اعتداءات من الشرطة العسكرية على المعتصمين امام مجلس الشعب

[se_ Elsyed]

على قناة النهار الأن

شهادة واحدة من البلطجية إسمها دكتورة نهاد أبو القمصان عضو المركز المصري لحقوق الإنسان

قالت بالنص ( ولسه بتتكلم ) : ألتقينا بالدكتور الجنزوري قبل المصيبة اللي حصلت وقال إن من حق المعتصمين أن يتظاهروا ويضربوا سلمياً لكن مش من حقهم يمنعوا وزير أو رئيس وزراء إنه يدخل مجلس الوزراء .. فوعدوه إنهم هايتفاوضوا مع المعتصمين وهايرجعوا له .. وبالفعل قالت بالنص والله على ما اقول شهيد إن جميع المعتصمين لم يصرح أحد فيهم إنهم سيمنعوا الجنزوري او أي وزير إنه يدخل مجلس الوزراء لكنهم معتصمون لإعتراضهم على حكومة الجنزوري وعلى طريقة معاملة مصابي وشهداء الثورة ...

وقالت لسه ما كملناش كلامنا وما عداش كام يوم إلا وحدث إعتداء سافر من الجيش على المعتصمين

وادانت بشدة تلك الإعتداءات البربرية

وأستشهدت والحمد لله ذكرنا ذلك بإن المعتصمين ظلوا لمدة 12 شهر امام مجلس الوزراء ومجلس الشعب أيام المخلوع وماحدش قال لهم بِم

وضربت مثال بإعتصامات الشباب الالمان المحترمين اللي ناموا على شرط القطار الذي كان ينقل نفايات نووية ... فبمنتهى البساطة عشان إخواننا اللي عاوزيننا يخترعوا العجلة .. ببساطة قاموا بتعيين 3 ظباط لحمل كل معتصم من على الأرض إلى سيارات الشرطة

وقالت الخلاصة : لو كانت الحكومة اعطت مهلة للمعتصمين لفض الإعتصام وخالف المعتصمون المهلة كنا نقول عندهم حق

لكن هل هذا حدث ؟

وهل كل صاحب ضمير ودين ويعرف ربنا .. سمع في حياته عن إعتصامات تفض بهذه الطريقة ؟

الإجابة هاتتحاسبوا عليها أمام المولى سبحانة وتعالى لما يسألك : كان موقفك إيه من الأنفس التي أُزهقت ؟

إيه هاتقول لي يارب أصل السبب كانت كرة وقعت وحصل كده ؟

---------

بيكلمني إستاذ عادل من شوية وبيقول لي إن البلطجية اللي فوق مجلس الشعب هما 200 واحد كان فتحي سرور معينهم واخدين بالكم .. وأستلموا الشغل الأسبوع اللي فاتت .. وإن شباب الألتراس بيحركهم جمال مبارك

فقلت له لو فعلاً ده تم .. أنا هانزل أتظاهر وأطالب برجوع فتحي سرور اللي مسحون من شهور طويلة ولسه بيعين وبيحرك الناس على الأرض

وسأطالب بجمال مبارك رئيساً للجمهورية طالما لسه له سلطة وقوة بهذه الطريقة

في حين من طنطاوي وإنت نازل للمخابرات وأمان الدولة والشرطة والجيش والجنزوري لسه لحد النهاردة بيتكلموا عن اشباح مجهولة وعن أطراف خفية هي اللي بتعمل كده

[pink rose]

د

رصد | حرم الشيخ المرحوم / عماد عفت " أمين دار الإفتاء " - السيدة / نشوى - صرحت في خبر قرأته مذيعة برنامج صباحك يا مصر على قناة دريم 1 في صباح اليوم : بأن زوجها رحمة الله عليه كان متوجهاً للمعتصمين لمحاولة إقناعهم بفض الإعتصام وعدم ضرب ورشق الجيش بالحجارة وأثناء... وقوفه مع بعض المعتصمين أمام مجلس الوزراء والتحدث معهم أخرج أحد المندسين بين المعتصمين مسدس وأطلق عليه النار في صدره #RNN

اسرة الشيخ قامت بتكذيب الخبر وزوجته اعلنت مطالبتها بحق مصر قبل حق زوجها اليوم

دا النفي اللي حضرتك تقصده؟؟؟؟؟؟؟؟

أسرة الشهيد الشيخ عماد الدين عفت

القاهرة 17 ديسمبر 2011

(وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ)

إننا إذ نحتسب عند الله تعالى الشيخ، فإننا نحمده جل شأنه أن أكرمه بالشهادة التي طالما تمناها وكان قد دعا الله وهو يؤدي فريضة الحج هذا العام أن يمنحها له، وفي وسط الثوار الذين شاركهم الاعتصام منذ اليوم الأول للثورة المباركة، وسارع بالتواجد معهم كلما دعا داعا الوطن، وكان معهم في معركة تحريره من أسر المتجبرين، من غير أن يقصر في المهمة العلمية التي سخره الله تعالى لها في بيان الأحكام الشرعية للخلق وإرشادهم لطريق الحق جل في علاه.

