متي سنسلح الثورة..؟

[الباشمهندس ياسر]

السلام عليكم

اولا ارجو عدم اشتراك بتوع اسفين ياريس و بتوع ما كنا عايشين و خلاص كما ارفض اشتراك من يري ان ثورتنا

فتنة و انها حرام يكاد يصل الي الكفر و اهيب بالسادة المحاورين فتح الاذهان و مناقشة الفكرة

انتوا عارفين

انا لاول مرة منزلش الميدان المرادي

مبقتش مقتنع ان سلمية دي تنفع اطلاقا

العين بالعين و السن بالسن و البادي اظلم

يعني نشوف كام عين طارت ونطير قصادها

و نشوف كام ولد مات و نقتل قصاده

المشكلة ان ثورتنا ملهاش عصبية بتحميها (( راجع مقدمة ابن خلدون))

العصبيات هنا هي حب مصر او الامل ف غد افضل او كراهية مبارك او البحث عن السلطة او رفض مشروع

التوريث او تار بايت

اهداف مختلفة بيحميها جهات مختلفة

لما قامت الثورة الشعبية المنقوصة و رحل راس النظام امتنعت معظم هذه الجهات عن الانتصار للثورة لانتهاء مأربها

منها و لم يبق الا اصحاب الاهداف السامية الحقيقية و هم اهل عصبة حب مصر و الامل ف غد افضل

طب ليه متخققش النصر لاهل هذه العصبة ...؟؟؟

اولا اصحاب هذه العصبة معظمهم ملهمش دراية كافية او حس تسويقي عالي او حتي شعبية او فلوس عشان يجمعوا

شعب العبيد (( شعبنا )) بكل اسف و كمان مكنش عندهم الدهاء الكافي(( الثورا بطبيعة الحال اطهار)) انهم يتعاونوا

مع اخرين من الجهات اللي ناصرت الثورة زي مدعي الاسلام السياسي كده ... فكانت النتيجة اننا خسرنا تايد

كتيييير اوي وبقينا لوحدنا فكانت النتيجة اننا اضعف من اللي ازرونا بغية فشل مشروع التوريث و دول ناس

مبتفهمش غير مصطلح القوة و مبيقكروش اساسا غير ف مصالحهم الشخصية و بس

و مش هيسيبوا يغمه اسمها مصر بالساهل

اخوانا بتوع الاسلام السياسي زي الاخوان واخدين دائما ع الخساير و ممكن تراجع تاريخهم

اخوانا السلفيين لولا الشباب زي سلفيو كوستا كنت قلتلك اغسل ايدك منهم

دول ناس بنظارة عليها غطا يشوفوا اوقات و اوقات مش هنا اصلا

اما الشعب اتمسك من بطنه خلاص و لقمة العيش قربت تختفي م الوجود

لاني مبقتش شايف حل تاني و مش قادر اقتنع اني اروح اهتف و انضرب بالرصاص من عمالنا و فلاحينا اللي مش

فاهمين هما بيضربوا مين و ليه او اخد طلقة من كلب بيأجروه بالجنيه

مبقتش فاهم ازاي انا بحارب عشان بلد و عشان حضارة و عشان مستقبل افضل و عشان حلم انك تكون طوبة في

حائط اسمه الخلافة و الكلب ع الشاطئ التاني من النهر بيحاربني عشان مصالحه الشخصية و بس

رغم ان المنطق بيقول لو دامت لغيرك ما وصلت اليك

رغم ان العقل بيقول ان الاذكي هو من يتعلم من اخطاء الاخرين الا انهم مصرين يبقوا اغبياء

اخواني الثوار

بكل اسف مش نازل الميدان تاني غير و انا شايل سلاحي ف ايدي

[se_ Elsyed]

ده إندفاع مش في صالح الثورة يا ياسر ..

مهما كان مستحيل يبقى سلاحك زي ما أنت بتقول زي الجيش

لكن بإذن الله بإتحاد الجميع وبألتفافهم حول هدف واحد وهو مصر .. هايكون ده سلاحنا اللي ولا جيوش العالم تقدر توقفه .. وأظن إحنا شوفنا السلاح ده اللي أسقط أعظم طاغية ف يالعالم في خلال 18 يوم

بل بالعكس ... العنف هو اللي بيشوه ثورة الثوار ... وبيخلي المجلس العسكري متشبث أكتر ... لكن أكثر ما يجعله يتهاوى ويغور الـ 40 واحد دول هو وحدة الناس حول هدف واحد .

