هل سيكون حقا هو رئيس مصر القادم

[raouf]

الموضوع ده انا عامله لتخفيف الشد والجذب اللى موجود فى المنتدى والتفكير فيما اذا تم تقديم موعد الانتخابات الرئاسية اللى بيطالب بيه تيمور

بعد 20 يوم من الان مش عارف ازاى بس نقول ربما ليه لا المهم ندخل فى الموضوع

انا فيه حاجة غريبة ملاحظها من بداية الاحداث دى واحداث ميدان التحرير الشهر الماضى

ظهور كل مرشحى الرئاسة فى وسائل الاعلام وبصورة مكثقة بل والتبرع باعطاء رايهم وحلول وعرض وساطات وهلم جره

ومنهم من من يكون فى صف المجلس العسكرى ومنهم من هو ضده

منهم اللى بيجيب مصر من شرقها لغربها ويلف قراها ونجوعها

الا واحد بس

تم تقريبا حرق جميع مرشحى الرئاسة

وملأ المنتديات بعناوين فضائح المرشح كذا شوفوا موقف المرشح اكس

جميع المرشحين انقسم عليهم الشعب ما بين مؤيد ومعارض

وجميعهم بدون استثناء يتم التركيز على الجانب السلبى فيهم وليس الايجابى

جميعهم تم حرقهم فى ظروف واوقات ومن طوائف مختلفة

الا واحد فقط

الدكتور البرادعى تم حرقه ومازال الحريق مستمرا فلا يذكر اسمه الا تجد من يظهر السلبيات ويردد كلام قديم

حازم صلاح طبعا بقى الامر صعب لعدم قبول نسبة ليست بالبسيطة لخلفيته الدينية واكيد فير مدعوم ولا من المجلس ولا من امريكا

الدكتور العوا متشعلق على الحبل ولا طايل دعم الاسلاميين ولا العالمانيين اللى التفوا حول الدكتور البرادعى

هشام البسطويسى انسجب مبكرا

السفير الاشعل لا يتمتع بكاريزما ولا شعبية تؤهله للنجاج فى انتخابات شعبية مباشرة

ايمن نور اعتقد صعب وسط خفوت بريقه

الدكتور عبدالمنعم ابو الفتوح نسبته صعبة اذا لم يحصل على تاييد الاخوان وده صعب الان الا اذا اجتمع كل الشعب عليه ضد مرشح يقوم

بترشيحه الاخوان مثلا ولكن لا اتوقع ان يصل الى الاعادة كمثال

عمرو موسى طبعا ده مدعوم من المجلس العسكرى ومن امريكا وبيدعمه بعض الناس البسطاء اللى مبهورين بصورته وكلامه ايام لما كان وزير

للخارجية وبصراحة هو بيلعب صح خد دعم الكثير من القبائل والجماعات فى الصعيد وعنده كاريزما جيدة بصراحة

ويظل المرشح المفضل للمجلس العسكرى الا اذا جدت فى الامور امور

المهم المرشح الوحيد الذى لم يشارك فى الاحداث

المرشح الوحيد اللى نأى بنفسه عن الحرق فى وسائل الاعلام فى الفترة الماضية فلم يحابى المجلس او يقف ضده رغم انه ثورجى قديييييييييييم

جدا هو حمدين الصباحى

حتى رايه ودعمه لحزبه فى الانتخابات كان قليل يادوبك جولة فى كفر الشيخ

فى الشهر الماضى نادرا ما يذكر اسمه

عمل حركة ذكاء باعتبرها مقدمة لما سيحدث قريبا

حد شاف مين الاحزاب التى نزلت الانتخابات تحت اسم حزب الحرية والعادلة فى تخالفهم ؟ اولهم حزب الكرامة اللى عامله حمدين الصباحى

وكان اذكى المرشحين لانضمام حزبه تحت الكتلة التصويتية الرهيبة للاخوان

اتفقنا جميعا ان بنسبة كبيرة من يدعمه الاخوان سيكون ريس مصر القادم

الله اعلم اتوقع ان يكون الفائز بهذا الدعم هو حمدين الصباخى الذى اعتقد والله اعلم لا يمكن رفضه من المجلس العسكرى لان الراجحل ناصرى

وبالتالى هيزيح عنهم خوفهم من فوز مرشح اسلامى

ثانيا بدعمه من جماعة كبيرة زى الاخوان يبقى الجيش ضمن وعرف مين اللى هايبقى رئيس بعد الانتخابات ويتلافى اى مفاجأت تحصل فيها قد

تكون غير سارة له كفوز حازم صلاح كمثال

ما ذكرته باعلى اجتهاد وتحليل شخصى منى و قد اكون مصيب او مخطىء والله اعلم

انتظر مشاركتكم واراءكم التى تدعم او تدحض التحليل

[ام سلمي]

