إلى كل مصري .. إعرف عدوك أولاً .. ثم تحدث عن المستقبل ؟

[se_ Elsyed]

الكثيرون يناورون ويذوقون كلامهم ويعملوا work wround حوالين المجلس العسكري ويتهموا عصام شرف او الداخلية أو مش عارف إيه إنهم كلهم السبب في ما يحدث في مصر

طب تعالوا للمفاجأت وجاوبوا بنفسكم

- يوم 23 يناير تقريباً هايبقى أول إجتماع لمجلس الشعب .. صح ؟

حلو قوي .. وكلنا عارفين إن داخل مجلس الشعب فيه لجان متخصصة ... للصحة والتعليم والعلاقات الخارجية و

خدوا بالكم من و دي

و الدفاع والامن القومي

- هل تتخيلوا أيها السادة إن المجلس العسكري اللي متعين بخط اليد من مبارك من اول طنطاوي لحد كل اللواءات اللي معاه .. وصولاً إلى ضباط الداخلية الكبارة الموجودن حالياً .. هل تتخيلوا ان يتم تشكيل تلك اللجنة وتضم ناس منتخبة إنتخاب حر لكن بذقون أو حتى زي بعض الاخوان من غير ذقون والناس دي تبقى من حقها تستدعي طنطاوي كوزيراً للدفاع أو عنان كرئيساً للأركان عشان تحاسبة على ميزانية الجيش او تسألى عن البيرررررررررررر الغوووووووووووويط اللي إسمه عمولات السلاح اللي مصر بتشترية ...

هل تتخيلوا إن ده هايحصل من تاريخ 23 يناير كده ؟

أطلقوا العنان لخيالكم وجاوبوا

حاجه تانية

عارفين طبعاً إن كل الاخوان والسلفيين يمكن بدون إستثناء إتسجنوا واتسحلوا وأعتقلوا

مش هاقول تخليص للثأر والأنتقام و و و .. أنا متأكد من تدين ونزاهة الناس دي

لكن هل تتوقعوا إن قيادات الداخلية والأمن الوطني او مش فارقه إسمه امن دولة ولا أمن غذائي ..

هل تتصوروا إن القيادات اللي لسه موجودة ومعروفة بالإسم لكل المعتقلين اللي منهم كتير دخل مجلس الشعب الان .. هل تتخيلوا إنهم بيفكروا إزاي دلوقت هايوجهوا المعتقلين السابقين دول لما يسألوهم عن التعذيب والقتل الممنهج اللي بيحصل في المعتقلات ؟ وهما أنفسهم كانوا مشاركين في ذلك .

وكيف سيكون أول لقاء بين هؤلاء الأباطرة وبين المعتقلين السابقين ؟

- سؤال قد طرحته قبل ذلك ولم أجد له إجابة ... أنا شخصياً مقتنع بشخصية الشيخ حازم ولو أقتنعت ببرنامجه الرئاسي فلن أتردد في ترشيحة ...

هل تتصور اخي المصري الحبيب إن قيادات الجيش والشرطة سترحب وتهنئ بعضها البعض بتولي واحد بدقن وبيخطب في الناس يوم الجمعة وفي الدروس الدينية ويربحوا بتوليه منصب رئيس الجمهورية ويبقوا شغالين تحته ؟

هانقول طنطاوي مريض وراجل كبير جداً في السن وهايعتزل زي ما قال العمل السياسي ...

هل تتخيل سامي عنان والطقم اللي معاه هايقبلوا بهذا الوضع ؟

وهل الناس دي مغيبة وما بتفكرش في مصيرها بعد يناير القادم وصولاً لشهر 7 حيث حلف الرئيس الجديد لليمين ؟

ويا ترى بعد الحكم والرئاسة والسبوبة المخفية اللي مش معروفه حتى الان ... هل تتصور يرجع لوا زي زمان ويستنى الجلابية اللي هايلبسها ؟

إبقوا قابلوني لأن عملها قبلهم عبد الناصر وعصابته لما أحسوا إن محمد نجيب إبتدا يهرتل عن تسليم الحكم لحكومة مدنية منتخبة وإن شوية العيال اللي رائد واللي نقيب لازم يرجعوا ثكناتهم ههههههههههههه .. وإحنا عارفين اللي حصل بعدها

وما حدش يقول لي الزمن إتغير

فعلاً الزمن إتغير لكن العقلية العسكرية واحدة ... والأيام بتثبت كل يوم ما نرمي إليه ونقصده .

