وبعد ما صفعتها ...

[عصام أبوالفتح]

توقف الوقت ..

وهدأ المكان ..

استطيع سماع أنفاسى اللاهثة ..

وأكاد لا اسمع صوتاً يعلوها سوى صوت ضربات قلبى المتسارعة ..

تدق أذناى ..

كنت منفعلاً بشدة ..

غاصباً بشدة ..

نظرت الى من حولى ورأيت وجوماً شديداً على الحاضرين جميعاً ..

تناقلت انظارهم فى ترقب بينى وبينها ..

نظرت لكفى اليمنى التى صفعتها بها ..

وإلى وجهها الذى غطاه كفاها ..

فانطلق صراخها ليشق الصمت ..

عالياً مدوياً ..

معلناً جريمتى النكراء ..

وبعد أن كان الصمت هو سيد الموقف ..

أصبح العويل هو عنوان المشهد..

وانطلق أحد الحاضرين للخارج ليبلغ اصحاب المكان ..

ولكن مهلاً ..

لم اكن مذنباً ..

لقد عمدت إلى استفزازى أمام الجميع ..

لم تتوقف لحظة ..

ورغم ذلك ..

فبعد كل هذه السنين

لا يمكننى ان اتذكر ما قالت ...

اتذكر جيداً لحظات ما قبل الصفعة ..

واتذكر الصفعة بالطبع ..

واتذكر شهادة معظم الحاضرين بعد ان حضرت صاحبة المكان أنها من بدأت استفزازى ..

واننى كنت مستمراً فى عملى الذى بدأته بعد أن تركتنا صاحبة المكان وانصرفت لضرورة عاجلة ..

*****

كان اسمها غادة ..

وكانت زميلتى ..

وكانت كتلة من الغبار والغرور ..

أو هكذا كنت أنظر إليها ..

وكانت جميلة بحق ..

بل قل فاتنة بمعايير ذلك الوقت ..

وكان على ان اتحاشاها واتجنبها حتى استطيع التركيز فى عملى ..

ولكنها كانت على العكس تستفزنى لافعل شيئاً ..

ما هو ؟ ..

لا أدرى ..

ربما كان يحنقها تفوقى على الجميع والتزامى فى العمل والحضور والانصراف ..

ربما احنقها عناية صاحبة المكان بى وبمركزى الخاص عندها ..

أو أنها لم تحصل على نفس المركز ..

وربما احنقها اننى لم اعرها اهتماماً كافياً ..

يبدو أننى لا أعلم ..

ولم أعلم

ولن أعلم على ما يبدو ..

بعد أن حضرت صاحبة المكان بدأ التحقيق معى ومعها ..

كنت أتفهم ضرورة هذا التحقيق ..

ومستعداً لوضع جميع التفاصيل أمام صاحبة المكان التى احترمها واقدرها كثيراً ..

وعلى الجانب الآخر ..

وأقصد .. غادة ..

لم تكن تجيب الاسئلة الموجزة الا بمزيد من الصراخ والبكاء ..

والنظرات القاتلة ..

وكأنه لا يهم ما الذى أدى لذلك ؟ ..

المهم هو اننى صفعتها على وجهها ..

*****

لم يشفع لى شهادة الموجودين ..

ولم يشفع لى ان اخبرت صاحبة المكان انها جذبت شعرى من الخلف بقوة ..

وايدنى البعض بهز رؤوسهم ..

لم يشفع لى ذلك كله ..

وبدا من الواضح اننى فى خانة الاتهام ..

كان اكثر ما يضايقنى هو نظرة صاحبة المكان المستنكرة المستهجنة لى ..

لم أكن أعلم ان الصفعة ستؤدى الى هذه النتيجة الوخيمة..

ما الذى كان يضيرنى أن أصبر لدقائق قليلة أخرى حتى تعود صاحبة المكان وأحكى لها كل شئ ؟

أجابنى صوتاً بداخلى .. وكرامتك ؟..

ألم تستفزك وتقلل من شأنك وتشد شعرك ؟

زممت شفتاى وانتظرت القرار ..

وصدر قرار صاحبة المكان ..

بأننى لابد أن أعاقب على ما فعلت ..

وكان عقابها قاسياً جداً ..

لاننى احسست اننى كنت مظلوماً حينها..

ومرت السنين على هذا الموقف ..

***

ولكنى تعلمت شيئا فى ذلك اليوم ..

أدركت خطورة هذا الجنس اللطيف المسمى بالنساء !

وأن هذا اللطف يخفى وراءه قدرات عجيبة ..

وأنهن لديهن من وسائل الضغط والحصار والقتال ..

ما تعجز عنه اقوى الجيوش ..

لم أصفع أى إمرأة أبداً بعد ذلك اليوم ..

ولن أفعل ..

فقد وعيت إلى الدرس القاسى ..

وأدركت أيضاً ..

أنهن يحكمن بعواطفهن أحياناً كثيرة..

وبخيالهن الخاص فى أحيانٍ أكثر ..

مهما توافرت من حقائق وثوابت ..

وتذوقت فى ذلك اليوم ..

لأول مرة

وبكل أسف ..

لسعتين من ( عزيزة )..

