ايه اللي نزل "أمين" ؟!!

[محمد عبدالعزيز]

من مدة دار بيني وبين "أمين" حوار في (النادي) عن سبب إصرار الثوار على رحيل المجلس العسكري وعدم ثقتهم فيه. "أمين" كان شايف إن مينفعش نستغنى عن المجلس العسكري ومفيش حد تاني أصلح من المجلس العسكري عشان يحكم، لأنه بيمثل أقوى مؤسسة في مصر ومعاه قوة وسلاح دا غير إنه هو اللي حمى الثورة. حمى الثورة؟!! إنت فعلاً شايف كدة يا "أمين"؟!! دي كدبة كدبوها وعملنا مصدقينها من باب خليك مع الكداب، لكن الحقيقة إن المجلس إشترى نفسه عشان ميدخلش في صدام مع الشعب وعشان ميتعرضش لإنشقاقات في صفوفه لو الضباط الأشراف رفضوا الإنصياع لأوامر الضرب. دا كان ردي عليه اللي خلاه يضحك ويستغرب اوي ويقول لي جيش ايه اللي يخاف من الشعب، انتي مش شايفة ليبيا؟؟ طبعاً الكلام دا كان قبل نجاح ثورة ليبيا وقبل سقوط ومقتل القذافي وأبنائه، و"أمين" كان شايف إن جيشنا العظيم والمجلس العسكري مفيش أي سبب (في الدنيا) يضطرهم إنهم يختاروا جانب الثوار غير إنهم ((مع الحق)) وإن لولا جيشنا كان زماننا زي ليبيا. هو فعلاً يا "أمين"، لولا جيشنا، للأسف، كان زماننا زيهم.

المهم، بعيداً عن ردي عليه سواء أنا أو باقي القاعدين ورأينا في المجلس العسكري، إلا إنه فضل مصمم على رأيه في نزاهة وشرف وأمانة المجلس العسكري وكونه الأصلح الأوحد للحكم.

الله!! أمال ايه اللي نزل "أمين"؟!!

طيب مبدئياً نعرف الأول مين "أمين" دا أصلاً.

"أمين حلمي" هو شاب مصري عمره 33 سنة، مهندس إتصالات، من أسرة ميسورة الحال. والده (رحمه الله) كان مستشار تجاري، ووالدته (خالتي) سيدة فاضلة وربة منزل، وهو غير تابع لأي حزب او أي حركة سياسية.

وأنا باقدمه بالطريقة دي متضايقة لأني أنا شخصياً يكفيني انه بني آدم أولاً ومصري ثانياً، ولو هو شخص معرفوش ميهمنيش أعرف تعليمه او مهنته او اهله او مستواهم وميفرقش عندي مهندس ولا بائع سريح. الكل متساوي في حقوق الانسان وحقوق المواطنة، بس نعمل ايه بقى، للأسف ولاد (المواطنين الشرفاء) مخلوش لولاد (البني آدمين) حاجة.

طيب بردو ايه اللي نزل "أمين"؟!!

لما المجلس استمر في المماطلة والاخلال بالوعود وعدم الاستجابة لأي مطالب، ولما الامن المركزي اعتدى ع الثوار في اكتر من واقعة تحت سمع وبصر الجيش والتصريحات الرسمية كلها بتنكر كل اللي بنشوفه وبتستعبط الناس في البيوت، "أمين" بدأ ينزل عشان يشوف بنفسه ايه اللي بيحصل. نزل عشان لما يسمع ان في ناس بتطالب بحقها وبتضرب بالغاز والخرطوش وبمنتهى العنف مينفعش يفضل قاعد ومينزلش حتى يشوف في ايه. "أمين" كان بينزل لوحده من غير ما يتفق مع حد ولا يحشد حد ولا حتى يقول لاخوه ينزل معاه. حتى مكانش بيتفق مع اللي نازل من شباب العائلة. احنا فجأة اكتشفنا إن "أمين" بينزل التحرير وساعات بيبات، وانا عن نفسي مكنتش اعرف متى تحديداً غير رأيه.

نزل في أحداث نوفمبر ونزل في الأحداث الأخيرة في ديسمبر، وهو كل اللي بيعمله إنه بيشارك بوجوده في الميدان مع اخواته المصريين بالهتاف أو أي مساعدة يقدر عليها، المهم انه يبقى موجود. "أمين" لما شاف الضرب والوحشية حس انه لازم يفضل ينزل، حتى لو مش حيعمل حاجة، بس ع الاقل ميقعدش في البيت والناس في الشارع بتتضرب. "أمين" كان بينزل لأنه مؤمن ان الناس دي معاها حق في اعتراضها ع المجلس لأنه (فشل) في ادارة البلد وفي رد حقوق الناس. مجرد (فشل)، لا خان ولا تواطأ ولا باع ولا سرق الثورة. هو بس كان شايفه (فشل) في الادارة.