[التونسى]

عين العقل يا مان .. من العبث والغباء مواجهة الرصاص بصدر عارى .. او بحجاره .. حيموتوك .. وملكش ديه ..وحتروح فطيس فى وسط الزحمه .. ويمكن يطلعوك بلطجى .. ومفيش برده حاجه حتتغير .. انا بعتبر اللى حينزل اى اعتصامات حاليا .. انه بيقدم على الانتحار .. ولازم يراجع نفسه مليون مره .. خصوصا لو كان متعلم ..او مثقف .. او ذو خبره .. لان البلد حتخسره .. اياك تنزل مظاهرات تانى يا مان .. الا لو كانت مليونيات ذات اهميه قصوى .. ويدعو اليها كل الاطراف والتيارات السياسيه ..وبالنسبه للمواجهات المسلحه .. إنسى ان حد يؤيدك فيها هنا .. حتى لو فيه ناس بتتمنى من جواها السيناريو ده .. محدش حيصرح بكده على الملأ .. ممكن يلمح بس .. عشان عارف ان اغلبية الاعضاء هنا لن توافقه .. .. وممكن جهات معينه .. تجيبه وتظبطه وتئرره .. محدش حيكشف نفسه يا باشا .. لكن اطمنك .. الخطه موجوده .. والاسلحه موجوده .. واللى ناقص بس تمهيد المسرح .. وتحديد ساعة الصفر .. ومتقلقش هما خلاص دلوقتى من موضوعك ده .. عرفوا انك معاهم .. وأكيد حيشوفولك دور .. طبعا ده فى حالة انهم تيقنوا انك بتتكلم بجد .. ومش بتشتغلهم زى حالاتى ههههههههههههههه

[عنبو]

لو فقدت الثوره سلميتها هتفقد تعاطف الناس معاك وتعاطف العالم اجمع معاك وهيبقى حجه للجيش انه ينزل بكل قواته لمواجهتك ومهماالى جانب هتلاقى الشعب اتوماتيك بقى مع الجي ضدك

سلميه سلميه ومينفعش تكون غير سلميه لان رفع السلاح معناه خساره للكل

عنبو

[ابراهيم عبد العزيز]

السلام عليكم ورحمة الله وبركاته باشمهندس ياسر

هون عليك يا باشمهندس ياسر

الثوار لا يحتاجون لإستخدام العنف , فهم بإخلاصهم ووطنيتهم وتضحياتهم وطهرهم وإيثارهم يزلزلون العروش

منذ ثورة 25 يناير وحتى الأن هذا الشباب هو من يصنع الفارق

صدقني يا أخي الفاضل السلطات لا تخشى أحدا في مصر إلا هؤلاء الشباب , لأنهم قوى غير منظمة وتتميز بالتحركات السريعة القوية المركزة التي تبدو للبعض عشوائية فتجعل السلطات عاجزة في التعامل معها وتوقع خطواتهم المستقبلية ( بعكس التيارات الأخرى المنظمة التي تم إحتوائها وقضي الأمر )

كلما حادت الثورة عن المسار يخرج هؤلاء الشباب الرائعين ليعيدوها الى جادة الصواب مرة أخرى بعز عزيز أو بذل ذليل

هم لا يحتاجون لسلاح , هم بصدورهم العارية وشبابهم الوهاج وحيويتهم يرعبون كل ظالم

كل ما يحتاجونه هو شىء صغير جدا

يحتاجون فقط أن يكف بعض أبناء وطنهم ألسنتهم الحداد عنهم

تلك الألسنة التي إستباحت أعراضهم وشككت في وطنيتهم وهم ويا للغرابة يضحون من أجلهم هم

يتساقط هؤلاء الشباب شهداء واحدا تلو الأخر من أجل من يسلقوهم بألسنتهم الحداد

يفقد هؤلاء الشباب نور أعينهم من أجل من يسلقوهم بألسنتهم الحداد

ينتهك أعراض هؤلاء الشباب من أجل من يسلقوهم بألسنتهم الحداد

ياليت ذوي الألسنة الحداد يوجهون ألسنتهم الى المفسدين الذي يسرقون وينهبون قوت الشعب بدلا من توجيهها الى شباب هم أطهر وأشرف ما أنجبت مصر , يخرجون لا يريدون إلا كرامة وحرية وعدالة إنسانية للجميع وليس لهم فقط .

