ممكن أعرف رايكم ايه فى الصوره دى .................؟؟؟؟؟

[pocy]

بصراحه حابه اعرف ايه رايكم فى الصوره دى ................؟؟؟؟؟؟

ولو كانت اختك كنت هتعمل ايه .....................؟؟؟؟؟؟؟

وهل موافق ان البنت تخرج وتبات .............؟؟؟؟؟؟؟؟؟؟؟؟؟

وكمان بالمره رايك ايه فى البنت اللى فى المستشفي الميدانى وبايته هناك لانها بتعمل عمل جلل (ولها منى جزيل الشكر والتقدير والاحترام طبعا )

منتظراكم

تم تعديل 22 ديسمبر 2011 بواسطة pocy

[نوران]

انا ضد إعتصام الفتيات وبياتهن في الشارع

وبالنسبة للمستشفي الميداني ، فالطبيبات ممكن يعملن فيه صباحا فقط

والأطباء الرجال ليلا

في المستشفيات العادية ، توجد حراسة وأمن وحجرة مجهزة لبيات الطبيبات النوبتجيات

أما المستشفي الميداني بالشارع ليلا ، ووسط مواجهات مع شرطة أو جيش ،

فالطبيبات والنساء المعتصمات يعرضن أنفسهن لخطر شديد ،

فضلا عن إعتقادي بعدم جواز ذلك شرعا

تحياتي لك

[Mr MAGED]

أستاذة بوسي

الثوار بيخرجو بالاف وأحيانا بالملايين .. وأكيد طبعا مش كل الناس نيتها واحدة

ومش كل الناس خارجة عشان الثورة .. فيها ناس خارجة تشوف ايه اللي بيحصل .. وفيه ناس خارجة تغير جو زي اخوانا اللي في الصورة

وفيه ناس مدفوعلها فلوس عشان تخرب وتوقع الناس في بعض .. وده شيء طبيعي ومتوقع

حتي في الهجرة مش كل الناس كانت نيتها واحدة .. الرسول عليه الصلاة والسلام قال :

" إنما الأعمال بالنيات وإنما لكل امرئ ما نوى، فمن كانت هجرته إلى الله ورسوله فهجرته إلى الله ورسوله، ومن كانت هجرته لدنيا يصيبها أو امرأة ينكحها فهجرته إلى ما هاجر إليه" (متفق عليه).

يبقي لما يطلع شوية متخلفين .. أو بلطجية .. أو جهلة في وسط شباب الثورة .. ده ميضرش الثورة أبدا .. ده يضر اللي بيقوم بالتصرف الاحمق لوحده

ما أظنش ان فيه حد يقبل المنظر اللي في الصورة ده .. وكلنا مع خروج المرأة مع الثورة لان ده حقها بس زي مانتي قلتي .. مش لازم تبات في الشارع يعني .. ممكن تروح وترجع تاني يوم الصبح

والدكاترة برضه درءا للشبهات وحماية ليهم يعملوا مناوبات زي الاخت نوران ما قالت .. ويخلوا البنات الصبح بس .. أمور تنظيمية بسيطة بس ممكن تحل حاجات كتيرة اوي

بس برضه باقول .. احنا بنتكلم من بعيد منعرفش ايه اللي بيحصل علي ارض الواقع .. واتمني ان الثوار الحقيقيين يقدروا يفرزوا الشخصيات المتخلفة المأجورة اللي بتكون في وسطهم

[عماد حمدي]

لأ المشكلة إية بقا أنك هتلاقي واحد يقولك البنت من البنات دول أرجل 100 مرة من أي راجل !

طبعاً دا رأيه أحترمه جداً جداً جداً ..

لكن لو دي أختي دا انا أقتلها بإيدي و لا أشوفها في المنظر دا ..

بالمناسبة الشاب الأمور الموجود دا اسمة أحمد دومة ( قائمة الثورة مستمرة )

اللي قال أني بعترف رسمي أهو

أني كنت برمي مولوتوف علي مجلس الشعب و العساكر ..

