في بيتنا جراد

[Cleo]

بمناسبة إن الجراد غضب من ربنا..

سمعت امبارح كدة على "الطاير" mfb: إن الجراد مركز على محصول البطاطس... قلت ايه التخريف ده..!! :blink:

النهاردة واحد ساعى عندنا فى الشكرة ساكن فى القناطر... بيقوللىك

- ولله يا أنسة تبقى الأرض دى مزروعة برسيم و الأرض دى مزروعة بطاطس... يسيب البرسيم عشان مالوش لازمة (رخيص يعنى) ويروح للبطاطس يجيب أجلها... و سبحان الله... يبقى ده زارع و ده زارع والأرضين لزق فى بعض... ينزل عند ده و ماينزلش عند ده..!!! الظاهر غضب من ربنا ماتفهميش... تلاقيها ناس مكانتش بتزكى عن زرعها...

زميل لينا أحد أقاربه يعمل فى المكافحة... قاله إن ليبيا تعمدت عدم الإبلاغ عن دخول الجراد أراضيها حتى دخل مصر بالفعل... و إن فعلا الجراد مركز على البطاطس... وقاله إن التركيز فعلا على البطاطس... قاله عارف ليه؟؟ لأن الفلاحين الحكومة بتشترى منهم محصول البطاطس بسعر عالى جدا فبقوا يستخسروا يدفعوا زكاتها... يعنى يدفعوا زكاتهم عن الفول و البرسيم و القمح وماديفعوش عن البطاطس بالذات..!!

الله أعلم..

[ماجد]

أخوانى و اخواتى

اسمحوا لى ان اضيف هذه الردود البسيطه:

أولا : أخى حشيش:

تم رش المزرعه على نفقة الحكومه

مزارع دينا سميت على اسم ابنة المهندس حسين عثمان ( اخو المهندس عثمان احمد عثمان ) و هو مؤسس مشروع هذه المزارع فبعد ان تم تخريب مشروع الصالحيه اللى قام به المقاولون العرب بح صوت الرجل بانه هذا تخريب و المزارع يمكن تسويقها و لما كان الموضوع له صبغه سياسيه حيث ان الصالحيه ترتبط باسم السادات فقد قام الرجل بانشاء مزارع دينا و قسمها الى أجزاء 20 فدان بمنزل و حظيرة ماشيه و تم بيعها للعاملين بالدول العربيه فى أوائل التسعينات بمبلغ 200 الف جنيه للمزرعه و المنزل و تقوم شركة دينا بتسويق المنتجات و رعاية الأرض اذا رغب صاحبها فى مقابل نسبة ماليه من الأرباح و تم توجيه المشروع للعاملين بالخارج على اساس انة يصبح مشروعا لكل منهم عندما يعود لمصر فيجد مشروعا جاهزا.

و نجحت الفكره نجاحا باهرا

[ماجد]

نقطة اخرى : لماذا لا تحقق مصر الأكتفاء الذاتى من القمح ؟

السؤال الأول يجب ان يكون هل تستطيع مصر ان تحقق مصر الأكتفاء الذاتى من القمح ؟

و الأجابه هى نعم و بكل تأكيد.

فيكون السؤال الطبيعى هنا لماذا لا تحقق مصر الأكتفاء الذاتى من القمح ؟

و الأجابه هنا تدخلك فى عش الدبابير

ولأن العش ملىء بالدبابير الأقتصاديه و السياسيه من نوعية حجم عمولات شراء و نقل القمح و التبعية السياسيه و الكثير يصبح الخوض فيها كالخائض فى بحر من الألغام.

- و قد يهب قائل منكم كيف ياسيدى و هل هناك حلا سحريا لديك لا يعرفه أحد.

بالقطع لا و لكنه حل بسيط جدا

اشترى القمح من الفلاح بالسعر الذى تستورده من الخارج ووفر النقل و الدولارات.

فى خلال 3 - 4 سنوات ( ليطمئن الفلاح الى انها ليست لعبة من الحكومه ) سوف يزيح القمح كافة المحاصيل الكماليه المربحه و يتحول لانتاج القمح حيث انه سيصبح اكثر ربحيه.

