اعتداءات من الشرطة العسكرية على المعتصمين امام مجلس الشعب

[احمد رضوان]

اوضح فديو للفتاة الضحية

الجيش فعلا ضربها

http://www.youtube.com/watch?v=4iboFV-yeTE

هؤلاء هم جنود فرعون وهامان

عندما تسقط الاخلاق فانتظروا الأسوأ

[عصام أبوالفتح]

اوضح فديو للفتاة الضحية

الجيش فعلا ضربها

http://www.youtube.com/watch?v=4iboFV-yeTE

انتظرى ولا تحكمى يا اخت زهراء حتى تعرفى ماذا فعلوا قبل السقوط .. ولماذا ترك العسكرى المشاة على اليمين ليمروا بسلام بينما سارع الجميع لطحن من اسقطوهم ولم يفرقوا بين شاب او شابة

انتظرى قليلا ولا تتسرعى بالحكم

[egyptawy]

نداء لكل الاخوة الى معترضين دايما و مش عاجبهم الوضع

بطلب من سيادتكم التجمع و النزول مع بعض للتحرير و مجلس الوزراء و بعد لما ترجعو و تشوفو بعنيكم عاوز اشوف حا تكتبو اية

الدعوة عامة للى عاوز ينزل و يعرف الحقيقة و دة امام كل الاعضاء على المنتدى علشان نعرف مين الى عفوا بيكتب و هو شاف بعنية و مين الى بيتكلم و هو ما شافش الموضوع من الاساس ماشى ازاىو بيحكم عواطفة

لما تنزل و تشوف بعنيك اطفال الشوارع و المقاطيع من فضلك ارجع اكتب مشاركة و قولنا عموما شوفت اية و رايك اية

[se_ Elsyed]

لسه برضوا هانبقى ملكيين أكتر من الملك ؟

ادي شهادة حية لحما الشهيد عماد عفت

http://www.youtube.com/watch?v=o0E9TarnJCY&feature=player_embedded

أسرة الشيخ عفت: الجيش كان مسلحا

أكد خالد البرماوي (صهر الشيخ عماد عفت شهيد الأزهر) أن الجيش كان مسلحا بأسلحة نارية والجميع شاهد الفيديوهات والصور الحقيقية لضباط الجيش وهم يطلقون النار والخرطوش بالاضافة للحجارة ولا يمكن لعاقل ينفي هذا وما يقوله المجلس العسكري من أكاذيب تنفيها شهادة الشهود والصوت والصورة وهم مغيبون والإنترنت فضح الجميع والنفي المستمر لتجاوزات السلطات يشعل الموقف.

وأضاف "البرماوي" فى تصريحات لقناة "أون تي في": إن الشيخ عماد كان يذهب لعمله بالأزهر نهارا ويعتصم بالتحرير ليلا ليكون مع الشباب و تضامن مع مطالبهم العادلة ، وأن ما ذكرته دار الإفتاء أنه كان موجودا بالصدفة خطأ، بل هو متظاهر ومن الثوار منذ 25 يناير وكل المعتصمين يعرفونه جيدا ويعرفون انه كان موجودا بينهم.

اقرأ المقال الأصلي علي بوابة الوفد الاليكترونية الوفد - فيديو. أسرة الشيخ عفت: الجيش كان مسلحا

[متعب]

يعنى حضرتك تركتى كل المداخلات كلها وعلقتى على جمله قلتها

مش اتباعه ال بيهاجموا حاليا دول

فاذا كان رب البيت رافض والبيت مش رافض بل وبيطلب سفك دماء البشر عادى جدا وانشله يتحرقوا بجاز وسخ

فى حين لم نرى نفس الردود على الجاسوس الاسرائيلى او طلب سفك دمائه او حرقه او الغوض فى اعراضه او فرح فيها

او نفس طلبهم من الجيش بقتله زى ما تمنوا للمصريين

تغاضيتى عن كل الاستفزازات دى كلها ليه ومسكتى فى جمله

حضرتك غلطان..

يعنى ايه ( مش اتباعه اللى بيهاجموا حاليا دول ؟؟)

لالالا ياسيدى الفاضل......مش اتباعه.