ونحن إذ تعتصر قلوبنا ألما على فراق الشيخ، فإننا نؤكد عزمنا سلوك كل الدروب، واتخاذ كل الأسباب، لا لمحاسبة المسؤولين عن قتله فحسب، وإنما لتحقيق ما خرج من أجله في أول الأمر، وهو استعادة الوطن لأهله، وتحرير إرادته من أسر أعدائه، وإعادة بنائه والنهوض به ليدافع عن الأمة ويحرر أراضيها ويحقق مصالحها، ولن يهدأ لنا بال حتى تتحقق بمشيئة الله تعالى تلك المقاصد السامية، التي سالت من أجلها الدماء الزكية للشيخ وغيره من الشهداء الذين سبقوه.

إن العين لتدمع، وإن القلب ليحزن، وإنا على فراقك يا فضيلة الشيخ لمحزونون، ولا نقول إلا ما يرضي ربنا عز وجل، إنا لله وإنا إليه راجعون.

رحم الله تعالى الشيخ، وأسكنه والشهداء الأبرار فسيح جناته، وألحقنا بهم على خير، وحرر الوطن من الفاسدين والظالمين.

أسرة الشهيد الشيخ عماد الدين عفت

فين قالوا الجيش هو اللي قتله و فين نفوا ان حد مندس هو اللي قتله؟؟؟؟؟

و طبيعي جدا انهم عاوزين حقه و حق مصر

و كلنا زيهم عاوزين حقه و حق مصر من اللي بيحصل فيها دا

و الولعة في مؤسسات الدولة اللي بيتبعها الله اكبر

[se_ Elsyed]

الصفحة الشخصية للشهيد علاء عبد الهادي طالب خامسة طب .. من شهرين وتصريحه بإنه خائف من الموت قبل أن يُنهي دراستة

لم يجرؤ أي من الداعين لقتل الملايين من المصريين على تفسير من هؤلاء ومن دفع لهم لكي يقتلوا او لماذا فعلوا ذلك وهم خيرة المجتمع ؟

[م تيمور المراغي]

يوم كان عصيب كر وفر لكن رجعنا تاني من للميدان ماخدوهوش مننا

ده فيديو ع السريع صورته لحظة اشتباكنا معاهم على كوبري قصر النيل قبل ما ندخل بدقايق

فيه فيديو تاني من صورته من ناحية الميدان حرفعه لما ارتاح بقالي 24 ساعه بدون نوم

الحمد لله الميدان رجع لينا

[ذهبية]

مفيش اى اعتراض ان الكل رافض التعامل بالطريقة دى و القتل و السحل و غيرة لا جدال عن ذلك

ومش هتلاقى اى حد فى المحاورات او الشعب كلة موافق على العدوانية او القتل او التعذيب

احنا عاملين بس نسخن فى بعض و كل واحد بيثبت ان كلامة هو اللى صح وان الجيش هو عدونا الاول و احنا لازم ننزل نشيلة من كرسية

وان البلطيجة دول من الشعب و هيجى علينا الدور احنا كمان

ووو ووو وو

كلكم معاكم حق

والحل يا حضرات

عايزها ولاعة لحد امتى ؟؟

؟

انا هامشى مع الى عايز يولعها

اوكية حد يقولى ما التالى

اية المفروض يحصل

؟؟؟ومين الى يقدر علية ؟؟؟و الاجراءات الى تم بطريقة تحافظ على مصر

مين اللى بايدة الان ياخد المسئولية و نمشى كلنا وراة و نقولة انت صح

مش عايزة كلام على الفاضى و تحليلات و اثباتات

عايزة حد يقولى الصح اية فى وضعنا الان

[aimen]

في وقت المحن والفتن إذا فقدت فطرتك السوية وقدرتك على التمييزالبسيط الواضح بين العدل والظلم والحق والباطل فقد فقدت الكثير..جدا