تم تعديل 22 ديسمبر 2011 بواسطة omda2006

[م تيمور المراغي]

انا كنت في الميدان واعتصمت مرتين تلاته وماكانش فيه الروقان اللي في الصوره ده خالص كان كله كر فر وتحفز من الضرب والقتل ياريت ما حدش يجيب حالات شاذة لكي يوصم بها كل الشرفاء اللي كانوا هناك

مش عارف ليه افتكرت تامر بتاع غمره وتلفزيون مبارك ايام الثورة الاولى

[عنبو]

بنفس المبدا ونفس المنطق يبقى هيا بنا نهدم الكعبه الشريفه ونمنع الناس من الحج

وهيا بنا نمنع الناس من زيارة المسجد النبوى الشريف

انا طبعا مش مع الصوره ولكن عاوز ان مش دى القاعده لان لو مشينا على السلبيات يبقى زى ما قولت فوق همنع حاجات كتير قوى

تحياتى

عنبو

[hOuSsAm]

" إن الذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم"

والله حرام عليكوا

فيه الف مبرر للصورة دى من انكوا تنشروها بالبساطة دى

يعنى الناس دى كانت من عشر شهور ابطال وملايكة ونشيلهم فوق الراس ودلوقتى نرميهم بالباطل ونقول ......

حد يعرف ملابسات الصورة دى؟

حد يعرف من اللى فى الصورة؟

حد يعرف هما اخوات ولا مخطوبين ولا ايه العلاقة اللى بينهم

ولنفرض انهم غلطوا وكدة نوجههم للصح ولا نشهر بهم

خلاص كلنا بقينا تقاة ومعندناش غلطة وسبنا كل الفجور والهلس اللى فى المصايف وفى بعض الجامعات وجايين نمسك فى دول

مش بعفيهم من الغلط اذا ثبت عليهم لكن انا مش ربنا عشان احاسبهم او ارميهم بما اكره على نفسى

بالله عليكوا اتقوا ربنا وكل واحد يخليه فى نفسه

------------

لو بعتوا الصورة دى لعالم من علماء الدين لتسمعوا رايه بالتاكيد هيقولك هو ايه ملابسات الموقف ده عشان يقعدوا كدة وايه علاقتهم ببعض مش هيرمى عليهم الاحكام من غير ميسمع منهم

------------

من حق الصورة ممكن تكون فوتوشوب زى ما المجلس العسكرى بيقول (ولا المجلس العسكرى بس اللى بيتعملهم فوتوشوب)

تانى حاجة هو تاريخ الصورة امتى يعنى قبل الثورة ولا بعدها ولا ايام الكلية ولا غلطوا وتابوا ولا كانوا فى المصيف ولا فى بيتهم

[hOuSsAm]

انا ضد إعتصام الفتيات وبياتهن في الشارع

وبالنسبة للمستشفي الميداني ، فالطبيبات ممكن يعملن فيه صباحا فقط

والأطباء الرجال ليلا

طيب لو الفتاة معاها اخوها او زوجها هتبقى ضدها بردوا؟ (لو مش غلط يبقى اعتصام الفتيات مينفعش نبقى ضده ولو غلط يبقى نروح نسال الرسول صلى الله عليه وسلم ليه كان بياخد النساء فى غزواته مع الاختلاف طبعا فى طبيعة الموقف)

ودلوقتى اعتصامهمن بقى غلط لكن فى 25 يناير كانوا ابطال !!!!

