اعتداءات من الشرطة العسكرية على المعتصمين امام مجلس الشعب

[se_ Elsyed]

هتافات نساء السويس الأحرار المحجبات والمتقبات يهتفن الأن

- إحلقوا شنباتكم .. طنطاوي عرا بناتكم

- ياللي ساكت ساكت ليه .. بعد العرض فاضل إيه

- ياللي نايم عالسرير .. البنات نزلوا التحرير

[Abu Reem]

طيب ركز معايا يابو عمر وشوف اللي هاقرله

- فبل اي شيء محدش بيقول ان الثورة تقف أو أعيينا تغفل عن ثورتنا وبلدنا

لكن كل ما في الامر هو اختلاف التطبيق او الوسيلة لتحقيق الهدف

- هناك من يرى انه لابد من استخدام العنف والبلطجة وارهاب مجلس العسكر وهناك من يرى استخدام كل الوسائل الاخرى المتاحة للوصول للهدف حتى لو تأخرنا قليلا للوصول للهدف

- اصحاب طريق العنف اولا لازم تعرف وتتأكد ان فيهم نسبة لادبأس بها لا يريدون سوى ادخال مصر في مرحلة من الفوضى المستمرة والفوضى والتفتيت

واوعى تكون مش مدرك كده..!! زي برده ما انت واحنا ايضا عارفين ان مش كل اللي في المجلس العسكري نظاف وعاوزين مصلحة مصر...يعني الطرفين فيهم اصحاب النوايا الزفت

- تخيل بقى اصحاب النوايا الزفت من بعض اعضاء المجلس العسكري لما تيجي لهم فرصة من ذهب لما يلاقوا اصحاب النوايا السيئة ممن يسمون انفسهم ثوار يثيرون الفوضى ويفتعلون الاحداث ثم ترى الضرب والسحل والتخريب يشتغل..... تفتكر كده هيوصلنا لشيء؟؟؟

- طبعا في عز الفوضى والتخريب انسى المجلس العسكري يترك السلطة بل بالعكس هذا اهم سبب سيأتيه على الجاهز لعدم تسليمه للسلطة يبقى الاحداث دي ستأتي على هوى بعض المخربين من الثوار وايضا على هوى بعض رجال المجلس

- التزام ضبط النفس وتحمل الاذى وفض كل الاعتصامات لن يتيح للمجلس اي حجة لتسليم السلطة وبعد انتخاب اعضاء البرلمان لن يكون امامهم اي حجة لعدم استمرار الجدول الزمني وبالتالي سندخل مرحلة انتخابات الرئاسة

- اما الطريق الاخر وهو استمرار الاعتصامات والمواجهات بدون قوة شعبية تدعمه ستؤدي به الى الفشل والدخول في اضراباط مستمرة لا نعرف متى ستنتهي وستطول الفترة كثيرا وعندها لن نحصل لا على انتخابات رئاسة ولا على تنحية المجلس العسكري بالقوة

- ولعلمك لو خرج المجلس العسكري بمفاجأة الان واعلن تسليم السلطة لمجلس رئاسي مدني

ستجد بعد فترى قوى اخرى وثوار يفتعلون المشاكل والفوضى وستحدث احداث قتل وضرب وحرق ايضا وستجد مطالب مختلفة وتمسك بالرأي وقد تجد تناحر بين بعض قوى الشعب المختلفة

كلا متمسك برأيه ... ساعتها هتيجي تقول للجيش يتدخل وينقذ البلد او تطلب كده من الشرطة هيقولوا لك ... العب بعيد يا حلو...

طبعا وتبعات الوصول الى هذه المرحلة هي تبعات خطيرة ومتعددة

ولا تنسى ان الله سبحانه وتعالى لما امر سيدنا موسى واخيه هارون لمواجهة فرعون فطلب منهم ان يقولا له قولا لينا

رغم ان فرعون جبار ... فالمسألة تحتاج الى صبر وحكمة ولين قبل استخدام القوة والحشد باستمرار

