لوحدقال لك ان مفيش ربنا هترد تقول ايه?

[emmyyy]

ياتري لوحد جه قال لك ان مفيش ربنا هترد تقول ايه?

ولو حد قال ان المفروض مايبقاش في دين سواء اسلام او مسيحيه او يهوديه?

ايه يكن الرد الي يخلي الناس دي تفهم ولا نتجاهلهم و منتكلمش معاهم في الموضوع ده علي اساس انه بيعيب في ذات الله عز وجل?

[ماجد]

شوفى يا أختى :

طبعا هارد عليه الا اذا كان بيضيع وقت او بيستعرض عضلات. لكن طريقة و نوعية الرد هاتختلف حسب مستواه الفكرى و طبيعة عمله فردى على طبيب سوف يختلف عن ردى على مهندس أو ردى على تاجر.

فمثلا فى مناقشة طبيب يجب ان الجأ لكيفية بدء الخلق و اعجاز خلق المخلوقات و احادية لغة الكتابة فى داخل خلايانا .

مع مهندس يجب الجأ لقوانين بدء الخليقه و اعجاز خلق الكون

مع تاجر يجب ان الجأ للربح و الخساره فى معاملتنا مع الله ..... وهكذا .

طبعا انا اعطيك خطوط استراتيجيه فقط و ليس تفاصيل لكن يجب عليك ان تعدى نفسك جيدا قبل تخوضى هكذا محاورات و اهم سلاح انصحك به ان تحبى من تحاورين من داخلك برغبة فى هدايته حبا صادقا و رغبة حقيقه مش لمجرد الدفاع عما تعتقدينه حقا .

اما موضوع انه بيعايب على ذات ربنا فذنبه يقع عليه فأن اهتدى غفر الله له و ان لم يهتدى فعقابه على كلامه عند الله.

و اخيرا فالهادى هو الله ........

(فَلَعَلَّكَ بَاخِعٌ نَفْسَكَ عَلَى آثَارِهِمْ إِنْ لَمْ يُؤْمِنُوا بِهَذَا الْحَدِيثِ أَسَفاً) (الكهف:6)

(إِنَّكَ لا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ وَهُوَ أَعْلَمُ بِالْمُهْتَدِينَ) (القصص:56)

[se_ Elsyed]

طبعاً أقدر أرُد عليه بمنتهى البساطة ..

يعني لو هي صديقة دراستك مثلاً يا إيمي ..

ممكن تجيبي شوية فاكهة وتحطيها في الثلاجة بتاعتها ..

طبعاً هي أول ما هاتفتح الثلاجة لازم هاتسأل : مين اللي جاب الحاجة دي هنا ؟

وهو ده السؤال اللي تبني عليها ردك ... فالبتأكيد أي فعل لازم يكون له فاعل ... يعني الفاكهة مش هاتطرح لوحدها في الثلاجة أو إن لها رجلين هاتمشي بهم وتوصل الثلاجة لوحدها ...

كذلك الكون كله .. مين اللي خلقه بهذا النظام وبهذا التنوع ... هل هو خلق نفسه زي ما بيقول الماديين أو الملحدون ؟

لأ طبعاً لابد له من خالق ينظمه ويتحكم فيه ...

وبعدين إزاي ما يبقاش في أديان ؟!!

فإذا ما كانش في اديان يبقى إيه القوانين اللي هاتحكم الإنسان .. هل نقول القوانين الوضعية ؟

طب وإيه المرجعية للقوانين الوضعية دي ؟؟ مش المفروض يبقى الدين ...

وبعدين إيه اللي هايبين لنا إيه الحلال والحرام غير الأديان؟

طب الإنسان اللي بيقولك كده .. إسأليه هل يرضى يتزوج أخته أو أمه ... هايقولك لأ طبعاً ده جنون !!!!

طب مين اللي قال لنا إن ده جنون وضد الفطرة ؟ مش الدين ...

وهكذا ... أمثلة وإجابات بسيطة بعيد عن الكلكعة والفذلكة اللي ممكن يتوه معاها أي ملحد ..

أما لو كان بيسأل لمجرد الإستهزاء أو الإنكار .. فده ما فيش منه أمل .

[emmyyy]

فمثلا فى مناقشة طبيب يجب ان الجأ لكيفية بدء الخلق و اعجاز خلق المخلوقات و احادية لغة الكتابة فى داخل خلايانا .

مع مهندس يجب الجأ لقوانين بدء الخليقه و اعجاز خلق الكون

مع تاجر يجب ان الجأ للربح و الخساره فى معاملتنا مع الله ..... وهكذا .

انااتكلمت معاهم بنفس المنطق ده كان الرد ان لو كان في اله يبقي هو الطبيعه لانها هي الي بتتحكم في كل الا الاشياء المحيطه بينا وكان ردي ان طيب مين بيتحكم في الطبيعه الرد كان قوانين الفيزياء زي المد والجز و الامطار واخرمازهقوا مني قالوا لي ان حتي لو في اله الكون كبير جدا علي انه يبقي مهتم بينا احنا الحقيقه الناس دي بتفكر بطريقه ماديه بحته

فإذا ما كانش في اديان يبقى إيه القوانين اللي هاتحكم الإنسان .. هل نقول القوانين الوضعية ؟

طب وإيه المرجعية للقوانين الوضعية دي ؟؟ مش المفروض يبقى الدين ...

وبعدين إيه اللي هايبين لنا إيه الحلال والحرام غير الأديان؟

اما بالنسبه للديانات فاهما شيفين انه سبب كل الحروب و المشاكل الي بين الناس و واخدين مقوله كارل ماركس الدين افيونه الشعوب حجه علشان يبرروا بيها كل الي بيقولوه ان الانسان يبقي كويس خلاص

الصراحه لما بسمع كلامهم بتغاظ وبفرح بتغاظ علشان يا بني ادمين الدين ايه غير كده الانسان يبقي كويس ويتبع الشرائع لكن بتقول لمين و بفرح وبحمد الله الف مره اني مسلمه وموحده

بس الي نفسي افهمه ازي حد يقول مفيش ربنا مش داخله دماغيييي