ايوة مش اتباعه اللى بيهاجموا .

مش فاهمة يعنى ايه رب البيت رافض والبيت مش رافض؟؟؟؟

ويعنى ايه بيطلب سفك دماء البشر عادى ( وان شاء الله يتحرقوا بجاز وسخ؟؟) بذمتك يعنى ده رد؟؟...دى طريقة مناقشة ؟؟

وايه دخل الجاسوس الاسرائيلى دلوقت ؟؟؟

انت عاوز تلخبط الدنيا ليه؟؟ يعنى المهم عندك انها تفضل والعة ؟؟

يعنى بصراحة شفت حد بيتكلم ف موضوع وكل شوية يقول ( هأو ) و( ياحللولى ) و ( عبط ف الجبل )...وكل الكلام اللى على طول بتقوله ده...لما مبقيناش عارفين احنا داخلين فعلا المحاورات والا احنا فين بالظبط؟؟

يعنى خلاص بصراحة مش فاهمة يعنى حضرتك سجلت مخصوص علشان تستفز الناس بهذا الاسلوب ؟؟؟

شئ زاد يعنى عن حده .

و...

متزعلش .

حاول تتغير شوية وصدقنى محدش بيتغاضى عن شئ مستفز.

امسك اعصابك شوية .....مسئولين الجيش مش هنا ومش سامعين حاجة من اللى بتقوله ...!!!!!

يعنى حضرتك كنتى معترضه على جمله

فى المداخله التانيه معترضه على اكتر من جمله

رغم انى سألتك على سبب اعتراضك على جمله وتركتى كل الردود ال بتطلب من الجيش الاباده الكامله للمعتصمين

اجبيهالك ولا حضرتك مش متابعه ال ردودى انا بس

[egyptawy]

طيب ممكن السادة الثائرين يقولونا ايه رايهم فى المقطع ده

www.youtube.com/watch?feature=player_embedded&v=8grDc-iz5wg

[احمد رضوان]

بعد ما قرأت اليوم لا اجد تعليقا غير هذا من على تويتر يناسب ما نحن فيه

ايها الثوارهل يستحق هذا الشعب دماءكم؟ بعد ما سمعته من وضاعة الناس اليوم اقترح ان تنسحبوا الى زمن آخر تثوروا فيه من اجل شعب يستحق

[ابوهنا]

الناس الا عمالة تفتى وهو قاعدة فى بيوتها

ده شهادة واحد كان هناك

طبعا كلنا سمعنا عن اللى بيحصل قدام مجلس الوزراء و فى شارع القصر العيني

و طبعا كتير اوى مننا مش مصدق صور الجنود و هما بيسحلو و يضربو الستات و الستات المنقبات كمان

المهم نزلت الناهرده على الساعه 4 العصر تقريبا لعل و عسى اللى اشوفه يقنعنى بوجة نظر الثوار (المجهوله اصلا)

من و انا فى المترو ... جت السيره و على الفور لاقيت حلقة النقاش اتكونت و الكل مؤيد لحكومة الجنزورى و ضد المعتصمين اصلا و ان حكومة الجنزورى من اول لما نزلت رجعت الامن تانى و هو افضل واحد فى المرحله دى و بالتالى الاعتصام ده مرفوض من البدايه

و برضه من الاقوال اللى سمعتها " واحد معتصم بيطالب بحق ... يقوم يلعب كوره ... وفين قدام مجلس الوزراء و لما الكوره تروح هناك يروح و يشتمهم " و ان الظابط اللى اتخطف مقابل عودة عبودى اتوفى متأثرا بإصاباته

على فكره الكلام ده مش رأئ الكلام ده اللى سمعته و انا فى المترو

طبعا نزلت فى محطة جمال عبد الناصر و دخلت من عبد المنعم رياض و لاحظت تحول صور علاء عبد الفتاح الى رمز للثوره بدون اى مبرر

اضغط هنا لمشاهدة الصورة بالحجم الطبيعي.

و ده من تكرار الصور بتاعته ووصفه بال"دكر"

و طبعا الكتابات الثوره اللى ملهاش معنى "زى سلم السلطه للشعب يا طنطاوى"

اضغط هنا لمشاهدة الصورة بالحجم الطبيعي.