وشغل الختاقات والتسخين والحريم اللي بتسخن الرجالة ده ينفع في خناقة مش ضد امور قد تتسبب في كارثة للبلد خاصة ان معظم الشعب شايف ان الثورة الحالية هي انتفاضة لمن فشلوا في تحقيق اهدافهم لما وجدوا ان الامور بدأت تتجه للاستقرار كما حدث قي تونس ووجدوا المسألة بدأت في الجد بعدما قاربت الانتخابات على النهلية

ولا تقارن هذه الاحداث مع احداث بداية الثورة والتي التف حولها الشعب كله لان الهدف كان واضحا

تم تعديل 23 ديسمبر 2011 بواسطة Abu Reem

[engmido]

يابو ريم انا ريقى نشف اقول كده لحد ما بطلت اتكلم

واوعى حد يقول فرض راى لانه مجرد وجهة نظر.. اعتقد انها الافضل على الاقل فى الفترة الحالية

[aimen]

الشرف مش بالقلع ولا اللبس؟ الشريفة شريفة من جوه مش بلبسها ولا تغطيبتها ولا تقليعها ولا تعريتها

صبرا جميلا فمازلنا رجال

[aimen]

http://www.youtube.com/watch?v=4Vrd1LouJz8

صبي يعترف | الجيش استعان بى فى ضرب المتظاهرين وحرق المجمع العلمى .. اعترف صبى بأن الجيش استعان به فى ضرب المتظاهرين وهدده ضابط جيش بالقتل إذا لم ينفذ الأمر فى مقابل 100 جنيه فى اليوم ! !

[se_ Elsyed]

- هناك من يرى انه لابد من استخدام العنف والبلطجة وارهاب مجلس العسكر وهناك من يرى استخدام كل الوسائل الاخرى المتاحة للوصول للهدف حتى لو تأخرنا قليلا للوصول للهدف

- اصحاب طريق العنف اولا لازم تعرف وتتأكد ان فيهم نسبة لادبأس بها لا يريدون سوى ادخال مصر في مرحلة من الفوضى المستمرة والفوضى والتفتيت

ولا تقارن هذه الاحداث مع احداث بداية الثورة والتي التف حولها الشعب كله لان الهدف كان واضحا

لو عندنا عفاريت متشيطنة ....

إسرد لي احداث مارس ... ماسبيرو .... محمد محمود .... مجلس الشعب ..

وشاور لي على من بدأ بالعنف

أه بالمناسبة يا مان .. ما لفتش نظرك تبرا علي السلمي وعصام شرف والعيسوي من إصدار اوامر بسحل المتظاهرين يوم 19 نوفمبر ؟

هاتقول لي عارف ... لكن إيه اللي خلاهم ينزلوا ؟

يا سلام

أنت في ثورة يعني في ناس غضبانة ... وفي ناس تشعر إن حقها مهضوم .. وفي ناس شايفه إنها ما اخدت حاجه من الثورة ...

وكل يوم كان عندك غلق مصانع وموانيء ومحطات كهرباء وقطع سكك حديدية .. وفي أثناء قتل المتظاهرين في ميدان التحرير ورمي الثوار في الزبالة كان في عدة |عتصامات أمام مجس الوزراء من موظفين وطلاب وخلافه

يبقى من الشيطان الذي يترك هؤلاء ليذهب لقتل 150 مصاب ثورة معتصمين في حالهم داخل الصينية لا بهم ولا عليهم ؟

تقول لي الكل لازم يرجع بيته عشان يكشف عصابة المجلس العسكري

ليه ؟. وهما ما عملوش كده لاكتر من 4 شهور متتالية من رمضان تقريباً ومع ذلك المجلس مع عصام شرف لبسوا البلد في الحيط وأفتكروا إن الثورة ماتت وأبتدوا يخترعوا في حاجات عشان يقضوا على أي شيء يدعوا إلى تسليم السلطة ؟

يا عزيزي حتى لو نمت على السرير وشديت اللحاف في وجود هؤلاء .. فلن نرى منهم خيراً .. تماماً كما كان يحدث أيام مبارك

[se_ Elsyed]