خرزانة أبله هدى معلمتى فى الحضانة .. ولم أعد أقف على الفصل بصفتى الألفا لأسجل اسماء المتكلمين على السبورة فى غيابها

عصام أبوالفتح

[التونسى]

ولكنى تعلمت شيئا فى ذلك اليوم ..

أدركت خطورة هذا الجنس اللطيف المسمى بالنساء !

وأن هذا اللطف يخفى وراءه قدرات عجيبة ..

وأنهن لديهن من وسائل الضغط والحصار والقتال ..

ما تعجز عنه اقوى الجيوش ..

لم أصفع أى إمرأة أبداً بعد ذلك اليوم ..

ولن أفعل ..

فقد وعيت إلى الدرس القاسى ..

وأدركت أيضاً ..

أنهن يحكمن بعواطفهن أحياناً كثيرة..

وبخيالهن الخاص فى أحيانٍ أكثر ..

مهما توافرت من حقائق وثوابت ..

إنها طبيعة النساء .. ومن يدرك تلك الطبائع .. ومن ثم يتقبلها .. ولا يستنكرها .. ينجح غالبا فى التعامل معها ..وإحتواءها .. أو ((ترويضها)).. لو كان الامر يلزم ذلك

نعم هى ذات عواطف جياشه .. ومشاعر وأحاسيس مرهفه .. يطفو فى أغلب الوقت .. قارب خيالها .. فوق صفحة عقلها ... تستطيع بكلمات(مجرد كلمات) ان تقذف بها لعنان السماء .. بسرعة تفوق سرعة الضوء .. وتستطيع بكلمات أخرى .. أن تثير عواصف غضبها .. وأمطار دموعها .. وبراكين كراهيتها

إنها المرأة .. ذلك الكائن الفتان .. وينبوع الحب ..والأَنس ..والحنان

إنها المعادلة الصعبة السهله .. اليسيرة العسيرة .. البسيطة المركبه .. النورية النارية

إنها الكائن الذى تحتار فى أمره كثيرا .. ولا تجد فى نهاية المطاف .. الا أن ((تريح دماغك)).. وتربت على رأسها فى حنو وعطف .. وتضمها إليك برفق .. ضمة الأب والحبيب ..متقبلا إياها.. كما هى .. حتى تستمر الحياة بسلاسة وتدفق.. وبلا مشاكل عويصه

على فكرة حدث لى نفس الموقف .. و لدى كل الجراءة لاعترف بأننى كنت المصفوع .. ولست الصافع ههههههههههههههههه

حدث هذا وكنت فى سن العاشرة ..أعجبتنى إحدى زميلات الدراسه لصديقى .. وكنا وقتها نلعب فى إحدى الحدائق العامه .. وكانت الفتاة تلاحظ اهتمامى بها . .. بفضل مجساتها الانثوية الحساسه .. فقد كنت احاول التلطف معها والتقرب منها .. ومحاولة كسر الحواجز .. وكانت لا تعطينى الفرصة .. وفى نفس الوقت تشاغلنى بنظرات مسترقة .. وابتسامات ذات طعم خاص .. المهم .. بعد أن مللت من المحاولات .. ذهبت الى صديقى وبراءة الاطفال فى عيناى ... وقلت له بأننى معجب بتلك الفتاة بشده .. فما كان منه ((الندل الشرير)) .. إلا ان إتجه صوبها .. موشوشا فى أذنها بشئ ما .. كان من نتيجته أن أسرعت نحوى فى حزم وصرامة .. ثم ((لطعتنى )) الكف المتين .. على وجهى هههههههههههههه

وكانت تداعيات هذا الموقف بعد ذلك ..هو عقدة نفسيه .. ليس من النساء .. ولكن من الخوف بالبوح بمشاعر الحب للمرأة .. الا بعد بالونات من الاختبار .. والتأكد تماما من مشاعرها نحوى .. ويا سلام لو هى اللى تبوح الاول هههههههههههههههههه

طبعا العقدة دى مستمرتش كتير بعد كده .. وشفيت منها تقريبا الحمد لله خلال فترة الجامعه

قصة جميله ولذيذه استاذ عصام .. وكانت فرصة عظيمة (( للخوض)) فى أعماق المرأة

[عبير يونس]

امممم

ده كلام خطير

و يشبه الاعترافات

هههههههههههه

لولا أنني مضطرة للذهاب للعمل حالا

لي عودة في المساء بإذن الله

لنبحث في المسائل الخطيرة دي

تحياتي

[عصام أبوالفتح]

اخى الفاضل محمود البصيلى :

تعليقك اكثر جمالاً من القصة يا مبدعنا الكبير .. وكلماتك رائعة بالفعل .. لو اننا نفهم النساء حقاً .. لخلا العالم من المشاكل والهموم

اعترف بشجاعتك الفائقة لذكر قصتك .. وأحييك على ضبط النفس الذى مارسته ( مش عارف بمزاجك ولا غصبن عنك ;) )

وربما علقت هذه القصة بذهنى طوال هذه السنين وعلق الدرس معها .. لاذكرها فى الوقت المناسب

وها هو وقتها ...

قد ادعى النضج المبكر لاستفادتى من كل موقف مر بى

ولكن ماذا عن الاطفال الاخرين الذين لم يمروا بهذا الدرس

لم يتعودا ضبط النفس

لم ينشأوا على ثقافة الثواب والعقاب

لم ينضجوا بعد رغم مرور السنين عليهم ...

