كرامة ام لا كرامة؟

[بنت شعنونة]

ما هو مفهوم الكرامة بين الزوجين؟ وبين المخطوبين؟

هل هي كرامة كليه او جزئية!؟

بمعنى

هل الكرامة تشمل اي كلمة خادشة للكرامة "بس مش شتيمة" زي مثلا وقت النرفزة حد يقول للتاني غور من وشي؟ كان يوم اسود يوم ما عرفتك؟...انت قرفتيني؟..

والا لازم تبقى حاجا كبيرة؟

وايه الرد في الحالتين؟

هل الزوجة تنفصل عن زوجها؟ والا تعديله؟ والا كرت اصفر الاول ثم احمر وطرد

والا اييييييييييييييييييييه؟؟؟؟؟

[amir]

هل الزوجة تنفصل عن زوجها؟ والا تعديله؟ والا كرت اصفر الاول ثم احمر وطرد

والا اييييييييييييييييييييه؟؟؟؟؟

ملعوبه

بس احنا مش فى ماتش كوره , دى حياة و شركه بين اتنين يلزمها الاتفاق على الخطوط العريضه و وضع النقط على الحروف قبل اشهار الكروت الصفرا و الحمرا .

[emmyyy]

يا شعنونه انا اعتقد في ان الكرامه دي حاجه مش المفروض تبقي موجوده بين الطرفين الاحترام هو المطلوب لانه هو ده الي بيدي اي علاقه healthy grounds انها تبقي علاقه كويسه حتي لو حصل انفصال بيبقي من غير اي مشاكل من الي بنسمع عنها :)

حد يقول للتاني غور من وشي؟ كان يوم اسود يوم ما عرفتك؟...انت قرفتيني؟..

بذمتك دي مش شتيمه!!!!

[بنت شعنونة]

يا استاذ امير

يا اميييييييييي

انا عارفا والله الخطوط العريضة وموضوع الأحترام دا

انما فرضا حد من الطرفين في ساعة زعل قال للتاني كلمة من الكلام اللي انا كاتباه هنا دا " اللي مش شتيييييمة )

يبقى ايه الحل؟ طبعا مش بتكلم على مرة.. بتكلم على التكرار!!

كتييييييييييير جدا اسمع كلمة

مافيش كرامة بين الأزواج

بصراحا

بتفرسسسسسسسسسسسسسسسس لما بسمعهاااااااااااااااااااااااااااااااااااااااااااا

[emmyyy]

هو عموما في بدايه اي علاقه الطرفين بيبقوا حساسين لاي كلمه و ده شيئ طبيعي لان مدي معرفتهم بطباع بعض بتبقي لسه محدوده وكل واحد فيهم بيبتدي يكون شكل للعلاقه الي بينهم و مدي تقبل اي منهم لاسلوب التاني و ده شيئ نسبي لان الي انه هتقبلوا كا اسلوب معامله من خطيبي غير الي انت ممكن تتقبليه من خطيبك يعني مثلا في بعض الطبقات اسلوب ضرب الزوج لزوجته حاجه عاديه لكن في البعض الاخر بتبقي هي دي نهايه اي علاقه

عموما انا راي ان مع العشره و المعامله بنقدر نكون حد لمدي تقبلنا لاسلوب الاخر وشيئ من الحساسيه الي بتبقي عندنا في الاول بتروح

و الي بيخرج عن حدود الخطوط المسموح بيها في علاقتهم بيقي تعدي علي كرامه الاخر زي ما بتقولي

كلمي له معني ولا انا خرجت عن الموضوع??

اصلي حاسه اني مش فهماني

[حشيش]

زي مثلا وقت النرفزة حد يقول للتاني غور من وشي؟ كان يوم اسود يوم ما عرفتك؟...انت قرفتيني؟..

عزيزتى شانا

يجب على الطرف الأخر أن يتحلى بالحكمة فى مثل هذه اللحظات العصيبة حتى يمر الطوفان بسلام.....فمثلاً إذا قالت الخطيبة لخطيبها غور من وشى يجب عليه أن يرد بهدوء (أنا واقف فى الشارع هوه الشارع ده كان بتاع أهلك) mc: .....وإذا قالت له كان يوم اسود يوم ما عرفتك يجب عليه أن يرد بوقار (اسود على دماغك ) ..... .....وهكذا يكون العقل قد تغلب على لحظات الغضب والإنفعال وشكراً :)

تم تعديل 17 نوفمبر 2004 بواسطة se_ Elsyed

[emmyyy]

طيب يا حشيش لو هو الي قال له غوري من وشي ?كان يوم اسود يوم ما عرفتك؟...انت قرفتيني؟..

ترد عليه ازاي نرجوا انك تنورنا برده

بس حلوه منك رد طبيعي و منطقي وليد اللحظه :) mc: mf(

[se_ Elsyed]

مفهوم الكرامة يا شعنونة لا ينفي أبداً وجود حدود من الإحترام بين الزوجين ..

والكرامة في الحياة الزوجية المقصود بها إن الإتنين ما يتربسوش دماغهم قصاد بعض عشان المركب تمشي ...

كمثال : لو في خلاف أياً كان وخلاص إنحلت المشكلة وما فضلش غير الصلح .. ما نلاقيش كل واحد من الطرفين واخد جنب ومش عايز يصالح التاني وده ليه عشان ما يقلش من كرامته قدام التاني ..

في الحالة دي بنقول إن ما فيش كرامة بين الزوجين ...

كده مفهوم وتمام ولا نقول تاني ..

وبعدين الحاجات اللي إنتي قولتيها يا شنعونة لما بتحصل بتبقى بوادر أزمات في الحياة الزوجية وبأعتبرها بداية إنهيار للعلاقة بين الزوجين...

[بنت شعنونة]

وبعدين الحاجات اللي إنتي قولتيها يا شنعونة لما بتحصل بتبقى بوادر أزمات في الحياة الزوجية وبأعتبرها بداية إنهيار للعلاقة بين الزوجين...

اللهم صلــــــــــــــي على النـــــــــــــبـــــــــــي

بشرتيني بالغاااااااااااااااااااااااالييييييييييييييييييييييييييييية :rolleyes:

يالله بقى

اياكشي تولع :)