"أمين" بطبيعته ميعتبرش شخص ثوري ومندفع، بالعكس هو مسالم ومهذب و(جنتل) اوي، بس الصراحة بردو هو شهم جداً وحنبلي اوي لما يشوف حاجة غلط، بس دائماً اعتراضه مهذب زيه. حتى أنا لما انفعلت قفشت وأنا باتكلم معاه في الحوار اللي ذكرته فوق، واتغاظت من كونه مستنكر ان المجلس ممكن يخون الأمانة رغم كل الدلائل، هو فضل هادئ وخلاني قلتله اوعى تكون زعلت من قفشي، قالي "أبداً أبداً، ازاي تقولي كدة".

ايه اللي حصل ل"أمين"؟!!

"أمين" مبيعتصمش في التحرير، وإنما بينزل يقعد كام ساعة، أو يبات ليلة ويرجع الصبح يشوف اللي وراه، ويبقى ينزل تاني. بيحاول على قد ما يقدر يساعد أو يهدي الناس، ولو شاف حد ماسك طوبة أو بيجري ناحية العسكر يحاول يمنعه، حتى لو هو عاذر الشخص دا في انفعاله بسبب انتهاكات الجيش، بس يحاول انه يمنع حصول فتنة على قد ما يقدر. "أمين" رغم كل الوحشية اللي شافها في تعامل الجيش مع المواطنين، كان شايف الموضوع على انه فتنة ومش عاوزها تكبر.

فجر يوم الأحد 18/12/2011 وحوالي الساعة 3:00 ص، كان "أمين" قاعد على قهوة في شارع "محمد محمود" مع بعض شباب تعرف عليهم هناك، وكانت الاشتباكات حاصلة في شارع القصر العيني بين الجيش والمتظاهرين. كل اللي عمله انه قرر يقوم يشتري زجاجات مياة عشان يوزعها ع الناس. وفجأة شاف وهو ماشي مجموعة كبيرة من جنود الجيش جايين بيجروا اتجاهه، ولقى كل الناس اللي في المنطقة جريوا بس هو مجريش مش من باب التحدي او عدم الخوف لكن لأنه مبيعملش ومعملش حاجة غلط. (أيوة يا جماعة ابن خالتي من الناس اللي لسة فاكرة انه عشان يحصله حاجة من العسكر أو يتقبض عليه، لازم يكون عمل حاجة غلط).

المهم، ان الناس جريت والعسكر وقفوا ومجريوش وراهم، ورجعوا تاني لمكان ما جم. وبعد دقايق لما الناس رجعت تتحرك في المنطقة عادي، الجنود اتقدموا ناحيتهم بنفس الطريقة ففي ناس جريت بردو، وناس قليلة وقفت فاكرينها تهويشة زي أول مرة. وطبعاً "أمين" بما انه مجريش أول مرة فمش حيجري في التانية بردو هو لسة شايف انه (معملش حاجة غلط).

للأسف المرة دي مكانتش تهويشة وهو واللي وقفوا الجنود هجموا عليهم ضرب بالعصي بمنتهى الوحشية، و"أمين" اتضرب واتسحل من عساكر وضباط رغم ذهوله ومحاولات اقناعه ليهم بانه مش بلطجي ولا ارتكب جريمة (بدليل انه مجريش). هو فعلاً فاكرهم بيتفاهموا او حتى بيفهموا، ميعرفش ان كونه (مجريش عشان مش غلطان) دي حاجة ميفهمهاش شخص جبان معدوم الرحمة والضمير.

راسه اصيبت اصابات غائرة من كتر الضرب، دا غير انه عشان كان بيحاول يحمي راسه بذراعه الأيسر، فطلع ب6 كسور في ذراعه، غير "تفتيت" 3 اصابع من نفس الذراع. دا غير الكدمات والورم اللي في باقي جسمه من كتر الضرب.

بعدها سحلوه لداخل مجلس الشعب هو وتعساء الحظ اللي معاه، وكملوا عليهم ضرب واهانات وسباب حقير واستجواب جوة. سألوه مين اللي باعتك ومدفوعلك كام، قال لهم انا مش محتاج فلوس اصلاً عشان آخذ من حد، وانا نازل عشان بلدي وولاد بلدي، ودي بردو من الحاجات اللي مبيفهموهاش.

جاكت "أمين" وموبايله و200 جنيه كانوا في جيبه وحتى نظارته النظر، كل دا أخذوه منه. دا غير ان الضرب والاهانة والسباب بالأهل وبالأم استمر حوالي 3 ساعات حتى الساعة 6:00 ص.

