تابع سلسلة حلقات " هي كانت ثورة .. ولا شاي بلبن ؟ "

[se_ Elsyed]

زي ما دمروا جيل الخمسينات والستينات والهتاف للإله الأوحد جمال عبد الناصر ..

وأستمر الوضع للسادات ثم بلغ ذروتة في عهد المخلوع وأخترناه وصاحب كل الضربات اللي في الدنيا

ثم أنتفض جيل صغير ما يعرفش النفاق ودمر ده كله أو حاول يدمره

ها هي الأيادي القذرة اللي إتفطمت على النفاق تحاول تشوية جيل الطفولة الموجود وتخليه مواطن بدرجة منافق واللي يتجوز امه يقول له يا عمي

أخي سي السيد /

جيل الشباب هو ليس جيل (إضرب المربوط يخاف السايب) ولكنه جيل (إضرب المربوط والسايب هيجيب حقه)

جيل الشباب ليس هو الجيل الذي تُخيره بين الإستقرار أو الأمن لأنه جيل يريد الإستقرار والأمن معا ولا يرى تعارضا بينهما

جيل الشباب لا يؤمن ب ( اللي يجوز أمي أقوله يا عمي )

جيل الشباب لا يسير مع ( الرائجة )

جيل الشباب ليس ( إمعة ) ولكنه من يصنع الحدث

لأن جيل الشباب المصري مختلف عن الأجيال السابقة لأنه يطالب بأمور مثل الديموقراطية والحرية والكرامة والعدالة الإجتماعية , ويُطالب بالمشاركة في رسم مستقبل بلده لأن الشباب هم من يملكون هذا المستقبل

أصبح هذا الجيل في نظر من إعتاد على أن يلقى المُداهنة والتملق والنفاق من الناس تجاهه (جيل قليل الأدب ومش متربي ) لأنه لا يجد منهم نفس النهج الذي إعتاد أن يلقاه

أحد الخبراء الإستراتيجين :

( إحنا لازم نعلم الجيل دا إنه يتكلم بأدب مع أسياده وميكونش جيل فتوات )

http://www.youtube.com/watch?v=0EcCtkOw6Wk

عظيم ومتفق ومؤمن بالكلام ده مليون المية

لكن خلي بالك يا ريس في حاجه مهمه

لان مع النوم . والركنة وفي بطننا بطيخة صيفي ...

فجأة هانلاقي كللللللللللل اللي حوالينا بقوا شبه " السائرون نياماً "

انا سمتهم كده

او نقول .. ضحايا الزن على الودان

- الثورة شينة يا ولدي

- الثورة جتلك أبوك يا ضنايا

- الثورة حرجت الكشك العلمي يا حبيبي

- الثورة ضد مجلس الشعب

- الثورة عاوزه توجع الديش

- الغازية لازم ترحل .. قصدي الثورة لازم تهمد

- مجلس الشعب خلاص إتعمل يا بوي .. يبقى مش عاوزين نشوف صنف أي بشر يقولوا رأيهم

وشويه شويه تصفصف على إن الثورة تبقى مجرد ذكرى وكلمة في سطر الاجازات

ويا سلام بقى يا أبو خليل لو يوم 25 ده يوافق يوم أحد مثلاً .. يبقى هانضرب خميس وجمعه وسبت وحد ونهيص يا معلم

اه والله العظيم .. زمان كنت باحب أيام الأستفتاء عشان كنا بناخدها اجازة وننام لحد بعد الضهر

[shawshank]

استمرارا لحلقات الشاى بلبن ...بس من غير سكر

اللواء عثمان فى اخر طلعاته الجوية

وعودة اخترناك اخترناك

واستمرار لسياسة خليهم يتسلوا والنوم فى العسل

الاحتفال بالثورة ..واعطاء الثورة حقها فى شكل غنائى

اللى يلاقى كارت يسلمه للحاكم العسكرى وياخد هدية ...

