العيش الفينو الجااااااامد اوووووي

[pink rose]

هالوووووووووو عليكم

عملت عيش فينو

هاحط صورته هنا

و مش هاقول المقادير و الطريقة الا لما اسمع تصفيق حاااااااد

اتفضلوا الصورة

[Salah El Din]

راااائع... و انا اول المشجعين

:waving: :waving:

و منتظر الطريقة عشان ابعت لينك الصفحه لست الحبايب و اطلب منها تعملهولي اول ما اروح بيتنا

[نوران]

برافوووووووووووووو بينك clp:: clp:: clp::

شكله جااااااااااامد جدا ما شاء الله hypr: hypr: hypr:

[م تيمور المراغي]

تسلم الايادي وتسجيل متابعه عشان اترحم من مشوار كل ليله للفرن اللي جنب البيت :happy:

منظره جميل اوي على فكره بالهنا والشفا ,,

[ذهبية]

حرام عليكى يا بينك دة انا قريت العنوان من قبل ما التوبك يفتح جريت

جيبت قلم وورقة علشان اكتب المقادير فورا

تورينى الصورة و تجوعينا و بعدين

متكتبيش المقادير

انا هافضل حاطة ايدى على خدى و مستنية جنب طبق الجبنة بالطماطم

لحد ما تتفضلى علينا بالوصفة السريعة

علشان الحق اعمل سندوتش

[م تيمور المراغي]

ليه مش حطيتي عليه سمسم !

[عطر الجنة]

:malta:

:P

حرام

كفاية

فين الطريقة

[لونا]

تصفييييييق حاااااااد

[pink rose]

بعد الاحتفاء الجامد دا بالعيش الفينو

احب اولا اعتذر عن التأخير

ثانيا هيا بنا نكتب المقادير و الطريقة

المقادير

4 كوبيات دقيق ( كالعادة بكل سعادة احب اوضح ان الكوباية المستخدمة هي كوباية المايا)

معلقة كبيرة ملح

معلقة كبيرة خميرة فورية

ماء دافئ

الطريقة

نضيف معلقة الملح على الدقيق و نقلبهم كويس

في كوباية كبيرة نحط معلقة الخميرة عليها ربع كوباية مايا دافية و نسيبها لحد ما تفور

نحطها على الدقيق و نقلب

نزود شوية بشوية ماء دافئ لحد ما تتكون عجينة ما بتلزقش

يعنيكمية المايا مش محددة لانها حسب نوع الدقيق الستات هايفهموا قصدي كويس

المهم العجينة تكون ما بتلزقش

و نفضل نعجن فيها 5 دقايق كده و بعدين نسيبها تخمر ساعتين

بعد الساعتين نقطع من العجينة و نفرد بالنشابة بحيث تكون مدورة او شبة مدورة

و بعدين نبروم العجينة لحد ما تبقى عاملة زي الصوابع كده و نقفلها كويس

و اللي نعمله نحطه في صينية الخبز المدهونة زيت خفيف لمدة ساعة كمان

بعدين نخبز في فرن عالي يكون شغال فرن و شواية في نفس الوقت لحد الوش ما يحمر

العيش اللي يتخبز يتحط في كيس بلاستيك فورا عشان يطرى لانه هايكون مقرمش اول ما يطلع من الفرن ما تقلقوش بعد ما يتحط في الكيس بيطرا

و بالهنا و الشفا

[لونا]

طريقة شكلها سهل أوي يا بينك .. و النتيجة روعة ما شاء الله

بس عايزة أسأل كام سؤال

*الكمية دي عملت كام رغيف تقريبًا؟

*بتحطي الصينية في أي رف في الفرن؟

*لما بترصيه في الصينية بتسيبي مسافة كبيرة و لا مش بيزيد في الحجم أوي و مش محتاج مسافات ؟

الأسئلة عشان .. يعني لو...إذ ربما حبيت أجرب

ما أقدرش أوعدك

[pink rose]

http://www.youtube.com/watch?v=JTY4WJRSzY8

شوفوا الفيديو دا و قولولي انطباعكم عنه

هو دا الي انا عملت زيه بالظبط

اول ما شوفت الفيديو قولت يا سلام هو دا كده هايبقى عيش فينو

يعني سهل كده

و جربته و لقيته فعلا سهل اوي

بس انا ما عملتش زي الراجل لما رش مايا في الفرن

كمان ما سيبتش العيش 35 دقيقة

انا طلعته لما وشه احمر

تم تعديل 15 ديسمبر 2011 بواسطة pink rose

[عبير يونس]

ريموووووووووووو

الحمد لله يا بنتي اني دخلت دلوقت بعد اما حطيتي الطريقة

كان زمان جرالي حاجة :unsure:

قلب المؤمن دليله

أحمدك يارب

و ادي يا ستي التصفيق الحاد

clp:: clp:: clp::

مش خسارة فيكي يا قمر

ايووووه يا جدعان

وحنعملوا عيش فينو في البيت

:110:

[pink rose]

طريقة شكلها سهل أوي يا بينك .. و النتيجة روعة ما شاء الله

بس عايزة أسأل كام سؤال

*الكمية دي عملت كام رغيف تقريبًا؟

*بتحطي الصينية في أي رف في الفرن؟

*لما بترصيه في الصينية بتسيبي مسافة كبيرة و لا مش بيزيد في الحجم أوي و مش محتاج مسافات ؟

الأسئلة عشان .. يعني لو...إذ ربما حبيت أجرب

ما أقدرش أوعدك

لونا حبيبتي الجميلة

اسألي اللي نفسك فيه

بصي يا ستي بالنسبة للكمية دي تعمل كام رغيف فا هي طلعت معايا 7 ارغفة بس دا بسبب اني لسا ما ظبطتش المقاسات يعني طلع رغيف كبير و التاني صغير و هكذا انما لما تظبطي المقاسات اظن هايطلع 10 ارغفة

انا حطيت الصينية علي الشبكة

ايون سيبت مسافة معقولة بين كل رغيف و التاني لانه ما شاء الله بيتضاعف حجمه

متهيألي بعد ما تشوفي الفيديو ان شاء الله هاتجربيه

و تحدي ....... زي روابي كده

تم تعديل 15 ديسمبر 2011 بواسطة pink rose