بعد كدة جاله دكتور ميداني تابع للجيش خيطله جروح رأسه 42 غرزة، وقالهم دا دمه بيتصفى رد أحد الجنود "سيبه يتصفى دا دم نجس". وعلى حوالي الساعة 9:00 ص، الدكتور وجده شبه فاقد للوعي وضغطه منخفض جداً، فقال للضباط اللي واقفين، لو ماراحش مستشفى حيموت هنا، وطبعاً لعدم رغبتهم في تسليمه للاسعاف اضطر أحد الضباط انه ياخده في سيارته الخاصة إلى مستشفى هليوبليس بحجة انه يبقى مستشفى قريب من بيته (بس طبعاً مفهوم ان الهدف ابعاده عن المستشفيات المحيطة حتى لا تسجل الواقعة)، وقال له "انت مشفتناش واحنا مشفناكش"، واداله 20 جنيه ومشي.

"أمين" بيقول انه كان اقل واحد اتضرب وكل اللي جراله دا ميجيش حاجة في الناس اللي كانت معاه. بيقول لما أخذوا أوراقه ولاقوه مهندس وحسوا انه ابن ناس، ركزوا في الاهانة والشتيمة اكتر من الضرب. أحد الضباط وهو بيضربه كان بيقوله "إنت مبتعيطش ليه؟؟؟" مستغربين انه مبيعيطش وانه مبيترجاش وانه متماسك، بس "أمين" فضل متماسك بردو عشان "معملش حاجة غلط".

"أمين" في المستشفى بكى بس مش على نفسه، بكى على حال البلد. لأن صدمته كانت شديدة لأنه لآخر لحظة رغم رفضه لوحشيتهم في التعامل بس كان بيقول "الله أعلم" يمكن بيضربوا ناس مجرمين أو شافوهم "عملوا حاجة غلط او جريمة". "أمين" رغم كل اللي جراله مشتمش فيهم ولا خونهم، كان تعليقه على كيفية ضربهم ليه وللناس اللي معاه، انهم (جهلة) و(مغسول مخهم) و(مفهمينهم) إننا أعداء ومجرمين. ولما قلتله لو العساكر جهلة، الضباط مش جهلة وازاي ساكتين على كدة، قاللي ضرب الضباط كان أشد من العساكر أصلاً، بس كلهم بيضربونا كأننا شياطين أو أعداء للوطن. لا إال إلا الله، بردو؟؟!! يالله، معلش ابن خالتي وانا عارفاه ومؤدب ومبيخونش حد.

ربنا يشفيك يا "أمين" ويقومك بالسلامة انت وكل المصابين ويرحم شهدائنا وينتقم لك وينتقم لهم من كل ظالم وفاسد ومعدوم ضمير أو ساكت عن حق ومدلس للحقائق وانتهازي وكل جبان.

قولوا آمين!

يمكن مشاهدة باقى الصور فى هذه الصفحة :

ايه اللي نزل "أمين" ؟!!

[bodi]

من مدة دار بيني وبين "أمين" حوار في (النادي) عن سبب إصرار الثوار على رحيل المجلس العسكري وعدم ثقتهم فيه. "أمين" كان شايف إن مينفعش نستغنى عن المجلس العسكري ومفيش حد تاني أصلح من المجلس العسكري عشان يحكم، لأنه بيمثل أقوى مؤسسة في مصر ومعاه قوة وسلاح دا غير إنه هو اللي حمى الثورة. حمى الثورة؟!! إنت فعلاً شايف كدة يا "أمين"؟!! دي كدبة كدبوها وعملنا مصدقينها من باب خليك مع الكداب، لكن الحقيقة إن المجلس إشترى نفسه عشان ميدخلش في صدام مع الشعب وعشان ميتعرضش لإنشقاقات في صفوفه لو الضباط الأشراف رفضوا الإنصياع لأوامر الضرب. دا كان ردي عليه اللي خلاه يضحك ويستغرب اوي ويقول لي جيش ايه اللي يخاف من الشعب، انتي مش شايفة ليبيا؟؟ طبعاً الكلام دا كان قبل نجاح ثورة ليبيا وقبل سقوط ومقتل القذافي وأبنائه، و"أمين" كان شايف إن جيشنا العظيم والمجلس العسكري مفيش أي سبب (في الدنيا) يضطرهم إنهم يختاروا جانب الثوار غير إنهم ((مع الحق)) وإن لولا جيشنا كان زماننا زي ليبيا. هو فعلاً يا "أمين"، لولا جيشنا، للأسف، كان زماننا زيهم.

المهم، بعيداً عن ردي عليه سواء أنا أو باقي القاعدين ورأينا في المجلس العسكري، إلا إنه فضل مصمم على رأيه في نزاهة وشرف وأمانة المجلس العسكري وكونه الأصلح الأوحد للحكم.

الله!! أمال ايه اللي نزل "أمين"؟!!

طيب مبدئياً نعرف الأول مين "أمين" دا أصلاً.

"أمين حلمي" هو شاب مصري عمره 33 سنة، مهندس إتصالات، من أسرة ميسورة الحال. والده (رحمه الله) كان مستشار تجاري، ووالدته (خالتي) سيدة فاضلة وربة منزل، وهو غير تابع لأي حزب او أي حركة سياسية.

