كبسولات قانونية – ما حدش يضحك عليك ويقولك عقد ايجار قديم

[Hany Adel]

ضمن سلسلة مقالات الثقافة القانونية

بقلم المستشار ق/ هانى عادل

السلام عليكم ورحمة الله وبركاته

ببساطة وكل وضوح

ما فيش حاجة اسمها عقد ايجار قديم !!!!

@ازاي يا عم ؟

خلصت خلاص ..

واي حد ييجي يقولك حاكتب لك عقد ايجار

ونعمله بتاريخ قديم

او على ورق عقد ايجار املاك بتاع زمان الحلو ده .

عشان تقعد وتبرطع في الشقة براحتك .

وحتدفع بس قرشين كده .. كام ألف .. زي خلو رجل ..

بس اسمع .. حيتخصموا من الايجار ..

وكمان حاكتبه ليك مشاهره ..

ده واحد .. وانا أأأسف في اللفظ بيشتغلك ..

@بيشتغلني .. مش ممكن .. قول كلام غير ده .

اي عقد بعد 31-1-1996

هو عقد خاضع للقانون المدني ..

وخارج اطار ونطاق وحدود قانون الايجار الغير طبيعي وغير شرعي

المدعو

الايجار القديم ..

@ايه ده ؟ طب نعمل ايه يعني .

انا عارف انك عايز تدخل شقة وتلبد فيها ..

عشان تستقر.. وتعيش في تبات ونبات .. وتخلف كتاكيت وكتكوتات.

@الله ينور عليييييييك .

مش بقولك ..

اللي مطلوب منك اولا انك تستعين بعد الله بمحامي .. صاحبك قريبك .. خالك عمك ..

المهم حد بيفهم بجد في القانون .. وشغال في المهنه ..

@موجود.

وتشوف صاحب البيت .. عنده استعداد يأجر مدة طويله .

@ازاي بقه من غير عقد ايجار قديم ؟

يا عم اسمع بس ..

عقد الايجار الجديد ممكن يتكتب بأي مبلغ ..

وبأي مدة

@ايه ده ؟ بجد .. هوا مش تسع سنين بس ؟!

مين اللي قال كده يا عبقري .

@هوا . .

تسع سنين ده رقم .. محدد عند الشهر العقاري لاثبات تاريخ عقد الايجار ..

@واكتر من كده ما ينفعش..

لا .. ينفع .

بس باجراءات تانية .. عشان تسجل العقد .

المهم ..

انك تقدر تكتب في العقد الجديد مثلا 50 سنة .

والايجار بيزداد كل فترة بنسبه محدده ..

وتاخد عليه صحة توقيع ..

بعد ما تتأكد ان اللي مضى هو المالك الفعلي ..

يعني ما عندوش شركاء .. على المشاع مثلا ..

او ليه شركاء ..

وهو النسبه الحاكمة .

@بس صاحب البيت عايزني اطلع عواميد الشقة وابنيها كلها .

حبيب قلبي !!!

يا سلااااااااااااااااااااااااااااااااااااااااام

انت جيب على الحته اللي كان نفسي اسمعها منك .

خد دي .

@ابعت يا طيب .

اي مبلغ ..

واي اجراء ..

واي همسه ..

تنكتب في العقد .

@ازااااااي؟

زي الناس .. لو انت حتكمل الشقة او تبنيها او تصرف عليها في اي شئ ..

ينكتب في العقد .

@بس العقد ما فهوش مكان اكتب ده كله .

انا عارف اني حيجيلي شلل منك.

يا سيدي اكتب عقد كاااااااااااااامل على الكمبيوتر

العقد المطبوع ده اصلا مش المفروض يتباع ..

لان العقد لازم اللي يكتبه ويشرف عليه محامي .. وبدرجة ابتدائي على الاقل .

@آآآآه .

الحمد لله ..

وتكتب العقد الجميل .. ويتظبط .. ويتراجع .. وتتفاهم .

@طب اعذرني .. ليه ده كله .. ما هو عقد وخلاص.

لا يا حلو

لان حييجي وقت .. في المستقبل .. انت او ولادك .

ويقولوا

كاااااااااااااان يا مكان .. في سالف العصر والاوان .. ابونا منه لله .. صاحب الملك ضحك عليه ..