ها هى غادة اخرى تواجه جنود الجيش بكل ما فيها من قدرات النساء وبكل ما يحملون من كرامة الرجال

وقسوة الحياة العسكرية

أهانتهم وسبتهم وضربتهم بالحجارة .. حركت الطفل الرابض فى اعماق كل منهم

فمنهم من ضبط نفسه وهم المعظم ... ومنهم من لم يفعل

وجندى واحد لا يضبط نفسه قد يسبب كارثة

رأينا هذا النموذج يقتل ويذبح زملائه فى جيوش اخرى

ورأيناه يرد الاساءة وينتقم لنفسه وكرامته الشخصية بشكل غير طبيعى وغير انسانى.

وكانت النتيجة مأساة رأيناها لأن اكف الرجال تختلف عن أكف الاطفال .. وكذلك اجساد النساء

قد تكون جذبة الشعر ورفسة القدم تعبيرا طفولياً وجد السبيل ليخرج ردا للكرامة وانتقاما من موقف قديم

ولا يمكن ان تكون هذه انفعالات وتصرفات اناس ناضجين

ولا يمكن ايضا ان يكون قذف الحجارة والسباب والاشارات البذيئة من علامات النضج والتعقل.

ألا تتفقون معى أن هؤلاء الأطفال فى ملابس وأجسام الكبار

جميعاً

يحتاجون إلى ..

عزيزة

بالطبع اعلم ان عزيزة ستنال الرجال فقط .. لأنهم رجال .. ولأن النساءَ نساء.ُ

[عصام أبوالفتح]

امممم

ده كلام خطير

و يشبه الاعترافات

هههههههههههه

لولا أنني مضطرة للذهاب للعمل حالا

لي عودة في المساء بإذن الله

لنبحث في المسائل الخطيرة دي

تحياتي

يا نهار مش فايت .. كل ده .. بقالك 6 ساعات يا مدام عبير

أنا مستنى أهو .. وأدى قعدة

هاتبقى اعترافات ليلية :) .. ويمكن اترشح للرئاسة زى بوثينة كامل

إروا واعترفوا .. ضربت ولا اضربت بالقلم ؟ ;)

[عبير يونس]

امممم

ده كلام خطير

و يشبه الاعترافات

هههههههههههه

لولا أنني مضطرة للذهاب للعمل حالا

لي عودة في المساء بإذن الله

لنبحث في المسائل الخطيرة دي

تحياتي

يا نهار مش فايت .. كل ده .. بقالك 6 ساعات يا مدام عبير

أنا مستنى أهو .. وأدى قعدة

هاتبقى اعترافات ليلية :) .. ويمكن اترشح للرئاسة زى بوثينة كامل

إروا واعترفوا .. ضربت ولا اضربت بالقلم ؟ ;)

ههههههههههه

انا جيت من ساعة

بس كنت بأهني الأول في باب الاجتماعيات

كان نفسي اجرّب اوي حد يعاكسني و اديله الكف المتين

بس الناس معايا دايما مؤدبين الحقيقة هههههههههههههه

فيا حاجة بتجبر الناس يتأدبوا معايا مع اني دايما مبتسمة :)

لدرجة واحدة قريبتي مرة قالت لبنت أختي لما كانوا ماشيين مع بعض يشتروا حاجة

ما تقوليش لخالتك عبير اننا اتعاكسنا لأحسن ماحدش بيعاكسها يا عيني ههههههههههههههههههههه

خافت عليا لأتأثر و تجيلي حالة نفسية هههههههههههه

ما عمريش اتخانقت مع ولد و انا صغيرة في ابتدائي

كانوا دايما صحابي

و حتى لما روحت اعدادي كانوا يقابلوني في الشارع و يسلموا عليا

و في الجامعة كل اصحابي كانوا ولاد و قلة من البنات المتميزات بالجدعنة

ما بأطيقش حركات البنات ( السهوكة)

و دايما كنت باتخانق مع بنات خالاتي و احنا صغيرين عشان الحركات دي

حتى مع بناتي دلوقتي بآكلهم لو عملوا الحركات دي مع اخواتهم الصبيان

بيصعبوا عليا الصبيان

بيتعاملوا بتلقائية ياعيني

و البنات لما يبقوا راضيين عليهم آخر فل و يستحملوا منهم كل حاجة

و لما يقلبوا تنزل الدموع و تتعالى الصرخات و يجي ابوهم عليهم زي الغول من غير ما يعرف في ايه

يحامي للبنات

و انا بابقى شايفة الموقف من أوله

و طبعا باتدخل

انا متأكدة كل التاكد أن كل الرجال اللي بيمارسوا العنف على المرأة بيبقوا انقهروا قبل كده من اخواتهم البنات

