شهادة ضابط في موضوع الفتاة المسحولة

[مروان]

بداية انا اعرض الموضوع ولا افرضه

ويجب ان نسمع جميع الاصوات

واليكم ما قراته اليوم على المصريون

كتب ـ أحمد على عكة | 25-12-2011 14:16

برأ "ضباط بالقوات المسلحة"، الجيش فى واقعة سحل فتاة وتعريتها خلال أحداث العنف التى شهدها ميدان التحرير مؤخرًا، متهمًا الفتاة بأنها هى التى قامت بتعرية نفسها بنفسها، وأن زميلاً لها قام بتصويرها، وأقسم على صحة روايته استنادًا إلى حد الجنود "الغلابة"، على حد وصفه، قائلا إنها "أول ما وقعت فتحت (كباسين) العباية بيديها وواحد قريب منها بعشرين متر صورها"،

واحتج الضابط خلال مداخلة هاتفية مع مدحت شلبى عبر برنامجه "مساء الأنوار" على قناة "مودرن سبورت" بأن الفتاة لم تبادر بستر جسدها على الفور كما كان يفترض، متسائلا: "واحدة وقعت على الأرض أول حاجة هتعملها إيه؟ هتدارى نفسها صح؟"، فأجابه شلبى موافقا: "آه صح.. هتحط إيديها على جسمها"!!.

واختتم الضابط قائلا: "أقسم بالله هى اللى شدت الكباسين واللى صورها زميلها عن عمد علشان الصورة دى تطلع، حتى العسكرى الغلبان كان بيقول غطيها غطيها لكن هى كانت فاتحة إيديها". وأكد شلبى كلام المتصل قائلاً: "أه فعلا فيه عسكرى قال غطيها غطيها فعلا أنا سمعت ده".

الرابط

http://www.almesryoo...s.aspx?id=92603

تم تعديل 26 ديسمبر 2011 بواسطة estishhad

[عماد حمدي]

بداية أنا ضد إستخدام العنف سواء مع رجالة أو ستات ..

لكن .. و لا مكنش أسيبكم مع الرد دا منقول برده للأمانه ،،

لأسف الشديد الخدعة محترفة وتم تنفيذها بدقة عالية .. فتاة من كوادر حركة 6 إبريل تذهب إلى الصفوف الأمامية لمواجهة الجيش وجنوده ولا ترتدى أى شئ تحت عباءة خفيفة فضفاضة وأزرارها من الأمام ،، بحيث أن مع أى... جذب مهما كان بسيط تنخلع فوراً عنها رداءها الذى لا يستر .. وفى نفس الوقت نجد فرق تصوير محترفة جاهزة لتصوير فتاة 6 إبريل من عدة زوايا مختلفة .. ص...ور وفيديو !!!

ولم يكلف شخص نفسه أن يفكر لماذا تنزل فتاة إلى مظاهرات بعباءة على اللحم وبـ "كباسين" من الأمام ،، والأغرب أنها ترتدى G-string !!!!!!!!!!!!!!!!!

هل توجد أى فتاة مصرية محجبة أو منتقبة .. تعلم دينها الصحيح .. وتصون ربها وقرآنها .. تنزل من بيتها بعباءة على اللحم ؟!!!!!!

لم نر هذا لا بين بناتنا ولا نساءنا ولا حدث أمامنا ولا فى عهود آبائنا وأجدادنا ..

وفجأة بقدرة قادر تم اختزال كل مصائب مصر فى صورة لفتاة 6 إبريل وهى تتعرى وتطبق الفخ على الجنود "الغلابة" ،، ورغم أن أحدهم أدرك الخدعة فوراً وقام بتغطيتها ،، إلا أن كل هذا لا يهم .. المهم هو شرف فتاة 6 إبريل التى تعمدت النزول للشارع عارية !!!!!!

وتم التغطية كل الفيديوهات التى تكشف المتمردين متلبسين يقومون بإحراق كل شئ ويهجمون على الجيش بأسلحة وبقنابل ،، من أجل تلك الصورة !!!

ونسى الجميع ماهو سبب الاعتصام ..

ونسى الجميع أن المتمردين يرغبون فى إفساد الانتخابات بأى شكل ..

ونسى الجميع مخططات عمر عفيفى وقادة المتمردين عن اقتحام مجلس الشعب وماسبيرو ..

