اعتداءات من الشرطة العسكرية على المعتصمين امام مجلس الشعب

[se_ Elsyed]

انا شايف ان ماحدش يقدر يجزم بحاجة

ماحدش يقدر يقول مين اللى غلطان أو مين اللى ابتدا

كل اللى شايفينوا ان ناس بيضربوا بعض بالطوب

وماحدش هاينضرب بالطوب وهايسكت لازم يرد

اللى يقدر يقول مين اللى غلطان يبقى عندوا تفاصيل مش استنتاجات

لأن الاستنتاجات دى بتكون حسب الميول

واللى مش عارف ايه اللى بيحصل يقول معايا يا رب عديها على خير

كلما عين العقل

وعشان نقضي على تلك الإستنتاجات اللي بقى لها سنة تقريباً ..

تفتكر نطلب مساعدة منظمة الفاو أو اليونسكو .. عشان تقول للشعب إيه اللي حصل في ماسبيرو أو محمد محمود او ما يحدث الأن ؟

لما تقارن عصر مبارك بما فيه من جبروت وطغيان علني لمدة 30 عاماً .. هل فعل ما يفعله العسكر في عدة شهور الأن من قتل على الهواء لكل من يجرؤ ويقول لأ للظلم .. حتى لو كان غلطان ...

لإن إذا كنا عاوزين دولة محترمة .. يبقى لازم نلتزم جميعاً بالقانون وبالدستور اللي ما فيهوش أي مادة بتقول إننا نقتل كل ما يعتصم أو يتظاهر سلمياً

صح الكلام ولا غلط ؟

[pink rose]

انا شايف ان ماحدش يقدر يجزم بحاجة

ماحدش يقدر يقول مين اللى غلطان أو مين اللى ابتدا

كل اللى شايفينوا ان ناس بيضربوا بعض بالطوب

وماحدش هاينضرب بالطوب وهايسكت لازم يرد

اللى يقدر يقول مين اللى غلطان يبقى عندوا تفاصيل مش استنتاجات

لأن الاستنتاجات دى بتكون حسب الميول

واللى مش عارف ايه اللى بيحصل يقول معايا يا رب عديها على خير

يا رب عديها على خير

يا رب رد كيد اي حد نفسه البلد تخرب

يا رب انتقم من كل واحد بيعمل لشهرة او مصلحة شخصية او لمخطط هدفه خراب مصر و بيعها و تقسيمها

[التونسى]

ألبسوا بقه ،، دعم و مدد جااي

وهو المطلوب وكما قلتها فى احدى السداسيات ردا على الاخت ام سلمى فى موضوع مفروس بن مغلول

ربـــى .. يِكَــــتَر .. من أمثــــــالِك

محسوبـــِك .. عاجبــاه.. أزجـــالِك

إللى بــيــحــصــل ده ... مــلــعــوب

نــاس مــأجــوره .. تـحـدف طــوب

أمـــن .. يـــرُد .. ودا المـــطــلــوب

نمــشى .. ف ســكه .. أخرها مهالِك

[se_ Elsyed]

يا رب انتقم من كل واحد بيعمل لشهرة او مصلحة شخصية او لمخطط هدفه خراب مصر و بيعها و تقسيمها

أمين يارب العالمين

وليعلم الجميع بإن الشعب باقِ .. والفاسدون لن يفلتوا من الإعدام بإذن الله

[se_ Elsyed]

عضوي مجلس الشعب زياد العليمي وعمرو حمزاوي متواجدان الأن في قسم شرطة قصر النيل لتقديم بلاغات في الذين إعتدوا على المعتصمين أمام رئاسة مجلس الوزراء ..

دول برضوا متىمرين وعاوزين يبوظوا الإنتخابات أو يكسبوا نقاط على حساب الوطن ؟

[se_ Elsyed]

مين دول يا جماعة وبيعملوا إيه جوه مجلس الوزراء ؟

http://www.youtube.com/watch?v=dvKIhNWI-2g&feature=player_embedded#at=170

[se_ Elsyed]

المعلومة اللي لسه عارفها دلوقت ..

