شهادة رئيس المجمع العلمي وتبرئة الثوار !

[م تيمور المراغي]

http://www.youtube.com/watch?v=zTelKA51Xa8

[م تيمور المراغي]

نفس الحركة الوسخة اللي عملها حبيب العادلي في حريق كنيسة القديسين ديسمبر 2010 لو تفتكروا

[متعب]

قيادات عسكرية تشرف على قتل المتظاهرين - ١٦ ديسمبر ٢٠١١

اعمل كوبى للسطر ال فوق ده وخش بيه على اليوتب . وشوف هيطلعلك ايه

[Alshiekh]

نفس الحركة الوسخة اللي عملها حبيب العادلي في حريق كنيسة القديسين ديسمبر 2010 لو تفتكروا

إسمح لي يا باشمهندس ، طبعا حبيب العادلي يستحق الضرب بالنار في ميدان عام

لكن أنا شايف إن الحركة الوسخة النهاردة من نصيب المذيع والمذيعة اللي بيحاولوا يلصقوا تهمة التآمر على قوات الأمن ومش مهم مين قوات الأمن دي ، الرجل يقول أن البلطجية يقذفون الطوب والمولوتوف على رجال الإطفاء ( العسكريين ) وأن قوات الآمن حاولت زحزحتهم فيتفضل المذيع والمذيعة المصابين بداء نظرية المؤامرة بتحوير كلامه أن قوات الأمن كانت منتظرة البلطجية حتى يتموا مهمتهم وبعد كده يقولوا لهم متشكرين بقي ، وان العملية كلها من أولها لآخرها مؤامرة ومن مين؟ من الجيش ، وليه الجيش؟ علشان الأمن مش موجود، يعني لازم السلطة تطلع غلطانة حتى لو كان رجال الإطفاء هم من قوات الإطفاء الخاصة بالقوات المسلحة الذين كان يكافحون النيران تحت وابل من الطوب وكسر الرخام وزجاجات المولوتوف.

لازم ياباشمهندس نشغل مخنا ومنسلمش دماغنا لمن يركبون الموجة ، معظم القنوات الخاصة تبحث عن وسيلة تجتذب بها مشاهدين فيتقمصون دور الثوار والمدافعين عن الثوار ، وفي الحقيقة هم نجحوا في ذلك بالنسبة للناس التي تعودت على الحفظ من الملخصات ، لكن للأسف فقدوا مصداقيتهم عند من تعودوا على القراءة ثم التلخيص.

واسمح لي أن أنقل لك ردا كتبته ردا على مداخلة للفاضلة نور العين:

مفيش حد بيوجه إتهام للثوار انهم هم من يقومون بالتخريب.

الثوار الحقيقيون واجهوا قوات الأمن بشعاراتهم وهتافتهم يرددونها ولم يرفع أحدهم طوبة أو كسر رخام ضد قوات الأمن على الرغم من إستخدام قوات الأمن لنفس الوسائل مدرعات ومدافع الماء وقنابل الغاز المسيل للدموع والرصاص المطاطي، وبصورة أعنف أيام 25 يناير حتى إختفائهم من على الساحة.

لم يستخدم الثوار الحقيقيين سلاح الطوب إلا لحماية أنفسهم من بلطجية النظام في موقعة الجمل حيث ظهر سلاح الطوب والمولوتوف لأول مرة من بلطجية النظام القادمون من مصطفى محمود وراكبي الجمال والحمير.

مانعيبه على الثوار هو تورطهم في حماية البلطجية واعتبارهم من الثوار فأساءوا لأنفسهم ولسمعتهم.

عندما نري أحداث مجلس الوزراء الأخيرة ونجد أن من بين الشهداء شيخ جليل وطالب في خامسة طب وغيرهم من العيال النضاف ومعاهم شوية بلطجية وصيع ونجد أيضا أن من تسبب في إندلاع الشرارة على حسب وصفهم لم يكن سوي ابن عضو مجلس شعب سابق بالحزب الوطني يتأكد لنا أن شباب الثورة قد تم إختراقهم وأصبحوا يضمون بين صفوفهم المأجورين ومثيري الشغب.

ماتظلموش الشعب لما يعلن كفره بالثورة والثوار لانهم يرون ان مايحدث إنما يحدث بأيدي الثوار ، المواطن العادي لن يبحث ويحلل إن كان البلطجي الذي يشعل النيران في مبنى المجمع العلمي هو ثائر حقيقي أو بلطجي مأجور ، هو يراهم جميعا من نفس الشلة أو نفس السلة ، سلة الثوار.

