نعتذر لك يا فتاة مصر يا من عريتي شرف المجلس العسكري

[وطني حر]

ممكن حضرتك تقول لنا كام ؟

الفاضل سي سيد

لا علم لي الا ما صرح به لنا الاعلام او تناقلته الفضائيات فلا نصدق اي روايه فلم يعد لاحد مصداقيه سوا راي العين حتي العين يمكن ان تغشاها صور مغطاه بحقيقه

ولكن اطلاق النار ايا كان لا بد من وقوع ضحايا من الطرفين .قطع الرخام الي والطوب بتترمي علي العساكر اكيد تخبط في حد ..؟؟؟؟

هناك ما يسمي في المواجهات على اقل تقدير نيران صديقه

تم تعديل 21 ديسمبر 2011 بواسطة وطني حر

[أبو محمد]

تحذير إلى السادة الأعضاء

حق الاعتراض والرفض لأى مداخلة وما فيها من أفكار مكفول للجميع

أما محاولة تحويل مناقشة المداخلات والأفكار إلى توجيه الكلام إلى كاتبى المداخلات

سواء كان ذلك صراحة أو تلميحا

فهو أمر مرفوض ومخالف لقواعد المداخلات

سيكون هذا تحذيرا نهائيا سيتخذ بعده طاقم الإشراف الإجراءات المنصوص عليها فى قواعد المشاركة

دون الحاجة إلى تنبيه

فريق الاشراف

[se_ Elsyed]

ممكن حضرتك تقول لنا كام ؟

الفاضل سي سيد

لا علم لي الا ما صرح به لنا الاعلام او تناقلته الفضائيات فلا نصدق اي روايه فلم يعد لاحد مصداقيه سوا راي العين حتي العين يمكن ان تغشاها صور مغطاه بحقيقه

ولكن اطلاق النار ايا كان لا بد من وقوع ضحايا من الطرفين .قطع الرخام الي والطوب بتترمي علي العساكر اكيد تخبط في حد ..؟؟؟؟

هناك ما يسمي في المواجهات على اقل تقدير نيران صديقه

إعلام إيه يا بيه

بأقول لك لحضرتك بالأرقام

27 ماسبيرو

46 محمد محمود

14 مجلس الشعب

ده غير المئات اللي فقدوا أعينهم او وأصيبوا بعاهات

في حين تخرج الأصوات المدلسة التي تعودت على الكذب عشان يقولوا : القتلى في صفوف الجيش بالعشرات أمام ماسبيرو .. ده ناس في المجلس العسكري سعادتك .. ولن نُعلن عن عددهم لكي لا يؤثر ذلك على الروح المعنوية للجندي المصري وليكي لا يؤدي ذلك إلى خلق روح عدائية بين الجيش والشعب

بس لان الكذاب جبان ولا يستطيع أن يكذب على كل الناس كل الوقت ... فقبلها بيوم إتعملت جنازة عسكرية لأحد العساكر اللي أستشهد في الأحداث دي

ساعتها سالت سؤال وماحدش رد ... طب لما هما القتلى بالعشرات لدرجة إن في مصادر قالت ده اتقتل 60 عسكري امام ماسبيرو ... فقلت يعني الجنازة العسكرية اللي إتعملت للشهيد ده وحضرها حمدي بدين بنفسه ... ده كان إبن ناس والـ 59 التانيين كانوا ولاد البطة السودا ؟

وجثثهم راحت فين ؟

وكل الكاميرات كانت بتصور إن اللي بيتصاب حتى من المتظاهرين بيدخلوه المستشفى بتاعت مبنى الأذاعة والتليفزيون .. فتفتكر الـ 60 كانوا بيودوهم فين وما في ولا كاميرا محمول صورت جثة واحدة ؟

