حبة مواقف عجب .. هتتصرفى فيهم إزاى(للنساء فقط)

[التونسى]

هو تحقيق صحفى خفيف وظريف ولطيف... من تحقيقاتى الصحفيه الخاصه الخفيفه..أيام مشاريع الدراسه الجامعيه .. وهو عباره عن بعض المواقف الغريبه والصعبه والكوميديه ..اللى ممكن يتعرض لها الجنس الحريمى...

عايزين نشوف بقى عضوات المنتدى الكرام .. رد فعلهم ايه وحيتصرفوا ازاى فى المواقف دى

الموقف الاول: مروحه بالليل ....ولسه داخله على بوابة العماره .. فجأه النور ينقطع عن كل المنطقه..لدرجة انك مش شايفه حتى ايديكى...شعورك ح يكون ايه ..وح تعملى ايه بأمانه..خاصة ان فيه قطه غلسه ومفترسه وبيئه خالص ..دايما تقابليها وانتى طالعه على السلم

الموقف التانى:ماشيه فى الشارع ..لا بيكى ولا عليكى... وبتبصى من بعيد لاقيتى ناس بيشاوروا عليكى.. ومعاهم خير اللهم اجعله خير..قميص ابيض فى ابيض.. بكمام طويله.. وبيصرخوا ويقولوا ..((بلحه أهى..بلحه أهى ..امسك يا جدع انت وهو..دى لسه هربانه من المستشفى حالا))... شعورك ح يكون ايه.. وح تعملى ايه.. خصوصا انهم لسه بعيد عنك.. وعندك فرصه تهربى..هل حتاخدى ديلك فى سنانك وتطلقى ساقيكى للريح .. خصوصا ان الناس دى مبتتفاهمش .. والا حتعملى فيها سبع البرمبه وتقفى تستنيهم .. وتفهيمهم انك مش ((بلحه)) المطلوب ضبطها واحضارها

الموقف التالت:رايحه فرح واحده صاحبتك.. ولابسه بقى اللى على الحبل..ولسه نازله من التاكس .. ورايحه على الفرح خلاص اهو.. وفجأه..تلاقى واحد ابن حلال يعدى بالعربيه جنبك.وبسرعه..ولحظك الجميل تكون فيه بركة ميه يدوس عليها عشان تغرقك تماما .. شعورك ح يكون ايه.. و ح تتصرفى ازاى يا حووووووورام

الموقف الرابع:ربنا اكرمك.. وكسبتى عشر الاف جنيه.. وعايزه بقى تفنجرى .. وتشبرئى على صحابك .. فعزمتيهمعند أغلى مطعم كباب..وبعد ما أكلتو وانبسطو .. وحليتو كمان.. الحساب جه.. يعنى حوالى كده 1000جنيه.. وبتدورى على الفلوس .. اتاريكى نستيها..شعورك ح يكون ايه وسط اصحابك.. وح تتصرفى ازاى؟

الموقف الخامس:مروحه بالليل بس المره دى الانوار كلها ملعلعه.. ولسه داخله على البوابه.. لاقيتى واحد قاعد على السلم ومبرق ليكى عنيه.. وسادد الطريق قدامك ..وانتى عايزه تتطلعى...وتنادى فيه مهما تنادى..والراجل بجم مش بيحس..بعد بقى ما حاولتى معاه بكل الطرق السلميه والغير سلميه..رحتى هاجمه عليه.. وزقتيه عشان تتطلعى.. اول ما لمستيه.. لاقتيه انكفا على وشه.. وفيه سكينه مغروزه فى ضهره...شعورك ساعتها ح يكون ايه.. وح تتصرفى ازاى

الموقف السادس:رايحه وسط البلد تقضى مشوار.. وراكبه تاكسى..وفجأه لاقيتى السواق متجه بيكى بسرعه على طريق مختلف.. وبتقوليله دا مش طريقى.. وهو ولا سامعك.. شعورك ح يكون ايه .. وتتصرفى ازاى؟

الموقف السابع:كنتى فى القاهره .. ومسافره بنى سويف .. فى القطار درجه اولى تكييف... الجو كان حر موووووووت ..وكنتى تعبانه اوى اوى...راحت عليكى نومه ..خاصه ان القطر دافى .. وكل اما كمسارى يشوفك وانتى نايمه تصعبى عليه ويسيبك نايمه.. وفجأه تصحى .. تلاقى نفسك فى أسوان .. شعورك ح يكون ايه .. وحتتصرفى ازاى .. خصوصا ان الدنيا كانت ليل

فى انتظار ردود افعالكم هههههههههههههههههه

مع تحيات محمود البصيلى

تم تعديل 2 يناير 2012 بواسطة محمود البصيلى

[se_ Elsyed]

يا لهوي ياما ..

الله يحظك يا حوده

ده احنا هانضحك ضوحك

هاتوا اول ضحية من التلاجة

عبير ادهم الشرقاوي .... إحضري هنا حالاً بالخطوة السريعة .. وكتاب الله لو ما جاوبتي بكل صراحة يا عبير لهوريكي في باب الإشاكيف

الموقف الاول: مروحه بالليل ....ولسه داخله على بوابة العماره .. فجأه النور ينقطع عن كل المنطقه..لدرجة انك مش شايفه حتى ايديكى...شعورك ح يكون ايه ..وح تعملى ايه بأمانه..خاصة ان فيه قطه غلسه ومفترسه وبيئه خالص ..دايما تقابليها وانتى طالعه على السلم

هههههههههههههههههههههههههه

والله متخيل الموقف ده بحذافيرة

[se_ Elsyed]

الموقف الرابع:ربنا اكرمك.. وكسبتى عشر الاف جنيه.. وعايزه بقى تفنجرى .. وتشبرئى على صحابك .. فعزمتيهمعند أغلى مطعم كباب..وبعد ما أكلتو وانبسطو .. وحليتو كمان.. الحساب جه.. يعنى حوالى كده 1000جنيه.. وبتدورى على الفلوس .. اتاريكى نستيها..شعورك ح يكون ايه وسط اصحابك.. وح تتصرفى ازاى؟

هانهزر يا محمود ؟

انا عاوز دم .. أكشن ... ساسبينس .... دي سنيما سنيما

طبعاً هاتتصل بالأفندي اللي مرمي في البيت عمال ياكل سلمون وتونه وييجي يدفع ويستلم الجثة

[عبير يونس]

هو تحقيق صحفى خفيف وظريف ولطيف... من تحقيقاتى الصحفيه الخاصه الخفيفه..أيام مشاريع الدراسه الجامعيه .. وهو عباره عن بعض المواقف الغريبه والصعبه والكوميديه ..اللى ممكن يتعرض لها الجنس الحريمى...

عايزين نشوف بقى عضوات المنتدى الكرام .. رد فعلهم ايه وحيتصرفوا ازاى فى المواقف دى

ده ايه ده؟

تواد خواطر:blink:

تقريبا معظم المواقف دي بحذافيرها كنت باعرضها على طالباتي في درس مواقف محرجة و ازاي تتصرفي

الموقف الاول: مروحه بالليل ....ولسه داخله على بوابة العماره .. فجأه النور ينقطع عن كل المنطقه..لدرجة انك مش شايفه حتى ايديكى...شعورك ح يكون ايه ..وح تعملى ايه بأمانه..خاصة ان فيه قطه غلسه ومفترسه وبيئه خالص ..دايما تقابليها وانتى طالعه على السلم

اولا ماباخافش من القطط :closedeyes:

و لما اشوف قطة مش مرتاحة لها بأتعوذ و برضه مش بأخاف

حأفتح نور الموبايل و امشي واحدة واحدة لحد اما اوصل الشقة

:closedeyes:

الموقف التانى:ماشيه فى الشارع ..لا بيكى ولا عليكى... وبتبصى من بعيد لاقيتى ناس بيشاوروا عليكى.. ومعاهم خير اللهم اجعله خير..قميص ابيض فى ابيض.. بكمام طويله.. وبيصرخوا ويقولوا ..((بلحه أهى..بلحه أهى ..امسك يا جدع انت وهو..دى لسه هربانه من المستشفى حالا))... شعورك ح يكون ايه.. وح تعملى ايه.. خصوصا انهم لسه بعيد عنك.. وعندك فرصه تهربى..هل حتاخدى ديلك فى سنانك وتطلقى ساقيكى للريح .. خصوصا ان الناس دى مبتتفاهمش .. والا حتعملى فيها سبع البرمبه وتقفى تستنيهم .. وتفهيمهم انك مش ((بلحه)) المطلوب ضبطها واحضارها

و دي عايزة سؤال

طبعا سأطلق ساقاي للريح

و على أول عمارة حأدخل

و أطلع على السطح

و افضل انط من سطح لسطح لحد ما اتوههم

ههههههههههههه

الموقف التالت:رايحه فرح واحده صاحبتك.. ولابسه بقى اللى على الحبل..ولسه نازله من التاكس .. ورايحه على الفرح خلاص اهو.. وفجأه..تلاقى واحد ابن حلال يعدى بالعربيه جنبك.وبسرعه..ولحظك الجميل تكون فيه بركة ميه يدوس عليها عشان تغرقك تماما .. شعورك ح يكون ايه.. و ح تتصرفى ازاى يا حووووووورام

لو في وقت حأروّح أغيّر هدومي

و لو مفيش حأروح أقرب محل ملابس اشتري أي حاجة

و لما أروح القاعة حأدخل أول حمام أنقذ ما يمكن انقاذه

و مش حيبقى عندي مشكلة ان شعري باظ عشان انا محجبة :closedeyes:

الموقف الرابع:ربنا اكرمك.. وكسبتى عشر الاف جنيه.. وعايزه بقى تفنجرى .. وتشبرئى على صحابك .. فعزمتيهمعند أغلى مطعم كباب..وبعد ما أكلتو وانبسطو .. وحليتو كمان.. الحساب جه.. يعنى حوالى كده 1000جنيه.. وبتدورى على الفلوس .. اتاريكى نستيها..شعورك ح يكون ايه وسط اصحابك.. وح تتصرفى ازاى؟

حأروح على جنب و أطلب أي حد يجيب لي المبلغ و يجي فورا

و لما أروّح ابقى اسددهوله

بس عادة انا مش بأعزم حد بمبلغ زي ده

و في التجمعات اللي زي دي كل واحد بيحاسب لنفسه

الموقف الخامس:مروحه بالليل بس المره دى الانوار كلها ملعلعه.. ولسه داخله على البوابه.. لاقيتى واحد قاعد على السلم ومبرق ليكى عنيه.. وسادد الطريق قدامك ..وانتى عايزه تتطلعى...وتنادى فيه مهما تنادى..والراجل بجم مش بيحس..بعد بقى ما حاولتى معاه بكل الطرق السلميه والغير سلميه..رحتى هاجمه عليه.. وزقتيه عشان تتطلعى.. اول ما لمستيه.. لاقتيه انكفا على وشه.. وفيه سكينه مغروزه فى ضهره...شعورك ساعتها ح يكون ايه.. وح تتصرفى ازاى

أصلا عمري ما حأحاول أحركه و الا آجي جنبه

لو حد وقاعد لي كده حأنادي على البواب فورا و هو يتصرف

بس لو ده حصل بغباء مني

حأستجمع نفسي و اتسحب في هدوء و اطلع شقتي

و لا كأني شفت حاجة

الموقف السادس:رايحه وسط البلد تقضى مشوار.. وراكبه تاكسى..وفجأه لاقيتى السواق متجه بيكى بسرعه على طريق مختلف.. وبتقوليله دا مش طريقى.. وهو ولا سامعك.. شعورك ح يكون ايه .. وتتصرفى ازاى؟

حأطلع أي حاجة من شنطتي و أعملها كأنها مسدس أو سكينة

و أحطها في رقبته

و بحركة سريعة في أقل من ثانية

حأغرس دبوس الطرحة في ذراعه أمام كوعه ( في المفصل) حتشل حركته تمام

و بسرعة أنزل من التاكسي

و أجري لحد ما أوصل لناس

الموقف السابع:كنتى فى القاهره .. ومسافره بنى سويف .. فى القطار درجه اولى تكييف... الجو كان حر موووووووت ..وكنتى تعبانه اوى اوى...راحت عليكى نومه ..خاصه ان القطر دافى .. وكل اما كمسارى يشوفك وانتى نايمه تصعبى عليه ويسيبك نايمه.. وفجأه تصحى .. تلاقى نفسك فى أسوان .. شعورك ح يكون ايه .. وحتتصرفى ازاى .. خصوصا ان الدنيا كانت ليل

بسيطة

طبعا حأتصل على أهلي اللي في بني سويف و اقول لهم اللي حصل

و لو ليا أهل في أسوان حأتصل بيهم فورا يجوا ياخدوني

لو ماليش

حأطلع على أقرب فندق انتظر فيه حد من أهلي في بني سويف يجي لي

و لو مفيش حد يجي ياخدني

حأستنى في الفندق للصبح و أسافر بأول قطار رايح لبني سويف

و على فكرة

حأحاول على قد ما أقدر استمتع جدا بالليلة دي في أسوان

و يمكن أقعد لي يومين هههههههههههههه

أصلي بحب أسوان جدا و لا يمكن أنسى ذكريات رحلة الجامعة الشهيرة ليها

فى انتظار ردود افعالكم هههههههههههههههههه

مع تحيات محمود البصيلى

ميرسي على الاختبار جميل اوي

[عبير يونس]

عبير ادهم الشرقاوي .... إحضري هنا حالاً بالخطوة السريعة .. وكتاب الله لو ما جاوبتي بكل صراحة يا عبير لهوريكي في باب الإشاكيف

ايه ده

انا اسمي مكتوب؟؟؟ :blink:

انا جاوبت من غير ما أشوف أني من المطلوبين

[م تيمور المراغي]

حأطلع أي حاجة من شنطتي و أعملها كأنها مسدس أو سكينة

و أحطها في رقبته

و بحركة سريعة في أقل من ثانية

حأغرس دبوس الطرحة في ذراعه أمام كوعه ( في المفصل) حتشل حركته تمام

ميرسي على الاختبار جميل اوي

يا واد يا نينجا انت :happy:

طب ما تطيري م الشباك اسهل او سلطي الاشعاعات عليه mf_p:

آدي اخرة سبيس تون ونيكلوديان :baby:

[عبير يونس]

حأطلع أي حاجة من شنطتي و أعملها كأنها مسدس أو سكينة

و أحطها في رقبته

و بحركة سريعة في أقل من ثانية

حأغرس دبوس الطرحة في ذراعه أمام كوعه ( في المفصل) حتشل حركته تمام

ميرسي على الاختبار جميل اوي

يا واد يا نينجا انت :happy:

طب ما تطيري م الشباك اسهل او سلطي الاشعاعات عليه mf_p:

آدي اخرة سبيس تون ونيكلوديان :baby:

هههههههههههههههههه

شفت بقى

:blush2:

لا بجد

غرز دبوس في باطن الكوع و باطن الركبة فعلا بيشل الحركة للي بيهاجمك لفترة كافية جدا إنك تهرب

و دي من أسرع الحركات اللي ممكن تفلت بيها من الاختطاف لو معاكش أي وسيلة دفاعية

[م تيمور المراغي]

انا شوفت الرصاصة جايه من بعيد

قمت قلت له اضرب يا وله

اضرب ياااوله

اضرب يا ايه !!!

http://www.youtube.com/watch?v=OlwdlxRhctM

[se_ Elsyed]

عبير بتفكرني بالسيلف ديفنس اللي بتستخدمه البنات السيس واللي العيال الشبيحة بيستخدموه كمزيل للعرق ... معطر جو يعني

قال أطلع الدبوث وأدور على النقطة الفاصلة بين الكوع والعضد .. واقول له إستني اما أغرزه في تلك المنطقة التي ستشل يدك يا عمو ؟ وخلي بالك لو إتحركت وأنا باعمل الحركة الخطشيرة دي ممكن تعمل لك واوا

لأ والموقف التاني .. اطلع حاجه من السنطة واعملها مثدث واحطها في جنبه وأرفع بها حواجبة ... ممكن ورك فرخه مثلاً يا عبير ؟ وإذا ما نفعتش أهي تبقى تصبيره وتاكلوا مع بعض عيش وملح وتحلفيه على العيش والملح إنك لا تأضية ولا يأذيكي ...

