نعتذر لك يا فتاة مصر يا من عريتي شرف المجلس العسكري

[نورالعين]

زوجة الشيخ عماد عالجزيرة منذ قليل في سؤالها عن رأي الشيخ في البنات اللي بتشرب سجاير في الميدان واللي مش محجبين

قالت أن عماد زوجي كان بيقول "بصي علي قلبهم" ما تبصيش عليهم من برة . هما مخلصين لقضية ولو كانوا موجودين في مناخ ديني أفضل من اللي موجود دلوقتي كان السلوك اتغير...

[نورالعين]

[محمد عبدالعزيز]

سبحان الله بدماء شهداءنا نقرأ تاريخنا الغير معروف لأكثرنا

فتيات مصر وقفن في مواجهة العدوان الثلاثي في بورسعيد ... الله عليكن يا فتيات مصر

إيه اللي نزلهم دول ؟

ويا ترى كان في لانجري زمان ولا كانوا بيقضوها إزاي ؟

كان نفسي كل صاحب قلب وعقل يشوف النهاردة مظاهرة نساء السويس وهما طالعين بالنقاب والحجاب لينددوا ويشجبوا ما يفعله الطرف الثالث العسكري بشعب مصر

وعندنا فى اسكندرية كمان كان فى مسيرة نسائية ضمن مسيرة النهارده وكانوا حاجة تفرح وتحرج فى نفس الوقت, تحرج الرجالة يعنى اللى بيحاكموا الضحية.

والله كنت عاوز أصورهم وأنزل صورهم هنا, وبعدين كبرت دماغى وقلت الكلام خلاص مفيش منه فايده عشان ماينفعش نتناقش فى بديهيات وفطرة.

[احمد رضوان]

حسبي الله ونعم الوكيل

البنت ليست منتقبة والبدي الأسود العسكري هو اللى رفعه وكان على وشها وهي مغمى عليها من الضرب ونايمة عندها كسر في قاع الجمجمة الآن بين الحياة والموت

يا حسالة البشر الا لعنة الله عليكم ربنا ينتقم منكم .... خسارة فيكم نقطة عرق من عرق اللى ماتوا علشانكوا مش نقطة دم

http://www.youtube.com/watch?v=p7y6PPZPfM8

[se_ Elsyed]

عفواً يا أحمد بيه

لن ينجر أصحاب العقول إلى وضع مواصفات قياسية لملابس أي إنسان

وخصوصاً لو كان هو الضحية .. ويا ترى كانت لابسة بادي ولا كباسين ولا سوسته

لان من أنزلق إلى تلك الخزعبلات المريضة لن يقتنع حتى لو انزلت له ملك من السماء ليشهد على طهارة وشرف البنت ... فهؤلاء قد اختاروا الطريق الأسهل وهو إلغاء العقل

فيا سيدي العزيز حتى لو كانت بنت لابسه كت ولا عريان .. أليس لها حق في هذا الوطن ؟

وهل الكلاب الذين نهشوا لحمها فعلوا ذلك لانهم لم يشاهدوها ترتدي ملابس حسب المواصفات المتعارف عليها ؟

طب وعشرات المحجبات والمنتقبات اللي شوفناهم في محمد محمود بيتسحلوا وعرضناها هنا الفيديوهات لا لشيء إلا لمجرد إنها خارجه من محطة مترو الأنفاق ... اه صح إيه اللي خلاها تركب المترو من غير محرم ؟

طب والأطباء اللي بيرقدوا بين الحياة والموت بعدما أقتحم التتار المستشفى الميداني في مسجد عباد الرحمن بجوار مسجد عمر مكرم ؟

طب والشاب المسيحي اللي دافع عن البنت .. والبنت اللي أبوها شهيد في حرب اكتوبر وكل عائلتها قيادات في الجيش وكانت ماشية في التحرير ودافعت عن البنت ؟

أخي الكريم .... لن ننزلق إلى العصور الجاهلية ... لن ننزلق إلى الأفكار الهدامة التي لا تمت للدين بصلة .... نحن في دولة ... لها مؤسساتها وفيها قانون .... ولا يوجد إنسان على وجه الأرض يُعطي الحق لإنسان أخر إنه يحاسبة لابس كده ليه أو بيعمل كده ليه إلا من باب النصيحة التي إما تُقبل أو تُرفض .. ولن تصل مصر يا عزيزي إلى عصور الجنازير والسيفو لفرض فكر مريض بالقوة .. وإلا تحولنا لغابة

نعم نحن في مجتمع إسلامي وله تقاليد وعادات ودين متغلغل في عقولنا وقلوبنا

لكن الدين نفسه ضد أي تغيير للمنكر باليد من غير ذي صفة أو ليس ولي أمر ...

[Mr MAGED]

وهو ان شاء الله كان ايه اللي حصل لمبارك عشان طنطاوي يتعظ منه !!!

الراجل قاعد معزز مكرم في فندق سبع نجوم .. وطيارة خاصة تحت أمره

طنطاوي متطمن لانه عارف مصير مبارك كويس

عصابة واحدة .. بس بتتبدل الادوار

[احمد رضوان]

عفواً يا أحمد بيه

لن ينجر أصحاب العقول إلى وضع مواصفات قياسية لملابس أي إنسان

وخصوصاً لو كان هو الضحية .. ويا ترى كانت لابسة بادي ولا كباسين ولا سوسته

لان من أنزلق إلى تلك الخزعبلات المريضة لن يقتنع حتى لو انزلت له ملك من السماء ليشهد على طهارة وشرف البنت ... فهؤلاء قد اختاروا الطريق الأسهل وهو إلغاء العقل

اتفق معك تماماً

[عاشق]

دي البنت مصرية

والي ضربها مصري من ام مصرية

والصفعات نزلة على وجه الصبية

تتسابق تنهش في جسد الضحية

دي البنت مصرية

هي اختى هي أمي هي كل بنت مصرية

يمكن رفعت صوتها عشان تطالب بالحرية

يمكن نادت بالي بينادي بيه كل وطنى وطنية

دي البنت مصرية

دمعها هو دمي

وجسدها هو وطني

وشرفها من شرفي

وعزتها من عزة كل مصري

دي البنت مصرية

كتبت هذه الكلمات .. لان الصورة كانت بشعة ..

وهذا لايعنى اني ضد المجلس العسكري

او ضد اي شي اخر

فقط ضد الاهانة

العزة لك يا مصر

[hanzalah]

اتمنى على لذين لم يحسموا أمرهم بعد

اتمنى على الذين يحاولون اظهار الحكمة ويمسكوا العصايه م النص

اتمنى على (فريق من الاسلاميين) أصحاب مدرسة تغليب المصلحة فوق المبدأ

أتمنى على الجميع أن يفيق قبل فوات الاوان

المجلس العسكري هو مبارك والاثنين وجهان لعملة ردئية عفا عليها الزمن ولايحتفظ بها سوى مغيب وفاقد للبوصلة

الزمن لايعود للوراء يا أفاضل . و الشعوب تتعلم أسرع من كل الطغاة

لقد سقطت الاقنعة من شهور .. فعلام الاختلاف !!

نظام الحرامي المخلوع سحلنا وقتلنا وعرانا في الشوارع والسجون .. والمجلس العسكري عمل نفس الشيء

نظام المخلوع دجل علينا في الاعلام والصحف الموبوءة .. والمجلس عمل نفس الشيء

نظام المخلوع قوم طوائف الشعب على بعض .. والمجلس عمل نفس الشيء

نظام المخلوع عمل نفسه عبيط لما جنودنا ماتوا ع الحدود .. والمجلس نفس الشيء

نظام المخلوع كرس تعليم جاهل لايخرج لنا علم ولا عالم .. والمجلس نفس الشيء

نظام المخلوع ضحى بالمخلوع وفوض المجلس عشان يحافظ ع السبوبة

قل لي بالله عليك .. ماذا تغير في حياة المصريين على مدار شهور من حكم الاشاوس بعد التنحي

الاجابة تونس

يعني احنا لم يتغير في حياتنا قبل وبعد الثورة شيء

يعني احنا اخدنا صفر وتونس عبرت لانها اعطت السلطة لرئيس المحكمة الدستورية العليا الغير منتمى للنظام البائد

المجلس حاكم المخلوع بعد ثلاث شهور ومليونيات وضغوط محاكمة هزلية لم تسفر عن شيء

المجلس أهان امهات الشهداء امام المحكمة ووقف يتفرج على كلاب مبارك ينهشوا فيهم وضربهم امام مسرح البالون وفي كل موقف

المجلس جاء بعكاشة والهتيفة ووزع عليهم اعلام ف العباسية و وزع عليهم الفاضائيات ليبثوا الخف والهلع بين الناس ويخوفوهم من الثورة والثوار

المجلس فجر الفتنة الطائفية ولعب بورقتها في مواقف كثيرة - وفيه ناس بتسأل هو الكنيسة الجاية هتولع امتى وفين عشان اتأخرت الحكاية دي

فلماذا نختلف اليوم على كرامة المصري والمصرية ونقول عباية بكباسين وكلام فارغ

كل شىء انكشفن وبان، وهتف أنصار المجلس العسكرى بحياة مبارك

هذا ما كتبه ابراهيم عيسى بكل صراحة في جريدة الدستور عدد اليوم

http://www.dostor.org/editorial/11/december/25/65104

والراجل عنده كل الحق .. واليكم صورة جميلة من العباسية توضح المعنى

فعلا احنا بنختلف على إيه

[se_ Elsyed]

معليش يا بنتي

مظلمتك عند ربنا إن شاء الله

أنا هالتمس العذر لبعض الناس اللي أفتكرت غن الحادثة دي

حصلت قبل 1433 سنة ..

وبالتالي ما كانش في قرآن ولا أحاديث

[Dreamwithme]

علي فكرة يا سي السيد أنا كنت مصدومة جدا في ردود فعل الناس تجاه هذه الحادثة

ومكنتش مصدقة إن ممكن ناس تفكر بالطريقة دي وتهاجم البنت وكانت لابسة إيه وإيه اللي وداها هناك

وقعدت فترة مش قادرة أنطق من كتر الألم والذهول

لكن برد ناري شوية كلام معز مسعود

http://www.youtube.com/watch?v=jX645J2BH7s

وبعدين لما اتفرجت علي فيديو د/منال عمر -استشاري الطب النفسي في لقائها مع بلدنا بالمصري

وهي بتتكلم عن الثورة وتأثيرها علي نفسيتنا وكيفية تفاعل الناس مع الأحداث ( أستاذ أحمد رضوان حاطط الفيديو في موضوع هنا)

فهمتني ليه الناس بتتصرف كده ....عشان هم مش قادرين يواجهوا نفسهم ولا يواجهوا الظالم فبيعملوا سيلف ديفينس إنهم يلوموا الضحية

حسبي الله ونعم الوكيل

[eslam elmasre]

بعض الرجال نحسبهم رجال ... و هم فى الأصل ... مجرد فراغ

الراجل ده مؤدب لأنه قال كلمة فراغ بس

فراغ مين يا سيد السيد

دول مركبين قرون زي قرون حمدي احمد في فيلم القاهرة 30

الراجل اللي ما يزعلش من تعرية امرأة في الطريق هو رجل مخنث دلدول

والراجل اللي ما يثورش من منظر زي ده يبقى لو مؤاخذه

بصرف النظر عن هي ايه او بتعمل كده ليه

لما كام راجل يتلموا على واحدة ست ويشوف المنظر ده راجل تاني يقول دي تستاهل يبقى الراجل ده في نظري مش راجل يبقى لو مؤاخذة

هايدخل المطيبتية والمبخراتية والمحللين والدارسين وهاترسى في الاخر على انهم مش رجالة اصلا لما يرضوا بكده ويناموا ضميرهم مرتاح

تذكرت هذه المداخلة وما اشبه اليوم بالبارحة

نفس المدافعين والمطبلاتية والمبخراتية والمشككين يكررو انفسهم بشكل مقرف وكأن الرجولة كرهتهم ولفظتهم

هل تذكرون عماد الكبير عندما عذب مواطن في قسم الشرطة واهانه ماذا فرق هذا الموقف مع موقف الرجل الذي جرد من ملابسه وما هو التغيير في السياسة الامنية والمعالجة الامنية ؟

الرجولة مش بتتباع ولا تشترى

[متعب]

ده اسمه بالفم المليان السقوط الى الهاويه

والهاويه دى هتستمر معاهم على طول المدى بايديهم لا بيدى الشعب

يعنى عند اعادتهم للسجون مرة اخرى لم يدافع عنهم احد بعد ذالك كما كانوا يفعلون معهم من قبل

لان كل الذى وقف معهم وكان فى صفوف المدافعين عنهم . نال منهم ما نال من اقساط الخيانه والتأمر والكفر والعربدة وما الى ذالك