"النور" يرفض مشاركة الكنيسة بالقداس.. وأبو إسماعيل ينتظر الدعوة

[طارق مصرى]

رغم مآخذي على حزب النور وعلى السلفيين، لكني احترمت موقفهم في الموضوع ده. بصراحة لم أكن أتوقعه.

في كل الأحوال، وبصرف النظر عن حكم التهنئة أو المشاركة في الاحتفال، يحسب لحزب النور ثباته على المبدأ - مهما كان - وتجنبه التلون لأغراض سياسية. يعني ده كان رأيهم قبل نجاحهم في الانتخابات، وثبتوا على نفس الرأي بعد نجاحهم في الانتخابات. في النقطة دي، الحزب محترم لأنه ثابت على برنامجه ومنهجه الأساسي. وببساطة الديمقراطية بتقول لو فيه حد مش موافق على موقف أو منهج أو برنامج حزب النور، مايصوتش له تاني في الانتخابات. هو حزب مش عارف مصلحته فين، يبقى هو حر، يستنى بقى نتيجة الانتخابات الجاية.

لا يادكتور لم يثبتوا على المبدأ

1- حرموا الخروج على الحاكم ، وعندما رجحت كفة الخارجين خرجوا معهم.

2- حرموا المظاهرات وعندما وضحت الرؤية شاركوا فيها.

3- حرموا المظاهرات ، ونظموا مظاهرات لنصرة الشيخ الحويني ضد المفتي ونظموها لكاميليا شحاتة.

4- حرموا الانتخابات وشاركوا فيها.

5- حرموا الأحزاب وأنشأوا أحزابا.

6- حرموا مشاركة النساء في العمل السياسي ، ورشحوا امرأة في كل دائرة.

7- استحببوا للمرأة أن تترك وظيفتها حتى لو كانت استاذة جامعة ، وأنزلوها للشوارع للدعاية لمرشحيهم.

8- حرموا الديمقراطية ووصفوها بالكفر ، وآمنوا بها عندما وجدوا فيها سبيلا للوصول لمقاعد البرلمان.

أين هم إذن من الثبات على المبدأ؟ فقط ثبتوا على مبدأ الفرقة والإنقسام؟

بأمانة شديدة فعلا معجبة بالمداخلة دي و اسلوبها المؤدب

و مستنية الاجابة عليها

لأ كمان بضم صوتي لصوت الاستاذ محمد بعض السلفيين فعلا كانت هذة مواقفهم وكفرو الاخوان وهاجمو حماس وضحايا البوسنة فهل تغيرت ام ان لدينا نحن بعض الخلط بين الشخوص

و اتمنى ان يقوم الاستاذ محمد بعمل موضوع منفصل نكلم فيه عن مواقف البعض قبل وبعد الثورة

و يقوم من ينتمي الى هذا التيار ويعرف دهاليزة بتوضيح الفارق لنا لاننا فعلا مش عارفينو

و الموضوع لا يتوقف عند السلفيين مثلا بل كل من تغير وعلى رأسهم مصطفى بكري اللي مش فاهمة نجح ازاي اساسا

عايزين يا جماعة نعمل موضوع و نعرف فيه من تحول و لماذا

و شكرا

انا مكنتش هرد لانى رديت و اخوة غيرى ردوا فى مواضيع اخرى

بس علشان اول مرة اتناقش مع حضرتك هرد

قلنا كتير جدا ما يطلق عليه التيار السلفى يضم اطياف كثيرة من اقصى التطرف اللى بيكفر الناس بسبب ذنوب او كبائر (فكر الخوارج) الى اقصى التفريط اصحاب منهج مبارك امير المؤمنين (اتباع السلاطين و علماء السوء ) و قلت ما يطلق عليه لانى مؤمن ان هذه التيارت لا تنتمى الى فكر السلف الصالح و لانهم كان اجدادهم اصحاب هذا الفكر موجودين منذ قرن الاول الهجرى , بالاضافة الى ان التيار السلفى ايضا فكرته هى الالتزام بالدين عن طريق القران و السنة بفهم سلف الامة و سلف الامة لهم اراء كثيرة و اجتهادات و عليها فلا يوجد اجماع فى جميع الامور الشرعية بين من ينتسب للتيار السلفى و لا يوجد لهم مجلس او جماعة او رابطة موحدة تجمعهم مثل الاخوان

