84 الف جنيه مصرى ثمن جهاز العروسه فى مصر

[متعب]

وليه مش 85

لان ده الرقم ال انا سمعته من احد الاباء ال كانوا بيجزوا ابنتهم بالمبلغ ده

الراجل مزنوق والبنت عماله تجيب من كل شكل ولون لغايه ما الراجل كان هيسقط من طوله

جايبه شىء وشويات . من اول الابره للصاروخ زى ما بيقولوا

هنضيف طبعا الدش والكمبيوتر وشاشات العرض البلازما والغسالات اتنين والتلاجه اتنين وديب فليزر مع كل اشكال التيفال والحلل الصاج باشكالها والوانها مع محتوايات النيش من كافه اشكال الصينى والملامين والكاسات ال اشكال والوان ده غير المطبخ ومحتواياته حتى البلاستيكات . ده غير الستاير والسجاد والموكيت والنجف ووو وهلمه جارة

دنا نفسى دخت من السمع بس ال سمعته

يعنى بصراحه ال بيجهز بنت كان الله فى عونه الحقيقه

اما بقى ال بيجهز ولد

كبيره أوضه نوم وأنتريه ودمغنا على كده والشبكه تنكتب فى القايمه والسكه غلبت المحله . هو حد لاقى اصلا عريس

ولزم الدبكه والشكل العام العروسه تشحت طقم محترم من حد معرفه . كم غويشه على على وممكن يقضوا الليله بميت جنيه دهب صينى ودخل ياعمونا . ويلا ياحارة ضلمه احنا ال نورنا

وبلاش هأو فى دى

لسه بقى الهأو جايه

السؤال هنا بقى هل البنت بتحس بمعاناه اهلها عشان يستروها ويجوزها وتستمر الحياة

ولا ال يهمها هو السيطرة على الزوج وانها تكون الامر الناهى فى البيت والشورة شورتها . بالتأكيد طبعافى كتير منهم بينسوا كل المعانات بتاع الاهل ومش فى دماغها الا الخطط والمؤمرات على الحياة الزوجيه

فى ازواج كتير جدا بتوافق على انها تكون الامر الناهى والشورة شورتها ويطلع ينفض البطاطين فى الدور الرابع

وفى كتير برده بيرفض ينفض البطاطين وبينفضها هى

واذا نفضهاهنا بتروح تعد جمب اهلها لتذيد المعاناه للمرة التانيه عليهم

ونسب الطلاق الموجوده على الساحه الحقيقه مرعبه . يمكن عشان قوانين الهانم ال هى اصلا مش لصالح المرأة كما فهموها

نسب الطلاق الموجوده على الساحه الان بتقول ان القوانين دى مش لصالح المرأة بل ضدها لانها اترمت فى الشارع وخدتلها قرشين من الزوج وحطمت حياتها.والقرشين اتصرفوا ورجعت تندب حظها

والسؤال مازال قائم

هل البنت بتحس بمعاناه اهلها فى الحالتين أم لا . حاله الزواج والطلاق

ولا الاهل ملهمشى حسابات عندها

[متعب]

سؤال صعب صح

والاجابه اكيد مش سهله برده