دموع الدكتور زويل !!!

[التونسى]

يبدو أن الدكتور زويل سوف يبكى كثيراً، وسوف نبكى معه أيضاً.. فالحكاية لن تقف عند حرق المجمع العلمى فقط.. لكنها تمتد إلى حرق مصر، وقلب مصر.. فقد أعلن اللواء عادل عمارة أمس، فى المؤتمر الصحفى، عن مفاجأة مذهلة تتعلق بمخطط لحرق البرلمان.. وتحدث قبلها عن عمليات تصنيع ميدانية لقنابل مولوتوف لحرق المجمع العلمى.. وقد حدث وتم حرق المجمع بالفعل!

فما معنى هذا؟.. معناه أن هناك من يستغل بقاء الثوار معتصمين.. وهنا يثور السؤال: لماذا نسمح بتهيئة المناخ لحرق مصر؟.. ولماذا لا نرجع خطوة للخلف؟.. لماذا لا ننسحب من الميدان، فى إطار هدنة من أجل مصر؟.. لماذا لا نستمع إلى العقل والحكمة؟.. لماذا لا نستوعب دعوة الدكتور زويل بضرورة الانسحاب؟.. لماذا لا نقدر دموع عالم كبير بحجم الدكتور زويل؟!

لا شك أن أحداث قصر العينى تشوٍّه الثورة..

أولاً: لأننا نتكلم عن بلطجية بوضوح، بعد أن كنا نتحدث على استحياء..

ثانياً: نتحدث عن قتلى وليس شهداء، لأن هناك مأجورين وبلطجية..

ثالثاً: فقدنا المجمع العلمى، وهو ما يؤكد نية التخريب..

رابعاً: نسينا الانتخابات ونتائجها، وأهم مظهر من مظاهر ديمقراطيتنا..

خامساً: نتحدث عن «جيش عدو» كأنه جيش الاحتلال الإسرائيلى! فهل نريد أن يدخل الشعب فى صدام مع الجيش؟.. هل نريد أن نسقط هيبة الدولة، أم كان هدفنا إسقاط النظام؟..

هل هذا الكلام يعنى أن نشتغل فى خدمة المجلس العسكرى؟.. أم أننا نعمل لمصلحة مصر؟.. دلّونا عاوزين إيه بالضبط؟.. هل خرج الدكتور زويل يلقى بيانه خدمة للمجلس العسكرى؟.. هل أصبح واحداً من العملاء؟.. هل هو واحد من الفلول؟.. هل الثوار لا يسمعون غير أنفسهم؟!

هناك دخلاء نعم.. وهناك مأجورون نعم.. وهناك تمويل نعم.. اسمعوا للدكتور زويل عندما طالب الثوار الحقيقيين بالانسحاب من الميدان، والشوارع المحيطة به، ومجلس الوزراء.. اسمعوا له حين طالب بوقف التظاهرات، وإعلان هدنة، حتى يتم فرز البلطجية والمخربين من الثوار.. اسمعوا له حين يقول إن البلطجية يعملون لجهات داخلية وخارجية لإسقاط مصر عمداً!

نأتى إلى النقطة الأهم وهى: هل كل الذين فى التحرير ثوار؟.. الإجابة لا.. هل كل الضحايا شهداء؟.. الإجابة لا؟.. لا كل الذين فى التحرير ثوار.. ولا كل الذين سقطوا شهداء.. وهذه واحدة من النتائج التى خرجنا بها لأول مرة.. وقد تعيدنا من جديد للكلام عن شهداء الثورة.. فهناك بلطجية حرقوا أقسام الشرطة والمديريات.. ولم يكونوا من الثوار.. لأن الثوار كانوا يقولون «سلمية سلمية»!

لا أحد يستطيع أن يمسك نفسه مما يجرى.. مصر تبكى كما بكى «شرف» من قبل، وكما بكى «الجنزورى»، وكما يبكى «زويل» الآن.. والسبب أن «العالم يرانا فى صورة متناقضة الآن، بين ثورة يناير العظيمة، وهمجية وعشوائية ما يحدث الآن فى الميادين».. كما يقول «زويل».. ويقول أيضاً: «إننا نعيش مرحلة بين الفوضى والديمقراطية، بين الشعب والجيش، وهذا أمر خطير جداً»!