ناتى للنقاط اللى ذكرها أ- محمد باختصار بالنسبة لعموم فتاوى التيار السلفى

1- حرمة الخروج على الحاكم و المظاهرات لم يقولوا بحرمتها فى ذاتها (مثل الخمر مثلا ) و لكن تكلموا عن المفسدة الاكبر فى الخروج على الحكام اى من باب ترك شر الشرين و المظاهرات من باب ما فيها ايضا من مفاسد (تعطيل مرور - ضوضاء ..الخ ) بدون فائدة (حيث لم تكن المظاهرات تحقق شيئا قديما )

2- حرمة الاحزاب و الانتخابات و مشاركة المراة اقول الى الان يوجد تيار لم يشارك و رافض للاحزاب و الانتخابات و فريق اخر يرى الدخول من باب تحقيق مصلحة تطبيق الشريعة

3- وصف الديموقراطية بالكفر لم يتغير مبداهم فيقولون اليموقراطيه بمعناها الصحيح هو ان الشعب مصدر السلطات بلا قيود و هذا المعنى مخالف للاسلام ام ان يكون الشعب مصدر السلطات و لكن تحت مظلة الشرع اى بما لا يخالفة فى خلاف على ذلك و ينادون به

ملحوظة : لانى لا اريد الاطالة كثيرا كان يمكننى ادعم كلامى بادلة و منها كمثال و ليس الحصر كتيب لاحد رموز السلفية و من تيار الاصلاح السلفى و هو الدكتور هشام عقدة و اسمة رسالتى للشباب عام 2006 اى قبل الثورة بسنوات فيه هذه المعانى

[mekkawy]

السلام عليكم

معلش بس كلمتين واقفين في زوري

ما كل واحد حر يا جماعة .. عاوز تهني يا أستاذ محمد.. هني يا سيدي براحتك بس ما تلزمنيش أهني .. دي حرية ايه دي

عاوز تهني و تبارك يا أستاذ اسلام .. هني و بارك يا سيدي بس ما تنكرش عليا موقفي و تحاسبني كأنك ربنا .. انا حر يا عم

بدل ما نقول للي مش هيهني ينقطنا بسكاته .. معلش .. اللي هيهني يروح يهني و هو ساكت و حاطط لسانه في بقه و ينقطنا هو بسكاته .. هو كان حد من اللي مش هيهنوا فتح الموضوع .. هو انتوا تنكشوا الناس و ترجعوا تقولوا نقطونا بسكاتكم .. نقطونا انتوا شوية بسكاتكم و سيبوا الدنيا ماشية و زي الفل لوحدها.

و الأخير يجي واحد يدعي و يقولك ربنا يخرب بيوتهم .. يا رب يا سيدي يخرب بيت كل واحد بينكش في الشر و هو عارف إنه بينكش فيه

طب الإخوان حضروا .. نعم بأة؟ و السلفيين ليهم موقف .. هم حرررررررررررين .. حرررررررررررية يا جدعان .. ولا الصيد في المية العكرة أمتع من الحرية؟

و الله قريت الموضوع من أوله لآخره اربع صفحات حاجة مستفزة ... تطرف و ارهاب و إجبار منقطع النظير .. خلاص يا عم أنا مش عاوزأشرب هتمسك دماغي و تغطسها في الحوض يعني .. انا مش عاوز يا عم هتجبرني؟؟

استغفر الله العظيم .. فقعتوووووووووووونا ارحموا نفسكم شوية

ربنا يهدي الجميع .. و يقولك لو الاسلاميين مسكوا مش هيبقى فيه حرية .. على أساس الليبراليين اللي مش مسكوا ولا هيمسكوا عندهم حرية أوي .. صباح الخير يا حرية

خلاص وبناء على كلامك

اللي مش هايهني ينقطنا بسكاته بردو ويقول انا مقتنع انه مش من الواجب عليا اني اهنئهم ويقول انا حر لكن يقحم في كلامه الاسلام