فصل الكلام لدكتورة هبة رؤوف

[ssmaly]

انا اتذكر هنا فى المحاورات قبل 25 يناير لما كانت هناك دعوة للنزول يوم 25 يناير قوبلت هنا من ناس كتير بنفس الكلمات بلاش تولعوها وبيعدبن الناس تتلم فى امن الدولة ولما قامت الثورة يوم 25 ويم 28 استطاعت ان تقضى على الداخلية وامن الدولة نفس الناس اصبحت ثورية

ولما قلنا منذ شهور طويلة ان هناك علامات استفهام وشك تجاه المجلس العسكرى وموقفه من الثورة معظم الناس شككت فى هذا الكلام وبلاش البلد تولع وكفاية لغاية كدة

ولغاية الان نفس الناس تدعوا لعدم توليع البلد مع ان الى بيولع البلد هو الى بيحكمها وليس الى المحكوم عليه

لى ملحوظة كنت قد ذكرتها فى موضوع سابق لماذا نتهم الضحية ونخلق اعذار للجانى؟

هناك قتلى ماتوا وهناك قتلة من الجيش ومن الشرطة لماذا نتهم القتلى بالبلطجية وبالشرطة والجيش انهم قتلوهم تحت ضغط او بخطأ شخصى او ان هناك اصابع خفية هى الى قتلت؟

البنت الى نزلت مظاهرة وتم الاعتداء عليها بيقلوا هى ليه نازلة الساعة الى متاخرة وكانت لابسة جينز ليه؟او لابسة حجاب شكله مش شيك ليه؟ والواد الى بقالة عدة ايام فى الشارع مش مسرح شعره ليه وشكله بلطجى او حتى بعد ماضربوه ومشوهين وشه ده شكله بلجى حتى شوفوا وشه ؟

اعتقد ان لابد من مصارحة النفس هل تؤمن بالثورة ومبادىء الثوة ولا انت مثل الناس الى راكبة تاكسى الثورة ؟

[bodi]

اتفضلوا

تم حجب الصورة

وحسبي الله و نعم الوكيل فيمن فعل فيها ذلك

اللهم اخزيهم في الدنيا و انتقم منهم في الآخرة

تم تعديل 17 ديسمبر 2011 بواسطة عبير الشرقاوي
حذف الصورة لعدم المشاركة في فضح الفتاة

[hanzmolar]

اتفضلوا

تم حذف الصورة

دى لو قوات احتلال مش حتعمل كده

تم تعديل 17 ديسمبر 2011 بواسطة عبير الشرقاوي

[eslam elmasre]

اتفضلوا

تم حذف الصورة

ونعم الرجولة

ونعم الوطنية

والله ماشوفت المنظر ده من جيش اسرائيل مع الفلسطينيات

فاضل لكم ايه وتبقوا زي جيش بشار

[aimen]

رصدت كاميرا «المصري اليوم» في صور جديدة انتهاكات قوات الجيش أثناء هجومها على المعتصمين والمتظاهرين في ميدان التحرير، ظهر اليوم السبت.

وتظهر في الصور فتاة محجبة تبدو فاقدة للوعي بينما يسحلها أحد جنود الجيش، ويركلها آخر بقدمه، قبل أن يتركوها على الأرض بعد نزع الجزء العلوي من ملابسها.

http://www.almasryal...com/node/555081

ربنا يبارك فيكم يا خير جنود الأرض

استقيموا يرحمكم الله

على فكرة الصور دى على رويترز كمان

ودا الفيديو

http://www.youtube.com/watch?v=EQzhVJd2Wi4

ودا طبعا كله فوتوشوب

يوووه

الفوتوشوب بتاع صور

يبقى كله

وندوز

تم تعديل 17 ديسمبر 2011 بواسطة aimen

[se_ Elsyed]

أقسم بالله العظيم بكيت من هذا المنظر الذي لم أشاهده في حياتي لكن سمعت عنه في ممارسات التتار عند إقتحامه لبلاد الخلافة الإسلامية

اما الكفار ومنهم أبو جهل فرفض يقتحم بيت أبو بكر عشان يسأل أين هرب أبوهم مع سيدنا محمد وقال مقولته الشهيرة : أتريدون أن تقول العرب أن أبا جهل قد روع الناسء ليلاً ؟

حسبي الله ونعم الوكيل

حسبي الله ونعم الوكيل

المشهد ده في التحرير النهاردة ... لا له دخل بمجلس الوزراء ولا القصر العيني ...

