إللى يقول ((خاين عميل)) .. واللى يقول ((إمسك فلول)) !!!!

[التونسى]

شِجــــــــار ... نِقــــــــــار .. وضرب نـــــــــار

يا نـــــــاس .. يا هووووو.. أنا عقلــــى طـــــار

مـــعــــقــــــولــــه ده ...... أدب الخــــــلاف

مـــعــــقــــــولــــه ده .. أصـــــلاً حــــــــوار

شِجــــــــار ... نِقــــــــــار .. وضرب نـــــــــار

يا نـــــــاس .. يا هووووو.. أنا عقلــــى طـــــار

المـُـنــــــتــــدى ....... وبـــــدون جـِــــــــدال

أصـــــبـــــح .. مِـــــثـــــال ... للإقـــتِـــتـــال

ودا شــــــئ .. وِ فـــــــــــاق .. الإحِــــتِمــــال

الــــرحــــمـــه .. يـــــا ولاد الحـــــــــــــــلال

شِجــــــــار ... نِقــــــــــار .. وضرب نـــــــــار

يا نـــــــاس .. يا هووووو.. أنا عقلــــى طـــــار

الإخـــــــتــــــــلاف ...... وفـــ دَمِــــــــنــــــا

مــــيـــهِــمِنـــــاش .. غــــــير .. رأيــــــنــــــا

غــــــاويـــيــن .. نِـــــخَـــــوِّن .. بـــعــضنــــا

والعـــــيــــب دا .. فــــــيـــنــــا ... كُـــــلِـــنــا

شِجــــــــار ... نِقــــــــــار .. وضرب نـــــــــار

يا نـــــــاس .. يا هووووو.. أنا عقلــــى طـــــار

فــيــه نــــاس .. تِــــوَلــــع .. فى الفِــــتــيــل

عــــايــزاهــــا نـــــار .. مـلهــــاش مــثــيـــل

ونــــــاس كـــده .. مــــن غـــــير دلـــــــيــل

تـــقـــول عـــلــيـك ..((خــايــن ..عــمــيــل))

شِجــــــــار ... نِقــــــــــار .. وضرب نـــــــــار

يا نـــــــاس .. يا هووووو.. أنا عقلــــى طـــــار

فــيــه نـــــاس تِـــخــالــفــك .. بالأُصـــــــول

ونـــــاس تِـــــــحَــــــرَكـــــها المِــــــيــول

ونــــــاس .. تِـــهـــاجـــمــك .. كــالمَــغـــول

تــصــرخ .. تــقــول..((إمــسِــــك فـــلــول))

شِجــــــــار ... نِقــــــــــار .. وضرب نـــــــــار

يا نـــــــاس .. يا هووووو.. أنا عقلــــى طـــــار

أعـــضـــاء كـــــتـــــيـــــر.. كـــانـُـوم هِـــنــا

رَحـَــــلُـــــوم .. وِبِـــــعـــِــدوم .... عَــــنِـــنــا

يـــــمـــكـــن يــــكـــــون .... ده ذَنـــبِـــــنـــا

يــــــاريــــــت .. نـــــراجِــــع نَــــفـــسِـــنـــا

شِجــــــــار ... نِقــــــــــار .. وضرب نـــــــــار

يا نـــــــاس .. يا هووووو.. أنا عقلــــى طـــــار

حــــــبـــــايـــبـــى .. أهــــــل المــــنــــتـــدى

مــــا تِــــهـــــدوا حَــــبـــه .. وِمـــش كِـــــده

إنــــتُــــم أكـــــــيــــــد ..... بالــشـــكـــــل ده

حــَــتــــشَـــــمِـــتـــوا .... فـــيـــنــا العِـــــدا

شِجــــــــار ... نِقــــــــــار .. وضرب نـــــــــار

يا نـــــــاس .. يا هووووو.. أنا عقلــــى طـــــار

مـــعــــقــــــولــــه ده ...... أدب الخــــــلاف

مـــعــــقــــــولــــه ده .. أصـــــلاً حــــــــوار

مع تحيات أخوكم .. إللى عمره ما زِعِل من حد .. بسبب خلاف فى الرأى

محمود البصيلى

[ابو محمود]

حاسس بيك يافنان مش علشان اسمك محمود هههههههههههههههههههههههههههههههه

[الدكتور ياسر]

ياسلام عليك أستاذ كبير

كلام جميل و كلام خطير

بس فين صاحب ضمير

يقرا ويفهم مننا

.........................

