الرجالة و الرومانسية بعد الزواج

[لماضة مصرية جدا]

ههههههههههههههههههه

أضحكتنى مداخلاتكم الجميله وخصوصا مع وصفات وصوانى خالتى فكيهه مرات ابنى ...............

وارسل رساله الى زوجى ....وكل الازواج ..........

واتمنى ان تتذكروا هذا الموضوع الجميل ويكون عبره او حديث مع النفس ..............

زوجى الحبيب .............

مين....سي لوطفي:)

وحشتينا جدا جدا جدا يا حماتي العزيزة....(بحمد ربنا في سري اني متهورتش و فتحت توبيك اسمه حماتي قنبلة مسيلة للدموع)

لا خشي بقي برجلك اليمين

وحشتنا روحك.... مداخلاتك جدا

حمد لله ع السلامة....و متغبيش.....(او غيبي...بس ابعتلي زوجي :P

[لماضة مصرية جدا]

باشمهندس عصام

ابننا عنبو

استاذنا...عزوز...(معلشي محتاجينك بحرف العين)

الف الف مبروك

بقيتوا مثلث الرعب العيناوي

و عشان الاضافات اللي تفتح النفس ديت....(طبعا نفس الزوجة انها تنزل علي راسه بايد الهون و هو نايم.....وش اجرامي جدا)

فانا بقول

انا فرشت ليكم ترابيزة كده علي ما قوسم في السندرة...هناااااااااااااااااااااااااااااااااااااااااااااااااك

طب ما تخليكوا قاعدين

متبقوش تقطعوا الجوابات

تيكوب.....(ده صوت الباب و هو بيتقفل وراهم)

تيكوب....(ده بقي صوت الترباس...احسن يفكروا يرجعوا تاني)

ها كملوا بقي يا كتاكيت بتقولوا ايه :closedeyes:

[rewsha]

الراجل فى فترة الخطوبة واللى قبلها مش وراه مسئوليات

يعنى بياخد مرتبه يصرف اللى عايزه ويحوش جزء للاعداد للزواج

الراجل بيتزوج فى بداية حياته العملية وبتبقى الضغوط عليه ضعيفة

مش فارقة معاه ساب شغله ولا انطرد منه لان ماعندوش التزامات ولا مسئوليات

اما بعد الجواز وخصوصا بعد الانجاب الراجل بيشيل هم الدنيا وللاسف الصفة دى زايدة فينا كعرب وهو هم الاسرة ومسئولية رب الاسرة عن كل اسرته مسئولية تامة

عكس دول اوربا الرومانسيين

الراجل بيكبر وبتكبر همومه ومسئولياته وخوفه من المستقبل معاه

كلام جميل يا استاذ/روؤف

بس مهو البنت برضو في فترة الخطوبه مش بيكون وراها مسؤليات وبتاخد مصروفها من اهلها وبتبقى متدلعه ومتستته في بيت ابوها

وبعد الجواز بتشيل المسؤليه مع زوجها

مسؤلية البيت والاولاد (ودي مش مسؤليه سهله على فكره)

يعني الضغوط بتبقى على الطرفين مش على طرف واحد

كلام حضرتك صح لكن لازم نراعي ان هيه كمان عليها مسؤليات يمكن اكبر من زوجها

(في حالة انها تكون بتشتغل وبتراعي البيت والاولاد)

يعني بتقوم بنفس شغل الزوج وكمان مضاف اليه مسؤليات اخرى

بس انا عاوزه اقول ان المراْه رومانسيه بطبعها وبتفكر بقلبها

اما الرجل طول عمره عقلاني وده الفرق

[rewsha]

الراجل بيجب التجديد

يعني هو بيحب التجديد و هي لاْ؟؟ ....اكيد كل بني ادم بيزهق وبيبقى عاوز يجدد حياته .

والافضل انهم يجددوها سوى

يعنى شوفى كم من صديقاتك زاد وزنهم ولم يهتموا بمظهرهم داخل المنزل بعد الزواج ؟

كم من صديقاتك مازلن يحتفظن بنفس طريقة تعاملهم مع زوجهم كما كانت قبل الزواج ؟

هيه المراْه بس اللي بيزيد وزنها بعد الزواج؟ومش بتهتم بمظهرها داخل المنزل

طب ما الرجل برضو شكله بيتغير ووزنه بيزيد وطريته بتتغير مع زوجته

ليه هيه مابتزهقش منه وبيفضل في عنيها احسن راجل في الدنيا؟

قبل الزواج تكون المراء العربية رشيقة هادئة صوتها منخفض تهتم لنفسها

بعد الزواج خاجة تانية وانا مش بالوم لان ممكن يكون حمل الاولاد وغيره تقيل عليهم

مين قال كده عن نفسي باشوف ستات كتير بتاخد بالها من نفسها وبتفضل رشيقه وجميله (اعرف ستات واخده بالها من نفسها جدا لدرجة ان الناس لما بتشوفها مع اولادها بتفتكرهم اخوات) لكن رغم كده بيشتكوا نفس الشكوى

لكن بصراحة دى مش حجة لان الغربيين عندهم ضغوط اكثر من المراة العربية

شوفى الست الغربية بقى ما شاء الله تكون عندها 50 سنة ولسه محافظة على جسمها ولباقتها وصتها المنخفض والهدوء والاعتناء بالمظهر

ومش عايز اقول الجمال كمان

المشكله مش في المحافظه على الجمال والرشاقه

المشكله ان الرجل بييقى اتعود عل مراته خلاص يعني لو هيه ملكة جمال العالم وقاعده في وشه علطول هايبقى اتعود انه يشوفها علطول وبرضو عاوز يغير

[Howayda Ismail]

يعنى هو انا ممكن اقول كلمة عن الرومانسية حسب وجهة نظرى

ليه حصرتم الرومانسية فى الرجال او الازواج فقط

فراى انها عملية نسبية تختلف باختلاف الشخص نفسه سواء زوج او زوجة

لانى اعرف بعض الحالات يكون فيها الزوج هو من يبحث عن الرومانسية فى زوجته ولايجدها

بمعنى ان الرجل يواجه كثيرا من الضغوطات فى مجال عمله وفى الطريق ويكون فكره مشغول

بكثير من الامور فمن الافضل عند دخوله بيته يستقبل بوجه بشوش يمتص عناء يومه لكن مايحدث يفاجئ

احيانا بقمطة فوق الراس وملابس غير مهندمة ورائحة بصل وثوم وكم من الطلبات والشكوى والضجيج

من مشاكل الاولاد غير وجه عبوس غير مبرر ده صراحة يسد نفس اى راجل يقولها حتى السلام عليكم

حتى لو اراد الراحة والنوم يزيد الصراخ مع الاولاد وصوت التلفزيون وحديثها فى التليفون بصوت عال

فابن تولد الرومانسية فى مثل هذه الاجواء المادية والمشحونة

والمشكلة الاكبر لو كان من هواة السهر ليلا وهى مجهدة طوال اليوم من وجهة نظرها هى عملت اللى عليها

نظفت المنزل وطبخت وغسلت يبقى خلاص كده مهامى انتهت وسيبونى انام طيب يعنى واحد زى ده يقعد يكلم

نفسه بالليل ولا المفروض يجدها انيسه يناقشها فى احداث يومه وتخبره عن امور البيت والاولاد

فذلك حديثا ربما يراه الكثيرون انه بعيد عن الرومانسية لكنه بالعكس طالما هناك حديث

باى صورة فهناك الفة وتفاهم يتبعها مشاعر و احاديث واهتمامات مشتركة يولد خلالها الحب ومن ثم تتواجد

الرومانسية فى جو صحى فهى لم تكن مجرد كلمتين يقولهم الزوج لارضاء زوجته فى لحظة صفا وكان

الله بالسر عليم

الرومانسية من وجهة نظر الرجال تصرفات ومن وجهة نظرنا نحن النساء كلام فيحدث التعارض

لكن انا الرومانسية عندى ليست قاصرة على كلمات العشق والحب فقط انما حنية وتقدير وخوف

ولهفة وشوق ربما لاتعبر عنها الكلمات بقدر الفعل

خلاصة الكلام ان لكى نحيى الرومانسية فى بيوتنا لابد ان نشارك فى صنعها احنا الاتنين بشتى

الوسائل فلكل فعل رد فعل واسفة ان اقول لاتتواجد الرومانسية الا بين الزوجين العاشقين والمحبين لبعضهما

فكثيرا من الزواج الخالى من الحب والمشاعر لاتنتظر منه الزوجة او الزوج اى رومانسيات بالمرة

لانه زواج عملى اعتمد على العقل فقام على العشرة الطيبة لا غير

الرومانسية ليست ورود وشموع واهات لكن احتواء كل طرف للاخر حتى ولو بنظرة دون كلام لكن لايفهم

مغزاها سواهما هما الاثنين رغم وجود اخرين معهما وحولهما

واجدك اختى مؤمنة لم تقصرى ولكن ابحثى عما يحبك هو ان تفعليه لا ماتحبى انت من وجهة نظرك فعله

حينها ستجدى ماتبحثى عنه دون عناء فقط تعرفى على مفاتيح زوجك تملكين قلبه وجميع حواسه

[عادل أبو عمر]

واجدك اختى مؤمنة لم تقصرى ولكن ابحثى عما يحبك هو ان تفعليه لا ماتحبى انت من وجهة نظرك فعله

حينها ستجدى ماتبحثى عنه دون عناء فقط تعرفى على مفاتيح زوجك تملكين قلبه وجميع حواسه

كنتي فين من زمان يا مدام هند بكلامك الجميل ده .. تسلم إيدك و ربنا يبارك لحضرتك في أسرتك الكريمة

[Kareem the Angel]

يعنى هو انا ممكن اقول كلمة عن الرومانسية حسب وجهة نظرى

ليه حصرتم الرومانسية فى الرجال او الازواج فقط

فراى انها عملية نسبية تختلف باختلاف الشخص نفسه سواء زوج او زوجة

لانى اعرف بعض الحالات يكون فيها الزوج هو من يبحث عن الرومانسية فى زوجته ولايجدها

بمعنى ان الرجل يواجه كثيرا من الضغوطات فى مجال عمله وفى الطريق ويكون فكره مشغول

بكثير من الامور فمن الافضل عند دخوله بيته يستقبل بوجه بشوش يمتص عناء يومه لكن مايحدث يفاجئ

احيانا بقمطة فوق الراس وملابس غير مهندمة ورائحة بصل وثوم وكم من الطلبات والشكوى والضجيج

من مشاكل الاولاد غير وجه عبوس غير مبرر ده صراحة يسد نفس اى راجل يقولها حتى السلام عليكم

حتى لو اراد الراحة والنوم يزيد الصراخ مع الاولاد وصوت التلفزيون وحديثها فى التليفون بصوت عال

فابن تولد الرومانسية فى مثل هذه الاجواء المادية والمشحونة

والمشكلة الاكبر لو كان من هواة السهر ليلا وهى مجهدة طوال اليوم من وجهة نظرها هى عملت اللى عليها

نظفت المنزل وطبخت وغسلت يبقى خلاص كده مهامى انتهت وسيبونى انام طيب يعنى واحد زى ده يقعد يكلم

نفسه بالليل ولا المفروض يجدها انيسه يناقشها فى احداث يومه وتخبره عن امور البيت والاولاد

فذلك حديثا ربما يراه الكثيرون انه بعيد عن الرومانسية لكنه بالعكس طالما هناك حديث

باى صورة فهناك الفة وتفاهم يتبعها مشاعر و احاديث واهتمامات مشتركة يولد خلالها الحب ومن ثم تتواجد

الرومانسية فى جو صحى فهى لم تكن مجرد كلمتين يقولهم الزوج لارضاء زوجته فى لحظة صفا وكان

الله بالسر عليم

الرومانسية من وجهة نظر الرجال تصرفات ومن وجهة نظرنا نحن النساء كلام فيحدث التعارض

لكن انا الرومانسية عندى ليست قاصرة على كلمات العشق والحب فقط انما حنية وتقدير وخوف

ولهفة وشوق ربما لاتعبر عنها الكلمات بقدر الفعل

خلاصة الكلام ان لكى نحيى الرومانسية فى بيوتنا لابد ان نشارك فى صنعها احنا الاتنين بشتى

الوسائل فلكل فعل رد فعل واسفة ان اقول لاتتواجد الرومانسية الا بين الزوجين العاشقين والمحبين لبعضهما

فكثيرا من الزواج الخالى من الحب والمشاعر لاتنتظر منه الزوجة او الزوج اى رومانسيات بالمرة

لانه زواج عملى اعتمد على العقل فقام على العشرة الطيبة لا غير

الرومانسية ليست ورود وشموع واهات لكن احتواء كل طرف للاخر حتى ولو بنظرة دون كلام لكن لايفهم

مغزاها سواهما هما الاثنين رغم وجود اخرين معهما وحولهما

واجدك اختى مؤمنة لم تقصرى ولكن ابحثى عما يحبك هو ان تفعليه لا ماتحبى انت من وجهة نظرك فعله

حينها ستجدى ماتبحثى عنه دون عناء فقط تعرفى على مفاتيح زوجك تملكين قلبه وجميع حواسه

مشاركه رائعه احييكي عليها...فعلا الحياه الماديه الصعبه اضعفت الكثير من المشاعر..

[engmido]

علي فكره بعد الرومانسيه ضروري الواحد يشرب شويه لبن رايب عشان مايجلهوش امساك

وطبعا تفضل ان الرومانسيه تكون نص سوي عشان كرشه النفس :blink:

يا مزاجك يا اوزو اوزو

6*6 ب36 .... كله يدلع نفسه

حبيبى يا عطوة

هههههههههه

[moamana]

يا خبر اسود حتى السياسة دخلت هنا

فيه ايه انا حبيت اعمل موضوع فكاهى نتشارك مواقف مضحكة انا و كل الزوجات هنا و فوجئت باللى بيحصل

اولا ايه اللى دخل الرجالة اساسا انا مش قلت ممنوع دخول الرجالة :protest:

يقولولى الست الاوروبية و الست العربية او المصرية و الرشاقة ..الخ

طيب الحمد لله انا لسه برشاقتى و جوزى ببوس ايده ليل نهار يخس لان كرشه بقى ادامه مترين......اقارنه بالرجل الاجنبى بقى

لا و الله هو احلى عندى من اى رجل اخر فى الدنيا شكلا و شخصية و كل حاجة

و بالنسبة لبقية الرجالة ردود rewsha

قامت بالواجب bsh:)

وجه واحدة معتزة بنفسها و ممتعضة اوى اوى

ثانيا : رغم انى مخدتش الفكرة من لماضة مصرية الا ان مشاركتها اكثر من رائعة جدا جدا .....بجد الله يكرمك

طبعا انا اشكر كل من شاركوا فى الموضوع رجال و نساء

و فعلا انا بدور على الرومانسية من وجهة نظر زوجى و اقسم بالله انها بالفعل رومانسية تفيض مودة و رحمة و هذا هو اصل الزواج المودة و الرحمة فسيكفيه عندى طوال العمر انه لا ياكل اى شىء جميل الا اقتسمعه معى انا و ابنى

لا يذهب الى اى مطعم و يجد طعامه جيدا الا و يجب ان يعزمنا فيه انا و ابنى و ياكلنا بيديه

