كل ما يخص السيارات للمغتربين

[raouf]

الموضوع ده قررت افتحه بعد موضوع عصام بتاع السيارة التيريوس

انا بصفتى احم احم خبير سيارات قديم ومن ابطال سباقات السيارات القدام

الحمد لله من ابطال الاوتو كروس ايحجبت القدام

ومغير لحد الان 17 عربية فى 7 سنين فى السعودية محدش يحسد

الحمد لله من اول الدايو للبورش

وهى هواية ومستمرة ولله الحمد

المهم اى استفسار او سؤال عن اى عربية انا موجود

الاسئلة من نوع الاستخدام او الاسعار او المميزات او العيوب او حتى الميكانيكا او الجمارك اتشرف بخدمتك

قيمة الاجابة 15 ريال بس وللاصدقاء اللى فى لستة الاصدقاء 10 ريال

اول موضوع هايكون فى كيفية وطريقة احتساب الجمارك وده ان شاء الله هاكتبه

يوم الجمعة الجاى وهاحط ليكم جدول لذيذ وظريف ازاى تحسب جمارك عربيتك

تم تعديل 26 ديسمبر 2011 بواسطة raouf

[AbkaReno]

اديني انطباعك بسرعه كده على الاروبي وخاصة الرينو

[ahmos1]

طيب رؤوف باشا لو عايز اشترى لابنى فى الجامعه فى مصر هو فى سنه تانيه اشتري له ايه

و لو عايز اشترى عربيه ليا لو رجعت مصر اشترى ايه

كمان اخبار الدهب ايه

[raouf]

اديني انطباعك بسرعه كده على الاروبي وخاصة الرينو

شوف يا سيدى الرينو عربية كويسة وناعمة

بدات تنتشر هنا فى السعودية ووكيلها عامل شغل جامد هنا فى الخبر حتى انها دخلت اسطول تاكسى ارامكو

وده ساعد على انتشارها

طبعا احنا كلامنا على الفلوانس

الفلوانس اللى هنا احسن من اللى فى مصر فى حاجتين اولا الفتيس اللى هنا متطور 6 سرعات اللى فى مصر 4

اللى فى مصر تركى اللى هنا كورى ودى المشكلة

لانك لو جبتها ونزلتها مصر مش هاتاخد الخصم اللى على السيارات الاوربى وبالتالى سعرها فى مصر هايكون ارخص من سعرك اللى هاتشتريها بيه

لو تقصد فئات تانية من الرينو قولى

زى سافران مثلا

تم تعديل 26 ديسمبر 2011 بواسطة raouf

[raouf]

طيب رؤوف باشا لو عايز اشترى لابنى فى الجامعه فى مصر هو فى سنه تانيه اشتري له ايه

و لو عايز اشترى عربيه ليا لو رجعت مصر اشترى ايه

كمان اخبار الدهب ايه

قول لى رنج العربيات اللى عايز سيارى ابنك وسيارتك فى رنج كام وهاقول لك افضل الخيارات

الذهب زى ما توقعنا فى تارجح بس اقرب الى النزول

[ahmos1]

طيب رؤوف باشا لو عايز اشترى لابنى فى الجامعه فى مصر هو فى سنه تانيه اشتري له ايه

و لو عايز اشترى عربيه ليا لو رجعت مصر اشترى ايه

كمان اخبار الدهب ايه

قول لى رنج العربيات اللى عايز سيارى ابنك وسيارتك فى رنج كام وهاقول لك افضل الخيارات

الذهب زى ما توقعنا فى تارجح بس اقرب الى النزول

اولا اشكر لك الرد

بالنسبه لابنى مابين 80 و 90 الف جنيه

بالنسبه لى من 160 الى 180 الف جنيه

[raouf]

طيب رؤوف باشا لو عايز اشترى لابنى فى الجامعه فى مصر هو فى سنه تانيه اشتري له ايه

و لو عايز اشترى عربيه ليا لو رجعت مصر اشترى ايه

كمان اخبار الدهب ايه

قول لى رنج العربيات اللى عايز سيارى ابنك وسيارتك فى رنج كام وهاقول لك افضل الخيارات

الذهب زى ما توقعنا فى تارجح بس اقرب الى النزول

اولا اشكر لك الرد

بالنسبه لابنى مابين 80 و 90 الف جنيه

بالنسبه لى من 160 الى 180 الف جنيه

طيب كلامنا هايكون على العربيات الزيرو

بالنسبة لابن حضرتك فيه عربيتين ينفعوا جا ليه

- بروتون بيرسونا ميزتها عربية ثابتة جدا جدا وسريعة وشبابية

وسعرها للاتوماتيك فول كامل 92000

او نيسان صنى ودى بتبدأ من 87000 لحد 101000 لفول وبشن

بس الشبابى البيرسونا او الجين 2

من 160-180 فيه عربيات كثير فى الفئة دى بس للاسف حرام يدفع فهم المبلغ ده لانهم عربيات صغيرة برضوا يعنى تيوتا كرولا فول اوبشن

فولكس جيتا

سكودا فانتازيا ودى افضلهم

بس عندى حل حلو جدا ليك لو هاتكمل بره مصر 3 سنين كمان وهو لقطة هايحقق حلم ليك

مرسيدس هنا منزلة عربية تحفة اللى هيا 180 سى بموتور 1600 بس وكمبريسور( زى التربو كده ) حاجة وهم

طبعا فخامة وقوة وكل اللى تتمناه

العربية انا جربتها وحجزت فعلا واحدة من الوكالة طلبية خاصة باسمى من المصنع بس للاسف اتاخروا واضطريت اسحب المقدم تانى

العربية سعرها الاساسى 146000 ريال وبع دبعض الاضافات الخاصة وصلت معايا 164000

بعد 3 سنين تنزلها مصر وهاتدفع 40000 جنيه فقط واكرر جنيه مش ريال تصور

يعنى تركب مرسيدس على الزيرو وطلبية خاصة من المصنع وباجمالى 250 الف جنيه

بصراحة انصح بيها لكل مغترب بعد سنين الغربة الطويلة يمتع نفسه بيها فخامة شياكة برستيج امان وسعر مش بيخسر فى مصر ابدا

وتحت امرك لو احتجت استفسار تانى

[مهندس عمرو]

طيب رؤوف باشا لو عايز اشترى لابنى فى الجامعه فى مصر هو فى سنه تانيه اشتري له ايه

و لو عايز اشترى عربيه ليا لو رجعت مصر اشترى ايه

كمان اخبار الدهب ايه

قول لى رنج العربيات اللى عايز سيارى ابنك وسيارتك فى رنج كام وهاقول لك افضل الخيارات

الذهب زى ما توقعنا فى تارجح بس اقرب الى النزول

اولا اشكر لك الرد

بالنسبه لابنى مابين 80 و 90 الف جنيه

بالنسبه لى من 160 الى 180 الف جنيه

طيب كلامنا هايكون على العربيات الزيرو

بالنسبة لابن حضرتك فيه عربيتين ينفعوا جا ليه

- بروتون بيرسونا ميزتها عربية ثابتة جدا جدا وسريعة وشبابية

وسعرها للاتوماتيك فول كامل 92000

او نيسان صنى ودى بتبدأ من 87000 لحد 101000 لفول وبشن

بس الشبابى البيرسونا او الجين 2

من 160-180 فيه عربيات كثير فى الفئة دى بس للاسف حرام يدفع فهم المبلغ ده لانهم عربيات صغيرة برضوا يعنى تيوتا كرولا فول اوبشن

فولكس جيتا

سكودا فانتازيا ودى افضلهم

بس عندى حل حلو جدا ليك لو هاتكمل بره مصر 3 سنين كمان وهو لقطة هايحقق حلم ليك

مرسيدس هنا منزلة عربية تحفة اللى هيا 180 سى بموتور 1600 بس وكمبريسور( زى التربو كده ) حاجة وهم

طبعا فخامة وقوة وكل اللى تتمناه

العربية انا جربتها وحجزت فعلا واحدة من الوكالة طلبية خاصة باسمى من المصنع بس للاسف اتاخروا واضطريت اسحب المقدم تانى

العربية سعرها الاساسى 146000 ريال وبع دبعض الاضافات الخاصة وصلت معايا 164000

بعد 3 سنين تنزلها مصر وهاتدفع 40000 جنيه فقط واكرر جنيه مش ريال تصور

يعنى تركب مرسيدس على الزيرو وطلبية خاصة من المصنع وباجمالى 250 الف جنيه

بصراحة انصح بيها لكل مغترب بعد سنين الغربة الطويلة يمتع نفسه بيها فخامة شياكة برستيج امان وسعر مش بيخسر فى مصر ابدا

وتحت امرك لو احتجت استفسار تانى

250 الف جنيه بس !!!! يابلااااااااااااااش لا مش ممكن دي بنجيب بيها ملبس وبونبوني لبنتي الصغيرة !!!! حد يقولو حاجه بقى يا جدعان بلاش انا ............

[raouf]

250 الف جنيه بس !!!! يابلااااااااااااااش لا مش ممكن دي بنجيب بيها ملبس وبونبوني لبنتي الصغيرة !!!! حد يقولو حاجه بقى يا جدعان بلاش انا ............

الفاضل المهندس عمرو

حضرتك دافع حاجة من جيبك ؟

الاستاذ احمس راجل كبير وعند ابن فى الجامعة يعنى ان شاء الله قادر يشترى افضل منها

وبصراحة بعد الغربة الطويلة اذا لم اعش فى افضل مكان فى مصر

واذا لم اركب افضل سيارة

واذا لم اعلم اولادى افضل علام فلازمتها ايه الغربة

يبقى اروح اعيش جنب اهلى واللى جاى على قد الرايح وادينا عايشين

المفروض ترد وتقول ماشاء الله ربنا يرزقنا بافضل منها مش تتريق

اذا كنت انت صغيرا ففيه ناس كبيرة

واذا كنت فقيرا ففيه اغنياء

نصيحة اخيرة

دايما خلى عندك طموح وامل وتمنى الافضل واعمل لاجله

انت مهندس صح ؟

مطلوب منك ايه اكثر من كده علشان تكون من افضل الناس واغناهم ؟

اتوقع ينقصك الطموح والامل دمت بود

سؤال بقى ممكن تقولى اللى راكب عربية بمليون جنيه افضل منك بايه ؟ مع العلم ان فلوسه ممكن تكون حلال

[lovelyramy]

طيب بالنسبه لواحد لسه جديد فى السواقه ومعلوماته تقريبا زيرو فى الميكانيكا

وعايز يشترى عربيه تنصحه بايه هنا فى الرياض ؟

الميزانيه فى حدود 15000 كاش و 25000 كاش على تقسيط ؟؟

[raouf]

طيب بالنسبه لواحد لسه جديد فى السواقه ومعلوماته تقريبا زيرو فى الميكانيكا

وعايز يشترى عربيه تنصحه بايه هنا فى الرياض ؟

الميزانيه فى حدود 15000 كاش و 25000 كاش على تقسيط ؟؟

طالما لسه جديد فى السواقة يبقى عايز عربية تستحمل الخبط شوية ومش كبيرة

انصحك مرسيدس مو تحت 98 هتلاقيها فى حدود 8-13000

فوق 98 اللى هيا العيون فى حدود 20000 لكن قطع غيارها اغلى بكثييير

المرسيدس اللى باقولك عليها اللى اسمها فى مصر مرسيدس زلموكة

[عنبو]

عم رؤف حبيبى وصديقى اليى شركتهم كرهتنى فى الشغل وكل لم اروح هناك اطلع بمشكله

المهم ايه رأيك فى التيجو الصينى ب 80 الف تقريبا ؟؟

بس الناس بتقول ان الصينى بد فتره مش بينزله قطع غيار وده فعلا الي حصل مع اصحابى اليى اشتروا الشيرى اول لما نزلت دلوقتى مش لاقين ليا قطع غيار

طيب وايه رأيك فى الاكسنت الجديده انا كنت راكبها الاجازه اليى فاتت وكانت رائعه بجد كنت بمشى على 180 عادى جدا ومكنش يها اى مشاكل ؟

فيه سؤال هسأله لك على الخاص علشان سر

[raouf]

عم رؤف حبيبى وصديقى اليى شركتهم كرهتنى فى الشغل وكل لم اروح هناك اطلع بمشكله

المهم ايه رأيك فى التيجو الصينى ب 80 الف تقريبا ؟؟

بس الناس بتقول ان الصينى بد فتره مش بينزله قطع غيار وده فعلا الي حصل مع اصحابى اليى اشتروا الشيرى اول لما نزلت دلوقتى مش لاقين ليا قطع غيار

طيب وايه رأيك فى الاكسنت الجديده انا كنت راكبها الاجازه اليى فاتت وكانت رائعه بجد كنت بمشى على 180 عادى جدا ومكنش يها اى مشاكل ؟

فيه سؤال هسأله لك على الخاص علشان سر

عنبى باشا مين اللى يقدر يزعلك فى الشركة ؟

هى وصلت للدرجة دى يزعلوا واحد شرقاوى وانا موجود ؟

انت شكلك قلت ليهم انك تعرفنى هههههههههه

انا رديت عليك على الخاص

بالنسبة للتيجو وكل الصينى الان ابعد عن الشر وغني له بس

الاكسنت الجديدة روعة ولسه متدبس انا ووالدى فى عربية 2012 لاختى علشان خلصت الجامعة الشهر اللى فات ما شاء الله جميلة

احنا جبنا ليها الفشة اللى ب105 الف ودى اتوماتيك بور سنتر تكييف وازاز بس من غير ايه بى اس

بس لو عايز رايى الشخصى لو عايزها ليك زود شوية وهات رينو فلوانس او رينو داستر الجيب

او لو مفيش زيادة هات صنى فول اوبشن

[alaashabana]

كان عنجى استفسار والله

بالنسبة اولا لسيارة كيا سيراتوا موديل 2011 فى الامارات لو حبيت بعد كدة انزلها مصر بعد 4 سنين مثلا ادفع جمارك قد اية عليها بالجنية المصرى وبالمناسبة هى مش فل اوبشن يعنى فيها الكماليات رقم 2 وكمان عندى استفسرا فى الميكانيكا ياسلام لو انت تقدر تقولى

السيارة من فترة حسيت ان الدركسيون بقى تقيل شوية وشيكت على زيت الباور لاقيتة تمام وشيكت على الطارات لاقيت فيها حك شوية ومنحوتة شوية من من جوة وكمان انا لما بكسر الدركسيون على اليمين او الشمال على الاخر مش بيرجع بسرعه اويمعنى اصح بيرجع بس بحس انه تقيل شوية ممكن تقولى العيب يكون فى اية خصوصا ان ناس قالتلى ممكن عاوزة ميزان وناس تانية تقولى كهرباء وكلام كتير بسمعه السيارة جديدة وكالة وبقالها سنة تقريبا .. انا عاوز اوديها الوكالة تتصلح بس هيبهدلونى فى السعر فقولت لو حد يعرف العيب واصلحها برة يكون احسن وارخص

شكرا

[raouf]

كان عنجى استفسار والله

بالنسبة اولا لسيارة كيا سيراتوا موديل 2011 فى الامارات لو حبيت بعد كدة انزلها مصر بعد 4 سنين مثلا ادفع جمارك قد اية عليها بالجنية المصرى وبالمناسبة هى مش فل اوبشن يعنى فيها الكماليات رقم 2 وكمان عندى استفسرا فى الميكانيكا ياسلام لو انت تقدر تقولى

السيارة من فترة حسيت ان الدركسيون بقى تقيل شوية وشيكت على زيت الباور لاقيتة تمام وشيكت على الطارات لاقيت فيها حك شوية ومنحوتة شوية من من جوة وكمان انا لما بكسر الدركسيون على اليمين او الشمال على الاخر مش بيرجع بسرعه اويمعنى اصح بيرجع بس بحس انه تقيل شوية ممكن تقولى العيب يكون فى اية خصوصا ان ناس قالتلى ممكن عاوزة ميزان وناس تانية تقولى كهرباء وكلام كتير بسمعه السيارة جديدة وكالة وبقالها سنة تقريبا .. انا عاوز اوديها الوكالة تتصلح بس هيبهدلونى فى السعر فقولت لو حد يعرف العيب واصلحها برة يكون احسن وارخص

شكرا

بعد 3 سنوات تدفع فى حدود 30-35 الف جنيه وهتكون مخسره معاك لان سعر مثيلتها فى مصر ارخص

فالافضل بعد ما تستخدمها بيعها عندك فى الامارات

تقل الدركسيون ليه اسباب كثيرة هاقولك اللى مشهور منهم

اولها ما يسمى دودة الدريكسيون ودى مش بتبوظ بدرى كده لو فيها مشكله يبقى عيب مصنعى ولازم تتغير على الضمان لان سعرها لا يقل عن 6000 درهم ان لم يكن اكثر

من ضمن الاسباب ايضا الكبالن الامامية يكون الشخم نشف فيهم وده بيتقل السيارة عند الدوران وبتسمع صوت الاحتكاك

ممكن تتاكد ان طرمبة زيت الباور شغالة كويس وده عن طريق انك تفتح علبة الزيت وتلف الدركسيون وشوف الزيت مستواه بيعلى ولا ثابت ؟

لو ثابت يبقى الطرمبة لا تعمل بالشكل الصحيح او فيه انسداد فى مواسير الباور

لو بيعلى وبينزل يبقى الطرمبة ودورة زيت الباور سليمة

حاجة كمان انت مركب جنوط كام ؟ لان ممكم تكون بتحك فى الرفرف عندك لما تلف

واتاكد انك مش مزود مستوى زيت الباور زيادة عن العلامة

[ahmos1]

250 الف جنيه بس !!!! يابلااااااااااااااش لا مش ممكن دي بنجيب بيها ملبس وبونبوني لبنتي الصغيرة !!!! حد يقولو حاجه بقى يا جدعان بلاش انا ............

الفاضل المهندس عمرو

حضرتك دافع حاجة من جيبك ؟

الاستاذ احمس راجل كبير وعند ابن فى الجامعة يعنى ان شاء الله قادر يشترى افضل منها

وبصراحة بعد الغربة الطويلة اذا لم اعش فى افضل مكان فى مصر

واذا لم اركب افضل سيارة

واذا لم اعلم اولادى افضل علام فلازمتها ايه الغربة

يبقى اروح اعيش جنب اهلى واللى جاى على قد الرايح وادينا عايشين

المفروض ترد وتقول ماشاء الله ربنا يرزقنا بافضل منها مش تتريق

اذا كنت انت صغيرا ففيه ناس كبيرة

واذا كنت فقيرا ففيه اغنياء

نصيحة اخيرة

دايما خلى عندك طموح وامل وتمنى الافضل واعمل لاجله

انت مهندس صح ؟

مطلوب منك ايه اكثر من كده علشان تكون من افضل الناس واغناهم ؟

اتوقع ينقصك الطموح والامل دمت بود

سؤال بقى ممكن تقولى اللى راكب عربية بمليون جنيه افضل منك بايه ؟ مع العلم ان فلوسه ممكن تكون حلال

حبيبى ربنا يخليك و اشكرك على النصيحه الغاليه

[raouf]

]

حبيبى ربنا يخليك و اشكرك على النصيحه الغاليه

تحت امر حضرتك فى اى وقت

طبعا انا مش تاجر ولا ليا اى علاقة بالبيع ولا الشرا انا راجل مهندس مدير مشاريع بس العربيات عندى هواية

ولو حضرتك محتاج اى سؤال تانى بصفة شخصية ارسل لى على الخاص وقولى الميزانية الموجودة لطلبك وربنا يوفقنى وانصحك بالصالح

[egyptawy]

]

حبيبى ربنا يخليك و اشكرك على النصيحه الغاليه

تحت امر حضرتك فى اى وقت

طبعا انا مش تاجر ولا ليا اى علاقة بالبيع ولا الشرا انا راجل مهندس مدير مشاريع بس العربيات عندى هواية

ولو حضرتك محتاج اى سؤال تانى بصفة شخصية ارسل لى على الخاص وقولى الميزانية الموجودة لطلبك وربنا يوفقنى وانصحك بالصالح

معلش انا ما ليش علاقة بالموضوع بس حبي اشكرك يارؤف انت انسان محترم لا تتوانى عن مساعدة الاخرين وتقديم يد العون لاى شخص

ربنا يوفقك زجزاك الله خير

[ahmos1]

]

حبيبى ربنا يخليك و اشكرك على النصيحه الغاليه

تحت امر حضرتك فى اى وقت

طبعا انا مش تاجر ولا ليا اى علاقة بالبيع ولا الشرا انا راجل مهندس مدير مشاريع بس العربيات عندى هواية

ولو حضرتك محتاج اى سؤال تانى بصفة شخصية ارسل لى على الخاص وقولى الميزانية الموجودة لطلبك وربنا يوفقنى وانصحك بالصالح

رؤوف باشا انت راجل محترم و بأدن الله نتقابل فى اقرب زيارة للرياض

عاطف

[حسام الغرباوي]

موضوع ممتاز صراحة في البداية طبعا الف شكر علي الموضوع وانا زيك من هوايتي العربيات والتعديل بس كان في مصر الكلام دا هههههههه

قبل ما اسافر السعودية كنت هبيع عربيتي وشتري لانسر 99 واعدل عليها براحتي لانها نضيفة في التعديل :D

المهم يعني انا حاليا لسة جاي السعودية ....كنت عايز اسالك لو الواحد اشترية النترا 2012 الشكل الجديد فول اوبشن اوتوماتيك فتحة سقف وجنوط وكلوووووو

وحب ينزلها مصر بعد 6 سنين جمركها كام