تم تعديل 21 ديسمبر 2011 بواسطة ابراهيم عبد العزيز

[احمد رضوان]

أيهما احب لك ... ان تقتل جندي جاهل فتحمل دمه في عنقك ... أم أن يرزقك الله الشهادة مقبلاً غير مدبر رافعاً صوتك وواقفاً امام ساطان جائر مدافعاً عن حقوق الضعفاء

الخياران كلاهما موجود والخيار متاح للجميع ولكن هناك خيار ان تضحي بنفسك حماية لأهلك وابتغاء وجه الله ، لا ترفع سيفك لتقتل جاهلاً يحركة ظالم فتعيش حياتك منغصاً بدمه ، وتحمل إثم كل من تبع رأيك فتحمل أيضاً إثمهم ، وتحمل إثم قتل الفقراء والضعفاء المعتزلين الفتنة لو اتسع الأمر وتحمل إثم جر البلد إلى الإقتتال الداخلى وما يتبعه من انفلات وقتل وحرق وسرقة واخيرا ... قد يضيع الهدف الذي أخرجك الا وهو حب مصر بعد ان تضيع هي

والخيار الآخر ان تقبل مجاهدا بنفسك ، عاري صدرك متوجه الى الله رغبة لا رهبة رافعاً الظلم عن الضعفاء وواقفاً في وجه الظالم مضحياً بما تملك ابتغاء إحدى الحسنيين شهادة لا يشوبها إثم او ظلم او دم انسان او ان تنتصر بإنسانيتك وسموك ونبلك وأخلاقك ... واعلم اننا هنا فقط عابرون وليس لمن يعبر ابداً وهو غير مقيم ان يضحي بدار إقامته من اجل منزل نزله في ترحاله

واعلم ان الكلمة كالسيف قد تقتل ... ونحن كلمتنا هي سيفنا نهوي بها على أفئدة الظلمة والله هو ناصر كل ضعيف واذكرك بمن ضحى بعينه في يناير ثم نزل اعزلاً ليفقد الأخرى فى نوفمبر ... ثم ينزل اعزلا وهو اعمى كليا ليقود مسيرة سلمية ... احمد حرارة رجل احيى امل وهزم ضعف نفوس واضاء طريقاً للآخرين ، واذكرك بقول رسول الله ما تقابل المسلمين بسيفيهما ... الا واحدهما فى النار ... فأعيذك بالله ان تكون هو

وأخيراً اقول لك ان كنت قد تعبت من الرباط ، فلترجع إلى بيتك وكل شكرنا لك والله شاكر سعيك في انقاذ البلاد والعباد ، ولكن اعلم انك لن تستطيع ان تجلس في بيتك وانت ترى دماء الضعفاء تسيل ... لأنك استشعرت معنى ان تكون رجلاً وان تكون مضحيا

ثوتنا سلمية لا عن ضعف بل عن ايمان بأن الله هو ناصر الضعفاء وهو صادق الوعد وان تأخر النصر ... فالآخرة قريبة وكل مجازى بما قدم ... نقدم نفسنا فداء مصر وفداء اهلها

وفقك الله وسدد خطاك وخطى كل المرابطين ... ورزقنا ان نقف معكم والله ناصركم

الله اكبر والنصر للثوار سلماً

الله اكبر والنصر للثوار سلماً

الله اكبر والنصر للثوار سلماً

تم تعديل 21 ديسمبر 2011 بواسطة Radws

[ابراهيم عبد العزيز]