[احمد رضوان]

رؤيتي الشخصية

الثورة قامت علشان فيه اخطاء وفيه انهيار شبه كامل على جميع المستويات وأزعم ان من ضمن ذلك خلل في منظومة الأخلاق نتجت عن خراب النظام التعليمي وارتفاع قيمة المادة على حساب القيم الخلقية النبيلة وانهيار القيم بعد ارتفاع قيمة الراقصة والممثلة ولاعب الكرة وانشغال الأهل عن تربية الأخلاق في أبنائهم بالسعي على القوت

الثورة قامت علشان نتخلص من كل ده ونعيد تصحيح الوضع ونعيد لقيمة الأخلاق حقها المسلوب ونعيد ترتيب المنظومة الخلقية للمجتمع

الصورة الموضوعة هي جزء يعبر عن المنظومة التي نحاول تصحيحها من خلال الثورة على نظام فرضها علينا ، ولازم نعترف ان دول جزء من الثوار ولكن ليسوا كل الثوار لأن هناك آخرون شرفاء وعلى خلق مرتفع وثقافة وتربية عالية ، الثورة تضم جميع فئات الشعب المتعلمين والمثقفين والعلماء والأدباء ورجل الشارع بثقافته وقاموسه ولغته التى تربى عليها واحضرها معه ... ده شعبنا ومش حنستورد شعب لابس سموكن علشان يثور بالنيابة عننا

ميراث ثقيل ولكن الثورة يجب ان تعيد تصحيح الوضع الحالى للمنظومة الأخلاقية لو كنا نريد بناء قواعد لمسقبل مصرنا الغالية

أخفاء الرأس في الرمال لن يغير شئ من الحقيقة ... الإعتراف بوضعنا اول طريق الإنطلاق لتصحيح مع الإعتراف ان مشاركة الفتاة في الثورة أمر رائع ربما لم ينضبط بعد ولكن نحن على الطريق

تم تعديل 22 ديسمبر 2011 بواسطة Radws

[نوران]

انا ضد إعتصام الفتيات وبياتهن في الشارع

وبالنسبة للمستشفي الميداني ، فالطبيبات ممكن يعملن فيه صباحا فقط

والأطباء الرجال ليلا

طيب لو الفتاة معاها اخوها او زوجها هتبقى ضدها بردوا؟ (لو مش غلط يبقى اعتصام الفتيات مينفعش نبقى ضده ولو غلط يبقى نروح نسال الرسول صلى الله عليه وسلم ليه كان بياخد النساء فى غزواته مع الاختلاف طبعا فى طبيعة الموقف)

ودلوقتى اعتصامهمن بقى غلط لكن فى 25 يناير كانوا ابطال !!!!

أستاذ حسام ،

مش قادرة أعرف سبب اللهجة الهجومية في كلام حضرتك إيه

انا قلت رأيي اللي مقتنعة بيه

زي ما حضرتك مقتنع برأيك

ومش بفرض رأيي علي حد

وردا علي سؤالك

انا رافضة الإعتصام من أساسه حاليا

أما في 25 يناير ، الشعب كله كان مع الثورة قلبا وقالبا

لكن دلوقتي ، مش مقتنعة بدوافع الإعتصام من أساسه

والثوار والمعتصمين بينهم الكثير من البلطجية والمأجورين بل والمجرمين والمدمنين، ولا أوافق حتي علي نزول الفتيات

في ظروف زي دي حتي لو مع زوجها أو أخوها

ولو كان الزوج أو الأخ أمين عليها ، فلا يسمح لها بالنزول ولا بالبيات خارج البيت في أجواء زي دي

ولا أعتقد أن ما نراه حاليا مشابها للغزوات في عهد النبي صلي الله عليه وسلم لنقيس عليه

وده رأيي ومقتنعة بيه ولا أفرضه علي غيري

شكرا لحضرتك

تم تعديل 22 ديسمبر 2011 بواسطة نوران

[ابو محمد بن مصطفي]

بصراحه حابه اعرف ايه رايكم فى الصوره دى ................؟؟؟؟؟؟

ولو كانت اختك كنت هتعمل ايه .....................؟؟؟؟؟؟؟

وهل موافق ان البنت تخرج وتبات .............؟؟؟؟؟؟؟؟؟؟؟؟؟

وكمان بالمره رايك ايه فى البنت اللى فى المستشفي الميدانى وبايته هناك لانها بتعمل عمل جلل (ولها منى جزيل الشكر والتقدير والاحترام طبعا )

منتظراكم

المكان اللي هما قاعدين فيه اللي باين في الخلفية ده لشركة بنها للصناعات الالكترونية

اول شارع طلعت حرب يعني في ميدان التحرير امام مخرج مترو الانفاق

التلات بنات قاعدين علي ما يشبه درجة سلم عاليه والشاب اللي جنبهم ساند راسه علي عمود بارز وليس شخص بجواره

والبنت اللي في الامام سنده ضهرها علي نفس العمود

ليه الشباب بيختاروا المكان ده علشان ده مكان بعيد عن تيارات الهواء لان الميدان بيبقي قارس البروده

الموضوع وضح ... طب وليه ما نفترض حسن الظن ونقول انهم من عائلة كبيرة واحدة (اولاد عم او اولاد خاله)

وخصوصا انه والي الان فيه عائلات بكاملها مازالت تبيت بالميدان

[عصام أبوالفتح]

أنا لن أعلق على الصورة

ولكن أحكيلكم تجربتى اثناء الدراسة بالكلية .. كنا نضطر الى المبيت اسبوع واسبوعين عند انهاء المشاريع الكبيرة لأن الورق كانوا يمنعون خروجه خارج الكلية وكان الدكاترة يلجئون لحيلة لذلك حتى يتجنبوا ان يأتى الطلبة بمشروع جاهز من الخارج .. كانت الحيلة ان تشد الاوراق على شاسية خشب 150 سم بعرض 100 سم ويوقع عليها الدكتور .. وكانت هذه هى الوسيلة الوحيدة لتسليم المشروع .. فكنا نواصل الليل بالنهار من اجل انهاء المشروع .. كان نومنا على ارضية المسجد او جالسين مكانا على طاولات الرسم .. كان الامن يعرف اسماء كل من يبيت بإذن مكتوب وموقع من الدكتور والامن ويمر دوريا ليدردش مع الجميع ويسلوا نفسهم بالمرة اثناء السهر .. وطبعا كانت البنات تذهب لتنام فى البيت الست ساعات وترجع تانى .. ممكن فى مشروع التخرج ومشاريع ثالثة بالذات شفت بنات بايتين لكن لم أرهم نايمين ابداً ..و بالطبع كانوا بيناموا فى مسجد الطالبات او سكشن بيقفلوه عليهم وكانت المسيحيات لا تبيت اطلاقا فى الكلية .

اعتقد ان المسئولية الفردية كانت الهدف من مبيت من بتن لتوفر ساعة او اثنين فى المواصلات ولتستطيع انهاء مشروعها باعلى درحة ممكنة.

واعتقد انه عندما لم تتيسر وسيلة للنوم كان حرص المسيحيات على الذهاب 12 بالليل والعودة من النجمة الى الكلية .

واحنا الطلبة اللى كنا فعلا متمرطين لان الجامع كان لا يكفى الجميع وكنا نضطر الى النوم جالسين وده حالى شخصيا فلم أكن مستعداً ليداعب شراب أحدهم انفى وأنا نائم :) .. ده اذا عرفت انام من الريحة :closedeyes:

اذا شبهنا المسئولية الفردية فى حالة الكلية بفرض العين .. يعنى على كل واحد منا بذاته وشخصه ان يسعى لتسليم مشروعه فى الوقت وباعلى كفاءة ممكنة.. فده دفع الناس انها تبيت داخل الكلية تحت سمع وبصر الامن والدكاترة .. كان فى دكتور بيعدى علينا بالليل من وقت للتانى فعلا وكان بالليل ألذ بكتيييير من الصبح.