معلش بأه هنا من حقي اني ادخل واعارضه بالدين بردوا ومن حقي اناقشه واكشف خطاه امام الجميع وانه عنصري وانه لا يفهم في السياسة وانه بيغني بالمواطنة وبيفرق بين من يحكمهم يهنيء هذا ويرفض ان يهنيء هذا وهنا هو ليس لديه أي عدالة كسياسي

من حقي اتخوف منه وان اعارض قراراته العنصرية

انا قلت منذ قليل ربنا يهديهم

ودلوقتي بكمل كلامي وباقول ربنا يهديهم او يهدهم

ده رد على مداخلتك العصبية جدا واللي فيها كلام ما يصحش يتقال يا زميل مكاوي

يا أستاذ اسلام

الخلاصة من مشاركتي العصبية اللي زعلتك و اللي نتاج طبيعي للاستفزاز اللي شغال ليل نهار من الأنتي سلفيستس إن اللي عاوز يهني يهني بمرجعيته و اللي مش عاوزله مرجعيته بردو .. تحترم رأيي و أحترم رأيك .. لا أنا وصي على الدين ولا أنت وصي عليه لا ألزمك ولا تلزمني .. فمتجيش لو سمحت تقولي عنصرية و مواطنة و الكلام ده و بعدين إنت بتقول مفيش دليل .. طب متجيب إنت دليل على الاباحة من فضلك و تنورنا علشان السلفيين اللي ضاحكين علينا .. و بعدين يا فندم ده دين .. حدود و عقيدة و كل واحد حر في عقيدته و حسابه عليها عن ربنا .. و ليس معنى إن حزب النور السلفي لما يمتنع عن حضور قداسات الكفر (من زجهة نظر الاسلام ولا عندك رأي تاني) فمش معنى ذلك أنه سيجحد حق المسيحين شركاء الوطن .. ليس معنى إني أمتنع عن تهنئة المسيحي جاري إني مش هأدي ولاده درس مثلاً .. ليس معنى إني أمتنع عن مشاركته قداس بيشرك فيه بالله عشان أنا مسلم .. فليس معنى ذلك إني هأمتنع عن معالجته أو نجدته .. ده حقه عليا كمسلم .. البر و الاقساط .. مش معنى كدة بأة إني لااااااازم أشررررررب.

صباح الخير يا فندم

[mekkawy]

السلام عليكم

معلش بس كلمتين واقفين في زوري

ما كل واحد حر يا جماعة .. عاوز تهني يا أستاذ محمد.. هني يا سيدي براحتك بس ما تلزمنيش أهني .. دي حرية ايه دي

عاوز تهني و تبارك يا أستاذ اسلام .. هني و بارك يا سيدي بس ما تنكرش عليا موقفي و تحاسبني كأنك ربنا .. انا حر يا عم

بدل ما نقول للي مش هيهني ينقطنا بسكاته .. معلش .. اللي هيهني يروح يهني و هو ساكت و حاطط لسانه في بقه و ينقطنا هو بسكاته .. هو كان حد من اللي مش هيهنوا فتح الموضوع .. هو انتوا تنكشوا الناس و ترجعوا تقولوا نقطونا بسكاتكم .. نقطونا انتوا شوية بسكاتكم و سيبوا الدنيا ماشية و زي الفل لوحدها.

و الأخير يجي واحد يدعي و يقولك ربنا يخرب بيوتهم .. يا رب يا سيدي يخرب بيت كل واحد بينكش في الشر و هو عارف إنه بينكش فيه

طب الإخوان حضروا .. نعم بأة؟ و السلفيين ليهم موقف .. هم حرررررررررررين .. حرررررررررررية يا جدعان .. ولا الصيد في المية العكرة أمتع من الحرية؟

و الله قريت الموضوع من أوله لآخره اربع صفحات حاجة مستفزة ... تطرف و ارهاب و إجبار منقطع النظير .. خلاص يا عم أنا مش عاوزأشرب هتمسك دماغي و تغطسها في الحوض يعني .. انا مش عاوز يا عم هتجبرني؟؟

استغفر الله العظيم .. فقعتوووووووووووونا ارحموا نفسكم شوية

ربنا يهدي الجميع .. و يقولك لو الاسلاميين مسكوا مش هيبقى فيه حرية .. على أساس الليبراليين اللي مش مسكوا ولا هيمسكوا عندهم حرية أوي .. صباح الخير يا حرية

