استشارة عاجلة : هل حد جرب قيادة الجراند تيريوس? وهل لها عيوب?

[عصام أبوالفتح]

كيا سبورتاج 2012

بالمحرك 1.6

( و لونها أحمر عنابي أهو يا هندسة .. زي ما إنت مش عايز بالظبط

)

دى فى مصر بس يا عزيزى للاسف :sad:.. قصدى يا عزيزى عادل

فى السعودية 2000 أو 2400 فقططططططططططططط

[عصام أبوالفتح]

خد دي أحسن بكتير

Peugeot 3008 بيجو 3008

فيه منها 7 مقاعد

1600 سي سي

في السعودية بيعطوا ضمان 5 سنوات أو مليون كيلو متر

انت تقصد 5008 مش كده ؟ هى اللى 7 راكب

دى كان عليها العين من زمان من ايام وكالة اليمنى .. ورحت بعد ما اعلنوا عن العرض الرهيب ده .. لقيتها من غير فتحة وفرشها يغم من جوه اسود فى رمادى.. استغفر الله العظيم .. كان عرض اليمنى ب 95 الف ريال للفل اوبشن .. والحمد لله مدخلتش فيه لانه قفل وكان زمانى بغنى ظلموه .

دلوقتى قللو الاوبشز وحطوها ب 84 الف فئة واحدة بسسسسس.

ال3008 حلوة بس غالية جدا على الاوبشن الموجوده فيها..بتوصل ل 91 الف فتحة وبدون حساسات !!! والحساسات فى فئة تانية اقل ب 87 الف ريال !!!

[raouf]

يا حج عصام

احمد ربك انك ما تدبستش فى البيجو

البيجو 3008 دى بيجو صينى 100% ومخصصة للسوق السينية بمواد ذات تكلفة منخفضة

شفت بقى ربنا بيحبك ازاى

دوس فى حاجة من اللى قلتهم ليك

- فولكس تيجوان لو هاتنزلها مصر

جيب لو هاتستعمل هنا بس

[عصام أبوالفتح]

يا حج عصام

احمد ربك انك ما تدبستش فى البيجو

البيجو 3008 دى بيجو صينى 100% ومخصصة للسوق السينية بمواد ذات تكلفة منخفضة

شفت بقى ربنا بيحبك ازاى

دوس فى حاجة من اللى قلتهم ليك

- فولكس تيجوان لو هاتنزلها مصر

جيب لو هاتستعمل هنا بس

يا هررر رؤوف ... اشطب على تيجوان لانى اتأكدت زى ماقلتلك أنها 2000 سى سى بسسسسسسسسسسس ... الموظف فى الوكالة قالى ( بمكر ) ما بينزل 1600 لكن لو تبغى طلبية خاصة شرفنا ونطلبلك smk:

وابقى لوحدى فى الرياض بمحرك كل حاجة فيه بطلبيه gt:... ده غير سعرها البسيط جدا 99-135 ألف ريال

انتوا هاتجننونى mfb:

الفورشنروالكومباس والسبورتاج لسه باقية فى المنافسة اذا لم يخلقولى جراند تيريوس بيضاء بكره او بعده clwn:

كل الود والتحية وسنوافيكم بالمستجدات

تم تعديل 27 ديسمبر 2011 بواسطة عصام أبوالفتح

[عصام أبوالفتح]

معلش أنا داخل أبوظ الموضوع وأشتته شوية

بس عاوز أعرف العربية نيسان جوك 2012 عاملة أيه عندكم في السعودية

السيارة شكلها جميل بصراحة وقريبة من الانفنتي ، وكميتها اتحجزت وأتباعت قبل ما تنزل السوق الكويتي !!

سعرها في مصر تقريبا 200.000 وكانت في الكويت عاملة 5.750 دينار =110.000 جنيه مصري

شوف كدة ، وصلي على النبي

عليه الصلاة والسلاااااااااام

تعالاااااااالى بقى يا غريب من خلال العربية الوييييرد دى ... عربية بصراحة أوفة :happy: ... هههههههه .. الاذواق صحيح بتختلف بس دى لاسعة تو متش .. لأ وخلصت .. طب الحمد لله انها خلصت ..ههههههههههه

بهزر معاك اوعى تزعل ..

