ممكن أعرف رايكم ايه فى الصوره دى .................؟؟؟؟؟

[se_ Elsyed]

بالرغم من عبقرية خالد يوسف كمخرج .. إلا إن المباديء لا تتجزأ

وأرجعوا لموضوعاتنا هنا هاتلاقينا هاجمناه في فيلم حين ميسرة لتصويرة العشوائيات بطريقة فجة وفاضحة ...

كذلك فعل علاء الأسواني في فيلم عمارة يعقوبيان ..

وكانت الحجة

طب ما هو الشذوذ موجود في المجتمع ... واللي في العشوائيات موجودة .. يبقى ليه ندفن راسنا في الرمال ؟

هو ليس دفن رؤوس في الرمال

لكنه التركيز على صورة واحده او مشهد واحد فقط ثم سحبه على جميع المجتمع

- من المرات القليلة اللي روحت فيها حديق الحيوان زمان .. كنا شباب في الجامعة وصغيرين .. خرجنا من الحديقة نركب الأتوبيس عشان نروح لقينا مجموعة من الاجانب واقفين وهاتك يا ضحك وهما بيصوروا عربية قمامة بحمار كانت معديه والحمية أخدتنا وأشتبكنا معاهم ووبخناهم

لإنه هايروح بلده ويقول إن مصر كلها كده

كذلك مستحيل تلاقي إنسان حُر محترم يرضى بمنظر هذه الصورة أو إن يتحكي له حتى إن في بنت تبات مع ولد ولو في فراش مستقل في خيمة

لكن كل العيب والخسة والندالة إننا نقول إن الثورة كلها كانت كده أو مازالت كده

وكل الخسة إننا نقبل إن عقولنا تبقى وعاء سوري يعني أي حد يرمي فيه زبالة ونصدقها

عارفين إحنا وصلنا للحالة دي ليه ؟

لأننا سكتنا .. زي ما كنا بنسكت أيام المخلوع الديكتاتور مبارك ووافقنا إننا نتبرمج ونصدق أي حاجه تتقال لنا

أقول لكم سكتنا من إمتى ؟

سكتنا لما صدقنا مجموعة من اللصوص سموا انفسهم المجلس العسكري وقفذوا فوق الثورة .. وروحنا يوم 12 فبراير وأبتدينا ننظف الشوارع ونقبل على الحياة وكنا مستعدين نحفر الصخر باظافرنا على أساس إنهما حماة الثورة وهانفذوا مطالبها ...

ومر تقريباً شهر ولم يتغير شيء في البلد .. وظل من سرقوها وأفسدوها يعيثوا فساداً في البلد ومنهم كان من ظل في مناصبه

وده أستفز الشباب الثائر فخرجوا في شهر مارس في مظاهرة سلمية لم يُقال فيها لفظ خارج حتى مش حجارة ...وتخيلوا الثورة ما كانتش لسه بردت

فنزل عليهم جنود التتار من الامن المركزي واعتقلوهم ... وأقتادوا 15 بنت هم من أشرف بنات مصر واللي فاهمين إيه اللي بيحصل كويس ... وأقتادوهم إلى الهايكستب وعروهم أمام العشرات من الجنود هناك واللي له واللي مالوش شاف المنظر

ولما بنت تجرات وسألت اللوا اللي كان هناك : حرام عليكم إنتو بتعملوا فينا كده ليه ؟

قال لها سيادة اللوا اللي إتحول إلى المحكمة الان بعد 9 شهور بعد فترة سكوت من المجتمع .. قال لها : عشان نشوف كنتوا بتناموا مع الشباب في الخيم وإن إنتوا عذارى ولا لأ

فهمتوا انا عاوز أقول إيه ؟

عاوز تصدق إن الثورة كلها كانت كده .. يبقى على الدنيا السلامة وأحتفظ برأيك لنفسك وأمسك عنك لسانك

عاوز تستنكر هذه الصورة الشاذة .. يبقى أعلم تماماً إن الثورة شارك فيها الشعب كله .. ونحن لسنا 85 مليون ملاكاً ولا يوجد مجتمع على وجه الأرض بهذه الثورة

حتى يا سادة الناس اللي بتقول ياي ياي شايف اللي بيقولوا عليهم ثوار لابسين إيه .. عشان يعني شاب لابس ملابس بسيطة ومش حاطط برفان وشاب بسيط خارج من بيئة شعبية أو متوسطة ... ( وكلنا كنا كده أو مازلنا من بيئة بسيطة ونتفخر بهذا )

نسيوا هؤلاء وبشهادة الجميع إن لولا هؤلاء كانت الثورة فشلت فشلاً ذريعاً

فبشهادة ناس نثق فيهم تماماً ونفتخر إننا نعرفهم لأنهم كانوا من الاوائل اللي ضحوا بأنفسهم ... قالوا بالنص كده ..إننا لما دعينا للنزول على صفحة كلنا خالد سعيد ومن خلال حركة 6 إبريل . كنا الاف تُعد على أصابع اليد الواحده

يعني 5 الاف او 10 الاف بالكتير قوي .. واخدنا الضربة الاولى وإحنا داخلين على التحرير وتفرقنا في كل حدب وصوب لأن الضرب كان بشراسة وبكل الأسلحة المتاحة لدى كلاب الامن المركزي ..

