انما النصر ساعه

[عنبو]

السلام عليكم ورحمة الله وبركاته

تحيه طيبه وبعد

كلنا امبارح شوفنا اليى حصل بالامس عند مجلس الوزراء وتقريبا لسه شغال وناس قالت ده المجلس اليى غلطان وناس تانيه قالت لا ده الثوار وناس تالته قالت دى ايادى خارجيه واجندات وكشاكيل واخذ كل واحد يدافع عن رايه ويأتى بالادله التى تبرهن وتؤكد رايه تشوف الصوره والكلام بتوع الناس اليى بتدافع عن العسكر تقو والله معاهم حق وتشوف الكلام بتاع الناس اليى بتشتم فى العسكر تقول والله معاهم حق وتشوف كلام الناس بتوع الايادى الخفيه (( ترتدى قفاز مخفى )) تقول دى ناس فى الطراوه

طيب ياجماعه واضح ان كلكم معاكم حق وفعلا العسكر غلطانين والثوار كمان غلطانين والايادى الخفيه غلطانه وكلكم معاكم حق برده المهم بصرف النظر عن كل الكلام اليى فوق ده اليى اعرفه هو حاجه واحده بس

اليى حصل امبارح ده سيؤدى بكل تأكيد اليى تعطيل استقرار البلد واستمرار البلد فى الا امن

كل لما نقول بدأنا الاتجاه نحو الاستقرار وانتقال السلطه للمدنين نلاقى مصيبه حصلت خلتنا نرجع من تانى لنقطة الصفر

مين ده اليى مش عاوز البلد تستقر مين ده اليى عاوز يعمل تركيع للشعب المصرى لكى يرضى بما يرضاه له لا من يختاره الشعب

اعرف ناس كتير قوى فى مصر فقدوا شغلهم وناس اكتر تجارتهم واقفه بمعنى الكلمه من يوم 25 يناير يعنى تقريبا بيوتهم ماشيه بالدفع الذاتى ياترى الناس دى هتقدر تصبر اكتر من كده الناس كلها فرحت بالانتخابات ونزلت وشاركت فيه منهم اليى نزل علشان حابب ان يكون له صوت وفيه منهم اليى نزل علشان خايف يدفع 500 جنيه غرامه وفيه منهم اليى نزل علشان حاسس ان الانتخابات بداية الاستقرار علشان حال الناس الواقف

يا ترى هل حقا سوف تستمر الناس دى فى الصمود ام انهم سوف يرفعون الرايه ليعلنوا استسلامهم ويرضون بالفتات

حقاً انما النصر ساعه وحقا انها لحرب قذره تماس على الشعب المصرى باكمله ولا اجد فى الاخر الا ان اقول (( وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ )) صدق الله العظيم

تحياتى

عنبو

تم تعديل 17 ديسمبر 2011 بواسطة عنبو

[عصام أبوالفتح]

السلام عليكم ورحمة الله وبركاته

تحيه طيبه وبعد

كلنا امبارح شوفنا اليى حصل بالامس عند مجلس الوزراء وتقريبا لسه شغال وناس قالت ده المجلس اليى غلطان وناس تانيه قالت لا ده الثوار وناس تالته قالت دى ايادى خارجيه واجندات وكشاكيل واخذ كل واحد يدافع عن رايه ويأتى بالادله التى تبرهن وتؤكد رايه تشوف الصوره والكلام بتوع الناس اليى بتدافع عن العسكر تقو والله معاهم حق وتشوف الكلام بتاع الناس اليى بتشتم فى العسكر تقول والله معاهم حق وتشوف كلام الناس بتوع الايادى الخفيه (( ترتدى قفاز مخفى )) تقول دى ناس فى الطراوه

طيب ياجماعه واضح ان كلكم معاكم حق وفعلا العسكر غلطانين والثوار كمان غلطانين والايادى الخفيه غلطانه وكلكم معاكم حق برده المهم بصرف النظر عن كل الكلام اليى فوق ده اليى اعرفه هو حاجه واحده بس

اليى حصل امبارح ده سيؤدى بكل تأكيد اليى تعطيل استقرار البلد واستمرار البلد فى الا امن

كل لما نقول بدأنا الاتجاه نحو الاستقرار وانتقال السلطه للمدنين نلاقى مصيبه حصلت خلتنا نرجع من تانى لنقطة الصفر