[dongol]

مالها الكورولا انا مش فاهم

عربيه بنت حلال و 1600 سي سي ووقت ما تقول يا بيع هتلاقي الناس واقفة طوابير

لو عايز تنزلها مصر برضه مش هتقول لأ

[raouf]

يا عصام هالخص ليك الامور فى ال3 عربيات اللى محتار بينهم

- فورتشنر طبعا هاتجيب ال6 سلندر 4 انساها واشطبها من دماغك

مميزاتها عربية عملية وعالية وفيها دبل قوى وسعر اعادة بيع جيد

عيوب : لا يوجد ثبات ولا امان وتكسر ضهرك فى السفر وعلى فكرة هى هى التيوتا نص نقل بس مقفولة

الجيب :

برستيج راحة امان ثبات شكل جديد

العيوب سحب ضعيف لانها 2400 بس قطع غيار اصبحت رخيصة بس صعب تلاقيها بره التوكيل

التيريوس اتكلمنا فيها كثير

على فكرة لو عاجباك التيجوان المندوب اللى كلمته مش فاهم حاجة

ال1600 موجود هنا فى الخبر وفى البحرين ارخص تقريبا 7000 ريال

قطع الغيار موجودة لانهم بينزلوا ال1600 من 2008 واعرف اثنين اصحابنا شاريينها

[dongol]

العربية التيجوان من بره شكلها فعلا حلو

بس يا أستاذ رؤوف 1600 مش يبقوا قليلين علي جسم السيارة

يعني دفع العربية و عزمها اظن هيبقي قليل قوي كمان مع التكييف في الحرارة الجامده بتاعة الخليج

[raouf]

العربية التيجوان من بره شكلها فعلا حلو

بس يا أستاذ رؤوف 1600 مش يبقوا قليلين علي جسم السيارة

يعني دفع العربية و عزمها اظن هيبقي قليل قوي كمان مع التكييف في الحرارة الجامده بتاعة الخليج

شوف من ناحية قليل اكيد قليل لما نقارنه بالعربيات الكبيرة اللى هنا

لكن نعمل ايه فى الافترا بتاعة قوانين البلد

كل اللى بنعمله مجرد محاولة ركوب سيار أدمية

طبعا كل السيارات اللى فى مصر اقل من 1600 واقل عربية غير صينية فوق 1600 لا تقل عن 300 الف جنيه

موضوع التكييف كل الاوربى تكييفه معقول لكن لو قارنته بالامريكى او اليابانى تقدر تقول ضايع مقارنة بيهم

انا رايى الشخصى واللى ماشى عليه

اركب هنا اللى عمرك ما هاتركبه فى مصر

الحمد لله منذ ان عملت هنا لم اركب اى عربية 4 سلندر الا مرة لمده 4 شهور وما اقدرتش اكمل بيها

العادى 8 سلندر و6 سلندر فى بعض الايام زى الايام دى هههههه

[dongol]

رأيك برضه يحترم يا استاذ رؤوف بس الواحد بيستخسر يدفع مبلغ كبير في عربية علشان يركبها 3 او اربع سنين و بعدين يبيعها

انت عارف لو الواحد ضامن انه هيقعد مثلا عشر سنين متواصلين في الغربة كان زمانه اشتري عربية كبيرة و اهو اللي هتدفعه فيها هتركب بيه

لكن اروح ادفع 200 الف درهم في عربية علشان اركبها 3 سنين برضه يبقي حرام

[raouf]

رأيك برضه يحترم يا استاذ رؤوف بس الواحد بيستخسر يدفع مبلغ كبير في عربية علشان يركبها 3 او اربع سنين و بعدين يبيعها

انت عارف لو الواحد ضامن انه هيقعد مثلا عشر سنين متواصلين في الغربة كان زمانه اشتري عربية كبيرة و اهو اللي هتدفعه فيها هتركب بيه