- لكن معنى كلامك ياسيدى نقص فى انتاج مزروعات اخرى ربما الفول او الأرز او البرسيم أو ..........الفراوله .

انت ياسيدى عليك انت تحدد لنفسك ماهى السلعه الأستراتيجيه لك التى يمكن لأى دوله ان تمسكك من رقبتك اذا منعتها عنك فان كانت هى الفراوله فازرع فراوله و ان كانت برسيم فازرع برسيم و مع ذلك فليس هناك مانع من ان تزرع ما شئت اذا استطعت ان تجد لها ما يكفى من المياه و الرغبه الأقتصاديه فى ذلك .

- و هو يعنى انت الوحيد اللى عارف الكلام ده:

سوف تدهش يا سيدى اذا قلت لك ان هذا الموضوع قد قتل بحثا فى مجلس الشورى منذ اكثر من 10 سنوات و بل صدرت به توصيات و قد كانت الردود ( من تحت الترابيزه ) يعنى انت عايز الفلاحين يتنمردوا علينا.

بل و ستدهشوا يا ساده اذا علمتم انه قد طرح مشروع قومى لم يملك اى مختص ( فى اختصاصه ) الا الأشاده به ( بعد كثير من الشرح لجميع جوانبه ) يحقق الطفره المنشوده فى مصر و يخرجها من النفق المظلم الذى ادخلت فيه و مشروع آخر محلى ( فى الأسكندريه ) على الرغم من بعض القصور به الا انه ينقل مصر نقله اقتصاديه جباره ليضعها المشروعات فى مصاف النمور الأقتصاديه ( بالمناسبة تمت سرقة فكرة المشروع و يتم تنفيذ المرحله الثانيه منه باحدى الدول الخليجيه على مستوى صغير و تتسابق الآن دولتان شرق اوسطيتان احداهما لبنان لتنفيذه عندها ).

تم اظلام نور الأفكار و القضاء عليها بالخنق فى مهدها و قبل ان تكبر و يشتد عودها و تتحول الى فتنه اذ ربما طالب البعض بعدها بافكار اخرى فى مجالات اخرى و تصبح لوصه و احنا كده عيبنا ايه .

[ماجد]

الأخوه الأعضاء:

- عرض على ان اشترى سماد اسرائيلى ارخص و مضمون الجوده و لكنى رفضت قطعيا ( و كان موجودا بالمحلات بمدينة وادى النطرون ) و فضلت نوعا آخر لأننى لا و لن آمن لهؤلاء القوم و مستورد بمعرفة شركة مصريه .

- متوافر شتلات من المشمش الأسرائيلى و يتميز بكبر الحجم و مقاومة الآفات وليس له طعم بالمقارنه مع المصرى و يتم تهجينه مع المصرى .

لمن يتحسرون على طعم الأكل الخضار و الفاكهه زمان:

انا اولكم ............ و لن تعود هذه الأيام لظروف اقتصاديه .

من منا يستطيع شراء كيلو البطاطس ب 8 أو 9 جنيه و كيلو الخيار ب 20 جنيه و كيلو البصل ب 15 جنيه.

لقد جربت زراعه هذه الأصناف بدون اسمده الا الطبيعى منها مع عدم الرش بالمبيدات او الهرمونات مطلقا و كانت الأسعار السابقه هى النتيجه - و على فكره انها اسعار تكلفه و ليت اسعار المستهلك ) و صدقونى انها تساوى هذا من حيث الطعم و الرائحه بتاعة زمان و لكن هيهات ان تعود هذه الأيام.

عندى مساحه حوالى 12 فدان ازرعها عنب من نوع البناتى ( طومسون ) و هو من الأنواع الفاخره و لا ارشه مطلقا بالهرمونات و التجار يلوموننى و يتهمونى بالغباء بل و العبط احيانا . هل تصدقون انه منذ 4 سنوات لم تدخل لى جنيها واحدا ربحا اى انها بالكاد تغطى مصاريفها و هذا العنب يباع فى الاسواق ب 3 جنيه للكيلو ( لأنه حجمه اصغر من العنب المهرمن ) و انتم تشترون العنب الأصفر الجميل كبير الحبه ب 4 جنيه للكيلو و هو مليان هرمون و ليس به الا الماء ( و الزبون عاوز كده ).

