استشارة عاجلة : هل حد جرب قيادة الجراند تيريوس? وهل لها عيوب?

[لماضة مصرية جدا]

السلام عليكم و رحمة الله و بركاته

مش عارفة ليه لما دخلت التوبيك افتكرت اخواتي الولاد و هما لما يحطوا دماغهم في دماغ بعض....تلاقيهم برضه بيتكلموا عن العربيات

هو انا احيانا في مرحلة ما قبل تطور ذبابة الفاكهة كان نفسي اقلب و لد و كدهوت

بس دلوقتي

مش عارفة ليه تحضرني عصيدة...البنات البنات الطف الكائنات :P

و بعدين انا اصلا ايه اللي دخلني في الحوار الرجالي دوت

انا قريت العنوان

حد عارف في قيادة جراند تيوس :blink:

ما علينا

محدش يضرب انا طالعة لوحدي

و الله ما انتو قايمين

صباح الفل يا بشوات...(وش اي صبي ميكانيكي لافح فوطة صفرا و بيلمع لك القزاز بالعافية)

[se_ Elsyed]

صباح الفل يا بشوات...(وش اي صبي ميكانيكي لافح فوطة صفرا و بيلمع لك القزاز بالعافية)

ليه يا أختي ؟؟؟؟؟؟؟؟؟؟؟؟؟

ما انتي قاعدة في ام ظبي ومونكن تسوقي براحتك وتفحطي كمان

[عصام أبوالفتح]

أستاذ عصام .. انت مرتبط انها تكون اقل من 1600 سي سي عشان تنزلها مصر ولا مش فارقة معاك ؟؟

انا شخصيا مافكرتش ابدا انزل عربية مصر من برة .. لو جيت تحسبها هتلاقيها قريبة كتير من بعضها

عارف ان بيكون فيه فرق في المواصفات بين اللي بينزل الخليج واللي بينزل مصر

بس لو انت مقرر خلاص تخرج نهائي وتنزل مصر ساعتها هاكون موافقك ..

لكن لو مكمل ان شاء الله في السفر ولسة محددتش هتنزل مصر امتي يبقي احسن متربطش نفسك

ولو عايز حاجة اكبر واقوي واوسع والسعر قريب .. انصحك بالفورشنر

هيا 2700 سي سي وسواء دفع رباعي او ثنائي . بصراحة ممتازة واستهلاكها للبنزين اقتصادي جدا لان فيه منها 4 سيلندر

وهيا تويوتا برضه يعني قطع الغيار والصيانة رخيصة واكيد ماسكة سعر لو حبيت تبيعها تاني

ربنا يوفقك ان شاء الله

اشكرك جدا استاذ ماجد على اقتراحك الرائع .. فورشنر عربية هايلة وانا خرجت من المعرض معايا كتالوجين ... هى والتيريوس

لكن بعد مداولات عديدة .. شفت ان هى ممكن تنفعلى بعد كام سنة مش دلوقتى

ربنا يديك الصحة وطولة العمر

[raouf]

الإتنين 1500 سي سي ....

مش معقولة :blink:

أنا مصدقتش والله وقولت يمكن سقط سهوا ، لكن أتأكدت من المعلومة

بصراحة 1500 سي سي ضعيف جدا على حجم (وزن وأبعاد) السيارة

اخوك مش كوفتجي يا رؤوف .. أنا عارف بأقول إيه ودي سقطة من اليابان بصراحه

يا عم الحج ورؤف ماله بس فى الموضوع ده

انت مضطهدنى ليه يا سى السيد ؟

كل ده علشان انا عايش فى الخبر حيث البحر والماء والخضرة والوجه الحسن وانت عايش فى الرياض حيث التراب والصحراء القاحلة والزحمة ؟

بطلوا حقد باه

[عصام أبوالفتح]

انا قريت العنوان

حد عارف في قيادة جراند تيوس :blink:

هههههههههههههه .. انا هلاقيها منك ولا من رؤوف .. افلتونى خاااااااااااالص من العربية .. هو ناقص يقولى قردة .. وانتى بتقوليلى جراند تيوس ... ههههههههه

[عصام أبوالفتح]

ي

شكراً على ردك يا تيمور ربنا يكرمك ويباركلك فيها .. وبالنسبة للون انا ناوى على الابيض ان شاء الله ( العيال هايموتوا على الأحمر العنابى ) لكن اقنعتهم .bsh:)

أبيض مين يا عم :blink:

أسمع كلام العيال

أو أسمع كلام عمهم الغريب وهات لون ذهبي أو فضي ، ومبارك عليك مقدما :)

جزاك الله خير ونورتنى يا غريب .. لو خلاص رسينا وبننقى فى الالوان فالفضى مش باحبه والذهبى مش من ضمن الالوان .. ومش ناقص توهان ياعم الحج :blink:

أدى الابيض .. ولا يعنى انى زملكاوى .

وأدى الأحمر ولا يعنى ان المدام هاتخدها منى ;)

الصور لموديلات 2009 الاختلاف مش كبير أوى

[عصام أبوالفتح]

وبما إن معايا تيريوس 5 مقاعد من 2008 .. وماشية الحمد لله كويس لكن باعاني من موضوع السحب عشان الـ 1500

فانني والنصحية لله ...

انصح كل شاب وكل فتاة عاوز يتشري عربية في حدود 1600 سي سي .. إنه اولاً ما يشمش كوله تحت كوبري الملك الصالح

وثانياً .. إنه يفكر جدياً في الكيا كارينز الجديدة ... 1600 سي سي .... وتحفة معمارية .... وواسعة وبنت حلال ... ومش رشه دواخل ... وتقريباً نفس سعر التريوس ... ومغرقة مصر دلوقت زي ما بيكونوا بيفرقوها في الجمعيات

شكرا جزيلا يا احمد على النصيحة .. العربية الكارنيز حلوة كمواصفات جديدة .. لكن شكلها اقدم حبتين ثلاثة من التيريوس .. مش عارف ليه حاسس ان الجراند تيريوس جمعت كذا ميزة هى الميكانيكا التقليدية اللى كلنا ممكن نتفق انها احسن واسهل وارخص فى صيانتها وحجم ممكن تستخدمه زى مانت عايز وسعرها معقول وتكلفة تشغيل بسيطة ..

تيمور شال فى عربيته 9 اشخاص ما بالك بالجراند .. يعنى لما اتزنق أوى ممكن اشغلها تحرير عباسية .. ههههههههههه

[ozoozo]

اولا لا انصح بتنزيل عربيات مصر اركب واتمتع هنا وبيع قبل ماتمشي لان مصر هاتبتدي تدخل في الجات وهاتلاقي العربيات الاوروبي من غير جمارك خالص 2018 ده غير ان السعر هنا هو في مصر بعد اضافه الجمارك حتي مع خصم الاستعمال هاتكون هلكت بيهم العربيه وبرضه هاتنزل بقديم ومن غير ضمان الوكيل يبقي تجيب من مصر احسن

ثانيا لو اقتنعت باللي فوق ارشحلك كيا سبورتاج رائعه 2000 سي سي بحوالي 72 الف كاش وفي عرض رائع في التوكيل ادفع النص 36 الف وقسط النص علي 3 سنين من غير فوايد خالص

[عبد الله غريب]

اشكرك جدا استاذ ماجد على اقتراحك الرائع .. فورشنر عربية هايلة وانا خرجت من المعرض معايا كتالوجين ... هى والتيريوس

لكن بعد مداولات عديدة .. شفت ان هى ممكن تنفعلى بعد كام سنة مش دلوقتى

ربنا يديك الصحة وطولة العمر

داه لا يعتبر محاولة لإثنائك عن رأيك .. و لا محاولة لإقناعك بشئ خلاص تم اتخاذ قرار نهائي بخصوصه .. لكن رأيي هو أنه لو كان الأمر يتعلق بالسيارات .. فلا بديل عن اختيار الأقوى طالما في المتناول .. و لو على حساب مواصفات الجمال و الشياكة .. و ربنا يوفقك للأصلح ..