مين ده اليى مش عاوز البلد تستقر مين ده اليى عاوز يعمل تركيع للشعب المصرى لكى يرضى بما يرضاه له لا من يختاره الشعب

اعرف ناس كتير قوى فى مصر فقدوا شغلهم وناس اكتر تجارتهم واقفه بمعنى الكلمه من يوم 25 يناير يعنى تقريبا بيوتهم ماشيه بالدفع الذاتى ياترى الناس دى هتقدر تصبر اكتر من كده الناس كلها فرحت بالانتخابات ونزلت وشاركت فيه منهم اليى نزل علشان حابب ان يكون له صوت وفيه منهم اليى نزل علشان خايف يدفع 500 جنيه غرامه وفيه منهم اليى نزل علشان حاسس ان الانتخابات بداية الاستقرار علشان حال الناس الواقف

يا ترى هل حقا سوف تستمر الناس دى فى الصمود ام انهم سوف يرفعون الرايه ليعلنوا استسلامهم ويرضون بالفتات

حقاً انما النصر ساعه وحقا انها لحرب قذره تماس على الشعب المصرى باكمله ولا اجد فى الاخر الا ان اقول (( وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ )) صدق الله العظيم

تحياتى

عنبو

تصحيح بسيط أخى عنبو( إنما النصر صبر ساعة )

وقريباً ان شاء الله سنعلم من الذى فى الطرواة

[عنبو]

الموضوع مش واضح خالص وزى ما قولت اين كان مين اليى غلطان بس اليى بيحصل ده مش فى مصلحة مصر خالص وخايف للناس تسلم الرايه البيضه وتقول هاتوا الى تجيبوه بس نخلص من اليى احنا فيه والكلام ده لاحظته فى كلام الناس منذ اخر زياره كنت فيها لمصر يعنى تقريبا قبل شهر فات

تعالوا الصوره دى

ناس بتموت وشباب زى الورد بيفقد حياته يا ترى مين المستفيد من كل هذا ياترى من له المصلحه فى اليى بيحصل فى البلد دى ؟

ناس ملطوطه + حكم مصر تخبط فى القرارت وفوضى

تحياتى

عنبو

[عنبو]

الرباط الخاص بي

[عنبو]

انا بحمل المجلس العسكرى مسؤلية كل اليى حصل وكل اليى لسه هيحصل لان المجلس العسكرى هو المسؤل عن حكم البلاد مهو اليى حصل امبارح ده مالوش الا تفسيرين

التفسير الاول ان اليى عمل كده ايدى خفيه وعملاء وعاوزين يولعوا فى البلد ومش عاوزين الاستقرار للبلد وعاوزين البلد تدخل فى نفق مظلم منطلعش منه

التفسير التانى ان اليى عمل كده هو المجلس العسكرى نفسه علشان يطول المرحله الانتقاليه على قد ما تقدر علشان الناس تسلم وتقولهم هاتوا اى حد منكم يحكمنا وخلاص بس الحياه تمشى لان طبعا زى ما انتوا عارفين ان الناس مصالحها واقفه فى مصر

وفى كلتا الحالتين المجلس العسكرى ملام فلو مشينا على التفسير الاول يبقى دليل على فشل ذريع للمجلس العسكرى ليس فى ادارة البلاد وانما كمان فى شغله الاساسى انه يسيب البلد يتلعب بيها بالشكل ده

ولو مشينا على التفسير التانى هيبقى حزن اسود ومنيل بنيله

لازم نعمل انتخابات رئاسيه انهارده قبل بكره وياريت كنا عملنا انتخابات رئاسيه قبل مجلس الشعب

دلوقتى تقريبا الناس الى عاوزه تترشح اعلنت عن ترشحها وتقريبا كل واحد عارف هو هينتخب مين يبقى ننتخب واحد منهم يمسك البلد ويبقى جاى عن طريق الشعب

ويعودالجيش الى ثكناته ونبتدى بقى نبنى فى البلد ولكن لو فضلنا بالشكل ده هتبقى كارثه على الكل

تحياتى

عنبو

[الغريب]

هقولك حاجة من ضمن حاجات كتير جت على بالي وممكن أكون مخطأ فيها ، لأن من يدعي في هذا التوقيت أن كلامه صح ولو بنسبة 70% يبقى كداااب

الحاجة دي بتقول أيه :

بغض النظر عن حبنا وإعترفنا بالجميل لشباب الثوار وأن أحذيتهم جميعا فوق رؤوسنا ، ولكن ، مواقف كثيير عملها الثوار وحذرنا من خطر أثرها على الناس العادية وموقفهم من الثورة.

