تعمل/ي ايه لو اكتشفت/تِ إن شريك حياتك... مطلوب أمنيا؟؟؟

[عبير يونس]

اعزائي

طبعا ربنا سبحانه و تعالى يكفينا جميعا شر المخبي

لو اكتشفت / تِ أن شريك حياتك مطلوب أمنيا ؟؟؟

هل حتكون/ني متأكد / ة من براءته؟؟ بس حتسكت/ ي؟؟؟

حا تقف/ي جنبه/ ها و تساعده/يه؟؟؟

لوكان فعلا غلط حتستمر/ي معاه/ها وتحاولوا تبدأوا من جديد؟؟؟

حتسيبيه/ ها فورا بدون تفكير؟؟؟

منتظرة حضراتكم

♥

[احمد رضوان]

مطلوب أمنيا زي جماعة 6 إبريل كده ، ولا مطلوب في قضية جنائية ... تفرق كتير

[عبير يونس]

مطلوب أمنيا زي جماعة 6 إبريل كده ، ولا مطلوب في قضية جنائية ... تفرق كتير

هو المطلوب ان الشخص يبقى في صراع بين مشاعره والمجتمع

حتغلّب ايه على ايه؟؟

حتقف جنب شريك/ ة حياتك

و الا حتطأطأ راسك و تخاف من نظرة المجتمع و من الفضائح و كلام الناس ؟؟؟

و هل حتشك فيه /ها و الا حتكون مؤمن ببرائته/ براءتها؟

و المرحلة الأعمق

هل لو فعلا غلط و انت عارف ان جواه خير حتتقبل الغلط و تبدأوا من جديد؟؟ و الا لا؟

هي اسئلة صعبة طبعا

ولكنها ضرورية لمعرفة مدى قوة الرابطة بينك و بين من اخترته ليشاركك حياتك

هل ستنحل الرابطة بعاصفة كهذه أم أنها ستزداد قوة ؟؟

[se_ Elsyed]

ما تحيريناش بقى

ما هي مطلوب امنياً دي فيها كذا حاجه

يعني لو مطلوب امنياً زي أيام مبارك لما كان بيلبس أي حد إخوان أو سلفي قضايا ويطاردهم طول حياتهم .. يبقى ده شرف لأي واحد ولازم الدنيا كلها تقف جنبه

لكن مطلبو امنياً في تجارة مخدرات أو نصب .. لأ طبعاً .. أنا هابقى أول واحد يسلمه تسليم أهالي

مؤمن ببرائته دي هاتبقى شهادة مجروحة لإن من الطبيعي إن هنا المشاعر تتغلب على العقل ..

[التونسى]

على حسب الجريمه اللى عملتها ..ولو إتأكدت منها واعترفت لى بارتكاب الجرم .. يعنى نصابة .. حراميه ..قتالة قوتله ... اى حاجه مشينه ... حتصدم طبعا الاول لسوء اختيارى .. وحبلغ عليها واسيبها طبعا .. لو كانت مظلومه بكل تاكيد حقف جنبها بكل قوتى .. اما لو كانت مطلوبه أمنيا بسبب أراء أو أفكار معينه .. او الانتماء لمنظمات او هيئات او جهات مشبوهه او مشكوك فى امرها ..حشوف وحاحكم بنفسى .. وحسمع لها وححاورها واعرف الملابسات منها .. وأنصحها بالشئ اللى شايفه صح .. او ممكن انضم معاها واقتنع بافكارها ونبقى احنا الاتنين مطلوبين امنيا هههههههههههههههههههههه

تم تعديل 24 ديسمبر 2011 بواسطة محمود البصيلى

[hOuSsAm]

ما تحيريناش بقى

ما هي مطلوب امنياً دي فيها كذا حاجه

يعني لو مطلوب امنياً زي أيام مبارك لما كان بيلبس أي حد إخوان أو سلفي قضايا ويطاردهم طول حياتهم .. يبقى ده شرف لأي واحد ولازم الدنيا كلها تقف جنبه

لكن مطلبو امنياً في تجارة مخدرات أو نصب .. لأ طبعاً .. أنا هابقى أول واحد يسلمه تسليم أهالي

مؤمن ببرائته دي هاتبقى شهادة مجروحة لإن من الطبيعي إن هنا المشاعر تتغلب على العقل ..

نفس الرد يا فندم

-----------------

وبالمناسبة انا كنت مطلوب امنيا ايام المخلوع (بس بلطجة كلعادة مش بورق رسمى) وشريكة حياتى عارفة كدة كويسة وفخورة بيا

طالما الموضوع بعيد عن قضايا الشرف فانا اول المدافعين وهفديها بكل ما املك حتى لو كانت الادلة كلها ضدها والمجتمع - يكفينى قناعاتى الشخصية لتبرئتها

مدام عبير احييكى عالموضوع ده اللى مش فاهم هو ايه سببه بس حلو

[م تيمور المراغي]

انا حصل معايا موقف شبيه بس بالعكس

اول ما نزلت مصر رحت عشان اجدد باسبوري لقيت ظابط الجوازات في قسم العجوزه بيقول لي لازم تراجع مكتب الامن الوطني اللي في المجمع

المهم رحت هناك واساله روتينيه جدا وقال لي يومين وتاخد باسبورك بعد ما نستعلم عنك

مر اسبوع وا تين وتلاته وكل ما اروح اسال يقولوا لي لسه الرد ما وصلناش

المهم عشان ما اطولش عليكم

ام يوسف مراتي الجدعه طلعت ست بميت راجل

وسابت البيت !

[se_ Elsyed]

ما تخافش يا تيمور

المجلس عمره ما هايقبض عليك عشان ما يعملش منك بطل قومي

بس أتوقع إنك حاولت تطلع جواز سفر جديد .. وبأي طريقة ومعاك إنت بالذات إكتشفوا إن عندك جواز سفر تاني

لأن خلي بالك .. لو في ضدك حاجه عُمرهم ما هايقولوا لك فوت علينا بكره يا سيد وكانوا هايشيعوك على طول

وتحية لأم يوسف الأصيلة وأنا من رأيي إنها ما ترجعش البيت وتنكر إنها تعرفك من أساسة

إفهم يا إبني دي خوطة على راي عُمر إبني

يعني لو أم يوسف قالت لك أنا هاقف جنبك ومش عارف إيه والأفلامنات دي كلها .. واخدوا الثورجي اللي هو سيادتك .. ومرات الثورجي اللي هي ام يوسف .... مين اللي هايربي يوسف ساعتها ؟ ومين هايقف جنب الثورة ويساند إنجي عادل واحمد دومه وسالي توما ؟ مين اللي هايقرف قصدي هايهتف كل شويه ويقول لن تمروا وعائدون والعواف عليكم والشعارات الثورية دي ؟

[hOuSsAm]

انا حصل معايا موقف شبيه بس بالعكس

اول ما نزلت مصر رحت عشان اجدد باسبوري لقيت ظابط الجوازات في قسم العجوزه بيقول لي لازم تراجع مكتب الامن الوطني اللي في المجمع

المهم رحت هناك واساله روتينيه جدا وقال لي يومين وتاخد باسبورك بعد ما نستعلم عنك

مر اسبوع وا تين وتلاته وكل ما اروح اسال يقولوا لي لسه الرد ما وصلناش

المهم عشان ما اطولش عليكم

ام يوسف مراتي الجدعه طلعت ست بميت راجل

وسابت البيت !

حركة جامدة -

تسليم اهالى يا هندزة

[Alshiekh]

بسم الله الرحمن الرحيم

{يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ}

يعني مش لازم يكون شريك حياتي بس ، ممكن يكون أحد أفراد الأسرة ، أو العائلة الكبيرة أو حتى صديق أو جار يحتاج للمساعدة.

في جميع الأحوال وأي كانت طبيعة الإتهام ، حتى لو كانت متعلقة بالشرف ، فالواجب يحتم أن أقف مع المتهم حتى النهاية.

وفي النهاية لو ثبت الإتهام سأقوم بتحديد فراري.

بالتأكيد كل منا عنده مايخفيه ولذلك ودائما سأضع نصب عيني مقولة السيد المسيح عليه السلام " من كان منكم بلا خطيئة فليرمها بحجر "

[عصام أبوالفتح]

اعزائي

طبعا ربنا سبحانه و تعالى يكفينا جميعا شر المخبي

لو اكتشفت / تِ أن شريك حياتك مطلوب أمنيا ؟؟؟

هل حتكون/ني متأكد / ة من براءته؟؟ بس حتسكت/ ي؟؟؟

حا تقف/ي جنبه/ ها و تساعده/يه؟؟؟

لوكان فعلا غلط حتستمر/ي معاه/ها وتحاولوا تبدأوا من جديد؟؟؟

حتسيبيه/ ها فورا بدون تفكير؟؟؟

منتظرة حضراتكم

♥

هااا ( ضحكة احمد حلمى الواقفة فى اسف للازعاج ) ... مش أنا يا ماما ... مش أنا

باعملها فيش وتشبيه كل شوية :happy:

ههههههه

ولو حصل فعلاً .. وثبتت الأدلة .. هاسلم نفسى بدالها .. ومتسألونيش ليه :blink: هو كده

[ابو محمد بن مصطفي]

جهات امنية ... ايام ما كان عندنا امن ( وش سعيد صالح في العيال كبرت)

بصوا بأه لو ناشط سياسي من اللي طاعيين في المقدر جديد هتلاقي الامن كلة وراك ويبوس ايدك علشان تدلهم عليه وتبقي بطل قومي زي توفيق عكاشة و احمد ازبيطر....

لو عميل او جاسوس زي ليفي كوهين كده لازم الواحد يبلغ طبعا .... :egyflag:

اما لو بقي قتال قتله او بلطجي يا سعدك يا هناك وحاجة تشرف بصحيح .... لانك لو بلغت عنه الامن يبقي انت كده لعبت في عداد عمرك لان المخبريين في القسم هيبلغوه بانك اللي بلغت عنه .... bv:-

تعرفوا من حوالي كذا شهر حصلت جريمة قتل واحد سوري قتل شابين علشان الواد السوري كان بيعاكس بنت في الشارع فالشباب بقلوله ليه كده .. تعرفوا الواد المجرم طلع مطوة وراح قاتل الاتنين الشباب ....

كده الموضوع عادي الناس راحت تبلغ في القسم ... رد البيه الضابط وقال مقتلهوش ليه وكنتم خلصتوا نفسكم واهو دفاع عن النفس ....

اما اذا كان تاجر مخدرات طبعا مش هقولك اعمل ايه ...... اكيد هضبط الشيشة :wub:

اما اذا كان تاجر سلاح وفيها ايه يعني ممبارك كان تاجر سلاح. bsh:)

[احمد رضوان]

على فكرة الموضوع ده مرتبط عاطفيا بموضوع الزميل عنبو هل حقا نؤمن بالله ، مشكلة الشعب المصري انه عاطفي جدا يعني أنا دلوقتى حاقولك ضميري يحتم على والاخلاق والخوف من ربنا .... لكن وقت الجد بصراحة مش عارف رد فعلى حيكون إيه ، بس كل اللى أنا متأكد منه ان لو الموضوع فيه اي نوع من انواع الغدر او الخيانة تلقائيا سيسقط شريك العمر من عيني بعد التيقن وحتى ان لم ابلغ عنه لن احتفظ به

[قاهريه]

اعزائي

طبعا ربنا سبحانه و تعالى يكفينا جميعا شر المخبي

لو اكتشفت / تِ أن شريك حياتك مطلوب أمنيا ؟؟؟

هل حتكون/ني متأكد / ة من براءته؟؟ بس حتسكت/ ي؟؟؟

حا تقف/ي جنبه/ ها و تساعده/يه؟؟؟

لوكان فعلا غلط حتستمر/ي معاه/ها وتحاولوا تبدأوا من جديد؟؟؟

حتسيبيه/ ها فورا بدون تفكير؟؟؟

منتظرة حضراتكم

♥

انا من قبل الزواج وكنت عارفه ان زوجي اعتقل سنتين كاملين اعتقال سياسي<غير الفكه> بس خبيت على أهلي حتى لا يرفضوه