هي صدفة إن الحواوشي والسمك يبقوا بايظين أو فاسدين في نفس الوقت ؟

وإيه اللي جاب الحواوشي للسمك .. دول اساساً أكل ما يتفقش مع بعضه ؟

بسم الله الرحمن الرحيم

- الحواوشي عشان المسلمين

- والسمك لأن إخواتنا المسيحيين في صيام الأن ولا ياكلون اللحوم أو الألبان ومشتقاتها

الشيء لزوم الشيء

[عصام أبوالفتح]

شوية صيع. يروحوا يعتصموا مع شوية من البسطاء. ، فيقوم الصيع بالاتفاق مع شوية بلطجية علشان يعملوا خناقة مع بعض ويشعلوا الامور. ويقطعوا الطريق على الناس ويعملوا. لجان تفتيش في مداخل الشوارع وكأنها شوارع ابوهم

ولما الشرطة تدخل لانهاء هذه البلطجة تحدث المواجهات

حد عارف الناس المعتصمة دي عاوزه ايه او ما هي مطالبها المشروعة

فين المطالب علي اليافطات فين التعبير بادب

شوية صور لشوية بلطجية وشوية فيديوهات واعمل اثارة لمشاعر الناس

وطبعا الهدف افشال كمال الجنزوري وافشال وزير الداخلية الجديد علشان ندخل في مواجهات تاني ويسقط المصابين وبعدين نطالب بحقوق المصابين. ويالا ياجماعة فلتسقط الحكومة وليسقط مجلس الشعب ....ويالا ياالتراس نطالب بتعيين حكومة على مزاجنا

باذن الله هذه المرة الشعب لو نزل هيضرب مع الشرطة العسكرية هؤلاء الحوش

صح لسانك يابو ريم ... والهدف الأول فى وجهة نظرى هو التأثير على المستشار أحمد رفعت

تهمة قتل المتظاهرين ستسقط بسبب المتظاهرين أنفسهم .. ولاعب العرائس الخفى نجح فى هذه المهمة بكل سهولة للاسف .. وفشلت جميع محاولات المجلس العسكرى لتجنب ذلك.

الان .. انتظروا يوم 28 ديسمبر .. ربما يحمل اخباراً سيئة

[se_ Elsyed]

الرجال الحقيقيون هم من يظهرون وقت الشدائد

وعندك كمان إستقالة

عبد الفتاح" يستقيل من "الاستشارى" بسبب العنف ضد معتصمى "الوزراء"

الجمعة، 16 ديسمبر 2011 - 14:38

الدكتور معتز بالله عبد الفتاح أستاذ العلوم السياسية بجامعة القاهرة

كتب محمود حسين

أعلن الدكتور معتز بالله عبد الفتاح، أستاذ العلوم السياسية بجامعة القاهرة، استقالته من المجلس الاستشارى قائلا: "سأستقيل (وقد يلحق بى آخرون) من المجلس الاستشارى احتجاجا على هذا العنف غير المبرر من الشرطة العسكرية ضد المعتصمين المسالمين".

وأضاف "عبد الفتاح" على صفحته الشخصية بموقع الفيس بوك: "لو كان ما يحدث مقصودا ومدبرا، فهذه مؤامرة لن أشارك فيها، ولو كان غير مقصود وغير مدبر، فهذا يعنى أننا أمام مؤسسات مفككة لا تعرف كيف تدير الأزمات، وبالتالى لن أستطيع أن أرشد سلوكها مهما فعلت، ولك الله يا مصر

[عصام أبوالفتح]

هل عجز لاعب العرائس الخفى عن ارسال بوكس محمل بافراد يرتدون زى الشرطة لمجلس الشعب وتبديل افراد الامن هناك

ثم يقوم البلطجية الجدد فى زى الشرطة باستهداف احد الشباب امام الجميع وطحن عظامه امامهم لتسخين مشاعرهم لاقصى درجة .. ثم ينسحبون لداخل مجلس الشعب حين تأتى الشرطة الحقيقية ويهيج الشباب ضدها

ليصعدوا اسطح المبانى الخالية من اى حراسات وليلقوا بلاط الاسطح على الطرفين .. الشرطة والمتظاهرين

لتصبح مأساة جديدة تضاف الى مآسينا

[aimen]

2:48 أسماء محفوظ على تويتر: دكتور كريم محمد تم خطفه من المستشفى الميداني من قبل قوات الجيش وسحلوه داخل مجلس الوزراء وكهربوهم وسرقو اللي معاه.