وأنا باقدمه بالطريقة دي متضايقة لأني أنا شخصياً يكفيني انه بني آدم أولاً ومصري ثانياً، ولو هو شخص معرفوش ميهمنيش أعرف تعليمه او مهنته او اهله او مستواهم وميفرقش عندي مهندس ولا بائع سريح. الكل متساوي في حقوق الانسان وحقوق المواطنة، بس نعمل ايه بقى، للأسف ولاد (المواطنين الشرفاء) مخلوش لولاد (البني آدمين) حاجة.

طيب بردو ايه اللي نزل "أمين"؟!!

لما المجلس استمر في المماطلة والاخلال بالوعود وعدم الاستجابة لأي مطالب، ولما الامن المركزي اعتدى ع الثوار في اكتر من واقعة تحت سمع وبصر الجيش والتصريحات الرسمية كلها بتنكر كل اللي بنشوفه وبتستعبط الناس في البيوت، "أمين" بدأ ينزل عشان يشوف بنفسه ايه اللي بيحصل. نزل عشان لما يسمع ان في ناس بتطالب بحقها وبتضرب بالغاز والخرطوش وبمنتهى العنف مينفعش يفضل قاعد ومينزلش حتى يشوف في ايه. "أمين" كان بينزل لوحده من غير ما يتفق مع حد ولا يحشد حد ولا حتى يقول لاخوه ينزل معاه. حتى مكانش بيتفق مع اللي نازل من شباب العائلة. احنا فجأة اكتشفنا إن "أمين" بينزل التحرير وساعات بيبات، وانا عن نفسي مكنتش اعرف متى تحديداً غير رأيه.

نزل في أحداث نوفمبر ونزل في الأحداث الأخيرة في ديسمبر، وهو كل اللي بيعمله إنه بيشارك بوجوده في الميدان مع اخواته المصريين بالهتاف أو أي مساعدة يقدر عليها، المهم انه يبقى موجود. "أمين" لما شاف الضرب والوحشية حس انه لازم يفضل ينزل، حتى لو مش حيعمل حاجة، بس ع الاقل ميقعدش في البيت والناس في الشارع بتتضرب. "أمين" كان بينزل لأنه مؤمن ان الناس دي معاها حق في اعتراضها ع المجلس لأنه (فشل) في ادارة البلد وفي رد حقوق الناس. مجرد (فشل)، لا خان ولا تواطأ ولا باع ولا سرق الثورة. هو بس كان شايفه (فشل) في الادارة.

"أمين" بطبيعته ميعتبرش شخص ثوري ومندفع، بالعكس هو مسالم ومهذب و(جنتل) اوي، بس الصراحة بردو هو شهم جداً وحنبلي اوي لما يشوف حاجة غلط، بس دائماً اعتراضه مهذب زيه. حتى أنا لما انفعلت قفشت وأنا باتكلم معاه في الحوار اللي ذكرته فوق، واتغاظت من كونه مستنكر ان المجلس ممكن يخون الأمانة رغم كل الدلائل، هو فضل هادئ وخلاني قلتله اوعى تكون زعلت من قفشي، قالي "أبداً أبداً، ازاي تقولي كدة".

ايه اللي حصل ل"أمين"؟!!

"أمين" مبيعتصمش في التحرير، وإنما بينزل يقعد كام ساعة، أو يبات ليلة ويرجع الصبح يشوف اللي وراه، ويبقى ينزل تاني. بيحاول على قد ما يقدر يساعد أو يهدي الناس، ولو شاف حد ماسك طوبة أو بيجري ناحية العسكر يحاول يمنعه، حتى لو هو عاذر الشخص دا في انفعاله بسبب انتهاكات الجيش، بس يحاول انه يمنع حصول فتنة على قد ما يقدر. "أمين" رغم كل الوحشية اللي شافها في تعامل الجيش مع المواطنين، كان شايف الموضوع على انه فتنة ومش عاوزها تكبر.

فجر يوم الأحد 18/12/2011 وحوالي الساعة 3:00 ص، كان "أمين" قاعد على قهوة في شارع "محمد محمود" مع بعض شباب تعرف عليهم هناك، وكانت الاشتباكات حاصلة في شارع القصر العيني بين الجيش والمتظاهرين. كل اللي عمله انه قرر يقوم يشتري زجاجات مياة عشان يوزعها ع الناس. وفجأة شاف وهو ماشي مجموعة كبيرة من جنود الجيش جايين بيجروا اتجاهه، ولقى كل الناس اللي في المنطقة جريوا بس هو مجريش مش من باب التحدي او عدم الخوف لكن لأنه مبيعملش ومعملش حاجة غلط. (أيوة يا جماعة ابن خالتي من الناس اللي لسة فاكرة انه عشان يحصله حاجة من العسكر أو يتقبض عليه، لازم يكون عمل حاجة غلط).