إخص عليكي يا عبير ... ما توقعتش الردود الكرتونية دي ...

أنا عاوز ردود فيها قلب ميت .... أكشن ... عنف

زي الحاجه أم عمر كل مرة تقول لي .. عارف لو في مرة حسيت إن في حركة في الشقة وفي حرامي داخل يقشقش الشقة ؟ هاعمل نفسي ميته إن شالله يارب يسرق الأيفون بتاعك ....

إنهزامية وأستسلام للواقع واتساق عصبي نفسي مع وعورة الموقف ...

مش عارف بتفكرني بنكتة أبو محمود ..

مراته صحته من عز النوم بتقول له : قوم يا راجل الحرامي في المطبخ

قال لها : ما تخافيش جنبك راجل ...

قوم يا راجل الحرامي في أوضة النوم

ما تخافيش جنبك راجل

يا راجل الحرامي فتح الدولاب وسرق الدهب

ما تخافيش جنك راجل

يا راجل الحرامي شايلينا وماشي

قال لها ما تخافيش سايبه وراكي راجل

[نورالعين]

عبير بجد انتى هايلة

[Howayda Ismail]

الموقف الاول: مروحه بالليل ....ولسه داخله على بوابة العماره .. فجأه النور ينقطع عن كل المنطقه..لدرجة انك مش شايفه حتى ايديكى...شعورك ح يكون ايه ..وح تعملى ايه بأمانه..خاصة ان فيه قطه غلسه ومفترسه وبيئه خالص ..دايما تقابليها وانتى طالعه على السلم

طبعا من غير كلام حقعد على باب العمارة ان شالله للصبح خصوصا ساكنة فى التاسع والاسانسير مش شغال

الموقف التانى:ماشيه فى الشارع ..لا بيكى ولا عليكى... وبتبصى من بعيد لاقيتى ناس بيشاوروا عليكى.. ومعاهم خير اللهم اجعله خير..قميص ابيض فى ابيض.. بكمام طويله.. وبيصرخوا ويقولوا ..((بلحه أهى..بلحه أهى ..امسك يا جدع انت وهو..دى لسه هربانه من المستشفى حالا))... شعورك ح يكون ايه.. وح تعملى ايه.. خصوصا انهم لسه بعيد عنك.. وعندك فرصه تهربى..هل حتاخدى ديلك فى سنانك وتطلقى ساقيكى للريح .. خصوصا ان الناس دى مبتتفاهمش .. والا حتعملى فيها سبع البرمبه وتقفى تستنيهم .. وتفهيمهم انك مش ((بلحه)) المطلوب ضبطها واحضارها

والله اروح معاهم اهو جلستين كهربا يضبطوا الواحد شوية هههههههههههه

الموقف التالت:رايحه فرح واحده صاحبتك.. ولابسه بقى اللى على الحبل..ولسه نازله من التاكس .. ورايحه على الفرح خلاص اهو.. وفجأه..تلاقى واحد ابن حلال يعدى بالعربيه جنبك.وبسرعه..ولحظك الجميل تكون فيه بركة ميه يدوس عليها عشان تغرقك تماما .. شعورك ح يكون ايه.. و ح تتصرفى ازاى يا حووووووورام

لو ملابس غامقة مش حتفرق علبة مناديل ورق تقوم بالواجب وليلة وتعدى

لو ملابس فاتحة ارجع فى نفس التاكسى وبلاها فرحان

الموقف الرابع:ربنا اكرمك.. وكسبتى عشر الاف جنيه.. وعايزه بقى تفنجرى .. وتشبرئى على صحابك .. فعزمتيهمعند أغلى مطعم كباب..وبعد ما أكلتو وانبسطو .. وحليتو كمان.. الحساب جه.. يعنى حوالى كده 1000جنيه.. وبتدورى على الفلوس .. اتاريكى نستيها..شعورك ح يكون ايه وسط اصحابك.. وح تتصرفى ازاى؟

معتقدتش الموقف ده اتعرض له لانى قبل مااطلع من الشقة اهم حاجتين عندى اتاكد منهم مفتاح الشقة

والفلوس ولو حصل اقعد رهينة واتصل بحد يجيب لى فلوس احاسب

الموقف الخامس:مروحه بالليل بس المره دى الانوار كلها ملعلعه.. ولسه داخله على البوابه.. لاقيتى واحد قاعد على السلم ومبرق ليكى عنيه.. وسادد الطريق قدامك ..وانتى عايزه تتطلعى...وتنادى فيه مهما تنادى..والراجل بجم مش بيحس..بعد بقى ما حاولتى معاه بكل الطرق السلميه والغير سلميه..رحتى هاجمه عليه.. وزقتيه عشان تتطلعى.. اول ما لمستيه.. لاقتيه انكفا على وشه.. وفيه سكينه مغروزه فى ضهره...شعورك ساعتها ح يكون ايه.. وح تتصرفى ازاى

قتيل وسكينة يالهوووووووووى

امدد جنبه من غير غير فصال ويبقوا جثتين بدل واحدة

الموقف السادس:رايحه وسط البلد تقضى مشوار.. وراكبه تاكسى..وفجأه لاقيتى السواق متجه بيكى بسرعه على طريق مختلف.. وبتقوليله دا مش طريقى.. وهو ولا سامعك.. شعورك ح يكون ايه .. وتتصرفى ازاى؟

حصلت بس فى مطروح بالليل كنت رايحة لصحبتى ازورها ومشى من طريق فرعى غير اللى متعوداه

اتخضيت فى بادئ الامر بس لانى عارفة معظم الشوارع هناك تماسكت وعملت نفسى مش خايفة

وكمان هناك امان لكن فى اسكندرية مركبش تاكسى لوحدى ابدا خصوصا بالليل

الموقف السابع:كنتى فى القاهره .. ومسافره بنى سويف .. فى القطار درجه اولى تكييف... الجو كان حر موووووووت ..وكنتى تعبانه اوى اوى...راحت عليكى نومه ..خاصه ان القطر دافى .. وكل اما كمسارى يشوفك وانتى نايمه تصعبى عليه ويسيبك نايمه.. وفجأه تصحى .. تلاقى نفسك فى أسوان .. شعورك ح يكون ايه .. وحتتصرفى ازاى .. خصوصا ان الدنيا كانت ليل

حصلت كنت مطبقة يومين سهر وصادف عندى مشوار الصبح بدرى وعينى غفلت فى المينى باص

فوجئت المحطة فاتتنى نزلت عادى ورجعت السكة تانى هههههههه

ياسلام بقى لو اسوان تبقى عز الطلب اهو الواحد يستجم له يومين هناك

وفى دى يمكن استعبط واعمل نايمة عشان تفوتنى المحطة ههههههههه

مع تحيات محمود البصيلى

[rewsha]

هو تحقيق صحفى خفيف وظريف ولطيف... من تحقيقاتى الصحفيه الخاصه الخفيفه..أيام مشاريع الدراسه الجامعيه .. وهو عباره عن بعض المواقف الغريبه والصعبه والكوميديه ..اللى ممكن يتعرض لها الجنس الحريمى...