الخلاف مش عيب يا ناس

العيبة تبقا في الجدال

وكلمة كدة زى الرصاص

تفسد وتجرح قلبنا

.........................

يريت شوية اعتبار

كلام الحق مفهوش هزار

وانت قاعد في الحوار

حاول ما تنسى ربنا

.........................

الكلمة توضع في الميزان

لو فيها خير تكسب كمان

والشيطان مالوش أمان

ده بكلمة تغضب ربنا

تم تعديل 26 ديسمبر 2011 بواسطة الدكتور ياسر

[Mr MAGED]

أستاذ محمود ... تحياتي ليك علي كلماتك الجميلة

[ام سلمي]

لو قلت ليه الجيش بيسحل في البنات؟

يقولوا هي البنت ليه اصلا تبات

وليه بقي تلبس عباية بكبسونات

واللي يدافع عنها يبقي اكيد ظلم

ومش بعيد ياخد ذنوب وسيئات

قلت خلاص يبقي اكيد جيشنا اتخدع

قالوا اللي يسكت يبقي طبعا مش جدع

وازاي اهانة اختكم كدة تتبلع

تقبل بسحل اختك ولبسها يتخلع؟

قلت ان احسن شئ نبطل اعتصام

قالوا انت فل من الفلول تبع النظام

ثورة مضادة بدون نقاش وبدون كلام

عايز تبلبلنا.... وتعمل انقسام

قلت خلاص الاعتصام من حقنا

قالوا الميدان فيه بلطجية في وسطنا

تضرب وتحرق وتستحل في دمنا

واللي يقول الاعتصام يبقي عميل

خليك مع استقرار بلدنا زينا

قلت ان احسن شئ ابطل بقي كلام

قالوا اللي يسكت يبقي خاين او جبان

وازاي تشوف اللي اتظلم وعنيك تنام

واللي حيسكت بعدها يبقي شيطان

يا ناس يا هو...... بلاش تعب

مافيش كلام........ خالص عجب

حتي السكوت دلوقتي بقي قلة ادب

خلاص نويت اني ابقي من حزب الكنب

تم تعديل 26 ديسمبر 2011 بواسطة ام سلمي

[التونسى]

حاسس بيك يافنان

حاسس يا صاحبى .. بِـ اغتراب

وبجد .. يعـنـى ... بقيت بـاهاب

من الإهـــانـــه .. وم السِــبــاب

بقيت بخــــــــاف

م الإختـــــــــلاف

ودا شئ .. وأقــرب .. للعــذاب

والحل إيه !!!؟.... قوللى عليه

أطفـش .. وأهـرب .. م الجــدال

أرفــــع .. رايــات الإعـــتـــزال

أكدب .. وا قول .. الحال دا عال

أدفــن فى راسـى

كـــَ الـــنـــعــــــام

ما تقوللى .. أعمل إيه .. يا خال!!!!!!؟

ما تقوللى .. أعمل إيه .. يا خال!!!!!؟

شِجــــــــار ... نِقــــــــــار .. وضرب نـــــــــار

يا نـــــــاس .. يا هووووو.. أنا عقلــــى طـــــار

[التونسى]

ياسلام عليك أستاذ كبير

كلام جميل و كلام خطير

بس فين صاحب ضمير

يقرا ويفهم مننا

.........................

الخلاف مش عيب يا ناس

العيبة تبقا في الجدال

وكلمة كدة زى الرصاص

تفسد وتجرح قلبنا

.........................

يريت شوية اعتبار

كلام الحق مفهوش هزار

وانت قاعد في الحوار

حاول ما تنسى ربنا

.........................

