أسباب التدخين ... تعالى وشاركنا برأيك

[se_ Elsyed]

مقالات وأبحاث كثير كثير إتكلمت عن أضرار التدخين وطرق الإقلاع عن التدخين .. لكن ماحدش ناقش لحد دلوقت الأسباب اللي بتدفع الناس للتدخين وغالباً ده بيكون في فترة الشباب ..

عارفين إيه اللي خلاني اكتب الموضوع ده .؟

اولاً كنت بأفكر اكتبه بقى لي فترة بس مش لاقي مدخل له ..

ثانياً لاحظت إنتشار تنبيهات ولوحات إرشادية إنتشرت في مدينة الرياض تحث على الإقلاع عن التدخين ...

تعرفوا كاتبين إيه ؟!!!!!

لوحة كبيييييرة وكاتبين عليها " التدخين علامة التخلف "

شوفتوا الهنا اللي إحنا فيه .. يعني جم يكحلوها راحوا فاختين عينيها الاتنين ....أو واحد مثلاُ لقى صاحبه ما بيصليش فحب ينصحه يقوم جايب شومه وخبطه على راسه ويقول له قوم صلي ....

حاجة تقرف وكأن اللي كاتب اللوحة دي لم يدرس علم نفس أو بلاش كده عشان ما تبقاش واسعه .. وكأنه لم يسمع عن حاجة إسمها ذوق او فعل ورد فعل..

بعكس بقى المدينة المنورة ومكه المكرمة اللي بدأوا حملة لمحاربة التدخين فيهما وبدأوها في المدينة المنورة أولاً العام الماضي بلوحات إرشادية ظريفة ومقبولة وكلها أدب وذوق وفعلاً وجدوا إستجابة كبيرة وواسعة النطاق وأصبحت السجائر تُباع هناك زي المخدرات ومش في أي محل تلاقيها وبقت تتهرب .. معنى ذلك إن المدخن سوف يجد صعوبة في الحصول عليه ...

ما علينا خلينا في موضوعنا ... زمان قوي أفتكر وإحنا صغيرين كان أباءنا يحذرونا من التدخين .. ليه يابوي ؟ عشان اللي بيشربوا سجاير بيبقوا وحشين يا س س يا ولدي... الغريب بقى إن والدي الله يرحمه كان مُدخن بس أقلع عن التدخين لما مرض السكر إزداد عليه ...

فأصبحت حجة إن اللي بيدخن بيبقى وحش غير مقبولة لأن اللي بينصحني بيدخن هو كمان....

وأيضاً كنا نرى أطباء وأساتذة جامعة وناس في مراكز محترمة بتدخن ... والعجيب إنك تلاقي طبيب بيعالج المرضى من أثار التدخين وأمراضه وهو مُدخن شره ...

الله إنتوا هاتلخبطونا ليه ؟

طب حد يقول حاجة يا جماعة .. هل الموضوع بيبدأ تقليد ولا إثبات للذات وللرجولة على رأي شباب كانوا بيقنعونا إننا نجرب عقب السيجارة ده عشان ندعيلهم ، ولا بتبقى من الزهق وفش الغل زي ما في ناس بتقول ؟

[Ahmed Mohsen]

مبدئيا وده في رأيي الشخصي ..... فرص أن يصبح الإبن مدخنا تزداد إذا كان الأب أو الأم مدخنين

من الطبيعي عندما ينصح الأب إبنه بعدم التدخين .... ينظر الإبن للأب ....فإذا كان الأب مدخنا، لا يقتنع الإبن بل بالعكس تبدأ رغبته في تقليد الأب بمبدأ أن الممنوع مرغوب وإشمعني بابا.

إنما لو أن الأب كان غير مدخن ..... ففرص إقتناع الإبن بعدم التدخين تكون كبيرة لوجود القدوة

وأنا أعتقد أن أساليب المنع والترهيب تؤدي لنتائج سيئة في هذا الموضوع خاصة في ظل وجود الإبن في وسط صحبة مدخنة.

وعن تجربتي الشخصية مع أبي وأمي ....... منذ صغري تم توعيتي بمساوئ التدخين وأضرارها مع عدم ذكر أي تهديد أو وعيد في حالة شربي للسجائر......... مجرد توعية بأضرارها وأخطارها فقط

وبالفعل عندما كبرت وأصبح لدي الكثير من الأصدقاء المدخنين .... لم أقلدهم لأني كنت أعلم أضرارها ولأني أعلم أيضا أن قرار التدخين يعود لي وحدي دون أي تدخل أو منع من أهلي ...... وبالتالي إتخذت قراري بعيدا عن أي ضغوط وأيضا بعيدا عن العند الذي يميز مرحلة المراهقة والبلوغ والنضوج حيث يرغب الشاب في هذه المرحلة أن تكون له شخصيته المستقلة ونتيجة لعدم الخبرة يكون أساس هذه الرغبة العند ومخالفة الحدود والأوامر التي يضعها الأهل.

ومما سبق ...... أعتقد أن العند ومحاولة تكوين شخصية مستقلة عن طريق مخالفة أوامر الأهل من أهم أسباب التدخين في الشباب

أما التوعية منذ الصغر وإعطاء الحرية في إتخاذ القرارات ينتج عنه القرارات السليمة

[ابو يوسف]

بغض النظر عن اسباب أول سيجارة .. لانها متعددة ..

أرى أن التدخين مرض .. و أن المدخن مريض .. نفسياً و عضوياً ..

فالاعتمادية التى تخلقها السيجارة تجعل من الصعب على المدخن أن يقلع عنها لانه تعود عليها نفسياً و أيضاً لأن فسيولوجية الجسم تغيرت فأصبح يعتد على المواد التى تدخلها السيجارة فى الجسم ..

أما عن لافتات التنبيه و التحذير و مؤتمرات التنظير . فأعتقد أنها لا تفيد بشىء !!

هل هناك تحذير أقوى من أن يكتب على كل علبة سجائر بأن التدخين يسبب أمراض خطيرة و سبب للوفاة !!!

هل هناك تحذير أقوى من الفتوى الأزهرية المعلقة على جميع المساجد و تقول أن التدخين حرام حرام حرام ؟؟؟

الموضوع يحتاج الى التعامل مع المدخن على كونه مريض مسكين يحتاج الى مساعدة الجميع لعلاجه وتخليصه من هذا الداء ..

وليس التعامل معه على أنه مجرم منبوذ !!

فهذا لن يجدى نفعاً ...

[بنت شعنونة]

انت زعلان يا س س من كلمة تخلف؟؟؟؟؟؟؟؟

تعالى عندنا المستشفى

في يااااااااااااااااافطة قااااااااااااااااد كدااااااااااااااااااااا

طويلة عرييضة في الأستقبال

ان البيه المحافظ بتاع مطروح اصدر قراااااااااااار بعد الفتوى القائلة ان التدخين حرام شرعا بعدم السماح بالتدخين داخل المصالح الحكومية نهائي

وعلى ذلك يكون مكان التدخين في المستشفى هوا الحديقة.!!!

مش عاوزة اقولك من بعد اليافطة دي كللللللللللللللللللللللللللل زمايلنا بيدخنوا في اييييييييييييييي حتة الا الحديقة!! :rolleyes:

[ماجد]

للأسف انا من المدخنين الأشرار ( على وزن الضباط الأحرار)

التدخين عاده قبيحه و ذميمه و سيئه و قبل كل ده حرام

لكن انا مش قادر ابطل ...

تعرفوا انا شربت السجاير بعد ماتخرجت من الجامعه و اشتغلت كمان.

لأنى كنت عبيط ....

و لا أزال .......

انا و دكتور القلب اللى بيعالجنى بندخن ونقعد ننصح بعض و هو على فكره مريض زيى برضه و أحلى وقت لما اقفشه فى مكان عام و هو بيخالف اتفاقنا <_< :blink:

ربنا يزيح عنى و عنه و عن كل المدخنين الأشرار ....

[Lighthouse]

:blink: fty::

انا لغاية دلوقتي مش قادرة اعرف المدخن بيدخن ليه

وباعتباري احدى المتضررات من التدخين باعتباري مدخن سلبي لان والدي كان مدخنا واخي مازال كذلك وهو من المدخنين الاشرار والشرهين كمان .

من المؤسف ان يضطر الغير راغبين في التدخين في استنشاق الدخان غصب عنهم واللى مش عاجبه يخبط راسه في اقرب حيط

<_<

المفروض يكون هناك تطبيق صارم لمنع التدخين في الاماكن العامة وغرامات فورية كبيرة على المدخنين

وقتها

ووقتها فقط سيبدأ المدخنين في التفكير في الاقلاع او على الاقل الاقلال من التدخين fty::

وبعدين نصيحة اخوية اهمس بها في أذن كل مدخن وارجو ان تواجهوا الحقيقة

حاولوا الاقلاع عن التدخين وانتم بصحة جيدة ولاتنتظروا حتى تضطروا للاقلاع اجبارا بسبب امراض التدخين العديدة التي تعرفونها كلكم

معلش

كلامي صعب شوية

ولكن دي الحقيقة

لاتجبروا انفسكم على الاضطرار للاقلاع

وربنا يقدركم على الاقلاع عن التدخين والبعد عن المدخين

يارب

[ragab2]

للأسف انا من المدخنين الأشرار ( على وزن الضباط الأحرار)

وأنا

للأسف من المدخنين الأحرار ( على وزن الضباط الأشرار )

وأتذكر

أنى ذهبت يوما من عشر أعوام مع صديق مريض لطبيب كبير أستاذ مجارى بولية وعيادته فى عمارة رمسيس وكان عميدا سابقا لكلية الطب وهو عالم كبير فذ ويحمل عدد 2 دكتوراة فى المجارى الولية وفى التناسلية ويأتى له مرضى من أمريكا وأوروبا والحجز للكشف قبله بثلاثة أشهر لازدحام عيادته مع أنه يعمل من 12 ظهرا الى 12 منتصف الليل يوميا

ويشرب سجائر محشية بشراهة ويشعل الواحدة قبل أن تنتهى الأولى مستمرا فى تدخين السجائر الملفوفة طوال المدة التى يقضيها بالعيادة مع العم بأنه رجل مسن ويبلغ السبعين عاما

[ماجد]

ويشرب سجائر محشية بشراهة ويشعل الواحدة قبل أن تنتهى الأولى مستمرا فى تدخين السجائر الملفوفة

محشيه ايه و لا مؤاخذه

<_< :blink:

[amir]

المفروض يكون هناك تطبيق صارم لمنع التدخين في الاماكن العامة وغرامات فورية كبيرة على المدخنين

ميس لايت

لو سمحتى مش عايزين مشاكل

fsh::

:rolleyes:

[montaser]

إن التدخين في المقام الأول هو آفـــه ، وعادة سيئة للغاية ، ولو فكر المدخن لحظة واحدة ، بأن هذا يغضب الله تعالى ، لانقطع عن التدخين .

من المتدخنين من يقول لا أستطيع أترك التدخين وهنا إجابة بسيطة هل تصوم رمضان أم لا ، فمن يجعلك تصوم رمضان بالنهار وتمتنع عن التدخين ، فتستطيع أن تمتنع عنه في الليل كذلك ، ولكن عقدة الخواجة عند المدخن بأنه اتعود أن يمسك شىء في يده .

لو فكر المدخن في قول الله عز وجل :

أحلت لكم الطيبات وحرمت عليكم الخبائث ،،،،، صدق الله العظيم

فتحت أي بند أيها المدخن تضع التدخين تحت بند الطيبات أم تحت بند الخبائث ، طبعا وبلا تردد تحت بند الخبائث ، وكل خبيث فهو حرام ، اذا المدخن الذي لا يستطيع أن يقلع عن هذه الآفة فهو ضعيف دينيا ، وليس عنده عزيمة أو إرادة أن يقلع عن هذه الآفة الخبيثة .

أما عن الأولاد والنصائح إليهم فهذا شىء من الضروري ويجب على كل أب أن يتقرب من أولاده ويكون قدوة حسنة لهم في كل شىء ويختار لهم الصحبة الحسنة الطيبة .

[Ahmed Mohsen]

يا جماعة ........

الموضوع مش عن التدخين وسلبياته وكيفية الإقلاع عنه ......

الموضوع عن أسباب البداية في التدخين .......

يعني بالبلدي كده ...

إيه اللي خلاك تدخن أول مرة وإيه اللي خلاك تستمر ويبقي مدخن؟؟؟؟؟

[se_ Elsyed]

يعني بالبلدي كده ...

إيه اللي خلاك تدخن أول مرة وإيه اللي خلاك تستمر ويبقي مدخن؟؟؟؟؟

الله يخيليك قولهم يا احمد يا محسن .. احسن انا حسيت إني باتكلم صيني والناس مش فهماني ....

[Ahmed Mohsen]

يا باشا إنت تأمر ........

وبعدين تتكلم صيني ... تتكلم تايواني ..... أنا في الخدمة

أفهمك من نظرة عين ..........

أحمد محسن

خبير ترجمة صيني وتايواني ونظرات عيون

[فــيــروز]

يعني بالبلدي كده ...

إيه اللي خلاك تدخن أول مرة وإيه اللي خلاك تستمر ويبقي مدخن؟؟؟؟؟

الله يخيليك قولهم يا احمد يا محسن .. احسن انا حسيت إني باتكلم صيني والناس مش فهماني ....

الله !! :D

ما فيه ناس مش بتدخن وعاوزين يدلوا بدلوهم فى الموضوع شوية رحابة صدر يا جماعه مش كده .. من فتره عاوزه اقول لكم القصه دى

والد احدى صديقاتى "كان" مدخن شره جدا !! يشرب 60 سيجاره فى اليوم

وللاسف الشديد طبعا اصيب بسرطان الحنجره !!

وشالوا له الحنجره !!

وعلى ما اظن لن يستطيع ان يتكلم بعد الآن !! تخيلوا

ولن يستطيع ان ياكل اى شئ سوى بعد ان يتم عصره او هرسه حتى يمكن توصيله الى الجسم عن طريق انبوبه !! شئ بشع ان ينهى الانسان حياته بهذه الصوره المحزنه فلا يستطيع حتى ان يتكلم او يعبر عن مشاعره للغير سوى بالدموع cbyb: .. يا جماعه انقذوا نفسكم من هذا المصير البشع قبل فوات الاوان ..

[ragab2]

ويشرب سجائر محشية بشراهة ويشعل الواحدة قبل أن تنتهى الأولى مستمرا فى تدخين السجائر الملفوفة 

محشيه ايه و لا مؤاخذه

طبعا

محشية حشيش

وأعتقد هو يلجأ له حتى لا يشعر بارهاق العمل لفترة طويلة من منتصف النهار لمنتصف الليل

[فــيــروز]

بـريــد الأهــرام

43100 ‏السنة 127-العدد 2004 ديسمبر 7 ‏24 من شوال 1425 هـ الثلاثاء

سلومة‏..‏ وتفاحة‏!‏

كلما رأيت فتاة أو شابا يدخن الشيشة ويخرج من فتحتي أنفه عمودين من الدخان كعمودي الدخان اللذين يخرجان من بطن الطائرة‏,‏ تقوم في داخلي علي الفور رغبة في أن أخبرها أو أخبره عن المؤتمر العلمي الذي حضرته والذي صنف فيه المحاضر ـ وكان أستاذا للأمراض الصدرية ـ طرق التدخين حسب قدرتها علي إيذاء المدخن كالأتي‏:‏

تدخين السيجار‏..‏ ضار ـ‏(‏ هناك من يظن أنك إذا لم تستنشق دخان السيجار فإنه لن يضر‏,‏ ولكن هذا غير صحيح لأن الدخان مازال يدخل الفم وسيمتص النيكوتين إلي الدم من خلال الغشاء المخاطي المبطن للفم‏),‏ وتدخين البايب‏..‏ ضار جدا‏,‏ وتدخين السجائر‏..‏ ضار جدا جدا‏.‏

أما تدخين المعسل فهو أسوؤها جميعا وهو نوع الدخان الذي يوضع في الشيشة وهو أكثر الأنواع إيذاء للمدخن وهناك ثلاثة أصناف من المعسل قد يوضع أي منها في الشيشة واسماؤها هي‏:‏ سلومة‏,‏ قص‏,‏ تفاحة والنوع الأخير‏(‏ التفاحة‏)‏ لا يمت للتفاح بصلة بل هو نفس الدخان مضافا إليه مكسبات رائحة صناعية تعطيه رائحة التفاح لكنه أولا وأخيرا معسل‏,‏ أي الأسوأ حسب التصنيف السابق‏.‏

وهناك بعض الملاحظات منها ما يلي‏:‏

‏(1)‏ هناك‏4000‏ مادة كيماوية ضارة في السجائر وبالطبع فإنها موجودة في كل سيجارة‏.‏

‏(2)‏ كان النيكوتين يستعمل في وقت ما كقاتل للحشرات‏,‏ وبالذات حشرة البق‏.‏

‏(3)‏ تصرف شركات الدخان‏14‏ مليون دولار يوميا واسمح لي أن أكرر يوميا في الدعاية للسجائر‏.‏

د‏.‏محمد أحمد الديب ـ رشدي ـ الاسكندرية

‏meldeeb@dataxprs.com.eg‏

سلومه و تفاحه

[amir]

الاخت / سلومه

ايه لازمة المواضيع اللى ممكن تسببب مشاكل دى

:lol:

[yasovinas]

سبب اول سيجارة ل90% من شباب مصر هو التقليد وحلم الرجوله

للعلم هناك حتى الان في الصعيد الجواني اهالي يعطون ابنائهم من سن 10 سنوات سيجارة يدخنها قال يعني كده بقى رادل

انا كنت فتحت موضوع التدخين قبل كده قبل رمضان على طول بس انا عايز اكرر للاخوة المدخنين

لو هتبطل علشان الفلوس مش هتقدر

لو هتبطل علشان خايف تمرض زي والد صديقه فيروز برضه مش هتقدر

لو هتبطل علشان ما تبقاش قدوة سيئة لابنك تاكد انك ممكن ترجع للتدخين خصوصا لو اكتشقت ان الواد بيدخن يبقى خلاص خربت

انوي انك تبطل تدخين مرضاة لله ورسوله فقط لاغير

انويها بقلب صادق ونيه صافيه وقول ياسو قال لي

انا يا ساده مدخن شره اكثر من 23سنة والحمد لله اكرمني ربنا بالاقلاع عن هذه العاده القاتله بعد صفاء النيه لوجه الله

[a_ragab_itp]

لن اطول عليكم

انا ادخن الشيشة منذ 6 سنوات

ادخن السجائر بالاضافة الى الشيشة منذ سنتان وحتى الآن

رأى

أن السجائر بتتعب بشدة عن الشيشة بغض النظر عن الرأى الطبى

وإن كان الاثنين خطر جدا

لا أعرف لماذا ادخن السجائر بالتحديد فهى مقرفة جدا جدا سواء فى طعمها او الرائحة التى تتركها بالفم والأيدى

اما الشيشة فسبب تدخينى اننى اجلس مع اصحابى واخواتى كثيير على القهوة وكلنا بنشرب شيشة وهو سبب تافه جداً أعلم ذلك

والسؤال لماذا لا ابطل السجائر على الأقل

لم أدخن إلا بعد أن تخرجت واشتغلت وتزوجت وانجبت

أدعو الله أن يمنحنى الارادة لآبطل السجائر

[amostafa]

ماجد: تعرفوا انا شربت السجاير بعد ماتخرجت من الجامعه و اشتغلت كمان.

انا بدأت التدخيين اول ما دخلت الجامعه  (من عشر سنين تقريبا) ,بس طبعا ايام ابتدائى و إعدادى كانت فى تجارب تجارب خايبه فى الحمام  mfb:  bag):  ,بس ساعتها كنت "بنافخ" زى بيقولو ,يعنى ماكنتش بخدها على صدرى  ثقافتى كانت محدوده ....

و لما دخلت الجامعه ,بدأ الواحد يحس انه كبر ,و زى مقال سى السيد و yasovinas:

س.س : هل الموضوع بيبدأ تقليد ولا إثبات للذات وللرجولة

yasovinas :سبب اول سيجارة ل90% من شباب مصر هو التقليد وحلم الرجوله

الواحد بيكون فى مرحله المراهقه دى عايز يظهر رجولته و زاته , وللأسف بيستخدم الطريقه الغلط , و انا من رئيي ان الاعلام هو اكبر سبب بعد الاسره , يعنى انا افتكر ان فتره مراهقتى كان فى افلام Face Off, و سلسله افلام Die Heard , , وغيرها , وكان طبعا فى الفلم ,عضلات و شخصيه و حركات والبطل كان بيدخن السجاير فيها بطريقه تحسس المشاهد ان هايفوته نص عمره لو مدخنش ,,,,و ان اناس اللى ما بيدخنوش دول Losers ,,كل دا بيخلى المراهق بالزات يجرى و را النموذج ده و يقلده فى كل حاجه , وطبعا مش هايقدر ولا يضرب برشاشات stnd:: و لا قنابل , فا بيخليه فى إللى يقدر عليه "التدخين".pmp:: ....

المهم الواحد بيكبر و تعدى فتره المراهقه ....و يفضل معاه التدخين و يصبح التدخين عنده عادة ,غير ان النيكوتين فى الدم اصبح بنسبه معينه و اذا قلت ,ببدأ الشعور بالرغبه فى التدخين (يعنى شىء زى الادمان) ...

