الحرية و الندالة

[Mr MAGED]

أنا بيتهيألي محاورات المصريين أكبر من انها يتحط فيها عناوين مواضيع بالشكل ده

اللي قدم البلاغ مقدم معاه 26 مستند ... يبقي أكيد انا اللي ماشفتش ايه هيا المستندات دي مينفعش اقول انها مستندات هايفة وتافهة !

المستندات راحت النيابة .. والنيابة هيا اللي هتقول ان كانت تافهه ولا لا

ولما قرار النيابة يطلع .. نقدر ننتقد تصرف اللي قدم البلاغ .. ويترفع عليه قضية رد شرف .. مش اشتمه !!

المفروض ان هيا دي تكون أصول حرية الرأي .. اني انتقدك واقدم الدليل علي انتقادي .. من غير ما اشتمك

ودورك انك تردي علي انتقاداتي بالدليل برضه .. وبرضه من غير ما تشتمني

لان المفروض ان الاختلاف في الرأي لا يفسد للود قضية

[الغريب]

لازم نجيب دليل أن حزب الحرية والعدالة هو من وراء هذا البلاغ ، حتى تكون تسمية الموضوع "الساخرة" عادلة

إنما غير كدة ممكن يسمى حقد على نتائج الانتخابات .. سامحوني

أما ذكر الإشتراكية كأيديولجيا لديها أبسط المقاومات للصدام مع التيار الإسلامي ، فهذا يشعرني أن الزمان يعود للوراء

تحياتي...

[bodi]

كتب الباشمهندس ياسر

طب و بعد ما الثوار يلتزموا الادب و الجماعه و يسيبوا الانتخابات تخلص و الامور تبقي عال العال و يجي المحلس و يحلف انه علاقته بالرياسة جواز كاثوليكي و ان الوزارة للفصايل التقيلة زي الاخوان و السلفية

رد فعل الاخوان و السلفية شكله ايه...؟

احب اكد انى مستقل ودة رأى خاص بى دون اى مصدر فى الاخوان او السلفية:

فى فرق بين الاخوان والسلفية فى ردة الفعل واظن هيكون كالتالى

السلفية هيقبل والسبب انة جزء كبير من منهجهم هو تربية الاجيال القادمة وتعليم الناس اكتر من تمسك بالسلطة فى الوقت الحالى

الاخوان بتلعب سياسة صح ومش عايزين يواجهوا العسكرى منفردين وهيكون رد فعلهم هو انتظار اتجاة الرأى العام فى الشارع يعنى لو الشعب نزل هيكونوا اخر ناس تنزل الشارع والميادين لان بالنسبة ليهم دلوقتى كفاية البرلمان ولو الشعب نام وسكت يبقى خلاص دة اختيار الناس ويكتفوا بالبرلمان

السؤال الاهم اية هو رد فعل الشعب؟

ما اعتقدش ان رد فعل الشعب هيكون معارض لما يفعله الجيش

فالشعب المصري قصير النفس و استمرأ المعاملة الغير ادامية من حكامه و لقد وصل الامر الان انه بدأ يهاجم من يطلبون الكرامة و الحق

يعني لن يغضب الشعب لو استمر الجيش في الحكم

وزي ما قالت النكته البليغة زودوا عدد اللي بيضرب الناس علي قفاهم عشان الناس وراها مصالح

ملحوظة: المصيبة مش بس ان الشعب المصري العظيم جزء كبير منه استمرأ العبودية بل الجديد انهم تحولوا الي خائضيين في الاعراض و ده ماكنش من شيم الشعب المصري حتي عقود قريبة لكنه اصبح الواقع الان مما لايبشر بخير بخصوص المستقبل

[متعب]

انا بتوقع الحقيقه ان المجلس العسكرى معاه كرت محتفظ بيه عند اللزوم وهو الافصاح عن اللهو الخفى

واكيد هيضحى بالاخوان فيه باعتبارهم هما اللهو الخفى ويقلب عليهم الطربيظه بعد ما تنتهى مهمتهم فى التصدى القادم والمزعوم للثورة منهم والمواجهه ايضا القادمه بينهم وبين التحرير

واغلب الظن ان دى اجنده متحضرة لهذا الغرض

واعتقد قيادين افصحوا عنها وصرحوا بانهم هينضفوا ميدان التحرير من البلطجيه

مع الرغم انهم بعيدين كل البعد عن التحرير من بعد الثورة مباشرة

واتهام كل جمعه بانها وقيعه بين وبين وانتشار الفساد والمؤجورين وكنتاكى دون الدخول اصلا فى الاصلاح على غرار حتى من رأى منكم منكرا فيغيره

فأيضا رفضوا حتى تغير المنكر المزعوم واكتفوا بالتشويه فقط من خلال المنابر التى حرموا من اعتلائها سنين طوال واذا طلع احد منهم مهربا كان كبيره اللهم اهدى قادتنا الى ما تحبه وترضاه

فأذن نحن امام توقعات محتمله بعض الشىء

المواجهه بين الاخوان والتحرير اصبحت وشيكه التدبير وفى الاخر العسكر تعلن عن اللهو الخفى لان المجلس اعتقد ايضا انه لايأمن لهم بالمرة

والثانى وهناك بوادر بدأت تنسب بين السلفين والاخوان والوقيعه بينهم

اما مواجهتهم مع العسكر دى استحاله تحصل تحت اى مسمى

ويامسلسلاتك ياعسكر

اما نشوف هيودونا على فين

[ام سلمي]

خلاص جمال تاج الدين سحب البلاغ

«تاج الدين» يسحب بلاغه ضد «الاشتراكيين».. وشباب الإخوان: يذكرنا بمحامي مبارك