وأستمرارً للكذب والتدليس في المؤتمر أول امس اللوا مساعد وزير الدفاع كان ناقص يلطم ويشق هدومه على كم الأصابات في صفوف قوات حماية مجلس الشعب ... وغتكلم حوالي ساعة وقال هاتشوفوا بنفسكم دلوقت ... انا قولت هالاقي مئات الصور .. لقيت صورة واحد لعسكري مضروب يا إما بألة حادة او بقطعة رخام وجرحت فخذه

ناهيك بقى إنه لم يلمح إلى عدد القتلى في الأحداث او حتى الأصابات

يا عزيزي هي برمجه وتشوية للثورة التي أذت المجلس العسكري أكبر إياذء وفتحت العيون على السبوبة واليغمة ... وبالتالي الأمور سترجع لنصابها على خطوتين

ركز معايا

1- تركيز على تشوية كل ما يمس الثورة وحشر فكرة إن كل الناس دي بلطجية وعاوزين يسقطوا الجيش والدولة و و و و

2- خلاص الناس إتظبطت ..... يبقى نستفرد بقى على أي حد فاكر نفسه هايحكم وتستتب له الامور ... ودول سهل التعامل معهم

[عنبو]

الاخوه الي بيقولو افرض دية امك او اختك .. يعني هو الي في الجيش مش ابنك او اخوك ..؟؟؟

لحسن الحظ انا ليا اخ فى الجيش واقسم بالله قولت لو اخويا لاتبرأ منه اليى يوم الدين حتى لو كانت جت له اوامر عليا

يا سيدى الفاضل هناك امور ممكن ان نختلف حولها ولكن الثوابت لامجال للخلاف عليها

تحياتى

عنبو

[ماستر]

ريح نفسك يا عم سين , دة الكفرة يا رجل اهتزوا للمشهد المهين وكم الضرب والسحل ويجى واحد يقول دى بتكشف نفسها يا اخى اتكسف واختشى وكف لسانك عنها,

كما تدين تدان وخلى بالك ممكن اختك او امك او زوجتك تكون ما شية فى اى مكان وواحد من الهمج دول بتعرض ليها,

حسبنا الله ونعم الوكيل

[زهرة الجبل]

لا حول و لا قوة إلا بالله العلي العظيم

عليك العوض و منك العوض انت وحدك يا رب

حتى أبسط الأمور و أكثرها بداهة و وضوح أصبحنا نختلف عليها

حتى أضعف الإيمان أصبح بعيد المنال و حق غير مكفول لأحد !!

يعني من يدافع بيده مخرب .. و من يدافع بلسانه عميل !! و حتى من يناصر بقلبه .. بالدعاء .. بنقول يارب بس ..

حتى من يغير ما يرى أنه منكراً بقلبه أصبح مفروضاً عليه اليوم أن يواجه و يجابه و يتصدى للنقد و التجريح

البنت مرميه عالأرض رمية من لا حول له و لا قوه .. و يجي واحد ممن لا يخافون الله ’’يظبــَّـط’’ فيديو و ينزله على النت و يقول كل الجندي ما يغطيها تعري روحها

هو جرى إيه في الدنيا ؟ خلاص مفيش خوف من ربنا ؟

.. مفيش أعراض مستوره في أهل بيته يخاف عليها ؟

الفيديو واضح فيه الضرب و لا ضرب الكفار .. لو كانت في وعيها و هي بتاخد رجل واحده من رجلين الكافر اللي بيرفصها في صدرها كانت إتلوت على روحها

أو حتى كان ظهر منها أي رد فعل غير إرادي .. طب حتى كانت إتقت ضرباتها الهمجيه بعضم إيديها

يا بني آدميين دي فاقده الوعي من كتر الضرب .. هتعري روحها إزاي و هي فاقده الوعي .. مهو لازم نتقي الله شويه

أقسم بالله العظيم دي لو كافره لوجب علينا إغاثتها .. مش نقطع في لحمها بألسنتنا كده

هو محدش فينا سمع قبل كده عن كراهة قذف المحصنات ؟

ولا خلاص كلنا دخلنا في علم الغيب و عرفنا إنها سافله و منحطه و لا يجوز وصفها بالمحصنه ؟؟

أنا قرأت المداخلات كلها و أقسم بالله أن ما أذكره هو الكلام دون تذكر من كتبه حتى لا يتهمني أحد بأنني أوجه كلامي لشخص بعينه

بس يعني الأخ أو الأخت اللي قال رداً على من يقول ماذا لو كانت أختك أو إبنتك أو أمك .. فقال و هو يعني جنود الجيش مش ولادنا و إخواتنا ..

