كل ما يخص السيارات للمغتربين

[herohero]

معلش يابشمهندس رؤوف لو مثلا معاك مبلغ 30الف ومخصصه لشراء عربية وانت عازب ومفيش أسرة ومش محتاج تشتري السيارة عشان تنزلها مصر فياترى أفضل شئ ف المستعمل ايه أنا عارف ان ظروف العربية بتحكم لكن ف المجمل يعني الأنسب في الشراء المستعمل وهيكون استخدام عادي يعني داخل المدينة

لان انا بشوف المستعمل ماشي أرقام ف نظري انها كبيرة لكن بالنسبة للسعوديه عادي يعني ان العربية تبقى ماشية 100الف ده شئ عادي فمش عارف راي حضرتك ايه

[ozoozo]

انا عندي تيدا اوتوماتيك موديل 2008 عامله 120 الف كيلو لو حبيت ابعها تعمل كام

لو مفيش رش وحالة السيارة جيدة ممكن 22-24 الف اوزو

لو فيها رشات وبعض التصليحات من 18-22 على حسب السوق وصبرك على البيع

هي فيها شويه حكات من الركنه في الاكصدام وانا اللي راششها بالاسبراي انا كنت بفكر ابيعها واجيب سبورتاج بس لما سألت في المعارض اللي يقولي 10 واللي يقولي 12 بصراحه استخسرت ابيعها-العربيه قليله هنا في ابها- وقولت اخليها معايا سنتين كمان اكون هلكتها شويه وبعدين ابقي ابيعها بالعشره دول تكون كملت معايا خمس سنيين وانا جايبها ب42 الف يعني تقف عليا ب 32 الف يعني اكني ركبت بحوالي 500 ريال في الشهر

[raouf]

معلش يابشمهندس رؤوف لو مثلا معاك مبلغ 30الف ومخصصه لشراء عربية وانت عازب ومفيش أسرة ومش محتاج تشتري السيارة عشان تنزلها مصر فياترى أفضل شئ ف المستعمل ايه أنا عارف ان ظروف العربية بتحكم لكن ف المجمل يعني الأنسب في الشراء المستعمل وهيكون استخدام عادي يعني داخل المدينة

لان انا بشوف المستعمل ماشي أرقام ف نظري انها كبيرة لكن بالنسبة للسعوديه عادي يعني ان العربية تبقى ماشية 100الف ده شئ عادي فمش عارف راي حضرتك ايه

فى الرنج ده على طول عليك وعلى لومينا 2007

عربية شبابية سريعة رائعة قطع غيار متوفرة

لو ليك فى الوف رود وطلعا صحرا وكده ممكن فورد اكسبلورر 2004-2005

[raouf]

انا عندي تيدا اوتوماتيك موديل 2008 عامله 120 الف كيلو لو حبيت ابعها تعمل كام

لو مفيش رش وحالة السيارة جيدة ممكن 22-24 الف اوزو

لو فيها رشات وبعض التصليحات من 18-22 على حسب السوق وصبرك على البيع

هي فيها شويه حكات من الركنه في الاكصدام وانا اللي راششها بالاسبراي انا كنت بفكر ابيعها واجيب سبورتاج بس لما سألت في المعارض اللي يقولي 10 واللي يقولي 12 بصراحه استخسرت ابيعها-العربيه قليله هنا في ابها- وقولت اخليها معايا سنتين كمان اكون هلكتها شويه وبعدين ابقي ابيعها بالعشره دول تكون كملت معايا خمس سنيين وانا جايبها ب42 الف يعني تقف عليا ب 32 الف يعني اكني ركبت بحوالي 500 ريال في الشهر

اصل ابها العربيات الصغيرة دى مالهاش سوق فيها

انت تنزل بالعربية فى ويك اند جده او الرياض

تبيعها ب20 اقل شىء وانت مستريح

وممكن تحطها فى معرض فى جدة هايبيعها ليك فى خلال اسبوع

ابها والجنوب وتبوك مش بيمشى فيهم الا الجيوب الكبيرة فقط علشان طبيعتهم الجبلة اللى عايزة عربيات قوية دفع رباعى

[engmoh]

باشمهندس رؤوف

كنت عاوز اسال عن رايك فى شيفروليه كروز وهل سعر اعاده البيع فى السعوديه كويس

[raouf]

باشمهندس رؤوف

كنت عاوز اسال عن رايك فى شيفروليه كروز وهل سعر اعاده البيع فى السعوديه كويس

لا انصحك بالكروز

السيارات التالية افضل واقوى وافضل قيمة مع العلم ان الكروز دى كورى وهى بديل الاوبترا

- فورد فيوجن

- شيفوليه مايبو

- شيفورليه لومينا

[herohero]