عايزة أضيف ان حزب غد الثورة اللي رئيسه ايمن نور برضه في التحالف الديمقراطي فليه نفس فرصة حمدين صباحي من حيث احتمالية دعم الاخوان

[raouf]

عايزة أضيف ان حزب غد الثورة اللي رئيسه ايمن نور برضه في التحالف الديمقراطي فليه نفس فرصة حمدين صباحي من حيث احتمالية دعم الاخوان

ايمن نور لا يستطيع ان يشارك يا ام سلمى

تم تاييد حكم الحبس السابق فى قضية تزوير التوكيلات وده للاسف تم بعد الثورة امله ضعيف جدا جدا لان اتوقع ان من اول الشروط لمرشح الرئاسة هو عدم وجود حكم قضائى عليه فى قضية جنائية زى دى

[التونسى]

هو مناسب للمنصب من عدة أوجه .. بس مشكتله معايا انه ناصرى .. ومستغرب ان الاخوان ممكن تدعمه .. رغم ان لهم تار مع عبد الناصر والناصريين .. اما الجيش وتدعيمه لمرشح الرئاسه ((اى مرشح رئاسه)) ..اراه سرا عسكريا .. وسيكون فى الغالب مفاجأه

انا شايف ان العوا ((أوسط)) المطروحين للرئاسه حاليا

[elzahraa]

عايزة أضيف ان حزب غد الثورة اللي رئيسه ايمن نور برضه في التحالف الديمقراطي فليه نفس فرصة حمدين صباحي من حيث احتمالية دعم الاخوان

وحزب العمل كمان في التحالف الديمقراطي

و على فكرة مجدي حسين كمان مرشح نفسه بس هو رجل مجنون و اظن ان فرصته منعدمة

[elzahraa]

هو مناسب للمنصب من عدة أوجه .. بس مشكتله معايا انه ناصرى .. ومستغرب ان الاخوان ممكن تدعمه .. رغم ان لهم تار مع عبد الناصر والناصريين .. اما الجيش وتدعيمه لمرشح الرئاسه ((اى مرشح رئاسه)) ..اراه سرا عسكريا .. وسيكون فى الغالب مفاجأه

انا شايف ان العوا ((أوسط)) المطروحين للرئاسه حاليا

و انا كمان شايفة ان العوا اوسط الموجودين

بس اختلف مع حضرتك ان الاخوان مش حيدعمو صباحي لانه ناصري لانهم اذكى من ان شئ زي دا يأثر في مواقفهم والله اعلم

[raouf]

هو مناسب للمنصب من عدة أوجه .. بس مشكتله معايا انه ناصرى .. ومستغرب ان الاخوان ممكن تدعمه .. رغم ان لهم تار مع عبد الناصر والناصريين .. اما الجيش وتدعيمه لمرشح الرئاسه ((اى مرشح رئاسه)) ..اراه سرا عسكريا .. وسيكون فى الغالب مفاجأه

انا شايف ان العوا ((أوسط)) المطروحين للرئاسه حاليا

اولا حمدين الصباحى ناصرى معتدل بالاضافة انه قومى كمان

تار الاخوان مع عبدالناصر كشخص وليس كفكر لان الفكر الناصرى هو الفكر القومى وده ليه دعم قوى فى فكر الاخوان

لا يوجد نرشح عسكرى ذو خلفية عسكرية لعلم الجيش ان الشعب سيرفضه مقدما

حتى دعمه لعمرو موسى سيكون دعما مستترا وليس على المكشوف لعلمهم ان كثير من الشعب يعتبره من رجال مبارك

طبعا احمد شفيق واخينا بتاع المخابرات بخ بردو لعدم وجود دعم فى الشارع لهم

العوا لا يوجد دعم قوى وحقيقى له لعدم وضوخ اتجاهه حتى الان بالاضافة ان ناس كثير من البسطاء لا يعرفونه

تم تعديل 18 ديسمبر 2011 بواسطة raouf

[raouf]

عايزة أضيف ان حزب غد الثورة اللي رئيسه ايمن نور برضه في التحالف الديمقراطي فليه نفس فرصة حمدين صباحي من حيث احتمالية دعم الاخوان

وحزب العمل كمان في التحالف الديمقراطي

و على فكرة مجدي حسين كمان مرشح نفسه بس هو رجل مجنون و اظن ان فرصته منعدمة

استاذ مجدى حسين مناضل قديم وتاريحه رائع ولكن للاسف لايظى باى دعم ولا يوجد له امكانياتمالية

بالاضافة انه مهمش اعلاميا من سنة 1998 وقبلها كمان

[عصام أبوالفتح]

ليه يارؤوف ؟ .. ماهو اتحرق مع الجدول الزمنى بتاع 30 ابريل ..

