عبد المجيد محمود .. في الخدمة يا فندم

[se_ Elsyed]

أنا بيتهيالي لو جبت بالوعات الصرف الصحي اللي في العالم كله وفتحتهم على بعض .. عُمرنا ما هانلاقي قذارة بالشكل ده

الناس دي بني ادمين من لحم ودم زينا ولا مسوخ وكائنات حقيرة ؟

ولا خلاص كلهم فوق الستين وأتربوا على الدناءة وقلة الأدب فما بقتش فارقه معاهم سينا من سونيا .. مباديء مش مباديء ... عدل مش عدل .. كله واحد

الحبس عام لمواطن وزع منشورات ضد العسكري بمظاهرة العباسية

:

آخر تحديث يوم الإثنين 26 ديسمبر 2011 - 9:05 م ا بتوقيت القاهرة

قضت أمس محكمة جنح الوايلي بحبس متظاهر وزع منشورات ضد المجلس العسكري علي المتظاهرين بميدان العباسية، بالحبس لمدة عام واحد وكفالة مالية قدرها ألف جنيه، وتغريمه مبلغ مائتي جنيه وإلزامه بالمصروفات الجنائية.

كان متظاهري ميدان العباسية القوا القبض يوم الجمعة 23 ديسمبر علي شخص يدعي جابر السيد جابر، أثناء توزيعه منشورات ضد المجلس العسكري وحدثت مشادات كلامية بينه وبين المتظاهرين بالعباسية، وقاموا بتسليمه لأجهزة الأمن وبحوزته المنشورات التي تدعوا لترك المجلسة العسكري للسلطة وتسليمها لمجلس رئاسي مدني والتعجيل بانتخابات رئاسة الجمهورية.

أمر المستشار الدكتور عبد المجيد محمود النائب العام بإحالة المتهم للمحاكمة العاجلة التي أصدرت قرارها المتقدم.

فعلاً تُهمة بشعة وتستحق الإعدام شنقاً

النائم العام أنفعل وحوله لمحاكمة عاجلة وشقلطوا القضية في أسبوع والراجل إنتص حكم .... أه ما هي تهمة تسليم السلطة لسلطة مدنية بقت تستحق سنة سجن ..

لكن اللي قلتوا الثوار .. واللي نهبوا مصر .. خليهم قاعدين معانا .. وموت يا عبد المجيد لحد ما يجيلك العليق ....

أعتقد أن هناك من غير المسلمين وهو كُثر ..عندهم مباديء ويعرفوا الأسلام اكتر ممن ينتسبون إليه وزراً وبهتاناً ويكذبون علينا ويكذبون على أنفسهم أيضاً ...

آه بالمناسبة .. في 4 من حركة 6 إبريل هايحصلوهم ... إتقفشوا أمبارح وهما بيوزعوا نفس المنشورات ... وإحتمال كبير ياخدوا إعدام ... مش باهزر اه والله أصل أتوجهت لهم تهمة قلب نظام الحكم

[se_ Elsyed]

ومثلما كنا نلعن الفاسد مبارك في كل وقت وكل آوان

فلا مانع أن ألعن كل فاسد وكل ديكتاتور فعل ما لا يفعله مبارك من سجن الاف الشباب وحاكمهم محاكمة حسب قوانين ساكسونيا .. وقتل المئات وأصاب الالاف

والأن نتكلم عن مصالحة عشان خاطر

تذكروا الكلام ده جيداً ..

اللي بيصالح في مرة وفاكر إن دي شطارة ومهارات في التفاوض .. وهو اساساً بيفاوض على ما لا يملك .... فليتذكر هذا جيداً عندما يتفاوض على ملابسه غداً

أنا لست من دعاة التصادم والخراب

لكن كلامي من موقف قوي

نحن اصحاب البلد .. وماحدش له عندنا حاجه .. وماحدش هايحكمني بالعافية .. وماحدش يفرض عليه شروط ويتشبث بالكرسي ويقول لي يا عم إستحمل رزالتي 6 شهر ....