ونسى الجميع أن هناك مخططاً لتقسيم أراضى مصر ..

ونسى الجميع قنابل المولوتوف التى يتم تصنيعها فى ميدان التحرير ومصورة بالفيديو وبالبث الحى المباشر ،، والمتمردون يلقونها على الجيش والشرطة وعلى المبانى الحيوية ..

ونسى الجميع الأزمة الاقتصادية الطاحنة وإفلاس الشركات وتسريح العاملين ..

وأصبح الأمر الوحيد المهم الآن هو شرف فتاة نزلت من بيتها عارية !!!!!!!!!!!!!!!!!!!!

ورغم أن كل التقارير الطبية أثبتت بما لا يدع مجالاً للشك أن الطالب والشيخ الذين تم اغتيالهم ،، تم اغتيالهم بمسدس من مسافة قريبة جداً ومن أسفل لأعلى .. إلا أننا نجد من هو ما زال هائماً كالدواب ويتهم الجيش بقتلهم !!!!!

ونجد من يضعون صورة الشيخ عماد -رحمة الله عليه- يتهمون الجيش بإغتياله ،، رغم أن زوجته قالت وأعلنت أن من اغتاله هو أحد المتظاهرين !!! ورغم كل هذا لا يصدقون كلامها ولا يصدقون الطب ويصدقون أضغاث أحلامهم الفاسدة !!!!

يالها من مهزلة ..

والله لا أعلم ماهية تركيبة عقول الدواب الذين يسقطون كالنعاج التائهة فى مثل تلك المخططات ،، التى يدركها كل دارس وكل عالم بتاريخ الأمة ..

نطالب المجلس الأعلى للقوات المسلحة المصرية فوراً أن يقوم بالكشف عن رؤوس الأفاعى ،، وأن يقدمهم إلى محاكمات علنية عاجلة .. إن ضاعت مصر بسبب تهاونكم فى كشف الحقائق للعامة، فتتحملون أنتم -ولا أحد غيركم- الوزر ..

اكشفوا فوراً عن حقائق التمويلات الأجنبية وعن قيادات الخلايا الإرهابية المسلحة فى التحرير ،، وصدقوا أنكم وقتما تكشفون الحقائق بالأدلة والمستندات فسيدعمكم ويحارب معكم أكثر من 85 مليون مصرى على اختلاف مشاربهم ومذاهبهم وأديانهم ..

علشان كدة أنا بقول مش أسف إلا لما تضح الحقيقة و نسمع من الفتاه نفسها .. مسمعش من طرف واحد و أحكم ، زي ما عملنا كدة مع سيدة الحواوشي بتاعت مجلس الوزراء .. نعرف الأول الحقيقة من الطرفين و بالرغم ان فيه حد دلوقتي يطلع يقولي دي لو كافرة دي لو مش عارف أية .. يا سيدي الفاضل أنا معاك لكن أنا ضد التمثيليات و اللعب علي وتر الشرف و العرض ... هذا ظني و ما يدور في قلبي من شكوك في الموضوع دا بالذات ..

تم تعديل 26 ديسمبر 2011 بواسطة omda2006

[احمد رضوان]

بص يا سيدي لإن الموضوع ده اتناقش بشكل كبير ... انت شوفت الفيديو كامل الأول؟

الأحداث كالتالي

أولا الثانية 15 من الكليب : الفتاة تجرى وزملائها يسحبوها ولكنها تتعثر في العباية وتسقط أرضاً

ثانيا الثانية 20 من الكليب : يبدأ ضرب البنت بالأقدام والعصي فك كل الجسم

ثالثا الثانية 23 من الكليب : يبدأ الجندي بالكوتشي ضرب البنت بالقدم في راسها وصدرها وجانبها وخلف الراس ينتهى في الثانية 28 وتكون البنت فاقدة الوعي بعد ضرب مؤخرة الرأس ويتضح من انعدام مقاومتها تماما برغم الضرب في الرأس ... للمشككين الرجوع لرأى متخصص ماذا يحدث عند رطم خلف الرأس بقوة .... لأن من الواضح فيه ناس ما بتفهمش في الطب هنا

