اذهب إلى المحتوى
محاورات المصريين

ايه اللي بيحصل ده..؟

Alattar

بواسطة Alattar
في الرياضة

 مشاركة

Recommended Posts

Alattar عضو جديد

Alattar

بتاريخ:
بتاريخ:

أنا لسه قاعد في الشغل لحد دلوقتي ما روحتش..وما جبتش التليفزيون معايا من البيت..وفاتح يالا كورة متابع الماتش..

مرة واحدة ألاقي مكتوب ان فيه هدف للأهلي..والشبكة مخرومة و الكورة خرجت من الناحية التانية

وفيه خلاف كبير .. الحكم ما شافهاش .. و الحكم الرابع قالله انها جون..ولعيبة و جماهير المحلة مش راضيين..مش فاهم..مش راضيين عن ايه؟؟

المهم..ان الموضوع شكله قلب بمعركة حربية..ما كانش ناقص غير شوية دبابات..ومنجنيق..

ودي صورة من رصد..للجدار العازل اللي الحكومة عملته..

401469_254565274620589_103622369714881_509847_131580170_n.jpg

وسنوافيكم ان شاء الله بأحدث التطورات..مع ان الماتش شكله اتلغي ومفيش تطورات تاني,,بس أنا ما عنديش تليفزيون عشان أعرف

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك
Alattar عضو جديد

Alattar

بتاريخ:
  • كاتب الموضوع
بتاريخ:

موضوع الشبكات المخرومة ده بقيت أسمع عنه كتير اليومين دول..مش كفاية علينا خرم الأوزون..؟؟

أنا ما كنتش بشوف الكلام ده غير في الملاعب الأفريقية بس..عند اريتريا مثلا ولا غينيا..لما كان بيبقي لينا ماتشات معاهم..

تفتكروا ده مخطط لولبي حلزوني..وممكن يكون له علاقة بيوم 25 يناير الجاي؟؟..

أما نشوف الداكتور توفيق هيقول ايه عن موضوع الشبكات المخرومة ده..

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك
محمد عبدالعزيز عضو جديد

محمد عبدالعزيز

بتاريخ:
بتاريخ:

ياعم العطار كبر مخك وهدى أعصابك بلا كورة بلا كلام فاضى.

مع إنى أهلاوى يعنى بس والله ماكنت أعرف إن فى ماتش للأهلى شغال دلوقتى.

قلنا الدورى ده يتأجل الفترة دى على مانخلص المهم, مش كل شوية تحصل مشكلة ويطلعوا يلزقوها فى الثورة -ماهو أكيد ده اللى ممكن يقال دلوقتى- ويقولك بقى شوفوا الثورة عملت إيه والفوضى والكلام الفاضى ده.

بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟

shawshank

رابط هذا التعليق
شارك
elzahraa عضو جديد

elzahraa

بتاريخ:
بتاريخ:

انا مبحبش الكورة ابدا

و شايفة مشاكلها كتيرة جدا

و ميزانيتها عالية جدا

ولولا اني خايفة ان الدعوة دي تعتبر عنصرية

كنت طالبت بايقاف لعب الكورة لحد ما الامن يستتب

و شكرا

رابط هذا التعليق
شارك
Alattar عضو جديد

Alattar

بتاريخ:
  • كاتب الموضوع
بتاريخ:

ياعم العطار كبر مخك وهدى أعصابك بلا كورة بلا كلام فاضى.

مع إنى أهلاوى يعنى بس والله ماكنت أعرف إن فى ماتش للأهلى شغال دلوقتى.

قلنا الدورى ده يتأجل الفترة دى على مانخلص المهم, مش كل شوية تحصل مشكلة ويطلعوا يلزقوها فى الثورة -ماهو أكيد ده اللى ممكن يقال دلوقتى- ويقولك بقى شوفوا الثورة عملت إيه والفوضى والكلام الفاضى ده.

والله يا محمد..ولا أنا بقيت متابع..أنا بفتح مواقع اخبار النهاردة لقيت فيها ان فيه ماتش النهاردة..قلت أفتح يالا كورة أشوف النتيجة بقت كام دلوقتي..

البلد ما بقاش ليها كبير .. اللي مش عاجبه حاجة..بينزل ويضرب علطول

كويس ان ألتراس أهلاوي ما نزلش هو كمان..كنا شفنا مجزرة حقيقية..