و طبعا صوره كمان لقناص العيون اللى الثوار حكمو عليه بصرف النظر عن نتائج التحقيقات فى النيابه

اضغط هنا لمشاهدة الصورة بالحجم الطبيعي.

ماشى مش مهم ده كله

المهم

تلاحظو كل الاجزاء المحروقه من المبانى (كلها بدون استثناء) فى ناحيه الاماكن المتواجد فيها المتظاهرين

اضغط هنا لمشاهدة الصورة بالحجم الطبيعي.

ولفت انتباهى وجود العديد من اطفال الشوارع بعصى و شوم و زجاجات فارغه

اضغط هنا لمشاهدة الصورة بالحجم الطبيعي.

فى الشارع اللى فيه مجلس الوزراء لاقيت الجنود قافلين الشارع بالاسلاك الشائكه و الاشتباكات كلها بين المتظاهرين اللى امامهم اللى بيحدفو طوب على الجنود اللى موجودين على سطح مجلس الوزراء و هالنى منظر الطوب المتناثر زى المطر و الجنود ايضا كانو يردون القاء الطوب بالقائهم نفس الطوب (يعنى حد يقولى حيجيبو طوب منين دول من داخل مجلس الوزراء الا لو كان محدوف عليهم ) و برضه يقومون بعمل حركات نابيه للمتظاهرين ردا على حركاتهم النابيه و سبابهم الجماعى (حتسمعوه فى الفيديو ) و طبعا بين حين لأخر الاقى حد من العيال المشبوهين بيحدف قنبلة ملوتوف و

لكن زى ماقولت ان الاشتباك كله و تراشق الطوب المتبادل بين ال4 او 5 جنود فوق مبنى مجلس الوزراء و المتظاهرين اللى فى الشارع فقط .. لكن الجنود اللى واقفين و راء الاسلاك الشائكه اللى قافله الشارع لايتحركون و كأن مالهمشى وجود

الفيديو اهه من تصويرى - اعتذر عن ضعف امكانيات كاميرا الموبيل و بالتالى مش حتوضح الجنود لأنهم كانو بعيد و مش حتوضح حجم الطوب

‫ظ…ظ† ط§ط§ظ…ط§ظ… ظ…ط¬ظ„ط³ ط§ظ„ظˆط²ط±ط§ط، 17/12/2011‬‎ - YouTube

لما دخلت على مسرح الاحداث فى شارع القصر العيني اللى وجدته كالاتى

الشارع نفسه مقفول فى الجزء اللى بعد بنك التنميه و الائتمان الزراعى بالاسلاك الشائكه ووراها الجنود بالدروع الواقيه و تبادل الرشق بالحجاره بين الجنود دول و المتظاهرين

و بالتالى كان حجم تبادل تراشق الطوب اكبر لأن الطرفين عددهم اكبر (كان زى المطره)

نيجي بقى للطوب اللى المتظاهرين بيحدفوه ... مين قال ان ده طوب ... ده كسر رخام

اه و الله انا صورته فى الفيديو و كل شويه تلاقى اتنين او تلاته شباب شايلين لوح او اتنين رخام رخام خلعوه من مدخل المترو او من رخام بنك الاتمان الزراعى و بيجيبوه لمجموعه تانيه تكسره الى قطع اصغر المهم القطع دى بتبقى حاده جدا ولو جت فى دماغ حد ممكن تموته بسهوله

تخيل ناس بيحدفو كسر المبانى اللى بتلاقيه مرمى فى الشارع ... ده بقى اخطر منه لأن حوافه مدببه

و الجيش بيحدف نفس الكسر ده اللى اتحدف عليه

علشان كده عدد المصابين كتير

انا نفسى جت فيا طوبه فى رجلى وواحده تانيه جت فى كتفى و المتنى جدا (لولا انى لابس جاكيت تقيل كان ممكن تعورنى جامد ولو كانت جت فى راسى كنت مت ) و كل اللى كان بيصاب بالطوب ده من اللى حوليا كان بيتنقل لجامع عمر مكرم (اللى اتحول لمستشفى ميدانى كالمعتاد)