بحب البنت تبقى رقيقة و هادية و عارفة قيمة أخوها و تكسبه مش تعاديه

تكسب عطفه و حنانه و خوفه عليها

و أكتر حاجة ممكن تضايقني من بناتي انهم يتمردوا على اخواتهم

و دايما أقول لهم انا مش عايشة لكم طول العمر

أخوكي هو سندك

مبحبش كيد النساء و معرفهوش و لا أحب اتعامل مع اللي بيعملوه

قمة الأنوثة في نظري هي عدم معاداة الرجل في اي صورة

أب أو أخ أو زوج أو ابن

العداوة بتنشأ من تربية غلط

لما البنت تحس ان الأهل بيفضلوا الصبيان

أو الولد ياخد صدمات من أخته و تتسبب له في مشاكل مع الوالدين

عن نفسي الحمد لله بأحاول اكون حقانية مع الاتنين

يعني لا أسمح ان الصبيان يعاملوا البنات بخشونة

و لا أسمح للبنات يقلوا احترامهم لاخواتهم الصبيان حتى اللي أصغر منهم

و الحمد لله و نعمته و فضله كلهم بيحبوا بعض و يخافوا على بعض و أسرارهم مع بعض

اللهم أدمها نعمة و احفظها من الزوال

آمين

و للحديث بقية....

[عصام أبوالفتح]

طيب كويس جدا انك متحبيش السهوكة ولا كيد النساء .. زيى

طول عمرى بعدها كانت علاقتى متوازنة مع الجنس اللطيف والحمد لله

فيها كثير من الاخوة والثقة .. وقليل من سوء التفاهم العابر

اعتبرينى بقى عيل من عيالك ربنا يبارلكك فيهم.. وقولولى هل غلطت لما ضربتها بالقلم ؟

عايز تقييمك للموقف وللعقاب

والزباين اللى دخلوا نقطوا ومشيوا .. متشكرين جدا لكن أرائكم أهم

[عبير يونس]

طيب كويس جدا انك متحبيش السهوكة ولا كيد النساء .. زيى

طول عمرى بعدها كانت علاقتى متوازنة مع الجنس اللطيف والحمد لله

فيها كثير من الاخوة والثقة .. وقليل من سوء التفاهم العابر

اعتبرينى بقى عيل من عيالك ربنا يبارلكك فيهم.. وقولولى هل غلطت لما ضربتها بالقلم ؟

عايز تقييمك للموقف وللعقاب

والزباين اللى دخلوا نقطوا ومشيوا .. متشكرين جدا لكن أرائكم أهم

شوف يا فندم

أنا ضد العنف بكل أشكاله مع الجنسين

يعني لو ربنا مديك شوية عافية

استنكر انك تستعملها لا مع رجل و لا مع امرأة

ده طبعي

يعني أعرض عن الجاهلين

مش شرط أكون صح

بس طول عمري مبحبش أرد

و كانوا بيقولوا عليا عندي برود انجليزي هههههههههههههههههههه

يعني أحب أسيب كلام اللي غلط فيا آخركلام اتقال

ومتساب من غير رد

يا اما يراجع نفسه و يعتذر

أويموت كمدا

مبحبش العنف نهائي

حتى لو اللي قدامي يستاهل كسر رقبته

حد غيري يكسرهاله

فالمسألة عندي مش ولد و بنت

هي رفض للعنف

عشان كده مش معاك انك صفعتها

و بالتأكيد أنت كده غلطان

حتى لو كانت البنت غبية و تغيظ و عايزة الدبح

و مش لأنها بنت

علشان انت لازم تتحلى بضبط النفس مع الجميع

و بصفتك كنت طفل وقتها

فأول شيء حيخطرعلى بالي انك أكيد تعرضت للصفع من حد أكبر منك

و عرفت من كده ان الصفع وسيلة من وسائل الاعتراض أو الرد أو التأديب

محدش بيعمل كده من غير ما يكون اتعرض ليه و عرفه

أكرر

العنف سلوك مرفوض بالنسبة لي

و لا يبرره عندي استحقاق الطرف الآخر له

فالمهم عندي هو أخلاقي التي لا تسمح بذلك

مهما بلغ استفزاز الطرف الآخر

لا بد أن أضبط نفسي و لا أنحدر لمستواه

معظم جرائم القتل تبدأ باستفزاز بسيط

يتضخم عند القاتل فينزلق للجريمة و العياذ بالله

فهل نبرر القتل بأن القتيل قام باستفزاز القاتل؟؟؟!!!!

[عصام أبوالفتح]

طيب حضرتك عديتى من الكمين اللى كنت عاملهولك ...بذكاء

وطبعا فى نظرك دلوقتى الجندى اللى استفزته تصرفات غاادة التانية .. يستاهل قطع رقبته

انا متفق مع الجميع انه لازم يتعاقب .. وانه اكيد اتسحل واتبدهل قبل كده عشان يرى ان ده هو شكل العقاب زى ما قلتى

لكن هل احنا بنعاقب جندى ولا بنعاقب جيش

يعنى معلمتى هل جابت عزيزة وقعدت تضرب فى عيلتى كلها علشان اكيد حد محرضنى على انى أقل أدبى واعتدى على خلق الله .. اكيد معملتش كده

والقلم اللى رزعته لها كان نتيجة مشاهدة الافلام العربى وليس لان دى الصورة اللى فى ذهنى او ان حد ضربنى بالقلم .. انا الحمد لله كنت مضرب المثل فى الهدوء والطيبة.