هذا العنب يتهافتون عليه للتصدير و لكنى لا استطيع تصديره لأن المساحه المنزرعه قليله و لا استطيع زيادتها لأحتياجها لاستثمارات ضخمه لا أقدر عليها حاليا و لا انوى القيام بها فى سوق غير مضمونه من حيث مخاطر الأستثمار.

الموضوع يا اخوانى و اخواتى يحتاج الى فكر و جهد مخلصين لله تماما و عنده صدقون سوف نستطيع ان نخرج من هذه المصيده التى ادخلنا فيها .

ما يراد لمصر ان تظل كبرميل سابح بالكاد لا هو غرق و لا هو طاف و سبح . يعنى بالبلدى محلك سر.

و لكم خالص تحياتى

[Mohammad Abouzied]

كارثة .. كلامك كارثة يا حاج محمد حينما تتكلم فى السياسة 

تذكرنى بحالى حينما تضطرنى الظروف للحديث فى الكورة

دا اقتصاد يا أخي مصري مش سياسة

والدول المتحضرة تفصل بينهما بل اكثر من ذلك تبدي اي موضوع اقتصادي عن اي موضوع سياسي

وعندك امريكا مثلا مختلفه مع الصين سياسيا واكبر عميل مع الصين اقتصاديا

فهذه نقره وهذه نقره اخرى

[Mohammad Abouzied]

- عرض على ان اشترى سماد اسرائيلى ارخص و مضمون الجوده و لكنى رفضت قطعيا ( و كان موجودا بالمحلات بمدينة وادى النطرون ) و فضلت نوعا آخر لأننى لا و لن آمن لهؤلاء القوم و مستورد بمعرفة شركة مصريه .

- متوافر شتلات من المشمش الأسرائيلى و يتميز بكبر الحجم و مقاومة الآفات وليس له طعم بالمقارنه مع المصرى و يتم تهجينه مع المصرى .

موقف الاستاذ ماجد موقف سياسي وليس اقتصادي

فا بلرغم من وجود مزرعتي في منطقة اكثر حظا من وادي النطرون فانا اجرتها وزرع فيها المستأجر 52 فدان موز من نوع ويليمز وهو نوع اسرائيلي وبقاله اكثر خمس سنوات الان

بل اكثر من ذلك علمت انه بيصدر الموز ايضا

فمن مصلحتي ان ااخذ الايجار ومن مصلحة المستأجر ان يكسب

ومن مصلحة البلد دخول عمله صعبه لها

ومن مصلحة العامل المصري ان يعمل ويأخذ اجره ويربي اولاده كويس وبعدين دور في الاخر على مصلحة اسرائيل في توريد هذه النوعية من الموز والتي اتضح انها من انتاج الضفة الغربية وليس اسرائيل والمستفيد من بيعها تاجر فلسطيني موجود في الضفة يحارب من اجل وجودة داخل الضفة

فهل هذا مفيد لنا ولا مفيد لاسرائيل

وحتى لو كان مفيد لاسرائيل 10 قروش يبقى مفيد لمصر 90 قرش

[Mohammad Abouzied]

على فكره يا أستاذ ماجد فيه محمية بأسم والدي الله يرحمه في وادي النطرون واغلب عائلتنا لها اراضي فيها ولكن اغلبهم لا يزرعها وتاركها فقط لرعي اغنام البدو هناك

[ragab2]

السؤال الطبيعى هنا لماذا لا تحقق مصر الأكتفاء الذاتى من القمح ؟

كان

اعتقاد الأخ والى ونظرته الضيقة السطحية

أن استيراد القمح أرخص من زرعته ولم يدر بخلده أن القمح سلعة استرتيجية وتعادل السلاح

وقد أقنع القيادة السياسية بهذا المنطق المغلوط

وسمعت بنفسى فى السابق ترديد الرئيس لمقولة والى

[ماجد]

كان

اعتقاد الأخ والى ونظرته الضيقة السطحية

أن استيراد القمح أرخص من زرعته ولم يدر بخلده أن القمح سلعة استرتيجية وتعادل السلاح

وقد أقنع القيادة السياسية بهذا المنطق المغلوط

اخى ragab2

ما حنا قلنا له اشترى القمح من الناس بسعر ما بتجيبه من بره و بالجنيه مش بالدولار ( يعنى خف الضغط على الدولار ) و كمان شيل تكلفة النقل من استراليا أو كندا و الفلاحين هاتهيص و يملوهالك قمح .