الكلمة توضع في الميزان

لو فيها خير تكسب كمان

والشيطان مالوش أمان

ده بكلمة تغضب ربنا

يا سلام عليك... مليــــون سلام

أشعــار.. فى غاية .. الإنسِجــام

إنـــت أكــــيد.. وبـــدون كــــلام

أجــمــل .. مِـــثــال .. للإحـتـرام

ياما اختَـــلفنا ... لكنــنــا

بردُه اتفقنا .... وعُــمــرنا

ما جرحنا يوم ..ف بعضنا

من قــلــبى .. بدعى ربـنـا

يـرعـى.. ويحـفـظ .. وِدنــا

يجمعنا .. فى الخــيـــر .. والسلام

يا سلام علـــيك ... ملـــيــون سلام

[عبير يونس]

صلوا على سيدنا النبي

و بلاش مناهدة و قيل و قال

أبوس ايديكم و النبي

ترحمونا من الجدال

خلاص عرفنا رأيكوا

و اذا الاتفاق بيننا محال؟

نحفظ بقى الود اللي باقي

ونزيد شوية الاحتمال

بالحسم من غير لكلكة

هي دي اخلاق الرجال

[التونسى]

أستاذ محمود ... تحياتي ليك علي كلماتك الجميلة

والشكر موصول لحضرتك .. على التواجد والقراءة .. والثناء على ما خطه فكرى من أزجال تحاول البحث عن التهدئة والهدنة والوفاق

[التونسى]

لو قلت ليه الجيش بيسحل في البنات؟

يقولوا هي البنت ليه اصلا تبات

وليه بقي تلبس عباية بكبسونات

واللي يدافع عنها يبقي اكيد ظلم

ومش بعيد ياخد ذنوب وسيئات

قلت خلاص يبقي اكيد جيشنا اتخدع

قالوا اللي يسكت يبقي طبعا مش جدع

وازاي اهانة اختكم كدة تتبلع

تقبل بسحل اختك ولبسها يتخلع؟

قلت ان احسن شئ نبطل اعتصام

قالوا انت فل من الفلول تبع النظام

ثورة مضادة بدون نقاش وبدون كلام

عايز تبلبلنا.... وتعمل انقسام

قلت خلاص الاعتصام من حقنا

قالوا الميدان فيه بلطجية في وسطنا

تضرب وتحرق وتستحل في دمنا

واللي يقول الاعتصام يبقي عميل

خليك مع استقرار بلدنا زينا

قلت ان احسن شئ ابطل بقي كلام

قالوا اللي يسكت يبقي خاين او جبان

وازاي تشوف اللي اتظلم وعنيك تنام

واللي حيسكت بعدها يبقي شيطان

يا ناس يا هو...... بلاش تعب

مافيش كلام........ خالص عجب

حتي السكوت دلوقتي بقي قلة ادب

خلاص نويت اني ابقي من حزب الكنب

ودى الحكـايـه .. والقـضـيه .. يا أم سـلـمى

زحـمـة أراء .. وبرده لسه .. الدنـيـا ضلمه

وكلام كـتـيـر .. لكـنه ... مش بيحــل أزمــه

ونـقـاش..وزى المـعـركه..بين دول..و دول

دا يقول عميل..دا يقول جبان..دا يقول فلول

ولا حــد يـعـنـى ..مَــــرَّه .. أقـنـعـنى بحـلول !!!!!!!!!!!!!!

فالحين يا حسره.. فى الجدال .. وفى الخناق

عايزين بــقــى .. نـِـوصـَـــل لـِ بَـر الإتــفــاق

عايزين..و بــــس .. يكون لـ مصر الإنتماء

شِجــــــــار ... نِقــــــــــار .. وضرب نـــــــــار

يا نـــــــاس .. يا هووووو.. أنا عقلــــى طـــــار

[التونسى]

صلوا على سيدنا النبي

و بلاش مناهدة و قيل و قال

أبوس ايديكم و النبي

ترحمونا من الجدال

خلاص عرفنا رأيكوا

و اذا الاتفاق بيننا محال؟

نحفظ بقى الود اللي باقي

ونزيد شوية الاحتمال

بالحسم من غير لكلكة

هي دي اخلاق الرجال

فيه ناس كده.. من غير كلام

قلوبها ..((طير))

زى الحمام .. عاشقه السلام

ووجودها ...خير

وفى الوِفـــاق .. والإتفــــاق

دايما .. تسير

شَبَهِك .. تمـام .. يا أختنا الغاليه

عــــــبــــــيــــــر :clappingrose: :clappingrose: