اعتداءات من الشرطة العسكرية على المعتصمين امام مجلس الشعب

[Om Zayd]

فيه حاجة احب ان اذكرها هنا

بعد شهر سوف نجتمع هنا على اتهامات ضد المجلس العسكرى ولكن سوف تتبدل الادوار سوف يتحول المدافعون بأستماة الان عن المجلس (الذى هو رمز الجيش ومن يهاجم المجلس يريد ان يسقط مصر حسب اقوالهم الان) الى مهاجمون للمجلس والعسكر وسوف تمتلىء الميادين بهم وسوف يعلونون الجهاد ضد المجلس ويمكن يستعملوا الفيدوهات المنتشرة الان لحشد الناس معهم ضد المجلس طبعا الكل عارف ايه سبب لما سيحدث بعد شهر(شهر العسل ) للاسف فيلم عربى قديم

اذا انقلب المجلس على مجلس منتخب

مفترض كلنا ننزل فعلا بغض النظر عن انتماءاتنا

لان ساعتها هيكون بينقلب على الشرعية

[متعب]

الى كل من تغنى بتطبيق الشريعه .

جريده أرتس الاسرائيليه تنشر الحقائق مصورة باتهاكات الجيش المصرى كامله

لنكتشف اننا امام شريحه من التيارات الدنيئه التى تطالب بتطبيق شريعه الغابه وتصفق لاى انتهاك لحقوق الانسان

استبدلوا الشريعه الاسلاميه بشريعه الغابه التى تنتهك فيها الاعراض وسط ترحيب من اتباعهم الضاله

بل ويتمنوا لهم الحرق والاباده

فهل هذه هى الشريعه التى تتحدثوا عنها

شريعه رمى الجثث فى الزباله أم شريعه انتهاك اعراض البنات

أم الشريعه اختصت لعبير وكاميليا ؟

أين هذه الملايين التى تغنت بتطبيق شرع الله واسلاميه اسلاميه . هل اختفت فى البرلمان ؟

فهل انتهاك الاعراض من ضمن شرع الله

أم انكم ستزيدون على فتواكم .

أطع ولى الامر ولو جلد ظهرك وسرق مالك وهتك هرضك وكشف على عزريه بناتك ؟

أم اننا ننتظر منكم فتواكم القادمه للجيش المصرى الذى خرج عن دائرة تكفيركم دون خلق الله

فهل ستكون الفتوى لحراسه الجيش المصرى للاسرائيليات فى طابا وشواطىء العراة فى دهب حلال

وتعريه وكشف عورات النساء من المصريات ايضاحلال

http://www.haaretz.com/news/middle-east/egyptian-soldiers-charge-tahrir-square-beating-protesters-and-burning-tents-1.401944

[shawshank]

رايي الشخصي

اعتصام كبير العدد في ميدان التحرير فقط و بدون تعطيل المرور

و لا يتعداه لاي شوارع ضيقة او اماكن اشتباك

و الضغط لتحقيق مستقل

أنا رأيي عصيان مدني مفتوح، وبرضه كبير العدد. محدش ينزل من بيته إلا للضرورة القصوى. أتوقع خلال 48 ساعة هيجيب نتيجة. للأسف بنرجع لورا نفكر نفس تفكير أيام المخلوع لأن يبدو إن النظام القديم مازال يحكم.

[م تيمور المراغي]

http://www.youtube.com/watch?v=YTvMCeRbbFE&feature=share

[م تيمور المراغي]

تشيررررر السنييين

اللي مش حيعمل شير هو حر :happy:

[se_ Elsyed]

100 شخصية عامة وبرلمانيون يتجهون لـ"قصر العينى" لوقف نزيف الدم

الأحد، 18 ديسمبر 2011 - 13:49

كتبت نورا فخرى ومروة الغول

تتوجه نحو 100 شخصية عامة وبرلمانيون وبعض شباب الثورة، لتكوين حاجز بشرى بين متظاهرى ميدان التحرير وقوات الجيش بقصر العينى، وذلك سعياً لوقف نزيف الدم بعد سقوط 10 شهداء حتى الآن.

وينشر "اليوم السابع" الشخصيات التى بصدد تكوين حاجز بشرى، وتضم الدكتور مصطفى النجار عضو مجلس الشعب عن العدل والدكتور عمرو حمزاوى عضو مجلس الشعب والكاتب معتز بالله عبد الفتاح وأحمد سعيد عضو مجلس الشعب وحاتم عزام عضو مجلس الشعب ومحمد دياب والناشط وائل غنيم أحد مؤسسى صفحة "كلنا خالد سعيد" وزياد على وزياد بهاء الدين وزياد العليمى عضو مجلس الشعب.