وكان السبب في طردنا من البيت اللي صرفنا فيه فلوسنا .

@حيدعوا عليا ؟!!

طبعا .. مش انت اللي استهترت .

لازم تكتب كل فلوس بتدفعها .. وكل شئ اتفقتوا عليه ..

النفووووووووووووووووووووووس بتتغير

والورق ثابت .

وممكن بعد سنة اتنين عشره ..

ييجي صاحب الملك .. او اولاده ..

يقولك بره يا خفيف ..

او تدخل في قضايا تحرق دمك سنين .. وانت مهدد بالطرد من بيييييييييييتك .

افهم بقه يا سيدي الفاضل

@لا يا عم الحكاية كبيره باين .. انا أجيب محامي احسن يمشى في السكه دي معايا . ممكن تيجي معايا ..

مش فاضي الحقيقة .

(شكله حيتعب اعصابي)

==ارجو ان تكون الامور وضحت بشكل مبدئي للسادة القراء .. وقد آثرت وضعها في هذا الشكل كحوار .. ليكون اكثر

بساطه في الفهم للمواطن العادي ..

وأذكركم ان الرسول عليه الصلاه والسلام .. والقرآن قد أمرنا كل منهم ان نكتب العقود ولا نهمل فيها .

بالتوفيق باذن الله وشقة سعيده عليكم ..

احترامي

المستشار ق/ هانى عادل

[التونسى]

مرحبا بحضرتك سيادة المستشار .. سعيد بتواجد خبره قانونيه مثلك بيننا .. وأتمنى ان تستمر معنا كعضو فاعل

[Alshiekh]

معلومات جيدة

وياريت المزيد من الكبسولات

هذا يذكرني بحلقات إذاعية قديمة كان اسم البرنامج " القانون صريح "

شكرا على المعلومات

[لونا]

أهلًا بحضرتك .. نورت المحاورات

أسلوب سهل و بسيط

و غير معتاد

[egyptawy]

طيب يافندم احنا ماجرين فى سنة 2000 لمستاجر ومكتوب انى العقد يخضع لقانون 1996 نفس صيغة العقد الا بيتباع ده ومكتوب انى العقد مشاهرة دائمة

ورافعين قية على المستاجر ياترى ايه الحكم المتوقع

[الباشمهندس ياسر]

كلام مظبوط

عشان كده انصح اي حد انه يكنب العقد بمده محدده 58 سنة تبدا من يوم كنابة العقد نفسه

و هي دي اطول فترة الايجار الجديد

[الباشمهندس ياسر]

طيب يافندم احنا ماجرين فى سنة 2000 لمستاجر ومكتوب انى العقد يخضع لقانون 1996 نفس صيغة العقد الا بيتباع ده ومكتوب انى العقد مشاهرة دائمة

ورافعين قية على المستاجر ياترى ايه الحكم المتوقع

سبحان الملك

يعني انت تإجرهاله بالشروط دي و راجع تبصله فيها

انما المسلمون عند شروطهم

[egyptawy]

طيب يافندم احنا ماجرين فى سنة 2000 لمستاجر ومكتوب انى العقد يخضع لقانون 1996 نفس صيغة العقد الا بيتباع ده ومكتوب انى العقد مشاهرة دائمة

ورافعين قية على المستاجر ياترى ايه الحكم المتوقع

سبحان الملك

يعني انت تإجرهاله بالشروط دي و راجع تبصله فيها

انما المسلمون عند شروطهم

شروط ايه مش فاهم وابصله فى ايه انا اجرتهاله مش بعتهاله تمليك

ياريت ما تفتش فى موضوع انت مش مدرك كل ابعاده

ولا تبخسوا الناس اشيائهم يعنى ايه شقة تعد 15 سنة بنفس قيمة الايجار

شكلك مستاجر قديم

انا بسال استشارة قانونية بس

تم تعديل 22 ديسمبر 2011 بواسطة egyptawy

[الباشمهندس ياسر]