فماذا عن موقف الاعتصام فى اماكن مفتوحة ؟ .. انا اعتقد الى حد بعيد انه لو تجمعت نفس الدفعة ونفس الاشخاص ان موقفهم الجماعى سيكون فرض كفاية .. يعنى اللى يقدر يبات واللى ميقدرش يتوكل على الله ويجى الصبح

وفى الحالة دى البنات لديها العذر الكافى جدا انها تروح وتيجى تانى يوم الصبح .. ولان الاعتصام عمل سلمى بالاساس وليس به واجب من واجبات الحراسة فالاولى بذلك الرجال .. وحتى فى حالة وجود تهديدات فالاولى بالحراسة الرجال

نأتى للسؤال الذى وجتيه يا اخت بوسى : فبالطبع لن أقبل ان تبيت أختى أو بنتى او جارتى او أى فتاة فى الميدان او فى اى مكان يعرضهن لمخاطر صحية قبل ان يعرضهن لقيل وقال.

واعتقد ان الله لم يكتب لى ان اقول كلمة الحق هذه فى الميدان .. وإلا لكنت الان من ضمن الشهداء !!!

[الباشمهندس ياسر]

الحرة تحرس نفسها لو زرعوها ف فدان رجاله

فبلاش سوء الظن لان ختي سوؤ الظن بيترد

و كله سلف و دين

لو عاوزة تتناقشي ف الصورة

فانا ممكن اناقشكم و كلكم بالصلاة ع النبي عتزعلوا مني

اناقشكم ولا نعدي

[ابراهيم عبد العزيز]

رؤيتي الشخصية

الثورة قامت علشان فيه اخطاء وفيه انهيار شبه كامل على جميع المستويات وأزعم ان من ضمن ذلك خلل في منظومة الأخلاق نتجت عن خراب النظام التعليمي وارتفاع قيمة المادة على حساب القيم الخلقية النبيلة وانهيار القيم بعد ارتفاع قيمة الراقصة والممثلة ولاعب الكرة وانشغال الأهل عن تربية الأخلاق في أبنائهم بالسعي على القوت

الثورة قامت علشان نتخلص من كل ده ونعيد تصحيح الوضع ونعيد لقيمة الأخلاق حقها المسلوب ونعيد ترتيب المنظومة الخلقية للمجتمع

الصورة الموضوعة هي جزء يعبر عن المنظومة التي نحاول تصحيحها من خلال الثورة على نظام فرضها علينا ، ولازم نعترف ان دول جزء من الثوار ولكن ليسوا كل الثوار لأن هناك آخرون شرفاء وعلى خلق مرتفع وثقافة وتربية عالية ، الثورة تضم جميع فئات الشعب المتعلمين والمثقفين والعلماء والأدباء ورجل الشارع بثقافته وقاموسه ولغته التى تربى عليها واحضرها معه ... ده شعبنا ومش حنستورد شعب لابس سموكن علشان يثور بالنيابة عننا

ميراث ثقيل ولكن الثورة يجب ان تعيد تصحيح الوضع الحالى للمنظومة الأخلاقية لو كنا نريد بناء قواعد لمسقبل مصرنا الغالية

أخفاء الرأس في الرمال لن يغير شئ من الحقيقة ... الإعتراف بوضعنا اول طريق الإنطلاق لتصحيح مع الإعتراف ان مشاركة الفتاة في الثورة أمر رائع ربما لم ينضبط بعد ولكن نحن على الطريق

أحسنت يا اخ رادوس

سلمت يداك

تم تعديل 22 ديسمبر 2011 بواسطة ابراهيم عبد العزيز

[سميرة ابو السعود]

بصراحه حابه اعرف ايه رايكم فى الصوره دى ................؟؟؟؟؟؟

ولو كانت اختك كنت هتعمل ايه .....................؟؟؟؟؟؟؟

وهل موافق ان البنت تخرج وتبات .............؟؟؟؟؟؟؟؟؟؟؟؟؟

وكمان بالمره رايك ايه فى البنت اللى فى المستشفي الميدانى وبايته هناك لانها بتعمل عمل جلل (ولها منى جزيل الشكر والتقدير والاحترام طبعا )