----------

هل فكرت أخي الكريم كيف يقبل عاقل في الدنيا أن يكون هناك إختراع من 30 شخصاً يكونون ما يُسمى مجلساً إستشارياً واول عمل له أن يضع شروط الترشح لمنصب رئيس الجمهورية في حين إنه بيضم إتنين أعلنوا رسمياً عن ترشحهم لهذا المنصب ؟

اليس هذا هو الجنون بعينه .. تماماً مثلما اوكل لاحمد عز بان يضع قانون الإحتكار التجاري ومنه قانون إحتكار صناعة الحديد ؟

---------

أقعدوا مع نفسكم بدون اي مؤثرات وهاتعرفوا إن إحنا بنضحك على نفسنا لما نتوقع من هؤلاء خيراً لنا وهو في نفس الوقت سيضرهم أشد ضرراً

أقعدوا مع نفسكم وفكروا مين وراء تلك الأحداث من أول معركة الجمل ووقف يتفرج وسمح لألاف البلطجية إنهم يدخلوا يخلصوا على الموجودين في الميدان ولم يحرك ساكناً ضد القناصة اللي اعتلوا أسطح المباين ليقنصوا الثوار وعمل نفسه مش شايف

إقعدوا مع نفسكم واحكموا بعقلكم وشوفوا مين اللي إخترع جميع الأفتكاسات بتاعت الوثائق والمجالس وتعيين المحافظين والوزراء والصف الثاني من الحزب الوطني ومن زور الإنتخابات عيني عينك في 2010 زي فايزة ابو النجا ويتهرب حتى الان من قوانين مثل العزل السياسي او قوانين الغدر ..

أقعدوا مع نفسكم وتخيلوا مجلس شعب بدون صلاحيات وحتى الان اتحدى مرة أخرى حد يقول لي شكل مجلس كتابة الدستور إيه ؟

وفكروا أيضاً كيف يكون لطنطاوي سلطة حل مجلس الشعب حتى ولو بعد الإنتخابات بيوم واحد وبجرة قلم

[se_ Elsyed]

هل نحن هنا بكلامنا ندعو للثورة على الجيش والصدام الدموي .؟

كلا وألف كلا

لكن من العقل أن نفكر ونتوقع بان من له مصلحة في عدم إتمام عملية التحول الديمقراطي التي يتوقعها كل المصريون ... كل هذا لا نتوقع أن يتم في وجود مثل هؤلاء ؟

هانرجع تاني ولسه كنت بأتكلم مع ناس عن عواميد وحماة الثورة و و و

فقلت لأحد أصدقائي : إنت شوفت المرزوقي وهو بيحلف اليمين في البرلمان التونسي والكاميرا جت نص دقيقة على واحد لابس ملابس عسكرية ؟

لمدة نصف دقيقة فقط

عارفين ده مين ؟

ده رشيد عمار وزير الدفاع التونسي اللي رفض أوامر من الطاغية بن علي بإنه يطلق النار على المتظاهرين ويسحلهم ونزل حما الثوار بالفعل ..

ومع ذلك عام كامل لم ينطق بكلمة أو يذل التوانسة بإنه عامود أو حامي للثورة او أنا سبب اللي إنتوا فيه يا كلاب

ليه ده كله ؟

عشان ده شخص بيحب بلده ولا يمن على أحد بما أملاه عليه ضميره وفعله عن طيب خاطر

-------------

طب الحل إيه ؟

الحل هو إني لازم اعرف مين ورا الخراب ده كله من خراب إقتصادي لسياسي لأنفلات أمني لقتلى بالمئات ومعتقلين بالألوفات لانتهاكات أعراض ... إلخ

وأعرف إن الديمقراطية مش مجرد صندوق وافرح إن عندي مجلس شعب منزوع الصلاحية وأتوقع ان تمطر السماء ذهباً أو فضة في وجود مثل هؤلاء العسكر المتحجر الأفكار

ولما نعرف ونصمم إن لازم يبقى عندنا مجلس شعب ينزع سلطة التشريع من هذا المجلس

ويكون عندي حكومة محترمة تتولى هي السلطة التنفيذية الكاملة دون تدخل من المجلس العسكري

ويرجع الجيش لوظيفته في حماية أمن البلد الخارجي

ساعتها أقدر أقول أنا متقبل أي حد تأتي به الصناديق

طب المجلس العسكري متشبث بكل تلك السلطات .. نعمل إيه ؟

الحل بسيط ... تتحد كل قوى الشعب كما اتحدت يوم 25 يناير .. ويكون لنا مطلب واحد .. إرجع يا جيش لثكناتك ... وتبقى عندنا إنتخابات محترمة في جو صحي ونقي دون تدخل او إملاءات من احد ...