يا أستاذ مكاوي

لو رحت مطعم ولقيت واحد بيأكل ضفادع ، مش من الذوق أنك تقو " إخيه .... بتأكل ضفادع ... ده انت انسان مقرف "

اخذت بالك أنا أقصد إيه؟

انت مش عايز تهنئ المسيحيين بالعيد بتاعهم ، مفيش مشكلة ومحدش حيضربك على إيدك ، لكن مش لازم تجيب ميكرفون وتقف على تلة عالية وتقول الكلام وتنادي بعدم تهنئتهم لأنهم كفار ومشركين .

المشكلة انك لما تجهر بكده فأنت تبث الفرقة وهو مالا يصح.

ولو الموضوع بيحصل من ناس عاديين ، مفيش مشكلة ، لكن لما يحصل من ناس المفروض انها ستنوب عن المسيحيين في أمور التشريع وإدارة البلاد فهنا تكمن المشكلة.

صباح الحرية يا أستاذ مكاوي ... مش ترقية على فكرة.

استاذ محمد صباح الخير

أولاً بأشكر ليك هدوئك في الرد و امتصاصك لغضبي .. فشكراً

واضح اننا متفقين في نقطة و مختلفين في نقطة .. متفقين في الامتناع عن التهنئة و احترام لرأي حزب النور و أتباعه .. لكن معترض على إنه صرحوا بإن هذا كفر و مخالف للعقيدة الاسلامية .. طب و هو يا استاذنا أليس الشرك بالله مخالف للعقيدة الاسلامية .. و زيما حضرتك قلا لأنه مش من ناس عادية ده من حزب سياسي فكان لابد من ابداء أسباب .. و هذ دي ببساطة الأسباب إن الأمر مخالف للعقيدة الاسلامية و أي مسلم فطرته سليمة لازميكون فاهم إن ده مخالف للعقيدة الاسلامية و لا نعمل بأة زي الأخ بتاع حزب الكتلة اللي فخور أوي بإن البابا صلب على راسه .. و اسمه محمد و الله خسارة فيه الاسم .. ده اللي بنقوله يا فندم إن بحضور مواطن الشرك بالله بتتورط في أعمال شركية بدون ما تشعر .. ما اقصدش الاستاذ محمد حضرتك .. اي بني ادم قد يتورط في الشرك سواء كان أكبرأو أصغر .. فكان لزاماً على حزب النور و المشايخ و كل عاقل أن يحذر المسلمين من الأمر ده و يوضحه ليهم .. و زي ما قلت لأستاذ اسلام .. أبر و أقسط و أشيل المسيحي على راسي من فوق و أحميه في كنيسته كمان و هو بيتعبد .. إنما أدخل و أشاركه و أهنيه على شركه بالله لأ .. اسف .. قلبي مش بالعها من غير ولا شيخ و من قبل ما ألتزم اصلاً ولا اعرف إن فيه حاجة اسمها سلفية.

أنا مش مولود سلفي يا استاذ محمد .. انا كنت عادي جداً و تلفان كمان لوقت قريب (مش تلفان أوي يعني) بس لا كنت أعرف أبيض ولا أسود كبير كنت بأصوم رمضان و أصلي الفروض و مكنتش بأبلعها بردو رغم إن كان ليا صحاب مسيحين في الكلية و الجيرة.

و الله الموضوع بسيط بس احنا اللي متشنجين شوية ليس الا .. اقصد بإحنا كلنا

[eslam elmasre]

mekkawy كتب

طب متجيب إنت دليل على الاباحة من فضلك و تنورنا علشان السلفيين اللي ضاحكين علينا ..

معلش حضرتك

بالنسبة ليا السلفيين مش ضلحكين عليا

بالنسبة لك حضرتك تقدر تحكم على نفسك ولا تضعني في موضع احراج

فيه قاعدة مهمة جدا يا اخ مكاوي

الاصل في الاشياء هي الحلة الا ما حرم الله تعالى في كتابه صراحة

يعني الاكل مثلا كل اي شيء ما عدا كذا وكذا

فاللي بيحرم هو من يعطينا دليل تحريمه