المهم، ان الناس جريت والعسكر وقفوا ومجريوش وراهم، ورجعوا تاني لمكان ما جم. وبعد دقايق لما الناس رجعت تتحرك في المنطقة عادي، الجنود اتقدموا ناحيتهم بنفس الطريقة ففي ناس جريت بردو، وناس قليلة وقفت فاكرينها تهويشة زي أول مرة. وطبعاً "أمين" بما انه مجريش أول مرة فمش حيجري في التانية بردو هو لسة شايف انه (معملش حاجة غلط).

للأسف المرة دي مكانتش تهويشة وهو واللي وقفوا الجنود هجموا عليهم ضرب بالعصي بمنتهى الوحشية، و"أمين" اتضرب واتسحل من عساكر وضباط رغم ذهوله ومحاولات اقناعه ليهم بانه مش بلطجي ولا ارتكب جريمة (بدليل انه مجريش). هو فعلاً فاكرهم بيتفاهموا او حتى بيفهموا، ميعرفش ان كونه (مجريش عشان مش غلطان) دي حاجة ميفهمهاش شخص جبان معدوم الرحمة والضمير.

راسه اصيبت اصابات غائرة من كتر الضرب، دا غير انه عشان كان بيحاول يحمي راسه بذراعه الأيسر، فطلع ب6 كسور في ذراعه، غير "تفتيت" 3 اصابع من نفس الذراع. دا غير الكدمات والورم اللي في باقي جسمه من كتر الضرب.

بعدها سحلوه لداخل مجلس الشعب هو وتعساء الحظ اللي معاه، وكملوا عليهم ضرب واهانات وسباب حقير واستجواب جوة. سألوه مين اللي باعتك ومدفوعلك كام، قال لهم انا مش محتاج فلوس اصلاً عشان آخذ من حد، وانا نازل عشان بلدي وولاد بلدي، ودي بردو من الحاجات اللي مبيفهموهاش.

جاكت "أمين" وموبايله و200 جنيه كانوا في جيبه وحتى نظارته النظر، كل دا أخذوه منه. دا غير ان الضرب والاهانة والسباب بالأهل وبالأم استمر حوالي 3 ساعات حتى الساعة 6:00 ص.

بعد كدة جاله دكتور ميداني تابع للجيش خيطله جروح رأسه 42 غرزة، وقالهم دا دمه بيتصفى رد أحد الجنود "سيبه يتصفى دا دم نجس". وعلى حوالي الساعة 9:00 ص، الدكتور وجده شبه فاقد للوعي وضغطه منخفض جداً، فقال للضباط اللي واقفين، لو ماراحش مستشفى حيموت هنا، وطبعاً لعدم رغبتهم في تسليمه للاسعاف اضطر أحد الضباط انه ياخده في سيارته الخاصة إلى مستشفى هليوبليس بحجة انه يبقى مستشفى قريب من بيته (بس طبعاً مفهوم ان الهدف ابعاده عن المستشفيات المحيطة حتى لا تسجل الواقعة)، وقال له "انت مشفتناش واحنا مشفناكش"، واداله 20 جنيه ومشي.

"أمين" بيقول انه كان اقل واحد اتضرب وكل اللي جراله دا ميجيش حاجة في الناس اللي كانت معاه. بيقول لما أخذوا أوراقه ولاقوه مهندس وحسوا انه ابن ناس، ركزوا في الاهانة والشتيمة اكتر من الضرب. أحد الضباط وهو بيضربه كان بيقوله "إنت مبتعيطش ليه؟؟؟" مستغربين انه مبيعيطش وانه مبيترجاش وانه متماسك، بس "أمين" فضل متماسك بردو عشان "معملش حاجة غلط".

"أمين" في المستشفى بكى بس مش على نفسه، بكى على حال البلد. لأن صدمته كانت شديدة لأنه لآخر لحظة رغم رفضه لوحشيتهم في التعامل بس كان بيقول "الله أعلم" يمكن بيضربوا ناس مجرمين أو شافوهم "عملوا حاجة غلط او جريمة". "أمين" رغم كل اللي جراله مشتمش فيهم ولا خونهم، كان تعليقه على كيفية ضربهم ليه وللناس اللي معاه، انهم (جهلة) و(مغسول مخهم) و(مفهمينهم) إننا أعداء ومجرمين. ولما قلتله لو العساكر جهلة، الضباط مش جهلة وازاي ساكتين على كدة، قاللي ضرب الضباط كان أشد من العساكر أصلاً، بس كلهم بيضربونا كأننا شياطين أو أعداء للوطن. لا إال إلا الله، بردو؟؟!! يالله، معلش ابن خالتي وانا عارفاه ومؤدب ومبيخونش حد.

