هل الحكومة تشارك - المنطقة الصناعية -خليج السويس

[هشام عبد الوهاب]

علمت من مصدر موثوق به جدا

ان مجموعه من كبار رجال الاعمال المصريين ومنهم ابو العنين واحمد بهجت وغيرهم

قد قاموا بشراء قطع اراضى فى المنطقة الصناعيه بخليج السويس وهى مخصصه للمنشائات الصناعيه فقط وحتى هنا الموضوع عادى وخير وبركه لمصر وتنمية مصر

اما الكارثة والتى لا اعلم هل الحكومه تشارك فيها ام لا  ( يعنى انضحك عليها ) فهى

ان محمد ابو العنين اشترى 14 مليون متر مربع  - نعم الرقم صحيح - بسعر المتر دولارا واحدا فقط اى ان اجمالى السعر 14 مليون دولار تدفع على اقساط لمدة خمسة سنوات

14 مليون متر !!!!!!!!!! ولما سؤل عن هذا الرقم العجيب قال ايه علشان التوسعات

توسعات ايه بالضبط ،،، هو هايبنى بلد ولا ايه ،، المهم ان الموضوع عدى ولا حد اهتم

المهم ،، هل تعلمون بكم يباع المتر الان وبعد اقل من سنه

1- 40 جنيه للمتر للمصريين

2- صدر قانون التمليك للأجانب

3- 200 جنيه للمتر

4- اكبر مساحه سيتم استغلالها مليون متر مثلا ،،الباقى 13 مليون متر

5- 200 فى 13 مليون = 2600 مليون جنيه =520 مليون دولار - 14 مليون بفرض انها دفعت كلها = 506 مليون دولار

--------------------------------------------------------------

هل تم هذا بمعرفة الحكومة !!!!!!!!!!!!!!!!!!!!!!!!!!!!!!!

ممكن حد يفهمنى او يكلمنى قبل ما افرقع

[Faro]

هل تم هذا بمعرفة الحكومة

تم بمعرفة الوزير لأن توجيهات الرئيس لم تحتوي على ثمن بيع المتر المربع بأكثر من 1$.

إذا تم ذلك بدون معرفة مجلس الشعب فعليه أن يرغم الحكومة أن تطالب بالفرق أو بجزأ منه.

أرجوا من جريدة الوفد فتح هذا الموضوع .

[achnaton]

أستاذ هشام أستاذ فارو

قبل نهاية الدورة السابقة لمجلس النوام قدم إحد النواب الشرفاء إستجوابا ونوقش عن حكاية  شراء محمد ابو العينين  عشرين مليون متر .. وكانت مسرحية أبطالها ناطر المدرسة والألفة كمال الشاذلى ومجموعة النواب المستنسخين من يونس شلبى وطلبوا من محمد ابو العينين أن يرد مادام موجود .. فوقف يسلامته اللى فاكر نفسه طلعت حرب وقال دول مش 20 مليون متر المعلومة غلط ياسادة أنا أشتريت 13 مليون متر وحنصرف عليها ياما للمرافق ودول مش لى أنا وحدى لعدة شركات .. ولرفع الألفة رأسه وهو ينظر للجميع شذرا .. وقال قبل ما تستجبوا ادرسوا الأول الموضوع .. ورد حضرة الناظر قائلا .. أقعد ياأستاذ محمد الموضوع اتقفل على كدة ونشكر السيد النائب على الرد الفورى .. وقد كتبت هذا فى مداخلة خاصة بمجلس الشعب فأرجوا الرجوع اليها .. طلبت فيعا أن يفصح لنا النائب المحترم هن الإعلان ‘ن اسماء شركائه بالأسم تحديدا .. وقيمة المرافق مع أخذ تعهد عليه بعدم بيع سم واحد من هذه الأرض مهما طال الزمن .. داانت بورسعيدى يا أستاذ هشام .. ونائبكم بجاعورة محترمة ولكنهم فى المجلس متفقين عليه وصدقنى .. هو يزعق وهم بضخكوا لأن الناظر والألفة بيضحكوا وينتهى الموضوع وكأن عادل أمام كان بيتكلم فى مدرسة المشاغبين

ومات الضمير ياسادة .. بتحسبوا على إيه .. حتى لو ميت جنيه ليس من حقه ؟؟

اخناتون    :inlove:

[molham]

ابو العينيين و بهجت وعز  وعشرات غيرهم بيكونوا بالتعاون مع السلطة شبكة لنهب ثروات مصر  وسلملى على طهارة اليد

 :lookaround:

[هشام عبد الوهاب]

داانت بورسعيدى يا أستاذ هشام

!!!!!!!!!!

[achnaton]

خير ..أنالخبطت الصور وخلطت الأوراق ولا إيه .. ؟؟ على العموم احنا كلنا بورسعيدين وجايز أجدادنا  اتقابلوا يوما ما هناك .. أما بنائين أو مدافعين أو تجارا وزائرين .. أو حتى جار أو حبيب خدوه عساكر السلطة بأمر الفرنساويين .. والبلد الوحيد اللى ممكن أن ادعى إنى منه بعزه وإفتخار هو اللى سقت أرضه   دماء أهلى وعشيرتى وابناء وطنى أنهار .. وعلى فكرة مشروع شرق التفريعة خيبة تقيله عاوز صفحات وخاصة ايضا ميناء الحاويات .. ضحكوا علينا ياعم بأتنين مليم .. وبعضهم أخذ الملايين وإشتغل الناس فى المنطقة شيالين .. فى محطة النهب الدولى والشنطة بربع جنيه .. لكن ده موضوع يطول شرحه  .. وتحياتى وتقديرى ..