لكن اروح ادفع 200 الف درهم في عربية علشان اركبها 3 سنين برضه يبقي حرام

حرام ليه بقى ؟

اللبنانى والا الاردنى اللى مرتبه اقل من مرتباتنا

وبيغير عربيته كل سنة احسن مننا ؟

يا افندم انت احسن من كل اللى راكبينها

وبعدين هم 200 الف هاترميهم وتخسرهم بعد 3-4 سنين لما تيجى تبيعها ؟

هاتبيعها ب150 الف مثلا

يبقى خسرت 50 الف صح ؟

طيب لو جبت كامرى تمنها 90 الف وجيب تبيعها بعد 4 سنين هاتبيعها ب40 الف صح ؟

يعنى خسرت 50 الف برضوا

بس كسبت انك ركبت عربية محترمة واتمتعت ال3-4 سنين وكنت بتسوق فى امان ؟ صح ولا كلامى غلط

اللى باقوله ليك ده عن تجربة شخصية

وحاجة كمان صدقنى ركوبك عربية محترمة كمثال تساعدك جدا فى شغلك واحترام مرؤسيك لك ونظرتهم ليك

واكرر واقول بصوا للبنانيين واتعلموا

اوعى تحرم نفسك من حاجة معاك فلوسها الان لانك مش ضامن يكون معاك فلوسها غدا

[عصام أبوالفتح]

يا روؤف يا حبيبى ... الراجل بشخصيته مش بعربيته

رحت سألت على الكومباس لقيتها من 81 - 86.5 بدون ملاحة ( جلد وفتحة ) ... المفاجأة يا معلم ان الخصم هما 2500 من 89 الف الى 86.5 .. انت بتجيب الارقام بتاعتك دى منين ؟

أه يا دماغى

المهم ان الموضوع بدأ بسؤال عن قيادة الجراند تيوس ( وش لماضة ) وانتهى بمتاهة لها اول وملهاش اخر ... زى كل المواضيع :sad:

[raouf]

يا روؤف يا حبيبى ... الراجل بشخصيته مش بعربيته

رحت سألت على الكومباس لقيتها من 81 - 86.5 بدون ملاحة ( جلد وفتحة ) ... المفاجأة يا معلم ان الخصم هما 2500 من 89 الف الى 86.5 .. انت بتجيب الارقام بتاعتك دى منين ؟

أه يا دماغى

المهم ان الموضوع بدأ بسؤال عن قيادة الجراند تيوس ( وش لماضة ) وانتهى بمتاهة لها اول وملهاش اخر ... زى كل المواضيع :sad:

عصام زى ما اتفقنا اركب عربية او القطر وتعال يوم الخميس بعد بكره

انا هاخلص ليك الفول الكامل بس بدون نافيجيشن باقل من 84000

وان شاء الله توصل 82000

سعر ال2012 نفس الشكل يا عصام 108 الف

[أسد]

يا حج عصام

احمد ربك انك ما تدبستش فى البيجو

البيجو 3008 دى بيجو صينى 100% ومخصصة للسوق السينية بمواد ذات تكلفة منخفضة

شفت بقى ربنا بيحبك ازاى

دوس فى حاجة من اللى قلتهم ليك

- فولكس تيجوان لو هاتنزلها مصر

جيب لو هاتستعمل هنا بس

لا ..

البيجو الموجودة في السعودية عند الحاج حسين علي رضا مش صيني

فرنسي !!!

[raouf]

لا ..

البيجو الموجودة في السعودية عند الحاج حسين علي رضا مش صيني

فرنسي !!!

انت صح يا باشا انا اتاكدت من المعلومة

البيجو الصينى بالكامل اسمها بيجو 408

ال3008 فعلا تم فقط تصميمها فى الصين وبيعها فى الصين فقط لمدة 6 اشهر قبل باقى دول العالم

وحازت على سيارة العام هناك

عذرا على اللبس

[عصام أبوالفتح]

رؤوف .. لو جيت الخبر ولقيت الفرش رمادى فى اسود ..انت حر

انا باتغم من الفرش الغامق

وقبل ما ندوس شوف التقرير ده يبدو ان تقييمها مش مية مية

هى تحفة من بره لكن التقييم مديها ككل 58 من 110

بسم الله الرحمن الرحيـم

السلام عليكم ورحمة الله وبركاته

هذا تقرير بسيط عن سيارة جيب كومباس 2011 .. JEEP COMPASS

نشرت مجموعة كرايسلر أولى الصور والمعلومات الرسمية عن جيلها الجديد من الكروس أوفر المدمجه جيب كومباس 2011

صغيرة جيب الجديدة نالت تصميماً جديداً يشبه تماماً الشقيقة الأكبر جيب جراند شروكي الجديدة

كما نال تحسينات جديدة على صف المحركات ومستوى التجهيزات الداخلية

بما يتماشى مع عائلة جيب الجديدة بوجه خاص وعائلة كرايسلر بصفة عامة

التصميم الخارجى لكومباس 2011 الجديدة فى الحقيقة لم يكن مُجهداً لفريق تصميم جيب

فكل ما فعلوه هو وضع جيب جراند شيروكى الجديدة فى مقياس رسم أصغر قليلاً

مع وضع بعض اللمسات هنا وهناك لتشكيل شخصية مختلفة قليلاً لكومباس الجديدة عن الشقيقة الكبرى

وفى الحقيقة الأمر ليس سيئاً فهى أنيقة حادة الملامح قوية الهيبة برغم حجمها المدمج

داخلياً شكلت كومباس 2011 الجديدة الفلسفة المعمول بها فى جميع طرازات كرايسلر وتوابعها من موديلات جيب ودودج فى الإرتقاء بقيمة السيارة المادية

فلقد تم تحسين مستوى التجميع مع رفع الجودة والسمو بمستوى الخامات المصنع منه مكونات المقصورة

مع تقديم قائمة تجهيزات اكثر رقياً من ذى قبل وكل هذا فى قالب من الأناقة والجمال

ستعتمد كومباس الجديدة على محركين كلاهما رباعى الإسطوانات وكلاهما يعمل على البنزين

المحرك الأول بسعة 2.0 لتر وقادر على توليد قوة حصانية تقدر بـ 158 حصان

مع قدرته على توليد عزم تدويرى يصل إلى 191.6 نيوتن متر تقريباً .. وهو المحرك الأساسي

أما المحرك الأقوى سيكون بسعة 2.4 لتر وسيكون قادراً على توليد قوة حصانية تصل إلى 172 حصان

مع قدرته على توليد عزم دوران يصل إلى 223.5 نيوتن متر تقريباً .. وهو المحرك الإختياري

وتتوفر السيارة بنوعين من ناقل الحركة .. عادي من خمس سرعات .. وأوتو متغير السرعات CVT

الجنوط متوفرة بمقاس 17 إنش كتجهيـز اساسي و 18 إنش كتجهيـز إختياري

والسيارة ذات دفع أمامي مع خيار الدفع الرباعي .. وسيكون مصنع بيلفيدير بولاية إلينوى هو محل ميلاد كومباس 2011 الجديدة .

وهذا التقييـم العام نقلته من أحد المواقع

58/110

التفاصيل بالتقييم :

التسارع

3/10

اقتصاد الوقود

5/10

راحة و جودة القيادة

6/10

التحكم و الثبات و قوة الفرملة

5/10

العزل و الهدوء

5/10

الاتساع الداخلي و الراحة / الامام

6/10

الاتساع الداخلي و الراحة / الخلف

5/10

اتساع صندوق الامتعة

8/10

العيوب

التسارع ضعيف

وهذا ألبوم الصور للسيارة من الداخل والخارج ..