إني داعا فأمن يا باشمهندس ياسر

اللهم إكفي الثوار المرجفون

اللهم إكفي الثوار المثبطون

اللهم إكفي الثوار المستهزئون

اللهم إكفي الثوار من في قلوبهم مرض

اللهم إكفي الثوار المنافقون

اللهم إجعل من أمامهم نورا , ومن خلفهم نورا , وعن يمينهم نورا , وعن شمالهم نورا , اللهم إعطهم نورا

اللهم أرهم الحق حقا وأرزقهم إتباعه , وأرهم الباطل باطلا وإرزقهم إجتنابه

اللهم إجعل التوفيق حليفهم في القول والعمل

اللهم إجعل عاقبتهم في الأمور خيرا

اللهم عاملهم بما أنت أهل له , ولا تعاملهم بما هم أهل له , فأنت أهل التقوى والمغفرة

اللهم هيء لنا أمر رشد , يعز فيه أهل طاعتك ويهدى فيه أهل معصيتك

ربنا دعوناك كما أمرتنا ............... فإستجب لنا كما وعدتنا

ربنا دعوناك كما أمرتنا ............... فإستجب لنا كما عودتنا

تم تعديل 21 ديسمبر 2011 بواسطة ابراهيم عبد العزيز

[عصام أبوالفتح]

عين العقل يا مان .. من العبث والغباء مواجهة الرصاص بصدر عارى .. او بحجاره .. حيموتوك .. وملكش ديه ..وحتروح فطيس فى وسط الزحمه .. ويمكن يطلعوك بلطجى .. ومفيش برده حاجه حتتغير .. انا بعتبر اللى حينزل اى اعتصامات حاليا .. انه بيقدم على الانتحار .. ولازم يراجع نفسه مليون مره .. خصوصا لو كان متعلم ..او مثقف .. او ذو خبره .. لان البلد حتخسره .. اياك تنزل مظاهرات تانى يا مان .. الا لو كانت مليونيات ذات اهميه قصوى .. ويدعو اليها كل الاطراف والتيارات السياسيه ..وبالنسبه للمواجهات المسلحه .. إنسى ان حد يؤيدك فيها هنا .. حتى لو فيه ناس بتتمنى من جواها السيناريو ده .. محدش حيصرح بكده على الملأ .. ممكن يلمح بس .. عشان عارف ان اغلبية الاعضاء هنا لن توافقه .. .. وممكن جهات معينه .. تجيبه وتظبطه وتئرره .. محدش حيكشف نفسه يا باشا .. لكن اطمنك .. الخطه موجوده .. والاسلحه موجوده .. واللى ناقص بس تمهيد المسرح .. وتحديد ساعة الصفر .. ومتقلقش هما خلاص دلوقتى من موضوعك ده .. عرفوا انك معاهم .. وأكيد حيشوفولك دور .. طبعا ده فى حالة انهم تيقنوا انك بتتكلم بجد .. ومش بتشتغلهم زى حالاتى ههههههههههههههه

bv:- ... نفسى بس أسأل سؤال .. هو الطوب ده مش سلاح ؟ .. والملوتوف ده ايه ؟!!!

فين سلمية الثورة وكل مشاهدها بقت ألفاظ وحركات بذيئة ورمى طوب وملوتوف .

هما نفسهم قالوا خالتهم سلمية ماتت

ثورتهم الثانية المزعومة منذ بدأت وهى مسلحة .

[احمد رضوان]

اللهم أمين

اللهم امين

اللهم امين

[mfarag]

السادة المتحاورين

تحياتى

لمن يريد الحسم العسكرى

اولا نموذج ليبيا

الجيش الليبى الضعيف و الذى تم تدميرة عمدا بواسطة القذافى - بعد ان احس خطر الانقلاب علية - من خلال عملية تشاد

ثم من خلال اخراج العسكريين المحترفين منة و ادخال عناصر مواية لة و مرتزقة

و تحويلة من جيش نظامى الى كتائب منفصلة تابعة لاولادة

و اخيرا الحصار الغربى لسنوات عديدة

و رغم ذلك فقد نجح تقريبافى سحق الثوار و المنشقين المنضمين اليهم

و الوصول الى بنغازى

ولكن الناتو تدخل بثقلة

-----------------------------------------------

النموذج الثانى

النموذج اليمنى

لا يوجد تقريبا مواطن يمنى لا يمتلك سلاح الى

و متوسط قطع السلاح فى اليمن 3 قطع لكل مواطن ( لا اتكلم عن سلاح الجيش او الشرطة )