خد بالك بقى، هديتين أقصى حاجة الله يكرمكم، خزينة البلد يا دوب تكفي.

كوميديا الثورة المصرية. يا نهار على اللي بيحصل فينا. المجلس عايز يقتل الثورة بالضربة القاضية. عايزين صوت الرقاصات والمغنيين والطيارات في الجو يغطي على صوت الثورة في التحرير. والناس تدوب في دباديب المجلس اللي هينعنشنا ويفرفشنا ويدينا هدايا بحد أقصى هديتين!

ومين اللي هيدفع فلوس شركة فالكون عشان الاحتفال؟ عجلة الإنتاج برضه؟! واللا متبرعة مجانًا زي المطربين؟!

ماتش المعاقين فيه بيمثلوا مصابي الثورة؟ والمصابين نفسهم مفيش حد بيعبرهم.

احتفالات أكتوبر ايه يا راجل. هي احتفالات أكتوبر دي طلعت احتفالات؟!

بس حلوة "احتفلوا بالثورة كل عام بالشكل الذي يتراءى لكم". هو انتوا قاعدين معانا كل عام؟!

[محمد عبدالعزيز]

استمرارا لحلقات الشاى بلبن ...بس من غير سكر

اللواء عثمان فى اخر طلعاته الجوية

وعودة اخترناك اخترناك

واستمرار لسياسة خليهم يتسلوا والنوم فى العسل

الاحتفال بالثورة ..واعطاء الثورة حقها فى شكل غنائى

اللى يلاقى كارت يسلمه للحاكم العسكرى وياخد هدية ...

ياترى فى فقرة الساحر والأراجوز وكده ولا إيه؟

أصل الأولاد بيحبوا الحاجات دى قوى.

[se_ Elsyed]

استمرارا لحلقات الشاى بلبن ...بس من غير سكر

اللواء عثمان فى اخر طلعاته الجوية

وعودة اخترناك اخترناك

واستمرار لسياسة خليهم يتسلوا والنوم فى العسل

الاحتفال بالثورة ..واعطاء الثورة حقها فى شكل غنائى

اللى يلاقى كارت يسلمه للحاكم العسكرى وياخد هدية ...

ياترى فى فقرة الساحر والأراجوز وكده ولا إيه؟

أصل الأولاد بيحبوا الحاجات دى قوى.

لأ هايجيبوا مراجيح مولد النبي .. والدور بربع جنية

بس أنا مش رايح المولد ده لاني كنت بادوخ من البتاعة دي

[aimen]

http://www.youtube.com/watch?v=MNR2DWqNv8c#!

[Ahmed Anwer]

العرض الأول لعمر و سلمي الجزء الثالث يوم 11/1/ 2012

مفيش تغيير

موعدنا 25 يناير :)

[ابراهيم عبد العزيز]

( إذا لم تستح فإصنع ما شئت )

صدق رسول الله صلى الله عليه وسلم

وزير المالية الأسبق يوسف بطرس غالي المقيم في لندن ذهب لكلية الإقتصاد بجامعة لندن لكي يُحاضر الطلاب البريطانين وأساتذة الجامعة عن ثورة 25 يناير المجيدة !!

لكن طُلاب بريطانين من أصل مصري يدرسون في الكلية تكفلوا بالأمر تماما

وإنتهى المطاف به مطرودا وتم تهريبه من الباب الخلفي للقاعة بواسطة الأمن !!

اشتعلت موجة غضب عارمة بين المصريين المقيمين في بريطانيا احتجاجًا على حضور الوزير الهارب يوسف بطرس غالي، لمحاضرة عن الثورة المصرية فى كلية الاقتصاد جامعة لندن، والتي تم طرده منها وإخراجه عبر الباب الخلفي بعد اعتراض طلبة مصريون.

تم تعديل 12 يناير 2012 بواسطة ابراهيم عبد العزيز

[se_ Elsyed]

( إذا لم تستح فإصنع ما شئت )

صدق رسول الله صلى الله عليه وسلم

وزير المالية الأسبق يوسف بطرس غالي المقيم في لندن ذهب لكلية الإقتصاد بجامعة لندن لكي يُحاضر الطلاب البريطانين وأساتذة الجامعة عن ثورة 25 يناير المجيدة !!

لكن طُلاب مصريون من أصل بريطاني يدرسون في الكلية تكفلوا بالأمر تماما

وإنتهى المطاف به مطرودا وتم تهريبه من الباب الخلفي للقاعة بواسطة الأمن !!

اشتعلت موجة غضب عارمة بين المصريين المقيمين في بريطانيا احتجاجًا على حضور الوزير الهارب يوسف بطرس غالي، لمحاضرة عن الثورة المصرية فى كلية الاقتصاد جامعة لندن، والتي تم طرده منها وإخراجه عبر الباب الخلفي بعد اعتراض طلبة مصريون.

تصحيح للمعلومة

هو كان مدعو من جامعة لندن للإقتصاد لحضور الندوة ... وقعد زي النطع يسمع عادي ... لحد ما بنت مصرية بمليون راجل قامت وسط المحاضرة وبمنتهى الادب صاحت في الجميع : كيف يحضر هذا المجرم المحكوم عليه بـ 30 سنة سجن في قضايا فساد بعد الثورة .. كيف يحضر ندوة عن الثورة المصرية ؟... فقام الامن بتهريبة على الفور من احد الأبواب الجانيبة خشيت حدوث أي إحتكاك به

للعلم البنت دي مسيحية ... ومن عائلة كريمة مشهورة بالوطنية ... من عائلة مكرم عبيد .... وهي طالبة بتحضر الدكتوراة في الإقتصاد الان .. وكان في مواطن مصري اخر اعتقد إسمه جورج شاف الوغد ده هناك وضربه وكان هايطير له عنيه ..

وصرختها دي حركت المياه الراكده في مبادرات تسليم الوغد ده لمصر اللي مصدر له بطاقة حمراء من الانتربول للقبض عليه في أي مكان

لكن للأسف ... بريطانيا دايماً بتفتكر نفسها في العز القديم والأمبراطورية التي لا تغيب عنها الشمس .. وبالتالي هي لا تحترم أي قانون لأي بلد اخر .. ولا تحترم قرارات الإنتربول اللي هي عضو به .... وبالتالي تحولت تلك الامبراطورية البائدة إلى جبل لإحتواء كافة المطاريد على مستوى العالم .. ويمكن كلنا شوفنا ممدوح إسماعيل المجرم القاتل ... وأشرف السعد .. وابو حمزه المصري .... والمسعري بتاع السعودي .. وفقيه أيضاً .. وكل واحد عامل مصيبة في بلده بيفر على هناك وبيعيش الدنيا الجميلة .

[ماستر]

تصحيح للمعلومة

هو كان مدعو من جامعة لندن للإقتصاد لحضور الندوة ... وقعد زي النطع يسمع عادي ... لحد ما بنت مصرية بمليون راجل قامت وسط المحاضرة وبمنتهى الادب صاحت في الجميع : كيف يحضر هذا المجرم المحكوم عليه بـ 30 سنة سجن في قضايا فساد بعد الثورة .. كيف يحضر ندوة عن الثورة المصرية ؟... فقام الامن بتهريبة على الفور من احد الأبواب الجانيبة خشيت حدوث أي إحتكاك به

للعلم البنت دي مسيحية ... ومن عائلة كريمة مشهورة بالوطنية ... من عائلة مكرم عبيد .... وهي طالبة بتحضر الدكتوراة في الإقتصاد الان .. وكان في مواطن مصري اخر اعتقد إسمه جورج شاف الوغد ده هناك وضربه وكان هايطير له عنيه ..

وصرختها دي حركت المياه الراكده في مبادرات تسليم الوغد ده لمصر اللي مصدر له بطاقة حمراء من الانتربول للقبض عليه في أي مكان

لكن للأسف ... بريطانيا دايماً بتفتكر نفسها في العز القديم والأمبراطورية التي لا تغيب عنها الشمس .. وبالتالي هي لا تحترم أي قانون لأي بلد اخر .. ولا تحترم قرارات الإنتربول اللي هي عضو به .... وبالتالي تحولت تلك الامبراطورية البائدة إلى جبل لإحتواء كافة المطاريد على مستوى العالم .. ويمكن كلنا شوفنا ممدوح إسماعيل المجرم القاتل ... وأشرف السعد .. وابو حمزه المصري .... والمسعري بتاع السعودي .. وفقيه أيضاً .. وكل واحد عامل مصيبة في بلده بيفر على هناك وبيعيش الدنيا الجميلة .

جدعان

ياريت المصريين فى كل مكان فى العالم يتتبع الفلول دول ويفضحهم لغاية ما يتكسفوا على دمهم ويشوفوا ليهم قبر يلمهم

[ماستر]

وصلنى عبر الفيس بوك

توقعات الثوار لهدايا المجلس العسكرى فى 25 يناير المقبل:

- دبدوب علي شكل خالد عبد الله كل متدوس عليه يقول "يا واد يا مؤمن " ..

- مسدس خرز ودبدوب علي شكل العيسوي تدوس علي بطنه يقول إحنا ما عندناش قناصة أصلا ..

- بنك_الحظ الحربي حماتك تحبك أرسلت لك حوالة اذهب إلى س 28 لتحصل عليها ..

- بسكلتة إنتاج.. وسنادات هدية ..

- هتفتح الكارت هتلاقي مكتوب: قمت بثورة والقاضي حبس الثوار إدفع 20 ألف جنيه كفالة وإذهب للسجن فورا #بنك_الحظ_الحربي ..

- كروت بتتخربش وأنت وحظك .. ممكن تكسب: راديو ., جرامافون ., تليفون بقرص ., تلفزيون ابيض واسود ..,.. أو حظ سعيد الثورة القادمة ..

- ربطة جرجير ..

- عرايس على شكل مبارك تدوس على بطنها تطلع لسانها ..

- السي دي الكامل لتمثيلية محاكمة المخلوع ..

- كتاب السلاسل الفضه في أصول الثورة المضاده ..

- كتاب الشهيق و الزفير في جمال بدله المشير ..

- جزمة بتزمر كل ما تمشي بيها تقول عسكر .. عسكر .. !!

- مسدس بيضرب طلقات فوتوشوب بيموت الناس الى فوتوشوب ..

- طرف تالت لكل مواطن ..

- سلسلة فضه عليها لعبة مكتوب عليها آي لوف ماي سكاف ..

[aimen]

استمرارا لمسسل الجهل و حملات التشوية المتعمده و المنظمة التى يقودها بقايا النظام البائد الذى مازال يحكمنا حتى الان جاء سؤال مادة اللغة العربية لطلاب الصف الاول الثانوى بإدارة أوسيم التعليمية – محافظة الجيزة تضمن السؤال الرابع من الامتحان و الخاص بسؤال النحو فقرة

" ان ما يقوم به حزبا 6 إبريل وكفاية من محاولات للوقيعة بين الجيش والشعب المصرى، والإدعاء بان المجلس الأعلى للقوات المسلحة بقيادة المشير طنطاوى ورجاله المخلصين من فلول النظام السابق متجاهلين حماية الجيش لثورة الخامس والعشرين من يناير عام الفين واحد عشر وتجنب مصر الفتن والمؤمرات والمكائد وتدخل الغرب فى شئون البلاد، بغية ضرب الإستقرار وتقسيم مصر الى دولتين، كماهو الحال فى السودان الشقيقة، ليبيا، وسوريا أمر يتطلب الحذر والحيطة وعدم الإنسياق وراء هذه الفتنة الضالة ذات الميول العدوانية والأجندات الخارجية والأغراض الشخصية."

هل يعقل ان يكون واضع الامتحان لابناء مصر بهذا الجهل الذى لا يعرف ان 6 ابريل و كفاية ليست احزابا هل يعرف ما هو دور 6 ابريل و كفاية فى الحياة السياسية المصرية و مقاومة الظلم و الاستبداد لنظام مبارك دون السعى لاى مصلحة خاصة و تحمل مالا يقدر احد على تحمله على يد مبارك و كلابه

اخيرا نحن نرفض دخول اطفالنا فى فى هذه الحرب القذرة من التشوية و التضليل و التحريض ضد كل من يسعى لاستكمال ثورتنا العظيمة و نؤكد اننا مستمرين فى نضالنا ضد كل مستبد و كل ظالم

و الثورة مستمرة

الغبى اللى وضع القطعه دى ..

مش عارف ان 6 ابريل وكفاية بالأخص لا يوجد لهم احزاب

بس المكر السئ دائما ما ينزل بأصحابه

تحية واجبة لكل اعضاء 6 ابريل وكفاية وكل مصرى يرفض الذل بكفاية الوانه وما يسلمش نفسه لأى جهة تختار عنه وليخسأ الجبناء ومدعون الحكمة فى كل وقت وزمان

[capitshino]

شكلها هتبدء من السويس زى 2011

________________

رصد | متابعات | الأهرام : إخلاء سبيل إبراهيم فرج ونجله المتهمين بقتل متظاهري السويس وتأجيل محاكمة 18 ضابطا #RNN

قررت محكمة جنايات السويس اليوم الخميس بالتجمع الخامس، تأجيل محاكمة 18 ضابطاً وأمين شرطة بمديرية أمن السويس من بينهم رجل أعمال وأبنائه، والمتهيمن بقتل 21 وإصابة 300 أخرين لجلسة اليوم السادس من دور مارس المقبل لسماع أقوال مدير قطاع الأمن المركزى بالإسماعيلية، ومأمور قسم الاربعين.

كما قررت المحكمة إخلاء سبيل أمينى الشرطة أحمد عبد الله، وقنديل على حسن بضمان مالى 2000 جنيه، وإخلاء سبيل كل من إبراهيم فرج وأبنه عادل بضمان مالى 10 ألاف جنيه لكل منهما، وسرعة ضبط واحضار عبودى إبراهيم فرج.

إستقبل أهالى الشهداء القرار بالهتاف ضد القضاء والشرطة، ودخلوا فى نوبة بكاء وعويل أمام القاعة، وقامت الأجهزة الأمنية بعمل كردون أمنى لتأمين هيئة المحكمة.

كانت النيابة العامة أكدت أن القيادات الأمنية والمتهمين من الضباط، أصدورا أوامر صريحة لأفراد الشرطة بإطلاق الأعيرة النارية على المتظاهرين فى غير الأحوال المصرح بها, وإشتركوا فى قتل المتظاهرين مع سبق الاصرار والترصد بأن بيتوا النية خلال الأحداث التى شهدتها البلاد.

والمتهمون فى القضية هم اللواء محمد عبد الهادى مدير أمن السويس، والعقيد هشام حسين حسن أحمد، والعميد علاء الدين عبد الله قائد الأمن المركزى بالسويس، والمقدم إسماعيل هاشم، والنقباء محمد عازر، محمد صابر عبد الباقى، محمد عادل عبد اللطيف، والملازم أول مروان توفيق، وعريف شرطة أحمد عبد الله أحمد، ورقيب قنديل أحمد حسن, بالإضافة إلى إبراهيم فرج صاحب معرض سيارات وأبنائه عيسوى وعادل وعربى.