رابعا الثانية 31 وحتى 36 : صاحب الكوتشي يضربها بالقدم في صدرها وفي الثانية 33 ضربة قدمه تفتح ما تبقى من كباسين العباية والبنت غير واعية ولا تقاوم الضرب تماماً لدرجة عدم مقاومة ولا وجود رد الفعل لضربة موجهة بشدة للقفص الصدري -بعد التعري- والجانب

خامسا الثانية 39 : يقوم جندي منهم بالدفع بيده اليسرى الجندي صاحب الكوتشي ويقوم بمحاولة تغطيتها والبنت فاقدة للوعي تماماً

خامسا الثانية 51 : تقوم عزة الفتاة ذات البلطو الأحمر بمحاولة إسعاف الفتاة بعد تراجع الجنود بعد ضربهم بالحجارة ولكن يندفع الجنود مرة اخرى ويقومون بضربها بكل قسوة بالرغم من عدم اشتراكها من البداية في الأحداث

الإستنتاج 6 جنود ضربوا البنت منهم جندي يرتدي كوتشي كان يضربها بكل غل وكل عنف وفي اماكن قاتلة ... جندي واحد بارك الله فيه هو من حاول الدفاع عنها بما يملكه لم يشارك في ضربها وغطاها وهي فاقدة الوعي

أضافة صغيرة ... البنت كانت لابسه جينز وبدي اسود تحت العباية وفي الثانية 27 الجندي بيشدها من البدي ورفعه على راسها وده اللى خلى الناس تفتكر انها منتقبة ... يعنى لمرضى القلوب البنت كانت لابسه لبس محترم

الكليب هنا لمن أراد ان يشاهد ويحكم بنفسه

http://www.youtube.com/watch?v=1B34UAXUtlA&feature=player_detailpage

تم تعديل 26 ديسمبر 2011 بواسطة احمد رضوان

[عماد حمدي]

بص يا سيدي لإن الموضوع ده اتناقش بشكل كبير ... انت شوفت الفيديو كامل الأول؟

الأحداث كالتالي

أولا الثانية 15 من الكليب : الفتاة تجرى وزملائها يسحبوها ولكنها تتعثر في العباية وتسقط أرضاً

ثانيا الثانية 20 من الكليب : يبدأ ضرب البنت بالأقدام والعصي فك كل الجسم

ثالثا الثانية 23 من الكليب : يبدأ الجندي بالكوتشي ضرب البنت بالقدم في راسها وصدرها وجانبها وخلف الراس ينتهى في الثانية 28 وتكون البنت فاقدة الوعي بعد ضرب مؤخرة الرأس ويتضح من انعدام مقاومتها تماما برغم الضرب في الرأس ... للمشككين الرجوع لرأى متخصص ماذا يحدث عند رطم خلف الرأس بقوة .... لأن من الواضح فيه ناس ما بتفهمش في الطب هنا

رابعا الثانية 31 وحتى 36 : صاحب الكوتشي يضربها بالقدم في صدرها وفي الثانية 33 ضربة قدمه تفتح ما تبقى من كباسين العباية والبنت غير واعية ولا تقاوم الضرب تماماً لدرجة عدم مقاومة ولا وجود رد الفعل لضربة موجهة بشدة للقفص الصدري -بعد التعري- والجانب

خامسا الثانية 39 : يقوم جندي منهم بالدفع بيده اليسرى الجندي صاحب الكوتشي ويقوم بمحاولة تغطيتها والبنت فاقدة للوعي تماماً

خامسا الثانية 51 : تقوم عزة الفتاة ذات البلطو الأحمر بمحاولة إسعاف الفتاة بعد تراجع الجنود بعد ضربهم بالحجارة ولكن يندفع الجنود مرة اخرى ويقومون بضربها بكل قسوة بالرغم من عدم اشتراكها من البداية في الأحداث

الإستنتاج 6 جنود ضربوا البنت منهم جندي يرتدي كوتشي كان يضربها بكل غل وكل عنف وفي اماكن قاتلة ... جندي واحد بارك الله فيه هو من حاول الدفاع عنها بما يملكه لم يشارك في ضربها وغطاها وهي فاقدة الوعي

أضافة صغيرة ... البنت كانت لابسه جينز وبدي اسود تحت العباية وفي الثانية 27 الجندي بيشدها من البدي ورفعه على راسها وده اللى خلى الناس تفتكر انها منتقبة ... يعنى لمرضى القلوب البنت كانت لابسه لبس محترم

الكليب هنا لمن أراد ان يشاهد ويحكم بنفسه

http://www.youtube.com/watch?v=1B34UAXUtlA&feature=player_detailpage

تحليل مقبول .. نوعاً ما و ربنا هيجيب ليها حقها إن كان فعلاً ظني أو ظن من هم مثل رأي خطأ

و ربنا برده هيخذلها و يخذل من تأمر معها إن كان رأي و ظني صحيح ..