تصور ....... مارضيش.

يفضل الفلاح الأسترالى أو الكندى عن المصرى.

حاجه تحرق الدم .

تم تعديل 19 نوفمبر 2004 بواسطة ماجد

[ماجد]

أخى Mohammad Abouzied

اين تقع هذه المحميه . و للتسهيل سأذكرلك عدة مناطق :

- ابناء سالم.

- وادى الفارغ ( حيث المزرعه )

- مزارع ريجوا .

- المطار.

- محطة المحولات

- شركة الدواجن.

- دينا .

- الدير

و بالمناسبه لم يكن مكتوبا على شكارة السماد انها من انتاج الضفه و انما انتاج اسرائيلى و كما تعلم الاسمدة المستخرجه من الفوسفات مشروعات اسرائيليه كبرى و ليس لأفراد ان يقدروا عليها. كما اننى - اكرر - لن اثق فى مثل هؤلاء الناس حتى اتعامل معهم .

[kokowawa1979]

لا يا سيدي مزارع دينا بتاعة صفاء ابو السعود وشلة شركاء معها عرب

مزارع دينا لاتتبع الراقصة دينا ولا صفاء أبو السعود ولكنها تتبع في الأصل شركة المقاولون العرب وبالتحديد عائلة عثمان أحمد عثمان الشهيرة ودينا هي إحدى البنات التي كانت صغرى البنات وزمانها جدة دلوقت لإن مشروع مزارع دينا مشروع قديم .

ياريت الجراد كان أكل الحكومة ومن وراءها وريحنا من هذا الغلب .

منك لله ياليثي إنت واللي في بالي .

[se_ Elsyed]

[والشهادة لله وحدة اننا لم نجد اسمدة مسرطنة كما تقول في عهد يوسف والي ولا وجدنا اي مما تدعيه او يدعيه اي شخص اخر

والبينة على من ادعى مش كدا ولا ايه

وأذا كان يوسف والي تعاون مع اسرائيل في المجال الزراعي فده يحسب له وليس عليه لانه فعلا حول البلد الى بلد منتجه زراعيا

واعتقد انه المجال الوحيد الى نجحنا فيه بعكس الصناعة والتجارة

ومش عيب اننا نتعلم من عدونا كيف نأكل نفسنا ولكن العيب اننا نشحت من الصديق والعدو لكي نأكل

بأحمد ربنا عز وجل إن حضرتك عضو معانا في المحاورات فقط ولست مسئولاً حكومياً يا أُستاذ محمد ...

وفعلاً إتصدمت من أراءك الغريبة والتي تنفرد بها أنت وحدك ...

فيا سيدي تغور اللقمة اللي تيجي من إسرائيل وتكون ملوثة بدم إخواتنا الفلسطينيين ....

فهل تعلم إن كل شيكل بتدفعه لإسرائيل مقابل أسمدة أو شتلات أو بلاوي زرقا ستحاسب عليه يوم القيامة .. لأنهم ببساطة بيقوموا بشراء أسلحة لقتل إخوتك هناك ..

هاتقول إيه لربنا يوم القيامة ؟

أصل يا رب دول كانوا عفاريت في الزراعة وأنا قولت أستفيد ومش عيب لما أتعلم من عدويي ...

آه ممكن ده يكون توجه بعض المسئولين الحكوميين إنهم يتعاونوا مع إسرائيل في بعض المجالات .. لكن دول معروفين وربنا طابع على قلوبهم .. نقوم إحنا نقلدهم ونعمل زيهم ؟

تعرف إيه اللي مخلي إسرائيل مش قادرة تتغلغل وسط الشعب المصري ؟

ببساطة لإن الشعب المصري نفسه بيطيق العمى وما بيطيقهمش .. حتى لو كانت في أيدهم مية المحاياه زي ما بنقول بالبلدي .. وفعلاً مالقوش لهم أرضية في مصر غير مع الخونة واللي باعوا بلدهم ...