عايزين نشوف بقى عضوات المنتدى الكرام .. رد فعلهم ايه وحيتصرفوا ازاى فى المواقف دى

الموقف الاول: مروحه بالليل ....ولسه داخله على بوابة العماره .. فجأه النور ينقطع عن كل المنطقه..لدرجة انك مش شايفه حتى ايديكى...شعورك ح يكون ايه ..وح تعملى ايه بأمانه..خاصة ان فيه قطه غلسه ومفترسه وبيئه خالص ..دايما تقابليها وانتى طالعه على السلم

هاتصل باي حد فوق في الشقه علشان ينزل ياخدني وبالمره يجيب معاه كشاف نور كبير (لان نور الموبايل مش هايعمل حاجه)

بس مش هافكر اطلع لوحدي ,علشان ممكن اطلع وماالاقيش حد في الشقه واقعد لوحدي في الظلمه وكده تبقى كملت

الموقف التانى:ماشيه فى الشارع ..لا بيكى ولا عليكى... وبتبصى من بعيد لاقيتى ناس بيشاوروا عليكى.. ومعاهم خير اللهم اجعله خير..قميص ابيض فى ابيض.. بكمام طويله.. وبيصرخوا ويقولوا ..((بلحه أهى..بلحه أهى ..امسك يا جدع انت وهو..دى لسه هربانه من المستشفى حالا))... شعورك ح يكون ايه.. وح تعملى ايه.. خصوصا انهم لسه بعيد عنك.. وعندك فرصه تهربى..هل حتاخدى ديلك فى سنانك وتطلقى ساقيكى للريح .. خصوصا ان الناس دى مبتتفاهمش .. والا حتعملى فيها سبع البرمبه وتقفى تستنيهم .. وتفهيمهم انك مش ((بلحه)) المطلوب ضبطها واحضارها

هاعمل فيها سبع البرمبه وامشي عادي .وهاقول لنفسي اكيد مش بيشاوروا عليه انا

ولو حصلوني وطلعوا بيشاوروا عليه فعلا

هاقف افهمهم ان انا مش بلحهوهاشاور على اقرب واحده مني واقول لهم بلحه اللي انتوا عاوزينها ,,,اهي

الموقف التالت:رايحه فرح واحده صاحبتك.. ولابسه بقى اللى على الحبل..ولسه نازله من التاكس .. ورايحه على الفرح خلاص اهو.. وفجأه..تلاقى واحد ابن حلال يعدى بالعربيه جنبك.وبسرعه..ولحظك الجميل تكون فيه بركة ميه يدوس عليها عشان تغرقك تماما .. شعورك ح يكون ايه.. و ح تتصرفى ازاى يا حووووووورام

هاقف اعيط من الغيظ وبعدين هاخد نفسي واروح على البيت

حتى لو قدامي وقت اني اغير وارجع تاني مش هاعمل كده

لاني هابقى اتعكنن عليه خلاص وخرجت من المود

الموقف الرابع:ربنا اكرمك.. وكسبتى عشر الاف جنيه.. وعايزه بقى تفنجرى .. وتشبرئى على صحابك .. فعزمتيهمعند أغلى مطعم كباب..وبعد ما أكلتو وانبسطو .. وحليتو كمان.. الحساب جه.. يعنى حوالى كده 1000جنيه.. وبتدورى على الفلوس .. اتاريكى نستيها..شعورك ح يكون ايه وسط اصحابك.. وح تتصرفى ازاى؟

هاقول لهم طلعوا اللي معاكوالاني نسيت الفلوس والم منهم الفلوس واحاسب وبعدين ابقى ارجعها لهم تاني

المفروض انهم اصحابي قوي وواخدين على بعض ,,فمافيش مشكله من كده

الموقف الخامس:مروحه بالليل بس المره دى الانوار كلها ملعلعه.. ولسه داخله على البوابه.. لاقيتى واحد قاعد على السلم ومبرق ليكى عنيه.. وسادد الطريق قدامك ..وانتى عايزه تتطلعى...وتنادى فيه مهما تنادى..والراجل بجم مش بيحس..بعد بقى ما حاولتى معاه بكل الطرق السلميه والغير سلميه..رحتى هاجمه عليه.. وزقتيه عشان تتطلعى.. اول ما لمستيه.. لاقتيه انكفا على وشه.. وفيه سكينه مغروزه فى ضهره...شعورك ساعتها ح يكون ايه.. وح تتصرفى ازاى

انا مش هازقه طبعا بس هانده على اي حد راجل يزقه هوه

ولو اكتشفت انه ميت هاخد بعضي واطير

الموقف السادس:رايحه وسط البلد تقضى مشوار.. وراكبه تاكسى..وفجأه لاقيتى السواق متجه بيكى بسرعه على طريق مختلف.. وبتقوليله دا مش طريقى.. وهو ولا سامعك.. شعورك ح يكون ايه .. وتتصرفى ازاى؟

هاقول له خد الفلوس اللي معايا ونزلني في اقرب مكان وانا ولا كائني شفتك

الموقف السابع:كنتى فى القاهره .. ومسافره بنى سويف .. فى القطار درجه اولى تكييف... الجو كان حر موووووووت ..وكنتى تعبانه اوى اوى...راحت عليكى نومه ..خاصه ان القطر دافى .. وكل اما كمسارى يشوفك وانتى نايمه تصعبى عليه ويسيبك نايمه.. وفجأه تصحى .. تلاقى نفسك فى أسوان .. شعورك ح يكون ايه .. وحتتصرفى ازاى .. خصوصا ان الدنيا كانت ليل

عادي هانزل واتصل باهلي واعرفهم اللي حصل واستنى اول قطر راجع واركبه

فى انتظار ردود افعالكم هههههههههههههههههه

وانا في انتظار تحليل حضرتك للاجابات بتاعتي

:)

مع تحيات محمود البصيلى

وتحباتي

روشه

[Folana]

السلام عليكم ورحمة الله....

دى مواقف بسيطة جدا يا أستاذ محمود...إحنا عايزين مواقف وطرائف ..

الموقف الاول: مروحه بالليل ....ولسه داخله على بوابة العماره .. فجأه النور ينقطع عن كل المنطقه..لدرجة انك مش شايفه حتى ايديكى...شعورك ح يكون ايه ..وح تعملى ايه بأمانه..خاصة ان فيه قطه غلسه ومفترسه وبيئه خالص ..دايما تقابليها وانتى طالعه على السلم.

طبعا زمان كنت بأخاف جدا من الضلمة...ولو حصل موقف زى ده كان لا يمكن أبدا أدخل البيت..وممكن أروح أشترى كشاف الأول علشان أنور به السلم ..وكنت حأترجى أبلة قطة انها تفسح لى الطريق أو أستعين بخبير استيراتيجى يزيحها من طريقى ، دلوقت بقى وبعد ما بقيت من أصحاب القلوب الميتة ، وعارفة طريقى كويس حتى لو النور قاطع بالاضافة الى ان انا الوحيدة اللى ممكن اتعامل مع الضلمة وكل اهل البيت معتمدين على شجاعتى :) يبقى حادخل البيت عادى وادور على اقرب حاجة انور بها وليكن مشط كبريت مثلا ..ولو القطة اعترضت طريقى يبقى جنت على نفسها وحأشوطها برجلى وزى ماتيجى بقى وياروح مابعدك روح .