بًص الحته الكوميدية دي يا أبو ريم

كشفت مصادر أمنية مسئولة أن هناك خطة وضعتها جهات وتيارات لتنفيذها اليوم الجمعة، استغلالاً لمظاهرات التحرير، تعتمد على الدفع بسيدات يرتدين النقاب وخلفهن رجال يرتدون جلبابا أبيضا، ويمسكون بالمصاحف، ويقتربون من الحواجز التى وضعتها القوات المسلحة بشارع القصر العينى والشيخ ريحان، ويحاولون استفزاز الجيش والأمن ويرددون هتافات ضدهما، ومن ثم جنود الجيش يحتكون بهم، فيلقون بالمصاحف على الأرض ويفرون أمام الجنود، ثم يصورون الجنود على أنهم يدوسون بأقدامهم على المصاحف لتوريط الجيش وإحداث الوقيعة بين الشعب وجيشه.

http://www.youm7.com/News.asp?NewsID=561587&

شوفت بقى عندنا مصادر مسئولة بتعرف دبة النملة قبل ما تحصل ومع ذلك مش عارف تجيب صوباع واحد من الأيادي الخفية اللي بتلعب في البلد ؟

[se_ Elsyed]

هتافات العباسية: يا جماعة هنقول إيه للصيدلانية غادة (اللي عذبها وضربها الجيش): من ستات مصر لغادة .. إنتٍ آخرك البيادة

[se_ Elsyed]

على رأي جلال عامر

أنا باندم إني كملت تعليمي وما اكتفيتش بالإبتدائية وبقيت خبير إستراتيجي زي كاطو كده

اللواء كاطو .. خبير استراتيجي:

في ديسمبر بيقترح حرق "الشباب الصايع" بتوع مجلس الوزراء في أفران هتلر

في يوليو بيصرّح إن المجلس العسكري صابر على الشعب صبر أيوب

قبل التنحي بيؤكد إن البارجات الأمريكية تستعد للهجوم على مصر لضربها لو تنحى مبارك

بعد الخطاب الثاني بيؤكد إن مبارك تجاوب مع الشباب إنطلاقا من مسئوليته التاريخية وعشقه لمصر

[se_ Elsyed]

كلنا خالد سعيد

وراء كل مستبد .. خبير إستراتيجي يزيّن له سوء عمله

[Alshiekh]

http://www.youtube.com/watch?v=4Vrd1LouJz8

صبي يعترف | الجيش استعان بى فى ضرب المتظاهرين وحرق المجمع العلمى .. اعترف صبى بأن الجيش استعان به فى ضرب المتظاهرين وهدده ضابط جيش بالقتل إذا لم ينفذ الأمر فى مقابل 100 جنيه فى اليوم ! !

وايه يضمن انه مش واخد خمسة جنيه او حتى سندويتش وسيجارة ويسجل الفيلم ده؟

ومين اللي يعمل تحقيق؟ كل واحد معاه تليفون بكاميرا يعمل تحقيق؟

النيابة شغلتها ايه امال والقضاء بيعمل ايه؟

دي بقت حاجة تجنن يا استاذ أيمن!!!

[se_ Elsyed]

http://www.youtube.com/watch?v=4Vrd1LouJz8

صبي يعترف | الجيش استعان بى فى ضرب المتظاهرين وحرق المجمع العلمى .. اعترف صبى بأن الجيش استعان به فى ضرب المتظاهرين وهدده ضابط جيش بالقتل إذا لم ينفذ الأمر فى مقابل 100 جنيه فى اليوم ! !

وايه يضمن انه مش واخد خمسة جنيه او حتى سندويتش وسيجارة ويسجل الفيلم ده؟

ومين اللي يعمل تحقيق؟ كل واحد معاه تليفون بكاميرا يعمل تحقيق؟

النيابة شغلتها ايه امال والقضاء بيعمل ايه؟

دي بقت حاجة تجنن يا استاذ أيمن!!!

معاك يا محمد بيه ..

طب ولما النيابة حققت مع 4 بعد ما أعترفوا إنهم واخدين فلوس من فلان وعلان عشان يحرقوا المجمع العلمي .. وطلع العيال كانوا محبوسين دول 3 ... والولد التاني كان ساكن في شارع القصر العيني ورايح يتشري حاجه من البقالة ومسكوه وقالوا قول إن اللي دفع لك فلوس هو محمد هاشم

النيابة واخد بال سعادتك ... تقول إيه على عهر ضباط الجيش اللي أقحموا انفسهم في زنقت قذارة النظام البائد ؟

[se_ Elsyed]

وتقول إيه على تحويل عساكر ماسبيرو إلى المحاكمة بتهمة قتل معتصمي ماسبيرو ؟ وسكتم يكتم ولا حد جاب سيرة

[محمد عبدالعزيز]

بمناسبة الكلام عن إن المظاهرات بيندس فيها بلطجية ومخربين, وإن الاعتصامات والمظاهرات لازم تقف عشان نفوت الفرصة على كل من يريد أن يستغلها.