لا إسمح لي معلش .. الجندي إللي اتخلى عن أبسط صفات الإنسانيه قبل ما يتنكر لشرف الجنديه .. ميشرفناش لا يبقى أخ و لا إبن و لا حتى جار

و اللي له أخ و سايبه كده بالأخلاق دي يبقى ليس أقل منه سوءاً و اللي له إبن و رباه كده يبقى أسوأ منه و اللي له جار و شافه كده و لا نصحهوش يبقى مش مؤمن بالله و اليوم الآخر

مش قادره أستوعب فين ضمائر من يلوكون سمعتها بألسنتهم و لا يتورعون عن شرب دمها و تمزيع لحمها بأفواههم و هم يتهمونها بالسوء لمجرد لون ملابسها الداخليه أو ما ترتديه تحت عباءه يفترض بها أنها كانت ساتره خافيه لم تكن لتشف عن ما تحتها لولا هذا الإعتداء الهمجي عليها

الموضوع كان عباره عن كلمه يوجهها من يحب أن يوجهها لهذه الفتاه المنكوبه المظلومه المكسوره .. أو اللي إحنا شايفينها كده

أما أنت يا من تراها على غير ذلك .. هل كان من الضروري أن تتدخل في هذه المساحه لتصب عليها جام غضبك و سخام تهمك حتى هنا؟

في هذه المساحه الإفتراضيه التي نوجه لها فيها كلاماً نريح به أنفسنا قبلها و نعرف أنها في أغلب الظن لن تقرأه ؟

تستكثر عليها أن تؤاذرها أو تساندها نفوس ليس بيدها غير أضعف الإيمان ؟؟

نفوس لم تطال أن تغير ما تراه منكراً لا بيدها و لا بلسانها فلم يتنبق لديهم إلا القلوب ليوظفوها قدر إستطاعتهم ؟

لا حول و لا قوة إلا بالله العلي العظيم

و حسبنا الله و نعم الوكيل

[se_ Elsyed]

هو جرى إيه في الدنيا ؟ خلاص مفيش خوف من ربنا ؟

.. مفيش أعراض مستوره في أهل بيته يخاف عليها ؟

لأ ما فيش حضرتك

أصلها حسب ما قال الاخوة الأفاضل اللي عندهم اعراض

- كانت بايته مع الشباب في الخيمة في ميدان التحرير

- لابسة عباية بكباسين ولعى أهبة الأستعداد إنها تفتحها وترعي نفسها عشان البنت دي أساساً من النخبة وعاوزة تبوظ الإنتخابات عشان الإسلاميين ما يوصلوش للحكم

- دي حضرتك أسف يعني والله إني باكتب الكلام ده .. لابسه ملابس داخلية ملونه وفي رواية أخرى مايوه بكيني من قطعتين .. تبقى عاهرة على طول وتستاهل اللي يجرا لها

أقسم بأيات الله ... كنت ممكن أتوقع أي حاجه .. نقول مثلاُ إن ثورة يناير هي ثورة تخريب ودول بلطجية وإن مصر إتدمرت ودي عيال بتتلقي تمويل عشان تخرب مصر

لكن توصل لأبسط المسائل الإنسانية والعقلية

خلاص للدرجة دي عقولنا إتلغت وما بقناش لا نفكر ولا نحس ؟؟؟

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

[زهرة الجبل]

أنا عاوزه أقول للبنت دي .. حقك علينا كلنا

إمسحيها فينا كلنا .. و إرفعي راسك و إوعي تتكسري ..