و تمتلك القبائل فى اليمن اسلحة ثقيلة

و الجيش اليمنى نفسة جيش ضعيف عجز عدة مرات عن حسم مشكلة مثل مشكلة الحوثيين و بعد معارك متصلة لم ينجح فى حسمهت لجاء الى هدنة او اتفاق سلام

ورغم ذلك

فقد كان اليمنين من الحكمة و بعد النظر

لا حتفاظهم بثورتهم سلمية مع امتلاكهم السلاح الكافى

على الرغم من محاولات النظام لجر البلاد لحرب اهلية

بس نقول اية البعض ينظر تحت قدميةلك الله يا مصر

تم تعديل 21 ديسمبر 2011 بواسطة mfarag

[ماستر]

السلام عليكم

الباشمهندس ياسر/

الدماء لها حرمة عظيمة جدا وانا استغرب لمن يستسهل الامر ودة دليلى

-قالَ رسولُ اللَّهِ صَلَّى اللَّهُ عَلَيْهِ وَسَلَّمَ: (أَوَّلُ مَا يُقْضَى بَيْنَ النَّاسِ يَوْمَ الْقِيَامَةِ فِي الدِّمَاءِ).

-قالَ رسولُ اللَّهِ صَلَّى اللَّهُ عَلَيْهِ وَسَلَّمَ: (إِذَا الْتَقَى الْمُسْلِمَانِ بِسَيْفَيْهِمَا فَالْقَاتِلُ وَالْمَقْتُولُ فِي النَّارِ)

لو مش عايز تنزل الميدان انت حر ودة قرارك بس اظنك مش هتقدار تقعد فى البيت وتشوف الى بيحصل قدامك

تسليح الثورة لن يحل المشكلة بل يعد انحراف ليها وتعقيد ودة مش فى صالح الثورة بالعكس دة فى صالح اعدائها وهما بيدفعوا لكدة وحاول تشوف الاحداث السابقة كلها حتلقيها اسفزاز وعنف غير مبرر كل ما الامور تهدى وتمشى فى اتجاة الانتخابات وتسليم السلطة،

الا تلاحظ انة كلما خفت صوت الثورة الحقيقى وتراجعت اهدافها وزادت قوة الثورة المضادة والعودة الى الوراء, اشتعلت الثورة الحقيقية من جديد شوف احداث محمد محمود ومن بعدها احداث مجلس الوزراء

ايه هو معيار نجاح الثورة فى مفهومك؟ انها توصل للحكم ولا ان الشباب الى قام بالثورة يتعينوا وزراء ؟ الثورة نجحت جدا بس فية شوية استعجال منك ومن البعض, اظن ان نجاح الثورة مش حيباين غير بعد اربع سنين من حكم اول رئيس منتخب, كمان لا تنسى ان لغاية دلوقتى الحاكم الفعلى لمصر هو النظام القديم بس بشكل مختلف شوية وبنفس ادواتة

[ابو محمود]

ياعم ياسر ربنا يسترك .. انت تروح السعودية احسن

هيفتكرو الموضوع بجد .. يا جماعة دة صاحبي وانا عارفة حاول يعمل زى الصديق محمود البصيلى بس حط صلصة ذيادة

[طارق مصرى]

أيهما احب لك ... ان تقتل جندي جاهل فتحمل دمه في عنقك ... أم أن يرزقك الله الشهادة مقبلاً غير مدبر رافعاً صوتك وواقفاً امام ساطان جائر مدافعاً عن حقوق الضعفاء

الخياران كلاهما موجود والخيار متاح للجميع ولكن هناك خيار ان تضحي بنفسك حماية لأهلك وابتغاء وجه الله ، لا ترفع سيفك لتقتل جاهلاً يحركة ظالم فتعيش حياتك منغصاً بدمه ، وتحمل إثم كل من تبع رأيك فتحمل أيضاً إثمهم ، وتحمل إثم قتل الفقراء والضعفاء المعتزلين الفتنة لو اتسع الأمر وتحمل إثم جر البلد إلى الإقتتال الداخلى وما يتبعه من انفلات وقتل وحرق وسرقة واخيرا ... قد يضيع الهدف الذي أخرجك الا وهو حب مصر بعد ان تضيع هي

