فى نهاية 2011 انا اسف لكل واحد انا زعلته

[عنبو]

السلام عليكم ورحمة الله وبركاته نحن الان على نهاية عام 2011 بحلوه ومره واسال الله العظيم رب العرش العظيم ان يجعل القادم افضل باذن الله اكيد على مدار العام فيه ناس زعلت منى سواء بكلمه او بتصرف وسواء كنت قاصد او مكنتش قاصد او سواء كان معايا حق او عليا حق

احب اقول فى نهاية السنه لاى حد زعلته بكلمه او بتصرف انا اسف انا بحد مكنتش اقصد انى ازعلك

احيانا ضغوط الحياه والشغل والمسؤليه بتخلى الواحد يخرج عن شعوره ويكون عصبى طول الوقت فممكن يقول كلمه لواحد او يتصرف تصرف يزعل الناس منه ولكن عشمنا فيكم كبير

احيانا الواحد بيكون انانى وبيفكر فى نفسه بس وبيبص للامور من جهته بس وبياخد قرار ويتسبب فى جرح ناس ولكن نحن فى الاخر بشر وليس ملائكه ارجو كل واحد انا زعلته سواء بكلمه او بتصرف او بقرار ان يسامحنى وميزعلش منى

وطبعا مش هقدر اذكر اسماء لانى انا عارف نفسى مبهدل الدنيا فلو حبيت اذكر اسماء يبقى هقعد اكتب يومين تلاته علشان احصر الاسماء

وتقبلوا تحياتى

محمد

[se_ Elsyed]

شعور طيب منك يا عنبو .. ولحقت نفسك قبل نهاية السنة بتلات أيام

انا كنت مقهور منك

فاكر البط والفسيخ والجبنه الحادقة اللي وصلت لك من الشرقية وكتمت على المسائل ونسيتني ؟

ما تعملش كده تاني واللي ياكل لوحده يزور ... ولو عملت كده هايحصل لك زي واحد صاحبي ما تعرفهوش إسمه زهيري ... جاله شروة فسيخ نبراوي وفضل يحنسني .. وبعيد عنك على اللي حصل له بعدها .. إترمى يا مؤمن في اخر بلاد اللي مش مسلمين .. وأهو قاعد هناك بياكل فسيخ مجمد ( أيس فسيخ ) ولا الشيشة يابني ... بيقول لك هناك لو فكر بس يشد نفس شيشة ..وحد شم الدخان .. وزارة البيئة تشرشحه ... في حين كنا هنا بنعملها مدخنه والبوليوشن بيملا المكان ولا بيهمنا ... وادي اخرة اللي ياكل فسيخ لوحده

[عبير يونس]

أحييك يا عنبو ع الموضوع

و انضم ليك

و أقول لأي أي حد زعلته بكلمة أو تصرف

أنا آسفة

سامحوني

بجد بحبكم كلكم

[se_ Elsyed]

سامحيني يا عبير عشان فتحت توبكين تهنئة من وراكي

بليس فورغيف مي ؟

[عصام أبوالفتح]

شكرا يا عنبو على الموضوع ده

انا باعتذر لتيمور .. وس س ... واحمد رضوان .. ومين تانى ... ( بيتهيألى دول لازم بالاسم عشان العملية زادت معاهم .. واعصابى فلتت كتير معاهم )

اسف لمدام فولانة انى ضايقتها فى موضوع عزاء الثورة .. وربنا يثبت ايمانى بالثورة .. وبالمصريين

واسف بشكل عام لو كنت غلطت فى كلمة او فى تفسير كلام حد او تعديت حدودى باى شكل من الاشكال

ومش آسف ... يا ريس

سبحانك اللهم وبحمدك اشهد ان لا اله الا انت استغفرك واتوب اليك

[capitshino]

وانا كمان يا جماعة

اى حد زعل منى ولو بكلمة فبتأسف له

[عبير يونس]

سامحيني يا عبير عشان فتحت توبكين تهنئة من وراكي

بليس فورغيف مي ؟

مسامحاك ... مسامحاك

ابوس ايدك تعالى خد عمر

عشان خلّص ع الأكل اللي في التلاجة

:sad:

[se_ Elsyed]

نتكلم جد بقى عيب كده

أنا باتأسف لأي زميل او زميلة إحتديت عليهم وتأشكفت ( جايه من كلمة اشكيف ) في لحظة حماسة أو غضب ... لكن يعلم الله أني لا أحمل لأي أحد أي ضغينه في قلبي - إلا مبارك وكلابة - ... وأساساً الحياة مش مستاهلة ... لكن بشكل عام عُمر ما كان بيني وبين أي زميل في المحاورات شيء شخصي ..

ننسى بقى 2011 بكل حلوها ومُرها .. وندخل بكل أمل وحب على 2012 ... وصفحة جديدة وصافي يا لبن ... حليب يا قشطة

[capitshino]

واحب أتاسف لمحمد الغنام واقوله

أنا أسف يا غنــــــــــام احنا اللى ملينا الميــــــــــدان

[se_ Elsyed]

سامحيني يا عبير عشان فتحت توبكين تهنئة من وراكي

بليس فورغيف مي ؟

مسامحاك ... مسامحاك

ابوس ايدك تعالى خد عمر

عشان خلّص ع الأكل اللي في التلاجة

:sad:

علي النعمة ما هو راجع .. خليه مع أخواته عندك .. والمعلوم هايوصلك كل اخر شهر .... وأنا مش عاوزك تسامحيني يا ستي

خدي دي

http://www.youtube.com/watch?v=0_KDEhPpZl8

[عنبو]

شعور طيب منك يا عنبو .. ولحقت نفسك قبل نهاية السنة بتلات أيام

انا كنت مقهور منك

فاكر البط والفسيخ والجبنه الحادقة اللي وصلت لك من الشرقية وكتمت على المسائل ونسيتني ؟

ما تعملش كده تاني واللي ياكل لوحده يزور ... ولو عملت كده هايحصل لك زي واحد صاحبي ما تعرفهوش إسمه زهيري ... جاله شروة فسيخ نبراوي وفضل يحنسني .. وبعيد عنك على اللي حصل له بعدها .. إترمى يا مؤمن في اخر بلاد اللي مش مسلمين .. وأهو قاعد هناك بياكل فسيخ مجمد ( أيس فسيخ ) ولا الشيشة يابني ... بيقول لك هناك لو فكر بس يشد نفس شيشة ..وحد شم الدخان .. وزارة البيئة تشرشحه ... في حين كنا هنا بنعملها مدخنه والبوليوشن بيملا المكان ولا بيهمنا ... وادي اخرة اللي ياكل فسيخ لوحده

لو اعرف ان اليى حصل لزوهيرى كان بسبب انه كتم على الفسيخ عمرى ما كنت عملت كده طيب تفتكر الواحد ممكن يكفر عن الذنب ده ازاى ؟ انا ضميرى بيأنبنى ومش بعرف افرد رجلى وانا نايم معرفش ليه ؟

بالنسبه للجبنه الحادقه انت عارف انها احدى اسلحة الشرقيه البيولوجيه وطبعا بما ان البلد اليومين دول منتشر فيها الخبراء الاستراتجين فممكن تلاقى واحد منهم طالع يقولك ان الثوار معاهم اسلحه بيولوجيه

عبير الشرقاوي

مرسلة اليوم, 10:14 PM

أحييك يا عنبو ع الموضوع

و انضم ليك

و أقول لأي أي حد زعلته بكلمة أو تصرف

أنا آسفة

سامحوني

بجد بحبكم كلكم

انتى يا عبير انسانه بجد مش هقول اكتر من كده

عصام أبوالفتح

مرسلة اليوم, 10:17 PM

شكرا يا عنبو على الموضوع ده

لا شكر على واجب يا هندسه ودائما يارب متجمعين على الخير بس حلوه مش اسف يا ريس

[الدكتور ياسر]

مبادرة جميلة و شعور طيب يا أستاذ عنبو

وأنا بدورى أعتذر لكل زميل او زميلة في المحاورات أثرت حفيظته بكلمة قلتها بقصد أو دون قصد .