مش ممكن المواقف دي خلت جنود الجيش اللي هما جزء من الشعب المصري ، يستشعروا ضيق الصدر من أفعال الشباب ، وبالتالي يحصل اللي بنشوفه !!؟؟

[aimen]

ياريت يا عبنو الله يكرمك تشوف لى الصورة دى كمان فوتوشوب ولا ايه

وتدينى رأيك

تم تعديل 17 ديسمبر 2011 بواسطة aimen

[عنبو]

ياريت يا عبنو الله يكرمك تشوف لى الصورة دى كمان فوتوشوب ولا ايه

وتدينى رأيك

انا مش متخصص فى الفوتوشوب علشان اقولك دى تركيب ولا مش تركيب انا الموضوع بالنسبه ليا موضوع مبدأ ان اليى يقبل يجيب صوره من المغرب ويسخن بيها الناس والناس تنزل وتشتبك مع الجيش يبقى بنى ادام خاين لان الموضوع بالنسبه ليا مبدأ

وشوف حضرتك الصوره اليى انا جبتها دى نزلت امتى ودلوقتى شالوها علشان الناس خلاص سخنت

انا اليى قصدته من الصوره يا اخ ايمن انى اقول ان فيه ناس بتلعب بينا

بالنسبه للصور بتعت حضرتك انا اول مره اشوف عسكرى نازل مهمه لابس كوتش رمادى

على العموم انا مش بدافع عن الجيش ولا بدافع عن اى جهه فى البلد اليى عاوز اقوله اننا بيتلعب بيناعلشان البلد تفضل فى الدوامه دى الى ملا نهايه مين بقى اليى يبلعب بينا وهل هو مننا ولا من الخارج انا معرفش اليى اعرفه حاجه واحده بس ان اليى بيحصل ده سوف يؤدى الى كارثه حقيقه

تحياتى

عنبو

[aimen]

عنبو

بالله عليك ادعى ربنا يحفظ مصر

استحلفك بالله

ادعى لمصر

انا تعبت

تم تعديل 17 ديسمبر 2011 بواسطة aimen

[عنبو]

شوفوا المقطع ده كده

بجد عااااااااااااار بمعنى الكلمه ولا حول ولا قوة الا بالله

تحياتى

عنبو

[عنبو]

انا عاوز انزل فيديو بيطلعى رساله بتقولى غير مسموح لك باضافة رابط موقع اخر ليـــــــــــــــــــه ؟؟؟؟؟؟

[aimen]

http://www.youtube.com/watch?v=mKEmez6P-aQ

الفيديو اهو يا عنبو باشا

على فكرة الست دى كريمة الحفناوى

ام الثوار

[عنبو]

http://www.youtube.com/watch?v=3aeZoPcwVwI&feature=related

مين اليى ادى الاوامر للعساكر تعمل كده !!!!!!!!!!!!!!!!!!!!!!!!!!!!!!!!!!

معرفش ليه افتكرت فيلم البرىء

[عنبو]

انا بجد مستغرب قوووووووووى ومدوهش ازاى واحد راجل ذكر يضرب واحده ست عقلى مش قادر يستوعبها اتربينا واحنا صغيرين على ان لو الست عملت فيك ايه اوعى عمرك ترفع ايدك على واحده ست او تقف قصدها لان دى مش رجوله طيب ده احنا الناس العادين

المفروض بقى الجيش بتاعنا يقوى دى عقيده عنده يعنى ايه عسكرى يضرب ست يعنى ايه الجيش بتاعنا بيضرب ستاتنا حتى لو كانوا عملوا ايه

حقا نظام مبارك قتل فينا كل حاجه حلوه قتل فينا النخوه والرجوله

ده لو بنحارب اعداء دينا امرنا اننا منعتديش على ستات طيب امال بقى لو كانوا مش اعداء لو كانوا مننا !!!!!!!!!!!!

انا والله مش قادر استوعب الموقف اجيبه يمين اجيبه شمال مش راضيه تركب فى دماغى والله لو عملوا ايه مافيش حاجه تستدعى اليى حصل ده !!

اسد على وفى الحروب نعامه

تحياتى

عنبو

[عنبو]

لسه العدل غياب

http://www.youtube.com/watch?v=vGsodDUz2lE&feature=related