تعمل/ي ايه لو اكتشفت/تِ إن شريك حياتك... مطلوب أمنيا؟؟؟

[عبير يونس]

هااا ( ضحكة احمد حلمى الواقفة فى اسف للازعاج ) ... مش أنا يا ماما ... مش أنا

باعملها فيش وتشبيه كل شوية :happy:

ههههههه

ولو حصل فعلاً .. وثبتت الأدلة .. هاسلم نفسى بدالها .. ومتسألونيش ليه :blink: هو كده

ههههههههههه

لا معروف ليه طبعا

عشان مش حتقدر على البنتين

هههههههههههههه

بس حلوة حكاية الفيش و التشبيه دي

الحرص واجب برضه :closedeyes:

[عبير يونس]

جهات امنية ... ايام ما كان عندنا امن ( وش سعيد صالح في العيال كبرت)

بصوا بأه لو ناشط سياسي من اللي طاعيين في المقدر جديد هتلاقي الامن كلة وراك ويبوس ايدك علشان تدلهم عليه وتبقي بطل قومي زي توفيق عكاشة و احمد ازبيطر....

لو عميل او جاسوس زي ليفي كوهين كده لازم الواحد يبلغ طبعا .... :egyflag:

اما لو بقي قتال قتله او بلطجي يا سعدك يا هناك وحاجة تشرف بصحيح .... لانك لو بلغت عنه الامن يبقي انت كده لعبت في عداد عمرك لان المخبريين في القسم هيبلغوه بانك اللي بلغت عنه .... bv:-

تعرفوا من حوالي كذا شهر حصلت جريمة قتل واحد سوري قتل شابين علشان الواد السوري كان بيعاكس بنت في الشارع فالشباب بقلوله ليه كده .. تعرفوا الواد المجرم طلع مطوة وراح قاتل الاتنين الشباب ....

كده الموضوع عادي الناس راحت تبلغ في القسم ... رد البيه الضابط وقال مقتلهوش ليه وكنتم خلصتوا نفسكم واهو دفاع عن النفس ....

اما اذا كان تاجر مخدرات طبعا مش هقولك اعمل ايه ...... اكيد هضبط الشيشة :wub:

اما اذا كان تاجر سلاح وفيها ايه يعني ممبارك كان تاجر سلاح. bsh:)

ههههههههههههههه

بصراحة عندك حل لكل مشكلة

أحسنت

هو ده الكلام :happy:

[عبير يونس]

على فكرة الموضوع ده مرتبط عاطفيا بموضوع الزميل عنبو هل حقا نؤمن بالله ، مشكلة الشعب المصري انه عاطفي جدا يعني أنا دلوقتى حاقولك ضميري يحتم على والاخلاق والخوف من ربنا .... لكن وقت الجد بصراحة مش عارف رد فعلى حيكون إيه ، بس كل اللى أنا متأكد منه ان لو الموضوع فيه اي نوع من انواع الغدر او الخيانة تلقائيا سيسقط شريك العمر من عيني بعد التيقن وحتى ان لم ابلغ عنه لن احتفظ به

رد منطقي جدا

وقريب جدا من الواقع

هذه حالة صعبة و معقدة وصراع حقيقي

اسأل الله تعالى أن يعافينا منه و لا يبتلينا

آمين

[عبير يونس]

اعزائي

طبعا ربنا سبحانه و تعالى يكفينا جميعا شر المخبي

لو اكتشفت / تِ أن شريك حياتك مطلوب أمنيا ؟؟؟

هل حتكون/ني متأكد / ة من براءته؟؟ بس حتسكت/ ي؟؟؟

حا تقف/ي جنبه/ ها و تساعده/يه؟؟؟

لوكان فعلا غلط حتستمر/ي معاه/ها وتحاولوا تبدأوا من جديد؟؟؟

حتسيبيه/ ها فورا بدون تفكير؟؟؟

منتظرة حضراتكم

♥

انا من قبل الزواج وكنت عارفه ان زوجي اعتقل سنتين كاملين اعتقال سياسي<غير الفكه> بس خبيت على أهلي حتى لا يرفضوه