وشوفو الفيديو ده

‫ظ…ظ† ظ…ط¹ط±ظƒط© ظ…ط¬ظ„ط³ ط§ظ„ظˆط²ط±ط§ط، ظٹظˆظ… ظ،ظ¦ ط¯ظٹط³ظ…ط¨ط± OccupyCabinet violence | Dec 16th‬‎ - YouTube

وراجعو الاصابات المذكوره فى الفيديو كلها بلا استثناء من قطع الرخام الحاده دى .. رغم ان المتظاهرين شغالين يقولو بيضربو نار حى لكن دى مش اصابات طلق نارى (باستثناء اصابه الشيخ الله يرحمه)

لفت انتباهى ان اللى بيحدفو قنابل الملوتوف هما عيال شكلهم ضايع من اللى بيشربو كلله

و فى نفس الوقت كل لما حد من العقلاء يحاول يقولهم بس كفايه الاقى الكل بيتجاهله

وايضا لاحظت انتشار المنقبات و تواجدهم المكثف الغير مسبوق و اشتراكهم فى حدف الطوب بضراوه ( و انا مصور واحده و هى بتكسر فى الرخام و بتملا بيه شنطتها فى الدقيقه 2:42 )

‫ظ…ظ† ط´ط§ط±ط¹ ط§ظ„ظ‚طµط± ط§ظ„ط¹ظٹظ†ظٹ 2 17/12‬‎ - YouTube

الفيديو السابق من تصويرى و خدو بالكم فى المناقشه اللى حصلت بيني و بين واحد من اللى رافضين اللى بيحصل بس مش قادر يتكلم زى حالاتى فى الدقيقه 3:49

بالاضافه الى انتشار اكتر من واحد تقدر تقول عليهم محرضين كل شويه يطلع يعدى بين المتظاهرين و يقولك "انتو مش رجاله و لا ايه ... واقفين تتفرجو ماتحدفو طوب"

و تفاوت مستوى المحرضين دول بين ناس سرسجيه و ناس مستواها معقول و فيهم واحد لفت انتباهى اوى (كان لابس نظاره و جاكيت بدله و تحته بلوفر و شنب منمق زى شنب عماد حمدى كده ) ده بقى كان بيقولك ((اهجمو و ساعدو اخوانكم اللى بيضربو ورا ) على اساس ان فيه ناس بيهجمو و بيعدو الاسلاك الشائكه و الجيش بيضربهم )رغم انى وصلت لغايه الاسلاك دى و استحاله حد يعديها كده و برضه مره تانيه لاقيته بيقول لواحد من اللى معاه ملوتوف (حاول تولع الشجر اللى جنبهم )

للاسف ماعرفتش اصوره لأن كانت الدنيا ضلمت

وللامانه بين الحين و الاخر كنا بنسمع صوت طلقة رصاص ... لكن كان واضح اوى ان مصدر الصوت على الارض و من خلف صفوف الجنود يعنى من الاخر رصاص صوت او فى الهواء لكن استحاله يكون رصاص حى مصوب لقتل المتظاهرين لأنه علشان يوصل للمتظاهرين لازم يعدى فى الجنود اولا

وروحت صليت فى جامع عمر مكرم اللى جزء منه تحول لمستشفى ميدانى كالمعتاد و كان واقف قدامه عربيه اسعاف كبيره (شكلها كده مجهزه تجهيز متطور فوق الطبيعي ) بالاضافه الى عدد مايقرب من 15 - 20 عربيه اسعاف

اضغط هنا لمشاهدة الصورة بالحجم الطبيعي.