طبعا اخواتي وماما عارفين لكن باقي العيله لأ

وخاصة ان والدي متوفي

بس بيني وبينك الكلام من بره حلو لما جيت في وقت الجد تعبت جداجدا وخاصة لما مره كان بيزورهم<أمن الدوله طبعا> زياره دوريه وشعر من خلال خبرته معاهم ان الموضوع مش هايكون زي كل مره وممكن يكون فيها اعتقال وطلبوا منه يمر عليهم تاني يوم الساعه 9 مساءا وهو لما رجع قالي الموضوع وتخوفاته ومشينا من بيتنا في اليوم ده لأنه خاف من زياره ليليه منهم وطبعا فضل يقول لو مارجعتش اعملي كذا في البيت وكذا في الشغل وانا انهرت تماما ولغاية اليوم اللي بعده وانا لا اكل ولا شرب ولا نوم بكاء فقط

وكنت لسه عروسه جديده بس الحمد لله عدت على خير وطمني أول ما خرج من عندهم

بس بجد ربنا يجعل في ميزانهم كل الرعب والخوف اللي عيشونا فيه

[لماضة مصرية جدا]

السلام عليكم و رحمة الله و بركاته

سؤالك يا عبير فكرني بفيلم نبيلة عبيد و احمد ذكي اللي كانت طالعة فيه بدور دكتورة و عملت حادثةو بعدين راحت تعمل فيش و تشبيه حاجة عادية يعني لقوها مطلوبة في قضية سيكو سيكو و سرقة....طبعا انا عايزة اكمل حكي الفيلم...بس اكيد انتو شفتوه

من الحاجات اللي فاكراها ان جوزها كان اول واحد اتخلي عنها....يمكن علشان التهمة نفسها كانت مخلة بالشرف

طيب بعيد عن ذاكرة السينما

انا ممكن احكي تجربة شخصية

اتقدملي شخص كنت بشوفه انسان رائع جدا و لا نزكي علي الله احدا

و لطبيعة عملنا في اكتر من نشاط تطوعي و خيري لمست فيه صدق و نبل اخلاق

لما اتقدم كنابنعتبر نفسنا "كتب مفتوحة" تماما للاخر...و اللي ساعتها مكنتش بعترف ان فيه اخر و كده...انا بعتبر ان الشريك الحقيقي بيكون نفسك

المهم حصل مشاكل في الارتباط لان اهلي بيدققوا كتير في السؤال

و في يوم لقيته بيقولي

انه عايز يصارحني بسر و يهمه رايي

و كانت

هو مطلوب امنيا

فعلا

و تم القبض عليه

و لانه كان ناشط سياسي في جامعته...فان التهمة دي كانت متلفقة ليه...علشان تحجم من نشاطه الجامعي...او بمعني اصح تصيبه في مقتل

الحقيقة انا فاكرة وقتها اني زعلت اوي...مش علشان التهمة و لا طبيعتها و لا ملابسات الحادث اصلا...اصلي عمري لا هكون وكيل النيابة و لا القاضي و لا الجلاد....ادوار محدش من البشر يقدر يمارسها علي بشر اخر و خصوصا لما يكون بيحتل مساحة قريبة من الروح

اللي شغلني وقتها

ان كنا فعلا زي ما قولتلك "كتاب مفتوح"....و اعتقدت اني اعرف عنه كل حاجة

و لكني فوجئت و خصوصا بعد ما اخد الارتباط شكل اعمق اني كأني بشوفه لاول مرة

مقدرشي اقول اني بنيت موقف او اخدت قرار وقتها بناء علي المعلومة دي....لكن اللي فاكراه وقتها ان جوايا شيء انكسر في ارتباطي بيه

حقيقي عدينا الموضوع ده

و ده بيتطلب تفهم شديد جدا من الطرفين...و بيتطلب الوضوح و عدم التزييف لان اي ذرة كذب او تجميل للحقايق هتهد اي ثقة بنحاول نبنيها تاني