وللمزيـــد من الصور .. قم بزيارة الرابط التالي .. http://www.jeep.com/en/2011/compass/gallery/

طبعا الصور والمعلومات أخذتها من اكثر من موقع

وتقبلوا تحيات أخوكم .. كان معكم من خلف الشاشة شروكـــــ 2001 ـــي

[Mr MAGED]

يا عصام هالخص ليك الامور فى ال3 عربيات اللى محتار بينهم

- فورتشنر طبعا هاتجيب ال6 سلندر 4 انساها واشطبها من دماغك

مميزاتها عربية عملية وعالية وفيها دبل قوى وسعر اعادة بيع جيد

عيوب : لا يوجد ثبات ولا امان وتكسر ضهرك فى السفر وعلى فكرة هى هى التيوتا نص نقل بس مقفولة

الجيب :

برستيج راحة امان ثبات شكل جديد

العيوب سحب ضعيف لانها 2400 بس قطع غيار اصبحت رخيصة بس صعب تلاقيها بره التوكيل

التيريوس اتكلمنا فيها كثير

على فكرة لو عاجباك التيجوان المندوب اللى كلمته مش فاهم حاجة

ال1600 موجود هنا فى الخبر وفى البحرين ارخص تقريبا 7000 ريال

قطع الغيار موجودة لانهم بينزلوا ال1600 من 2008 واعرف اثنين اصحابنا شاريينها

معلهش يا استاذ رؤوف انا هاختلف معاك بخصوص الفورشنر

انا كان معايا بارادو 4*4 اللي ماستعملتوش اطلاقا لمدة سنة ونص تقريبا

بعتها وجبت بعدها فورشنر ... ولاني ماستعملتش ال 4*4 في البارادو شفت اني مالوش لازمة ان اجيب الفورشنر زيها

جبتها فول اوتوامتيك 4 سليندر من غير دفع رباعي

مقارنة بين البارادو والفورشنر انا باقولك مافيش اي فرق في الاداء او في الراحة ... ولما تيجي تقارن السعر طبعا الفرق تقريبا الضعف

الفروشنر أوسع من جوة واعرض .. يعني معدل الثبات بتاعها اعلي .. واستهلاكها في البنزين أكثر من رائع

لما جيت اسافر دبي مكنتش ناوي اخدها معايا .. وفعلا جيت قعدت شهرين بدون سيارة .. لكن لما دورت وشفت لقيت اني ارجع اجيبها من السعودية افضل خاصة انها لسة جديدة

وسافرت بيها من جدة لدبي ... طبعا المسافة تقريبا 2200 كم .. ودي كانت اطول مسافة اجرب فيها الفورشنر .. وطول الطريق الحمد لله محستش ان فيه اي مشكلة في الثبات ولا في الراحة

طبعا مقارنة بالجيب ... الجيب ممكن يكون اشيك واريح شوية .. بس ممكن نبص علي سعر اعادة البيع !!

الجيب تقريبا هتخسر نص تمنها .. في حين ان الفورشنر هتنزل بضعة الاف مش اكتر .. ده غير الصيانة وقطع الغيار طبعا

[raouf]

عصام حبيبى

التقييم اللى انت حطه تقييم نظرى قديم قبل طرح السيارة ومنقول من مجلة غير متخصصة وقاريه من زمان

المهم حتى لو افترضت جدلا ان تقييمهم صح واخدت 58 يبقى المرسيدس اس 500 هاتاخد 75 بس مثلا

السيارة ممتازة وعايز تشوف تقييمها صح شوف المواقع الاجنبية مش العربية

زى ماقلت ليك العيب الوحيد هو ضعف التسارع لان الموتور 2400 بس

والضعف ده مش عام ولكنه ضعف متوقع مقارنة مثلا مع الجراند شيروكى الاكبر

صدقنى افضل سيارة فى فئتها بهذا السعر

[raouf]

معلهش يا استاذ رؤوف انا هاختلف معاك بخصوص الفورشنر

انا كان معايا بارادو 4*4 اللي ماستعملتوش اطلاقا لمدة سنة ونص تقريبا

ماجد حبيبى عدم استعمالك للدبل شىء تانى بس الافضل وجود الدبل حتى لا تحس انك راكب عربية منقوصة واكيد افضل عند البيع

موضوع الدبل ليه ايجابيات كثيرة وليه سلبيات برضوا انت بتحسب الايجابيات والسلبيات وتختار