انا سمعت مره من دكتور نفسى بيقول ان فرصه المدخن انه يقلع عن التدخين بتقل مع كل محاوله فاشله للإقلاع , يعنى نسبه نجاحك فى الاقلاع عن التدخين من اول محاوله هى 80 % ,لو رجعت بعدها للتدخين و بعد فتره حاولت تقلع تانى هايكون نسبه نجاحك 60 % ,,, وهكذ ا ,وبيقول ان السبب فى كده ان المدخن بعد كل محاوله فاشله بياخد خبره عن نفسه انه مش بيقدر يبعد عن السجاره , و الخبره دى بتزداد مع كل محاوله فاشله ,لغايه ما تكون يقين ......

انا قبل ما اسمع الكلام دا كانت لى حاوالى 10 محاولات فاشله ,, فقلت للدكتور فى سرى "ربنا يطمنك stnd:: " ...

بس رجع وصلح كلامه ,وكان معناه : ,,, بلاش نضحك على بعض ولا على نفسنا اغلب المدخنيين مستحيل يبطلو السجاير فجأه ,لا اعلانات و لا نصائح ولا قصص و لا غرامات و لا منع و لا اى حاجه هاتقدر تخلى المدخن يبطل فجأه ,,,, الاقلاع الفجأه مبيكونش طبيعى لا نفسيا و لا جسديا (الا فى بعض الحالات النادره جدا) ... المهم , انك تكون عاوز فعلا تبطل و خد وقتك فى الاقلاع ,امشيها على مراحل طويله , حتى لو اخدت سنه كامله علشان تبطل ( احسن ما تقعد 20 سنه عمال تبطل فجأه و ترجع ) .....

يعنى درج كميه السجائر من مثلا 60 سيجاره فى اليوم ,,

اضغط على نفسك و اشرب وعود نفسك بس على 30 سيجاره فى اليوم لمده شهرين ,,,,,,

وبعد الشهرين دول , اشرب بس 20 سيجاره فى اليوم لمده شهرين ,,,,,,

وبعد الشهرين دول , اشرب بس 10 سيجاره فى اليوم لمده شهرين ,,,,,,

وبعد الشهرين دول , اشرب بس 5 سيجاره فى اليوم لمده شهرين ,,,,,,

وبعد الشهرين دول , اشرب بس 1 سيجاره فى اليوم لمده شهرين ,,,,,,

وبعد الشهرين دول , اشرب بس 1 سيجاره كل يوم و يوم لمده شهرين ,,,,,,

و ههكذا ,,,,, بكدا ,انت بتتدرج تتدرج طبيعى و بتعود جسمك على البعد عن السجاره بفترات طويله ,,ودى طريقه العلاج النفسى ,,

و فى اكتر من طريقه ممكن نستخدمها اثناء البرنامج ,لصرف التفكير عن السجاره و ليتعود العقل الابتعاد عنها :

• متخليش التدخين يبقى فى كل مكان ,امنع نفسك عن التدخين فى العربيه و المنزل و العمل ... دخن بس فى الشارع , و لو فى الشغل يكون فى ال Smoking Room
  
• لو كنت بتشرب شاى مع السجاير و دايما الشاى مرتبط معاك بالسجاير , بطل الشاى خالص ,, اشرب اى مشروب تانى.
  
• حاول يكون معاك صديق يشجعك فى البرنامج ده,علشان تشجعو بعض.
  
• لو ضعفت مره و شربت كميه ازيد من المحددها لنفسك ,إخصم الزياده من الايام التاليه.
  
• لا تضع علبه السجائر امامك او فى جيبك.
  
• شم هدومك و صوابعك بعد كل سجاره , وشم هدومك و صوابعك بعد ما بتاخد دش.
  

انا عن نفسى ,بدأت البرنامج ده من حوالى 3 شهور و بعد ما كنت بشرب كل يوم علبه يعنى 20 سيجاره (وده كان من عشر سنين) ,دلوقتى بشرب 5 سيجارات فى اليوم ,,, و الله العظيم انا لما بفتكر الفرق ده (من 20 ل 5) فى اليوم بستغرب جدا و احس انى عملت انجاز و دى الحقيقه ,,,,و اهم جاجه ,ان كل شىء عادى و لا أكنى قللت السجاير و لا بحس انى محتاج سجاير زياده و مبتجيش على بالى زى الاول و الحياه طبيعيه جدا ....

و انشاء الله اوصل لمرحله سيجاره كل يوم و يوم و ,,,,وبعدها ولا سيجاره فى اى يوم و اكون لا بحس انى محتاج سجاير ولا تيجي على بالى اصلا ... قولو امين

تم تعديل 8 ديسمبر 2004 بواسطة amostafa