الموقف التانى:ماشيه فى الشارع ..لا بيكى ولا عليكى... وبتبصى من بعيد لاقيتى ناس بيشاوروا عليكى.. ومعاهم خير اللهم اجعله خير..قميص ابيض فى ابيض.. بكمام طويله.. وبيصرخوا ويقولوا ..((بلحه أهى..بلحه أهى ..امسك يا جدع انت وهو..دى لسه هربانه من المستشفى حالا))... شعورك ح يكون ايه.. وح تعملى ايه.. خصوصا انهم لسه بعيد عنك.. وعندك فرصه تهربى..هل حتاخدى ديلك فى سنانك وتطلقى ساقيكى للريح .. خصوصا ان الناس دى مبتتفاهمش .. والا حتعملى فيها سبع البرمبه وتقفى تستنيهم .. وتفهيمهم انك مش ((بلحه)) المطلوب ضبطها واحضارها

حأطلع أجرى طبعا..خصوصا انى أنا "بلحة"..:) ...يحضرنى هنا موقف حصل معايا بجد...طبعا ايام ولادى ماكانوا فى المدرسة كنت انا اللى لازم اوصلهم واجيبهم بنفسى من وهم فى كى جى لحد الثانوى ...وفى فترة كده من الفترات العصيبة كان فيه واحدة ربنا يعفو عنها ويعافيها..اختارت مكان جنب سور المدرسة تقعد فيه...واللى رايح واللى جاى تشتمه او تتكلم مع نفسها ..كنت حريصة جدا انى ابعد عن المنطقة دى..ومرة كنت سرحانة ومشيت من قدامها..وسمعت وابل من الشتيمة...طبعا اتجمدت وقلبى وقع فى رجلى بس عملت عاقلة وفضلت ماشية بس بصعوبة ..وفجأة لقيتها قامت وقفت وجريت ناحيتى...ماحستش بنفسى الا وانا مستخبية ورا السيكيورتى جوه المدرسة ....مما يعنى انى اخدت ديلى فى سنانى وقلت يافكيك .....

وفى المواقف اللى زى دى بيكون مافيش وقت تفهم حد انك مش بلحة...او انك تسأل الست دى زعلانة منك ليه ..

الموقف التالت:رايحه فرح واحده صاحبتك.. ولابسه بقى اللى على الحبل..ولسه نازله من التاكس .. ورايحه على الفرح خلاص اهو.. وفجأه..تلاقى واحد ابن حلال يعدى بالعربيه جنبك.وبسرعه..ولحظك الجميل تكون فيه بركة ميه يدوس عليها عشان تغرقك تماما .. شعورك ح يكون ايه.. و ح تتصرفى ازاى يا حووووووورام

لا كده خلاص بقى..ولا فرح ولا يحزنون...طبعا حألف وأرجع تانى ...وهناك احتمالين اما ابدل ثيابى واعود ادراجى للفرح ..أو احلف براس الغاليين ما انا رايحة فى حتة..حسب مودى وقتها ودرجة غضبى .

الموقف الرابع:ربنا اكرمك.. وكسبتى عشر الاف جنيه.. وعايزه بقى تفنجرى .. وتشبرئى على صحابك .. فعزمتيهمعند أغلى مطعم كباب..وبعد ما أكلتو وانبسطو .. وحليتو كمان.. الحساب جه.. يعنى حوالى كده 1000جنيه.. وبتدورى على الفلوس .. اتاريكى نستيها..شعورك ح يكون ايه وسط اصحابك.. وح تتصرفى ازاى؟

فى الحالة دى اللى معاه يسد..يعنى يدفع هو والحساب يجمع...المشكلة بقى اذا كان اللى معايا مش معاهم فلوس برضه ومعتمدين على بابا نويل اللى هو أنا ...فى الحالة دى حأتصل بزوجى يبعت لى فلوس...المشكلة بقى ان زوجى يكون قافل موبيله او نفض لى ..يبقى حأتصل بأحد الاهل والاقارب...المشكلة بقى لو أنا مقطوعة من شجرة ...يبقى حأترجى صاحب المحل انه ياخد اصحابى رهن عنده لحد ما أرجع بالفلوس (حين ميسرة )...واهو بالمرة يحرموا يقبلوا عزومتى مرة تانية :)

الموقف الخامس:مروحه بالليل بس المره دى الانوار كلها ملعلعه.. ولسه داخله على البوابه.. لاقيتى واحد قاعد على السلم ومبرق ليكى عنيه.. وسادد الطريق قدامك ..وانتى عايزه تتطلعى...وتنادى فيه مهما تنادى..والراجل بجم مش بيحس..بعد بقى ما حاولتى معاه بكل الطرق السلميه والغير سلميه..رحتى هاجمه عليه.. وزقتيه عشان تتطلعى.. اول ما لمستيه.. لاقتيه انكفا على وشه.. وفيه سكينه مغروزه فى ضهره...شعورك ساعتها ح يكون ايه.. وح تتصرفى ازاى

بصراحة لو اتعرضت للموقف ده..ومن أول تبريقة لعينيه ، مش حأطلع خالص البيت واروح اقعد على القهوة فى انتظار اى زبون غيرى يزق القتيل ويلبس هو الجيريمة ...

الموقف السادس:رايحه وسط البلد تقضى مشوار.. وراكبه تاكسى..وفجأه لاقيتى السواق متجه بيكى بسرعه على طريق مختلف.. وبتقوليله دا مش طريقى.. وهو ولا سامعك.. شعورك ح يكون ايه .. وتتصرفى ازاى؟

فى ظل الظروف الحالية للبلد والانفلات الأمنى ، انا مش بأخرج من بيتنا ومش باركب تاكسى ،ولو خرجت بيكون معايا فى الشنطة الشاكوش ده بتاع البفتيك...ما اعرفش اسمه بس اهو حاجة كده زى المرزبة ..فطبيعى انى حأنزل على راس السواق وكأنه قطعة بفتيك محتاجة تتفرد شوية قبل القلى .....، لكن فى جميع الاحوال ايدى بتكون على اكرة الباب وعلى أهبة الاستعداد انى اقفز من التاكسى مادام إكده ميت وإكده ميت :) .

الموقف السابع:كنتى فى القاهره .. ومسافره بنى سويف .. فى القطار درجه اولى تكييف... الجو كان حر موووووووت ..وكنتى تعبانه اوى اوى...راحت عليكى نومه ..خاصه ان القطر دافى .. وكل اما كمسارى يشوفك وانتى نايمه تصعبى عليه ويسيبك نايمه.. وفجأه تصحى .. تلاقى نفسك فى أسوان .. شعورك ح يكون ايه .. وحتتصرفى ازاى .. خصوصا ان الدنيا كانت ليل

أسوان ؟ وفى الحر ده؟...حأكمل نوووم لحد مايرجع تانى بنى سويف ..مادام بأصعب على الكمسارى ومش حياخد منى أجرة الرجوع

أسعد الله صباحك يا استاذ محمود

[عنبو]

عبير

الموقف الخامس:مروحه بالليل بس المره دى الانوار كلها ملعلعه.. ولسه داخله على البوابه.. لاقيتى واحد قاعد على السلم ومبرق ليكى عنيه.. وسادد الطريق قدامك ..وانتى عايزه تتطلعى...وتنادى فيه مهما تنادى..والراجل بجم مش بيحس..بعد بقى ما حاولتى معاه بكل الطرق السلميه والغير سلميه..رحتى هاجمه عليه.. وزقتيه عشان تتطلعى.. اول ما لمستيه.. لاقتيه انكفا على وشه.. وفيه سكينه مغروزه فى ضهره...شعورك ساعتها ح يكون ايه.. وح تتصرفى ازاى

بس لو ده حصل بغباء مني

حأستجمع نفسي و اتسحب في هدوء و اطلع شقتي

و لا كأني شفت حاجة

شوفى بقى علشان انتى مش بتبصى لقدام اخترتى انك تبعيى الراجل الميت المسكين ولكن لو انتى بقى بتبصى لقدام وعندك خطط مستقبليه على المدى البعيد ومدى البصر اللوزعى ممكن بقى تبلغى البوليس بقى ويطلع الراجل القتيل ده واحد مشهور بقى وتطلعى مع منى الشاذلى وباسم يوسف بالاستديو الصغير بتاعه ونبقى اغنيا بقى

حأطلع أي حاجة من شنطتي و أعملها كأنها مسدس أو سكينة

و أحطها في رقبته

و بحركة سريعة في أقل من ثانية

حأغرس دبوس الطرحة في ذراعه أمام كوعه ( في المفصل) حتشل حركته تمام

كابتن ماجد كابتن ماجد عاد اليكم من جديد

احب اضيف شوية اسئله

السؤال الاول :

تعملى ايه لو انتى رايحه مكان تقابلى واحد (( شغل - خطيبك - قريبك اى حد يعنى ) وانتى بقى قاعده مستنيه كده جه على المكان واحد ريحته وحشه قوى ونفاذه بشكل غريب قلك كلمتين ومشى ويادوب انصرف لقيتى الشخص اليى انتى رايحه تقابليه قدامك وطبعا الريحه كانت لسه موجوده !!!!!!!!