كل اللي بنعرضه هنا آراء لكن بوجه عام فيه قاعده متوافقين عليها

و هي أننا ضد إستخدام العنف مع رجالة أو ستات حتى لو الستات دول إية ..

علشان مش نتشعب و نتهم بعض بإنعدام الرجولة و النخوه و الشهامة .. الخ

تحيــاتي ،،

[ViralMind]

احنا هنفضل نضحك على بعض لغاية امتى؟

طيب هى اللى فتحت العباية... فضلوا يضربوها و يسحلوها ليه؟

الفرقة اللى نازلة دى كانت نازلة علشان هدف معين و الكلام ده اتقال صراحة..

ان الكل يعرف ان المجلس مش هيسكت على شتيمته و هيبته.

نيجى بقى نبرر احنا ليه؟ ما هما بذات نفسيتهم اعترفوا عالجريمة.

[باهى الطائر الحزين]

ادعى معرفتى بكاتب المقال

والده على عكه بضم العين

فل صاحب شركه سفريات وتوظيف فى الخليج

مصاص دماء وقط سمين ؟!

وسأترك مساحه لخيالكم

لتفسير الباقى ...

[se_ Elsyed]

كلام معقول جداً من الظابط

هي فعلاً ما سترتش نفسها ليه ومسكت العباية بإيدها ؟

طب ما تيجوا نسأل ممدوح فرج بتاع المصارعة كده ونقول له : لو ضرب الكفر ده فوق دماغك كنت هاتستحمل وتستمر في تنفيذ خطتك وأنت ماسك هدومك ؟

هذا شيء ..

الشيء الأخر .. البنت لو فعلاً من 6 إبريل أو 15 مايو .. إيه خلاص بقى دمها حلال وتتعزق العزق ده كله وهي إيه ؟ وهي بنت واخدين بالكم ؟

[hOuSsAm]

هل توجد أى فتاة مصرية محجبة أو منتقبة .. تعلم دينها الصحيح .. وتصون ربها وقرآنها .. تنزل من بيتها بعباءة على اللحم ؟!!!!!!

لم نر هذا لا بين بناتنا ولا نساءنا ولا حدث أمامنا ولا فى عهود آبائنا وأجدادنا ..

هو الراجل اللى كاتب المقال عايش فى كوكب اخر ولا ايه

يعنى سواء فى مصر او السعودية بتكعبل فى ناس كل يوم لابسة العباية عاللحم

والاحول الجهول اللى كاتب المقال ماشفش البادى الاسود اللى بيتمزق بايد العسكرى

وال....... مش شايف ان زمايلها اتضربوا معاها

ومشفش والخمس جنود نازلين فيها سحل بالعصيان (وقال ايه بيقول متفقة مع واحد من زمايلها انه يضربها)

وياريت لو يضربها بحنية

اخص عليك وعلى كل واحد بيقلب الحقايق

وطبعا كانت الست اللى بالنبيتي متفقة معاهم انها هتعدى من جنبهم وبعدين العساكر يشدوها ويضربوها هى والشاب اللى كان معاها

واكيد احمد حرارة اتفق مع اتنين صحابه يخزقوله عينه عشان يقول ان الشرطة هى اللى ضربته

وكل الشهداء اتفقوا مع قاتليهم انهم هيقتلوهم كدة وكدة عشان يحاكموا مبارك

نطالب المجلس الأعلى للقوات المسلحة المصرية فوراً أن يقوم بالكشف عن رؤوس الأفاعى ،، وأن يقدمهم إلى محاكمات علنية عاجلة .. إن ضاعت مصر بسبب تهاونكم فى كشف الحقائق للعامة، فتتحملون أنتم -ولا أحد غيركم- الوزر ..