و داخل الجامع نفسه لاقيت اعداد فى حدود 10 من الناس اللى شكلهم غريب ده و هما نايمين فى الجامع .. بس طبعا ماجرؤتش اصورهم و كان منهم شباب و اطفال 16 او 17 سنه

بس الغريب انى لما خرجت من الجامع مالقتشى عربيات الاسعاف اللى كانت راكنه بره فى مكانها و مالقتشى غير عربيه الاسعاف الكبيره فقط (معرفشى باقى العربيات مشيت و لا غيرو مكان انتظارهم)

رجعت تانى عن مكان الاشتباكات بس كانت الدنيا ضلمت اوى و مابقتشى شايف الطوب اللى بيجيلك

و طبعا شوفت القناوات الفضائيه العربيه و الاجنبيه جايه تصور و طبعا حبه دراما لاقيتلك واحد عجوز (عجوز لكن مش مكنكح) بيؤدى المشهد ايها بتاع "بيموتونا الكفره ... بيضربونا بالرصاص الحى" بنفس استايل 28 يناير و يحرك ايديه الاتنين فى الهواء قدام الكاميرا ولاقيت نفس الشخص اللى قولتلكم عليه قبل كده (بالنظاره و البدله ام صديرى و شنب منمق بتاع عماد حمدى ) جاى من وراه جرى و هو بيقول "بيضربونا بالرصاص الحى "

و اقسم بالله انا ماشفتش حد بيضرب رصاص حى على المتظاهرين و لا شفت اى اصابات بالرصاص الحى و انا فى الجامع

و انا خارج من مسرح الاحداث و داخل على التحرير لفت انتباهى لاقيت واحده لابسه نظيف فى مركز حلقة نقاش كلها رجاله وقاعده تقول كلام من نوعيه (الحل هو ان الناس ينزلو كلهم) الى اخره اللى مش عاوز اقول عليه كلام تحريضى علشان ماحدش يهاجمنى هنا كمان

وفيه واحد من اللى واقفين قالها يا استاذه سلوى .. بسأل واحد من اللى واقفين مين دى قالى دى اعلاميه بس للأسف من الى شوفته ماركزتش اوى انى اعرف اسمها ايه و كمان هى كانت بتتكلم و بس من غير لا كاميرا تلفزيون و لا اى حاجه

دى شهادتى و انا قبل ما انزل كتبت نمرت موبيلى فى موضوع تانى و قولت اللى عاوز يجي معايا و يقابلنى فى الميدان علشان ماحدش يكدبنى

بس اللى عاوز افهمه ... اللى بيحدفو طوب دول عاوزين ايه دلوقتى ؟؟

الجيش عمل فاصل وواقف وراه و بيحدف نفس الطوب اللى بيتحدف عليه ... و اللى مش مصدقنى ينزل يشوف دلوقتى بدل شغل النت ده

و اعتذر عن ردائة التصوير للفيديوهات و الصور حيث انهم من تصويرى الخاص

احييك على شهادتك

طبعا شهادتك لن تجد لها صدى هنا لانك تقول الحق

لكن لو قلت انك شاهدت الشرطه العسكريه تقتل المتظاهرين كنت اخدت مائة نقطه خضراء

لان معظم الاخوه هنا عايشين فى دور الشهداء ومعظمهم فى جده والرياض وتبوك

يا منتدى الشهداء

[باهى الطائر الحزين]

لم ...

ولن يقف الزعران / في الصف يوماً !!

[عبير يونس]

بعد ما قرأت اليوم لا اجد تعليقا غير هذا من على تويتر يناسب ما نحن فيه

ايها الثوارهل يستحق هذا الشعب دماءكم؟ بعد ما سمعته من وضاعة الناس اليوم اقترح ان تنسحبوا الى زمن آخر تثوروا فيه من اجل شعب يستحق

أعطيتك نقطة خضراء على اتفاقي مع حضرتك على وضاعة حقيقية من تعليقات البعض كشفت عن ظلام نفوسهم

و لكني لا أتفق مع حضرتك حين تصم شعب بأكمله

مصر تستحق

و لكن الدماء التي سالت بكل أسف لن تغيّر شيء

و هذا ما يقهرني

فلنصون هذه الدماء

[Abu Reem]

بعد ما قرأت اليوم لا اجد تعليقا غير هذا من على تويتر يناسب ما نحن فيه

ايها الثوارهل يستحق هذا الشعب دماءكم؟ بعد ما سمعته من وضاعة الناس اليوم اقترح ان تنسحبوا الى زمن آخر تثوروا فيه من اجل شعب يستحق

