عباسية... عباسية ... ابوس ايديكم انزلوا العباسيه

[Alshiekh]

المذيعة عايزة تروح العباسية ليه؟ حصلها ايه؟

نشوف كده

http://www.youtube.com/watch?v=av5B-YcQoyQ

[م تيمور المراغي]

انا نازل العباسية بكره :happy:

[التونسى]

مش عارف .. شامم ريحة زبايدر فى الكلام اللى بتقوله ده .. حتى الاداء . .. أدائه .. بغباوته .. وشكله العكر .. زى ما يكون هو اللى كاتب لها الكلام ده .. بصراحه عندى تعليقات اخرى .. لكن كان الله بالسر عليم :blush2:

[عبد الله غريب]

بعيداً عن الكلام الخاص بالنزول لأي ميدان () .. لو اللي بتقوله داه من قلبها ..

يبقى أنا (و اعتقد الكثير) موافق على كلامها إن احنا كشعب مصر العريق لن نُستعبد و لن نُستعمر من قبل أي جهة أو دولة ..

كمان موافق (و اعتقد الكثير موافقون) على إننا كشعب لازم نوضح للعالم:

- إحنا بنحب مصر قد إيه

- و هنحافظ عليها قد أيه

كمان موافقين على كلامها إن مصر هي أمنا و محدش يقدر يفصلنا عن مصر .. أو يفصل مصر عننا .. و إننا لازم نبعت رسالة لوزيرة الخارجية الأمريكية أن شعب مصر سيظل حر إلى يوم القيامة ..

لم أنتبه لاسم القناة إلا عندما وجدت أن كلامها جيد فأحببت معرفة اسم القناة و عندما وجدت أنها "الفراعين" فهمت وجه الاعتراض ..

لازم نكون محايدين .. و نحكم على الكلام ذاته مش على شخص/أشخاص !

إيه وجه الاعتراض على كلامها اللي قالته فوق داه؟

أم أنه و علشان فيه ميول جماعية من البعض للحكم على شخص ما بأحكام معينة يبقى نلغي حيادنا تجاه كل ما يتم تناوله على منبره و إن كان كلام منطقي و كلنا موافقين عليه!

[م تيمور المراغي]

كلامك عبد الله غريب مع كل الاحترام فكرني بفيلم عادل امام ( هاللو امريكا ) لما لقى مظاهره كل اللي فيها بيهتفوا حريه حريه حريه فقام سايب عديله وطالع ماسك ايديهم وعمال يهتف معاهم

وفي الآخر طلعت مظاهره لاباحة الزواج بين الجنس الواحد !

القصد

ما ينفعش اي حد يقول اعمل جاهدا على رفعة الوطن ننضم اليه عمياني كده بدون النظر الى خلفيته الفكرية وتصنيفه السياسي

ماهو مبارك كان دايما بيقول اعمل جاهدا على رفعةا لوطن ما نرجعه بقى بالمره تاني ,,

ما ينفعش ,,

[متعب]

هههههههههههه

البنت دى بتاخد شتيمه على صفحتها على الفيس هى والقذافى الجديد ال مشغلها ده

انا مسميه كده . القذافى الجديد . مسلى وربنا . بجد انا لما بكون مخنوق اضرب على الفراعين

والاغرب بقه بتقول انا بكون سعيده جدا من السب وكميه الشتيمه دى على الصفحه

مش عارف دى نصنف ايه بصراحه

وبعدين انتوا مش بتدافعوا عن مصر انتى والقذافى . امال خايفين من ايه اصلا

يعنى القذافى استحاله يمشى لوحده فى الشارع . تأمين شامل له وحراسه عليه مشدده من طنطاوى شخصيا

ليه كميه الخوف والرعب دى طالما بتعملوا الصح

مهو القذافى كان بيبوس ايد القواد الشريف . هى العيله دى متعوده على بوس الايادى ولا ايه

وبعدين ايه علاقه كلينتون بالموضوع . هى قالت انها هتحتل مصر خلاص ولا حاجه

بس هو مش كفايه بقى مظاهرات عشان اسمله الانتاج . وبعدين ماهما معروفين اصلا رواد العباسيه دول

الافلام الحمضانه بتاعت مبارك القديمه دول ال اختفوا من السوق نهائى . وهنجيب منهم السنه الجايه كده وعليكوا خير

وياترى ايه الشعارات ال هترفع فى الترللى . اسجن اقتل اهتك . وبرده مع الاعلام المصريه والجزيرة فين الشعب المصرى اهو