اكشفوا فوراً عن حقائق التمويلات الأجنبية وعن قيادات الخلايا الإرهابية المسلحة فى التحرير ،،

ماهو ده اللى بنقوله بقالنا 11 شهر - مين اللى بيدخل تمويلات اجنبية للبلد

مش فيه مخابرات وامن قومى ولا اكياس جوافة بتقبض مرتبات عالفاضى

هما مش شباب 6 ابريل جم من 4 شهور وقدموا بلاغات فى نفسهم عشان يتعمل تحريات عنهم وعن الفلوس اللى بتجيلهم من بره

يعملوا ايه اكتر من كدة عشان يقولوا ان مش بياخدوا تمويلات من حد

زى مقالها عمرو اديب لاما الجيش يجيبلنا الطرف التالت اللى بيغنوا بيه كل يوم لاما يكون الجيش هو الطرف التالت

[se_ Elsyed]

خالد سعيد المتحدث بإسم الدعوة السلفية على برنامج صباحك يا مصر على قناة دريم

يتكلم بإستفاضة عن الدعوة لوقفة تضامنية اليوم مع نساء مصر التي أعتدي عليهم .. ويستنكر من يبتعد عن دينه ويتحدث عن مواصفات ملابس فتاة ما او سيدة ما وغن هذا لا يليق بسلوك أي مسلم .. فإذا كان غير المسلمين أستنكروا ذلك .. فهل يأتي اليوم اللي المسلم يتحول فيه إلى لوم الضحية مهما كانت ملابسها بدلاً من نصرتها ؟

ربنا يبارك في كل واحد يقول كلمة حق

[mezo]

مش عارف انا موضوع قذف المحصنات الى مش هيخلص ده والناس الى عمالة تدافع عن الباطل والبنت لابسة اللحم ومش لابسة على اللحم والكلام الفارغ ده والبنت الى اسمها عزة الى كانت لابسة سويتر احمر الى كانت ماشية فى حالها وشافت البنت وهى بتنضرب ضرب موت وحاولت تتدخلتنقذها لولا العسكرى الكلب الى قالوهم امشو من هنا ومشيت لحد مالعساكر تراجعت فرجعت البنت بكل عفوية تغطيها وتشوف مالها واتارى كان الهجوم التانى للعساكر الى مسكو البنت الى اسمها عزة وعجنوها ضرب وكلنا شفناها وهى نايمة فى المستشفى حصل فيها ايه وكمان موضوع العباية ام كباسين انا عايش هنا فى السعودية ومخدتش بالى ان العبايات هنا فى السعودية معظمها بكباسين وقليل انك تلاقى عباية مقفولة من قدام لان الستات هنا فى السعودية بتلبس اللبس الى نفسهم فيه هنا وفوقيه العباية ام كباسين دى وده الطبيعى هنا والبنت كانت لابسة بدى وجبنز ضيق ومعظم البنات هنا فى السعودية لابسة كدة وفوقيه العباية ام كباسين وانا مخدتش بالى من الموضوع ده الا لما حاولت اجيب لزوجتى عبايات هنا ودوخت علشان الاقى حاجة مقفولة فبدات اخد بالى ان السعوديات كلهم كدة وكمان الى صور البنت فيديو من الكاميرات الى محطوطة فى ميدان التحرير من القنوات الفضائية وبخاصة سى بى سى الى اعلنت عن حرق المجمع العلمى قبلها بيوم والكاميرات اصلا بتاعة قنوات فضائية ومراسلين القنوات بيبقوا جمبها وكاميرات على احدث مستوى مش البنت الى عملت كل ده فى نفسها علشان يصوروها بطلوا بقى قذف البنات بالظلم من غير ماتشوفوا

[hanzalah]

ماهو ده اللى بنقوله بقالنا 11 شهر - مين اللى بيدخل تمويلات اجنبية للبلد

مش فيه مخابرات وامن قومى ولا اكياس جوافة بتقبض مرتبات عالفاضى

هما مش شباب 6 ابريل جم من 4 شهور وقدموا بلاغات فى نفسهم عشان يتعمل تحريات عنهم وعن الفلوس اللى بتجيلهم من بره

يعملوا ايه اكتر من كدة عشان يقولوا ان مش بياخدوا تمويلات من حد

زى مقالها عمرو اديب لاما الجيش يجيبلنا الطرف التالت اللى بيغنوا بيه كل يوم لاما يكون الجيش هو الطرف التالت