والخيار الآخر ان تقبل مجاهدا بنفسك ، عاري صدرك متوجه الى الله رغبة لا رهبة رافعاً الظلم عن الضعفاء وواقفاً في وجه الظالم مضحياً بما تملك ابتغاء إحدى الحسنيين شهادة لا يشوبها إثم او ظلم او دم انسان او ان تنتصر بإنسانيتك وسموك ونبلك وأخلاقك ... واعلم اننا هنا فقط عابرون وليس لمن يعبر ابداً وهو غير مقيم ان يضحي بدار إقامته من اجل منزل نزله في ترحاله

واعلم ان الكلمة كالسيف قد تقتل ... ونحن كلمتنا هي سيفنا نهوي بها على أفئدة الظلمة والله هو ناصر كل ضعيف واذكرك بمن ضحى بعينه في يناير ثم نزل اعزلاً ليفقد الأخرى فى نوفمبر ... ثم ينزل اعزلا وهو اعمى كليا ليقود مسيرة سلمية ... احمد حرارة رجل احيى امل وهزم ضعف نفوس واضاء طريقاً للآخرين ، واذكرك بقول رسول الله ما تقابل المسلمين بسيفيهما ... الا واحدهما فى النار ... فأعيذك بالله ان تكون هو

وأخيراً اقول لك ان كنت قد تعبت من الرباط ، فلترجع إلى بيتك وكل شكرنا لك والله شاكر سعيك في انقاذ البلاد والعباد ، ولكن اعلم انك لن تستطيع ان تجلس في بيتك وانت ترى دماء الضعفاء تسيل ... لأنك استشعرت معنى ان تكون رجلاً وان تكون مضحيا

ثوتنا سلمية لا عن ضعف بل عن ايمان بأن الله هو ناصر الضعفاء وهو صادق الوعد وان تأخر النصر ... فالآخرة قريبة وكل مجازى بما قدم ... نقدم نفسنا فداء مصر وفداء اهلها

وفقك الله وسدد خطاك وخطى كل المرابطين ... ورزقنا ان نقف معكم والله ناصركم

الله اكبر والنصر للثوار سلماً

الله اكبر والنصر للثوار سلماً

الله اكبر والنصر للثوار سلماً

و ايضا فى هذا السياق نتذكر كلام الرسول صلى الله عليه وسلم فى معرض كلامه عن الفتن (( كن عبد الله المقتول و لا تكن عبد الله القاتل )) و هذا ما نفذه سيدنا عثمان فى الفتنه الشهيرة حيث لم يرفع سلاحا قط فى وجه المجرمين الذين دخلوا لقتله مع حقه التام فى ذلك بل طلب من الذين اتوا لحراسته متطوعين بالعودة لبيوتهم

( هذا فى اوقات الفتن فقط و ليس فى حرب مع اعداء )

المظاهرات السلمية تاتى بقتلى و جرحى كتير ده غير تخريب الممتلكات فما بالك لما يوصل الامر لصراع مسلح لازم مننجرش للعب مع المجلس العسكرى على الحلبة بتاعته لاننا مش ادها و هتخسرنا التعاطف الشعبى و هتدى القوة للمجلس ان يتجبر و يتوحش اكتر بحجة حماية امن و ممتلكات الوطن و تظهره بصورة البطل فى وجه العملاء و الخونه , لازم تفضل سلمية و نستمر فى فضح الاعيب المجلس و شركائة المخفين من امن دولة و مخابرات .

[احمد رضوان]

المظاهرات السلمية تاتى بقتلى و جرحى كتير ده غير تخريب الممتلكات فما بالك لما يوصل الامر لصراع مسلح لازم مننجرش للعب مع المجلس العسكرى على الحلبة بتاعته لاننا مش ادها و هتخسرنا التعاطف الشعبى و هتدى القوة للمجلس ان يتجبر و يتوحش اكتر بحجة حماية امن و ممتلكات الوطن و تظهره بصورة البطل فى وجه العملاء و الخونه , لازم تفضل سلمية و نستمر فى فضح الاعيب المجلس و شركائة المخفين من امن دولة و مخابرات .