2:44 د. حازم عبد العظيم على تويتر: لم أشعر بمهانة كما شعرت اليوم.أثناء هربي بانظر خلفي فتاه على الأرض يضربها عساكر بالبيادة حاولنا نرجع طلع علينا جنود مسلحين.

2:35 د.البرادعي الآن: "اذا كان رئيس الوزراء له الصلاحيات التنفيذية لرئيس الجمهورية بما فيها الأمن فبأي سلطة تتدخل الشرطة العسكرية؟ أين المصداقية و من المسؤول؟".

2:32 كنيسه قصر الدوبارة تستقبل المصابين في المستشفي الميداني.

2:28 بثينة كامل على تويتر : اسفة جداالحمدلله عبودي بخير وعلي حد قول محمد القصاص وفاة طفل عمره ١٠سنوات والعهدة عليه.

2:22 د. البرادعي على تويتر :حتى اذا كان الإعتصام مخالفًا للقانون هل يتم فضه بهمجية ووحشية هي في ذاتها مخالفة أعظم لكل القوانين الإنسانية ؟ ليس هكذا تدار الأوطان.

2:20 الصحة: إرتفاع أعداد مصابي اعتصام مجلس الوزراء إلى 36.. ودفعنا بـ16 سيارة إسعاف.

2:18 النشطاء على تويتر ينفون موت العبودي ويؤكدون تواجده بمستشفى القصر العيني القديم.

2:15 نقل مصور "العربية" في القاهرة إلى المستشفى بعد الاعتداء عليه بالضرب وتكسير الكاميرا.

2:10 الجنود المتواجدون فوق أسطح المباني يلوحون للمتظارهين بإشارات بذيئة والمتظارهين يهتفون " بص شوف الطنطاوي أهو".

2:09 القصر العيني يستقبل 7 حالات مصابين بطلق ناري.

2:08 الدكتور معتز عبد الفتاح على فيسبوك: سأستقيل (وقد يلحق بي آخرون) من المجلس الاستشاري احتجاجا على هذا العنف غير المبرر من الشرطة العسكرية ضد المعتصمين المسالمين. لو كان ما يحدث مقصودا ومدبرا، فهذه مؤامرة لن أشارك فيها. ولو كان غير مقصود وغير مدبر، فهذا يعني أننا أمام مؤسسات مفككة لا تعرف كيف تدير الأزمات، وبالتالي لن أستطيع أن أرشد سلوكها مهما فعلت. ولك الله يا مصر.

2:04 الإفراج عن غادة كمال عضو 6 ابريل بعد احتجازها وضربها .

2:02 هتاف المتظاهرين: " العبيط أهو" ، " ديكتاتور يا ديكتاتور.. يا مشير عليك الدور".

2:01 محمد الصاوي عبر تويتر: يثبت العسكريون مرة أخرى أنهم لا يجيدون التعامل مع المواطن؛و أثبت د.الجنزوري أنه لايملك كافة الصلاحيات كما أشيع عند توليه رئاسة الوزراء.

2:00 المتظاهرين يردون على ضرب الجيش: " لو راجل انزل.. الجدع جدع والجبان جبان.. واحنا يا جدع هنموت في الميدان".

1:59 ظباط الشرطة العسكرية يلقون الحجارة على المتظاهرين من أعلى المباني المحيطة بمجلس الوزراء والمتظاهرين يردون" لو راجل انزل.. لو راجل انزل".

1:58 أحمد خيري عضو المجلس الاستشاري يعلن استقالته من المجلس عبر حسابته على تويتر اعتراضا على أحداث فض اعتصام مجلس الوزراء.

1:55 عاجل: نشطاء الإسكندرية في طريقهم الي المنطقه الشمالية الآن.

1:50 ثلاث ممن تم القبض عليهم أثناء فض اعتصام مجلس الوزراء خرجوا من مجلس الشعب في حالة إعياء شديد ومصابين بإصابات بالغة نتيجة الضرب والتعذيب والسحل، وتم نقلهم إلى المستشفى.