بعتها وجبت بعدها فورشنر ... ولاني ماستعملتش ال 4*4 في البارادو شفت اني مالوش لازمة ان اجيب الفورشنر زيها

جبتها فول اوتوامتيك 4 سليندر من غير دفع رباعي

ربنا يبارك ليك فيها بس غلطان وهاتعرف كلامى لما تخرج مع الاهل وتلاقى فى اماكن مش عارف تروحها او تغرز ويبقى شكلك وحش

وبعدين حرام حد يسيب ال6 سلندر ويركب 4 سلندر مع كرهى الشديد للبرادو الشكل القديم

وهاتعرف قيمة الدبل لما تيجى تبيع العربية او تتزنق فى استخدامه

جيب بدون دبل = سيارة منقوصة او سيدان مرتفع فقد كل مزاياه

طبعا اذا اردت ان تشترى جيب بدون دبل يبقى الافضل وبدون منازع تشترى سيدان نظيف

بفلوس فورتشنر بدون دبل اكورد كمثال افضل 1000000000000000 مرة

مقارنة بين البارادو والفورشنر انا باقولك مافيش اي فرق في الاداء او في الراحة ... ولما تيجي تقارن السعر طبعا الفرق تقريبا الضعف

البرادو القديمة اتفق معك سيئة فى بعض النقاط زى العزل والثبات والراحة بسبب ارتفاع المحور

الفروشنر أوسع من جوة واعرض .. يعني معدل الثبات بتاعها اعلي .. واستهلاكها في البنزين أكثر من رائع

لا طبعا اختلف كليا معاك البرادو اوسع بس وجود الكرسى الثالث بيضيق الكنبة

موضوع العرض لا ده خداع بصرى والله اعلم لان خلفية البرادو القديم طاله بميل وليس باستقامة لكن عند القاعدة اعتقد بعدم وجود اختلاف

طبعا اكرر كلامى عن البرادو القديم اما الجديد فتم تلافى الكثير من عيوب الموديلات تحت 2009

لما جيت اسافر دبي مكنتش ناوي اخدها معايا .. وفعلا جيت قعدت شهرين بدون سيارة .. لكن لما دورت وشفت لقيت اني ارجع اجيبها من السعودية افضل خاصة انها لسة جديدة

وسافرت بيها من جدة لدبي ... طبعا المسافة تقريبا 2200 كم .. ودي كانت اطول مسافة اجرب فيها الفورشنر .. وطول الطريق الحمد لله محستش ان فيه اي مشكلة في الثبات ولا في الراحة

يا ماجد باشا معنى كلمة ثبات فى سرعات فوق 160 وتاخد ملفات بيها على سرعات فوق 100

لكن لو اقصى سرعة ليك 120 كمثال لن تحس بفرق فى الثبات بين كورلا ولكزس 600

وجرب تسافر 500 كم بعربية سيدان ان شالله كامرى وشوف الفرق فى الراحة

طبعا مقارنة بالجيب ... الجيب ممكن يكون اشيك واريح شوية .. بس ممكن نبص علي سعر اعادة البيع !!

الجيب تقريبا هتخسر نص تمنها .. في حين ان الفورشنر هتنزل بضعة الاف مش اكتر .. ده غير الصيانة وقطع الغيار طبعا

مش قوى كده

لو حسبت الفرق ممكن تفرق 10 الاف فقط بعد 3-4 سنين

انا اخدت جولة على الستعمل لم اجد اى سيارة للبيع الا بعض موديلات 2007-2008 ولقيتهم ب45-50 الف

سعر الفورتشنر 4 سلندر دفع ثنائى موديل 2008 ب50 وممكن اقل يعنى تقريبا فرق بسيط لا يساوى الامان والبرستيج وجودة الصناعة