هو مش كان فى موضوع هنا -أعتقد للأستاذ عادل أبوزيد- كان بيقول إن جمال عبدالناصر دفع فلوس عشان يحرك مظاهرات لرفض الديمقراطية حتى يظل فى الحكم؟

طيب ماهى العقلية العسكرية اللى بتحكم دلوقتى -واللى كان منها جمال عبدالناصر- ممكن تعمل حاجة شبه كده, وما أكثر الناس اللى ممكن تاخد فلوس وتعمل مظاهرة يندس فيها اللى عايز يندس ويعمل اللى هو عايز يعمله, بسيطة خالص يعنى.

يا سادة يا كرام, مشكلتنا مش المظاهرات والاعتصامات, مششكلتنا مع اللى بيستغل المظاهرات والاعتصامات, لأنه مادام ناوى على نية وحشة يبقى مش حتقف ألاعيبه مع وقف الاعتصامات والمظاهرات.

ياريت بقى نوجه لومنا وغضبنا ونقدنا فى الاتجاه الصحيح.

[se_ Elsyed]

كان بيقول إن جمال عبدالناصر دفع فلوس عشان يحرك مظاهرات لرفض الديمقراطية حتى يظل فى الحكم؟

مظاهرات التنحي يا فندم

ومقابلها الأن مظاهرات العباسية

[Abu Reem]

أه بالمناسبة يا مان .. ما لفتش نظرك تبرا علي السلمي وعصام شرف والعيسوي من إصدار اوامر بسحل المتظاهرين يوم 19 نوفمبر ؟

هاتقول لي عارف ... لكن إيه اللي خلاهم ينزلوا ؟

يا سلام

أنت في ثورة يعني في ناس غضبانة ... وفي ناس تشعر إن حقها مهضوم .. وفي ناس شايفه إنها ما اخدت حاجه من الثورة ...

وكل يوم كان عندك غلق مصانع وموانيء ومحطات كهرباء وقطع سكك حديدية .. وفي أثناء قتل المتظاهرين في ميدان التحرير ورمي الثوار في الزبالة كان في عدة |عتصامات أمام مجس الوزراء من موظفين وطلاب وخلافه

يبقى من الشيطان الذي يترك هؤلاء ليذهب لقتل 150 مصاب ثورة معتصمين في حالهم داخل الصينية لا بهم ولا عليهم ؟

يابو عمر. طبيعي ان العسكر شأنهم اي مؤسسة كان فيها فساد ومستفيدين. يعني احداث العنف الذي قد يكون بعضه مقصودا ده امر متوقع وايضا تسليم السلطة بسهولة لم يكن امر وارد

بس لازم نشوف ونقدر ان العنف احيانا كان مطلوب ، لان مينفعش شوية عيال عاوزين يرجعونا لعصر الدكتاتور مبارك ويمشوا البلد على مزاجهم خاصة بعد تعيين حكومة الجنزوري وبدء الانتخابات ،وشغل البلطجة اللي شفناه باعيننا وسمعناه باذننا وايضا المؤمرات التي سمعناها من الاشتراكيين مع بلطجية النظام السابق

كل ده مكانش يتفع يسيبه المجلس العسكري ويطنش والا يبقى البلد هيمشيها شوية بلطجية يفرضوا رأيهم على الشعب الذي شعر صدق واخلاص الجنزوري ورغبته في الصلاح وايضا البداية الجيدة لوزير الداخلية ، فلما سدت كل هذه المنافذ كان يجب تنفيذخطة الوقيعة بين الجيش والشعب

ولما اصحاب النوايا السيئة في الجيش زي ما اتفقنا هيلاقوا فرصة ذهبية مثل هذه من الممكن ان يستغلوا وهمه عارفين ان مواجهة الشغب والتخريب لابد ان يستخدم فيها القوة ، ولكن كالعادة الطريقة كانت مبالغ فيها لقلة خبرة وتأهيل الجنود

- المهم اللي عاوز اقوله لك وللاخوة المصممين انهم يدخلونا في التفاصيل ويجيبوا لنا فيديوهات وتصريحات

ان كل ده ليس من وراؤه فايدة فلن بتعاطف احد مع مخربين وبلطجية حتى لو تواجد بينهم مخلصين وشرفاء

وايضا ان اهم مطلب الان هو ان ننتهي بسرعة من حكم العسكر باقل خسائر ممكنة ولا ندع له فرصة لايجاد المبررات للتعطيل

اما اخذ الحقوق والمطالبة بالاصلاح وهذا الكلام فليس له معنى الان لاننا يجب ان نطلبها وننتظرها من النظام الجديد

[se_ Elsyed]

الخلاصة يا جماعة إن الجنون لا يقابل إلى بجنون أشد . خصوصاً لما تكون بتتعامل مع شباب ثائر عنده حيوية ومندفع

للمرة المليون .... أيها العقلاء .. 150 واحد معتصمين في التحرير يوم 19 نوفمبر ... أضروا الدولة وهيبتها والمجلس العسكري في إيه ؟

200 واحد معتصمين في شارع مجلس الوزراء .. برضوا عملوا إيه ؟

ليه بقى تشعلها وتستفز الدنيا كلها .. وتقتل العشرات وتصيب الالاف ... وبعد ده كله لم تستفد شيئاً إلا الخراب والدمار

لا حول ولا قوة إلا بالله العلي العظيم

[se_ Elsyed]

متفق معاك يابو ريم .. هما لازم يروحوا بيوتهم عشان الأمور تستتب ونحرج المجلس العسكري وكدهوت

طب خد عندك قمة الإستفزاز اللي أُعلن عنه النهاردة وده اللي هانفذوه وهاتشوف

"الاستشارى" يناقش نقل السلطة وإجراءات تشكيل الجمعية التأسيسية

الجمعة، 23 ديسمبر 2011 - 21:55

هاتقولي " يقولوا مهما يقولوا " وباقي اغاني الفنانة وردة الجزايرية

يا عزيزي دي عقيدة ولن يتراجعوا عنها

قولي إنت بالله عليك مجلس السلمي .. قصدي الأستشاري إيه دخله في تكوين او تشكيل اللجنة التاسيسية لكتابة الدستور ؟

[Abu Reem]

للمرة المليون .... أيها العقلاء .. 150 واحد معتصمين في التحرير يوم 19 نوفمبر ... أضروا الدولة وهيبتها والمجلس العسكري في إيه ؟

200 واحد معتصمين في شارع مجلس الوزراء .. برضوا عملوا إيه ؟

ليه بقى تشعلها وتستفز الدنيا كلها .. وتقتل العشرات وتصيب الالاف ... وبعد ده كله لم تستفد شيئاً إلا الخراب والدمار

مش انت بتقول دي دولة مؤسسات ،اللي له حق يطالب بها اولا عن طريق القنوات الشرعية ولما يفشل نهائيا في الحصول على حقه عندهم جهابزة القنوات الفضائية

ممكن جدا يعرضرا قضيتهم وبكده يبقى عملوا لهم خدمة جليلة بدل من التسخين واشعال الحرائق اللي بتكون القنوات الفضائية اكبر المستفيدين منه

وبعدين اسمح لي يعني االي اعتصموا حول مجلس الوزراء ومانعين رئيس الوزراء من الدخول وعاوزين يفرضرا ارادتهم على الشعب وقاعدين يستفزوا الناس والامن دول عاملين زي اسطوانة الغاز التي لا يحلوا لها التواجد الا بجوار النار ، وهؤلاء اساسا لم يتعاطف معهم احد

- انا فقط اتفق معك في المعتصمين ال 200 التي اشتعلت باسبابها احداث محمد محمود. وان التعامل العنيف معهم كان غير مبرر وغالبا كما قلت ذلك من قبل ان هذه الاحداث كان وراؤها احد اعضاءالمجلس العسكري بالاتفاق مع كبار رجال امن الدولة وبسبب هذه الاحداث تم اقالة وزير الداخلية والرجل نفسه قدم استقالته قبلها علشان يخفف من وقع الاقالة عليه وتطورت الاحداث الى ان تم تعيين رئيس وزراء جديد