[aimen]

خد عندك يا معلم

دول المدرسين وواضعى الأسئلة اللى بيلعبوا فعليا بأدمغة الطلبة

[ماستر]

تكرار نفس الاسئلة بصيغة مختلفة يدل على انها تعليمات عليا موزعة على الجميع, بمعنى ان مش معقول كل واضعى الامتحانات عندهم توارد خواطر ولواحظ كمان

[aimen]

تكرار نفس الاسئلة بصيغة مختلفة يدل على انها تعليمات عليا موزعة على الجميع, بمعنى ان مش معقول كل واضعى الامتحانات عندهم توارد خواطر ولواحظ كمان

بركات الشئون المعنوية والحاج اسماعين عثمان بقى

والزن على الودان امر من السحر

[raouf]

تكرار نفس الاسئلة بصيغة مختلفة يدل على انها تعليمات عليا موزعة على الجميع, بمعنى ان مش معقول كل واضعى الامتحانات عندهم توارد خواطر ولواحظ كمان

لا طبعا لان واضعى الاسئلة دى هم ابويا وابوك او اخويا واخوك

فى وزارات زى التربية والتعليم امر زى ده هايتنشر ويتعلن وتبقى فضيحة

اتوقع والله اعلم ان الامر لايعدوا ان نفس المنافقين ماسحى الجوخ اللى كانوا بينافقوا مبارك زمان لسه فى اماكنهم

ودول عقولهم ضيقة لا يوجد لديهم قدرة على الابتكار فبيغير فى الاسم

عايز تقنعنى ان اى رئيس هييجى مش هيواجه كمية من النفاق

للاسف كمصريين بنتبرع من تلقاء انفسنا لرياء كل ذى سلطة

دى حاجات تحتاج الى اجيال حتى يمكن ان تتغير

ربنا ينتقم من مبارك واللى كانو معاه

لا ترقى حتى تملأ الدنيا رياء له

لا تاخذ رخصة الا بعد ان تعلق يفط مبايعة

لا تتعين حتى تدفع المعلوم

للاسف هى ثقافة شعب تحتاج وقت طويل حتى تتغير

تم تعديل 12 يناير 2012 بواسطة raouf

[ماستر]

تكرار نفس الاسئلة بصيغة مختلفة يدل على انها تعليمات عليا موزعة على الجميع, بمعنى ان مش معقول كل واضعى الامتحانات عندهم توارد خواطر ولواحظ كمان

بركات الشئون المعنوية والحاج اسماعين عثمان بقى

والزن على الودان امر من السحر

اصبت كبد الحقيقة,

[ماستر]

لا طبعا لان واضعى الاسئلة دى هم ابويا وابوك او اخويا واخوك

فى وزارات زى التربية والتعليم امر زى ده هايتنشر ويتعلن وتبقى فضيحة

للاسف هى ثقافة شعب تحتاج وقت طويل حتى تتغير

عزيزى رؤف انا بقول لأ على لا بتعتك

بص كدة معى الموضوع متكرر فى مدارس كتير وفى مناطق مختلفة وبشكل ملفت, لا يمكن يكون عشوائى كما انه نفس المضمون بس كل واحد بصيغة على طريقتة,

وبعدين يعنى مفيش مدرس واحد بس وطنى او ثورجى كلة كدة فلول؟

تم تعديل 12 يناير 2012 بواسطة ماستر

[ماستر]

رصلنى عبر الفيس بوك

حازم عبد العظيم : بما ان العسكر هايعمل كرنفال يوم 25 يعني مخطط حرق مصر طلع بومبة كبيرة. نطالب بالتحقيق مع مصدر"أيهام" الشائعات التي تكدر السلم العام...

[aimen]

http://www.youtube.com/watch?v=zU70PEMOcC4

يا الميدان - عطوة كنانة .. الثورة ما كملتش

تم تعديل 13 يناير 2012 بواسطة aimen