حاجة لم تراعيها فى المقارنة

الجيب بها

ABS فرامل مانعة للانزلاق وطبعا غنية عن التعريف

EBD ثبات الكترونى

air bags بها 10 اير باجز جانبية وللراس ولكل الركاب

جير تيرب ترونيك

تحكم كامل من المقود بالتكييف والكاسيت ومثبت السرعة

الجيب صناعة امريكية بالكامل الفورتشنر صناعة تايلندى بالكامل

الجيب فول اوبشن كامل جلد فتحة تخشيب طبعا الفورتشنر اللى فى المقارنة فاضية

بصراحة ارى عدم وجود وجه للشبه ولا المقارنة على الاطلاق

الفورتشنر جيدة للقيادة فى الصحراء والتحميل والتنزيل

والناس اللى بتدور على عربية تستحمل الاسية وخلاص ودى حقيقة اهم ميزة فى تيوتا يديك عربية بدون اى تكنولوجيا ولا تعقيد علشان كده تلاقى تيوتا بتنزل اللاند كروزر شاص اللى هو نفس الشكل من سنة 1978 لحد الان وسعره 140 الف وبيتباع للناس اللى عايشين فى الصحراء

موتور بسعر عالى + بدون اى تكنولوجيا =+ عملاتية = تيوتا

[DoctorHany]

أستاذ عصام

شدنى التوبيك بتاع جراند تيريوس وهاقولك على قصتى مع الجراند تيريوس ومش هاطول عليك

الكلام ده كان من سنة تقريبا وكنت محتار فعلا بين قضيتين وهى انى اجيب أصلا عربيه جديدة وانزلها مصر وطبعا هاتبقى ليها مواصفات خاصة علشان الجمارك بتاعتنا أو انى اشترى مستعمل (زى بقية زمايلى ) بمواصفات قوية بقى و8 سلندر وحاجات جامدة وكده

وكان الاختيار الاول علشان اتفادى خسارة بيع العربيه هنا قبل ما انزل نهائى خصوصا انى مش قاعد فترة طويله هما سنتين بس وكمان علشان اتفادى اى مشاكل ممكن تحصل في المستعمل الكبير واللى هايكلفنى الوقت والمال ده غير الحيرة فى اسعار الشراء

عملت دراسة سريعة عن متطلباتى فى العربية اللى انا عاوزها واللى تكون تتناسب مع شروط الجمارك بتاعتنا وفى نفس الوقت تؤدى الغرض هنا وكانت الشروط عبارة عن انى عاوز عربيه جيب (قدر الامكان) يعنى عاليه ونظام التعليق فيها كويس , وتكون عائلية ومساحتها الداخليه كافية , ويكون استهلاكها فى البنزين مش عالى علشان مصر (طبعا البنزين فى السعودية أرخص من الميه) , وكمان يكون سعرها كويس ومناسب ومش عالى اوى (مش هادفع كل التحويشه فى عربية بتمشى على الارض)

المهم لقيت ان معظم الشروط دى بتنطبق على الجراند تيريوس ده غير حاجات تانية اكتشفتها فيما بعد

اولا العربيه دى دايهاتسو بس هى فى حقيقة الامر "" تويوتا "" ودى حقيقة لان تويوتا اشترت فعلا دايهاتسو من كام سنة ومش بس كده , ده عملت تطويرات وتحسينات كتير على موديلاتها زى بالضبط موديلات التويوتا مع الاحتفاظ باسم دايهاتسو فقط على الموديل

ثانيا العربيه الجراند تيريوس تجميع اندونيسى وده مش عيب تماما طيب ماهى الكامرى تجميع استرالى والجيب الامريكى والمرسيدس كله متجمع فى مصر اصلا وده ماقللش من قيمته ده غير ان اندونيسيا ليها باع فى صناعة السيارات اصلا ونزلوا فى السوق المصرى بالبروتون والجين 2

ثالثا تلاحظ انى ماجبتش سيرة القوة والعزم والكلام ده لان دول فعليا مش بتحتاجهم فى مصر بشكل كبير غير انك تكون مسافر على طريق سفر وفوق ال 120 كم فى الساعه (يعنى سلملى على الرادار)

اتخذت القرار واشتريتها فعلا وساعتها 3 من زمايلى اشتروها معايا فى نفس الوقت لما شافوها واقتنعوا بيها فعلا