أعلن 6 من مرشحى الرئاسة وهم الدكتور محمد سليم العوا، وعمرو موسى، وحمدين صباحى، وحازم صلاح أبو إسماعيل والدكتور عبد المنعم أبو الفتوح، وممثل عن المستشار هشام البسطويسى جدولا زمنيا لتسليم السلطة من المجلس الأعلى للقوات المسلحة إلى رئيس مدنى منتخب.

وقطعت انهم مبيفهموش فى حاجة اسمها تخطيط من ساعتها و شطبت على اساميهم ..

البرادعى لم يحترق بعد .. ولكن زعامته أصبحت باهته بشكل مقلق .. وتعليقاته على التويتر بتنرفزنى من نمطيتها .. لكن لعله يدخر جهده للمعركة الانتخابية ويعلم ان كل الاحداث هذه طبيعية .

[engmido]

بس على حد معلوماتى من بعض الاعضاء القدامى فى الاخوان انهم يدعمون سليم العوا

بس الكلام ده من فترة ...الله اعلم بالفترة الى جاية..خصوصا ان البلد اليومين دول كل يوم فى حال

[raouf]

ليه يارؤوف ؟ .. ماهو اتحرق مع الجدول الزمنى بتاع 30 ابريل ..

أعلن 6 من مرشحى الرئاسة وهم الدكتور محمد سليم العوا، وعمرو موسى، وحمدين صباحى، وحازم صلاح أبو إسماعيل والدكتور عبد المنعم أبو الفتوح، وممثل عن المستشار هشام البسطويسى جدولا زمنيا لتسليم السلطة من المجلس الأعلى للقوات المسلحة إلى رئيس مدنى منتخب.

وقطعت انهم مبيفهموش فى حاجة اسمها تخطيط من ساعتها و شطبت على اساميهم ..

البرادعى لم يحترق بعد .. ولكن زعامته أصبحت باهته بشكل مقلق .. وتعليقاته على التويتر بتنرفزنى من نمطيتها .. لكن لعله يدخر جهده للمعركة الانتخابية ويعلم ان كل الاحداث هذه طبيعية .

شخصيا على صفتحه لم اجد اى اعلان وبعدين تسليم السلطة مطلب هام بسيعنى عادى يطالب بيه المهم الكيفية والتوقيت

حمدين الصباحى كان مرشحى فبل الثورة وكنت من الداعمين له

بعد الثورة غيرت لجازم صلاح بس شكلى هاغير رايى تانى

[moamana]

المجلس العسكرى بالفرح اللى بيحصل حواليه مش هيقدر يرشح حد تبعه و لا الاخوان عشان متتصادمش مع المجلس العسكرى

اعتقد ان الامر الان يتم اعداده لشخص من تيار متوسط لا هذا و لا ذاك و اعتقد و الله اعلم ان زويل الان سيكون من انسب المرشحين لو شالوا حكاية متزوج من جنسية اخرى لانه متزوج سورية

[Kareem the Angel]

بصراحه الفكر القومي -في وجهه نظري الشخصيه- ليس له مكان في عالم اليوم...العالم تغير...والدول العربيه لم تعد كما كانت عندما كنا نصدر لهم جميع المهن على نفقتنا الخاصه..حتى ايام عبد الناصر فشلت الوحده مع سوريا وقاومت السعوديه الوجود المصري في اليمن الذي انتهى بكارثه ظهرت معالمها في 67...انا اميل للنظام الساداتي اكثر الذي يركز على مصلحه البلاد والشعب المصري بالدرجه الاولى حتى لوتعارض مع فكره القوميه...

لهذه الاسباب اعتقد ان السيد حمدين صباحي لن يكون اختياري ..واجد نفسي اميل اكثر للبرادعي الذي اعتقد انه ساداتي الفكر..

[خالد شحاته]

احنا كلنا بنحلم برئيس دوله مدنيه علشان نخرج من الا احنا فيه بس هل بعد كل الا بيحصل متوقعين ان العسكر يسيب البلد اعتقد صعب جداااا ان العسكر يسيب الكعكه كدا لابد انه يقسمها اخماس في اسداس علي راي المثل فرق تسد وهو ده الان الا بيحصل كل ما يتجعو الثوار المجلس يطلع عليهم بكذبه ومعرفش كمان بكره يطلع ليهم ايه علشان يظل مسيطر علي الحكم

تم تعديل 20 ديسمبر 2011 بواسطة خالد شحاته