كل سنه و انت طيب يا متفائل

[فــيــروز]

ويا رب دايما تفضل متفائل يا ابا نور

انا بيعجبنى جدا الاسم الذى اخترته لنفسك يا متفائل

وباحس انه كفايه الواحد يشوفه ضمن قائمة الموجودين ليشعر بالابتهاج .. خصوصا الصوره الرمزيه اللى كنت مختارها كانت تؤكد هذا المعنى ..

ربنا يديم عليك تفاؤلك

[Cleo]

كل سنة و انت طيب يا متفائل...

ربنا يسعد أيامك ويباركلك فى ذريتك و مالك و زوجك...

ربنا يصرف عنك كل سوء ويزيدك تفاؤل...

(بس ترجع تكتب بأة...!!!)

:)

[METALLICA]

كل سنة وإنت طيب grdy:

:D :D cr((:

:)

أنا حجزت التورتة بس مش عارف اتأخرت ليه !!

تم تعديل 13 نوفمبر 2004 بواسطة METALLICA

[بنت شعنونة]

كل سسسسسسسسسسنة وانت طيييييييب استاااااااذ متفائل

الله

العيد

وعيد ميلاد استاذ متفائل :)

انا تفااااااااااااااائلت بججججججججججد

عقبال مييييييييييييية سنة يارب

[mohamed]

كل سنة وانت طيب

ده كفاية حتى ان عيد ميلادك جاى مع العيد

ايه التفاؤل ده :D

:D :)

[Lighthouse]

كل سنة وانت طيب يااخونا متفائل

اسمك فعلا يبعث على التفاؤل والأمل

انت فين من فترة مش باين

اوعي تكون خايف تعزمنا على تورتة

تفائل خير واظهر

احنا بكرة لسه صايمين cr((:

كل سنة وانت طيب وعيد ميلاد سعيد

:) :D :D

[Tamsite]

كل سنة وانت متفائل و طيب و بألف صحة و خير يا أستاذ متفائل

:)

بنقولها لك بمناسبة عيد ميلادك مرة و بمناسبة العيد مرة

:D

و بعودة عليك الأيام أيها الأخ الفاضل

:D

[متفائل]

الله يخليكم وكل سنة وانتم طيبين وعيد سعيد على الجميع (طبعا عيد الفطرالمبارك rs: )

والله يا جماعة انا فرحت أوي ان لسة فاكرني رغم مشاركاتي القليلة في النتدي

بس والله انا تقريبا بأدخل كل يوم ومتابع معظم المداخلات لدرجة اني حاسس ان المحاورات زي الادمان بالنسبة لي

ووالله انا نفسي أكتب من زمان بس بقول بيني وبين نفسي وإيه الفايده رغم كل الكتابات الجميلة والافكار النافعة الي بنقراها في المحاورات مفيش حاجة بتتغير يعني كل الحكاية اني مش عاوز اضيع وقت حد في قرائة مداخلاتي الي لا هتقدم ولا هتأخر لان كل شئ ماشي في البلد زي ماهو من زممممان ومهما قولنا مافيش فايده

(منتهي التفااااااااؤل :D )

فيروز (متشكر أوي وربنا يخليك ويوفقك وانا كمان بأتفائل لما أشوف مشاركاتك

لان الواحد بيطمن لما بيلاقي في ناس بيفكروبيحللوا الامور بطريقة عقلانية زيك ولا أذكيكي على الله)

كليو (متشكر جدا وحقيقي كتاباتك جميلة ومعلوماتك غزيرة وحقيقي بحب جدا أقراء مشاركاتك)

METALLICA (متشكر أوي على التورته والفرقة الموسيقية وربنا يخليك)

شعنونة (متشكر أوي ويارب يارب تكوني ديما سعيده ومتفائلة ونطمن عليكي ونفرح بيكي - استاذ.. استاذ.. يستي انا بفك الخط بالعافية :blink: )

محمد ( الله يخليك ويسعد ايامك وتعيش ديما متفائل)

Lighthouse (كل سنة وانتي طيبة ومتشكر أوي وعلى فكرة كتابتك جميلة وبحب أقرالك جدا)

Tamsite (كل سنة وانتا طيب ومتشكر أوي على الصور الي صورتهلنا في الحفل وربنا يعود عليك العيد بخير)

[فــيــروز]

ووالله انا نفسي أكتب من زمان بس بقول بيني وبين نفسي وإيه الفايده رغم كل الكتابات الجميلة والافكار النافعة الي بنقراها في المحاورات مفيش حاجة بتتغير يعني كل الحكاية اني مش عاوز اضيع وقت حد في قرائة مداخلاتي الي لا هتقدم ولا هتأخر لان كل شئ ماشي في البلد زي ماهو من زممممان ومهما قولنا مافيش فايده

(منتهي التفااااااااؤل  :blink: )

لا ازاى ماتقولش كده rs:

الحقيقه الواحد رغم انه فى احيان كثيره يشعر انه لا جدوى ومفيش فايده بس بردو يأتنس بقراءة افكار و مشاركات اخوانه فى المنتدى .. ومين عارف :D

[متفائل]

لا ازاى ماتقولش كده  rs:

الحقيقه الواحد رغم انه فى احيان كثيره يشعر انه لا جدوى ومفيش فايده بس بردو  يأتنس بقراءة افكار و مشاركات اخوانه فى المنتدى .. ومين عارف :P

حقيقي احيان كتير بستفيد من مشاركات الاعضاء

بس نفسي يكون فيه طريقة للتغير والاصلاح لان ممكن نفترض حلول ونقتلها بحثا واحنا موقنين ان الي في اديهم التغيير لن يعيروها اي التفات

[nashwa]

الأخ الفاضل متفائل

كل عام وأنت طيب

كل عام وأنت متفائل

كل عام وأنت راضى وسعيد

ربنا يعدلها ويبقى الواقع يبعث للتفائل فعلا

عيد ميلاد سعيد

rs: :P :o

[متفائل]

نشوى

أسف جدا جدا على تاخري في الرد عليكي

انا كنت فاكر ان مفيش حد أضاف ردود على الموضوع

وفكرت أشكر في رسالة خاصة علشان مافتحش الموضوع تاني بس لقيت انها مش حركة لطيفة انك تهنيني على الملاء واشكرك في رسالة خاصة

ربنا يبارك فيكي ويخليكي وسدقيني بحب أقرالك مداخلاتك وأرائك الجميلة

[disappointed]

:) fr1:: lo:: rs:

:) :D ;) brth)

كل سنه و إنت طيّب يا متفائل , معلش متأخرة بس أول مرّة أشوف الموضوع النهارده

[متفائل]

متشكر جدا يا دكتور وليد

وربنا يخليك ويسعد ايامك ومفيش حاجة تحبطك أبدا

وحقيقي والله باستمتع جدا بقرائة أفكارك وساعات بشفق عليك من المجهود الي بتبذله في مقالاتك وبهنيك على سعة صدرك واسلوبك المهذب في الحوار وعدم انزلاقك للتشنج

وتقريبا متفق معاك في كل حاجة حتي تشجيع الزمالك

بستثناء موضوع عبد الناصر

[yasovinas]

كل سنة وانت طيب يا اخ متفائل

طبعا احنا ما التقيناش من قبل على الاقل من ناحيتي والسبب هو قلة مداخلاتك معنا بس انا اهو بقولك كل سنة وانت طيب بس مش عايزين تبقى كل مداخله وانت طيب يعني عايزين نشوفك ونقرا مداخلات دايما معانا