يجب على الثوار أن يعيدوا فرز المنضمين لهم وإبعاد المشتبه فيهم ، وصدقيني من كثرة الروايات التي تناقلتها وسائل الإعلام يزداد يقيني أن من يطلقون الرصاص إنما هم مندسون داخل الزحام وغالبا يحملون السلاح داخل جيوبهم لان أكثر من حالة يثبت فيها أن الإطلاق إنما تم من مسافة مترين إلى ثلاثة.

ومعلومة على الماشي ، صوت الطلقات اللي بتسمعوه في الفيديوهات ده غالبا إما طلقات صوت أو خرطوش ، أما طلقات الطبنجات والبنادق الآلية فصوتها مكتوم ويكاد يختفي باستخدام كاتم الصوت وخاصة في الزحام والضجيح الحادث في المظاهرات. ممكن جدا أن أضع طبنجة في جيبي وأطلق منها على من حولي دون أن يلحظ ذلك الآخرين.

[ابو محمود]

ابسط يا عم .. قامت قواتكم باسر بعض الجنود

رصد | ميدان التحرير | بثينة كامل : العساكر المقبوض عليهم من الجيش والمغتصمون يطالبون بمبادلتهم بشبابنا المقبوض عليهم...

صورة الاسير المصرى لدى ثوار 6 ابريل وباقى منظمات الثوار

مرشات عسكرية وقرأن ...

[ابو محمود]

عايزك تقرأ وتتمعن يا تيمور يا خويا

عمر عفيفي يثير جدلاً واسعاً بسبب "شفراته" العجيبة من خلال صفحته على فيس بوك ...... !!

العقيد عمر عفيفي :

علي مجموعات الصيد تجهيز الشبك للبدء في تحديد اماكن البساريا ،واماكن وجودها فرادي ، والبدء في الصيد الفوري بكل حرص ، أعتبارا من الساعه الخامسه والنصف فجرا .الحفاظ علي البساريا لبيعها أو مقيضتها .

[ابو محمود]

بص بقى الخبر دة من عشر دقائق وبص فى الساعة

رصد | ميدان التحرير | اطلاق نار كثيف من جهة عمر مكرم والثوار يتقدمون الان بالدروع والهراوات التي سيطروا عليها في منظر مهيب #RNN

أعجبني · · المشاركة · 10 minutes ago ·

[ابو محمود]

صورة أولية لغنائم الحرب يا ترى اصحاب الخوذ دى فين ؟؟؟؟

[ابو محمود]

مبروك يا ثوار مصر

صورة اسير اخر من جيش اسرائيل (الجيش المصرى )

تم تعديل 19 ديسمبر 2011 بواسطة محمودمصطفى

[Alshiekh]

شوف كده ياباشمهندس وياأخواننا في الوطن

شوفوا الفيديوهات وقولوا لي الناس دي ثوار؟ والا لأ؟

ولو كانوا مش ثوار أنتوا بتحموهم ليه؟

http://www.youtube.com/watch?v=Ju6CndgYf-c

http://www.youtube.com/watch?v=IXmPqrzs6Og

[Alshiekh]

http://www.youtube.com/watch?v=XApEsXsx_fY

[ابو محمود]

http://www.youtube.com/watch?v=XApEsXsx_fY

مافيش فايدى يا استاذ محمد خلاص هما اتفقو على ان تكون حرب شوارع ضد القوات المسلحة فليستعد الجميع

تم تعديل 19 ديسمبر 2011 بواسطة محمودمصطفى

[نوران]

مبروك يا ثوار مصر

صورة اسير اخر من جيش اسرائيل (الجيش المصرى )

أسري من الجيش المصري ؟؟؟؟؟؟!!!!!!!!!!!!

يعني الثوار دول مش قادرين يصبروا لحد ما الإنتخابات تخلص ؟؟؟

ليه اللي بيحصل ده دلوقتي ؟؟

لمصلحة مين ؟؟؟

لمصلحة مصر ؟؟؟!!!!!!!!!!!

ملهاش غير تفسير واحد ، انتو مش عايزين الإنتخابات

مفيش سبب واحد مقنع غير كده ، والتوقيت ده دليل علي كده

انتوا مش عايزين أغلبية البرلمان إسلاميين

وإن شاالله تولع وللا تتحرق مش مهم

وتولع كمان إرادة الشعب الجاهل و الديموقراطية اللي ما عملتش اللي انتوا عاوزينه

( وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ‏ )

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

تم تعديل 19 ديسمبر 2011 بواسطة نوران

[aimen]

هو حضراتكم عندكم مشاكل بالنظر مثلا

الصورة لجندى كان بيضرب فى الثوار واتصاب والناس اخدته علشان يتعالج ولو حضراتكم على تويتر حتشوفوا انه - الثوار اللى حضراتكم عمالين