[أسد]

خد دي أحسن بكتير

Peugeot 3008 بيجو 3008

فيه منها 7 مقاعد

1600 سي سي

في السعودية بيعطوا ضمان 5 سنوات أو مليون كيلو متر

[عصام أبوالفتح]

الاخوة الاعزاء اوزوز و عبدالله غريب وأسد اشكر مروركم ونصيحتكم الغالية .. والشكر لجميع الاخوة هنا

انا لسه راجع من معرض عبداللطيف جميل

طول اليوم كنت باتابع ارائكم الغير مشجعه على السيارة كاستخدام فى السعودية ، ومع ذلك قناعتى فضلت راسخة بالعربية وانها ممتازة

وفى مسار موازى اتكلمنا على اللون ورسيت على الابيض بشكل قاطع ونهائى

ورحت ومعايا كل الورق المطلوب وكامل المبلغ .. ومع ذلك .. الموظف بعد ما شيك قالى الابيض خلص

قلتله طيب اتصل بجدة .. فاتصل قالوله فى عربية عرض ( يعنى فى الصالة للزباين ) وماشية 10-20 كم :blink:

فاتصلت على الدكتور شاكر اللى نصحنى بالعربية قالى اوعى تاخد عرض وممكن تكون ماشية حاجة بسيطة 8-9 كم مش مشكلة بس متكونش عرض حتى لو خصملك فلوس

وطبعا كان الموظف سامعنى .. فابتسم الموظف وقالى هاتاخد لون تانى ؟ .. فطبعا قلتله لأ .. وقف كل حاجة .. أنا عايز عربية بيضاء وعملت كل ما يمكن النهاردة لانهاء المطلوب وتدبير الثمن كاش

فقدامك يومين لو ظهر حاجة بلغنى .

وقولتله يمكن اللى حصل ده اشاره من ربنا لانى عامل استخارة امبارح بالليل وصاحى مبسوط ومستريح لها.

....

فعلا انت تريد وانا اريد والله يفعل ما يريد .. وفى حالة الاستخارة فانا متأكد ان اللى بيقدره ربنا فى مصلحتى.

ايه رأيكم ؟

[ozoozo]

كنت عايز اجيب عربيه بيضاء واحد صاحبي كرهني فيها كان عنده عربيه بيضاء والناس بتتريق عليه وتقوله التلاجه اللي انت راكبها ياعم

خليك في الالوان الميتالك الجديده

وبصراحه التيريوس بحس انها شبه ال128

انا بفكر علي المدي الطويل اني اغير عربيتي فكان من ضمن الاطروحات السبورتاج والتيريوس وبعد مااولادي شافوا الكيا وبعدين شافوا التيريوس الخمسه راكب كانت زي لعبه الاطفال بالنسبه لهم وبالصراحه غاليه اوي علي الفاضي متهايألي 67 الف كتير عليها تكمل 4 عليهم وتجيب الكيا

[عصام أبوالفتح]

كنت عايز اجيب عربيه بيضاء واحد صاحبي كرهني فيها كان عنده عربيه بيضاء والناس بتتريق عليه وتقوله التلاجه اللي انت راكبها ياعم

خليك في الالوان الميتالك الجديده

وبصراحه التيريوس بحس انها شبه ال128

انا بفكر علي المدي الطويل اني اغير عربيتي فكان من ضمن الاطروحات السبورتاج والتيريوس وبعد مااولادي شافوا الكيا وبعدين شافوا التيريوس الخمسه راكب كانت زي لعبه الاطفال بالنسبه لهم وبالصراحه غاليه اوي علي الفاضي متهايألي 67 الف كتير عليها تكمل 4 عليهم وتجيب الكيا