[متعب]

( هتاف نوارة نجم فى الجامع الازهر ) . ده عنوان الفيدو

مش عارف احط الفيديو مع الاسف . ياريت ياتيمور تحطه

يامشير خاين وعميل

خايف خايف خايف ليه

بعد القتل ده فاضل ايه

يسقط يسقط حكم العسكر

دول عاملين علينا رجاله

وبيرمونا فى الزباله

الزباله للمشير

والشرعيه من التحرير

أعمل راجل على الصينيه

وعلى الحدود اعمل وليه

قتلوا أخواتهم على الحدود

وهما بيحموا فى اليهود

ال بيقتل اهله وناسه

يبقى خسيس من ساسه لراسه

.

[Abu Reem]

100 شخصية عامة وبرلمانيون يتجهون لـ"قصر العينى" لوقف نزيف الدم

الأحد، 18 ديسمبر 2011 - 13:49

كتبت نورا فخرى ومروة الغول

تتوجه نحو 100 شخصية عامة وبرلمانيون وبعض شباب الثورة، لتكوين حاجز بشرى بين متظاهرى ميدان التحرير وقوات الجيش بقصر العينى، وذلك سعياً لوقف نزيف الدم بعد سقوط 10 شهداء حتى الآن.

وينشر "اليوم السابع" الشخصيات التى بصدد تكوين حاجز بشرى، وتضم الدكتور مصطفى النجار عضو مجلس الشعب عن العدل والدكتور عمرو حمزاوى عضو مجلس الشعب والكاتب معتز بالله عبد الفتاح وأحمد سعيد عضو مجلس الشعب وحاتم عزام عضو مجلس الشعب ومحمد دياب والناشط وائل غنيم أحد مؤسسى صفحة "كلنا خالد سعيد" وزياد على وزياد بهاء الدين وزياد العليمى عضو مجلس الشعب.

وائل غنيم. ومعتز عبد الفتاح وعمرو حمزاوي. اظن الناس دي مش من المحسوبين على القوى الاسلامية

ياترى ليه يعملوا حواجز بين الطرفين .... ليه

همه شايفين ان الثوار دول غلطانين ولا ايه...، لما الثوار دول تصرفهم وطني وسليم وهوه اللي هيخلص مصر من حكم العسكر وذلك عن طريق رمي الطوب

طيب ما يجيبوا طوب ويرموا معاهم. او حتى يقوموا بدعوة الناس لمزيد من الحشد ومزيد من رمي الطوب

غريبة والله الناس اللي رايحة تعرقل مسيرة الثورة دي ... ده خلاص فاضل كام طوبة والمجلس العسكري. يطفش من البلد

لازم كلنا نتهم هؤلاء الاشخاص وعلى رأسهم عمرو حمزاوي. اللي الناس اعطته اصواتها لازم نتهمهم بانهم عديمي النخوة وعديمي الوطنية والرجولة

بدل ما ياخذوا بتار البنت اللي اتضربت رايحين يعملوا حاجز ويهدوا الامور....اخص عليهم الوحشين

تم تعديل 18 ديسمبر 2011 بواسطة Abu Reem

[se_ Elsyed]

لازم نتهمهم بانهم عديمي النخوة وعديمي الوطنية والرجولة

فعلاً الجميع يرى الان من هم عديمي النخوة والرجولة وما بقاش فيه حاجه مستخبية

[متعب]

لازم نتهمهم بانهم عديمي النخوة وعديمي الوطنية والرجولة

فعلاً الجميع يرى الان من هم عديمي النخوة والرجولة وما بقاش فيه حاجه مستخبية

انا شايف انا كمان

[dawn walker]

مممكن نعرف تعريف معاليك للنخوة .. ؟!