ربنا يشفيك يا "أمين" ويقومك بالسلامة انت وكل المصابين ويرحم شهدائنا وينتقم لك وينتقم لهم من كل ظالم وفاسد ومعدوم ضمير أو ساكت عن حق ومدلس للحقائق وانتهازي وكل جبان.

قولوا آمين!

يمكن مشاهدة باقى الصور فى هذه الصفحة :

ايه اللي نزل "أمين" ؟!!

فعلا ايه اللي نزل امين

والله بكره هيجي و فرعون و جنوده تتكون اخرتهم عبرة لمن يعتبر

و بس كلامي مدعي التدين و مدعي الوطنية و اصحاب الحكمة اللي بيناصروا العسكري

يا تري اللي حصل لامين فوتوشوب برضه

[احمد رضوان]

نزل امين ليتأكد من نجاح الثورة فماذا وجد

كرامة مهدرة

حريـة منتهكة

عدالة غائبة

لك الله يا مصر ، ولطالما ظل هناك أمثال أمين فالمستقبل لنا والماضي لهم

الف سلامة عليك يا أمين ويارب تقوم بالسلامة انت راجل بجد في زمن صعب

[bodi]

نزل امين ليتأكد من نجاح الثورة فماذا وجد

كرامة مهدرة

حريـة منتهكة

عدالة غائبة

لك الله يا مصر ، ولطالما ظل هناك أمثال أمين فالمستقبل لنا والماضي لهم

الف سلامة عليك يا أمين ويارب تقوم بالسلامة انت راجل بجد في زمن صعب

http://www.youtube.com/watch?v=PuJtmrlMeT4[/media

ده فيديو لواحد جاري اعرفه معرفه شخصية ضربوه ظابط من جيش فرعون و اهانه بدون سبب

اخوه اخ فاضل بس كان من كام شهر مش شايف حقيقة مجلس فرعون

بس دلوقتي الرؤية وضحت في عينيه بعد اللي حصل لاخوه

ياريت تفوقوا قبل ما دوركم يجي

تم تعديل 22 ديسمبر 2011 بواسطة bodi

[mfarag]

نزل امين ليتأكد من نجاح الثورة فماذا وجد

كرامة مهدرة

حريـة منتهكة

عدالة غائبة

لك الله يا مصر ، ولطالما ظل هناك أمثال أمين فالمستقبل لنا والماضي لهم

الف سلامة عليك يا أمين ويارب تقوم بالسلامة انت راجل بجد في زمن صعب

http://www.youtube.com/watch?v=PuJtmrlMeT4[/media

ده فيديو لواحد جاري اعرفه معرفه شخصية ضربوه ظابط من جيش فرعون و اهانه بدون سبب

اخوه اخ فاضل بس كان من كام شهر مش شايف حقيقة مجلس فرعون

بس دلوقتي الرؤية وضحت في عينيه بعد اللي حصل لاخوه

ياريت تفوقوا قبل ما دوركم يجي

الفاضل

اعتبرنا فوقنا

المجلس العسكرى خائن و عميل و متامر

جنود الجيش المصرى ( اسف جيش فرعون ) اسوء من الجنود الاسرائلين ومن كفار قريش و من جيش فرعون

ما هو المطلوب

تم تعديل 22 ديسمبر 2011 بواسطة mfarag

[bodi]

نزل امين ليتأكد من نجاح الثورة فماذا وجد

كرامة مهدرة

حريـة منتهكة

عدالة غائبة

لك الله يا مصر ، ولطالما ظل هناك أمثال أمين فالمستقبل لنا والماضي لهم

الف سلامة عليك يا أمين ويارب تقوم بالسلامة انت راجل بجد في زمن صعب

http://www.youtube.com/watch?v=PuJtmrlMeT4[/media

ده فيديو لواحد جاري اعرفه معرفه شخصية ضربوه ظابط من جيش فرعون و اهانه بدون سبب

اخوه اخ فاضل بس كان من كام شهر مش شايف حقيقة مجلس فرعون

بس دلوقتي الرؤية وضحت في عينيه بعد اللي حصل لاخوه

ياريت تفوقوا قبل ما دوركم يجي

الفاضل

اعتبرنا فوقنا

المجلس العسكرى خائن و عميل و متامر

جنود الجيش المصرى ( اسف جيش فرعون ) اسوء من الجنود الاسرائلين ومن كفار قريش و من جيش فرعون

ما هو المطلوب

من وجهة نظري تسليم رئاسة الجمهورية لرئيس مجلس الشعب القادم اي كانت خلفيته يدير البلد و يكمل انتخابات الرئاسة حتي تسلم لرئيس في اخر يونيو القادم و تشكيل لجنه مستقلة بقيادة زكريا عبد العزيز و التحقيق في كل تلك الحوادث و يتم محاكمة قيادات العسكري المتورطة محاكمة ثورية علي الانقضاض علي الثورة