1:49 الفنان نبيل الحلفاوي على تويتر: من مختلف الروايات والروابط والجزيرة كونت فكرة شبه كاملة عن تسلسل الأحداث..لعب كرة.وقعت داخل المجلس. رفض الضابط ردها، اشتبك معه شاب من الألتراس تصاعد الموقف.أخرجوه فى حالة سيئة.ثار الشباب.قطعوا شارع القصر العيني واشتعلت النار في سيارة وسور المجلس، ثم بدأت الشرطة العسكرية في مهاجمتهم وفض الاعتصام واشتعل الموقف.أصيب عديد من الشباب.الجيش الآن يغلق شارعي القصر العيني ومجلس الشعب

1:48 ثينة كامل على تويتر: محمد القصاص: الجيش بيضرب دلوقتي نار عالشباب وعبودي ضحية تعذيب الجيش أمس مات الله يرحمه.

1:47 قوات الجيش تطارد المتظاهرين وصولا لبنك التنمية والإئتمان الزراعي قبل ميدان التحرير بمسافة حوالى 150 متر ، واعداد المصابين في تزايد.

1:46 الهتاف يعلو بقوة في شارع مجلس الوزراء" الشعب يريد إسقاط المشير"، "الشعب يريد إعدام المشير".

1:45 حركة شباب 6 ابريل على تويتر: على مجموعات 6 إبريل بالقاهره والجيزه التوجه الى اعتصام مجلس الوزراء (كلنا نازلين لان مع العدد الجبناء ينسحبون)

1:44 د .عمار علي حسن : من يزج بقوات "الشرطة العسكرية" أو غيرها من تشكيلات الجيش في مواجهة المعتصمين والمحتجين والمتظاهرين السلميين يقامر بأمن مصر ومستقبلها، ويتحمل المسئولية أمام الله والوطن عن العواقب الوخيمة التي ستنجم عن انزلاق القوات المسلحة إلى مستنقع السياسة.

1:43 سماع دوي طلقات نار بين الحين والآخر في اشتباكات الجيش مع المتظاهرن.

1:42 النشطاؤ على تويتر: لو اتقبض عليك ابعت رسالة بأسمك رباعي علي: 01220624003 01063347782

1:40 تجدد الاشتباكات بين الشرطة العسكرية والمتظاهرين في شارع مجلس الوزراء.

1:39 وائل عباس على تويتر: سميرة ابراهيم صاحبة قضية كشف العذرية .. مخطوفة داخل مجلس الوزراء.

1:38 الثوار يمنعون شاهين من التفاوض مع الجيش مرددين "اشتباكات زي اللي فاتت خالتك سلمية ماتت".

1:37 قوات الجيش تطارد المتظاهرين في شارع القصر العيني ودفعهم تجاه ميدان التحرير.

1:32 أحمد خيري عضو المجلس الاستشاري على صفحته بفيس بوك: اعتذر للجميع عن قبولي عضويه المجلس الاستشاري وأعلن استقالتي منه.

1:30 نشطاء يطلبون نزول المحامين إلى مستشفى القصر العيني مع المصابين لمنع فبركة التقارير.

1:27 نور أيمن : ظابط مظلات اسمه حسام كان بيمر يتعدي بنفسه بالقول على البنات واليد على الولاد.

1:24 المعتصمون يستغيثون ويطالبون من الأطباء النزول إلى مجلس الوزراء لإنقاذ المصابين.

1:22 مطالب بمحاكمة العميد مجدي أبو المجد القائد الميداني لقوات المظلات والشرطة العسكرية بوسط القاهرة ومن أصدر له الأوامر بالاعتداء على معتصمي مجلس الوزراء.

1:20 عمر طاهر يسخر من أحداث جلس الوزراء على تويتر: بيان 90 من المجلس العسكرى : الكرة لو جت هنا تانى هاقطعها.

1:19 الدكتور أيمن نور عبرتويتر : الإفراج عن ابني نور بعد الاعتداء عليه بالضرب واحتجازه بمجلس الشعب والمطلوب هو الإفراج عن مصر واسقاط حكم العسكر.. لا لبلطجة العسكر.