[متعب]

النخوة دى جايه من وااه معتصماه

مش من واااااااااه متأسلماه

[aimen]

http://www.youtube.com/watch?v=gRyG_JaZDDQ

ياترى دى برضه رشاشات صوت مش كده

بالمناسبة لو حد فاكر الفيديو ده يوم 7 فبراير

http://www.youtube.com/watch?v=eXrZMo4AU88

تم تعديل 18 ديسمبر 2011 بواسطة aimen

[عصام أبوالفتح]

مطلبنا ان يسلم المجلس العسكري جميع صلاحيته الرئاسية والتشريعية ( تسليم حقيقي ) لرئيس الوزراء الحالي كمال الجنزوري رغم تحفظنا عليه ,,

وان يعود معززا مكرما الى دوره الاساسي والاهم وهو الحفاظ على الوطن من اي اعتداء ( خارجي )

بكده حنبقى حققنا اكثر من نصف مطالب الثوار و هدأنا من مخاوفهم بشان استيلاء العسكر على الحكم

لو تم ذلك سيقوم جميع المعتصمين في الميدان وامام مجلس الوزراء بتعليق اعتصامهم لاعطاء الفرصة لرئيس الوزراء لتنفيذ ماوعد به من اصلاح حقيقي ووقف العنف واطلاق سراح 12 الف معتقل سياسي و محاسبة كل من تورط في قتل الشهداء امام القضاء المصري العادل

انتو مين و لا مؤاخذه ؟؟؟؟

و بعدين هو مين اللى معتصم امام مجلس الوزراء و مانع الجنزورى يدخل اساسا

بل و ببجاحه قال يدخل من الابواب الخلفيه

عجبا لزمن يفرض فيه 200 معتصم رأيهم و ارادتهم على 80 مليون ...هزلت

.

ثم الطريقه الاوثق و الأكد يا تيمور

تتم الانتخابات و يجيئ من لن يساطيع مجلس العسكر مقاومته فى تسليم السلطه

و انت تعلمهم جيدا بل و حدد ميعادا لذلك فلماذا هذا العبث

المضحك انكم تقترحون الجنزورى المرفوض ابتداء و حتى الان من الكثيرين...منكم!!!! مش باقولك .هزلت

لا أدرى لماذا قفزت الى ذهنى أغنية .. ( مش إحنا العرايس .. أيوة .. أيوة احنا العرايس )

سواء عاد الجيش إلى ثكناته أم لم يعد قبل أو بعد 30 يونيو ..فالعرائس مهدت المسرح الان تماماً للفصل الثالث و الأخير..الاغتيالات السياسية

ما يعنينا هنا بل وما يطمئننى هو أن كل شئ مسجل .. وسيأتى الوقت ليعلم الجميع الحقيقة بكل أبعادها

[متعب]

ياترى دى برضه رشاشات صوت مش كده

بالمناسبة لو حد فاكر الفيديو ده يوم 7 فبراير

http://www.youtube.com/watch?v=eXrZMo4AU88

ياريت تجيب التعليقات ال على فيديو معتز مطر من اليوتب

مستغرب ازاى خلت من الاسلمه

بجد فيديو يخلى الحجر يبكى

والتعليقات مثيرة جداااااااااااا

[Abu Reem]

لازم نتهمهم بانهم عديمي النخوة وعديمي الوطنية والرجولة

فعلاً الجميع يرى الان من هم عديمي النخوة والرجولة وما بقاش فيه حاجه مستخبية

عديمي الرجولة والنخوة هم من يأجرون النساء ليتصدروا المشهد وليستغلوا وجود بعض الابرياء لكي يشعلوا الحرائق وينتهكوا. شرف دولة باكملها

عديمي النخوة هم من يهدمون المعبد على من فيه لانهم شعروا بان الشعب لايريدهم

ربنا ينتقم منهم ونشوف ليهم فيديوهات وهمه بينالوا ما يستحقوه ولم يعد شعب مصر الواعي يتأثر بهم بل يزداد سعادة كلما رأهم يفشلوا في تحقيق مخططهم القذر

فعلوها من قبل في ماسبيرو وفشلوا ونالوا جزاؤهم ،،، وفعلوها في احداث الداخلية ونالوا جزاؤهم

والان في هذه الاحداث ينالون جزاؤهم،،، وطالما فيه نظام وطالما فيه تحذير من المجلس العسكري واضح لكل اعمى وهذا التحذير فيه كلام واضح انه في حالة التخريب او العنف ضد امن مصر او ضد المنشأت او الافراد سيكون التعامل بمنتهى القسوة ، فيبقى. من خالف القوانين يتحمل ما يحدث له ولا يقعد يولول ويورينا فيدوهات

التحذير كان واضح واللي ما يحترمش رغبة الشعب. يبقى مايستناش تعاطف الشعب معاه خاصة لو كان بلطجي بيتمسح في شوية معتصمين او بيصدر النساء للمشهد ليستدر عطف الناس

تم تعديل 18 ديسمبر 2011 بواسطة Abu Reem

[نوران]

