في بيتنا جراد

[Tamsite]

[

بس إزاي يعني الجراد يوصل من طريق سقارة لمطار القاهرة من غير مايعدي علي وسط البلد؟؟؟؟؟؟؟

كان لابس طاقية الإخفاء؟؟؟؟؟؟؟؟]

بما ان اعلامنا الموقر مالوش دعوة باللي بيحصل و كأنه في بيحصل في بلاد الواق واق، نبتدي نلبس العمة و نفتي :

(وش واحد راح يلبس عمة و قفطان )

أعتقد - حسب معلوماتي المتواضعة ، أن الجراد خط سيره تحدده عدة عوامل مثل اتجاه الرياح ، و وجود مناطق خضراء

و بكده نقدر نحدد الجراد جاي من أي اتجاه

الجراد و صل البدرشين حسب الأخبار القادمة من هناك ، و كان من يومين في الخطاطبة ( قرب طرق الاسكندرية الصحراوي )

كده نقدر نقول انه مسك طريق اسكندرية الصحراوي بعد ما جه من الغرب من مطروح و العامرية ، و مكمل في سكته و رايح ناحية الأراضي الزراعية في جنوب محافظة الجيزة

و جه من طريق تاني ، هو شرق القاهرة بعد ما عبر الوجه البحري إلي المحافظات التي تقع شرق الدلتا و من هنا قد يكون شوهد في مطار القاهرة بعد ما عدا على المحافظات دي

بس كان المفروض الأول نسمع أخبار جايه من المحافظات دي قبل مطار القاهرة :)

و عليه من المتوقع ان الجراد يكون أقل نسبيا في عمق القاهرة نظرا لقلة المسطحات الخضراء في قلبها

نقلع بقى العمة شوية ...............

يا جماعة انا برضه لسه ما شفتش جراد علما ان انا ساكن في قلب القاهرة ............ :rolleyes:

[se_ Elsyed]

يا جماعة انا برضه لسه ما شفتش جراد علما ان انا ساكن في قلب القاهرة ............  :rolleyes:

يبقى الجراد بعث فرق إستطلاع ومالقوش حاجة عندكوا تتاكل .. :)

بيقولك أحمد الليثي وزير الزراعة هايعمل مؤتمر صحفي بكره عشان يتكلم عن الموضوع ده .. وهايجيب معاه قفص فيه بعض فلول الجراد المقبوض عليهم بعد ما اعترفوا - بكامل إرادتهم - بإنهم مدسوسين من جهات اجنبية عشان زعزعة أمن وأستقرار مصر ..

مصر الحضارة ..

مصر التاريخ ..

مصر الجراد

مصر مبارك وجمال وعلاء

[Ahmed Mohsen]

الجراد ظهر في الدقي

مراتي لسة قافلة معايا التليفون حالا وبتقولي إنها شافت جراد كتير جدا في السما فوق الشركة عندها في شارع مصدق في الدقي

ربنا يستر علينا جميعا

اللهم ألطف بينا يا رب

[a_ragab_itp]

الجراد وصل التحرير وغمرة والمهندسين والهرم

هذا ما أكده شهود عيان موثوق فيهم (أنا وأخويا ومراتى وواحد صاحبى)

[ابو يوسف]

يا جماعة الجراد يرتع فى القاهرة ؟؟

انا شفته اليوم (و سلمت عليه و قلت له كل سنة و انت طيب !!! )

فى الهرم كان على اريتفاعات عالية لكن واضح جدا للعين ..

و فوق وزارة الزراعة (من ناحية كوبرى فيصل) كان بيرتع حوالين العربية !!

أنا متخيل انه دلوقتى جوة مكتب وزير الزراعة و بيكافحه بالمنشة !!!

يحضرنى مشهد من فيلم الناظر عندما كان المنادى يحذر من اقتراب التتار ... و هم فى قلب القاهرة !!!

[عقل حر]

أشاهد الآن أسراب الجراد و هي تهاجم المزرعة التجريبية لكلية الزراعة جامعة القاهرة و أمسك بيدي جرادة ضخمة طولها 8 سم

[Ahmed Mohsen]

دكتور عقل حر ......

يا ريت تحكيلنا علي اللي إنت شايفه أول بأول

[Tamsite]

و ياريت بالتفصيل الممل يا دكتور عقل حر ، عشان انت كده موقعك قريب مني جدا و انا لسه مش شايف أي حاجة

[عقل حر]

أصل أنا شايفه من مكتب يطل على المزرعةمباشرة و من ارتفاع الدور الثالث تقريبا

السماء مغطاة بأسراب الجراد..