[التونسى]

وانا أيضا اعتذر لكل من ضايقه منى أى شئ ...سواء رد ..أو مداخله ..أو خلافه ..وربنا يديم المحبة بين الجميع .. ويتبع إختلافنا إئتلاف ..وتكون سنة كلها خير ومزيد من الاستقرار لوطننا الحبيب مصر .. بإذن الله

[عبير يونس]

سامحيني يا عبير عشان فتحت توبكين تهنئة من وراكي

بليس فورغيف مي ؟

مسامحاك ... مسامحاك

ابوس ايدك تعالى خد عمر

عشان خلّص ع الأكل اللي في التلاجة

:sad:

علي النعمة ما هو راجع .. خليه مع أخواته عندك .. والمعلوم هايوصلك كل اخر شهر .... وأنا مش عاوزك تسامحيني يا ستي

خدي دي

http://www.youtube.com/watch?v=0_KDEhPpZl8

راجع نفسك يا أحمد

المدام و الولاد مشرفين عندي

تحب تسمع صوتهم

هاتولي الواد عمر من التلاجة

بابا بابا الحقني يابا....

كفاية كده

المعلمة ما بترحمش

سلامات يا ابو أحمدات

ها ها ههههههه ها ها هههههههههههههههه

:ph34r:

أنا عيلة

حأبطل أعياد ميلاد خلاص

و حأسيب لك الليلة كلها

:cry1:

[egyptawy]

بجد انا مبسوط انى بانتمى لحاجة بجمع كل الاشخاص المحترمين دول فى مكان واحد

عنبو س س بصيلى ابو الفتح عبير

انتم فعلا خير قدوة فى المناقشة والجدال والدفاع عن مبادئكم حتى لو كانت غلط

وفى نفس الوقت مش بتبخلوا بوقتكم ومجهودكم فى مساعدة اى حد مجتاج مساعدة

جزاكم الله خير الجزاء

[محمد حامد الغنام]

واحب أتاسف لمحمد الغنام واقوله

أنا أسف يا غنــــــــــام احنا اللى ملينا الميــــــــــدان

انا الى أتأسف ليك ياباشا

وأتأسف لكل أعضاء المحاورات الى حدث منى اى خطأ دون قصد

[نوران]

توبيك جميل

شكرا أستاذ عنبو

وانا أعتذر لأي عضو أو عضوة ممكن يكون زعلان مني بسبب انفعال أو حدة أو ....

وكل عام وجميع الأعضاء بخير

[عصام أبوالفتح]

مش ملاحظين ان الاعتذارات عامة ومش محددة? . . وبصراحة ملهاش معنى أو تأثير . . اذا حبينا فعلا نصفى خلافاتنا لازم شفافية ووضوح . . أنا لما باغلط فى حد بدون قصد ببوس دماغه قدام الكل . . مبقولش اسف ياجماعة مكنش قصدى . . ده لو فى حرص بجد على انهاء الخلاف

[الغريب]

وأنا أعتذر لأي أحد ضايقه إسلوبي ، أو ضايقته مشاركة لي

أعتذر للجميع ونتفق في النهاية إننا "بنحب مصر"

[عادل أبو عمر]

اعتذاري .. للباز أفندي .. لأنه أكتر شخص اختلفت معه و احتديت عليه في كلامي ..

ممكن دماغنا مش راكبة على بعض .. بس هدفنا واحد .. وبيتنا واحد

مع إني انا متأكد إنه هيقول.. ياحلولي ياعم فكك ههههههه أنا فاهمكم إنتوا السلفيين كلكم كدة ..

نفسي أعزمه على أكلة مشاوي في دبي عشان يتأكد إني فقط إنسان مصري لا أختلف عنه في شيء إلا أن أخطائي أكثر منه ..

واعتذار موصول لك من له حق عندي و أكييييييييد أنه عن غير قصد و يشهد الله على ذلك

ربنا يهدينا و يحببنا في بعضنا

تحياتي واحترامي للجميع