البنت دى لازم تتحاكم على الفيديو ده . دى دعوى صريحه لاراقه الدماء فى مصر

المجلس بيترنح طالما وصل للمراحل دى

[عبد الله غريب]

كلامك عبد الله غريب مع كل الاحترام فكرني بفيلم عادل امام ( هاللو امريكا ) لما لقى مظاهره كل اللي فيها بيهتفوا حريه حريه حريه فقام سايب عديله وطالع ماسك ايديهم وعمال يهتف معاهم

وفي الآخر طلعت مظاهره لاباحة الزواج بين الجنس الواحد !

القصد

ما ينفعش اي حد يقول اعمل جاهدا على رفعة الوطن ننضم اليه عمياني كده بدون النظر الى خلفيته الفكرية وتصنيفه السياسي

ماهو مبارك كان دايما بيقول اعمل جاهدا على رفعةا لوطن ما نرجعه بقى بالمره تاني ,,

ما ينفعش ,,

مفيش انضمام لا عمياني و لا مش عمياني .. احنا بنتكلم على كلام اتقال و تم الاستخفاف به مع إنه كلام جيد .. و كمان ماينفعشي تقول إن فيه ناس تم تصنيفها سياسياً تحت توجه معين .. و تقوم بناءً على كداه تقول ما معناه إن الناس دي مهما يقولوا فمش حنصدقهم و تقارنهم بالنظام السابق اللي أكيد هما مش معاه زي كل المصرين ما هما مش معا النظام السابق .. باستغرب إنه حتى لو كان كلامها واضح و صريح ليه نقوم نتريق عليه لمجرد قناعة مسبقة (طب اشرحلي إيه الذنب العظيم اللي يخليك تخرجهم من دايرة المصريين) .. إيه مجرد اختلافك في الرؤية معهم .. مش كفاية .. هو دا اللي ممكن نسميه الحجر على الرأي الذي يفسد وحدتنا بدون سبب مقنع .. و يا ريته رأي مخالف .. داه رأي لا يمكن لأحد أن يخالفه .. فكلنا بنحب مصر و كلنا موافقين على كل المعاني الجميلة اللي قالتها المذيعة .. يبقى ما ينفعشي تيجي و تقول:

أصل انا عارف اللي في قلبها و كمان هي (أو قناتها) مصنفة سياسياً تحت بند كذا أو كذا عشان كداه ح غمي على كل المعاني الحلوة دي و حبدأ بالسخرية منها .. داه مش ف صالحنا كلنا إن احنا نعمل أي نوع من أنواع التفرقة و العزل للغير ..

لو نفس الكلام اللي قالته المذيعة دي قالته مذيعة من قناة تانية كان حيبقى مقبول و مكنشي حد اتريق عليها ، بس هي هوجة التريقة اللي ماشية على حساب الحيادية ..

إزاي تعتبر إن دول مالهومش حق يقولوا رأيهم .. بحجة انك مصنفهم ضمن فئة معينة ..ما ينفعشي تقول إنك دخلت ف نية أي حد و عشان كدا حترفض كلامه.

زي ما يكون طالب غلبان في الفصل و كل الناس نازلة عليه تريقة حتى لو بدون سبب لمجرد إضحاك الغير .. و ف الآخر كله في صالح أعداء مصر .. و مش في صالح وحدتنا و تماسكنا و قوتنا ..

[م تيمور المراغي]

طيب ما احنا حنقول برضوا نفس الكلام في التحرير ;)

اشمعنى العباسية اللي عاوز تنزلها يا كبير ؟؟

والا عشان الدعوه جات لك من القمر دي :happy:

[عبد الله غريب]

طيب ما احنا حنقول برضوا نفس الكلام في التحرير ;)

اشمعنى العباسية اللي عاوز تنزلها يا كبير ؟؟

والا عشان الدعوه جات لك من القمر دي :happy:

اشمعنى انت يا تيمو قولت حتنزل العباسية بكرة !!

يعني حلال عليك .. حرام عليا ..

طب عشان كلمتك دي نتقابل هناك ..

.

.

.

يا عم انا كل اللي يهمني محدش يحجر على حد و خصوصاً باستخدام اسلوب التريقة عليه ..

و بعدين مين قال نزول .. انت الوحيد اللي بدأت و قولت نازل ..