وحضرتك بتدافع عن يوشع والي .. اللي طوب الأرض عارف تاريخه الأسود وتاريخ المحيطين به ؟ غريبة والله العظيم اول مره في حياتي أسمع واحد بيدافع عنه بهذا الشكل مع إنه سبب البلاء اللي مصر فيه .

لانه فعلا حول البلد الى بلد منتجه زراعيا

إحقاقاً للحق دي نقطة اتفق فيها معك تماماً .. الواحدلازم يقول اللي له واللي عليه ...

يوسف والي خلى البلد منتجة زراعياً ...

بس أنهي بلد ؟

يا أخي طبعاً بلده إسرائيل .. أما سؤال غريب والله .

[se_ Elsyed]

الأخبار النهاردة

الجراد يهاجم محافظات القناة وساحل البحر الاحمر ولا بلاغات عن خسائر والله العظيم أنا في حياتي كلها ما شوفت كذب زي اللي عندنا في المحروسة ده ... اومال الجراد كان بيعمل إيه عندنا ؟ بيشتي وماشي تاني .. او كان شبعان من اللي عمله في بلاد المغرب وجاي بيتفرج على الأثارات بتاعتنا ؟

جهود مكثفة للمكافحة لمنع اي هجمات جديدة للجراد في الصحراء الغربية

كتب محمد الهواري:

تقرر ارسال فرق مكافحة اضافية للجراد في محافظات الاسماعيلية والسويس والعين السخنة والساحل الجنوبي الشرقي للبحر الاحمر والذي وصل اليه الجراد الذي عبر من الجيزة والقاهرة باتجاه الشرق. واكد مصدر مسئول بوزارة الزراعة ان الجراد الذي غطي سماء القاهرة والجيزة والقليوبية اول امس اتجه بفعل الرياح الي الشرق. وان فرصة عودته مرة اخري ضئيلة بسبب انخفاض درجات الحرارة مشيرا الي انه سيتم التعامل مع هذه الاسراب فور استقرارها في اي من هذه المناطق. وقال المصدر ان اعمال المكافحة وحالة الاستعداد مستمرة في مناطق الصحراء الغربية ووادي النطرون والجيزة وان حالة الاستنفار لجميع الاجهزة لمتابعة حالة الرصد والاستكشاف والتعامل معها فورا. وصرح المهندس محمد رضا اسماعيل وكيل اول وزارة الزراعة ان جميع الزراعات بخير ولم نتلق اي بلاغات حول اضرار وقعت في المحافظات التي هاجمها الجراد.

وقال ان تكثيف الجهود في الصحراء الغربية يستهدف مواجهة احتمالات هجمات من اي اسراب جديدة تأتي من الحدود الليبية ومن الجنوب الغربي لمصر لحماية الانتاج الزراعي المصري من خطر الجراد اضافة الي تكثيف الجهود في المناطق الجنوبية وساحل البحر الاحمر لمواجهة اي نشاط للجراد فيها

[se_ Elsyed]

بصوا كده على الخبر ده .. في نفس اليوم وفي نفس الجرايد الحكومية .. فبعد ما الأخبار قالت ما فيش خساري وفاكرينا هنود او من جزر الواق الوق ... بصوا المسا قايلة إيه

رغم كل الجهود

الجراد يواصل زحفه..في المحافظات !!

خسائر في زراعات مطروح ووادي النطرون ورشيد والقنطرة

المسئولون عن المقاومة : سيطرنا علي 90% من الأسراب

100 فرقة تطارد الفلول الهاربة للقضاء عليها تماماً الواحد بقى واصل وهو مش واخد باله .. مش قولت لكم قبل كده على اللي وزارة الزراعة هاتقوله .... حلوه قوي كلمة فلول دي .. أومال لما اللي ظهر في سماء القاهرة ده فلول أومال اللي كان في المحافظات التانية إيه ... جحافل ؟ ..

كتب - اسكندر أحمد وعبدالغني عباس :

رغم كل الجهود التي يبذلها المسئولون في وزارة الزراعة لمكافحة الجراد.. مازالت الأسراب تهاجم الزراعات. وتواصل زحفها علي المحافظات.