طيب حطلى لنك عرض السبورتاج من فضلك يا أوزوزو... عايز اشوف المواصفات .. على فكرة وانا بادور على العرض لقيتها نزلت مصر 1600 سى سى .. ياتنا نيلة فى حظنا الهباب :closedeyes:

[ozoozo]

للاسف انا جايب الداتا دي من الجبر للسيارات والعرض ده بقاله حوالي 3 سنين عندهم بتاع النص وقسط النص(انا سألت عليه من شهرين وكان موجود) وساعات بينزله غرض ندفع قد ماتدفع لغايه 25 %

كان سعرها هاف اوبشن حوالي73 الف

ده البروشور بتاع السبورتاج

http://www.kia-sa.co...es/sportage.pdf

طيب هاتقولي بس انا مصر علي حاجه 1600 سيسي وانزلها مصر وتكون برضه تقسيط النص من غير فوايد

هاتلاقي الكارينز 1600 فول اوبشنز بالبلوتوث وكاميرا خلفيه بحوالي 68 الف

وتقوله انا عايزها بنظام المصريين هايروح يسجلها باسمك عشان تكون مالك اول وبعد تلات ايام هايروح ينقلها باسمه تاني لغايه ماتخلص الاقساط وبيكون عليها تامين شامل بتدفعله زياده 2100 ريال في السنه

طيب لو معاك المبلغ كاش يبقي تروح علي المعارض بتاعه الجديد في الحراج هاتوفر 3 او 4 الاف ريال

بس تسال السياره بطاقه (بطاقه جمركيه) ولا لوحه (معلقه نمر) الافضل طبعا البطاقه وتشوفها بعينك عشان تكون اول مالك

تم تعديل 26 ديسمبر 2011 بواسطة ozoozo

[عادل أبو عمر]

كيا سبورتاج 2012

بالمحرك 1.6

( و لونها أحمر عنابي أهو يا هندسة .. زي ما إنت مش عايز بالظبط

)

المصدر

منقول مع شوية بهارات

أثارت سيارة كيا "

سبورتاج 2012 " ، والتي تنتمي لفئة " SUV " المدمجة الحجم ، شغف الكثيرين في السوق المصري ، عندما نُقلت أخبار ، عن طرحها بمحرك سعة 1.6 لتر للمرة الأولى ، بدلا من محرك سعة 2.0 لتر المعتمد في الفئة الحالية

, وقد نشرت كيا مصر ، مواصفات فئات السيارة الثلاثة كاملة ، على موقعها الرسمي على الانترنت

رابط موقع كيا مصر

استعدادً لطرحها في القريب العاجل محلياً ، بما يعني أننا أمام إعصاراً جديداً يمكن أن يحقق أعلى مبيعات في فئته بسعر منافس وإقتصادية تشغيل متوقعة .

وطبقا لما نشر – على هيئة كتيب دعائي " بروشور " – وبشكل رسمي من الوكيل شركة " EIT " ، فإن " سبورتاج 2012 " المرتقبة ستزود بمحرك سعة 1.6 لتر ، يستخدم تقنية " GDI "، وهي تعتمد على الضخ المباشر للوقود لاستفادة أكبر ، حيث يولد المحرك معها قوة 140 حصاناً – بحسب وحدة القياس الأوروبية " PS " مزيد من المعلومات شاهدها مع

المحول الميكانيكي – وهو ما يجعله قريباً من قوة المحركات سعة 2.0 لتر الأقل إقتصادية في استهلاك الوقود, أما عن ناقل الحركة فسيكون أوتوماتيكي من 6 سرعات ، وهو ما يقدم راحة أكبر في القيادة بنظام دفع ثنائي للعجلات " عبر المحور الأمامي " كخيار واحد فقط .