وهل أهل البنت بعد ما روحت وحكت اللى حصل حد عمل لى حاجة .. محصلش لانهم عارفين عصام .. وانه مبتطلعش منه العيبة .. واكيد فى حاجة استفزته عشان يعمل كده .. ولما سألوا ابله هدى الله يمسيها بالخير اكيد قالتلهم اللى حصل بدقة .. وبالتالى لم يتصاعد الموضوع اكثر من ذلك

لهذا لا استطيع ان افهم سر هذه الحملة الشعواء على الجيش .. على العيلة كلها .. عشان عيل وغلط !!!

[عبير يونس]

ههههههههههههههه

حلوة حكاية الكمين دي

مش أنا يا بابا

هههههههههههه

و مين قال أن الجيش كله غلطان ؟؟؟

أنا بأحترم الجيش جدا طول عمري و لازلت

و عمري ما بأعمم فساد

حتى وقت الهجوم الشديد على الشرطة

قلت كلمة حق إن أغلبيتهم شرفاء

التعميم آفة كبرى

الجيش كأي مؤسسة به فاسدين بالطبع

حتى المجلس العسكري نفسه أكيد مش كلهم يرضوا باللي حصل

اللي استفزني بجد و اوي

محاولات التبرير و تصيد الأخطاء للبنت عشان نقول العساكر اللي ضربوها كان عندهم حق و انها تستاهل

أرفض ذلك بشدة

و قلتها في أكثر من موضع

حتى لو كانت عاهرة لا أوافق أن يحدث معها ذلك

رفضت الإهانة و الاستقواء بالقوة الجسدية على امرأة مهما بلغت من قوة لن تتغلب على رجل عادي

فما بالك بجندي مقاتل بل و عشرة منهم!!!!

مش بس هي

اتنحرت من العياط على عزة اللي وقفت تنقذها

و ايهاب حنا ( اهو راجل اهو) اللي مارحمهوش و هو مضروب رصاصة

و مع ذلك

لم ولن أقبل أن نأخذ المؤسسة العسكرية بكاملها بذنب هؤلاء الجنود

يعني نعطي كل ذي حق حقه

بلا جور و لا ظلم لطرف على الآخر

[عبير يونس]

والقلم اللى رزعته لها كان نتيجة مشاهدة الافلام العربى وليس لان دى الصورة اللى فى ذهنى او ان حد ضربنى بالقلم .. انا الحمد لله كنت مضرب المثل فى الهدوء والطيبة.

أعتذر أنني أغفلت هذا الاحتمال في حديثي

رؤية الموقف تجعلنا نعايشه و يدخل السلوكيات الموجودة في المشهد في برمجتنا العصبية

كوسيلة جاهزة للاستخدام في موقف مشابه

أكيد كان مشهد صفع رشدي أباظة لشادية في الزوجة 13 :P

[نورالعين]

اول ما قرأت تصورت المشهد لاشخاص بالغين

والحقيقة لا اخفي عليكم اعجبتنى ان اسمع ان امرأة شدت رجل من شعره :)

من باب التغيير يعنى

ولمت كمان على الرجل ان يصفعها ولو فعلت به هذا

واضح جدا تحيزي بس اعمل ايه غصب عني

الحمد لله طلعت لاطفال

وان كنت ايضا استغربت الصفعة ولو لولد

موضوع جميل

تحياتي

[عصام أبوالفتح]

أكيد كان مشهد صفع رشدي أباظة لشادية في الزوجة 13 :P

هههههههه . . بطنى وجعتنى من الضحك . . انا كان اخرى فى السن ده الصفعات بتاعة عنتر ولبلب و طاقية الاخفاء

العلبة دى فيها ايه ? . . ههههههه

تم تعديل 25 ديسمبر 2011 بواسطة عصام أبوالفتح

[عصام أبوالفتح]

اول ما قرأت تصورت المشهد لاشخاص بالغين

والحقيقة لا اخفي عليكم اعجبتنى ان اسمع ان امرأة شدت رجل من شعره :)

من باب التغيير يعنى

ولمت كمان على الرجل ان يصفعها ولو فعلت به هذا

واضح جدا تحيزي بس اعمل ايه غصب عني

الحمد لله طلعت لاطفال

وان كنت ايضا استغربت الصفعة ولو لولد

موضوع جميل

تحياتي

بقى شد شعر الرجالة حلو وتغيير . . اوكى اوكى . . علشان كده مش هاتبقوا قاضى منصة أبدا. . على جثتى

وعلى جثث كل الرجال . . جمعاااء جمعاااااء . . هههههههه

[لونا]

والزباين اللى دخلوا نقطوا ومشيوا .. متشكرين جدا لكن أرائكم أهم

أنا قلت أنقطك بسكاتي يعني

بس مادام حضرتك عايز تعرف رأيي حاقولك يا باشمهندس

طبعًا غلطت لما ضربتها

لأن هي كانت بتستفزك علشان عايزاك تبدي ناحيتها أي رد فعل .. حتى لو كان غلط

و حضرتك استجبت للإستفزاز زي الشاطر .. (باكلمك و انت صغير مش دلوقت ..و لك كل الاحترام في الحالتين)

و مادمنا بنتكلم عن العيال

أنا إبني من نوع البنت دي دايمًا يحب يستفز إخواته بكل الطرق

بغرض إنهم يقوموا يجروا وراه ويقعد هو يجري منهم .. دي لعبة بالنسبة له

لكن بالنسبة لهن (أخواته البنات ) دي غلاسة

و باقولهم دايمًا تجاهلوه .. كأنه هوا..