جراد طويل وهزيل... حيسمن الليله يا عمده

[عقل حر]

الموظفين داخل أسوار الجامعة أغلقوا كل النوافذ منذ الصباح بعد اقتحام بعض الجراد للمكاتب داخل حرم الجامعة و داخل كلية الهندسة الملاصقة لحديقة الحيوان بالجيزة

[Ahmed Mohsen]

وبعدين يا دكتور عقل حر؟؟؟؟

إيه اللي بيحصل؟؟؟

ويا تري بلغتوا المسئولين؟؟؟

ولو كنتم بلغتم ..... حد من المسئولين اتنحرر وعمل حاجة؟؟؟

تحبوا نبعتلكوا شوية طبل بلدي وكام كيلو قش رز عشان تحرقوه؟؟؟؟

[Tamsite]

أعلن السيد أحمد الليثي وزير الزراعة في مؤتمر صحفي عقد بعد ظهر اليوم :

أن أسراب الجراد التي هاجمت الوجه البحري و القاهرة اليوم ، ليس لها أي تأثير يذكر على الانسان و الزراعات .

____________________________________

تعليق العبد لله :

طب الانسان و قلنا ماشي ، انما الزراعات ؟؟؟؟؟؟؟!!!!! :blink:

fty:: fty:: fty::

امال ايه اللي حصل ؟؟؟ حد يفهمني يا جدعان ؟؟؟

هو انا مش من البلد دي و من حقي أفهم ايه اللي بيحصل حوالينا ؟؟؟

انا حاسس اني بتفرج على فيلم النوم في العسل !!!! <_<

[achnaton]

فى محادثة على الماسنجر من شوية .. تأكد بالنظرة المجردة رؤية الجراد فى سماء قاهرة المعز .. وارتفت الأصوات فى الشوارع .. طفوا النور وأقفلوا الشبابيك .. وما مادمت الرؤية قد ثبتت .. بعد ظهور هلال شوال .. إقترح فتح باب التبرعات ولو بما تبقى من الزكاة لدعم مكافحة الجراد .. فالخزينة خاوية .. وبنوك سويسرا وامريكا عاوزة شهادة رسمية أن الجراد من الجماعات الإرهابية .. حتى تصرف من أرصدة الأموال المنهوبة ولو تمن كام طوبة نبنى بها سور عازل زى سور فلسطين .. والفرق هو أن فى فلسطين أن الجراد هو اللى بنى السور .. !!!

يارب عفوك ورضاك .. وخلصنا من اسراب المماليك مع الجراد

أخناتون المنيا .. المحبط رقم 2 .. والمرضان من زمان

<_< taz:: taz::

[G.G]

المكافحة بالطبل البلدي وحرق قش الأرز.. معقول؟!

.

.

.

وأن الجهود العشوائية للمكافحة بحرق قش الأرز وقرع الطبول لا تجدي أمام الهجوم الشرس لأسراب الجراد الأحمر.

"طبلة" (!!!!!!!!!!!! <_< )

ايوه,,هي دي الوسائل العلمية و لا بلاش..هو احنا ارتددنا لحياة إنسان العصر المطير و لا أيه!

أنا عندي عود ينفع؟ :blink:

[amir]

نصيحه اخويه

على جميع الفتيات و النساء عدم ارتداء أى شئ لونه اخضر

وعلى الرجال الامتناع عن الكرافتات الخضراء !

[ماجد]

اللهم ارفع مقتك و غضبك عنا .....

اللهم ولى امورنا خيارنا و لا تولى امورنا شرارنا ...

الجراد نقمه من الله و من ضمن عذاب آل فرعون

تم تعديل 17 نوفمبر 2004 بواسطة ماجد

[عقل حر]

الجراد الآن في حديقة منزلي في مدينة نصر ..... بكره الصبح أحكيلكم على اللي حيفضل منها

[ابو يوسف]

أعلن السيد أحمد الليثي وزير الزراعة في مؤتمر صحفي عقد بعد ظهر اليوم :

أن أسراب الجراد التي هاجمت الوجه البحري و القاهرة اليوم ، ليس لها أي تأثير يذكر على الانسان و الزراعات .

امال الجراد هنا بيعمل ايه ؟؟؟؟؟

بيشتى ؟؟؟

طيب ما دام الجراد ده من النوع الأليف اللى ما بياكلش الزرع ..

امال سعادته بياكل ايه ؟؟

سيمون فيميه ؟

بيكاتا بالمشروم ؟؟

حد يقول لنا ؟؟

وصلت حالا صور لى على الايميل للجراد و هو يغطى بكثافة سماء جامعة القاهرة ..

للأسف لا أعرف كيفية اضافة صورة من جهازى و لا أعلم الموقع الذى أتت منه هذه الصور !!

[عقل حر]

http://www.elaph.com/Entertainment/2004/11/22204.htm

[راضي]

مبروك مبروك

الوقتي بس اقدر أهنيكم

بقى عندنا بدل السحابة اتنين fty::

سحابة سودا ودي خلاص راحت عليها و اعتدنا عليها و ها نتأقلم عليها شاء من شاء وأبى من أبى ( مع الاعتذار للمرحوم )

وسحابة حمرا taz:: ودي بقى اللي ها تقضى على البساط الأخضر s-:

شوفتو الألوان ، عاوزين ايه تاني ها تنهبوا fty::

الحياة بقى لونها بمبي fty:: :blink: <_<

تم تعديل 17 نوفمبر 2004 بواسطة راضي