أخطر 6 كلمات تستخدمها البنات عند الغضب

[Dreamwithme]

أخطر 6 كلمات تستخدمها البنات عند الغضب .. !! O_o

*

*

... *

1- طيب :) :

هذه الكلمه تستخدمها المرأه كي تنهي النقاش وآنت لازم تسكت

و نصيحه اذا قالتها البنت ,, لازم تختصر

2- ولاحاجة :| :

هذا الهدوء الذي يسبق العاصفة و هاذا يعني انو في حاجة كبيرة X_X

واذا سمعتها لازم توقف على رجليك

3- لا عادي :

وهي من اخطر التصريحات اللي يمكن ان تقولها المرأه للرجل

و تعني ان المرأه تريد التفكير مطولا و بعمق قبل ان تجعلك تدفع الثمن غاليا

و وقتها أعرف ان الوضع أبدا مش عادي زى ما بتقول

4- براحتك :) :

هذه كلمة تحدي و تحذيرية و ليست إذناً X_X.!!!

بالعربي يعني اذا انت راجل و في على وشك شنب اكسر كلمتها وشوف

5- لا شكرا :) :

يعني انو الغضب قد وصل حده وقرب الانفجار

وسوف تحل عليك اللعنة قريبا ان شاء الله >:o !!

6- اهااا 8-| :

يعني انها كانت شاكه فى حاجة وانت أكدتها

يعني حاول تلطف الجو قبل ما تجيب أجلك

اتقــــــــو شــــرنا بقه ^_^

[لماضة مصرية جدا]

السلام عليكم و رحمة الله و بركاته

ابنتي درمي

دعيني احييكي و اشد علي ايديكي...و اسلمك تاج الفتاة المثالية لعام 13- 13 2013...(وش توفيق عوكاشة)

شوفي يا بنتي

من خلال موقعي هذا كتنين مبيعرفشي يتحكم في غضبه....احب اؤكد لك ان فيه كلمتين يلموا الليلة دي و يخلوكي تقفلي الصوباع علي بابه...قصدي الباب علي صوباعه

براحتك طبعننننننن

بتخليه في مود حاجة كده زي الكوكاكولا لما تفضلي ترجي فيها اوي....و اصلا اصلا الغطا مقفول

بس استحملي بقي لما الغطا يفرقع في وشك

و الكلمة التانية هي تيكوب

و هتساليني ايه هو ده

هقولك

ده صوت السماعة بتاعت التلفون لما بتتقفل

يااااااااااااااه بقي

و يا سلام لو بعديها اتصلتي و قولتليله عليك واحد :P

طبعا و بعد المداخلة العظيمة دي

آدي دقني

لو اصلا بص في وشك تاني

يا بنتي طلعيني انا من الحتة دي

انا مش هفلح...ان هروح اذاكر احسن

محدش يزقني انا بقول اهوت

[عبير يونس]

من موقعي هذا

اسمحي لي اقول لك يا دريم

مهما عملنا يا بنتي

مفيش فايدة

مفيش فايدة

مفيش فايدة

[Folana]

السلام عليكم ورحمة الله...

ياه ه يادريمى...بتفكرينى بأيام كنت تادرس...وأنا فى الجامعة يعنى ، كانت دى الردود المقبولة آنذاك...ودى ردود البنانيت فعلا..

تعالى بقى نتخيل بعد الزواج ممكن الردود تبقى ازاى ..

1- قوم من قدامى مات الكلام

هذه الكلمه تستخدمها المرأه كي تنهي النقاش وآنت لازم تسكت

و نصيحه اذا قالتها البنت ,, لازم تختصر

2- ياصبرررر أيوووووب

هذا الهدوء الذي يسبق العاصفة و هاذا يعني انو في حاجة كبيرة X_X

واذا سمعتها لازم توقف على رجليك

3- ردى حيوصلك فى الوقت المناسب :

وهي من اخطر التصريحات اللي يمكن ان تقولها المرأه للرجل

و تعني ان المرأه تريد التفكير مطولا و بعمق قبل ان تجعلك تدفع الثمن غاليا

و وقتها أعرف ان الوضع أبدا مش عادي زى ما بتقول

4- كل واحد ينام على الجنب اللى يريحه وحنشوف :) :

هذه كلمة تحدي و تحذيرية و ليست إذناً X_X.!!!

