نهى الزينى و كرسى فى الكلوب

[moamana]

تصريحات المستشارة نهى الزينى على السى بى سى

بصراحة كانت رائعة و مربكة جدا جدا

و لنبدا باهمها قالت فيه توافق مؤكد على ان النظام فى مصر سيظل رئاسى او ما يدعى رئاسى مختلط

يعنى فيه برلمان و فيه رئيس زى ما كان قبل كده فى دستور 71 قبل تعديلات مبارك ربنا يجازيه

و هنا بصراحة حسيت انى مبقتش فاهمة حاجة الاخوان كان من مصلحتهم انهم يخلوه برلمانى الا لو اجبروا على هذا او انهم يلعبون على لعبة اكبر و هى مقعد الحكم بالمرة

طبعا قالت ان مصر هيفضل فيها حكم استبدادى لان الدول المركزية النهرية يميل فيها الحكم دوما الى الاستبدادية بل ان شعوب هذه الدول هى التى تحب ذلك و تستسيغه

هاجمت حزب النور لانه طبع مع اسرائيل و قالت ان ده غشومية فى الاداء لانهم دخلوا السياسة جديد

قالت ان الوهابية الان تختلف عن الوهابية زمان ايام الشيخ محمد عبد الوهاب التى تؤكد انه شيخ جليل و لكن كان له فكره فى وقته و زمانه و لا يجب ان يقاس بالحرف او يطبق على زماننا

قالت اخيرا شئ حيرنى اوى اوى و هى ان الاخوان و النور يجب ان يشكروا ساويرس لان تصريحاته اسهمت بالتاكيد فى نجاحهم بشكل كبير

و لما سالها خيرى رمضان اذا كان ساويرس خسر الكتلة اصوات

قالت لا ابدا فتصريحاته ديه كانت مقصودة و سالها خيرى رمضان يعنى ساويرس كان عايز الاخوان و السلف ينجحوا اجابت نعم و كان يسعى لذلك

و لكنها رفضت ان توضح اكثر

و قالت انها مش ناوية ترشح ابو اسماعيل و نفسها انه ميترشحش لانه يتمتع بقدر كبير من النزاهة الشخصية اللى مش هتخليه ينفع فى اللعبة السياسية

الست ديه انا دايما بحترمها و احترم ارائها الوسطية الاسلامية

بس اول مرة اشوفلها لقاء فيه كل الكلام ده اللى يحير و يجيب مشاكل

[Om Zayd]

سمعت لها كلاما مشابها على المحور من فترة قصيرة (قبل ما حدث في مجلس الوزراء) و خرجت منه بتخمينات كثييييير