1:18 نشطاء في الاسكندرية يتوجهون الان للمنطقة الشمالية.

1:17 نشطاء الفيسبوك : تواجد مكثف لقوات الصاعقة الآن بشارع مجلس الوزراء.

1:16 عمرو حمزاوي على تويتر : نرجو من كل من تعرض لاعتداء الحضور إلى قسم قصر النيل للتضامن في البلاغ أو تقديم بلاغات مستقلة.

1:15 زياد العليمي على تويتر : قوات الجيش ضربتني أمام مجلس الوزراء والضابط هددني: «المجلس لن يحميك".

1:14 عمرو سلامة عبر تويتر: ضرب ظابط جيش لنائب في البرلمان تحت في الشارع أبلغ دليل لما سيحدث فوق في السياسة.

1:12 إغلاق شارع القصر العيني وميدان التحرير أمام حركة السيارات.

1:10 عبد المعطي محمد قاسم من قناة 25 مصاب برصاص حي في رجله...في طوارىء القصر القديم. حاليا

1:09 وصول 8 سيارات إسعاف لشارع القصر العيني لنقل ضحايا اعتداء الشرطة العسكرية.

1:07 نقلا عن الجزيرة مباشر مصر: الجنزوري ينتقل إلى مكتبه بهيئة الاستثمار لمتابعة أحداث اعتصام مجلس الوزراء.

1:05 الهتاف الآن في التحرير: دول مش جيشنا دول بلاوي دول كتائب الطنطاوي.

1:04 مظاهرة مسجد عمر مكرم تصل الآن لمساندة المعتصمين.

1:03 النشطاء على تويتر: تم القبض على أكثر من 30 متظاهر وهناك أنباء عن احتجاز المعتصمين داخل مجلس الشعب.

1:01 النشطاء يؤكدون خروج كل البنات واستمرار احتجاز الشباب من قبل الشرطة العسكرية.

1:00 المتظاهرون يغلقون "التحرير" من جهة المتحف المصري ويحولون حركة المرور.

12:59 النشطاء السياسيون والثوار يعلقون اشتراكهم في مبادرة "اشتري مصري"و يتجهون إلي ميدان التحرير بعد مجهود أيام مضت في الحملة الدعائية.

12:59عمرو واكد على تويتر : نفسي أعرف ما هو نوع التأهيل النفسي الذي يتلقاه ضابط الجيش... لكي يقبل التعدي بقسوة على شعبه بدلاً من أن يفديه ويحميه؟ صباح المعونة الانتهاكية .

12:58 الهتاف أمام مجلس الوزراء الآن: الشعب يريد إعدام المشير.

12:57المعتصمون ينجحون في إطفاء حريق خلف أسوار ''الشورى''.

12:52مظاهرة قادمة من ميدان التحرير متجة إلى شارع القصر العيني.

12:51الشيخ مظهر شاهين يقود مظاهرة كبيرة منطلقة من مسجد عمر مكرم تنضم إلى المعتصمين أمام مجلس الوزراء

12:50 زياد العليمي يخرج بعد احتجازه والاعتداء عليه بالضرب والسباب، ويتوجه لقسم قصر النيل لتحرير محضر بالواقعة.

[aimen]

مش عاوز اعلق على اللى فى الصور

كل واحد وضميره

بس خلى بالك

دورك جاى

تم تعديل 16 ديسمبر 2011 بواسطة aimen

[pink rose]

1:49 الفنان نبيل الحلفاوي على تويتر: من مختلف الروايات والروابط والجزيرة كونت فكرة شبه كاملة عن تسلسل الأحداث..لعب كرة.وقعت داخل المجلس. رفض الضابط ردها، اشتبك معه شاب من الألتراس تصاعد الموقف.أخرجوه فى حالة سيئة.ثار الشباب.قطعوا شارع القصر العيني واشتعلت النار في سيارة وسور المجلس، ثم بدأت الشرطة العسكرية في مهاجمتهم وفض الاعتصام واشتعل الموقف.أصيب عديد من الشباب.الجيش الآن يغلق شارعي القصر العيني ومجلس الشعب

هل دا سبب تولع بلد عشانه من اسكندرية لاسوان زي ما هانشوف؟؟؟؟؟؟؟؟؟؟؟؟؟

اسكندرية اتحركت فيها دلوقتي مظاهرات

و البقية تأتي

برافووووووووووووووووووووووووووووووو

[Om Zayd]

لا حول و لا قوة الا بالله العلي العظيم

يا رب .. في هذا اليوم العظيم و ساعات الإجابة

رد كيد الكائدين و من ارادنا و بلادنا بسوء في نحورهم

..