السؤال الثانى :

تعملى ايه لو ماشيه مع زوجك فى المول كده ولقيتى واحد زميلك من ايام الجامعه جاى يسلم عليكى وطبعا زوجك بغير وزميلك بتاع ايام الجامعه انتى عارفه انه على نياته خالص وممكن يقولى اى كلمه تتفهم غلط ؟

السؤال الثالث :

هروح اشتغل وهرجع اكتبه

[Dreamwithme]

هو تحقيق صحفى خفيف وظريف ولطيف... من تحقيقاتى الصحفيه الخاصه الخفيفه..أيام مشاريع الدراسه الجامعيه .. وهو عباره عن بعض المواقف الغريبه والصعبه والكوميديه ..اللى ممكن يتعرض لها الجنس الحريمى...

عايزين نشوف بقى عضوات المنتدى الكرام .. رد فعلهم ايه وحيتصرفوا ازاى فى المواقف دى

الموقف الاول: مروحه بالليل ....ولسه داخله على بوابة العماره .. فجأه النور ينقطع عن كل المنطقه..لدرجة انك مش شايفه حتى ايديكى...شعورك ح يكون ايه ..وح تعملى ايه بأمانه..خاصة ان فيه قطه غلسه ومفترسه وبيئه خالص ..دايما تقابليها وانتى طالعه على السلم

لو عارفة إن في حد في البيت فوق غالبا هأتصل عليه عشان ينزل يأخدني بس لو مفيش حد

هأسمي وأتوكل علي الله وأستخدم كشاف عندي في الموبيل وأطلع ببطء لغاية ما أوصل

الموقف التانى:ماشيه فى الشارع ..لا بيكى ولا عليكى... وبتبصى من بعيد لاقيتى ناس بيشاوروا عليكى.. ومعاهم خير اللهم اجعله خير..قميص ابيض فى ابيض.. بكمام طويله.. وبيصرخوا ويقولوا ..((بلحه أهى..بلحه أهى ..امسك يا جدع انت وهو..دى لسه هربانه من المستشفى حالا))... شعورك ح يكون ايه.. وح تعملى ايه.. خصوصا انهم لسه بعيد عنك.. وعندك فرصه تهربى..هل حتاخدى ديلك فى سنانك وتطلقى ساقيكى للريح .. خصوصا ان الناس دى مبتتفاهمش .. والا حتعملى فيها سبع البرمبه وتقفى تستنيهم .. وتفهيمهم انك مش ((بلحه)) المطلوب ضبطها واحضارها

هأطلع أجري طبعا .... الجري نص الجدعنة يا جماعة وبعدين في المواقف اللي زي دي الواحد ما بيلحقش يفكر

يعني بيعتمد علي رد الفعل التلقائي

الموقف التالت:رايحه فرح واحده صاحبتك.. ولابسه بقى اللى على الحبل..ولسه نازله من التاكس .. ورايحه على الفرح خلاص اهو.. وفجأه..تلاقى واحد ابن حلال يعدى بالعربيه جنبك.وبسرعه..ولحظك الجميل تكون فيه بركة ميه يدوس عليها عشان تغرقك تماما .. شعورك ح يكون ايه.. و ح تتصرفى ازاى يا حووووووورام

علي حسب مدي الضرر اللي وقع عليا ... لو أتوسخت نص نص ولبسي غامق ومش باين قوي ممكن أدخل الفرح أسلم علي صاحبتي وأمشي بسرعة وخلاص

لكن لو منظري شوراعي خالص يبقي مابدهاش هأروح أغير هدومي وعلي حسب لو المكان بعيد ممكن ماأرجعش الفرح

لكن لو المكان قريب هأرجع الفرح وعلي حسب صاحبتي برضه لو قريبة مني قوي يبقي لازم أعمل المستحيل وأرجع لها

الموقف الرابع:ربنا اكرمك.. وكسبتى عشر الاف جنيه.. وعايزه بقى تفنجرى .. وتشبرئى على صحابك .. فعزمتيهمعند أغلى مطعم كباب..وبعد ما أكلتو وانبسطو .. وحليتو كمان.. الحساب جه.. يعنى حوالى كده 1000جنيه.. وبتدورى على الفلوس .. اتاريكى نستيها..شعورك ح يكون ايه وسط اصحابك.. وح تتصرفى ازاى؟

هأكلم حد يجي يلحقني طبعا

الموقف الخامس:مروحه بالليل بس المره دى الانوار كلها ملعلعه.. ولسه داخله على البوابه.. لاقيتى واحد قاعد على السلم ومبرق ليكى عنيه.. وسادد الطريق قدامك ..وانتى عايزه تتطلعى...وتنادى فيه مهما تنادى..والراجل بجم مش بيحس..بعد بقى ما حاولتى معاه بكل الطرق السلميه والغير سلميه..رحتى هاجمه عليه.. وزقتيه عشان تتطلعى.. اول ما لمستيه.. لاقتيه انكفا على وشه.. وفيه سكينه مغروزه فى ضهره...شعورك ساعتها ح يكون ايه.. وح تتصرفى ازاى

هأسيب المكان خالص وأخدلي لفة حوالين البيت وأحاول أتصل بحد من أهلي ينزل يتصرف معاه

أو أدور علي حد من أصحاب المحلات اللي في الشارع يكون راجل جدع ويجي معايا

الموقف السادس:رايحه وسط البلد تقضى مشوار.. وراكبه تاكسى..وفجأه لاقيتى السواق متجه بيكى بسرعه على طريق مختلف.. وبتقوليله دا مش طريقى.. وهو ولا سامعك.. شعورك ح يكون ايه .. وتتصرفى ازاى؟

بلاش الرعب ده يا أستاذ محمود ....أصل أنا معتمدة علي التاكسي في تحركاتي كلها وبأقعد أقرأ قرآن قبل وأثناء ركوبي التاكسي

لكن لو حصل أكيد هأصرخ وأستغيث بالناس اللي حواليا وممكن قوي أفتح باب التاكسي وأنط ....يلا حبة أكشن أهو عشان سي السيد

الموقف السابع:كنتى فى القاهره .. ومسافره بنى سويف .. فى القطار درجه اولى تكييف... الجو كان حر موووووووت ..وكنتى تعبانه اوى اوى...راحت عليكى نومه ..خاصه ان القطر دافى .. وكل اما كمسارى يشوفك وانتى نايمه تصعبى عليه ويسيبك نايمه.. وفجأه تصحى .. تلاقى نفسك فى أسوان .. شعورك ح يكون ايه .. وحتتصرفى ازاى .. خصوصا ان الدنيا كانت ليل

هأنزل في أسوان وأحجز تذكرة رجوع للقاهرة وأكلم أهلي في القاهرة أقولهم علي اللي حصل وأكلم الناس اللي مستانينني في بني سويف عشان ما يقلقوش

وأحاول أقضي وقتي لغاية ميعاد القطار ما يجي ...ولو ميعاد القطار تاني يوم هأدور علي فندق كبير شيك أحجز فيه

بس ده عمره ما هيحصل لأني استحالة أنام في القطار طالما أنا لوحدي مهما كنت تعبانة

فى انتظار ردود افعالكم هههههههههههههههههه

مع تحيات محمود البصيلى

[Dreamwithme]

احب اضيف شوية اسئله

السؤال الاول :

تعملى ايه لو انتى رايحه مكان تقابلى واحد (( شغل - خطيبك - قريبك اى حد يعنى ) وانتى بقى قاعده مستنيه كده جه على المكان واحد ريحته وحشه قوى ونفاذه بشكل غريب قلك كلمتين ومشى ويادوب انصرف لقيتى الشخص اليى انتى رايحه تقابليه قدامك وطبعا الريحه كانت لسه موجوده !!!!!!!!