ولا يوجد في مصر كلها من هو أقوى من الشعب صاحب البلد

[engmido]

كلام جميل قوى بس ازاى

[Om Zayd]

الحل بسيط ... تتحد كل قوى الشعب كما اتحدت يوم 25 يناير .. ويكون لنا مطلب واحد .. إرجع يا جيش لثكناتك ... وتبقى عندنا إنتخابات محترمة في جو صحي ونقي دون تدخل او إملاءات من احد ...

هل تقصد انتخابات رئاسة مباشرة بعد المجلسين؟

يا ريييييت

و تبقى المشكلة الازلية.. في ظل عدم الثقة .. من سيدير البلد حتى تتم الانتخابات؟

ممكن رئيس مجلس الشعب المنتخب؟؟

[Om Zayd]

اه .. نسيت اقول ان تونس الجيش لم يكن متدخلا ابدا في الحكم

بن علي كان بيسرق هوا و اللي حواليه

مكانش بينفّعهم

و اصلا التونسيين معندهمش حكم العسكر

[se_ Elsyed]

نكمل كلامنا

إذا كان المجلس العسكري يحرص على كشف الحقائق امام الرأي العام .. وعرض علينا فيديو إمبارح لكام عيل برشمجية وأعترفوا إنهم هما اللي ولعوا شارع القصر العيني وإن هما الثوار .. إلخ

تمام كده ؟

انا مصدق

هل حد سأل نفسه ... أو بالله عليكم سمعتم مثقف ولا شيخ ولا ساعي للسلطة ولا ساعي للكرسي أثناء إجتماعه مع عنان وغيره طلب منهم إنهم يعرضوا على الشعب أقوال أكثر من 120 بلطجي تم القاء القبض عليهم في معركة الجمل وعرفنا في سطر واحد بين الأخبار إن المجلس العسكري حكم عليهم ما بين 5 - 7 سنوات

ده على أساس إنهم كانوا سارقين غسيل او محفظة في أتوبيس

في حين اللي بيشيل مطواه بيحكموا عليه بـ 15 سنة

حد لاحظ الموضوع ده وسال نفسه هو حامي الثورة بيعمل كده ليه من يوم 2 فبراير ؟

ومين الناس دي ومين اللي وراهم ؟

انا كتبت الكلام ده كتير لكن باعيده عشان أأكد لكم إننا أقسم بالله إذا كنا نتوقع خيراً من الإحتلال الصهيوني .. فسنتوقع نفس الخير من 30 واحد بتوع المجلس

لأن الأتنين عندهم نفس طريقة التفكير ... والإتنين نفس المدرسة الديكتاتورية .. والإتنين لا يقبلون الديمقراطية او مجلس شعب محترم او رئيس منتخب ....

طب هو طنطاوي غطرش على الموضوع ليه وأُسقط في يده لما ثوار التحرير القوا القبض على هؤلاء وكانوا سُذج وسلموهم للجيش لكن الحمد لله كانوا عرضوا لنا على الهواء مباشرة بطاقات الشخصية بتاعتهم وعرفنا إن منهم ناس من أمن الدولة والامن المركزي وبطلجية موظفين طبعاً عن الدولة ؟

الإجابة أيها السادة : لإن طنطاوي اللي العالم كله شافه قاعد جنب مبارك وكان التعليق بيقول : مبارك يجلس مع طنطاوي وحبيب العادلي في غرفة العمليات لمتابعة أحداث التحرير كان مشاركاً من اللحظة الأولى في احداث القتل

تفتكروا كان طنطاوي ساعتها بيقول في سره : ربنا ياخدك ويريحنا منك ؟

ولا كان بيخطط معاه لإبادة هذا الشعب ؟

لكن لما ربنا نصر الناس قال أما الحق نفسي يا عم وإن جالك الطوفان حط مبارك تحت رجليك

وتفتكروا وبالصور ... وكلنا شوفنا الدبابات بتوسع للبلطجية عشان يدخلوا من ناحية ماسبيرو وفين وفين بعد شهور طلع بيان بيقول : أصل إحنا كنا بنحسبهم من الثوار وداخلين ينضموا للميدان !!!!!!!!!!