باشمهندس رؤوف كنت بسمع ان اللومينا بتسخن انا مستغرب من الكلام ده فمش عارف ايه رأي حضرتك ف الكلام ده

[engmido]

معلشى ياهندسة ايه رايك فى تويوتا ياريس هنا فى مصر وفى السعودية

واقل ياريس فى مصر تكون حالتها كويسة تعمل كام ؟؟؟

وشكرااا لحضرتك

[raouf]

باشمهندس رؤوف كنت بسمع ان اللومينا بتسخن انا مستغرب من الكلام ده فمش عارف ايه رأي حضرتك ف الكلام ده

اللومينا عربية حلوة بس لو ركبتها من يد شخص مهمل او حالتها سيئة هاتكرهك فى نفسك

لان العربية سريعة قوى فبتغرى الشباب انهم يجروا بيها

وللاسف الشباب مش بيعملوا صيانات للعربية

اوعى تركب لومينا الا ايه وان غير كده ابعد لان ممكن تتعبك

انا امتلك 4 لومينا فى خلال 8 سنوات وكل ما ابيع واحدة احن ليها تانى

بالنسبة لى عربية مالهاش حل

ممكن لانى باجرى وسواقتى سريعة ورياضية

بس اقولك حاجة انا كان عندى بورش قى وقت من الاوقات استمتع باللومينا اكثر منها

تم تعديل 12 يناير 2012 بواسطة raouf

[raouf]

معلشى ياهندسة ايه رايك فى تويوتا ياريس هنا فى مصر وفى السعودية

واقل ياريس فى مصر تكون حالتها كويسة تعمل كام ؟؟؟

وشكرااا لحضرتك

شوف يا هندسة ما انصحكش باليارس خالص علشان الثبات والامان

بسعر اليارس فى مصر تجيب احلى صانى او النترا

فى السعودية لا انصح بها ابدا ابدا

بس لو مصمم ممكن تلاقى ياريس على 70 ,65 ,60 كمان على حسب الحالة

[ozoozo]

معلشى ياهندسة ايه رايك فى تويوتا ياريس هنا فى مصر وفى السعودية

واقل ياريس فى مصر تكون حالتها كويسة تعمل كام ؟؟؟

وشكرااا لحضرتك

شوف يا هندسة ما انصحكش باليارس خالص علشان الثبات والامان

بسعر اليارس فى مصر تجيب احلى صانى او النترا

فى السعودية لا انصح بها ابدا ابدا

بس لو مصمم ممكن تلاقى ياريس على 70 ,65 ,60 كمان على حسب الحالة

في السعوديه التويتات الصغيره زي الكورولا والياريس غاليين علي الفاضي لاعتقاد الناس في رخص سعر قطع الغيار لكن الجديد كله رنج واحد هو اللي يميز الكورولا والتويوتا عموما سعر اعاده البيع

انا اشتريت عربيتي نبسان تيدا 2008 اوتوماتيك زيرو ب42 في حين كانت الكورولا مستعمله موديل سنتين ونفس الاوبشنز ب44

[raouf]

في السعوديه التويتات الصغيره زي الكورولا والياريس غاليين علي الفاضي لاعتقاد الناس في رخص سعر قطع الغيار لكن الجديد كله رنج واحد هو اللي يميز الكورولا والتويوتا عموما سعر اعاده البيع

انا اشتريت عربيتي نبسان تيدا 2008 اوتوماتيك زيرو ب42 في حين كانت الكورولا مستعمله موديل سنتين ونفس الاوبشنز ب44

للاسف هى دى التيوتا بتشترى اسم على الفاضى

عربية لا يميزها عن المنافسين شىء الا الاسم

بتدفع كتير مقابل قليل

[engmoh]

باشمهندس رؤوف

كنت عاوز اسال عن رايك فى شيفروليه كروز وهل سعر اعاده البيع فى السعوديه كويس

لا انصحك بالكروز

السيارات التالية افضل واقوى وافضل قيمة مع العلم ان الكروز دى كورى وهى بديل الاوبترا

- فورد فيوجن

- شيفوليه مايبو

- شيفورليه لومينا

شكرا جدا على ردك مهندس رؤوف

طيب ايه رأيك فى هيونداى توسان بفكر فى عربيه موديل 2009

[اسامة ابو محمد]

باشمهندس رؤوف كنت بسمع ان اللومينا بتسخن انا مستغرب من الكلام ده فمش عارف ايه رأي حضرتك ف الكلام ده