اللي جرالك ده طين على روس اللي عملوه .. ليس على رأسك

عار على جبين من قام به و من حرض عليه و من رآه و لم يغيثك و من سمع عنه و إستمرأه و ليس على جبينك

نفسي قوي آخدها في حضني و أطبطب عليها و أداوي جرحها و أمسح دموعها و أطيب خاطرها و أبوس راسها

نفسي أقول لها إنتي أرجل من ميت شنب بيندب حظه علشان لقى روحه طالع في وشوش أشباه رجال عاوزين كل حاجه عالجاهز و هم في دفا بيوتهم

عاوزه أقول لها أنا عارفه و الله إنك إتبهدلتي بالكلام أكتر من بهدلتك برجلين الكلاب اللي ضربوكي .. بس حقك عليا معلش

عاوزه أقول لها إنتي واحده من بين ناس كتير أنا بحس إني صغيره قوي قدامهم .. علشان كده إوعي تسمحي لحد إنه يصغرك بكلمه

عاوزه أقول لها قولي حسبي الله و نعم الوكيل و سيبي أمرك على الله

حسبنا الله و نعم الوكيل

[se_ Elsyed]

تخيلوا بقى لو البنت دي اللي هي أشرف وأطهر بنت في مصر لأنها أرجل من كثير ممن يدعون الرجولة

تخيلوا بقى نهارها الأسود لو كانت كاشفه شعرها أو لابسه بنطلون وبلوزه زي بنات كتير مسلمات مصريات وموجودين في المجتمع

دي ما كانتش بقى هاتبقى معتصمة أو متظاهرة او نازلة ليه في ميدان التحرير ... ده إخواننا الأشاوس اللي لهم أراء عظيمة في قضايا إسلامية ومصدعين دماغنا عن الشرق والحق والفضيلة .. كانوا لبسوها عدة قضايا أداب .. ومش بعيد كانت تطلع تحت المراقبة وعليها احكام ...

[وطني حر]

ركز معايا

<br style="font-size: 18px; line-height: 27px; ">1- تركيز على تشوية كل ما يمس الثورة وحشر فكرة إن كل الناس دي بلطجية وعاوزين يسقطوا الجيش والدولة و و و و <br style="font-size: 18px; line-height: 27px; "><br style="font-size: 18px; line-height: 27px; ">2- خلاص الناس إتظبطت ..... يبقى نستفرد بقى على أي حد فاكر نفسه هايحكم وتستتب له الامور ... ودول سهل التعامل معهم

كلام جميل وعلى راسي من فوق لكن انا ليا عند حضرتك سؤال

هما عايزين ايه الانتخابات وميت فل علي عسل . ميعاد الانتخابات الرئاسيه متحدده

الحكومه برئاسه شخصيه مصريه قويه بدات بضرب رؤوس الكفر(بتحديد حد اقصي للمرتبات ). مين يقدر يضرب الا لو معلم . ويكفي من الجنزوري هذا القرار الشجاع

بكره يطلع لي واحد يقول احنا الي شلنا حسني من الرئاسه اجي اطلع له واقول له لا مش انت

دي مصر كلها شالته القاهره خمس مليون متظاهر الاسكندريه 3 مليون السويس مليون اعد اكمل ولا .........

مش اربعه خمسه او ميه الف مش عاجبهم المشير ولا جنزوري ولا مين .....

بعدين يطلع لي مين يقول يقارن دوله لسا بتشم رائحه الديمقراطيه . بدوله بقالها عشرين سنه في الديمقراطيه .

استحاله المقارنه في بعض الحالات . باماره اننا مش عارفين نتناقش مع بعض في الحوارات. بالكلام مع بعض واختلاف الراي . فما بالك باختلاف او تضارب المصالح ( كم موضوع في المجاورات اقفل او حدف منه . بسبب ما ... ))

ماستر

كما تدين تدان وخلى بالك ممكن اختك او امك او زوجتك تكون ما شية فى اى مكان وواحد من الهمج دول بتعرض

استاذ ماستر

المقارنه مش صحيحه دي مش ماشيه في مكان ما .