لكن سبحان الله وبتوفيقه هو وحده .. كان من الشباب الثوار الاوائل دول من هداه تفكيرة ونزل الأحياء الشعبية زي أمبابة وبولاق والناس والشباب بالذات اللي هناك امنوا بالفكرة وجم معاهم يوم 25 ... وعلى حسب الشباب اللي أعرفهم دول بيقولوا أثناء هروبنا وجريينا من الضرب المبرح والقتل فوجئنا بالاف من الشباب الشعبي اللي إحنا بنستعر منه ده جايين في ضهرنا بصدورهم العاريه وماحدش ماسك طوبة حتى ... ودخلوا بطريقة في منتهى الشجاعة وكأنهم عارفين إزاي يتعاملوا وصدوا الهجمات دي لحد يوم 28 يناير وكنا مستعجبين لان بيني وبينكم حتى كابت هذه السطور .. عمري ما أتخانقت ولا أشتبكت مع حد بهذه الصورة .. لكن الشباب المصري الجدع ده واخد يمكن على كده وظهرت جدعنته وشجاعته في أكثر المواقف حساسية واللي مصر كانت محتاجاه تماماً

أسف للإطالة

لكن اتمنى الفكرة تكون وصلت

[se_ Elsyed]

ما كنتش عاوز أقول إن صورة البنت المحترمة اللي عروها الكلاب وانتشرت يقال من ناس كانوا هناك وسنتأكد من ذلك إنها كانت طبيبة في المستشفى الميداني

لاني ما كنتش عاوز أركز على كونها طبيبة او حتى بتبيع شاي وقهوة هناك

وذلك لأنها مصرية وحرة ولها حق في الوطن .... الوطن اللي فيها رجالة المفروض إتربوا على حماية النساء حتى ولو كانت إيه

[elzahraa]

بحيي الاستاذ عصام أبوالفتح على رده الرائع

لا تعليق على الصورة لاني لا اعرف ملابستها وموضوع انه سلم دا منطقي لاني ما اظنش ان حد حيصور نفسه كدة

لا يوجد ما يبرر الاعتداء على النساء مهما كانت المبررات

التظاهر حق للمرأة لكني اخاف عليها حاليا

الاعتصام يكون مع زوج او محرم لان موضوع المجموعات الثقات صعب توفره حاليا ويفضل التظاهر الصباح والعودة للمنزل ليلا

الوطن لا ينفصل عن ابناءه و النساء جزء مهم من الوطن وضروري الحفاظ عليهن

عشان كدة بناشد البنات انها ما تعتصمش لانها بتزود الضغط العصبي على الرجال بسبب الرعب عليها

و شكرا

[pocy]

لا حول ولا قوه الا بالله ..............عندما عرضت الصوره لم أقصد ان اهين اى بنت او اقول شوفوا الثوار كانوا عاملين ازاى مع بعض او ما الى ذلك ...........

ووجدت هجوم من ناس كانهم مصدقوا انهم مسكوا غلطه واعتقد هو عارف نفسه كويس بس اللى انا متكده ان فى ناس فهمت قصدى وعرفت انا ليه حطيت الصوره ولو كانت الصوره فى رحله فى الجامعه او فى الميدان او فى اى مكان فهى صوره غير مقبوله ومهما كان تفاصيل الاعتصام ده ايه الشكل العام خاطئ وحرام جدا

هناك ضوابط شرعيه ...وهناك ضوابط اجتماعيه تربينا وتعلمنا عليها .............

ولن اضيف على كلام دكتور ياسر والاخت الزهره وام زيد جزاها الله عنى كل الخير و.............واخرون جزاهم الله كل الخير .......

أسئلتى كانت واضحه وكنت اتمنى الرد عليها وليس الخروج عن المنطوق بكلام هوجائي وكلام لا يمت للموضوع بصله ............وايضا الكل يعلم ان ما قصدته هنا واضح جدا فى اسئلتى ...............

جزيتم كل الخير ..............

[pocy]

الاستاذه عبير ..........

ايه علاقه اللى كتبتيه عن طلعت زكريا بالموضوع ...................؟؟؟؟؟؟

هل قلت ان هناك زنا وتحرش جنسي وانهم لا قدر الله بيعملوا الفاحشه .................

ام ان هذا ردك انتى وما ترينه فى الصوره كما قال طلعت زكريا هذا ال ............... ربنا يتوب علينا من امثالهم

ارجوا الرد والتوضيح

لانى اضايقت جدا من تعليقك بصراحه

[عبير يونس]

الاستاذه عبير ..........