اللومينا عربية حلوة بس لو ركبتها من يد شخص مهمل او حالتها سيئة هاتكرهك فى نفسك

لان العربية سريعة قوى فبتغرى الشباب انهم يجروا بيها

وللاسف الشباب مش بيعملوا صيانات للعربية

اوعى تركب لومينا الا ايه وان غير كده ابعد لان ممكن تتعبك

انا امتلك 4 لومينا فى خلال 8 سنوات وكل ما ابيع واحدة احن ليها تانى

بالنسبة لى عربية مالهاش حل

ممكن لانى باجرى وسواقتى سريعة ورياضية

بس اقولك حاجة انا كان عندى بورش قى وقت من الاوقات استمتع باللومينا اكثر منها

الله ينور عليك انتا كدا جيت للمفيد : بص يا باشمهندس رؤوف الغالي ،، انا طبيب اسنان شاب و بموت في الجري بس جاهل تماما في الميكانيكا و تقييم السيارات و خصوصا المستعملة منها و مقتنع جدا باختيارك ل لومينا و لكن ازاي اقدر اعرف ان حالتها كويسه و مش هتقرفني عند الميكانيكية (و ده اكتر حاجة باكرهها في العربيات) يعني مثلا المعقول بتاع اي عربية انها تمشي كام كبلو في السنة مثلا و كل سنة المفروض سعرها ينزل قد ايه و ازاي اعرف ان صاحبها مهمل و لا كان مهتم بيها و محافظ عليها ولا مطلع عينيها ..و ايه هيا عيوب اللومينا عموما لأني سمعت ان الكابرس بتعطل بسرعة فمش عارف هيا نفس الحكاية و لا ايه.. و هكذا

معلش انا عارف ان السؤال واسع شويه ولكن كرمكم هوا اللي مطمعني

و جزاك الله خيرا .

تم تعديل 13 يناير 2012 بواسطة اسامة ابو محمد

[سقراط المصري]

نفس القصة.......... عاوز اعرف اخبار لومينا

معروض على لومينا 2001 اتوماتيك ب 13 رياال

حالتها مش بطالة....... ماشية 250 الف تقريبا

برجاء سرعة الرد

[raouf]

انا النهاردة مشغول جدا فى ظرف شخصى

اعتذر عن الرد اليوم

بكره صباحا ارد عليكم جميعا

[سقراط المصري]

انا النهاردة مشغول جدا فى ظرف شخصى

اعتذر عن الرد اليوم

بكره صباحا ارد عليكم جميعا

خير إنشاء الله، وفي انتظارك غدا

[اسامة ابو محمد]

انا النهاردة مشغول جدا فى ظرف شخصى

اعتذر عن الرد اليوم

بكره صباحا ارد عليكم جميعا

ربنا ييسرلك الخير براحتك خالص ما تشغلش بالك

[raouf]

شكرا جدا على ردك مهندس رؤوف

طيب ايه رأيك فى هيونداى توسان بفكر فى عربيه موديل 2009

التوسان القديمة معقولة بس لازم تتاكد ان حالتها حلوة وماعدتش ال100 الف كيلو

عيبها الفتيس بيبوظ بعد 150 الف وبيتصلح بس غالى وخفيفة شوية على الطريق واقصى سرعة ليها لو4 سلندر 150 كم بس

لكن فى المجمل معقولة بس اعمل حسابك هاتتعب شوية وتخسر فى بيعها بعد سنتين تلاتة

[raouf]

الله ينور عليك انتا كدا جيت للمفيد : بص يا باشمهندس رؤوف الغالي ،، انا طبيب اسنان شاب و بموت في الجري بس جاهل تماما في الميكانيكا و تقييم السيارات و خصوصا المستعملة منها و مقتنع جدا باختيارك ل لومينا و لكن ازاي اقدر اعرف ان حالتها كويسه و مش هتقرفني عند الميكانيكية (و ده اكتر حاجة باكرهها في العربيات) يعني مثلا المعقول بتاع اي عربية انها تمشي كام كبلو في السنة مثلا و كل سنة المفروض سعرها ينزل قد ايه و ازاي اعرف ان صاحبها مهمل و لا كان مهتم بيها و محافظ عليها ولا مطلع عينيها ..و ايه هيا عيوب اللومينا عموما لأني سمعت ان الكابرس بتعطل بسرعة فمش عارف هيا نفس الحكاية و لا ايه.. و هكذا

معلش انا عارف ان السؤال واسع شويه ولكن كرمكم هوا اللي مطمعني

و جزاك الله خيرا .

لا الموضوع ده كبير ومش بيجى بالشرح ولا حتى بالكشف فى الورش

تعرف ازاى استخدام العربية من المالك السابق بالخبرة

لو انت فى المنطقة الشرقية قولى وانا اساعدك واشوف معاك العربية اللى عاجباك