[

شروط ايه مش فاهم وابصله فى ايه انا اجرتهاله مش بعتهاله تمليك

ياريت ما تفتش فى موضوع انت مش مدرك كل ابعاده

ولا تبخسوا الناس اشيائهم يعنى ايه شقة تعد 15 سنة بنفس قيمة الايجار

شكلك مستاجر قديم

انا بسال استشارة قانونية بس

فعلا يا اخي انا شكلي مستأجر قديم

لما تفكر تشتري شقة تمليك ... ابقي اتصل بيا و ممكن اساعدك و ابيعهالك قسط

[ابو محمود]

[

شروط ايه مش فاهم وابصله فى ايه انا اجرتهاله مش بعتهاله تمليك

ياريت ما تفتش فى موضوع انت مش مدرك كل ابعاده

ولا تبخسوا الناس اشيائهم يعنى ايه شقة تعد 15 سنة بنفس قيمة الايجار

شكلك مستاجر قديم

انا بسال استشارة قانونية بس

فعلا يا اخي انا شكلي مستأجر قديم

لما تفكر تشتري شقة تمليك ... ابقي اتصل بيا و ممكن اساعدك و ابيعهالك قسط

بس يا اولاد العبو مع بعض من غير زعل ههههههههههههههههههههههههههههههههه

ياريت محدش يزعل من حد علشان محدش بيعلم الغيب الراجل كان يقصد شيء والرد جاء شيء اخر

يا جماعة اصبرو على بعض حتى فى الكلام اقطع هدومى كل موضوع لازم يحصل فية خناقة شمو ورد

[egyptawy]

[

شروط ايه مش فاهم وابصله فى ايه انا اجرتهاله مش بعتهاله تمليك

ياريت ما تفتش فى موضوع انت مش مدرك كل ابعاده

ولا تبخسوا الناس اشيائهم يعنى ايه شقة تعد 15 سنة بنفس قيمة الايجار

شكلك مستاجر قديم

انا بسال استشارة قانونية بس

فعلا يا اخي انا شكلي مستأجر قديم

لما تفكر تشتري شقة تمليك ... ابقي اتصل بيا و ممكن اساعدك و ابيعهالك قسط

بس يا اولاد العبو مع بعض من غير زعل ههههههههههههههههههههههههههههههههه

ياريت محدش يزعل من حد علشان محدش بيعلم الغيب الراجل كان يقصد شيء والرد جاء شيء اخر

يا جماعة اصبرو على بعض حتى فى الكلام اقطع هدومى كل موضوع لازم يحصل فية خناقة شمو ورد

مش زعلان من ياسر عشان عارف انه شخص محترم

بس هو الا اتسفزنى

عموما ربنا يوفقنا كلنا لما فيه الخير والصلاح

تم تعديل 23 ديسمبر 2011 بواسطة egyptawy

[Hany Adel]

مرحبا بحضرتك سيادة المستشار .. سعيد بتواجد خبره قانونيه مثلك بيننا .. وأتمنى ان تستمر معنا كعضو فاعل

شكرا على الاستقبال الكريم

وارجو ان تكون الموضوعات مفيده باذن الله

احترامي

[egyptawy]

مرحبا بحضرتك سيادة المستشار .. سعيد بتواجد خبره قانونيه مثلك بيننا .. وأتمنى ان تستمر معنا كعضو فاعل

شكرا على الاستقبال الكريم

وارجو ان تكون الموضوعات مفيده باذن الله

احترامي

ياريت حضرتك لو عندى فكرة عن سوالى عن عقود المشاهرة تفيدنا بيها

شكرا

[Hany Adel]

مرحبا بحضرتك سيادة المستشار .. سعيد بتواجد خبره قانونيه مثلك بيننا .. وأتمنى ان تستمر معنا كعضو فاعل

شكرا على الاستقبال الكريم

وارجو ان تكون الموضوعات مفيده باذن الله

احترامي

ياريت حضرتك لو عندى فكرة عن سوالى عن عقود المشاهرة تفيدنا بيها

شكرا

عادة المحكمة ما تنظر للظروف والملابسات

من حيث اذا ثبت دفعة لمبالغ عالية مثلا

او مثل هذه الامور

بخلاف هذا الغلبه

لاخراج المستأجر من الشقة

لانه كان للاسف مخطئ لانه لم يستعن بمحام يكتب له عقد مناسب

لظروفه ومتطلباته

استخسر قروش ليخسر آلاف !!!!

تحياتي