دي ماشيه في مظاهره قدام عساكرجـــــيش دي ف مظاهره اختلط فيها االمصالح والمغالطات.

[se_ Elsyed]

أنا عاوزه أقول للبنت دي .. حقك علينا كلنا

إمسحيها فينا كلنا .. و إرفعي راسك و إوعي تتكسري ..

اللي جرالك ده طين على روس اللي عملوه .. ليس على رأسك

عار على جبين من قام به و من حرض عليه و من رآه و لم يغيثك و من سمع عنه و إستمرأه و ليس على جبينك

نفسي قوي آخدها في حضني و أطبطب عليها و أداوي جرحها و أمسح دموعها و أطيب خاطرها و أبوس راسها

نفسي أقول لها إنتي أرجل من ميت شنب بيندب حظه علشان لقى روحه طالع في وشوش أشباه رجال عاوزين كل حاجه عالجاهز و هم في دفا بيوتهم

عاوزه أقول لها أنا عارفه و الله إنك إتبهدلتي بالكلام أكتر من بهدلتك برجلين الكلاب اللي ضربوكي .. بس حقك عليا معلش

عاوزه أقول لها إنتي واحده من بين ناس كتير أنا بحس إني صغيره قوي قدامهم .. علشان كده إوعي تسمحي لحد إنه يصغرك بكلمه

عاوزه أقول لها قولي حسبي الله و نعم الوكيل و سيبي أمرك على الله

حسبنا الله و نعم الوكيل

اعتقد والله أعلم إننا بحاجه إلى طبيب نفساني يحلل لنا هذه المعضلة .... ويوضح لنا الناس جرا لها إيه من جوه ؟

وهل الهجوم والخوض في عرض حاجة واضحة زي الشمس هزت مشاعر الكافر قبل المسلم .. هل ده يعتبر نقص داخلي أو تعويض لخلل نفسي ولا إيه بالظبط ؟

كنت زمان أحب أقرأ للكاتب العظيم عبد الوهاب مطاوع واتابع كل كتاباته

فكتب قصة على لسان أحدى السيدات أرسلت له مشكلة تخصها وتخص بنتها ... بتقول له بنتي كانت راجعة من الجامعة ... وطلع عليها كلاب بشرية أنتهكوا عرضها .. اغتصبوها ربنا يعافينا جميعاً

والبنت بدات علاجاً نفسياً لتعبر هذه الازمة ً وحاولوا يلموا شتات انفسهم كعائلة عندها مصيبة وإبتلاء من ربنا .. ربنا ما يوري حد يارب

تخيلوا يا أصحاب القلوب المشكلة فين ؟

المشكلة دي إن الست وبنتها وعيلتها سابوا المنطقة وعزلوا وما عرفوش حد طريقهم ... لان فجأة كل إنسان تجرد من مشاعر رقيقة ربنا خلقه بها بالفطرة تخلى عن هذا كله وتحول إلى مسخ لا مشاعر له .. وياريت على بس كده .. فالست بتقسم بالله إن البنت تعرضت لحالة إغتصاب وعدوانية بشعة ومع ذلك إبتدى الجيران يتغامزوا ويتلامزوا ويلوكوا في سمعة البنت وإن تلاقيها هي السبب ... لأ لا ده بيقول لك دي كانت لابسه هدوم داخلية مش محترمة فطمعت الناس فيها وعملوا عملتهم .. لا ياسيدي ده تلاقي حد غواها وعمل فيها كده ... ونفس المدافعين عن العقيدة وحمل رايات الحق عالية خفاقة إبتدى منهم من الجيران يعني من يحتك بالبنت على أساس إنها صيد سهل وإشمعنى احنا .