لأ يا أخي الكريم

كون فيه رجاله شايفين شغلهم لما المجلس بيكون عاوز وله مزاج

وبيكون فيه اكياس جوافه برضه لما بيكون المجلس عاوز وله مزاج

طب خد عندك

إزاي اسرائيل تضرب سيارات تنقل سلاح بين مصر والسودان

يعني مخابرات اسرائيل عندها علم واحنا ف الفساكونيا

والخبر في جرنال اليوم السابع عدد اليوم

وقالوا كانت عاوزه تروح بالسلاح إلى غزة .. ده عل أساس ان مصر دي كوبري عباس كل الحبيبة بيدوا مواعيد عليه ولا ايه

http://www3.youm7.com/News.asp?NewsID=563327

لاحظ ان ذلك تكرر منذ 8 شهور

http://www3.youm7.com/News.asp?NewsID=563273

اما بخصوص تلقي أموال من الخارج .. فقد تلاتحظ نفس الصفحة بها عنوان فرعي يقول

إخلاء سبيل أعضاء منظمات تلقت تمويلا

لحين ورود تحريات تكميلية

http://www3.youm7.com/News.asp?NewsID=563142

[moamana]

ايه ده برده نفس الموضوع بتاع على اللحم و الكباسين

و كل واحد يحسسنى بتحليل انه جاب التايهة ازاى مغتطش نفسها ديه 6 ابريل لا 8 اغسطس

كانت لابسة كوتشى برباط لا من غير رباط

الفيديو واضح جدا لاى حد بيشوف و اى حد شايف غير كده انا شايفة انه يروح يقعد مع احمد حرارة يتناقشوا فى الموضوع ده يمكن يعرف احمد حرارة يفهمه ربنا يشفيه و يعافيه

و على راى المثل اللى شفته فى مشهد من افلام اليومين دول

الله يرحمك يا رجولة

ابقوا اقروا عليها الفاتحة

[hanzalah]

وبما إننا رجعنا للعباية أم كباسين

ورجعنا للعقل والحكمة الرزانه والكياسه إلى آخر القائمة الطويلة اللذيذة

وطرحنا جانبا الكرامة ومفرداتها في انتظار تحليل الدي ان ايه

يبقى نفكر نفسينا بأن الشمس في كبد السماء تأبلقت

أقصد نفكر نفسينا بأهمية توضيح الواضحات

وياريت ونحن نقرا الفاتحة لرجولة استجابة لدعوة جادة من أخت فاضلة

نقرا مايلي لنزداد حكمة وكياسة وهدوء وتحليل

حفيدة الفرسان التي داستها البيادة

جريدة الشروق

http://shorouknews.com/news/view.aspx?cdate=26122011&id=bc453906-6c2f-4d8a-9873-9cd517514372

تتحدث عزة هلال وهى مستلقية على سرير المستشفى فى فيديو على موقع يوتيوب يحمل اسم «عزة هلال تم ضربها وسحلها فى أحداث مجلس الوزراء».

عزة أصيبت يوم السبت 17 ديسمبر الحالى، فى اعتداءات الجيش على متظاهرى مجلس الوزراء.

ظهرت عزة وهى ترتدى جاكت أحمر فى الفيديو الشهير لسحل الفتاة على أيدى عساكر الجيش وهى تسير على جانب الطريق بجوار ومعها شاب يدعى إيهاب حنا.

فى لحظة وقفت عزة مفزوعة من مشهد سحل الفتاة وضربها بقسوة من جنود الجيش حتى تعرى جسدها، لكن إيهاب حاول أن يجذبها ليمروا بسرعة من المكان قبل أن يضربه جندى على ظهره بالعصا ليسرع الخطى.

عندما أشار أحد الجنود للمتظاهرين بأن يتقدموا ويأخذوا الفتاة كانت عزة أول من وصل إليها ومعها إيهاب. فور أن انحنت عزة لتطمئن على الفتاة وتغطى جسدها، أطلق أحد ضباط الجيش الرصاص فى اتجاهها من مسدس يظهر بوضوح فى الفيديو، وخلفه عشرات من العساكر يهرولون.

نصيب إيهاب حنا الذى حاول إنقاذ الفتاة كان الركل بالبيادات، ورصاصة دخلت من ركبته وخرجت من خلف الساق. أما عزة فكان نصيبها الركل بالبيادات والعصى، لم يختلف فى قسوته عن الفتاة التى حاولت إنقاذها.