يا استاذنا العزيز

ياريت بس تشوف الفيديو اللي في المداخلة اللي قبل مداخلتك مباشرة

وياريت تقرأ الشهادة التي ادرجها الفاضل ابجبتاوي

المسألة مش مسألة شعارات رنانة ومسابقة في الوطنية. لأن كلامك ده معناه ان الثمانين مليون اللي شايفين اللي بيحصل ده ومع ذلك لم يتدخلوا ولم ينزلوا لمسانده الموجودين في القصر العيني. معناها انهم اما لا يفهمون. او. غير واعيين لمصلحتهم أو أنهم معدومي النخوة والضمير

شوف بس الفيديو. واقرأ. المداخلة التي اوردها ايجبتاوي عن احد شهود الاحداث

وبعدين ابقى رد عليهم. ..... اما عن كلامك ان الشعب لا يستحق دماء الثوار الذي تتكلم عنهم فانا بقول لك ياريتهم يطلعوا رجالة وينفذوا كلامهم ويحرمونا من دمهم الغالي. ويوفروه

[باهى الطائر الحزين]

ادارة المنتدى : الأفاضل

هلا تفضلتم علينا :

بإعادة التقييم السالب رأفةً بنا

نحن كهول المنتدى ..

والمعرضون للإصابه / بالضغط العصبى

والسكته الدماغيه / والإسقاربوط !!

[عبير يونس]

ادارة المنتدى : الأفاضل

هلا تفضلتم علينا :

بإعادة التقييم السالب رأفةً بنا

نحن كهول المنتدى ..

والمعرضون للإصابه / بالضغط العصبى

والسكته الدماغيه / والإسقاربوط !!

سلامة حضرتك يافندم

و سلامة الأعضاء الكرام

هناك قائمة التجاهل يا فندم

لا تشوف المداخلات المستفزة

و لا تحرق دمك

[احمد رضوان]

لمن لم يبصر ولمن يصر على الاختباء او وضع رأسه في الرمل

هنا ينشر الدستور عشر فيديوهات لممارسات المجلس العسكري

لمن كان في قلبه مازال ينبض شئ من ضمير او كرامة

http://www.dostor.org/politics/egypt/11/december/17/64386

[محمد عبدالعزيز]

بعد ما قرأت اليوم لا اجد تعليقا غير هذا من على تويتر يناسب ما نحن فيه

ايها الثوارهل يستحق هذا الشعب دماءكم؟ بعد ما سمعته من وضاعة الناس اليوم اقترح ان تنسحبوا الى زمن آخر تثوروا فيه من اجل شعب يستحق

أتمنى فعلاً إن الكلام ده يحصل, بس ياترى المجلس العسكرى حيسيبهم؟

المجلس العسكرى خلاص الموضوع بالنسبة له بقى حرب وجود.

[محمد عبدالعزيز]

http://www.youtube.com/watch?v=ldDJ1autjRk

ياريت بقى الأهرام ترحمنا من اﻷخبار التعبيرية بتاعتها, وبلاش بقى حكاية إن الشيخ كان معدى بالصدفة ولا كان رايح يهدى الموقف.

الله يرحمك يا شيخ عماد ويصبر أسرتك وأولادك.

[Ahmed Anwer]

السلام عليكم ،،

صحيت اليوم متأخر جدا و نزلت جري علي المسجد الأزهر

عشان ألحق جنازة الشهيد الشيخ عماد عفت

و عقبال ما وصلت منطقة الأزهر كانت مقفولة تماما و اضطريت اركن بعيد يعتبر قرب الدراسة

مالحقتش الصلاة و لا الجنازة داخل المسجد ،، لحقتها في الخارج قرب دار الإفتاء

ما شاء الله ، الجنازة كانت ضخمة و مهيبة جدا جدا ،، الأعداد لا تحصر و طول الجنازة لا يدرك علي إمتداد البصر

كثير من الشخصيات السياسية و المشاهير كانوا حاضرين

هتافات غاضبة بدون تسقيف إحتراما للموت ،،

الناس حزينة و بيسألوا بعض هنفضل كده نشيع شهدا

الكل مش فاهم حاجة و بيسأل ما دام كل شوية بيحتلوا الميدان و يخلوا الإعتصام بسهولة ،، ميسيطروا عليهم و نرجع بيوتنا بدلا ما بيصطادونا