--------

ده اخر تصريح للمجلس العسكري

أعرب المجلس العسكرى عن أسفه الشديد لسقوط شهداء ومصابين وحدوث خسائر فى الممتلكات العامة والخاصة جراء الأحداث التى شهدتها منطقة وسط القاهرة.

اقرأ المقال الأصلي علي بوابة الوفد الاليكترونية الوفد - فيديو.العسكرى:نأسف لسقوط شهداء

تم تعديل 21 ديسمبر 2011 بواسطة Folana

[bodi]

حرق المصحف على ايدى جنود المظلات فى ميدان التحرير

http://www.youtube.com/watch?v=vBVhZSsikDM&feature=youtu.be

[se_ Elsyed]

حرق المصحف على ايدى جنود المظلات فى ميدان التحرير

http://www.youtube.com/watch?v=vBVhZSsikDM&feature=youtu.be

لأ هما ما حرقوش المصحف لوحده .. هما حرقوا كل اللي موجود في التحرير بعد سحل أي حد بيصور هناك ومنهم القنوات الفضائية

[عبير يونس]

3 مرات فشل مش كفاية يخللونا نغيّر الخطة؟؟؟؟؟!!!!

عفواً با عبير

أنتي هنا تتكلمي عن خطة وخطط وزعماء يخططون .. لكن نحن هنا امام 200 واحد او 300 ... عملوا لك إيه أو اضروا البلد في إيه ؟

ومن قبلهم 150 مصاب في صينينة ميدان التحرير . عملوا إيه للبلد واضروها في إيه ؟

خططهم همة يا أحمد

همة نزلوا عشان لهم هدف

و أكيد عندهم خطة لتحقيق الهدف

لما يلاقوا خطتهم فشلت و شبيهاتها من قبل كده

يبقى لازم يغيروا خطتهم

عشان يقدروا يصلوا لهدفهم

همة ماضرونيش أنا

ضروا نفسهم بالدرجة الاولى

وضروا معاهم ناس أبرياء راحو ضحية تخطيط غير سليم منهم

وهو أحنا قمنا بثورة ضد طاغية عشان يتولى 30 طاغية السلطة وينطوا على الكرسي وكل ساعتين يعملوا خطة وإحنا المفروض نفشلها لهم ؟

يعني نخلص من التعديلات الدستوري يدخلوا لنا في لجان وفاق قومي بتاعت الجمل .. يخلص الجمل يجيبوا السلمي .. يخلص السلمي يجيبوا مجلس إستشاري .. ويا عالم بكره هايعملوا إيه عشان يدخلونا في دوامة لا نهائية من المط والتسويف

---------

إلى الان لم نرى رداً من الزملاء الأفاضل على ردود أفعال حتى من كانوا يُحسبون بانهم في صف المجلس العسكري ومن إختارة ؟

زي بالظبط ما الكل دفن راسه في الرمل عندما جاء لنا من بداخل المطبخ السياسي زي وزير الثقافة عماد أبو غازي اللي كتب في إستقالته إنه بيستقبل نتيجة ممارسات المجلس العسكري ضد متظاهري محمد محمود .. ثم أتبعه حازم الببلاوي ...

إيه كل دول بقوا متىمرين وبلطجية هما كمان ؟

والحل ؟؟؟

يفضلوا معتصمين؟

وكل شوية يموت أبرياء؟؟؟

ندور على أسلوب تاني

خد بالك انهم عرفوا يوصلوا الناس يبقوا ضد الاعتصامات

وضد التحرير

وضد الثورة نفسها

حرب الأعصاب آتت أُكلها

و اللي معاه الحق بقى محدش مصدقه

و لما نوصل ان الناس تقول لنا اتلهوا على عينكم و اسكتوا

نفضل برضه نصرخ؟؟؟؟!!!!

و الا نشوف طريقة تانية؟؟؟

ده كل اللي باطلبه

نفكر في حل

من غير ما نستسلم و لا نبيع القضية

[متعب]

د

رصد | حرم الشيخ المرحوم / عماد عفت " أمين دار الإفتاء " - السيدة / نشوى - صرحت في خبر قرأته مذيعة برنامج صباحك يا مصر على قناة دريم 1 في صباح اليوم : بأن زوجها رحمة الله عليه كان متوجهاً للمعتصمين لمحاولة إقناعهم بفض الإعتصام وعدم ضرب ورشق الجيش بالحجارة وأثناء... وقوفه مع بعض المعتصمين أمام مجلس الوزراء والتحدث معهم أخرج أحد المندسين بين المعتصمين مسدس وأطلق عليه النار في صدره #RNN