أنا عايزة اعرف .. الشرطة العسكرية بتتحرك من نفسها يعني؟؟

حتى لو حصل استفزاز لهم .. مفيش عقل؟؟

مفيش حكمة؟؟؟

حتى يعني عشان تبطلوا حجة اللي بيدعوا لثورة لاسقاط المجلس العسكري في عيد الثورة

الناس كانت ناوية من النهارده نركز في ادعم بلدك .. اشتغل

لكن ازااااااااااي؟؟

لازم مصيبة جديدة

كنت فاكرة ان تطور وسائل التصال و نقل الاحداث هيخلي صعب حد يضحك علينا

هيخلينا نعرف اكثر

لكن الحقيقة ان فعلا محدش يقدر يجزم بحقيقة ما يحدث

[متعب]

عضوي مجلس الشعب زياد العليمي وعمرو حمزاوي متواجدان الأن في قسم شرطة قصر النيل لتقديم بلاغات في الذين إعتدوا على المعتصمين أمام رئاسة مجلس الوزراء ..

دول برضوا متىمرين وعاوزين يبوظوا الإنتخابات أو يكسبوا نقاط على حساب الوطن ؟

زياد العليمى ده اشرف شخصيه فى مصر

انا اعرفه معرفه شخصيه ومن المقربين لى

انسان وطنى الى ابعد اى تصور

يبقى ازاى هيبوظوا الانتخابات ياسى السيد وهما اصلا خلصوا الانتخابات ونجحوا الاتنين

وعل فكرة بقى زياد العليمى ولا يشترى العسكر دول بشلن ولا حتى المجلس ال نجح فيه ده

وان شاء الله الموضوع ده مش هيعدى بالساهل وهتشوف زياد العليمى هيعمل ايه

ال بيحصل امام مجلس الوزراء بيقول ان مفيش فى الجيش ده شريف

وان الجيش ده مش بتعنا وانه كتيبه تابعه للاسرائيل

[Om Zayd]

1:49 الفنان نبيل الحلفاوي على تويتر: من مختلف الروايات والروابط والجزيرة كونت فكرة شبه كاملة عن تسلسل الأحداث..لعب كرة.وقعت داخل المجلس. رفض الضابط ردها، اشتبك معه شاب من الألتراس تصاعد الموقف.أخرجوه فى حالة سيئة.ثار الشباب.قطعوا شارع القصر العيني واشتعلت النار في سيارة وسور المجلس، ثم بدأت الشرطة العسكرية في مهاجمتهم وفض الاعتصام واشتعل الموقف.أصيب عديد من الشباب.الجيش الآن يغلق شارعي القصر العيني ومجلس الشعب

هل دا سبب تولع بلد عشانه من اسكندرية لاسوان زي ما هانشوف؟؟؟؟؟؟؟؟؟؟؟؟؟

اسكندرية اتحركت فيها دلوقتي مظاهرات

و البقية تأتي

برافووووووووووووووووووووووووووووووو

لسة كنت بكتب الكلام ده

بقى كورة تولع الدنيا؟؟

مفيش ريحة العقل يا ناس؟؟

عارفة ان فيه غل مكتوم و شحن للطرفين

بس مفيش ضمييييييييييييير

مفيش حكمة؟؟؟؟؟؟؟؟؟؟؟؟؟؟

حسبنا الله و نعم الوكيل

[م تيمور المراغي]

انا رجعت ارتاح شوية ونازل تاني

دي فيديوهات صورتها وانا هناك ع السريع

http://www.youtube.com/watch?v=dbyjY-R_eHg&feature=youtu.be

http://www.youtube.com/watch?v=Z6sOInyd1oQ&feature=g-upl&context=G2285d2aAUAAAAAAABAA