حلو الكلام ؟

طب القناصة اللي أعتلوا المساكن وشوفناهم ببنادق الليزر سواء كانوا امن ولا عفاريت زرق ... في حين كان جحافل الجيش منتشرين في الميدان ... حد فكر هو مافيش عسكري ليه طلع من باب العمارة لحد السطح عشان يشوف مين دول وبيعملوا كده ليه ؟ حد سال نفسه السؤال ده ؟

عرفتوا مين من فبراير اللي مستلم الامانة وهو عارف بيعمل إيه وهايعمل إيه وعنده خريطة كاملة لحاضر ومستقبل مصر ؟

عرفتوا مين اللي كل شويه يقول أنا مش عاوز السلطة انا مش هارشح نفسي إحنا عاوزين نسلم السلطة وهما شايفين حملات بإسم المشير وبتنزل المدارس وبتعمل دعاية وبتصرف ملايين عشان يقولوا " المشير رئيساً "

لو أنا إنسان شريف .. هل سأقبل غن حد يتكلم بإسمي او يعمل حملة بإسمي وممكن ينصب بها او يجمع توقعيات الناس على أشياء مخالفة للقانون .. هل سأسكت على ذلك كله وأبقى مكسوف ؟

أيها السادة الجُملة اللي جاية دي هابروزها .. وهانشوف الأيام هاتثبت كلامي ده ولا لأ

إما العسكر ..... أو الفوضى

[se_ Elsyed]

الحل بسيط ... تتحد كل قوى الشعب كما اتحدت يوم 25 يناير .. ويكون لنا مطلب واحد .. إرجع يا جيش لثكناتك ... وتبقى عندنا إنتخابات محترمة في جو صحي ونقي دون تدخل او إملاءات من احد ...

هل تقصد انتخابات رئاسة مباشرة بعد المجلسين؟

يا ريييييت

و تبقى المشكلة الازلية.. في ظل عدم الثقة .. من سيدير البلد حتى تتم الانتخابات؟

ممكن رئيس مجلس الشعب المنتخب؟؟

يا عزيزتي ام زيد انا أقصد أي جو صحي محترم إن شالله لو نعمل فيه إنتخابات إتحاد طلبة

لكن أخدع الناس واقول احلى إنتخابات برلمان ... والجيش هايحمي الصناديق .... وأجي من ورا الناس وأقول إنه مجلس بدون صلاحيات وهيهات أن يتولى المجلس كتابة الدستور وإن حتى الرئيس القادم سيكون بدون صلاحيات

يا فندم أي إنتخابات او فعاليات في وجود طرف يمسك بزمام كل الامور وفي يده وسلطاتة إنه يحل مجلس الشعب يوم 16 يناير يعني بعد يوم من إنعقادة وإنه اليوم هو يحاول جاهداً تظبيط ضوابط الترشح لمنصب رئيس الجمهورية عشان يجيب رئيس على مزاجة .. كل ده يبىقى ضحك على الدقون يافندم

وللمرة المليون .. لو إنت شريف ... وولا الزاهد عبدالله بن المبارك في زمانه ... ومش عاوز حاجه من الدنيا ... كانت المسألة تتحل في سطر واحد .. وغلطوني لو الكلام ده غير مقبول :

1- مجلس شعب زي اللي هايبقى موجود كمان شهر يتولى السلطة التشريعية والرقابية .

2- حكومة ثورية محترمة لديها الصلاحيات التنفيذية ( ماحدش قال هنا لا البرادعي ولا مش عارف مين .. نحن نتكلم عن مباديء وليس أسماء )

وأقعد إنت يا سيدي حامي للثورة وحامي للحمى وشوف حدودنا المخترقة

صعبة دي يا جماعة ولا سهلة ؟

[mfarag]

إما العسكر ..... أو الفوضى

انا متفق معاك

و باقول لو فضلت الثورة بلا عقل

الناس العادية هتتحايل على العسكر انوا يمسك السلطة

حضرتك مش فى مصر

الغالبية زهقت من اللى بيحصل

احد الزملاء ممن شارك فى 28 يناير ( يعنى لا فلول و لا حزب كنبة ) يتسال لماذا يصبر الجيش على هولاء؟