و بياخد وقت...فوق ما بنتخيل

ممكن نتكلم عن الثقة المتبادلة

و ممكن نتكلم عن عدم صحة التهمة

و ممكن نتكلم عن ادلة و براءة و كاننا محاميين في جلسة دفاع

لكن الحقيقة اللي هتوجع و ده اكيد

ان طرف يخبي عن طرف اخر معلومة من حقه انه يعرفها....و يعرفها منه مش من حد تاني

و الاهم في وقت ميحسش طرف انه خلاص اتحط قدام الامر الواقع و ياي قبل يا يرفض من غير ما يكون ليه حق الاعتراض

و استكمالا للقصة....الموضوع مكملشي بس مش بسبب الحكاية دي خالص

و لحد هذه اللحظة نحتفظ بصداقة محترمة جدا و بعلم اهالينا

اللي بقوله ده

حالة خاصة حصلت في الحياة

يمكن لو حصلت لحد تاني يتصرف بطريقة تانية

يفكر بشكل تاني

يكون ليه اولويات مختلفة

كل علاقة ليها ارض صلبة تقف عليها

لو الارض دي ابتدت تتشقق...حقيقي ممكن ترجه تتروي تاني.....بس محتاجة فلاح شاطر...يعرف يعزقها كويس....و يستني عليها لغاية ما الارض تطرح الخير اللي جواها

و دي وجهة نظر

[عبير يونس]

ما تحيريناش بقى

ما هي مطلوب امنياً دي فيها كذا حاجه

يعني لو مطلوب امنياً زي أيام مبارك لما كان بيلبس أي حد إخوان أو سلفي قضايا ويطاردهم طول حياتهم .. يبقى ده شرف لأي واحد ولازم الدنيا كلها تقف جنبه

لكن مطلبو امنياً في تجارة مخدرات أو نصب .. لأ طبعاً .. أنا هابقى أول واحد يسلمه تسليم أهالي

مؤمن ببرائته دي هاتبقى شهادة مجروحة لإن من الطبيعي إن هنا المشاعر تتغلب على العقل ..

يعني في رايك حسب نوع الجريمة اللي هي معرّضة ليها

و مش حتكون مؤمن ببراءتها

و حتعتبر شهادتك ليها مجروحة

ليلتك فل الليلة دي ;)

[عبير يونس]

على حسب الجريمه اللى عملتها ..ولو إتأكدت منها واعترفت لى بارتكاب الجرم .. يعنى نصابة .. حراميه ..قتالة قوتله ... اى حاجه مشينه ... حتصدم طبعا الاول لسوء اختيارى .. وحبلغ عليها واسيبها طبعا .. لو كانت مظلومه بكل تاكيد حقف جنبها بكل قوتى .. اما لو كانت مطلوبه أمنيا بسبب أراء أو أفكار معينه .. او الانتماء لمنظمات او هيئات او جهات مشبوهه او مشكوك فى امرها ..حشوف وحاحكم بنفسى .. وحسمع لها وححاورها واعرف الملابسات منها .. وأنصحها بالشئ اللى شايفه صح .. او ممكن انضم معاها واقتنع بافكارها ونبقى احنا الاتنين مطلوبين امنيا هههههههههههههههههههههه

برضه رأيك يتوقف على حسب الجريمة اللي هي متهمة فيها

لو اعترفت حتبلغ عنها :blink:

مش عارفة حاسة ان دي قاسية شوية

يعني تسيبها حقك مفيش خلاف

مع أن مش بالسهولة دي تقدر تسيبها لو كان في حب

دي بتبقى صدمة قاتلة

انما تبلغ عنها؟

صراع حقيقي خصوصا لو في اولاد

و برضه ما ينفعش تسيب برئ يروح في الرجلين مكانها

موقف قاتل فعلا

اللهم لا تبتلينا يارب

لو مظلومة حتقف جنبها دي حتة حلوة

و للأسف مش أي حد يقدر عليها

لذيذة حكاية تنضم ليها و تبقوا انتوا الاتنين مطلوبين أمنيا هههههههههههههههه

[عبير يونس]

ما تحيريناش بقى

ما هي مطلوب امنياً دي فيها كذا حاجه

يعني لو مطلوب امنياً زي أيام مبارك لما كان بيلبس أي حد إخوان أو سلفي قضايا ويطاردهم طول حياتهم .. يبقى ده شرف لأي واحد ولازم الدنيا كلها تقف جنبه

لكن مطلبو امنياً في تجارة مخدرات أو نصب .. لأ طبعاً .. أنا هابقى أول واحد يسلمه تسليم أهالي

مؤمن ببرائته دي هاتبقى شهادة مجروحة لإن من الطبيعي إن هنا المشاعر تتغلب على العقل ..