تم تعديل 16 ديسمبر 2011 بواسطة م تيمور المراغي

[aimen]

كلنا خالد سعيد

من حقك إنك ترفض الاعتصام وتقول إنك مش متفق على مطالب المعتصمين.. بس أي سُلطة في العالم دورها هو النظام والحفاظ على أرواح المواطنين أيّا كانت مطالبهم .. الفارق بين الأفراد والسلطات إن السلطة القوية عندها قدرة على ضبط النفس والتعامل بحزم للخروج بأقل الخسائر في الطرفين .. لكن اللي بيحصل في مصر هو فقدان كامل للقدرة على السيطرة على الأحداث وتعامل الأجهزة الأمنية مع الأحداث بمنطق خناقات الشوارع واستخدام كل ما هو متاح لتحويل القضية من محاولة لفض اعتصام أو حتى محاولة لوقف المعاركة إلى معركة يجب أن يخرج فرد الأمن فيها منتصر بشكل شخصي .. الكلام ده مش هيعجب ناس كتير بس هو الحقيقة .. الفشل في التعامل كل مرة مع اعتصامات بيشارك فيها مئات أو حتى آلاف وبنلاقي في النهاية عشرات أو مئات المصريين مصابين من كل الأطراف ده بيدل على فشل ذريع في القدرة على معالجة أي أزمة

ولابد من يوم معلوم تترد فيه المظالم أبيض على كل مظلوم أسود

[pink rose]

عضوي مجلس الشعب زياد العليمي وعمرو حمزاوي متواجدان الأن في قسم شرطة قصر النيل لتقديم بلاغات في الذين إعتدوا على المعتصمين أمام رئاسة مجلس الوزراء ..

دول برضوا متىمرين وعاوزين يبوظوا الإنتخابات أو يكسبوا نقاط على حساب الوطن ؟

زياد العليمى ده اشرف شخصيه فى مصر

انا اعرفه معرفه شخصيه ومن المقربين لى

انسان وطنى الى ابعد اى تصور

يبقى ازاى هيبوظوا الانتخابات ياسى السيد وهما اصلا خلصوا الانتخابات ونجحوا الاتنين

وعل فكرة بقى زياد العليمى ولا يشترى العسكر دول بشلن ولا حتى المجلس ال نجح فيه ده

وان شاء الله الموضوع ده مش هيعدى بالساهل وهتشوف زياد العليمى هيعمل ايه

ال بيحصل امام مجلس الوزراء بيقول ان مفيش فى الجيش ده شريف

وان الجيش ده مش بتعنا وانه كتيبه تابعه للاسرائيل

مش عارفه الصراحة ايه التعليق المناسب على السطرين اللي كبرتهم دول

[متعب]

عضوي مجلس الشعب زياد العليمي وعمرو حمزاوي متواجدان الأن في قسم شرطة قصر النيل لتقديم بلاغات في الذين إعتدوا على المعتصمين أمام رئاسة مجلس الوزراء ..

دول برضوا متىمرين وعاوزين يبوظوا الإنتخابات أو يكسبوا نقاط على حساب الوطن ؟

زياد العليمى ده اشرف شخصيه فى مصر

انا اعرفه معرفه شخصيه ومن المقربين لى

انسان وطنى الى ابعد اى تصور

يبقى ازاى هيبوظوا الانتخابات ياسى السيد وهما اصلا خلصوا الانتخابات ونجحوا الاتنين

وعل فكرة بقى زياد العليمى ولا يشترى العسكر دول بشلن ولا حتى المجلس ال نجح فيه ده

وان شاء الله الموضوع ده مش هيعدى بالساهل وهتشوف زياد العليمى هيعمل ايه

ال بيحصل امام مجلس الوزراء بيقول ان مفيش فى الجيش ده شريف

وان الجيش ده مش بتعنا وانه كتيبه تابعه للاسرائيل

مش عارفه الصراحة ايه التعليق المناسب على السطرين اللي كبرتهم دول

فكرى وقولى الانسب ايه