مفيش مشكلة يا عنبو أختك دائما معاها في الشنطة بارفان أو مسك هأرش بختين يعدلوا الريحة

السؤال الثانى :

تعملى ايه لو ماشيه مع زوجك فى المول كده ولقيتى واحد زميلك من ايام الجامعه جاى يسلم عليكى وطبعا زوجك بغير وزميلك بتاع ايام الجامعه انتى عارفه انه على نياته خالص وممكن يقولى اى كلمه تتفهم غلط ؟

الحمد لله أنا علاقتي بزملائي الرجال من أيام الجامعة سطحية جدا وما أخافش من حد منهم يقول كلمة تتفهم غلط

والحمد لله خطيبي - اللي هو زوج المستقبل- عارف كل زملائي الرجال اللي أنا بأتعامل معاهم وأنا حكيتله عن كل معارفي فمش هأخاف

لأني عارفة وواثقة من حجم الثقة اللي بينا وحتي لو في كلمة ماريحيتوش هيسكت ويعدي الموقف بلباقة ونتكلم بعد ما يمشي الزميل

وأنا عارفة إنه هيتقبل شرحي وكلامي .... يعني أنا عندي ثقة في نفسي وفي الحدود اللي أنا حطها في التعامل مع زملائي من الجنس الآخر

وفي نفس الوقت عندي ثقة في مخ شريكي

السؤال الثالث :

هروح اشتغل وهرجع اكتبه

[rewsha]

احب اضيف شوية اسئله

السؤال الاول :

تعملى ايه لو انتى رايحه مكان تقابلى واحد (( شغل - خطيبك - قريبك اى حد يعنى ) وانتى بقى قاعده مستنيه كده جه على المكان واحد ريحته وحشه قوى ونفاذه بشكل غريب قلك كلمتين ومشى ويادوب انصرف لقيتى الشخص اليى انتى رايحه تقابليه قدامك وطبعا الريحه كانت لسه موجوده !!!!!!!!

المواقف دي بتتكرر كتير

خصوصا لو مكان فيه تجمعات

في الوقت ده

اول ما باستشعر رائحه كريهه باسيب المكان ده خالص وفورا

لسببين

علشان نفسي اولا

ثانيا: علشان مافيش اي حد يبص ي بصه مش ولابد ويفتكر ان انا صاحبة اسلحة الدمار الشامل دي (حتى لو كان اي شخص واقف ومايعرفنيش)

ملحوظه

ووانا ماشيه لازم يبان عليه اني مشمئزه من صاحب الفعله دي

السؤال الثانى :

تعملى ايه لو ماشيه مع زوجك فى المول كده ولقيتى واحد زميلك من ايام الجامعه جاى يسلم عليكى وطبعا زوجك بغير وزميلك بتاع ايام الجامعه انتى عارفه انه على نياته خالص وممكن يقولى اى كلمه تتفهم غلط ؟

لوزميل من ايام الجامعه ..مش هاقلق خاص .القلق كان يبقى موجود لو قابلت زميله من ايام الجامعه وكنت عارفه انها من النوع اللي بيلبخ في الكلام

ساعتا هاشاور لها من بعيد (اسلم عليها من بعيد) واقول لها اديني رقم موبايلك نبقى نرغي سوى

بس الموقف اللي حصل معايا

كنت في البنك ,وجوزي راح يصور البطاقه

ورجع كان ساعتها الدور عليه

وزميل لي هوه اللي قاعد جوه على الشباك وزميلي ده شكله كان متردد انه يسلم عليه (فاكرني ناسياه)

وتصادف ان اللحظه اللي قرر فيها يقول لي ازيك

كانت نفس اللحظه اللي جوزي جه وقف جنبي فيها

ساعتها حسيت انه اتلبخ

ولقيت جوزي بيقول له (نعم ...في حاجه) <_<

قام زميلي اتلبخ اكتر وقال له

لا ابدا ,انا كنت باقول لها ازيك(ووشه جاب الوان الطيف كلها) :blush:

وانا ساعتها ماقدرتش امسك نفسي من الضحك :lol:

وبعدين عرفتهم على بعض

تم تعديل 3 يناير 2012 بواسطة rewsha

[عبير يونس]

الموقف التانى:ماشيه فى الشارع ..لا بيكى ولا عليكى... وبتبصى من بعيد لاقيتى ناس بيشاوروا عليكى.. ومعاهم خير اللهم اجعله خير..قميص ابيض فى ابيض.. بكمام طويله.. وبيصرخوا ويقولوا ..((بلحه أهى..بلحه أهى ..امسك يا جدع انت وهو..دى لسه هربانه من المستشفى حالا))... شعورك ح يكون ايه.. وح تعملى ايه.. خصوصا انهم لسه بعيد عنك.. وعندك فرصه تهربى..هل حتاخدى ديلك فى سنانك وتطلقى ساقيكى للريح .. خصوصا ان الناس دى مبتتفاهمش .. والا حتعملى فيها سبع البرمبه وتقفى تستنيهم .. وتفهيمهم انك مش ((بلحه)) المطلوب ضبطها واحضارها

و دي عايزة سؤال

طبعا سأطلق ساقاي للريح

و على أول عمارة حأدخل

و أطلع على السطح

و افضل انط من سطح لسطح لحد ما اتوههم

ههههههههههههه

يعني كلكم اتريقتوا على موقف التاكسي

و قعدتوا تقولوا كرتون وسبيس تون و كابتن ماجد

وماخدتوش بالكم من دي

هههههههههههههههههههه

يعني عادي اني حافضل انط من سطح لسطح

هههههههههههههههههههههه

:blink:

[عبير يونس]

احب اضيف شوية اسئله

السؤال الاول :

تعملى ايه لو انتى رايحه مكان تقابلى واحد (( شغل - خطيبك - قريبك اى حد يعنى ) وانتى بقى قاعده مستنيه كده جه على المكان واحد ريحته وحشه قوى ونفاذه بشكل غريب قلك كلمتين ومشى ويادوب انصرف لقيتى الشخص اليى انتى رايحه تقابليه قدامك وطبعا الريحه كانت لسه موجوده !!!!!!!!

زي حبيبة قلبي روشة دايما معايا في شنطتي عطر ومزيل عرق

حأطلعه أرش رشتين :)

السؤال الثانى :

تعملى ايه لو ماشيه مع زوجك فى المول كده ولقيتى واحد زميلك من ايام الجامعه جاى يسلم عليكى وطبعا زوجك بغير وزميلك بتاع ايام الجامعه انتى عارفه انه على نياته خالص وممكن يقولى اى كلمه تتفهم غلط ؟

لا عادي

حصلت في اول زواجي

كانوا زمايلي بيكلموني في التيلفون عادي

وكانت ماما بترد عليهم وبابا عادي

لما اتجوزت كنت مرة عند ماما

و التيلفون رن

و على فكرة معظم زمايلي معرفوش اني اتجوزت

لأني اتجوزت في 3 اسابيع :blink:

المهم

هو رد على التيلفون لأني كنت مشغولة بحاجة

فقال له نقول لها مين

انا جوزها

فزميلي رد عليه و قال له

انا فلان ...انا بس كنت باتصل عشان اطمن عليها و اسمع صوتها

:110:

و محصلش حاجة

عادي خااااااااالص

هو بس لغاية دلوقت معتقد ان كان بيني و بينه حاجة

بس

المهم بقى

ان ده تحديدا كان آخر واحد في الدنيا كلها أفكر مجرد تفكير اني ارتبط بيه

بس جت معاه كده

ههههههههههههههه

السؤال الثالث :

هروح اشتغل وهرجع اكتبه

مستنية السؤال

[رضوي]

هو تحقيق صحفى خفيف وظريف ولطيف... من تحقيقاتى الصحفيه الخاصه الخفيفه..أيام مشاريع الدراسه الجامعيه .. وهو عباره عن بعض المواقف الغريبه والصعبه والكوميديه ..اللى ممكن يتعرض لها الجنس الحريمى...