بجد ياريت الدوري يتلغي الفترة دي خالص..ده مش وقت لعب كورة خالص..الناس أصلا مشحونة جاهزة..

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك
raouf عضو جديد

raouf

بتاريخ:
بتاريخ:

الرياضة زى الكثير من الاماكن والمجالات التى لم تصلها الثورة

مازالت متشبعة بالفساد والاغبياء

مازالوا عايشين فى عهد مبارك عهد الفوضى

كل مكان فى مصر وكل جهاز وكل شارع يحتاج ثورة من نوع خاص

ثورة لاستعادة الاخلاق

ثورة لاستعادة الرياضة

ثورة لاستعادة الفنون وتنقيتها

إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول

اذا جالست الجهال فانصت لهم

واذا جالست العلماء فانصت لهم

فان فى انصاتك للجهال زيادة فى الحلم

وفى انصاتك للعلماء زيادة فى العلم

129042712.jpg

رابط هذا التعليق
شارك
Alattar عضو جديد

Alattar

بتاريخ:
  • كاتب الموضوع
بتاريخ:

اقتحام جماهير المحلة للملعب

http://www.youtube.com/watch?v=WXaQvEhQqWo

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك
عصام أبوالفتح عضو جديد

عصام أبوالفتح

بتاريخ:
بتاريخ:

ألذ تعليق على الجون تعليق أخى :

أكيد جون الأهلي فوتوشوب ... والكورة هي اللي غلطانة انها تنزل ومش لابسة حاجة ع الجلد!

( كفى بالمرء إثماً أن يحدث بكل ماسمع )

رابط هذا التعليق
شارك
ابو محمد بن مصطفي عضو جديد

ابو محمد بن مصطفي

بتاريخ:
بتاريخ:

هنفضل لغاية امتي في الكنافة ده

يا قدس يا سيدتي معذرة فليس لي يدان ،

وليس لي أسلحة وليس لي ميدان ،

كل الذي أملكه لسان ،

والنطق يا سيدتي أسعاره باهظة ، والموت بالمجان ،

سيدتي أحرجتني، فالعمر سعر كلمة واحدة وليس لي عمران ،

أقول نصف كلمة ، ولعنة الله على وسوسة الشيطان ،

جاءت إليك لجنة، تبيض لجنتين ،

تفقسان بعد جولتين عن ثمان ،

وبالرفاء و ا لبنين تكثر اللجان ،

ويسحق الصبر على أعصابه ،

ويرتدي قميصه عثمان ،

سيدتي ، حي على اللجان ،

حي على اللجان !

رابط هذا التعليق
شارك
Alattar عضو جديد

Alattar

بتاريخ:
  • كاتب الموضوع
بتاريخ:

العجيب بأه ان الشبكة المخرومة دي..اللي هي في الأصل خيوط قماش..كانت في المحلة

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك
ابراهيم عبد العزيز عضو جديد

ابراهيم عبد العزيز

بتاريخ:
بتاريخ: (معدل)

نوارة نجم في تعليقها على أحدث مباراة المحلة في صفحتها على فيسبوك :

Nawara Negm ... نــــــــــواره نجــــــــــم

الاعلاميين ال زى الهم على القلب : وايه اللي ودا الاهلي هناك ؟

والاعبين غلطانيين ايه يخليهم يلبسوا شورتات على اللحم فى الشتا؟

Nawara Negm ... نــــــــــواره نجــــــــــم

بعد موقعة الجمل ..وموقعة الجلابية .. وموقعة الحواوشى .. وموقعة الدولاب تقدم سنة 2011 بنجاح منقطع النظير أخر عرض لها موقعة الشبكة المخرومة

تم تعديل بواسطة ابراهيم عبد العزيز

22a6e3c5-9edb-4f2a-8ffd-d5374f952097.jpg

رابط هذا التعليق
شارك
ابو محمد بن مصطفي عضو جديد

ابو محمد بن مصطفي

بتاريخ:
بتاريخ:

مدافع المحلة(عمرو رمضان): وربنا ما شفت الكورة !! .. (في اعاده اللعبة اللاعب شاف الكورة وهيه دخله الجون)

وعزمي مجاهد يرد: انت ربنا هيسخطك

يا قدس يا سيدتي معذرة فليس لي يدان ،

وليس لي أسلحة وليس لي ميدان ،

كل الذي أملكه لسان ،

والنطق يا سيدتي أسعاره باهظة ، والموت بالمجان ،

سيدتي أحرجتني، فالعمر سعر كلمة واحدة وليس لي عمران ،

أقول نصف كلمة ، ولعنة الله على وسوسة الشيطان ،

جاءت إليك لجنة، تبيض لجنتين ،

تفقسان بعد جولتين عن ثمان ،

وبالرفاء و ا لبنين تكثر اللجان ،

ويسحق الصبر على أعصابه ،

ويرتدي قميصه عثمان ،

سيدتي ، حي على اللجان ،

حي على اللجان !