تم تعديل 23 ديسمبر 2011 بواسطة عبد الله غريب

[raouf]

انا بقى خلاص هاروح العباسية رسمى

محدش يفهمنى غلط انا قصدى مستشفى العباسية

تصرفات الشعب المصرى بقت غرييييييييييييييييبة

[احمد رضوان]

في التحرير الآن مظاهرة رد الشرف والدفاع عن حرائر مصر .... فما هو هدف مظاهرات العباسية

هذه هي الفتنة قد جائتكم بخيارين ....التحرير والعباسية ولا ثالث لهما فمن يرى الحق في جانب فليلزمه وشيخ العباسية يقول الآن ويردد "وأطيعوا الله وأولي الأمر منكم" والمجلس العسكري هم أولوا الأمر منا ... اوجزت فأعجزت فضيلة الشيخ

هتاف العباسية : من ستات مصر لغادة .. انت اخرك البيادة ، يا حمزاوي يا عميل لم كلابك من التحرير

اللهم اشهدك اني أنتمي لمن في التحرير وليس بعد موت الشيخ عماد فتوى

تم تعديل 23 ديسمبر 2011 بواسطة احمد رضوان

[aimen]

من تويتر

الاعتداء علي مراسلي قنوات اون تي في .. قناة التحرير .. قناة سي بي سي .. قناة الجزيرة في العباسية و هتافات لحسني مبارك و طنطاوي

العباسية مش بس بلطجية، دول معاقين ذهنياً، بيهاجموا الكاميرات اللي بتنقل مظاهرتهم للجماهير،أحسن،خليكم مع نفسكم يا أغبيا ‎:D‏

‎@wael‏ الشباب قالو الثائر الحق يروح ياخد الاعلام ال بتتوزع فالعباسية ببلاش وياخدهم ويركب يروح التحرير :‏)‏

متظاهروا العباسية: بوق المجلس العبقري...يعلنون بوضوح ولائهم لمبارك...والحدق يفهم

ميدان العباسيه يهتف لحسني مبارك !!

والان الى اللحظة التاريخية لدخول مالك ملوك العباسية ( توفيق عكاشة يا راجل )

http://www.youtube.com/watch?v=s83nGrG0gD4

[محمد عبدالعزيز]

الواحد ندمان إنه راح مظاهرة القائد إبراهيم وفاتتنى المظاهرة العظيمة بتاعة العباسية

ادى المظاهرات ولا بلاش... مش دعاة الفتنة اللى بيطالبوا بالحرية والكرامة والعدل بتوع التحرير الخونة العملاء

http://www.youtube.com/watch?v=U-cI3QAmn50

[م تيمور المراغي]

[محمد عبدالعزيز]

العباسية هى الآلة التى يوضع فيها الإنسان من ناحية, فيخرج على شكل كنبة من الناحية الأخرى.

من تأليف محمد عبدالعزيز, ومش جلال عامر :)

[باهى الطائر الحزين]

والنبى بلاش سيرة العباسيه

لحسن فيه ناس اصحابنا بيتلككم

حساسيه بقى ؟!

مع الإعتذار لصاحب المول

[se_ Elsyed]

الواحد ندمان إنه راح مظاهرة القائد إبراهيم وفاتتنى المظاهرة العظيمة بتاعة العباسية

ادى المظاهرات ولا بلاش... مش دعاة الفتنة اللى بيطالبوا بالحرية والكرامة والعدل بتوع التحرير الخونة العملاء

http://www.youtube.com/watch?v=U-cI3QAmn50

كنت هازعل جداً لو كانوا قزازة أو إتنين .. إنما طالما تلاتة ستيلا ( بيرة ستيلا يعني للي ما يعرفش .. مع تحيات شركة الاهرام للمشروبات ) طالما تلاتة يبقى مش هازعل لأني متأكد ان ثورة الأستيلا هاتنجح

[se_ Elsyed]

أسف لن أضع الفيديو لأن فيه تعليقات بذيئة من الناس اللي خرجت عن شعورها وهي تسمع كلب إسمه

الصحفى هيثم طوالة .. مش عارف ده صحفي في أنهي خرابه وهو بيتصل بقناة المواعين وبيقول إن أبلغ رد على البلطجية بتوع الثورة كانت ثورة التصحيح التي قادها اليوم الإعلامي الكبير توفيق عكاشة وإن

وإن

وإن

:جزمة المشير فوق دماغ الناس كلها !

-------------

عرفتوا وصلنا لفين ؟