ويمتاز تصميم " سبورتاج 2012 " بعملانية عالية ، مع خلوص مرتفع عن الأرض ، لتجنب الكثير من العقبات ، كما تتميز " سبورتاج 2012 " بالمساحة الكبيرة المتوفرة خلف صف المقاعد الثاني لتخزين العديد من الأمتعة, كما أن تصميم " سبورتاج 2012 " يتسم بملامح جذابة خاصة عند تزويده بالعجلات قياس 17 بوصة التي تأتي للفئة الثانية والثالثة والمصابيح الـ LED في الأمام التي تأتي مع الفئة الثالثة.

وبالنسبة لتجهيزات الأمان في " سبورتاج 2012 " المرتقبة فإنه قياسيا لفئاتها الثلاثة "Baseline", "EX F/O" و"Highline" يتوافر وسادة هوائية لكل من السائق والراكب الأمامي بجانب نظام " ABS " للكبح وللفئة الثالثة فقط يتوافر برنامج " ESP " للثبات الإلكتروني الذي يشمل عدة أنظمة متميزة, ويأتي هذا مع أماكن لتثبيت مقعد الطفل وإيموبلايزر للمحرك.

أما بالنسبة لتجهيزات الرفاهية في " سبورتاج 2012 " المرتقبة فهناك الزجاج الكهربائي للأمام والخلف ، والمرايا الكهربائية قياسياً ، بجانب خاصية الطي الكهربائي للمرايا ، وغلق الزجاج جهة السائق بلمسة واحدة ، للفئة الثانية والثالثة, وتأتي عجلة القيادة بنظام متعدد الوظائف قياسياً ، بجانب توفير مثبت سرعة للفئة الثانية والثالثة ، ويأتي النظام الصوتي قياسياً مكوناً من راديو ومشغل إسطوانات مدمجة " CD " مع قدرة على قراءة صيغة " MP3 " مع منفذ كهربائي وآخر لتوصيل جهاز الـ" iPod ".

وللفئة الثالثة فقط يأتي نظام البلوتوث للتحدث عن بعد من الهاتف المحمول ، كما أن مقعد السائق نفسه يمكن التحكم في ارتفاعه قياسياً مع تعديل وضعيته كهربائياً ، مع الفئة الثالثة ، التي تضم تجهيزات أعلى ، شأن نظام تشغيل المحرك بدون مفتاح, مرآة صالون ذاتية التعتيم مع كاميرا خلفية ، فضلاً عن الفرش الجلدي للمقاعد وفتحة سقف بانورامية.

* محدث : الأسعار الرسمية ( في مصر ) هي ، سبورتاج LX 1.6 بسعر 173.000 ، سبورتاج EX 1.6L بسعر 186.000

جولة مع سبورتاج

لتحميل صور السيارة والكتالوج شامل مواصفات السيارة من الوكيل فى مصر

الملف مرفوع على اكثر من سيرفر

حجم الملف 5.9

http://www.multiupload.com/WS1RN9YMMV

[عادل أبو عمر]

انا عندي تيريوس 2 GLX من سنة 2008 وممتازه العربيه مافيهاش اي مشاكل وليس لي اي تحفظات عليها بس هات لون فاتح لان الاسود في الصيف بيخزن الحراره

انا كنت فتحت توبيك في منتدى نايل موتورز لو تحب تفاصيل اكتر

http://www.nilemotor...le/40424-a.html

http://www.nilemotor.../24864-glx.html

صراحة يا باشمهندس تيمور إنت أسعدتني سعادة لا توصف بأن تكون اول المشاركين في في هذا الموضوع .. مش عشان النصيحة في التريوس ... عشان النصيحة لله لأخوك المهندس عصام .. و ما يدل على ان هذا المكان هو بالفعل بيتنا قد نختلف فيه في جانب و لكن ييقى الود موصول بفضل الله في باقي جنبات هذا البيت العزيز ..