زوجى حبيبى عندما اكون مريضة يعطينى الدواء بيديه و يقوم من عز نومه لكى يحضر لى مشروبا دافئا

و عندما طلبت منه شهر عسل تانى لاننا لم نحظى بشهر عسل للاسف سفرنى الى سويسرا و ايطاليا و فرنسا

يعامل اهلى جيدا جدا و يسمح لى بان اشترى هدايا لهم

و الكثير و الكثير مما من الله على فيه من الحنية و الحب

و ان لم تكن تلك هى الرومانسية و كانت الرومانسية مجرد كلمات و اشعار لوجدتنى ربما لا استطيع الحياة معه على الاطلاق بهذه التصرفات الرائعة هى منتهى الرومانسية

و انا دوما ابحث عن هذه الامور و اقدرها جدا جدا و ااقلب اى موقف رومانسى رومانسية الافلام لا يعرف هو مجاراتى فيه الى ضحك و تهريج و لا اغضب ابدا.........و لكن بصراحة ده حصل بعد اول سنة و نصف زواج بعدما فقدت الامل فى رومانسية الافلام و الشموع و الورود الحمرا و لجات الى الرومانسية العقلانية التى ينتهجها اغلب الرجال المتجوزين الى ان يصابوا بازمة منتصف العمر و يحبوا بنت فى سن بناتهم :P :P

بس انا كنت عايزة كل واحدة تقولى موقف مضحك او ساكون حتى متسامحة اكتر و اى رجل يقولى موقف رومانسى مضحك ليس كنوع من الشكوى و لكن كنوع من التغيير و الخروج من الاوضاع السياسية و حرقة الدم اللى احنا فيها

موقف اخر طريف لى و لزوجى

هو متعود طبعا ان ياتى ليرانى مرتدية ملابس جميلة و مزينة شعرى و من الاخر على سنجة عشرة فى اغلب الاحيان و لكن هذه المرة ارتديت لينسس رمادى عدسات ملونة رمادى يعنى

المهم هو دخل و قعدنا و قمت حضرت اكل و كان كل شوية يبوسلى و يتاملنى كده و بعدين لو بستله يحط وشه فى الارض او يبص فى السقف يدور على العصفورة ؟؟؟؟!!!!!!و كانت نظرته غريبة كده شوية و بعد ما اتعشينا و بسلى فرفعت عينى و بستله فنظر للارض ثانيا و قال بتوتر :فيه حاجة

قلتله : لا بس اصلك بقالك 3 ساعات بالزبط بيتبوسلى و فى حاجة غريبة لو اللينسس مش عجباك او مش لايقة على حاضر هغيرها و اجيب لون تانى

لقيته بسلى اوى و عينيه وسعت و قالى :عدسااااااااات

طبعا انا انهرت من الضحك و قلتله بقالك 3 ساعات يا مؤمن بتبوسلى مش عارف ايه اللى متغير فيه رغم ان عينى غامقة جدا و العدسات فاتحة جدا

ابتسم هو مكسوف و خبا هذه الابتسامة بسرعة و سكت

و بعد شوية نكشته و قلتله : لونها لايق على و لا مش اوى

قالى و هو بيبص لطبق العسل اللى امامه باهتمام شديد اوى اوى و يحاول ان يكتم ابتسامه اخرى كادت ان تفلت :لا لا حلوة و لونها حلو

[rewsha]

طب انت يا مؤمنه قعدتي 3 ساعات بس علشان جوزك يكتشف انك عامله لوك جديد

انا بقى غيرت لون شعري كان اسود وعملته نبيتي وقعدت يوم كامل (وهوه ولا في دماغه)

ورايحة جايه انا اللي ابص له

يقولي.... في حاجه؟؟؟

اقول له ...لا

طول اليوم على كده

وبعدين اتغاظت منه جدا ...قلت والله لارجع شعري اسود تاني

اضحكي بقى

بعد ماصبغته اسود بعدها بيوم ...لقيته بيقول لي ...الاول كان احلى

يعني كان واخد باله وكان اللون عاجبه

بس فين بقى ...قلت له بس الاسود عاجبني اكتر .وسيبته اسود بالعند فيه

علشان بعد كده لما تعجبه حاجه يبقى يقول راْيه فيها

[الدكتور ياسر]

معذرة أنا لم أقرأ كل المداخلات ولكن قرأت المداخلة الأولى صدر الموضوع .