منتظراكم

من مواطنة اردنية شقيقة

فليتقي البعض الله تعالي في أعراض الناس :protest:

[متعب]

اتعجب من أمرأة تصر على اهانه جنسها ومصر بأكملها تثور الان من اجل كرامه هذا الجنس

من من رواد ميدان التحرير يعرف جيدا من موجودين بداخله والمعامله هناك يعلمها مرتديه جيدا

أأمن مكان للبنات هناك لانهم يمتلكون فضيه ولا يمتلكون نجوم على الاكتاف

الاحساس بالعدل والحريه والكرامه لانجده الا فى هذا المكان

لان ببساطه افتقدناه فى دوله الفوضى ودوله القواده والدعارة والسيديهات المشبوهه

التحرير حلم لمن يمتلك زره كرامه فى مصر الان ومن قبل . اطهر مكان فيكى يامصر يحاولوا الان تشويهه

كما شوهوا كل شىء جميل .

رأيت أمرأة فقدت أبنها . فذهبت الى الميدان بدلا من الذهاب الى النظام واجهزته وتطالب التحرير بالبحث عنه فضلا عن المطالبه بالاجهزة الغير امنيه بذالك

الايام معدوده وستقام دوله القانون شاء من شاء وأبى من ابى

[الدكتور ياسر]

المبادئ لا تتجزأ .

ضرب النساء وسحلهن من جانب الجنود جريمة ووصمة عار على جبين من فعل هذا مهما كان الدافع ومهما كان السبب ومهما بلغ الخطأ

منهن , هذا الأمر بالنسبة لى لا يحتاج إلى مبرر .

اعتصام البنات وبياتهن في الميدان خطأ , وليس في هذا طعنا في عفتهن او امتهانا لكرامهتن , هن فوق الرأس والعين ,

ولكن الأمر كله من دافع الخوف عليهن من بلطجية و مأجورين وفاسدين مندسين , وبمنتهى الصراحة لا أرى أى خير في اشتراك

البنات و الشبان في خيمة مشتركة , هذا ما نعرفه من تقاليدنا وديننا , وعلى المعترض أن يسأل نفسه ,

هل لو كان رسول الله صلى الله عليه وسلم حيا بيننا هل كان سيقر ذلك أم لا ؟

لا أرى من العقل بعدما رأيناه من إهانات للنساء في الميدان أن ينزلن بعدذلك , فمن الواضح أن الضمير والأخلاق

قد انعدمت ,ولم يعد أبدا مستبعدا أن تتلقى طلقا ناريا من هنا أو من هناك , أو أن يتعرض لها بلطجى بالإيذاء البدنى

أو اللفظى أو تتكرر معها مأساة الفتاة المسحولة أو أن يتم التحرش بها كما حدث مع الصحفيات والفيديوهات موجودة لمن يريد.

[عبير يونس]

لا حول و لا قوة إلا بالله

طلعت زكريا .... صاحب أول قذف للمحصنات في الثورة

عليك من الله ما تستحق

[jonathan]

عندما اردت ان اضيف مشاركة بالموضوع لم اجد ردود ابلغ من الافاضل باشمهندس ياسر و استاذ عصام ابو الفتح و الفاضلة سميرة ابو السعود..و لكن يوجد سؤال يجول بخاطري و اود ان اطرحه عليكم ...هل وصلنا من السطحية ما يجعلنا نحكم على الاخرين من خلال صورة؟؟ اذكر هنا القول المأثور لسقراط...تكلم حتى اراك..تحياتي

[Om Zayd]

السلام عليكم و رحمة الله و بركاته

ليه كثير افترضوا ان بوسي أساءت بهم الظن؟

هي تعرض صورة.. و لم تعمم و لم تقطع برأي

ولعل الهدف هو مناقشة مشاركة المرأة في الظروف الحالية و حدودها و ضوابطها