لأن الموضوع دايمًا يقلب بغم

بالنسبة لقصة حضرتك..

و قصة غادة..

نفس الحكاية بالضبط .. الطرف الأعقل لا يجب أبدًا إنه يخضع للإستفزاز

و إلا في الآخر حيطلع هو اللي غلطان ..

زي ما حضرتك أخدت علقة من عزيزة

و الجنود بقى شكلهم وحش و بيعتدوا على البنات

لكن هنا الفارق أكبر كتير من لعب عيال

إنت بتتكلم على راجل .. ضرب بنت

و دي كبيررة لوحدها في ديننا و أعرافنا

و لما تضيف للصورة إن الراجل ده جندي في جيش بلدها ..

ما تبقاش كبيرة..

تبقى مصيبة

تم تعديل 25 ديسمبر 2011 بواسطة لونا

[عبير يونس]

إنها طبيعة النساء .. ومن يدرك تلك الطبائع .. ومن ثم يتقبلها .. ولا يستنكرها .. ينجح غالبا فى التعامل معها ..وإحتواءها .. أو ((ترويضها)).. لو كان الامر يلزم ذلك

نعم هى ذات عواطف جياشه .. ومشاعر وأحاسيس مرهفه .. يطفو فى أغلب الوقت .. قارب خيالها .. فوق صفحة عقلها ... تستطيع بكلمات(مجرد كلمات) ان تقذف بها لعنان السماء .. بسرعة تفوق سرعة الضوء .. وتستطيع بكلمات أخرى .. أن تثير عواصف غضبها .. وأمطار دموعها .. وبراكين كراهيتها

إنها المرأة .. ذلك الكائن الفتان .. وينبوع الحب ..والأَنس ..والحنان

إنها المعادلة الصعبة السهله .. اليسيرة العسيرة .. البسيطة المركبه .. النورية النارية

إنها الكائن الذى تحتار فى أمره كثيرا .. ولا تجد فى نهاية المطاف .. الا أن ((تريح دماغك)).. وتربت على رأسها فى حنو وعطف .. وتضمها إليك برفق .. ضمة الأب والحبيب ..متقبلا إياها.. كما هى .. حتى تستمر الحياة بسلاسة وتدفق.. وبلا مشاكل عويصه

على فكرة حدث لى نفس الموقف .. و لدى كل الجراءة لاعترف بأننى كنت المصفوع .. ولست الصافع ههههههههههههههههه

حدث هذا وكنت فى سن العاشرة ..أعجبتنى إحدى زميلات الدراسه لصديقى .. وكنا وقتها نلعب فى إحدى الحدائق العامه .. وكانت الفتاة تلاحظ اهتمامى بها . .. بفضل مجساتها الانثوية الحساسه .. فقد كنت احاول التلطف معها والتقرب منها .. ومحاولة كسر الحواجز .. وكانت لا تعطينى الفرصة .. وفى نفس الوقت تشاغلنى بنظرات مسترقة .. وابتسامات ذات طعم خاص .. المهم .. بعد أن مللت من المحاولات .. ذهبت الى صديقى وبراءة الاطفال فى عيناى ... وقلت له بأننى معجب بتلك الفتاة بشده .. فما كان منه ((الندل الشرير)) .. إلا ان إتجه صوبها .. موشوشا فى أذنها بشئ ما .. كان من نتيجته أن أسرعت نحوى فى حزم وصرامة .. ثم ((لطعتنى )) الكف المتين .. على وجهى هههههههههههههه

وكانت تداعيات هذا الموقف بعد ذلك ..هو عقدة نفسيه .. ليس من النساء .. ولكن من الخوف بالبوح بمشاعر الحب للمرأة .. الا بعد بالونات من الاختبار .. والتأكد تماما من مشاعرها نحوى .. ويا سلام لو هى اللى تبوح الاول هههههههههههههههههه

طبعا العقدة دى مستمرتش كتير بعد كده .. وشفيت منها تقريبا الحمد لله خلال فترة الجامعه

قصة جميله ولذيذه استاذ عصام .. وكانت فرصة عظيمة (( للخوض)) فى أعماق المرأة

نيجي بقى لسعادتك يا سي محمود

و الفهم العميق جدا للمرأة

أهنئك عليه

بس لن يتحقق إلا لما تكون المرأة اللي معاك بتلعب بنفس القوانين

أصل معظم الناس ماعندهمش أي قوانين بالمرة و يعيشون الفوضى بكل ما تعني الكلمة

يعني حتنجح جدا مع المرأة اللي عارفة نفسها و فاهمة طبيعتها

انما اللي مش عارفين همة عايزين ايه ( و دول أغلب الناس على فكرة) فدول مهما كنت انت فاهم

برضه مش حتوصل معاهم لأي حاجة

و حا يدخلوك في المتاهة

بس مش عارفة ليه حتة بالونات الاختبار دي فكرتني بعبعال وسوكيننة هههههههههههههههههه