كانت عزة مركز اهتمام إعلامى كبيرا بعد التقرير الصادم عن إصاباتها الذى أذاعته قناة سى إن إن. لكن الفيديو الذى انتشر على موقع «يوتيوب» الأسبوع الماضى يكشف حقائق جديدة عن شخصية عزة، منها أن الكثير من أقاربها هم ضباط جيش سابقون وأبطال حرب أكتوبر.

يظهر فى الفيديو عميد أركان حرب متقاعد أحمد سليمان أمام سرير عزة، قال بحزن إنه تلقى اتصالا هاتفيا من شاب يدعى إيهاب زميل عزة من الميدان، أبلغه بأن عزة ترقد فى المستشفى الميدانى وأنها مصابة. وقال إنه يعرف إيهاب وزارة فى مستشفى قصر العينى.

وأضاف نحن ننتمى لأسرة ريفية عسكرية الأب هلال سليمان ضابط سابق بالجيش، والعم قائد لواء مشاه ميكانيكى فى حرب أكتوبر، والعم الثانى اللواء مجدى سليمان قائد لواء دفاع جوى فى حرب أكتوبر. والأسرة تعتز بمهنة «الفرسان»، وهى تشبيه لضابط الجيش الذى يدافع المصريين عن وطنه ومعرض أنه يفقد روحه، لكنه استنكر «استنزاف دماء بهذا الشكل، أنا مكنتش عايز أصدق اللى حصل

--------------------------------

الافاضل المتشحون بثوب الحكمة والكياسه

مارأيكم في عزه هلال

أجندة برضه

الافاضل المتسربلون بالاسلامية الميكافيلية

ما رأيكم في حنا إيهاب

عميل مش كده

الافاضل الذين لم يحسموا أمرهم بعد

رأيكم لايهمني

شكراً

[عماد حمدي]

ايه ده برده نفس الموضوع بتاع على اللحم و الكباسين

و كل واحد يحسسنى بتحليل انه جاب التايهة ازاى مغتطش نفسها ديه 6 ابريل لا 8 اغسطس

كانت لابسة كوتشى برباط لا من غير رباط

الفيديو واضح جدا لاى حد بيشوف و اى حد شايف غير كده انا شايفة انه يروح يقعد مع احمد حرارة يتناقشوا فى الموضوع ده يمكن يعرف احمد حرارة يفهمه ربنا يشفيه و يعافيه

و على راى المثل اللى شفته فى مشهد من افلام اليومين دول

الله يرحمك يا رجولة

ابقوا اقروا عليها الفاتحة

ياعني حضرتك مينفعش نكون محترمين أكتر من كدة ياعني !

حضرتك واحد مُختلف معاكي تقولي ليه الله يرحمك يا رجولة و نقرا عليها الفاتحة

عيب ياعني كدة ميصحش .. المفروض تتقبلي الرأي الأخر و كل واحد ليه وجهة نظر و راي لازم يُحترم

زي ما أنا برده مُتقبل راي حضرتك بالرغم من أنه مُخالف لرأي

و مش إتهمتك بالخيانه و لا المرامرة و لا لا لا ..

ياريت ناخد بالنا من الكلام بعد كدة ،،

تحيـــاتي ،،

[عماد حمدي]

بس انا نفسي كل اللي محموق اوي كدة

و مُقتنع أن دي مش تمثيلية ينزل زي الراجل كدا و يجيب حقها

بدل مهو قاعد ع الكنبة و شادد الكيبورد و عمال يوعظنا و يقول الله يرحمك يا رجولة و ما شابهه

و لا هيا الرجولة دلوقتي بتتقاس بكلمتين من علي الكيبورد !؟

[Salwa]

´طبعا المفروض والمطلوب منى اقول رأيى فى ...

موضوع العباية ام كباسين..

بما ان المشكلة كلها تم تلخيصها فى ....كباسين العباية اللى اتفتحت.

لكن؟؟

كلمة حق امام الله .

ف حياتى كلها وف اشرس الأفلام اللى شفتها ....مشوفتش (((( راااااااااجل )))) بيرفع جسمه كله ...وينزل بكل قوته((( اللى ان شاء الله ربنا حايحرمه منها ))..