طبعا اخواتي وماما عارفين لكن باقي العيله لأ

وخاصة ان والدي متوفي

بس بيني وبينك الكلام من بره حلو لما جيت في وقت الجد تعبت جداجدا وخاصة لما مره كان بيزورهم<أمن الدوله طبعا> زياره دوريه وشعر من خلال خبرته معاهم ان الموضوع مش هايكون زي كل مره وممكن يكون فيها اعتقال وطلبوا منه يمر عليهم تاني يوم الساعه 9 مساءا وهو لما رجع قالي الموضوع وتخوفاته ومشينا من بيتنا في اليوم ده لأنه خاف من زياره ليليه منهم وطبعا فضل يقول لو مارجعتش اعملي كذا في البيت وكذا في الشغل وانا انهرت تماما ولغاية اليوم اللي بعده وانا لا اكل ولا شرب ولا نوم بكاء فقط

وكنت لسه عروسه جديده بس الحمد لله عدت على خير وطمني أول ما خرج من عندهم

بس بجد ربنا يجعل في ميزانهم كل الرعب والخوف اللي عيشونا فيه

الله يكون في عونك يا حبيبتي

بس نحرتيني من العياط

ربنا ينتقم منهم بعدله

و يسلمهولك من كل سوء

آمين

[عبير يونس]

السلام عليكم و رحمة الله و بركاته

سؤالك يا عبير فكرني بفيلم نبيلة عبيد و احمد ذكي اللي كانت طالعة فيه بدور دكتورة و عملت حادثةو بعدين راحت تعمل فيش و تشبيه حاجة عادية يعني لقوها مطلوبة في قضية سيكو سيكو و سرقة....طبعا انا عايزة اكمل حكي الفيلم...بس اكيد انتو شفتوه

من الحاجات اللي فاكراها ان جوزها كان اول واحد اتخلي عنها....يمكن علشان التهمة نفسها كانت مخلة بالشرف

طيب بعيد عن ذاكرة السينما

انا ممكن احكي تجربة شخصية

اتقدملي شخص كنت بشوفه انسان رائع جدا و لا نزكي علي الله احدا

و لطبيعة عملنا في اكتر من نشاط تطوعي و خيري لمست فيه صدق و نبل اخلاق

لما اتقدم كنابنعتبر نفسنا "كتب مفتوحة" تماما للاخر...و اللي ساعتها مكنتش بعترف ان فيه اخر و كده...انا بعتبر ان الشريك الحقيقي بيكون نفسك

المهم حصل مشاكل في الارتباط لان اهلي بيدققوا كتير في السؤال

و في يوم لقيته بيقولي

انه عايز يصارحني بسر و يهمه رايي

و كانت

هو مطلوب امنيا

فعلا

و تم القبض عليه

و لانه كان ناشط سياسي في جامعته...فان التهمة دي كانت متلفقة ليه...علشان تحجم من نشاطه الجامعي...او بمعني اصح تصيبه في مقتل

الحقيقة انا فاكرة وقتها اني زعلت اوي...مش علشان التهمة و لا طبيعتها و لا ملابسات الحادث اصلا...اصلي عمري لا هكون وكيل النيابة و لا القاضي و لا الجلاد....ادوار محدش من البشر يقدر يمارسها علي بشر اخر و خصوصا لما يكون بيحتل مساحة قريبة من الروح

اللي شغلني وقتها

ان كنا فعلا زي ما قولتلك "كتاب مفتوح"....و اعتقدت اني اعرف عنه كل حاجة

و لكني فوجئت و خصوصا بعد ما اخد الارتباط شكل اعمق اني كأني بشوفه لاول مرة

مقدرشي اقول اني بنيت موقف او اخدت قرار وقتها بناء علي المعلومة دي....لكن اللي فاكراه وقتها ان جوايا شيء انكسر في ارتباطي بيه

حقيقي عدينا الموضوع ده

و ده بيتطلب تفهم شديد جدا من الطرفين...و بيتطلب الوضوح و عدم التزييف لان اي ذرة كذب او تجميل للحقايق هتهد اي ثقة بنحاول نبنيها تاني