خطأشائع يقع فيه معظم الرجال بعد الزواج وهو إهمال الجانب النفسي لدى الزوجة , بالرغم من أن الاهتمام بهذا الجانب

منه كفيل بتهيئة جو سعيد و صحى له بعد عودته الى البيت .

يظن الكثير من الرجال ان المرأة سترضى منه فقط تعبه وشقائه خارج البيت ليوفر لهم الحياة الكريمة ,

وان كان هذا محمود منه بلا شك إلا أنه غير كاف بالتأكيد لسعادة زوجته التى تنتظره اليوم الطويل لتسمع منه كلمة حانية ولو من وراء قلبه

أو ثناءا على ملبسها أو تزينها له .

مجهود بسيط وكلمات قليلة منه تبث السعادة في قلب زوجته , التى تعتبر عمله خارج البيت أو حتى عنايته و تربيته لأولاده أمرا مفروغا منه .

ولذلك تجد الإسلام يهتم بتلك النقطة , فترى الشريعة الإسلامية تبيح للزوج أن يتلفظ بكلمات الحب و الرومانسية لزوجته حتى لو كان كاذبا في

تلك المشاعر.

تم تعديل 30 ديسمبر 2011 بواسطة الدكتور ياسر

[اثار]

[moamana]

عملتها و الله حصلت لى

فى مرة كده و بدون مناسبة لقيته باعتلى مسج بيقولى كلام حلو و المصحف اتصلت عليه عشان اتاكد انه بخير رغم ان المسج فعلا كانت جملة واحدة اربع كلمات بحبك

اول رد رجالى منصف رد الدكتور ياسر شكرا لك يا فندم بس اسمحلى لو المدام فى المنتدى تؤكد انك تفعل هذا او على حد علمى حضرتك لسه على البر و متجوزتش عشان كده لسه بتؤمن فى رومانسية الكلام الجميل

rewsha

و الله يا بنتى انا بقيت اعمل اللى يعجبنى يعنى معقول اصبغ شعرى مرتين فى يومين بس عشان هو معلقش لا انا بقيت ارخم عليه يعنى استنى لما صبرى ينفذ و بعدين ااقوله يا تقول كلمة و تلاحظ يا اما و الله تصحى الصبح تلاقى شعرك انت اللى مصبوغ نبيتى

و اكثر حاجة بهدده بيها انى ممكن اقص له رموش عينيه و هو نايم

[Hesham Zaki]

بمناسبة القوارير اللي بيموتوا في الرومانسية واحد صاحبي اوي (عشان الرقابة بس)

اول ما اتجوز ظبط تواريخ المناسبات كلها علي تقويم الموبايل وطبعا مفيش مناسبة كان بينساها

اول عيد خطوبة جاب وردة وقالها كل سنة وانتي طيبه فرحت اوي القارورة وعدت الليله علي خير

في عيد الجواز جابت وردتين وقالها كل سنة وانتي طيبه يا حبيبتي الغريب كان في نظرة غريبة في عينها بس عدت

في عيد ميلادها جاب بوكيه ورد قالته ايه الحكاية انت هاتقضيها ورد مفيش سعادتك حتة دهب ولا الماس ههههههههههههههههه

ودي كانت نهاية الرومانسية الجميلة وشرب صاحبنا بعدها كوب لبن رايب بس ما جابش نتيجه خالص

تم تعديل 7 يناير 2012 بواسطة Hesham Zaki