كلام يوزن بالذهب

[محمد حامد الغنام]

احسن حاجة هتعملها

ابشرك بمستقبل مية مية

لما احد من جنود الجيش هيشوفك كدة

ولما يقبض عليك

هيحيلك للمحكمة العسكرية

وتقريبا الحكم يا هيكون 15 يا 25

لان القضاء العسكرى لا يعرف الا القانون

......

روح وجرب

بس ابا افتكر ولاد ومراتك واسرتك الى هيتبهدلوا من بعدك

والى انته هتجيب ليهم الكافية بكلامك الغير محسوب العواقب

[الباشمهندس ياسر]

انا عاوز رئبس يحكم و باسرع وقت ممكن بقي

عايز رئيس يمسك البلد

انا فاضلي شوية و اجيب الي و اقفلكم علي اول الطريق و اقطعه عليكم

هلااااااااااااااااااااص

بقيت بعول هم شهرية العمال اللي ثابتين ف المكتب

و ربنا لو ما الموضوع اتلم و البلد اتمسكت و الحركة رجعت تدور

كل الناس ف مصر هتزعل

و عتزهل ف كتير كمان

المداخلة دي كتبتها ف سبتمبر الماضي

قيل كل الاخداث الشنيعة ما تبدأ

هو سؤال .. لو تحقق ده مش كنا خلصنا من كل الهباب اللي احنا فيه...؟

طب هل المجلس العسكري مش فاهم ده..؟

طب ازاي نلاقي المخرج دلوقتي.؟؟

هما خايفين من التاريخ الاسود بتاعهم و السجن اللي كان مستنيهم

دلوفتي الجرايم زادت و مبقاش السجن دا بقي جبل المشنقة

ياريت تجاوبوني ازاي المخرج

[الباشمهندس ياسر]

.. ومتقلقش هما خلاص دلوقتى من موضوعك ده .. عرفوا انك معاهم .. وأكيد حيشوفولك دور .. طبعا ده فى حالة انهم تيقنوا انك بتتكلم بجد .. ومش بتشتغلهم زى حالاتى ههههههههههههههه

با تونسي

بحب كلمة تونسي اكتر

ده وقت للضحك... انا فعلا بتكلم من قلبي و بناقش الفكرة

ده مش مقامك يا شاعر

bv:- ... نفسى بس أسأل سؤال .. هو الطوب ده مش سلاح ؟ .. والملوتوف ده ايه ؟!!!

فين سلمية الثورة وكل مشاهدها بقت ألفاظ وحركات بذيئة ورمى طوب وملوتوف .

هما نفسهم قالوا خالتهم سلمية ماتت

ثورتهم الثانية المزعومة منذ بدأت وهى مسلحة .

الحمد لله الذي نحاك ان تكون مع القوم الظالمين الخارجين علي الحاكم المارقيين علي السلطان

هي فعلا ثورتنا احنا مش ثورتكم

ا

بس نقول اية البعض ينظر تحت قدمية لك الله يا مصر

اصدق فعلا احنا ناس بنبص تحت رجلينا و مش فاهمين حاجة لا عن ليبيا ولا اليمن ولا ملابسات المسائل ولا حاجة ابدا

انما ماشاء الله عليك جهبز

استفدنا كتير من مداخلتك

احب انوه سعادتك لمعلومة بسيطة جدا و هي حرب الشوارع او العصابات للمدن الكبري ذات الطبيعة المركزية بتبقي مختلفة شويتين

بارب ميكونش ليك اي علاقة بالعلوم العسكرية لاني هزعل اوي ساعتها علي مصر

احسن حاجة

انت مبتغرقش تقرا ..؟؟؟

انت ممنوع من دهول الموضوع اصلا

[الباشمهندس ياسر]

طالب وائل غنيم بالالتزام بسملية الثورة رافضا دعاوى العنف، قائلا "أصحاب دعاوى العنف والتشجيع على خروج الثورة من سلميتها لو سلّمنا بسلامة نيتهم ورغبتهم الحقيقية في التغيير، حجتهم غياب العدل وعدم محاسبة المسئولين عن القتل والتعذيب وعدم جدوى الحلول السلمية .. ولكن هذا الطرح يتعارض مع الكثيرين من المؤمنين بأهمية سلمية الثورة (وأنا أنتمي لهؤلاء)".