اخناتون

[Mohammad Abouzied]

أخي أخناتون

أنت صعيدي ولا بورسعيدي ؟  

على العموم مين الى وافق على بيع الارض ووقع العقد

هل ظهرت عليه النعمة كده وركب الزلموكه

شوف وقولي لاني بعيد قوي ومش شايف حاجة

ويجعله عامر يا بلديات

[achnaton]

الأخ الفاضل محمد أبوزيد

علمتنى الأيام أن يكون ردى على كل من يسألنى إنت منين .. أقول من مصر .. فأنا مصرى قبل أن أكون منياوى .. وبورسعيد عزيزة علينا كالولد المرضان حتى يشفى .. وقد فك الله سجنها ولكنها وقعت فى براثن النهابين .. وفى رأيى أن قرار الغاء إعتبار المدينة منطقة حرة ورائه شياطين التهليب .. وهو عبارة عن عملية تمهيد كان لابد منها حتى ترفع قيمة الأرض حولها .. وللأسف الشديد نواب بورسعيد من الحزب إياه .. وفرغلى وحده ومعه جاعورته لايستند فى حديثة إلى أسس علمية .. يعنى كلامة يشبه كثيرا ما يقال على المقاهى .. وأنت تعرف أن محمد ابو العينين عضو أيضا فى المجلس وله نشاط صناعى ملحوظ وعايش الدور إنه طلعت حرب اللى حيبنى الصناعة المصرية .. وعندما طرح مشروع إنشاء ميناء الحاويات الجديد .. وإستكمال مشروع شرق التفريعة .. المشروعات دى نوقشت فى المجلس .. وطبعا كان فيه خرائط ودراسات وبناء عليها وضع بعض النهابين فى إعتبارهم أن هذه المنطقة منطقة المستقبل .. وزى ما عملوا فى أراضى شرم الشيخ والغردقة ومرسى علم وسفاجا .. لهف الأخ بأسمة من السيد رئيس الوزراء التى بيشرف على الهيئة العامة للأستثمار 13 مليون متر ببضعة قروش لأن محدش من العامة كان يعرف تخطيط الحكومة وظلت الصفقة فى طى الكتمان جتى أنهوا التسجيل والموافقات .. المهم أن اخد النواب لا أذكر أسمه قدم إستجواب فى المجلس عن هذه الصفقة .. وفضلوا يزحلقوا فى الإستجواب حتى يونيو الماضى وقبل أجازة المجلس بأسبوع وبدء البعض يشن هجوم على المنصة والحكومة لزحلقة الأستجاوابات .. وبمكر ودهاء رد عليه رئيس المجلس - واعتقد أن كل شئ كان متفق عليه - السيد العضو محمد ابو العينين موجود وممكن يرد عليك فى التو واللحظة .. عل تقبل الرد عليه يا أستاذ محمد .. ووقف أبو العينين "حرب  " ليقول ا، الأستجواب حول شرائه 20 مليون متر وده غلط أنا ما اشترتش 20 مليون دول 13 مليون بس ..!! وحيصفوا على مليون بعد المرافق .. واحنا حا نتحمل تكاليف المرافق باكامل وشوف بقى حضرتك الشوارع حا تتكلف كام والإنارة والمياة والصرف الصحى .. وبعدين أنا معايا عدة شركاء مش أنا لوحدى .. ورد كمال الشاذلى للعضور مقدم الأستجواب .. سمعت بقى  ..آهى الصورة وضحت والأرض دى ما كناش لاقيين اللى يشتريها ..

ولأنك يا محمد ياشا بلدياتى .. حاخرج عن الموضوع الأساسى سرقة أراضى المنطقة الصناعية الى المشروع الخايب بتاع ميناء الحاويات وحكاية شرق التفريعة .. يمكن واحد يكون له ضميره ما ماتشى ينكشه .. شرق التفريعة دى عبارة عن قناة كان موجودة بشكل بسيط جدا بشرق بورسعيد ولما زاد الضغط على القناة وميناء بورسعيد والبلد كانت منطقة جمركية وصراع الحيتان على أشده .. طلع واحد وقال يا أخوانا نوسع القناة الشرقية ونعدها لمرور البواخر .. والبواخر اللى تحب تختصر الطريق وتخرج من القناة مباشرة الى البحر الأبيض تخش فى التفريعة الشرقية مباشرة .. وقد كان .. وحرمت بورسعيد ومينائها من إنتظار كثير من السفن .. وبدلا من تدعيم ميناء البلد صرفوا على شرق التفريعة حتى يحرموا بور سعيد من تنمية دخلها .. وكان ذلك العمل هو حق أرادوا به باطل ..

نقول كمان ولا كفاية .. كفاية كده .. وكفاية جبهات الفساد اللى بدء الكشف عتها ..

مع تقديرى

اخناتون       :inlove:  :inlove:

[Mohammad Abouzied]

المشكلة هنا

هل صفحات المنتدى تكفي لنشر أشكال الفساد

يريت نخصص

نعمل منتدى لفساد الاراضي

وفساد لمجالس الحي

وفساد .......

أنا تعبت

بكرة نكمل