بالعربي يعني اذا انت راجل و في على وشك شنب اكسر كلمتها وشوف

5- طب خلاص خلصنا :) :

يعني انو الغضب قد وصل حده وقرب الانفجار

وسوف تحل عليك اللعنة قريبا ان شاء الله >:o !!

6- ايوه كده اظهر على حقيقتك

يعني انها كانت شاكه فى حاجة وانت أكدتها

يعني حاول تلطف الجو قبل ما تجيب أجلك

وده التطور الطبيعى للحاجة الساقعة..:)

صباح الورد

[se_ Elsyed]

تحذير واجب وصريح

أي راجل هايفتح موضوع عن الكلمات الشهيرة اللي بيستخدمها الراجل عند الغضب ... انا هالغي عضويتة طوالي حتى لو كان سين سين

--------------

مش عارف من كتر الفرفرة - جايه من فرفور - في الكلمات والإكسبريشن اللي إستخدمتها دريمز .. كنت حاسس إني هاقرأ جُمل زي

" يارب يارب تاكل أيس كريم "

" ماشي ماشي .... مش هالعب معاك تاني "

مش عارف فلانه كانت قربت تلمس كبدة الحقيقة ... لكن برضوا كُل دي بأعتبرها مصطلحات غاية في الرقة ...

أنا عاوز دم وكلام زي الدبش

[ابو محمد بن مصطفي]

الـ 6 كلمات دول عاملين زي

عايزين اخطر 6 كلمات اللي يعتبروا بمثابة اعلان حرب

[Dreamwithme]

أنساتي سيداتي ساداتي نورتم التوبيك

إيه دهوت إيه كل الابداع ده يا مدام فولانة ....أنا خفت بصراحة :unsure:

عبير .... ما هم عشان ما بيخافوش بيقعوا في شر أعمالهم

لماضة هانم إيه يا أفندم كل النصائح الهايلة دي بس أنا معجبتنيش موضوع قفل التليفون دي

أنا عايز أكشن بالكلام مش بأنقطاع الكلام bsh:)

السادة الأفاضل سي السيد وأبو محمد ....

هأقولكم إيه بس والله احترت واحتار دليلي ...أنا بأجيبلكم المراحل الأولية من الغضب المكبوت اللي الراجل بيستهون بيه

لكن غالبا الدنيا بتولع بعده .... أنا حبيت أنصحكم لوجه الله..... قبل ما المشاكل تكبر وتتكلكع

ومدام فولانة زودت شوية الأكشن ......لكن أعمل إيه بس إنتوا عايزنها دم bsh:)

[لماضة مصرية جدا]

السلام عليكم و رحمة الله و بركاته

بنتي الباااااااااارة دريمي

طبعا موضوع تيكوب دوت....ده المرحلة بتاعت خلاص انت ابقي خد القايمة و نام عليها بقي يا حنفي

يعني خلاص ممكن طرف يكون اتوجع من الطرف التاني...قوووووووم ايه الطرف التاني بدل ما يبهدل الطرف الاولاني...يحاول يلم الليلة...فبيلمها بالطريقة دي...مين طفي النور بقي؟؟؟

علي فكرة انا عاجبني التوبيك دوت جدا ل 3 اسباب

ثالثا: يا تري كلماتنا بتعبر عن غضبنا؟؟؟؟ و لا بنفضل نشيل جوه مننا و بعدين ننفجر؟؟؟

ثانيا: يا تري في العلاقات القريبة بنقول حاجة و بنفترض الطرف التاني فاهمها زي ما احنا وقلناها و لا ده بيخلي الموضوع يكبر...مافيش تواصل

اولا: بجد عايزة اعرف الكلمات المدمرة الصاعقة الماحقة اللي ممكن سبع البربمة...قصدي سبع الليل يقولها و تعبر عن غضبه و كده يعني...(وش حد بيشد التنين من ديله وواقف في وشه)

مجال ثري لتبادل النيران....قصدي الخبرات

مش عارفة ليه كل اما آجي التوبيك دوت احس اني عايزة اعض حد

مين

مين

مين

ما علينا

مساكم...من غير ذرة غضب خااااااااااااااااااااالص