وأضاف غنيم في كلمة له على صفحته الشخصية على موقع الـ "فيسبوك" مساء اليوم الأربعاء " المؤمنون بأهمية سلمية الثورة يؤمنون أن دولة الحق والعدل والقانون لن تتحقق على يد من سيتطرّف ويبرر الوصول للغاية النبيلة بالعنف، وكثير من الثورات خلقت ديكتاتوريات بعد انتصارها بسبب ذلك، هذا ما أدُين به ويستريح معه ضميري وهذا ما آمنت به وسأظل أؤمن به منذ الدعوة للنزول في 25 يناير".

وقال غنيم "كانت أول إرشادات النزول لمظاهرات 25 يناير كما كتبتها: نحن دعاة سلام ولسنا دعاة عنف، ونطالب بحقوقنا ومن الأولى أن نحافظ على حقوق الآخرين، ولن نستجيب لأي محاولات استفزاز من الأمن عشان يخرجنا عن شعورنا ويحصل اللي هما بيخططوا ليه، وهدف رئيسي من أهداف الأمن هو تصوير المتظاهرين على إنهم شوية بلطجية عايزين يخربوا البلد، ويجب ضبط النفس وعدم التهور وعمل أي شيء يخالف القانون أو يعرض حياة أي شخص لخطر أو يتسبب في الإضرار بأي ممتلكات عامة أو خاصة".

http://gate.ahram.org.eg/NewsContent/13/70/151691/%D8%A3%D8%AE%D8%A8%D8%A7%D8%B1/%D8%A7%D9%84%D8%B4%D8%A7%D8%B1%D8%B9-%D8%A7%D9%84%D8%B3%D9%8A%D8%A7%D8%B3%D9%8A/%D9%88%D8%A7%D8%A6%D9%84-%D8%BA%D9%86%D9%8A%D9%85-%D8%A3%D8%B5%D8%AD%D8%A7%D8%A8-%D8%AF%D8%B9%D8%A7%D9%88%D9%89-%D8%A7%D9%84%D8%B9%D9%86%D9%81-%D9%8A%D8%AA%D8%B9%D8%A7%D8%B1%D8%B6%D9%88%D9%86-%D9%85%D8%B9-%D8%A7%D9%84%D9%85%D8%A4%D9%85%D9%86%D9%8A%D9%86-%D9%85.aspx

[ViralMind]

السلام عليكم..

مفيش حد اسمه ممنوع من دخول الموضوع او التعليق عليه, اما اذا كنت تحب ان تسمع اللى على مزاجك بس, يبقى فتحت الموضوع ليه اصلا؟ :lol:

المشكلة فعلا اننا بنبص لتحت رجلينا بس, و مبنحسبش الخطوات اللى بعد كده.

الجميع يدعو لثورة, و لكن مفيش حد حاول يفكر او يتكلم عن ايه اللى المفروض يحصل بعد الثورة.

الكل عايز المجلس العسكرى يمشى لكن مفيش حد بيقول لنا خطة طريق واضحة المعالم توصل البلد لمرحلة

الاستقرار مرة تانية.

الجميع يعتقد انه هو النابغة الفلتة اللى محدش غيره فاهم الموقف و شايف ابعاده, لكن الباقيين دول مش فاهمين اى حاجة نوهائى.

[التونسى]

هونا عليك يا مان .. يعنى انت سبت كل كلام مداخلتى الجد .. وركزت فى السطرين اللى فيهم ضحك هههههههههههه

الظاهر انك فعلا بتمر بأزمة .. بل ازمات .. عشان كده طرحت الفكرة المخيفه دى .. ربنا يكون فى عونك .. وادعوك لاعتصام بحبال الصبر والهدوء والروية ..حتى تمر العواصف .. وان شاء الله بعد الضيق فرج .. وبلاش تستعجل الخير .. هو جاى فى وقته