على صدر بنت..

على صدر بنت؟؟؟

ايه الغل ده؟؟

دى لو كانت قتلت كل اهله مكانش عمل كدة ..

يعنى وحشية وجنون وعدم انسانية ..

وكفايااااااااااا كدة..

ملعونة هذه التعليمات .....ملعون من اصدر الأمر .

ملعون شرف الجندية ان كان...الضرب والسحل .

مش كفاية يتحاسب...هو واللى معاه.

ومش كفاية حتى ....يتشنق .

كل ده مش كفاية ..

ده لازم ينام على ظهره ف ميدان التحرير........وأى ثورى قوى ...قوى يعنى قوى .

يلبس البيادة ويدوس على قلبه.

وشوف ساعتها .......حايعمل ايه؟؟

ياترى حايحاول يستر نفسه بعد ما......يغمى عليه؟؟

وسلام.

[Alshiekh]

أرض النفـــــاق

حكاية الشنكـــل

يارب حكاية العباية أم كباسين تنتهي قبل 18 سنة

http://www.youtube.com/watch?v=ljo4f059srI

[Alshiekh]

خالد سعيد المتحدث بإسم الدعوة السلفية على برنامج صباحك يا مصر على قناة دريم

يتكلم بإستفاضة عن الدعوة لوقفة تضامنية اليوم مع نساء مصر التي أعتدي عليهم .. ويستنكر من يبتعد عن دينه ويتحدث عن مواصفات ملابس فتاة ما او سيدة ما وغن هذا لا يليق بسلوك أي مسلم .. فإذا كان غير المسلمين أستنكروا ذلك .. فهل يأتي اليوم اللي المسلم يتحول فيه إلى لوم الضحية مهما كانت ملابسها بدلاً من نصرتها ؟

ربنا يبارك في كل واحد يقول كلمة حق

الدعوة السلفية على لسان قناتها ( الناس ) وعلى لسان شيخ القناة وضيوفه ذوي اللحى السوداء الكثيفة كانوا يتندرون على الفتاة ويهزءون ويتهكمون من البرادعي الذي انتقد ماحدث لها

اتمنى الا تكون الدعوة لوقفة تضامنية مجرد محاولة لتحسين صورتهم بعد أن خذلوا الفتاة والثوار والا تكون محاولة جديدة للقفز على الاكتاف كما فعلوا مع الثورة من قبل.

[hanzalah]

كل ده مش كفاية ..

ده لازم ينام على ظهره ف ميدان التحرير........وأى ثورى قوى ...قوى يعنى قوى .

يلبس البيادة ويدوس على قلبه.

وشوف ساعتها .......حايعمل ايه؟؟

ياترى حايحاول يستر نفسه بعد ما......يغمى عليه؟؟

المشكلة يامدام سلوى أصبحت ليس فقط تبرير الهمجية المفرطة

لكن استخدام شعار الحكمة والحداقة ثم التدين .. يعني أولا تفويت الفرصة التي اخترعتها البنت الشيطانة ثم لعنها تحت مسمى الدين

فإذا قام من يذكر بأهمية التمسك بالمبدأ والقيمة والكرامة

أصبحنا مطالبين ونحن في الميدان من اليوم الاول - ان نعطي البعيدين عن الميدان أو الوطن شهادة حسن سير وسلوك أولاً قبل الدفاع عن المبدأ

وكأنه مطلوب يونيفورم معين لمن يدافع عن مبدأ وإلا سيكون وقتها قلة مندسة

يعني كرامة المصري لايدافع عنها إلا فصيل معين .. ثم ننظر هل نزل الميدان أم لا

طب بالكشف على المذكور أدناه طلع من الموجودين في الميدان والحمد لله طاله الطوب والغاز وخلافه

نعمل إيه بقى دلوقتي

هل ساعتها فقط يكون كلام مهضوم وحنين ع القلب والمعده أم ماذا

طب أنا مصري وأبويا مصري

ينفع أدافع عن كرامة المكسيكي

معقوله

ده احنا كده مش عاوزين نترحم على الرجوله .. بل يبدو أن الرجوله والمنطق راحوا ف حادثة موتوسيكل سوا

:unsure:

[لونا]

بجد كفااااية

كفاية!!!!

تم تعديل 26 ديسمبر 2011 بواسطة لونا