كل التحية والاحترام أخي الفاضل و التحية أيضا للمهندس عصام و لجميع أفراد بيت العيلة

[raouf]

يا شباب

يا جدعان

السبورتاج اللى هنا فى السعودية 2000 سى سى و2400 سى سى

مفيش 1600

حد يسال اومال ايه ال1600 الى فى مصر دى ؟

اقولك دول جابوا موتور التيدا وحطوه بالعرض وقالك بيع للزباين

وللمعلومة بس طبعا ال1600 الى فى مصر دفع ثنائى ومانيوال كمان مش اوتوماتيك

كلمنى بكره يا عصام لقيت ليك عربية زيرو لقطة لا يمكن تعويضها عليها خصم 30000 ريال فى الوكالة اخر 3 قطع موديل 2011 وفول اوبشن كمان

جلد وفتحة وبلوتوث هاتهيص

[ozoozo]

يا شباب

يا جدعان

السبورتاج اللى هنا فى السعودية 2000 سى سى و2400 سى سى

مفيش 1600

حد يسال اومال ايه ال1600 الى فى مصر دى ؟

اقولك دول جابوا موتور التيدا وحطوه بالعرض وقالك بيع للزباين

وللمعلومة بس طبعا ال1600 الى فى مصر دفع ثنائى ومانيوال كمان مش اوتوماتيك

كلمنى بكره يا عصام لقيت ليك عربية زيرو لقطة لا يمكن تعويضها عليها خصم 30000 ريال فى الوكالة اخر 3 قطع موديل 2011 وفول اوبشن كمان

جلد وفتحة وبلوتوث هاتهيص

معلش الخصم الللي انت كاتبه ده ثلاثون الف ريال ولا ثلاث الاف؟؟؟؟

ممكن تفاصيل اكتر يمكن نشد حته كمان

[الغريب]

معلش أنا داخل أبوظ الموضوع وأشتته شوية

بس عاوز أعرف العربية نيسان جوك 2012 عاملة أيه عندكم في السعودية

السيارة شكلها جميل بصراحة وقريبة من الانفنتي ، وكميتها اتحجزت وأتباعت قبل ما تنزل السوق الكويتي !!

سعرها في مصر تقريبا 200.000 وكانت في الكويت عاملة 5.750 دينار =110.000 جنيه مصري

شوف كدة ، وصلي على النبي

[raouf]

يا شباب

يا جدعان

السبورتاج اللى هنا فى السعودية 2000 سى سى و2400 سى سى

مفيش 1600

حد يسال اومال ايه ال1600 الى فى مصر دى ؟

اقولك دول جابوا موتور التيدا وحطوه بالعرض وقالك بيع للزباين

وللمعلومة بس طبعا ال1600 الى فى مصر دفع ثنائى ومانيوال كمان مش اوتوماتيك

كلمنى بكره يا عصام لقيت ليك عربية زيرو لقطة لا يمكن تعويضها عليها خصم 30000 ريال فى الوكالة اخر 3 قطع موديل 2011 وفول اوبشن كمان

جلد وفتحة وبلوتوث هاتهيص

معلش الخصم الللي انت كاتبه ده ثلاثون الف ريال ولا ثلاث الاف؟؟؟؟

ممكن تفاصيل اكتر يمكن نشد حته كمان

لا يا حبيى هو بعد التصحيح خصم 15000 ريال ومش على كيا طبعا على حاجةا اعلى

على جيب كومباس باقى 3 حبات فى الوكالة وسعرها فول كامل فتحة وجلد 84000 بس

اسمها بيبى جراند شيركى لانك صعب تفرق بينهم من الخارج الا فى الحجم

وانصحك بالغ=عربية بشدة تكسب اى مقارنة مع عربية فى السعر ده

تم تعديل 27 ديسمبر 2011 بواسطة raouf