[se_ Elsyed]

الحكومه برئاسه شخصيه مصريه قويه بدات بضرب رؤوس الكفر(بتحديد حد اقصي للمرتبات ). مين يقدر يضرب الا لو معلم . ويكفي من الجنزوري هذا القرار الشجاع

مش عاوزين نخرج عن الموضوع .. إقرا القرار بتاع الحد الأقصى تاني واتحدى لو فهمت منه حاجه

يكفي ان يقول إن الحد الاقصى لا يشتمل على المكافاة والبدلات و و و و

يعني مرتب الوزير دلوقت على حسب كلام الجنزوري 2000 ج .. واخد بالك او أزيد شويه .... إنت مصدق الكلام ده ؟

بس أفتح موضوع عن الحد الأقصى وخلينا نتكلم هناك

انا ليا عند حضرتك سؤال

هما عايزين ايه

حتى لو عاوزين ياكلوا مربى بالقشطة ... من ابسط حقوق الإنسان إنه يعبر عن رأية بطريقة سلمية مالم يستخدم العنف .. واتحدى سيادتك تذكر لي مره واحده المتظاهرين بدأوا بالتعدي على قوات الجيش او الشرطة

أقول لك بقى التعدي فين وسيادة الدولة كانت فين والكل وحتى الاخوة الأشاوس هنا دفنوا رؤسهم في الرمال ومستحيل حد يتكلم عن سيادة او قهوة سادة في حوادث بتجلب الخراب على مصر زي دي ؟؟؟

النهاردة كان المفروض في جولة اعادة في المرحلة التانية ... ومن ضمنها محافظة السويس ... ففي عمال في مصنع ولا بلا أزرق كانوا طول النهار امبارح قاطعين طريق مصر السويس مين بقى اللي جاي ؟

القضاة اللي هايشرفوا على الإنتخابات فاحتجزوهم على الطريق وبعد عدة مفاوضات فتحوا الطريق وأطلقوا سراحهم

امس وأول أمس كان في تعطيل لخطوط السكك الحديدية في بحري وقبلي لاكثر من 5 ساعات

ومع ذلك ماحدش قال للناس دي كخ كده او جاب سيرتهم مع إنهم يستحقوا الشنق .

اما اللي واقف بيصرخ من الألام ومظلوم أو له مطلب أو صاحب رأي .. وكلهم في النهاية ممكن يكونوا 150 أو 200 شخص ... فدول لازم ننزل بالدبابات ونسحقهم سحقاً زي ما حصل يوم 19 نوفمبر ونزلوا على المكسحين والعجزة من مصابي الثورة وسحقوهم بـ 5 الاف جندي

[se_ Elsyed]

الخلاصة :

يا بنت مصر يا أشرف وأطهر أهل الأرض ... نعتذر لك عن ذهاب العقول وتحجر القلوب .. واعلمي يا شريفة يا عفيفة بإن لا خير في قوم رأوا المنكر باعينهم .. فبدلاً من أن يستنكروه ولو بألسنتهم .. لأ كيف يحدث هذا ؟ فهؤلاء تحولوا إلى فلسفة المنكر وتزيينة وتأليف سيناريوهات عنه ؟

[se_ Elsyed]

[عماد حمدي]

ماشي يا رجالة .

سؤال بقا عملتوا إية بالرجولة دي ؟؟ ياعني رجولتك بتثبتها علي الكيبورد إزاي ؟؟!!

مهو لو ع الكلام ممكن أقعد أتكلم من هنا لبكرة ياعني مثلاً سي السيد قرأت مشاركتك و فيها تلميحات مؤسفة جداً أنها تصدر منك لي

لانك بترد علي إقتباس ليا ..

مش شرط ياعني توجه كلامك ليا مباشره بس التليمحات الموجودة كلها أي طفل صغير لو قراها هيقول الكلام موجه لعماد ..

جزاك الله خيراً .. و دا رأي و بقول تاني لو كانت علي حق فأنا متأسف ليها

انما لو كان الحادث دا مُدبر مسبقاً و مخطط ليه غتستاهل أكتر من كدة لان البنت اللي تسمح لنفسها انها تمثل التمثيلية دي تبقي بنت شوارع يستاهل اللي يجرالها

طبعاً مقدرش أحكم علي البنت دي بس بقول للمرة المليون و واحد لو هيا كانت علي حق فعلاً يبقي يا بنت الناس أنا متأسف ليكي ..

بلاش بقا نقعد نتكلم و نألف في مشاركات و نتخيل ردرود و نرد عليها

و بلاش تلميحات قليلة الأدب و ذكر الأب و الأم و أصل دا راجل بقرن و الكلام السوقي دا عيب و لازم نحترم النقاش

هوه اللي يختلف مع حد نقول عليه بقرون زي ما الفاضل اسلام المصري المحترم قال ....

عيب عيب عيب .. رأي و أنا حُر فيه .. مش علشان إختلفت معاك تقول أصلي مش راجل و الكلام دا ..

أقروا المشاركة تاني و شوف انا كاتب إية

شكراً

[زهرة الجبل]

للــتــَـذكــِـره

قال الله تعالى :

بسم الله الرحمن الرحيم

. إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ ()يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ () يَوْمَئِذٍ يُوَفِّيهِمُ اللَّهُ دِينَهُمُ الْحَقَّ وَيَعْلَمُونَ أَنَّ اللَّهَ هُوَ الْحَقُّ الْمُبِينُ..

صدق الله العظيم

[ماستر]

المحترم وطنى حر/

- قال صلى الله عليه وسلم ( من تتبع عورات المسلمين فضحه الله في عقر داره )

- من فضلك ارجع لقصة الاخ سين وانت تعرف ان الابتلاء دة ممكن يحصل لاى حد الا من رحم بى

- الاغتصاب والسحل والضرب دة منهج بتتربى علية قوات الامن والاوباش من امثالهم معدومى الانسانية والاخلاق ودة لازم الكل يقف ضدة

- دى المصيبة انها انها عساكر جيش, تعرف ان دى لو عدو مش مسموح للعسكرى انه يمتهن ادميتها او يعريها, يعنى الجيش بيعامل المصريات اكتر من العدو؟

- انا لا اتمنى ان يحدث مثل هذا الحدث لاى انسان كان (او حتى حيوان) مسلم مسيحى او حتى غير مسلم بس الى الله المشتكى فى كل من يتعرض لعرض اشرف بنت فى مصر وارجل من 1000 راجل عملين نفسهم منظرين ومفكرين وبيعرفوا مصلحة الشعب اكتر من نفسة

[ام سلمي]

والله أنا مستغربة برضه للاتهامات اللي نازلة علي البنت

و برغم أني اعتقد ان الجنود ما كانوش متعمدين تعريتها لكن لا شك ان سحلها وضربها بالشكل ده لا يصح

وحتي اللي مش شايف ضرورة للاعتصام لكن ده لا يعطي احد التشكيك في نواياها اللي العلم فيها لله فقط

مافيش اي مبرر للمعاملة السيئة دي من الجنود سواء ليها او لأي معتصم

لكن حاقول إيه بعد30 سنة من حكم مبارك صعب ان العقليات والأساليب للشرطة واللا الجيش تتغير في يوم وليلة

نتمنى ان اللي ضربوها وسحلوها ينالوا جزاءهم علشان الباقيين يغيروا أسلوبهم السئ ده

[وطني حر]

زهره الجبل لا إسمح لي معلش .. الجندي إللي اتخلى عن أبسط صفات الإنسانيه قبل ما يتنكر لشرف الجنديه .. ميشرفناش لا يبقى أخ و لا إبن و لا حتى جار; ">و اللي له أخ و سايبه كده بالأخلاق دي يبقى ليس أقل منه سوءاً و اللي له إبن و رباه كده يبقى أسوأ منه و اللي له جار و شافه كده و لا نصحهوش يبقى مش مؤمن بالله و اليوم الآخر