رابط هذا التعليق
شارك
المطحون عضو جديد

المطحون

بتاريخ:
بتاريخ:

التليفزيون المصري: أحداث مباراه الاهلي والمحله سببها ماس كهربائي

توفيق عكاشه : الجماهير كانت نازله تعد ربط النجيله ال فى الملعب

الاخوان : الهدف من التوتر فى الماتش تأجيل المسيره الديموقراطيه والانتخابات اولاً

السلفيين : يجب اقامة الحد على من انزل ارض الملعب

البيراليين : اللى نزل ارض ملعب تبع المجلس العسكرى

... حزب الكنبة : الله يخربيتكم البلد ضاعت

أما المجلس العسكرى بقى : اللى نزل الملعب (((الطــــــرف التـــــالت)))

رابط هذا التعليق
شارك
ابو محمود عضو جديد

ابو محمود

بتاريخ:
بتاريخ:

ألذ تعليق على الجون تعليق أخى :

أكيد جون الأهلي فوتوشوب ... والكورة هي اللي غلطانة انها تنزل ومش لابسة حاجة ع الجلد!

هههههههههههههههههههههههههههه ملعوبة :give_rose:

لا تقلق من تدابير البشر، فأقصى ما يستطيعون فعله معك هو تنفيذ إرادة الله .

رابط هذا التعليق
شارك
ابو محمود عضو جديد

ابو محمود

بتاريخ:
بتاريخ:

مدافع المحلة(عمرو رمضان): وربنا ما شفت الكورة !! .. (في اعاده اللعبة اللاعب شاف الكورة وهيه دخله الجون)

وعزمي مجاهد يرد: انت ربنا هيسخطك

احنا عندنا ازمة اخلاق

لا تقلق من تدابير البشر، فأقصى ما يستطيعون فعله معك هو تنفيذ إرادة الله .

رابط هذا التعليق
شارك
hOuSsAm عضو جديد

hOuSsAm

بتاريخ:
بتاريخ:

اقتحام جماهير المحلة للملعب

http://www.youtube.com/watch?v=WXaQvEhQqWo

ماهو لو فيه حكومة محترمة - تجيب شوية العيال(ايوة عيال) دول وتعملهم قواضى شغب وتعدى عالمملتكات العامة

--------------

اللى عايز افهمه الناس دى ثقافتها ايه سواء جون ولا مش جون هما مستفيدين ايه

يعنى المحلة اخد الدورى يا شيخ انا كمشجع هستفيد ايه - فى اخر السنة هلاقى 200 او 300 جنيه فى حسابى ولا ايه

هو الفراغ وصل عند الناس لحد كدة

ان مفيش هدف

ان مفيش تفرقة بين الصح والغلط

جون ياعم ولا مش جون هى فرقت حاجة يعنى (مش دى رياضة واخلاق ) ولا شغب واسفاف

طول ما املى معايا معايا وفى ايدي سلاح

حافضل اجاهد وامشى وامشى من كفاح لكفاح

طول ما ايدي فى ايدك اقوم واقف واهتف واقول

حيّ حيّ على الفلاح

داري يا داري انا احميك بايمـــــانى

طول ماذراعى معايا ابني واعلي بنياني

حافضل عايش فيها بجهدي واملى ابنيها

انا روحى فداها وفدا اهلى واوطـــــاني

زاحف يا شعبي تمحي الماضي رياحك

عهــدك جوا ف قلبي والبطولة جراحك

أيامنـــــا اللي جاية وارادتنا القويـــــة

تنصرنا يا وطني ويملا الدنيا صباحك

نمشي ونمشي والعزة تعيــــــش ويانا

لأ احنا منرجعش ولاتتراجع فى خطانا

تهتف اراضينا لنا والنصر ينــــادينا

يلا بينا يلا وربــنا معانا

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...