لابد من تحكيم العقل، كما قال منصور حسن، رئيس المجلس الاستشارى.. وكما يقول زويل.. وكما يقول العقلاء.. فلا أحد يقبل العنف، ولا المساس بالثوار.. لكن حتى نفرز الثائر من البلطجى.. ينبغى أن ينسحب الثوار من التحرير، الآن على الأقل، من أجل مصر، قبل حرق مجلس الشعب، وحرق قلب مصر!

بقلم محمد أمين

للنقاش .. ما رأيك فى دعوة زويل للثوار بالانسحاب ؟

هل ينافق زويل المجلس العسكرى .. ويتخلى عن الثوار والثوره ؟

أم ان دموعه دموع مصرى مخلص.. يحترق قلبه من اجل وطنه ؟

أم انه الامر لا يعنيه فى شئ ويبحث عن دور بطوله وشو اعلامى .. بما انه مش فارقه معاه ويعيش فى اميركا معزز مكرم؟

أم مـــــاذا ؟

تم تعديل 20 ديسمبر 2011 بواسطة محمود البصيلى

[طبيبة بالخارج]

انا طبعا مع التراجع حاليا عن أي تظاهر أو اعتصامات

لو افترضنا ان بالفعل و متأكدين مئة بالمئة إن المجلس العسكري و الجيش و الشرطة و أمن الدولة و المخابرات اجتمعوا على الثورة و الثوار و هم من وراء التخريب لتشويه صورة الثوار و يقصدوا جعل المشاهدين يروا مشاهد العنف و بالذات مع النساء عشان ينزل كل من هم مع الثورة و تكون مذبحة لهم. يبقى العقل بيقول إيه؟ نطاوعهم في مخططهم و ننزل عشان نزيد عدد الشهداء و الجرحى ؟

المشاهد المتكررة للسجال بين المعتصمين و الجيش بتتكرر كل مرة: مجموعة معتصمة ثم يحدث مشاحنات بينها و بين الجنود سواء جيش أو أمن مركزي فنبص نلاقي اللي كانوا معتصمين بالعشرات او حتى بالمئات أصبحوا آلاف و نلاقي من يسمي نفسه ثائرا نازل يقول: سمعت ان المعتصمين بينضربوا فنزلت و رميت حجارة على الجيش

يعني نازل و مع سبق الاصرار و الترصد عايز يهاجم الجنود و يقولك ده بيرميهم بالحجارة بس، كأن الحجارة دي مش حتعمل حاجة غير تخربش الجنود و بس

حتى الفيديو الشهير بتاع ضرب و تعري الفتاة (و أقصد أقول تعري و ليس تعرية) لان اللفظ يفرق فمن يرى الفيديو يرى ان صحيح الجنود ضربوها و سحلوها لكن لم يقصدوا تعريتها و بدليل ان احدهم غطاها بعد ذلك

و عمالين نسمع في التلفاز و النت كلام و شهادات كثيرة ممن نزل مع المعتصمين و حكمنا من شهاداتهم هم فقط و لم نفكر ان نسمع شهادة الطرف الآخر و هم الجنود

الصور و الفيديوهات لا تكفي يا حضرات للحكم و تنفيذه

و لا تزر وازرة وزر أخرى

اتهامات بانعدام النخوة لعدم انسياق البعض لتيار انزل لتنتقم لعرضك و لم يسأل نفسه انتقم ممن؟ من الجندي الذي ضرب الفتاة أم من الجندي الذي غطاها؟

كلامي لو لا يعجب البعض فلا ألومهم لأني مثلي مثلكم لا أملك أدلة دامغة لأي من الطرفين و مع احترامي لكل رجال السياسة و القوى السياسية فكلهم مثلنا لم يروا رأى العين ده حتى المجلس العسكري كمان زينا

[engmido]

عين العقل مادام الثورة والعملية تعدلت الى مسارها الطبيعى

وتم تعيين الجنزورى وارلاجل بداية لا يدخر جهدااا عشان يريح الحبايب

فضلا عن نجاح العملية الانتخابية وسيرها فى الطريق الصحيح

ياسيدى لما المجلس يغير كلامه ونظامه يبقى لنا كلام تانى

[moamana]

انا مش مع الاعتصام بصراحة لان كان لااى نستنى بعد الانتخابات بس بعد اللى بيحصل ده بقى راى مع اعتراض بسبب عدم وضع دستور

الأمور بقيت متلخبطة ومحدش عارف الحق فين" هكذا قال لي ضديقي منذ قليل وبعد تفكير اكتشفت أنه على حق يمكن جدا أن تقتنع بأي مما يأتي:

1. المجلس العسكري مجرم يسعى لإثارة حرب أهلية : يبقى يمشي في يناير وننتخب رئيس جمهورية (انتخابات أهيه)

2. المجلس العسكري مجرم ويسعى لالغاء الانتخابات: يبقى مانسيبوش لازم يمشي في يناير وننتخب رئيس جمهورية (انتخابات أهيه)

3. المجلس العسكري متواطئ والعادلي ولا صفوت ولا سليمان ولا العفريت الأزرق هوا الل بيحرق في البلد: يبقى لازم يمشوا علشان نقبض على العفاريت الزرق وننتخب رئيس جديد في يناير

4. المجلس العسكري مش متواطئ والعادلي ولا صفوت ولا سليمان ولا العفريت الأزرق هوا الل بيحرق في البلد: يبقى فشلوا ولازم وننتخب رئيس جديد في يناير

5. المجلس العسكري متواطئ مع العلمانيين الكفار الفوضويين علشان يأجلوا الانتخابات: يبقى لازم نفضحهم ونعمل انتخابات رئاسة بسرعة في يناير احسن الفوضويين دول يخربوا البلد وطبعا الرئيس الصالح اللي احنا هاننتخبوا هايلمهم كلهم

6. المجلس العسكري بيموت في العيال اللي في التحرير وانا مالي: يبقى برضوا لازم ننتخب ريس في يناير احسن المجلس بعد مايخلص عليا يلف ويجيلك (افتكر الإخوان حصل فيهم ايه في 54)

7. المجلس العسكري زي الفل والعيال المخربين دول بيحرقوا البلد: يبقى لازم نعمل انتخابات رئاسة بسرعة في يناير علشان مايلاقوش حجه واذا نزلوا يخربوا تاني نبقى نولع فيهم

8. المجلس العسكري جميل والعيال دول حلوين بس مش فاهمين: طب ماتيجي نعمل انتخابات رئاسة بسرعة في يناير علشان سوء التفاهم ده مموت ييجي 60 واحد الشهر اللي فات ده

9. الحكايه كلها فوتوشوب ولافيش ميدان اسمه التحرير أصلا: طب ما تيجي نعمل انتخابات رئاسة بسرعة في يناير علشان شركة فوتوشوب ماتكسبش تاني على قفانا

10. البلد بتخرب وعجلة الإنتاج واقفه: طب ماتيجي نعمل انتخابات رئاسة بسرعة في يناير علشان المرحلة الانتقالية الزفت دي تخلص والمصانع المصرية تستأنف نشاطها في تصنيع الأساتيك وطيارات إف 1999

11. أنا مش فاهم حاجه لازم تحقيق مستقل: طب ينفع تحقيق مستقل والعسكر حاكمين طب هما مش أحد الأطراف برضه؟ احنا نعمل انتخابات رئاسة في يناير علشان الرئيس الجديد هوا اللي يشرف على التحقيق

12. أنا راجل عاقل ومش فاهم العيال دي عايزه إيه: عندك حد دي عيال مش متربيه يا راجل سيبك منهم بس ماتيجي نعمل انتخابات رئاسة في يناير علشان نجيب راجل عاقل كده زيك يعقل العيال دي

13. أنا أصلا مش فاهم حاجه يا عمو هوا فيه إيه؟ بص يا حبيبي في ناس بيضربوا ناس تانيين علشان كده لازم نجيب عمو رئيس الجمهورية علشان يشوف مين غلطان ويزعقله ميعملش كده تاني

14. المجلس العسكري رمز الوطنية والجيش حامي الثورة وهو يرغب في تسليم السلطة للمدنيين بأقصى سرعة: كتر خيرهم .... إيه رأيك في انتخابات رئاسة في يناير علشان الناس الأطهار دول اتبهدلوا معى العيال الجربانه دي .... يرضيك يرضيك يفضلوا شوية العيال دول يشتموا رموز الوطنية لغاية يونيو يرضيك!!!

تجيبها كده تجيبها كده هيا كده

آه لو يناير صعب (مش عارف ليه) طب نفتح باب الترشح في يناير وتسلم السلطة فورا لرئيس المجلس الأعلى للقضاء أو حتى لرئيس مجلس الشعب المنتخب لحين انتخاب رئيس جمهورية في فبراير

بس نفسى نفتح الاتنان مع بعض انتخابات الرئاسة و الدستور فى وقت واحد و نستفتى على الدستور و بعدها بيوم ننتخب الرئيس