الزمالك ,, من افضل 100 فريق كرة قدم في التاريخ

[البحار الجريح]

الزمالك ضمن أفضل مائة فريق في تاريخ كرة القدم

خبر رائع بالنسبه لكل عشاق الزمالك

اطلقته مؤسسه (RSSSF) الدولية والمتخصصه في احصائيات كرة القدم

The Rec.Sport.Soccer Statistics Foundation

التصنيف اعتمد على انجازات كل فريق في العالم منذ تأسيسه من حيث عدد البطولات المحلية والقارية والدولية بشكل تراكمي يحدث كل فترة

كما راعى التصنيف في طريقة حساب النقاط قوة المنافسات والمسابقات التي يخوضها الفريق ... فالفريق الحاصل على بطولة اوروبيه مثلاً يتم منحه 40 نقطه بينما في افريقيا فـ 13 نقطه فقط ..

الزمالك جاء في المركز ( 58 ) .. بـ 107 نقطه ..

جدير بالذكر ان صدور هذا التصنيف كان في 1/7/2004 ..

اضغط هنا لمشاهده التصنيف من الموقع الرسمي

[البحار الجريح]

الزملكاويه جدعان قوي وبيدورو على المعلومات ويجيبوها واهي حاجه تفرحنا وتطلعنا من جو الغم اللي احنا عايشين

وبالمناسبه عشان محدش من الاهلاويه يقول حاجه كدا او كدا ,, انتو في المركز 49 واهو موقع السايت عندكم تقدرو تشوفوا

لكن افتكرو انتو مكنتوش هتعرفو حاجه عن التصنيف بتاعكم لولا اني حطيت السايت مش كدا ولا ايه ؟؟ rs:

[Tamsite]

متشكرين يا بحار

[se_ Elsyed]

يا عم الحاج دي معلومة قديمة جداً وبقى لها كذا يوم ... بس إحنا اللي مرضيناش نعمل فرح ونقول إن ترتيبنا رقم 49 على العالم والاول عربياً وأفريقياً ( دي مش جديدة على نادي القرن العشرين في أفريقيا ... يعني إحنا مش محدثين نعمه ) وما رضيتش أقول للزملكاوية مراعاة لظروفكم واحزانكم اللي الناس بتحكي عنها وتتحاكى ...

وبعدين ما تشيل بقى صورة حسام حسن الاهلاوي من توقيعك ولا انت بتشجع المصري اليومين دول ؟

بس أنا راضي ذمتك يا جريح ... في نادي في العالم بيعمل اللي إنتوا بتعملوه اليومين دول ويعين واحد أجنبي رئيس جهاز فني والتاني مدير فني ويحاول ياكل عرقه ... عيب ولا مش عيب ؟

تصور إن مجلس الإدارة إتصلوا بـ ستيبي إمبارح وقالوا له إوعى تقرب ناحية النادي أحسن نعورك .. والراجل جري على سفارته الالمانية وعمل شكوى وهايبعتها الفيفا وهاتنزلوا تلعبوا في دوري الدرجة الثالثة لكرة الماء طول ما كل واحد بيتصرف من دماغه ومالكمش كبير ..

تصور بقى إن ما فيش حد من النادي ولا فراش النادي حتى كلم المدرب الألماني لحد دلوقت وقال له وضعك إيه ... وإن كابرال هايتولى القيادة النهاردة قدام الترسانة وستيبي ممكن ياخد شريط المباراة ويروح الفيفا به ويقفل النادي ..

والله العظيم ما هي شماته ولكن ده قرف من وضع سيء ومقرف وأحداث خطيرة تحدث في نادي الزمالك .. وكل ده عشان في شوية كفتجية هما اللي بيكتبوا العقود وقالوا للراجل في حالة فسخ العقد من جانب النادي هاندفع لك باقي قيمة مستحقاتك اللي هي دلوقت 180 ألف دولار .. اللي تعتبر ملاليم للنادي رقم 58 على العالم .... وقبلها عقد إسلام الشاطر وبعدها عقد بشير التابعي ... ومحمد باو .. وبابا آركو ( عارفهم ولا لأ ؟ )

عيب عيب عيب

[البحار الجريح]

ماهو ياسي السيد انا اللي ناشر الخبر دا من كم يوم وبالتحديد يوم 13/11

لكن نسيت انشره هنا واول ماافتكرت جيت طوالي انشره

جميع حقوق الطبع محفوظه

وانا بالمناسبه اللي رحت بنفسي موقع الاهلاويه وراسلت وليد زكي وقلت له على الخبر عشان ينشره

فوجئت بنشره دون ذكر المصدر ,,,,

اخدت بالك معايا

وراسلت الاهرام الرياضي عشان ينشرو الخبر كمان

وسيبك من حاجات فرعيه ملهاش دعوة بالموضوع