ايه علاقه اللى كتبتيه عن طلعت زكريا بالموضوع ...................؟؟؟؟؟؟

هل قلت ان هناك زنا وتحرش جنسي وانهم لا قدر الله بيعملوا الفاحشه .................

ام ان هذا ردك انتى وما ترينه فى الصوره كما قال طلعت زكريا هذا ال ............... ربنا يتوب علينا من امثالهم

ارجوا الرد والتوضيح

لانى اضايقت جدا من تعليقك بصراحه

بوسي

متهيألي انك متأكدة اني مقصدكيش نهائيا

انا بس محزونة اوي

على اللي وصلنا له

[عبير يونس]

أما تعليقي على الصورة

فلا يمكنني الحكم على شيء لا أعرفه

باالإضافة أنني لا أحب أصلا الحكم على الآخرين

لأنني لا أسمح لأحد بالحكم عليّ

تحياتي و احترامي

[متعب]

ماذا عن دور المرأة فى الغزوات ايام الرسول

[التونسى]

بصراحه حابه اعرف ايه رايكم فى الصوره دى ................؟؟؟؟؟؟

******* اربع بنات .. وثلاث اولاد .. فى اوائل العشرينات.. وعز الشباب .. متكتلين.. او مجتمعين ..او متأزرين .. فى دفء و حميميه.. لسبب ما ..الله وحده اعلم به .. و((مهيسين )) و ((ومنعوسين)) على الاخر ..

ولو كانت اختك كنت هتعمل ايه .....................؟؟؟؟؟؟؟

********* بالطبع كمحمود البصيلى .. كبير البصيليه بحرى .. لن أسمح لاختى ان تكون فى وضع مثل هذا ..سواء مع غرباء .. او حتى اقرباء .. بس انا ليا عذرى .. انا راجل مخى صعيدى.. ورجعى .. ودقه قديمه .. وعندى غيرة بشكل مبالغ فيه.. على أهل بيتى من النساء .. طبيعتى كده .. فطرتى كده .. حتى لو كان الاختلاط ده له مبرراته ... وله ضرورته التى تبيح محظوراته ..من الناحيه الشرعيه .. مش حوافق طبعا .. بس هو انا كده مخى صعيدى .. وعلى فكره قد ابدو فى المحاورات متفتح .. او مستورد او اوروبى الفكر .. ولكنى فى الواقع متحفظ جدا جدا جدا فى الامور اللى زى دى

وهل موافق ان البنت تخرج وتبات .............؟؟؟؟؟؟؟؟؟؟؟؟؟

******** اللى مرضهوش لاهل بيتى.. مرضهوش لغيرى .. ممكن تكون نظرتى للامور اللى زى دى ضيقه ومتخلفه .. بس اعمل ايه فى مخى الصعيدى .... دنا ميجليش نوم اساسا .. لو بنتى او مراتى او اختى .. بايته بره فى وضع زى ده . الا لو كان بغرض عمرة او حج .. وحتى فى الحاله دى .. لازم يكون معاها محرم

وكمان بالمره رايك ايه فى البنت اللى فى المستشفي الميدانى وبايته هناك لانها بتعمل عمل جلل (ولها منى جزيل الشكر والتقدير والاحترام طبعا )

********** عن نفسى لو هى تتبعنى وتخصنى..و مصممه تنزل تؤدى واجبها المهنى والانسانى .. رجلى على رجلها . .. او اى حد تانى من رجالة العيله ... لو مش قريبتى .. ده شئ يرجع لولى امرها ..كلكم راع وكلكم مسئول عن رعيته

تم تعديل 22 ديسمبر 2011 بواسطة محمود البصيلى

[herohero]

والله الراي هيختلف حسب الهدف من الاعتصام

يعني لو كانت الصورة ده فاعتصام لجعل الدستور اولا هنلاقي كل الاخوة والاخوات بتوعم الحرية والعدالة بيدعوا لاقامة الحد

ولو الصورة ده ف اعتصام لجعل الانتخابات أولا

هنلاقي الاخوة اللي تبع الحرية والعدالة وحزب النور بيقولوا انهم مجاهدات واحرار وزيهم زي المسلمات اللي كانت بتخرج ف الحروب

يعني بالظبط زي ماكان الخروج ع الحاكم كفر ومن ثم اصبح حلال وزي الفل وأيضا الديموقراطية كانت كفر ومن ثم اصبحت حلال حلال بين

فمش عارف ليه احنا بنهتم بالمظهر ونترك الجوهر يعني مثلا اذا وجدت فتاة ترتدي لبس غير محتشم فمن حق اي حد يضربها ويهينها "نفس مبدا البنت اللي لابسه عباية ومش لابسة تحتها حاجه "

فعشان كده الاراء عندنا كمصريين بتكون نابعه من تأثيرات أخرى