباصيري و مورسي الزناتي و انا طبعا عبد المعطي ناظر المدرسة اللي واقف في النص و بيقول....حووووووووووووول :P

طب بمناسبة ان التوبيك الحمد لله اتردم عليه...انا عارفة شتا و كدهوت و الناس كمشانة جوه روحها و جوه البطاطين

بس برضه

حبيت

احلم دلوقتي....للسنة الجديدة

للجميلة اوي.....دريميDreamwithme

بمناسبة دقوا المزاهر يا اهل البيت تعالوا ...و الخطوبة و كدهوت

يا رب يسعدها و يتمم ليها الجواز في السنة الجديدة و بسرررعة...(اصلهم كده اتخطبوا في اخر دسيمبر يعني من علي اول يناير هنقدرنقول انهم قدموا و بقالهم سنة مخطوبين...و احنا الكلام ده ميمشيش معاناوااااااااااصل...وش حد صعييد اوي و دماغه ترباس)

و نقول الو

و تعالوا نكمل حلم

[عادل أبو عمر]

طب ممكن أحلم لينا كلنا إننا نقدر نشوف بعض .. نرحم بعض ... نقدر نسكت شوية .. مطلوب لحظة هدووووء ... ننسى فيها كل الجروح اللي تسببنا فيها لبعضنا البعض ليس بسلاح و لكن بأقسى من السلاح ... بكلمات ..

عاوزين نحلم بأننا نعرف نتكلم مع بعض ..

[Dreamwithme]

الله يا لماضة ..... ربنا يسعد قلبك يارب علي طاقة الحلم اللي أنتي فتحتيها

أولا أحب أشكرك شكر خاص علي حلمك ليا وربنا يسعد قلبك ويرزقك بالمثل يارب

أنا بأه هأحلم أحلم كتيرة قوي

هأحلم إن الناس كلها ترجع تؤمن بالأحلام وتثق إن الله يحقق لنا أحلامنا والله الأحلام بتتحقق وبالعكس بتحقق بشكل أجمل بكتير من الحلم

وحلم النهاردة هو حقيقة بكرة بإذن الله

هأحلم بإن الناس كل الناس تشوف الحق وربنا ينورلها بصيرتها

هأحلم لمصر إن كلنا نتلم علي قلب واحد مش شرط إننا نكون أرائنا واحدة لكن نتعلم إننا نحب بعض بالرغم من الاختلافات في الرأي

لأننا مش هنقدر نبنب مصر غير لما نتلم

هأحلم للمحاورات إن ربنا ما يحرمناش من بعض أبدا ويجمعنا علي طول يارب

هأحلم لكل أصدقائي إن ربنا يسعد قلوبهم دنيا وآخرة ويرزقهم أفضل مما يتمنوه

هأحلم لنفسي إن ربنا يرضيني ويرضا عني وإنه يبارك لي في أهلي وخطيبي وأصحابي وكل أحبابي

وإن ربنا ييسر لي شغل الدكتوراة وأخلص بأه علي خير

هأحلم أكون في بيتي السنة الجديدة وربنا يقدرني إني أكون سكن حقيقي لخطيبي

هأحلم إني أشوفكم كلكم علي الطبيعة لأنكم فعلا بقيتوا أهلي بجد

[لماضة مصرية جدا]

الله يا لماضة ..... ربنا يسعد قلبك يارب علي طاقة الحلم اللي أنتي فتحتيها

أولا أحب أشكرك شكر خاص علي حلمك ليا وربنا يسعد قلبك ويرزقك بالمثل يارب

أنا بأه هأحلم أحلم كتيرة قوي

هأحلم إن الناس كلها ترجع تؤمن بالأحلام وتثق إن الله يحقق لنا أحلامنا والله الأحلام بتتحقق وبالعكس بتحقق بشكل أجمل بكتير من الحلم

وحلم النهاردة هو حقيقة بكرة بإذن الله

هأحلم بإن الناس كل الناس تشوف الحق وربنا ينورلها بصيرتها

هأحلم لمصر إن كلنا نتلم علي قلب واحد مش شرط إننا نكون أرائنا واحدة لكن نتعلم إننا نحب بعض بالرغم من الاختلافات في الرأي

لأننا مش هنقدر نبنب مصر غير لما نتلم

هأحلم للمحاورات إن ربنا ما يحرمناش من بعض أبدا ويجمعنا علي طول يارب

هأحلم لكل أصدقائي إن ربنا يسعد قلوبهم دنيا وآخرة ويرزقهم أفضل مما يتمنوه

هأحلم لنفسي إن ربنا يرضيني ويرضا عني وإنه يبارك لي في أهلي وخطيبي وأصحابي وكل أحبابي

وإن ربنا ييسر لي شغل الدكتوراة وأخلص بأه علي خير

هأحلم أكون في بيتي السنة الجديدة وربنا يقدرني إني أكون سكن حقيقي لخطيبي

هأحلم إني أشوفكم كلكم علي الطبيعة لأنكم فعلا بقيتوا أهلي بجد

السلام عليكم و رحمة الله و بركاته

صباح القلب الاخضر اللي لسه متشعبط في حلمه

انا عندي يقين ان كل واحد بيبقي ليه اسم من نصيبه....حتي لو كان اسم افتراضي في عالم افتراضي

و اسمك يا دريم....هو اللي بيخبط علي العيل اللي قاعد كمشان جوانا و اوقات كتير بيخاف يحلم

انا متاكدة انك راح ترجعي للمداخة اللي انتي كتبتيها فوق ديت.....بعد شوية كده...و هتلاقيها كلها اتحققت و باحلي مما كنتي تتخيلي

و بالنوسبة للحلم ابو لمبة حمرا دوت

ما هو لو جناب سموك كنت عزمتيني علي الخطوبة....كنت طبقت نفسي في اول قفصان برتقان و جتلك جري....بس نعمل ايه بقي....يلا ملحوقة في الفرح باذن الله....(وش اي جارة بتمصمص شفايفاها و بتعتب علي جارتها ام اسماعين:)

الله يبعتلك ايام...بون الفرح متنتهيش

صباحك......حلم

يستمر....و ينتشر....و يتوغل.......(لا مش يقتل....هو يقتل اي ياس جوانا عشان احنا اللي راح نحبط الاحباط....وش وائل غنيم ...بس يقتل كل نقطة بتتخانق جانا...و يصحي مكانها...حلم يكبر لعمر جديد)