من ناحية الشكل شكلها جذاب جدا وملفت للنظر مع الاحتفاظ بالشكل العائلى والكلاسيك للعربيات الجيب الصغيرة و لما ركبتها ومشيت بيها فى شوارع السعودية اللى تتميز بعربيات قويه ودفعها عالى لقيت انها مش فارقه تماما غير انك مش هاتبقى اسرع واحد بعد الاشاره يعنى , ولما جيت سافرت بيها طريق مكة المدينة كانت السرعة من 140 ل 160 عادى جدا والعربيه محملة أكتر من 7 أشخاص لكن السرعة زيها زى اى عربيه , وفى المطالع المرتفعه بتحتاج انك تديها عزم بس وتلاقيها ماشية بسرعه كويسه جدا , علشان كده نقطة العزم والقوة دى بصراحه عمرها مافرقت معايا وبقالها سنة معايا بل بالعكس لما باحب اشد بيها واسبق عادى جدا بتسابق وتسبق كمان لكن الامبير بيرتفع طبعا الى 5 او 6 كمان , واحد صاحبى عنده كامرى 3000 سى سى بيقوللى ان الامبير عندى عالى شويه بالمقارنه بعربيته وده طبعا شىء طبيعى مع ال 1500 سى سى كمان خد بالك ان مش كل السعة زى بعضها فيه تكنولوجيا موتور قوى يستفيد ب 1500 دول اكتر بكتير من موتور تانى مش يابانى مثلا (Effecient system )

تانى حاجه هى عاليه فعلا ومش بالاقى صعوبة انى اطلع بيها الرصيف مثلا من غير ما تتاثر من تحت , وعلى فكره ثباتها على الطريق الحمدلله عالى جدا حتى وانا مسافر وبسرعات عاليه وجربتها على ال160 وكانت ثابته جدا

النقطة المهمة بقى فى الموضوع ان كل الكلام ده مش هتحتاجه فى مصر والشوارع اقصى سرعه فيها 40 والتسارع بطىء جدا حسب العربية ال 128 اللى ماشية قدامك يعنى ماتحطش النقط دى فى الحسبان

العربية بتتميز بحاجه مهمه ان مساحتها من جوه حلوة جدا ومناسبة وكمان عرضها مش كبير علشان يبقى فيه سلاسه فى الحركه فى شوارع مصر الضيقه , وبالنسبه لمكان الكنبة التالته دى ميزه مش عيب واتساعها مناسب جدا كمان ولو عندك شنط كتير تقدر تركب فوق العربية شنطة اضافيه وشكلها حلو كمان مع العربية

فيه نقطة مهمة تانيه وهى ان فيها اتنين تكييف ودى بتهم اللى قاعدين معاك فى العربيه اوى خصوصا فى الاوقات الحر وكمان مرونة طوى الكنب الاوسط والخلفى كل كنبة لوحدها بيديك ميزات اتساع مختلفه تتلائم مع احتياجاتك

العربية عاليه ودى معناه تفادى تاثير المطبات العاليه فى مصر وعن تجربة اى مطب مهما كان ارتفاعه بتاخده فى سلاسه وقوة ومش خايف انه يخبط فى العربية خالص

نيجى بقى لنقطة السعر وهى ان سعرها ده مناسب جدا لعربية يابانى (موديل تويوتا) فول اوبشن وكمان جيب صغير يعنى تعتبر لقطة

بالنسبة للمقارنة بكيا كارينز فانا باعتبرها مقارنه ظالمة لان ماينفعش تقارن فئتين مختلفين ببعضهم يعنى الجراند تيريوس دى عربية فئة جيب (صغير) لكن الكارينز اصلا مش جيب دى عربية سيدان زيها زى ماتريكس مثلا مع بعض الفوارق يعنى لو عايز تقارن هتقارنها بسبورتاج او فوشينر وطبعا الاتنين 2000 سى سى فما فوق

الخلاصة اتوكل على الله وهاتها ومش هاتندم واستفت قلبك ودى نصيحة مجرب وكنت زيك من سنة بالضبط