[se_ Elsyed]

إما العسكر ..... أو الفوضى

انا متفق معاك

و باقول لو فضلت الثورة بلا عقل

الناس العادية هتتحايل على العسكر انوا يمسك السلطة

حضرتك مش فى مصر

الغالبية زهقت من اللى بيحصل

احد الزملاء ممن شارك فى 28 يناير ( يعنى لا فلول و لا حزب كنبة ) يتسال لماذا يصبر الجيش على هولاء؟

لأ يا بيه .. أقسم بالله الموضوع لا يتعلق بثورة بدون عقل او بثورة ربنا يكملها بعقلها

والدليل .. أكثر من 4 شهور ماحدش نزل الشارع ومن أول رمضان قالوا خلاص إرجعوا بيوتكم وعصام شرف هايأكلكم الشهد

وعرفنا إيه اللي بيعملوه من تدبييرات ليحي الجمل .. ولو إننا ظلمنا الراجل لانه كان قرطاس زي السلمي واللي بيعمل كل حاجه هو المجلس العسكري من عدم محاكمات لقوانين ووثائق ومش عارف إيه ومحاولة لضرب الثورة الضربة الأخيرة في مقتل

وقالها الرويني بمنتهى الوضوح .. اظن الرويني مش واحد قاعد على القهوة : هما مش أسقطوا النظام ورجعوا بيوتهم وتولينا نحن السلطة يوم 12 فبراير .. طب هما الناس ددي عاوزة إيه تاني ؟

أه صح إحنا عاوزين إيه تاني ؟؟؟؟؟؟

ما أريد ان اقوله والله على ما أقول شهيد إن سواء الثوار نزلوا او البلطجية نزلوا او الشعب قعد في بيته .. فاللي في دماغ المجلس في دماغه ولن يحيد عنه

وقولت لكم بالدليل ..

لو إنت عاوز تبسط هيبة وسيادة الدولة على كل شبر .. ليه بتدبح بتوع التحرير وماسبيرو .. وسايب الدنيا تضرب تقلب في باقي مصر ؟

جاوبوا وإنتوا تعرفوا عقلية مبارك وحوارييه عامله إزاي

[mfarag]

الفاضل س س

للاسف ارى ان الفوضى قادمة و بقوة

حتى لو خرج العسكر من الصورة

حتى لو تم انتخاب رئيس جمهورية ( مش فارقة هو ابو اسماعيل و لا حتى البرادعى )

هناك صدام قاد بين النظام و بين الفوضى

[se_ Elsyed]

الفاضل س س

للاسف ارى ان الفوضى قادمة و بقوة

حتى لو خرج العسكر من الصورة

حتى لو تم انتخاب رئيس جمهورية ( مش فارقة هو ابو اسماعيل و لا حتى البرادعى )

هناك صدام قاد بين النظام و بين الفوضى

أبداً

الشعب الذي خرج كيوم العيد في الإنتخابات وتحمل صعوبات ومشاق الوقوف في طوابير لمدة ساعات ...عُمره ما هايتسبب في الفوضى

وسيكون الشعب هو الدرع والرادع لأي مثير للفوضى والشغب

[mfarag]

الفاضل س س

للاسف ارى ان الفوضى قادمة و بقوة

حتى لو خرج العسكر من الصورة

حتى لو تم انتخاب رئيس جمهورية ( مش فارقة هو ابو اسماعيل و لا حتى البرادعى )

هناك صدام قاد بين النظام و بين الفوضى

أبداً

الشعب الذي خرج كيوم العيد في الإنتخابات وتحمل صعوبات ومشاق الوقوف في طوابير لمدة ساعات ...عُمره ما هايتسبب في الفوضى

وسيكون الشعب هو الدرع والرادع لأي مثير للفوضى والشغب

اسال الله ان تكون مصيب و اكون مخطىء

[Om Zayd]

يا فندم أي إنتخابات او فعاليات في وجود طرف يمسك بزمام كل الامور وفي يده وسلطاتة إنه يحل مجلس الشعب يوم 16 يناير يعني بعد يوم من إنعقادة وإنه اليوم هو يحاول جاهداً تظبيط ضوابط الترشح لمنصب رئيس الجمهورية عشان يجيب رئيس على مزاجة .. كل ده يبىقى ضحك على الدقون يافندم

المادة 33 في الاعلان الدستوري بتقول انه البرلمان المنتخب له صلاحية التشريع و تقرير السياسة العامة للدولة و الخطة العامة للتنمية الاقتصادية و الاجتماعية و الموازنة العامة للدولة و الرقابة على السلطة التنفيذية

يعني الاستثناء هو سحب الثقة

نقطة اخرى.. هل تعتقد سيجرؤ العسكر على حل البرلمان؟؟

ساعتها هتولع بجد

و مش هيقدروا يقولوا ايادي خفية و لا مندسين و بلطجية

ممكن يلعبوا على ضرب التيارات ببعض

و اتعشم ان يكون م انتخبناهم اذكى من هذا

[se_ Elsyed]

يا فندم أي إنتخابات او فعاليات في وجود طرف يمسك بزمام كل الامور وفي يده وسلطاتة إنه يحل مجلس الشعب يوم 16 يناير يعني بعد يوم من إنعقادة وإنه اليوم هو يحاول جاهداً تظبيط ضوابط الترشح لمنصب رئيس الجمهورية عشان يجيب رئيس على مزاجة .. كل ده يبىقى ضحك على الدقون يافندم

المادة 33 في الاعلان الدستوري بتقول انه البرلمان المنتخب له صلاحية التشريع و تقرير السياسة العامة للدولة و الخطة العامة للتنمية الاقتصادية و الاجتماعية و الموازنة العامة للدولة و الرقابة على السلطة التنفيذية

يعني الاستثناء هو سحب الثقة

نقطة اخرى.. هل تعتقد سيجرؤ العسكر على حل البرلمان؟؟

ساعتها هتولع بجد

و مش هيقدروا يقولوا ايادي خفية و لا مندسين و بلطجية

ممكن يلعبوا على ضرب التيارات ببعض

و اتعشم ان يكون م انتخبناهم اذكى من هذا

ممكن بمنتهى البساطة ...

أصل مبارك عمل كده ؟

وإذا كنا نسينا التاريخ أفكركم بمقولة خالدة له أقسم بالله سمعتها بوداني يعني لم اقرأها ولم تحكى لي : لما سألوه إيه رأيك في الإنتخابات الفلسطينية الأخيرة التي أتت بحكومة حماس إلى السلطة في انزه إنتخابات في تاريخ الدول العربية .. بمنتهى البرود قال : مش الشعب اللي إختارهم ؟ خليهم يستحملوا ؟

[moamana]

دول بيجروا البلد الى قول الله يخليكم خلوا المجلس يحكمنا بيجرونا لخراب اقتصادى متعمد

الحاجة الوحيدة اللى واقفة فى سكتهم هم شباب التحرير و ليس حتى الاخوان و الاحزاب لان دول بيضحكوا عليهم بلعبة السياسة الخايبة

اما شباب التحرير اللى بيقتلوهم و يضربوهم و يسجنوهم و يختفوهم و يخوفوا البنات من نزول التحرير عن طريق كشف عذرية و تعرية و ضرب

بس الاغبياء برده مش فاهمين حاجة واحدة لانهم فىق السبعين و هى ثورة الاتصالات و عمرهم ما هيفهموها

ثورة اتصالات +شاب ثائر مستعد للموت هتفضل اكبر من عسكرى غبى +حزب كنبة لا يهمه سوى عجلة الانتاج

[se_ Elsyed]

قبل أن تُقرر النزول من عدمه يوم 25 يناير

أُعطي عقلك راحه ... وبعدها فكر مين سبب المصايب اللي إحنا فيها ... ومين اللي بيأدب الشعب على ثورتة ... ومين اللي خلال سنة بيحاول يبرمج مخنا بعجلة الانتاج وبسكلتة الكنافة وأوعى العوووووووووو... وهو اللي قصد يخرب البلد ويوصلها للأفلاس عامداً متعمداً

دليل صغنن أد كدهو

مدير أمن الشرقية يعقب على تحقيق اليوم السابع:

كلفنا 10 سيارات شرطة تجوب العاشر من رمضان خلال الـ24 ساعة

الأحد، 8 يناير 2012 - 18:33

أكبر مدينة صناعية بمصر .. وبها إستثمارات بمليارات الجنيهات .. ومع ذلك خلال 12 شهر كاملةً القائمون على الامر ... عفواً حضراتكم هما مين عشان نعرف بس لو سمحتم ؟ هل حد تاني غير مجلس الأُنس ؟ هؤلاء خانوا الامانة وغدروا بنا وسابوها سبهلله لحد ما أتخربت والمصانع إتقفلت ولو عاوزين التفاصيل بالكامل عما حدث بمدينة العاشر من رمضان بالتفصيل ممكن أضعها لكم هنا عشان تعرفوا وصلونا لفين تلك العصابة الفاسدة ...

إيه رأيكم نسيبهم كمان 6 شهور وحال مصر كلها وصلت لكده إقتصادياً وسياسياً ؟

[se_ Elsyed]

أعلنت هيئة سكك حديد مصر بالامس أن خسائر قطع خط قطارات وجه قبلي في نجح حمادي منذ فترة سبب خسائر قدرها 70 مليون جنيه ....

تفتكروا مين السبب ومين اللي بيتعمد يعمل كده ؟

مدينة كاملة ما عندهمش انابيب بوتاجاز .. طب يموتوا ولا يرجعو للطبيعة الام ويستخدموا الأخشاب والفحم والعودة للحياة البدائية لاهل الكهف ؟

نسيبهم 6 شهور كمان يا جماعة ولا مجلس الشعب هايوفر لنا الانابيب ؟؟؟

[ماستر]

ايوة يا كبير كلامك صح والكل عارف كدة بس خيفين على الدماء الى هتسيل, يعنى الى هينزل 25 يناير هيكون معة بندقية او مسدس هيضرب بية نفسة,

ياريت الناس تعرف ان المظاهرات سلمية يعنى الطرف الثانى الى هو المجلس العسكرى هو الى هيقتل يبقى نقوله بلاش قتل ولا نخاف ونقعد فى البيت؟

تم تعديل 9 يناير 2012 بواسطة ماستر

[ابراهيم عبد العزيز]

قبل أن تُقرر النزول من عدمه يوم 25 يناير

أُعطي عقلك راحه ... وبعدها فكر مين سبب المصايب اللي إحنا فيها ... ومين اللي بيأدب الشعب على ثورتة ... ومين اللي خلال سنة بيحاول يبرمج مخنا بعجلة الانتاج وبسكلتة الكنافة وأوعى العوووووووووو... وهو اللي قصد يخرب البلد ويوصلها للأفلاس عامداً متعمداً

دليل صغنن أد كدهو

مدير أمن الشرقية يعقب على تحقيق اليوم السابع:

كلفنا 10 سيارات شرطة تجوب العاشر من رمضان خلال الـ24 ساعة

الأحد، 8 يناير 2012 - 18:33

أكبر مدينة صناعية بمصر .. وبها إستثمارات بمليارات الجنيهات .. ومع ذلك خلال 12 شهر كاملةً القائمون على الامر ... عفواً حضراتكم هما مين عشان نعرف بس لو سمحتم ؟ هل حد تاني غير مجلس الأُنس ؟ هؤلاء خانوا الامانة وغدروا بنا وسابوها سبهلله لحد ما أتخربت والمصانع إتقفلت ولو عاوزين التفاصيل بالكامل عما حدث بمدينة العاشر من رمضان بالتفصيل ممكن أضعها لكم هنا عشان تعرفوا وصلونا لفين تلك العصابة الفاسدة ...

إيه رأيكم نسيبهم كمان 6 شهور وحال مصر كلها وصلت لكده إقتصادياً وسياسياً ؟

هناك يا اخي سي السيد من يحب أن يخدع نفسه لكي يريح ضميره

ويحب أن يختار الخيار الأسهل وليس الأصوب

على سبيل المثال : سيادتكم في هذا التعليق تسألون عن من المسئول عما جرى في إستثمارات مدينة العاشر من رضمان الصناعية طوال الأشهر التي أعقبت الثورة من تخريب وسرقة ونهب ؟

الإجابة معروفة لكل من :

له عين يُبصر بها

وأذن يسمع بها

وأيد يبطش بها

وأرجل يمشي بها

ولسانا يتكلم به

لكن هذه الإجابة المعروفة البعض لا يريدها لأنها تُريه الواقع الفعلي الذي يتغافل عنه , فيلجأ للحل الأسهل وهو حل خداع النفس فيقول ( كله من شوية العيال بتوع التحرير !!) وكأن ( شوية العيال بتوع التحرير ) تحت أيديهم قوة نظامية يستطيعون عن طريقها ضبط الأمن وصون الممتلكات ولكنهم يمتنعون عن ذلك

هذا هو النهج أخي سي السيد عند الكثيرون الأن

ظهر هذا النهج جليا في حادثة فتاه التحرير التي تم تعريتها , كان الحل الأسهل وقتها بدلا من رؤية الحقيقة المؤلمة وذلك لإراحة الضمير وخداع النفس هو ( إيه اللي نزلها الميدان أصلا ؟؟ وإيه اللي لبسها عباية بكباسين ؟؟ وإيه اللي لبسها حمالة صدر سماوية اللون ؟؟ وازاي تلبس على اللحم ؟؟ وإيه اللي يخليها تلبس ينطلون جينز ؟؟)

نسأل الله أن يُرينا الحق حقا ويرزقنا إتباعه

وأن يُرينا الباطل باطلا ويزرقنا إجتنابه

إنه ولي ذلك والقادر عليه

تم تعديل 9 يناير 2012 بواسطة ابراهيم عبد العزيز

[وطني حر]

كلام جميل جدا جدا . وكان لسان حالك يا استاذ سيد بتقول عدوكم هو المجلس العسكري

طبعا انا لي اختلاف كبير مع حضرتك من وجهه النظر الخاصه ورؤويــه الامور كل واحد فينا بينظر لها من منظور مختلف من الصعب اننا نوصل لنقطه التقاء في منتصف الطريق

لكنني متاكد اننا نلتقي عند الهدف الاخــير وكل منا له طريقــه وسكته في الوصول . .

اي ثوره لها ضحايا دي يجب ان نؤمن بها كحقيقه .زي ما كل قانون او نظام او قانون ان شاء الله الاوفر تايم للشغل ليه ناس بتستفاد منه بطريق نظامي وناس ممكن ( يكون استفادتها اقل ) هذه حقايق وثوابت في الحياه .

نحن كبشر والمجلس العسكري بشر, طبعا لديهم اهدافهم ومصالحهم العامه والخاصه وليهم محسوبياتهم وايضا لهم تفكيرهم السطحي في بعض الامورالاداريـه والسياسيه وليهم نظرتهم الاعمق في الشؤون العسكريـه ..

في مقابله مع السلمي ( استشهد بكلامه للاستشهاد ) قال ان المجلس العسكري رفض الاقتراض لسداد عجز الموازنه العامه . ليــــــــه .بحجه حسب السلمي ( مش عايزين يسيبو وراهم ديون عايزين يخرجو دون ان يحملو الاجيال القادمــه مسؤوليه تلك الديون .)هذه العباره دليل على حسن النوايا .

المشكله الي بيواجهها المجلس العسكري هي مشكله الميدان فلا هو قادر يحكم القبضه على الفلول .. ولا هو قادر يسيطر علي الميدان و يحقق مطالب الثوره . .. لان طبعا العسكر بصفه عامه ايا كانو وقانون العسكر( جيش ولا امن ) لا يؤمن بالديمقراطيــه . وكل الي بيفهموه هو طاعه الاوامر. وبعدين الثقافه الاداريـه .المجلس العسكري لا يفهم في اداره الدوله كدوله مدنيـــــــــه .

في كل مره اتسال ( الم يكن هناك تهديد من اي نوع لاعضاء المحلس العسكري ) سواء بالمحاكمه او بالتصفيه او ... .. ومن الي يحيك تلك المؤامره هل هي داخليه من بقايا حزب العدلي او سريا جمال او الويه الشريف ..؟؟؟

خلاصه القول . لقد قاربت مصر ان شاء الله على الحريـه وانستشاق عبيــر ونسيم الديمقراطيه والخروج من عنق الزجاجــــــه .بعد ان قدمت الكثيرمن التضحيات البشريه والماديه..

بعد تشكيل مجلس الشعب بدون اي صلاحيــه . هيكون هو صاحب الصلاحيـه رغم انف المجلس العسكري فالمجلس (( سيد قرارتــــــــــــــــــــــــــــــــــــــه ) ) قالها ورحل

لو حصل اي تصادم بين المجلس العسكري وبين مجلس الشعب . ستكون الغلبـه لمجلس الشعب . .

تم تعديل 9 يناير 2012 بواسطة وطني حر