- واي سلطة في مصر كانت ستكون متولية المسئولية في هذه الفترة كانت ستواجه نفس المشاكل

لان الفساد في مصر كان كبير جدا والتيارات والقوى المتصارعة كثيرة جدا ايضا

المهم والخلاصة ان اي طريق سنتجه اليه لازاحة المجلس العسكري دون التوافق الشعبي فلا يمكن ان ينجح

فلا يجب ان نكرر خطأ مبارك وعناده عندما استهان بقوة الشعب...

توافق شعبي ستنجح...... عدم توافق شعبي ومعاداة الغالبية واتهامهم بعدم الرجولة واتهامهم بالجبن وهذا الكلام سيكون الفشل مصير من سينتهج هذا النهج

والأدلة على الكلام ده كتير وتأكدنا منها في اكثر من موقف... صح كده

[se_ Elsyed]

لأ مش صح وهاقول لك ليه

مش انت بتقول دي دولة مؤسسات ،اللي له حق يطالب بها اولا عن طريق القنوات الشرعية ولما يفشل نهائيا في الحصول على حقه عندهم جهابزة القنوات الفضائية

ممكن جدا يعرضرا قضيتهم وبكده يبقى عملوا لهم خدمة جليلة بدل من التسخين واشعال الحرائق اللي بتكون القنوات الفضائية اكبر المستفيدين منه

لان هو ده كان الكلام اللي بيتردد ايام مبارك

6 إبريل وكفايه إيه والجمعية الوطنية للتغيير إيه ؟ يا عم اللي عاوز يغير لازم يسلك القنوات الشرعية

مش عارف كانوا يقصدوا قناة السويس ولا قناة فالوب ولا قناة أستاكيوس ؟

وزادوا وقالوا .. عندك الاحزاب مثلاً .. إعمل لاخرتك يا أخي وأنضم لأي حزب ... تخيل إنهم عرضوا على البرادعي إنه ينضم للحزب الوطني ؟. أه والله عرض عليه فتحي سرور ده

وبالتالي القنوات الشرعية الان مش موجودة لأن على سبيل المثال ما عندنا مجلس منتخب يُمثل الشعب

وحتى لو موجود مجلس شعب ... فهل هذا ينفي او يحجر على أي حد يعبر عن رأية بطريقة محترمة وسلمية ؟

عاوز تقول لي إن الدنيا كلها ما عندهاش قنوات شرعية وعشان كده في مظاهرات في الدنيا كلها ؟

تخيل إن من أمبارح في شلل تام في بلجيكا في المصالح الحكومية إعتراضاً من الموظفين على قانوان جديد تناقشة الحكومة لحقوق المتعاقدين ؟

انا سمعت من كام يوم الجنزوري وهو بيقول أنا ما طالبتش إني لازم أروح مجلس الوزراء دلوقت حالاً ولست انا من اعطى الأوامر بإخلاء شارع مجلس الوزراء

وأنا بالتأكيد لست مع إحتلال الشارع أو منع رئيس مجلس الوزراء إنه يذهب إلى مكانه الطبيعي ليزاول عمله

لكن يوجد هناك شيء إسمه عقل وحوار ... وحد محترم يروح للناس دي يكلمها

طب هاقول لك حاجه ...

قبل ما يسحلوا الناس .. نزل اللوا محمد إبراهيم بنفسه إلى ميدان التحرير وإتكلم مع الناس اللي هناك وفضوا إعتصامهم ... قول لي إنت بالله عليك ده ما حصلش ليه مع معتصمي مجلس الوزراء .؟ وليه بيُصر البعض إن يكرر نفس اللعبة بمنتهى الغباء

طب إديهم قتلوا اللي قتلوهم وخربوا اللي خربوه .. فهل تم فتح شارع مجلس الوزراء وذهب الجنزوري على حصانه الأبيض إلى هناك منتصراً ؟

وهل تم إخلاء ميدان التحرير ؟

شوفت بقى مين الغبي اللي بيدفع البلاد إلى الجنون ؟