تشيررررر السنييين

اللي مش حيعمل شير هو حر :happy:

الشاب ده اللي ماسك شعلة النار بيولع المركز العلمي كنا فاكرينه من المعتصمين

لكن الصورة اللي علي اليمين بتأكد إنه من عساكر الجيش

والعساكر في الجيش مش ممكن يعملوا حاجة من دماغهم

لازم يكونوا واخدين أوامر بأي حاجة يعملوها

يعني العسكري ده بيحرق المركز العلمي بأوامر من القيادة بتاعته؟؟؟؟!!!!!!!!!!!1

يعني المجلس العسكري هو اللي أمر بإحراق المركز العلمي ؟؟؟!!!!!!!!!!

طيب ليه ؟؟؟؟

هدفهم إيه ؟؟؟؟؟؟؟؟

لاحول ولا قوة إلا بالله

لا حول ولا قوة إلا بالله

[Alshiekh]

مطلبنا ان يسلم المجلس العسكري جميع صلاحيته الرئاسية والتشريعية ( تسليم حقيقي ) لرئيس الوزراء الحالي كمال الجنزوري رغم تحفظنا عليه ,,

وان يعود معززا مكرما الى دوره الاساسي والاهم وهو الحفاظ على الوطن من اي اعتداء ( خارجي )

بكده حنبقى حققنا اكثر من نصف مطالب الثوار و هدأنا من مخاوفهم بشان استيلاء العسكر على الحكم

لو تم ذلك سيقوم جميع المعتصمين في الميدان وامام مجلس الوزراء بتعليق اعتصامهم لاعطاء الفرصة لرئيس الوزراء لتنفيذ ماوعد به من اصلاح حقيقي ووقف العنف واطلاق سراح 12 الف معتقل سياسي و محاسبة كل من تورط في قتل الشهداء امام القضاء المصري العادل

قدر علمي أنكم ( 6 إبريل ) دعوتم لإعتصام لرفض الجنزوري،

فهل تقبلون به رئيسا للدولة ورئيسا لمجلس الوزراء الآن؟

[ام سلمي]

المتظاهرين طردوا حمزاوي واللي معاه

فشلت عصر اليوم جهود الوساطة التي قام بها الناشط السياسي وائل غنيم والدكتور معتز عبد الفتاح والدكتور عمرو حمزاوي العضو الجديد في مجلس الشعب في إنهاء المواجهات بين المتظاهرين وقوات الأمن في شارع قصر العيني.

قام المتظاهرون بطرد حمزاوي من شارع قصر العيني، ورفضوا وساطته لإنهاء المواجهات، في الوقت الذي رفض فيه وائل غنيم الحديث إلى وسائل الإعلام أو حتى تصويره خلال خروجه من المنطقة واكتفى بإجراء بعض المكالمات الهاتفية.

وصب عمال مجلس الشعب والشورى جام غضبهم على حمزاوي بعد أن اتهمهم أمس في إحدى البرامج التليفزيونية بالتسبب في الأزمة الجارية حاليا.

اقرأ المقال الأصلي علي بوابة الوفد الاليكترونية الوفد - طرد حمزاوى وفشل وساطة غنيم فى قصر العينى

تم تعديل 18 ديسمبر 2011 بواسطة ام سلمي

[الغريب]

تشيررررر السنييين

اللي مش حيعمل شير هو حر :happy:

الشاب ده اللي ماسك شعلة النار بيولع المركز العلمي كنا فاكرينه من المعتصمين

لكن الصورة اللي علي اليمين بتأكد إنه من عساكر الجيش

والعساكر في الجيش مش ممكن يعملوا حاجة من دماغهم

لازم يكونوا واخدين أوامر بأي حاجة يعملوها

يعني العسكري ده بيحرق المركز العلمي بأوامر من القيادة بتاعته؟؟؟؟!!!!!!!!!!!1

يعني المجلس العسكري هو اللي أمر بإحراق المركز العلمي ؟؟؟!!!!!!!!!!

طيب ليه ؟؟؟؟

هدفهم إيه ؟؟؟؟؟؟؟؟

لاحول ولا قوة إلا بالله

لا حول ولا قوة إلا بالله

يا أخت نوران ركزي الله يكرمك

الصورة مقطوعة من الشخص اللي بيحرق وموضوعة لعسكري جيش

ركزي شوية ، ولا هو الراجل ده عاوج بقه على طول كدة

تم تعديل 18 ديسمبر 2011 بواسطة الغريب