و بياخد وقت...فوق ما بنتخيل

ممكن نتكلم عن الثقة المتبادلة

و ممكن نتكلم عن عدم صحة التهمة

و ممكن نتكلم عن ادلة و براءة و كاننا محاميين في جلسة دفاع

لكن الحقيقة اللي هتوجع و ده اكيد

ان طرف يخبي عن طرف اخر معلومة من حقه انه يعرفها....و يعرفها منه مش من حد تاني

و الاهم في وقت ميحسش طرف انه خلاص اتحط قدام الامر الواقع و ياي قبل يا يرفض من غير ما يكون ليه حق الاعتراض

و استكمالا للقصة....الموضوع مكملشي بس مش بسبب الحكاية دي خالص

و لحد هذه اللحظة نحتفظ بصداقة محترمة جدا و بعلم اهالينا

اللي بقوله ده

حالة خاصة حصلت في الحياة

يمكن لو حصلت لحد تاني يتصرف بطريقة تانية

يفكر بشكل تاني

يكون ليه اولويات مختلفة

كل علاقة ليها ارض صلبة تقف عليها

لو الارض دي ابتدت تتشقق...حقيقي ممكن ترجه تتروي تاني.....بس محتاجة فلاح شاطر...يعرف يعزقها كويس....و يستني عليها لغاية ما الارض تطرح الخير اللي جواها

و دي وجهة نظر

كعادتك يا ريهام

تضيئين دوما بقعة ما في نفوس من يقرأون كلماتك

ابقي دوما بهذا الصدق

بهذا القرب

[باهى الطائر الحزين]

شامم ريحة حاجه ؟

مش عارف

فى الموضوع ده

ولا من المطبخ !!

[عبير يونس]

شامم ريحة حاجه ؟

مش عارف

فى الموضوع ده

ولا من المطبخ !!

ههههههههههههههههه

لا اطمن

للأسف مفيش حاجة

هههههههههههههه

كنت حأبلغ فورا و أساعد في عمل الكمين كمان

هههههههههه

مرة كان الولاد باباهم نايم

و كان معايا ولد و بنت بس

فقلت للولاد ساعدوني يا ولاد انا قتلته شيلوا معايا الجثة

ابني قعد يقول ما تقوليش كده ياماما انتي ما تعمليش كده

قامت بنتي قالتلي: انا اساعدك يا ماما

ههههههههههههه

شفت الترابط الأسري

ههههههههههه

مش اللي يقولوا لي نبلغ عنها قال

:closedeyes:

[باهى الطائر الحزين]

ايه الرعب ده

الموضوع قلب ريا واختها المسكينه

انفد بجلدى

الحمد لله على نعمة العزوبيه

وكفى بها نعمه

فينك ياعمده تسمع وتشوف وتتعلم

[عبير يونس]

ايه الرعب ده

الموضوع قلب ريا واختها المسكينه

انفد بجلدى

الحمد لله على نعمة العزوبيه

وكفى بها نعمه

فينك ياعمده تسمع وتشوف وتتعلم

لا تعالى ما تخافش

ده حسب الله جوزي

هو في أحلى من قتل الأزواج ههههههههههه

نياهاهاهاها نياهاهاهاها ضحكات متقطعة شريرة

بس سيبك انت

ايه رأيك في الترابط الأسري ده؟

مش أي حد على فكرة

:closedeyes:

[باهى الطائر الحزين]

والترابط ده ماينفعش

من غير احبال غسيل

وشرائط لاصقه وصنية القلل !!

[عبير يونس]

والترابط ده ماينفعش

من غير احبال غسيل

وشرائط لاصقه وصنية القلل !!

لا لا لا

دي حاجات قديمة

دلوقتي في تكنولوجيا حديثة

حنبقوا نفتحوا موضوع خصوصي لأحدث الطرق

تشرب عناب يا سيدنا الافندي ؟

[عصام أبوالفتح]

ابني قعد يقول ما تقوليش كده ياماما انتي ما تعمليش كده

قامت بنتي قالتلي: انا اساعدك يا ماما

ههههههههههههه

شفت الترابط الأسري

ههههههه

ابنك دهوت بيفهمك اكتر من بنتك داهيت . . ربنا يباركلك فيهم