:P

تعرف والله أنا بأشفق على الرجال من المرأة

خصوصا اللي مبتبقاش عارفة هي عايزة ايه

و انتو كمان يعني مش واضحين اوي برضه

تلاقي الرجل

عايز يتدلع زي الطفل تمام

و لما يزودها في الدلع و تيجي ترد عليه كطفل

تفاجئ المرأة بأنه رجل و أنها أهانت كرامته !!!! :blink:

سبحان الله

العلاقة بين الرجل و المرأة مبتجيش بالفهم بالمرة

بل كل ما يحاولوا يفهموا بعض يدخلوا في متاهات لا نهائية

بتيجي بتوفيق ربنا أولا و أخيرا

بيبقوا الاتنين زي قطعتين بازل

مستحيل ينفعوا إلا مع بعض

مهما حاولوا الانسجام مع قطع أخرى

[عصام أبوالفتح]

أنا قلت أنقطك بسكاتي يعني

ماهو انا برضو قلبى مكنش مطمن .. قلت لا ده الحكاية فيها إنااااا

لكن هنا الفارق أكبر كتير من لعب عيال

إنت بتتكلم على راجل .. ضرب بنت

و دي كبيررة لوحدها في ديننا و أعرافنا

و لما تضيف للصورة إن الراجل ده جندي في جيش بلدها ..

ما تبقاش كبيرة..

تبقى مصيبة

:protest:

انكارنا للواقعة لا جدال فيه .. لانها من المنكرات الواضحة .. لكن الاختلاف هو فى رد الفعل المبالغ فيه

الاعتداء الجسدى على الإنسان جريمة ولا شك ( انتوا لستن درجة اعلى من الرجال فى الحتة دى )..

جريمة أدناها جنحة الاعتداء وهو اى فعل يهدد السلامة الجسدية ولو كان شدة شعر وأقصاها القتل العمد الذى هو كبيرة من الكبائر

درجات الاعتداء وتفصيله نتركه للقانونيين ..

وما العقوبة المستحقة فى القانون على الجنود التى يثبت ضلوعهم فى الاعتداء ؟

هذا سؤال للقانونيين وليس لأى أحد آخر

ومستحيل ان تكون العقوبة ( الشعب يريد اعدام المشير )

هو المشير ماله ومال الجنود اللى غلطوا ..

الجدال فى هذا الشأن قد يوصلك لمحاسبة من أعطاهم أيدى وأرجل ليبطشوا بها .. حاشا لله

فلا تجادلى ولا تناقشى يا أخت لونا حتى لا تقعى فى المحظور :happy:

زى المثل اللى قلته لمدام عبير .. هو مال أهلى بالقلم اللى ضربته للبنت ( اللى هى اعتدت عليا فى الأول ومكنتش اعرف لسه الايه اللى بتقول فمن اعتدوا عليكم فاعتدوا عليهم بمثل ما اعتدوا عليكم .. ولم أكن لأقارن أيهما اكثر اهانة شد الشعر ام الصفع .. كذلك لا اعلم حتى الان عقوبة رمى الطوب وان كنت اعلم ان السب والقذف لأى موظف عام عقوبتة فى حدود سنتين سجن وغرامة 5000 ج الى 10000 ج او احدهما )

ده لنك مفيد لعقوبات السب والقذف

ولا تزر وازرة وزر أخرى .. مش كده برضو ؟

[التونسى]

نيجي بقى لسعادتك يا سي محمود

و الفهم العميق جدا للمرأة

أهنئك عليه

بس لن يتحقق إلا لما تكون المرأة اللي معاك بتلعب بنفس القوانين

أصل معظم الناس ماعندهمش أي قوانين بالمرة و يعيشون الفوضى بكل ما تعني الكلمة

يعني حتنجح جدا مع المرأة اللي عارفة نفسها و فاهمة طبيعتها

انما اللي مش عارفين همة عايزين ايه ( و دول أغلب الناس على فكرة) فدول مهما كنت انت فاهم

برضه مش حتوصل معاهم لأي حاجة

و حا يدخلوك في المتاهة

بس مش عارفة ليه حتة بالونات الاختبار دي فكرتني بعبعال وسوكيننة هههههههههههههههههه

:P

تعرف والله أنا بأشفق على الرجال من المرأة

خصوصا اللي مبتبقاش عارفة هي عايزة ايه

و انتو كمان يعني مش واضحين اوي برضه

تلاقي الرجل

عايز يتدلع زي الطفل تمام

و لما يزودها في الدلع و تيجي ترد عليه كطفل

تفاجئ المرأة بأنه رجل و أنها أهانت كرامته !!!! :blink:

سبحان الله

العلاقة بين الرجل و المرأة مبتجيش بالفهم بالمرة

بل كل ما يحاولوا يفهموا بعض يدخلوا في متاهات لا نهائية

بتيجي بتوفيق ربنا أولا و أخيرا

بيبقوا الاتنين زي قطعتين بازل

مستحيل ينفعوا إلا مع بعض

مهما حاولوا الانسجام مع قطع أخرى

كلامك صحيح يا عبير .. وأحييكى على إدراكك لتلك النقطة المهمه والمشكله .. لدى قطاع كبير من النساء ... وهى عدم فهمهن لنفسهن ومعرفتهن لطبيعتهن .. لكن مع ذلك هذا النوع من النساء له حل أيضا ((على الاقل عندى)) والحل هو البعد عنهن غنيمه ههههههههههههههههه