تم تعديل 22 ديسمبر 2011 بواسطة bodi

[mfarag]

نزل امين ليتأكد من نجاح الثورة فماذا وجد

كرامة مهدرة

حريـة منتهكة

عدالة غائبة

لك الله يا مصر ، ولطالما ظل هناك أمثال أمين فالمستقبل لنا والماضي لهم

الف سلامة عليك يا أمين ويارب تقوم بالسلامة انت راجل بجد في زمن صعب

http://www.youtube.com/watch?v=PuJtmrlMeT4[/media

ده فيديو لواحد جاري اعرفه معرفه شخصية ضربوه ظابط من جيش فرعون و اهانه بدون سبب

اخوه اخ فاضل بس كان من كام شهر مش شايف حقيقة مجلس فرعون

بس دلوقتي الرؤية وضحت في عينيه بعد اللي حصل لاخوه

ياريت تفوقوا قبل ما دوركم يجي

الفاضل

اعتبرنا فوقنا

المجلس العسكرى خائن و عميل و متامر

جنود الجيش المصرى ( اسف جيش فرعون ) اسوء من الجنود الاسرائلين ومن كفار قريش و من جيش فرعون

ما هو المطلوب

من وجهة نظري تسليم رئاسة الجمهورية لرئيس مجلس الشعب القادم اي كانت خلفيته يدير البلد و يكمل انتخابات الرئاسة حتي تسلم لرئيس في اخر يونيو القادم و تشكيل لجنه مستقلة بقيادة زكريا عبد العزيز و التحقيق في كل تلك الحوادث و يتم محاكمة قيادات العسكري المتورطة محاكمة ثورية علي الانقضاض علي الثورة

يا سيدى الفاضل

بعد ان رايت الامور من منظورك

فان بلد يحكمة مجلس عسكرى خائن و عميل و جنودة هما جنود فرعون لن يسلموا السلطة

ملاحظة : كراى شخصى انا موافق على اى حل يجنب البلد الفتنة حتى لو كان انتخابات سريعة او تولى رئاسة مجلس شعب

و ان كنت ارى ان الغرض من الدعوة هو علم بعض القوى برفض الجيش و بالتالى تجدد الاصطدامات و استمرار الحريق

[bodi]

نزل امين ليتأكد من نجاح الثورة فماذا وجد

كرامة مهدرة

حريـة منتهكة

عدالة غائبة

لك الله يا مصر ، ولطالما ظل هناك أمثال أمين فالمستقبل لنا والماضي لهم

الف سلامة عليك يا أمين ويارب تقوم بالسلامة انت راجل بجد في زمن صعب

http://www.youtube.com/watch?v=PuJtmrlMeT4[/media

ده فيديو لواحد جاري اعرفه معرفه شخصية ضربوه ظابط من جيش فرعون و اهانه بدون سبب

اخوه اخ فاضل بس كان من كام شهر مش شايف حقيقة مجلس فرعون

بس دلوقتي الرؤية وضحت في عينيه بعد اللي حصل لاخوه

ياريت تفوقوا قبل ما دوركم يجي

الفاضل

اعتبرنا فوقنا

المجلس العسكرى خائن و عميل و متامر

جنود الجيش المصرى ( اسف جيش فرعون ) اسوء من الجنود الاسرائلين ومن كفار قريش و من جيش فرعون

ما هو المطلوب

من وجهة نظري تسليم رئاسة الجمهورية لرئيس مجلس الشعب القادم اي كانت خلفيته يدير البلد و يكمل انتخابات الرئاسة حتي تسلم لرئيس في اخر يونيو القادم و تشكيل لجنه مستقلة بقيادة زكريا عبد العزيز و التحقيق في كل تلك الحوادث و يتم محاكمة قيادات العسكري المتورطة محاكمة ثورية علي الانقضاض علي الثورة

يا سيدى الفاضل

بعد ان رايت الامور من منظورك

فان بلد يحكمة مجلس عسكرى خائن و عميل و جنودة هما جنود فرعون لن يسلموا السلطة

ملاحظة : كراى شخصى انا موافق على اى حل يجنب البلد الفتنة حتى لو كان انتخابات سريعة او تولى رئاسة مجلس شعب

و ان كنت ارى ان الغرض من الدعوة هو علم بعض القوى برفض الجيش و بالتالى تجدد الاصطدامات و استمرار الحريق

الحرائق يشعلها دائما مجلس فرعون

ولا حل لوقفها الا برحيله

وهو يشعل الحرائق و يستخدم الاعلام لتخويف الناس من الفوضي و هو سببها

الا تري انه نفس سيناريو مبارك الذي اطلق علينا المساجين و البلطجية ليروعوناو في نفس الوقت حاول يصفي ميدان التحرير في موقعة الجمل