عايزين نشوف بقى عضوات المنتدى الكرام .. رد فعلهم ايه وحيتصرفوا ازاى فى المواقف دى

بسم الله الرحمن الرحيم

يامسهل

الموقف الاول: مروحه بالليل ....ولسه داخله على بوابة العماره .. فجأه النور ينقطع عن كل المنطقه..لدرجة انك مش شايفه حتى ايديكى...شعورك ح يكون ايه ..وح تعملى ايه بأمانه..خاصة ان فيه قطه غلسه ومفترسه وبيئه خالص ..دايما تقابليها وانتى طالعه على السلم

ولا حاجة خااااااااااالص هفتح نور الموبايل وهطلع ع السلم جرررررررررري .... والحمد لله مابخافش من القطط

الموقف التانى:ماشيه فى الشارع ..لا بيكى ولا عليكى... وبتبصى من بعيد لاقيتى ناس بيشاوروا عليكى.. ومعاهم خير اللهم اجعله خير..قميص ابيض فى ابيض.. بكمام طويله.. وبيصرخوا ويقولوا ..((بلحه أهى..بلحه أهى ..امسك يا جدع انت وهو..دى لسه هربانه من المستشفى حالا))... شعورك ح يكون ايه.. وح تعملى ايه.. خصوصا انهم لسه بعيد عنك.. وعندك فرصه تهربى..هل حتاخدى ديلك فى سنانك وتطلقى ساقيكى للريح .. خصوصا ان الناس دى مبتتفاهمش .. والا حتعملى فيها سبع البرمبه وتقفى تستنيهم .. وتفهيمهم انك مش ((بلحه)) المطلوب ضبطها واحضارها

ههههههههه

هجري واقول يافكيك ....... ولو فضلوا يجروا ورايا هركب اي تاكسي بسرعة او هتصرف واهرب منهم بقى على حسب المكان اللي انا فيه ..... بس لو في مكان عارفة تفاصيلة هتوههم وارجع البيت بسرعة ........ بس هيبقى موقف كوميدي اخر حاجة وهحكي عنه لكل اللي اعرفهم

وبعدين مافيش بلحة طويلة .... هقولهم أنا موزة ياجماعة مش بلحة وهجري برده :)

الموقف التالت:رايحه فرح واحده صاحبتك.. ولابسه بقى اللى على الحبل..ولسه نازله من التاكس .. ورايحه على الفرح خلاص اهو.. وفجأه..تلاقى واحد ابن حلال يعدى بالعربيه جنبك.وبسرعه..ولحظك الجميل تكون فيه بركة ميه يدوس عليها عشان تغرقك تماما .. شعورك ح يكون ايه.. و ح تتصرفى ازاى يا حووووووورام

اوووووووووووبس بايخ اوي الموقف دة ....... ولو طلت صاحب العربية دي هتبقى ليلته هباب ........ ولو فستاني اتبهدل خالص هضطر اروح في نفس التاكسي اللي جاية بيه ..... بس بعد لما اتصل بأصحابي اللي جوة الفرح اسلم عليهم ونتريق شوية على اللي حصلي :)

الموقف الرابع:ربنا اكرمك.. وكسبتى عشر الاف جنيه.. وعايزه بقى تفنجرى .. وتشبرئى على صحابك .. فعزمتيهمعند أغلى مطعم كباب..وبعد ما أكلتو وانبسطو .. وحليتو كمان.. الحساب جه.. يعنى حوالى كده 1000جنيه.. وبتدورى على الفلوس .. اتاريكى نستيها..شعورك ح يكون ايه وسط اصحابك.. وح تتصرفى ازاى؟

عادي خالص جدا ع الآخر ........... هقولهم نسيت الفلوس ياعيال ادفعوا انتو بقى :) ....... لا بجد هتصل بحد من البيت يجيبلي الفلوس وخلصنا ....... أو اقضيها أنا واصحابي غسيل صحون بقى :)

الموقف الخامس:مروحه بالليل بس المره دى الانوار كلها ملعلعه.. ولسه داخله على البوابه.. لاقيتى واحد قاعد على السلم ومبرق ليكى عنيه.. وسادد الطريق قدامك ..وانتى عايزه تتطلعى...وتنادى فيه مهما تنادى..والراجل بجم مش بيحس..بعد بقى ما حاولتى معاه بكل الطرق السلميه والغير سلميه..رحتى هاجمه عليه.. وزقتيه عشان تتطلعى.. اول ما لمستيه.. لاقتيه انكفا على وشه.. وفيه سكينه مغروزه فى ضهره...شعورك ساعتها ح يكون ايه.. وح تتصرفى ازاى

ياماااااااااامي ايه الرعب دة ......... اشاسا مش هتوصل لمرحلة اني ازقه علشان اطلع ........ هستعين بأي حد بقى في الموضوع دة , اما هتصل ببابا ينزلي او لو فيه حد اعرفه ماشي في الشارع ساعتها هستعين بيه ........ ( وبعدين انا مابخرجش بالليل لوحدي اشاساً ) بس بفرض اني لقيت قتيل كدة هصرخ طبعاً من المفاجأة واتصل بالشرطة وأتصل بكل اللي اعرفهم .

الموقف السادس:رايحه وسط البلد تقضى مشوار.. وراكبه تاكسى..وفجأه لاقيتى السواق متجه بيكى بسرعه على طريق مختلف.. وبتقوليله دا مش طريقى.. وهو ولا سامعك.. شعورك ح يكون ايه .. وتتصرفى ازاى؟

اووووووووبا ...... أول حاجة هعملها اني اتصل ببابا اقوله على اللي بيحصل ...... وبعدها بقى أنا قاعدة ورا وهو قدام .... هخنقه من رقبته بدراعي وممكن اشد فرامل اليد ( خلى العربية تتقلب بقى ) او اهدده بسلاح معايا .... ومايهمنيش ممكن اموته مش قضيتي :)

بس افتركت موقف مشابه حصل لقريبة واحدة صحبتي .... راكبة تاكسي في وسط البلد ... في وقت الذروة .... ومعرفش بقى التاكسي كانت في واحدة منقبة راكبة قبلها ولا الست المنقبة دي ركبت بعدين ... المهم الست المنقبة دي طلعت سلاح هددت بيه الست قريبة صحبتي واخدت منها الموبايل وكل اللي معاها وطبعاً سواق التاكسي مع الست الحرامية دي ودة في وسط البلد وفي عز النهار

الموقف السابع:كنتى فى القاهره .. ومسافره بنى سويف .. فى القطار درجه اولى تكييف... الجو كان حر موووووووت ..وكنتى تعبانه اوى اوى...راحت عليكى نومه ..خاصه ان القطر دافى .. وكل اما كمسارى يشوفك وانتى نايمه تصعبى عليه ويسيبك نايمه.. وفجأه تصحى .. تلاقى نفسك فى أسوان .. شعورك ح يكون ايه .. وحتتصرفى ازاى .. خصوصا ان الدنيا كانت ليل

ايه اللي يوديني بني سويف ؟؟:closedeyes: ع العموم هشوف مواعيد القطارات لو فيه قطر تاني راجع ومعاده قريب هركب فيه .... ولو مافيش هخرج من محطة القطار واركب اي تاكسي واروح اقرب فندق احجز ليلة ... وممكن اظبط بقى ظروفي واعمل شوية سياحة في اسوان لأني بقالي كتير ماروحتهاش ( بس لو في الصيف هخلع تاني يوم الصبح بدري ).... بس سؤال على الهامش ... ازاي في الصيف وقطر مكيف والجو دافي؟؟

فى انتظار ردود افعالكم هههههههههههههههههه

مع تحيات محمود البصيلى