تلعنوا فيهم دول وانتم فى بيوتكم وفى الدفاء ارسلو واحد معاه علشان يوصله على المستفى

والله العظيم هو المفروض يتبهدل مش يتسلم

هو فيه ايه ؟؟

يعنى تقتلنى وتسحلنى وتعرينى وتبقى الأمور عادية

انما ممكن اسأل سؤال

اللى فى الصورة دى كلب مثلا ولا مش بنى ادم

هو حضراتكم بتمسكوا فى الضحية وسايبين المعتدى

اللهم يا منتقم انتقم لشعب مصر من المجلس الأعلى للقوات المسلحة.. اللهم إنهم آذونا كثيرا فانتقم لنا واشف صدورنا

[نوران]

ونجد أيضا أن من تسبب في إندلاع الشرارة على حسب وصفهم لم يكن سوي

ابن عضو مجلس شعب سابق بالحزب الوطني يتأكد لنا أن شباب الثورة قد تم إختراقهم وأصبحوا يضمون بين

صفوفهم المأجورين ومثيري الشغب.

ماتظلموش الشعب لما يعلن كفره بالثورة والثوار لانهم يرون ان مايحدث إنما يحدث بأيدي الثوار ،

المواطن العادي لن يبحث ويحلل إن كان البلطجي الذي يشعل النيران في مبنى المجمع العلمي

هو ثائر حقيقي أو بلطجي مأجور ، هو يراهم جميعا من نفس الشلة أو نفس السلة ، سلة الثوار.

كلام أستاذ محمد فيه الرد علي من يؤيد الثوار في كل شىء وعلطول الخط ومهما حصل

وبما إن حصل إختراق لصفوف الثوار من البلطجية والمأجورين

يبقي الحل : كله يروح ومفيش إعتصامات لحد ما الإنتخابات تخلص

برلمان وربعدها رئاسية ، ده لو كان الثوار والمعتصمين عايزين مصلحة البلد مش مصالح تانية ملهاش

دعوة بمصر ولا بشعب مصر

ولما يسلم المجلس العسكري السلطة يبدأ الحساب وأخذ الحقوق

أما لو ماطلوا يبقي الشعب كله ساعتها هينزل

تم تعديل 19 ديسمبر 2011 بواسطة نوران

[YOUR BROTHER]

بعد اذنكو يا جماعة ماحدش يسمى الناس دى ثوار ولا متظاهرين

كل اللى موجودين مش طبيعة واحدة ومالهمش هدف واحد

هناك فيه ناس حاسة ان الثورة خلصت وما استفادوش منها بحاجة فقالو مش هاينفع لازم نجذب الأنظار شوية يمكن نطلع بحاجة

فيه برضو ناس هبلة واخدهم الحماس ومفكرين نفسهم حماة البلد وبيجاهدوا فى سبيل تحريرها مايعرفوش ان اللى بيضربوا فيه دة عسكرى غلبان وبياخد اوامر من رؤساءه اللى بيحاولا يدافعوا عن منشىآت البلد

فيه ناس مأجورة وبيتاخد فلوس على اللى بتعملوا دة

فيه ناس مدمنين ومش لاقيين حتة يناموا فيها ولا حاجة يعملوها ما صدقوا لقوا الحفلة دى

بالذمة من يقدر يقول على دول متظاهرين ولا ثوار

[أسد]

مجرمون حرقوا تاريخنا

في حماية المتظاهرين

الثوار

أو لنقل في حماية ضحايا عنف القوات

هذه حقيقة لا يمكن إنكارها

[احمد رضوان]

الشهادة تقول ان رجال الإطفاء كانوا يحاولون الإطفاء والبلطجية كانوا يحاولون الإعتداء عليهم ، لننظر ونرى من كان يحاول الإطفاء لنعرف ما هي الحقيقة

[ابو محمود]

الشهادة تقول ان رجال الإطفاء كانوا يحاولون الإطفاء والبلطجية كانوا يحاولون الإعتداء عليهم ، لننظر ونرى من كان يحاول الإطفاء لنعرف ما هي الحقيقة

يعنى اولع البيت وبعدين اطفية نكتة دى والله

[احمد رضوان]

الشهادة تقول ان رجال الإطفاء كانوا يحاولون الإطفاء والبلطجية كانوا يحاولون الإعتداء عليهم ، لننظر ونرى من كان يحاول الإطفاء لنعرف ما هي الحقيقة

يعنى اولع البيت وبعدين اطفية نكتة دى والله

ده لو كنت انت اللى ولعت في البيت ... وما ولعش من الداخل

ولا يعتقد أي عاقل ان من ألقى بنفسه وسط النيران إنقاذ الكتب ... وانقذ 30 الف كتاب ... هو من أشعل النار