الناس في الشارع و السيارات متعاطفة جدا و النساء بتبكي في الشرفات

من الأزهر للسيدة عائشة ثم المدافن ،،، بعد الدفنة

تحولت الجنازة إلي مسيرة ضخمة إلي ميدان التحرير

بعد ما تحولت لمسيرة ابتدي يظهر ناس كثيرة بتشتم يا خونة يا شوية صيع يا عواطليه (( رغم إن كل المسيرة تقريبا خيرة و أنظف شباب و بنات في مصر ))

واحدة ست طلعت من شباك بيتهم تشتم و تقول يا خونة يا عملاء ، قبضتم كام

و قلة مؤيدين و متعاطفين

بس كله بالهدوء لأن الأعداد مهولة و المسيرة طولها بتاع نصف ساعة مبتخلصشي

فمحدهش يقدر يتحرش بالمسيرة

وأخترقنا شوارع نصف البلد ،، يمكن لو كان فيه وقت و أتجهزت صور للشيخ الشهيد كان الناس فهمت أسرع رغم كثرة الأزهريين معانا

حتي دخولنا ميدان التحرير في هتافات رجت شوارع نص البلد و ميدان التحرير

قعدت شوية في الميدان مع شباب حزب العدل ، اتناقش معاهم و أسمع قصة الدكتور يماني اللي تم خطفه و تعذيبه من مقر الحزب

و رجعت بتاكسي تاني للأزهر آخد عربيتي عشان خلاص كنت مش قادر من الأربع ساعات مشي

------------------------------------------------------------------------

علي الهامش :_

* اللي بيقول اللي في الميدان صيع و بلطجية و سبرسجية مش عارف بيجيب الكلام ده منين أنا مبشوفشي غير أنضف و أحسن شباب و بنات في مصر أو تقريبا كل واحد بيشوف اللي هوا عايزه ،،

يعني خلاص الصيع و السبرسجية اتلموا يملوا ميدان التحرير و يتحرشوا بالجيش !!!

* اللي بيقول البنت لابسة لبس خفيف ،، رغم إنه شئ لا يحتاج رد ، بس ببساطة الحركة و الزحام و الجري بتخلي الواحد عرقان و هيفطس اساسا

[عبير يونس]

http://www.youtube.com/watch?v=ldDJ1autjRk

ياريت بقى الأهرام ترحمنا من اﻷخبار التعبيرية بتاعتها, وبلاش بقى حكاية إن الشيخ كان معدى بالصدفة ولا كان رايح يهدى الموقف.

الله يرحمك يا شيخ عماد ويصبر أسرتك وأولادك.

لا حول و لا قوة إلا بالله

أكثر ما آلمني في كلامها

لما قالت كان بيتمنى الشهادة بس ماكانش يتمنى انها تبقى على ايد مصريين

[Alshiekh]

ملعون أبو دى ثورة اذا كانت هذه نتائجها وهؤلاء فى الفيديو هم قادتها

http://www.youtube.com/watch?v=8grDc-iz5wg&feature=share

استباحة الممتلكات العامة

والخاصة ... قريبا جدا ان لم نتحرك لوقف هذه المهزلة

الفيديو ده متفبرك ياباشمهندس

الناس اللي انت شايفها دي من كوالا لامبور والمبنى ده مبني مجلس الوزراء الكوالا لامبوري القريب من قصر العيني الكوالا لمبوري.

[Om Zayd]

معتز عبد الفتاح لسة قايل كلمتين من تجربته الشخصية

كل واحد بيشوف المنظر من الجهة اللي واقف فيها

و بيتعاطف مع الضحايا اللي في الجهة اللي شاف منها

و بيبقى عايز يولع في الطرف التاني

و اللي بيحاول يهدي الطرفين و يطالبهم برؤية الصورة كاملة

بيتشتم و يتضرب من الطرفين

قليل من الهدوء و العقل رغم الالم و الدم

حتى لا يزيد الدم و يتفرق بين القبائل