كلام جميل واتمني من حضرتك الكيل بمكيال واحد علي الجميع . واقدر امومتك ونظرتك العاطفيه للموقف

البنت إللي اتخلى عن أبسط صفات الانوثه والحشمه.. ميشرفناش لا يبقى أخت و لا إبنه و لا حتى جاره >و اللي له أخت و سايبها كده بالأخلاق دي يبقى ليس أقل منها سوءاً و اللي له إبنه و رباها كده يبقى أسوأ منها و اللي له جاره و شافه كده و لا نصحهاش يبقى مش مؤمن بالله و اليوم الآخر

فمش كل المواقف تحتمل نظره عاطفيه . والجيش مش مطلوب منه العطف . اوالتميز بين فتى او فتاه او مسلم ومسيحي . لا بد من الضرب بقوه دون ابداء الاسباب او الاتفات الي من يكون .

الا لو رجعنا للمصر الماضي انت مش عارف انا مين .انا ست ايو انا ست اوعي تخبطني .انا انسه انا مدام فلان اوعي تقرب مني انا ....

كم من شباب ضربو في الميدان ولم يسال عنهم ؟؟؟؟؟

تطلع بنت مين واحنا مش عارفين .؟؟؟

فكرتيني بفيدو البنت الي خبطت عربيه الشاب ونزلت عليه بالعصا الكهربايه ..

تم تعديل 21 ديسمبر 2011 بواسطة وطني حر

[se_ Elsyed]

سؤال بقا عملتوا إية بالرجولة دي ؟؟ ياعني رجولتك بتثبتها علي الكيبورد إزاي ؟؟!!

لو كنت سألت من الاول كنا علمناك بنثبتها إزاي

بنثبتها إننا ننصر الحق .. ونستنكر الباطل ولا نخوض في عرض أحد

بنثبتها بإننا نحاول تغيير مصر ونجعلها بلد متحضر يتساوا فيه الجميع .. حتى اللي بيمشي في الشارع من غير هدوم هو إنسان له حقوق وعليه واجبات وليس انا من يجلس ويشمت فيه ويحاسبة حساب الملكين او يحاول تعويض مركبات النقص بإنتقادة بدل ما يعمل عليه سيناريو ويألف ويفصل هدوم ويعمل فيها ترزي حريمي

بنثبت رجولتنا بإننا .. أفكرك يا عماد بيه ؟

بإننا حتى لما تكون في بنت مخبولة وتعري نفسها وتنشر ذلك على النت .... نرفع الرايات عالية ونعمل نفسنا رعاة المدينة الفاضلة ... ويخرج المخابيل ممن يدعون أنهم رجال دين ليهدروا دمها ويطالبوا بإقامة الحد عليها ومستعد أجيب لك الفتوى الرسمية .. ومنهم مخابيل اخرين شغالين محامين يقيموا عليها دعوى قضائية ... والله أكبر ولله الحمد .. فلنرجم الفاجرة أيها الرجال ولننتقم لشرفنا .... وحسب ما أبلغني أخي الفاضل اللي حذفت له الموضوع وهو سيقرأ الكلام إن صفحة البنت عملت 250 الف مشاهدة ...

أرقام ما بنشوفهاش في الإنتخابات حتى .. اوعوا تقولوا دول ناس وحشين .. دول بس ناس كانت داخله تشتمها وتدافع عن الشرف والفضيلة .. وتلاقي الواحد فيهم كان بيدخل كذا مره عشان يتأكد من الشرف بنفسه

في حين نفس المخابيل انفسهم بيروا بحور الدم تراق يومياً مش واحده بتعري نفسها الله أعلم هي مريضة نفسية ولا ما بها من خلل ولا حتى بتشتغل في الدعارة .... ده دم وانفس تزهق وبلاد بيتم تخريبها من عشرات السنين .. نفس المخبول بقى ده بيعمل عبيط ولا يهتز له جفن ..

المباديء والرجولة لا تتجزأ ولا تتلون وتتبدل بتبدل المواقف .