ياصلاة الجمعه

مش فاهم يعنى ايه زوجته قالت وعادت

يعنى كده حلال قتله مثلا ولا ايه

نشرك للخبر وكأنه بينفى القتل

وعشرات الالاف ال شهدت جنازته دى . كانوا ماشييين فى جنازة وهميه

لاء وزوجته قالت وعادت

ياسلالالالالالالالالالالام

واخوه ال طلع على الجزيرة وقال انه كان مرابط بالتحرير من اول الثورة مابدأت . ده كان ضارب شوب بوظه

هو أى كلام يكتب نجرى جرى عليه ونعمل بيه حفله

كان ناقص بس ال قتلوه هما المعتصمين . ويطلع الشعب بمسيره ضد المعتصمبن . وتكون مليونيه

ممكن اعرف الخبر ده نشرتيه ليه

وهل ده مبرر لقتله

[bodi]

أقسم بالله العظيم بكيت من هذا المنظر الذي لم أشاهده في حياتي لكن سمعت عنه في ممارسات التتار عند إقتحامه لبلاد الخلافة الإسلامية

اما الكفار ومنهم أبو جهل فرفض يقتحم بيت أبو بكر عشان يسأل أين هرب أبوهم مع سيدنا محمد وقال مقولته الشهيرة : أتريدون أن تقول العرب أن أبا جهل قد روع الناسء ليلاً ؟

حسبي الله ونعم الوكيل

حسبي الله ونعم الوكيل

المشهد ده في التحرير النهاردة ... لا له دخل بمجلس الوزراء ولا القصر العيني ...

--------

ده اخر تصريح للمجلس العسكري

أعرب المجلس العسكرى عن أسفه الشديد لسقوط شهداء ومصابين وحدوث خسائر فى الممتلكات العامة والخاصة جراء الأحداث التى شهدتها منطقة وسط القاهرة.

اقرأ المقال الأصلي علي بوابة الوفد الاليكترونية الوفد - فيديو.العسكرى:نأسف لسقوط شهداء

يا استاذ شرفففففففففففففففففففففففففف الدين

يرضيك الجيش المصري العظيم يعمل كده

الجيش العظيم اللي سكت علي قتلاه امام اسرائيل تصدق ما سكتش علي البنت اللي مش كويسه دي

بس يمكن هي قالت لهم حاجة زعلتهم

لازم برضه نعذرهم هم برضه بشر و اكيد لازم يخدوا بتارهم من البنت دي

تم تعديل 21 ديسمبر 2011 بواسطة Folana

[aimen]

ناسف يا جماعه والله لو اذينا مشاعر البعض

تم تعديل 21 ديسمبر 2011 بواسطة Folana

[eslam elmasre]

ناسف يا جماعه والله لو اذينا مشاعر البعض

اذا كان عندهم اصلا

مستنين التبريرات

ومع اقصى تقدير تقديم الاسف وان ماحدش يوافق على كده بس بردوا هي اكيد استفزتهم ووصلتهم للمرحلة دي ودول ناس عليهم ضغوط وكده

والله لو في سوق مايجرؤش صايع يعمل كده في واحدة ست

مش احنا بردوا اهل المروءة والشرف

جدعان يا رجالة مصر

يا جيش مصر

يا اسود مصر

[متعب]

اتفضلوا

تم حذف الصورة

لايمكن ان تكون دى حكومه او جيش الا اذا كانوا هؤلاء خاضعين لشخص معتوه من الاصل

فين ال بيقولوا على انفسهم شرفاء الجيش دول

ده مش جيش . ده مشيليات ضد الانسانيه فشر المافيا

ومش هينفع نقول عليهم ميشليات اسرائيليه

لان اسرائيل لم تسجل طوال الستين عاما حادثه كهذه

واتحدى اى حد من بتوع لجنه السياسات دول ان يحضر لنا صورة كهذه للجيش الاسرائيلى

او افتعلها مع الفلسطينيات او ما شابه ذالك

رغم انه محتل للبلاد

هى دى الثورة ال سمعتنا صوتكوا وخلتكوا تحكموا البلد

هى دى الثورة ال خلتكوا تطلعوا فى وسائل الاعلام ونسمع عن اسمائكم ال عمرنا ما سمعنا عنها

صبرا آل التحرير فأن القصاص قادم لامحاله

تم تعديل 21 ديسمبر 2011 بواسطة Folana