نفس الرد يا فندم

-----------------

وبالمناسبة انا كنت مطلوب امنيا ايام المخلوع (بس بلطجة كلعادة مش بورق رسمى) وشريكة حياتى عارفة كدة كويسة وفخورة بيا

طالما الموضوع بعيد عن قضايا الشرف فانا اول المدافعين وهفديها بكل ما املك حتى لو كانت الادلة كلها ضدها والمجتمع - يكفينى قناعاتى الشخصية لتبرئتها

مدام عبير احييكى عالموضوع ده اللى مش فاهم هو ايه سببه بس حلو

يعني انت فاهم أسباب كل مواضيعي يا حسام :P

هههههههههههههه

عادي

فكرة و خطرت في بالي

عن التمسك بالشريك أو التخلي عنه

قد ايه شعور يدبح لما تلاقي شريكة حياتك بتتخللى عنك و أنت في أمس الحاجة لوقوفها جنبك لما كل الناس يدولك ظهرهم

و بتحس انك قدام واحدة تانية غير اللي حبيتها و بينكم عشرة و ممكن ولاد كمان

يعني تقدر تقول أنه ترجمة لفكرة المثل

بركة يا شدة بتوريني عدوي من حبيبي

[عبير يونس]

انا حصل معايا موقف شبيه بس بالعكس

اول ما نزلت مصر رحت عشان اجدد باسبوري لقيت ظابط الجوازات في قسم العجوزه بيقول لي لازم تراجع مكتب الامن الوطني اللي في المجمع

المهم رحت هناك واساله روتينيه جدا وقال لي يومين وتاخد باسبورك بعد ما نستعلم عنك

مر اسبوع وا تين وتلاته وكل ما اروح اسال يقولوا لي لسه الرد ما وصلناش

المهم عشان ما اطولش عليكم

ام يوسف مراتي الجدعه طلعت ست بميت راجل

وسابت البيت !

تيمور بجد اتصدمت

بس برضه ممكن يكون الموضوع مش تخللي زي ما هو باين لك

يعني ممكن يكون في أسباب تانية و جا الموضوع ده القشة التي قصمت ظهر البعير

ربنا يهديلك الحال و يصلح لك الأمور

آمين

[عبير يونس]

بسم الله الرحمن الرحيم

{يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ}

يعني مش لازم يكون شريك حياتي بس ، ممكن يكون أحد أفراد الأسرة ، أو العائلة الكبيرة أو حتى صديق أو جار يحتاج للمساعدة.

في جميع الأحوال وأي كانت طبيعة الإتهام ، حتى لو كانت متعلقة بالشرف ، فالواجب يحتم أن أقف مع المتهم حتى النهاية.

وفي النهاية لو ثبت الإتهام سأقوم بتحديد قراري.

بالتأكيد كل منا عنده مايخفيه ولذلك ودائما سأضع نصب عيني مقولة السيد المسيح عليه السلام " من كان منكم بلا خطيئة فليرمها بحجر "

أنا حددت شريك الحياة

لأنه التخللي عنه دايما أسهل من أي شخص تاني

بدون تأنيب ضمير

بل بمباركة المجتمع

بينما لا يبارك المجتمع التخللي عن فرد من العائلة بسهولة

مع أن الرابطة مع شريك الحياة سماها الله تعالى ميثاقا غليظا

إلا أنها و بكل أسف تنحل دوما بمنتهى السهولة

و كثيرون لا يحترمونها حتى دون حلها

الوقوف بجانب من يحتاج مساعدة بات نادرا جدا بكل أسف

حتى من أقرب الناس