تعرضت قري الخريجين بالاسماعيلية لهجوم شرس من الجراد علي محاصيل الفراولة والخيار والطماطم وبلغت خسائر مطروح حتي الآن 16 فدان برسيم و3 فول و2 بسلة ونصف فدان ثوم. بينما التهمت الأسراب أشجار التفاح والنخيل في 800 فدان برشيد وتعرضت زراعات وادي النطرون ورشيد والقنطرة للتلف.

في نفس الوقت أكد المهندس محمدرضا اسماعيل وكيل أول الوزارة ورئيس قطاع الخدمات بالوزارة انه تمت السيطرة علي 90% من أسراب الجراد مشيرا إلي أن الأسراب التي دخلت القاهرة ووسط الدلتا عبارة عن فلول هاربة.

نصح المزارعين بعدم مقاومة الجراد يدوياً مؤكدا ان هناك حوالي 100 فرقة جاهزة بجميع المحافظات لمواجهة فلول الجراد والقضاء عليها تماما.

قال د.عبدالعظيم الجمال رئيس قسم بحوث الجراد بمركز البحوث الزراعية إن أسراب موسم الهجرة الشتوي كان يجب أن تحملها رياح شمالية شرقية عبر الصحراء الغربية الجنوبية بمصر حتي مناطق التكاثر الشتوي بالبحر الأحمر. ولكن ما حدث هذا العام يعد انقلابا كاملا في الرياح من شمالية شرقية إلي جنوبية غربية حملت الأسراب إلي أجواء مصر الغربية والدلتا والقاهرة وهي ظاهرة لم تحدث من قبل.

[Mohammad Abouzied]

الاستاذ ماجد انا معرفشي وادي النطرون كويس واخي محمود هو اللي يعرف وتقريبا المحمية بأسم عبد الرازق ابوزيد وقريبه من الدير اذا مكنتشي غلطان

اما عنك يا سي السيد الى عمله يوسف والي بناءا على توصيات الحكومة نفسه وبعدين حصل قبل الانتفاضة ايام موتمرات الشرق اوسطية الاقتصادية والان عندنا كفاية من المشاتل ومراكز البحوث التي سبق ان تدربوا على يد اسرائيليين

[مصرى]

كارثة .. كلامك كارثة يا حاج محمد حينما تتكلم فى السياسة 

تذكرنى بحالى حينما تضطرنى الظروف للحديث فى الكورة

دا اقتصاد يا أخي مصري مش سياسة

والدول المتحضرة تفصل بينهما بل اكثر من ذلك تبدي اي موضوع اقتصادي عن اي موضوع سياسي

وعندك امريكا مثلا مختلفه مع الصين سياسيا واكبر عميل مع الصين اقتصاديا

فهذه نقره وهذه نقره اخرى

يا حاج محمد .. فرق كبير بين الاقتصاد السياسى والاقتصاد المنزلى وبعدين ايه اللى جاب الاقتصاد بين الصين وأميركا ؟! قصدك التجارة

والدول المتحضرة تفصل بينهما بل اكثر من ذلك تبدي اي موضوع اقتصادي عن اي موضوع سياسي

mfb:

eey::

[Mohammad Abouzied]

التجارة جزء من الاقتصاد

[مصرى]

التجارة جزء من الاقتصاد

صحيح .. جزء من الاقتصاد وليست مرادفاً له

والسياسة هى إدارة الدولة من أجل رفاهيتها إقتصاديا وقوتها عسكريا وإزدهارها ثقافيا وتطورها إجتماعيا .. وهكذا

الاقتصاد هو تناج للسياسة فى إدارتها للمجتمع لتحقيق الاستغلال الأمثل لموارده المتاحة .. من إبتداء من البشر وصولا إلى المعادن الكامنة فى قيعان البحار ..

أما الجراد .. فالفاو توصى بأكله وقدمت عدة وصفات لكيفية تناوله مسلوقا أو مشويا بعد حشوه بالفول .. أو على هيئة مسحوق بعد تجفيفه للاستفادة من قيمته الغذائية العالية وغناه بالفوسفور .. علما بأن أكله حلال شرعاً .. وأهو يسد مع اللحمة السودانى mfb:

[Mohammad Abouzied]

اهو دا كلام في الاقتصاد

[Merci X]