الناس فقط هي من حمت نفسها بالجان الشعبية

الشعب المصري شعب مسالم و عير ميال للعنف و القتل

اذا اجتمع الشعب كله و اعلن العصيان المدني و تصدي للمجلس الخائن و طلب تسلم مجلس الشعب لسلطة رئيس الجمهورية

لاستجاب صاغرا

تم تعديل 22 ديسمبر 2011 بواسطة bodi

[mfarag]

نزل امين ليتأكد من نجاح الثورة فماذا وجد

كرامة مهدرة

حريـة منتهكة

عدالة غائبة

لك الله يا مصر ، ولطالما ظل هناك أمثال أمين فالمستقبل لنا والماضي لهم

الف سلامة عليك يا أمين ويارب تقوم بالسلامة انت راجل بجد في زمن صعب

http://www.youtube.com/watch?v=PuJtmrlMeT4[/media

ده فيديو لواحد جاري اعرفه معرفه شخصية ضربوه ظابط من جيش فرعون و اهانه بدون سبب

اخوه اخ فاضل بس كان من كام شهر مش شايف حقيقة مجلس فرعون

بس دلوقتي الرؤية وضحت في عينيه بعد اللي حصل لاخوه

ياريت تفوقوا قبل ما دوركم يجي

الفاضل

اعتبرنا فوقنا

المجلس العسكرى خائن و عميل و متامر

جنود الجيش المصرى ( اسف جيش فرعون ) اسوء من الجنود الاسرائلين ومن كفار قريش و من جيش فرعون

ما هو المطلوب

من وجهة نظري تسليم رئاسة الجمهورية لرئيس مجلس الشعب القادم اي كانت خلفيته يدير البلد و يكمل انتخابات الرئاسة حتي تسلم لرئيس في اخر يونيو القادم و تشكيل لجنه مستقلة بقيادة زكريا عبد العزيز و التحقيق في كل تلك الحوادث و يتم محاكمة قيادات العسكري المتورطة محاكمة ثورية علي الانقضاض علي الثورة

يا سيدى الفاضل

بعد ان رايت الامور من منظورك

فان بلد يحكمة مجلس عسكرى خائن و عميل و جنودة هما جنود فرعون لن يسلموا السلطة

ملاحظة : كراى شخصى انا موافق على اى حل يجنب البلد الفتنة حتى لو كان انتخابات سريعة او تولى رئاسة مجلس شعب

و ان كنت ارى ان الغرض من الدعوة هو علم بعض القوى برفض الجيش و بالتالى تجدد الاصطدامات و استمرار الحريق

الحرائق يشعلها دائما مجلس فرعون

ولا حل لوقفها الا برحيله

وهو يشعل الحرائق و يستخدم الاعلام لتخويف الناس من الفوضي و هو سببها

الا تري انه نفس سيناريو مبارك الذي اطلق علينا المساجين و البلطجية ليروعوناو في نفس الوقت حاول يصفي ميدان التحرير في موقعة الجمل

الناس فقط هي من حمت نفسها بالجان الشعبية

الشعب المصري شعب مسالم و عير ميال للعنف و القتل

اذا اجتمع الشعب كله و اعلن العصيان المدني و تصدي للمجلس الخائن و طلب تسلم مجلس الشعب لسلطة رئيس الجمهورية

لاستجاب صاغرا

واذا كان الشعب المصرى كلة يا سيدى لن يقوم بهذا

و اذا كانت غالبية الشعب المصرى ضد هذا التصور

و اذا كان المعظم مع المسار الامن من خلال الانتخابات

[م تيمور المراغي]

الله يشفيك يا امين

وينتقم من اللي بهدلوك كده وينتقم من اللي بيدافع عنهم

لان من اعان ظالما سطه الله عليه

فدورهم والله جاي و حيلبسوا الخازوق التمام من العسكر ومن والاهم

[ام سلمي]

الله يشفيك يا امين

وينتقم من اللي بهدلوك كده وينتقم من اللي بيدافع عنهم

لان من اعان ظالما سطه الله عليه

فدورهم والله جاي و حيلبسوا الخازوق التمام من العسكر ومن والاهم

يا استاذ تيمور حضرتك كدة بتدعي علي معظم الشعب المصري اللي مخدوعين في العسكر

خلينا نقول

الله يشفي امين وكل المصابين ،وينتقم من اللي ضربهم، وينور بصيرة اللي بيدافع عنهم

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

[الباشمهندس ياسر]

الله يشفيك يا امين

وينتقم من اللي بهدلوك كده وينتقم من اللي بيدافع عنهم

لان من اعان ظالما سطه الله عليه

فدورهم والله جاي و حيلبسوا الخازوق التمام من العسكر ومن والاهم

بعيد الشر يا صاحبي

اومال احنا دورنا ايه لما نسيب شعينا يلبس ف الحيط

قدر الرجال يا ابن المراغية انها تدافع و تحوش و تبعد الشر

و مش طبيعي ابدا ان كل الناس رجال