بالنسبه لعبعال .. انا مش كنت بعمل فيها عبعال بس .. لا .. دانت كنت بعمل هندى أصلى ههههههههههههههههههه .. والغريبه ان الطرف الاخر كان بيفتكر ان ده تُقل والكلام ده .. وبيزداد تعلق وتقرب .. فاكرينى الرجل الغامض بسلامته متخفى بنضاره هههههههههههههههههه... رغم انى كنت غلبان اوى وممكن أغرق فى ((شبر)) حب .. بس كنت كل أما ابقى خلاص .. على شفا انى اتكلم وأبوح .. تلوح فى افقى ذكريات الطفوله المؤلمه .. و أحسس على خدى .. وأفتكر ((الكف المتين)) .. وهووووووب اقول يا فكيك هههههههههههههههههههههههههههههههه

بصى من رأيى الخاص .. الست تعمل اللى هى عايزاه مع زوجها ..وتقول وتعبر بالشكل اللى تراه .. وعلى الرجل استحمال المرأه فى لحظات غضبها ((مدام هو متاكد من اصلها وتربيتها الجيده)) .. بشرط .. ان لا يحدث هذا امام الاخرين حتى ولو الاطفال .. يجب على المرأه ان تحافظ على كرامة واحترام جوزها امام الناس .. ومفيش مانع اذا عمل شئ ضايقها .. انها تقذفه بكل اطباق وحلل المطبخ .. بس بينه وبينها فقط هههههههههههههههههه . ..

وفى النهايه العشره والتعود ممكن تخليكى تعيشى مع انسان عكسك تماما ... ولسنين طويله .. وفى نفس الوقت تلاقى نفسك متقدريش تستغنى عنه .. وانا شفت نماذج من دى كتير ... نظام لا بحبك ولا بقدر على بعدك هههههههههههههه

وبكده نكون انا وانتى يا عبير ضربنا كرسى فى كلوب الموضوع الاصلى ..وهربنا من فخ ((غاده)) اللى كان منصوب لنا ببراعه وحرفيه ادبيه هههههههههههه .. والسماح كل السماح اخى الفاضل استاذ عصام

[ابو محمود]

عزيزى عصام انت طيب جدآ

المقلب اتفقس

محمود عملك كمين وعبير عملت زى لعبة الأتارى الشهيرة ماريو قفذت قفذة كبيرة وهربت ومعاها مكاسب

يا عزيزى

الزمن تغير وتغير معة شكل الرجل وتطلعاتة وتصرفاتة

لكن المرأة تغيرت ايضآ بقت اكثر شراسة تجدها تلعب ملاكمة ومصارعة وتدخل فى خناقة وتشيل مطوة وتنام على رصيف بس العيب مش عليها العيب على الرجل الذى سبق ان قلت انة تغير

حتى ان الكثير من الرجال اصبحو طيبين جدآ وما بيعرفوش يعملو مقالب

تحياتى ابو محمود والبنات

[عصام أبوالفتح]

ومفيش مانع اذا عمل شئ ضايقها .. انها تقذفه بكل اطباق وحلل المطبخ .. بس بينه وبينها فقط هههههههههههههههههه . ..

.....................

وبكده نكون انا وانتى يا عبير ضربنا كرسى فى كلوب الموضوع الاصلى ..وهربنا من فخ ((غاده)) اللى كان منصوب لنا ببراعه وحرفيه ادبيه هههههههههههه .. والسماح كل السماح اخى الفاضل استاذ عصام

لأ طالما وصلت لاطباق وحلل المطبخ .. فمعلش اسمحلى انت زودتها اوى n2&(.. أوى

جدا

دى بيكتبوها فى القايمة ياعم ... هههههههههههههه

وشكل حكاياتك انت هاتبقى رهيبة - درامية على كوميدية

بص يا شاعرنا الكبير عشان تريح قلبك .. وتتأهل .. اسمع النصيحة دى :

لازم تمسح الفايل ده بفايل تانى مكانه

اكتب سيناريو محترم واركب آلة الزمن وارجع لسن العاشرة وهاتحتاج متطوع يرجع معاك ويعمل شكله زى البنت دى

مش لازم تاخده على جنينه عشان هايبقى شكله غريب .. ممكن فى البيت

قوله أو قولها كل اللى كان فى نفسك حسب السيناريو ( ده اقتراح : بحبك بحبك كلمة بقالى سنين عايز اقولهالك لكن ماكنش عندى الشجاعة اقولها .. كنت خايف لتصدينى وتضربينى بالقلم لكن دلوقتى الوضع اختلف ) ... ومتقولش لصاحبك انك هاتلطعه بالقلم وزوووو po::.. واطلع اجرى ..هههههه

صدقنى هاترتاح ومش هاتفتكر الموضوع ده تانى

لما تيجى تتكلم وتبوح بجد وجدانى هاتبتسم بدل ما تحسس على خدك وهاتدعيلى ..ههههههههه بس لازم تكون ضامن ان صاحبك مش هايلحقك .

تم تعديل 25 ديسمبر 2011 بواسطة عصام أبوالفتح