يسقط يسقط حكم العسكر .. ويعيش أهل مصر أصحاب البلد

[se_ Elsyed]

منعاً لجرح المشاعر وعشان منظر الدم اللي في المنشور .. ياريت البنات يطلعوا بره لأن المنشور بتاع الإعدام حاجه ما حصلتش وكله دم وكريم شانتية وحاجه تستحق الأعدام فعلاً

[Alshiekh]

منعاً لجرح المشاعر وعشان منظر الدم اللي في المنشور .. ياريت البنات يطلعوا بره لأن المنشور بتاع الإعدام حاجه ما حصلتش وكله دم وكريم شانتية وحاجه تستحق الأعدام فعلاً

طيب هو فين الكلام الأبيح اللى في المنشور؟

مايكونش علشان الكاب معوووووووووووووووووووووووووووج؟

أصل لو أخدت بالك ده مش كاب عادي،

ده كاب الأميـــــر

آسف قصدي كاب المشيـــــر

[احمد رضوان]

كلنا مع تطبيق القانون وكل واحد فتح بقه جاي دوره ... وكله حيتمسك من قفاه بالقانون 6 إبريل 9 شوال 4 برمهات ... لا نفرق بين احد منهم ... واحد واحد يا زباين والمطلوب منكم أن الزبون اللى يتظبط تعملوا نفسكم مش شايفينه وتريحوا ضمائركم

[ماستر]

كتب se_Elsyed

آه بالمناسبة .. في 4 من حركة 6 إبريل هايحصلوهم ... إتقفشوا أمبارح وهما بيوزعوا نفس المنشورات ... وإحتمال كبير ياخدوا إعدام ... مش باهزر اه والله أصل أتوجهت لهم تهمة قلب نظام الحكم

التهمة دى مضحكة جدا, احنا اصلا سعتك معندناش نظام لسة يعنى مفيش رئيس ولا نعرف حتى صلاحيتها اية ولا مجلس شعب ولا حد يعرف اية هيكون شكل النظام,

الناس دى مش فهمة حاجة دول لازم يتحاكموا على الغباء السياسى, طيب يغشوا صح ويشوفوا تهمه ليها معنى

[se_ Elsyed]

إن لله وإنا إليه راجعون

هي الأخبار اللي زي دي بقت تعدي على الناس عادي كده زي أخبار نهب مصر وتجريفها أيام مبارك ؟

يعني بغض النظر عن مين دول ولا 6 إبريل ولا غيره

شباب يتمسكوا أمبارح بالليل في قضية اياً كانت ... تتنصب لهم محكمة النهاردة وتتحدد جلسة وينطسوا حكم سريع سريع كده ؟

يعني في حاجه إسمها عادلة عاجلة اهو في مصر .. أومال إيه المساخر اللي بتحصل في كل القضايا التي تخص 30 سنة فساد دي ؟

حسبي الله ونعم الوكيل

وصول 4 متهمين من نشطاء "6 أبريل" إلى المحكمة

الأربعاء، 4 يناير 2012 - 13:39

وصل منذ قليل إلى محكمة جنوب القاهرة بالسيدة زينب 4 من نشطاء حركة 6 أبريل متهمون بتوزيع منشورات تحرض على قيام ثورة أخرى فى 25 يناير الجارى، وهم: محمود حسام ومحمود زكريا وحسن حافظ وشريف محمد، وذلك تحت حراسة أمنية مشددة، ووسط هتافات رددها بعض نشطاء الحركة ضد المجلس العسكرى وحكم العسكر.

على الجانب الآخر، يستمع المستشار إسماعيل حفيظ، رئيس نيابة جنوب القاهرة، إلى أقوال ضباط شرطة مصر القديمة الذين ألقوا القبض على المتهمين.

[shawshank]

شباب يتمسكوا أمبارح بالليل في قضية اياً كانت ... تتنصب لهم محكمة النهاردة وتتحدد جلسة وينطسوا حكم سريع سريع كده ؟

أمال هنستنى لحد ما ييجي 25 يناير وتقوم ثورة تانية؟ لأ، من دلوقتي علطول وبسرعة، نضرب المربوط يخاف السايب.

هدفهم إيقاف الدعوة لثورة في 25 يناير عن طريق إرهاب الناس. وعشان هدفهم مايتحققش، واجبنا نزود من المنشورات والدعوة أكتر وأكتر لثورة تانية في 25 يناير، ده الحل الوحيد لوقف الاعتقالات والمحاكمات. مش هيعتقلوا ويحاكموا مليون واحد.

[aimen]

أيه هى الثورة؟! مين اللى عملها؟! فين اللى حماها؟! مين اللى سرقها؟ مين ماسك إعلامها؟!

مين اللى حاكمنا محاكمة عسكرية؟! مين اللى بيوصفنا إن احنا بلطجية؟!!

فين الدبابة!؟ مين اللى سايقها؟! مين اللى دهسنا؟! ايه العبارة؟!

مين اللى واكسنا؟ مين اللى مجوعنا؟! مين قاتل فرحتنا؟! ايه العبارة ؟

مين اللى مخوننا؟! مين اللى مفرقنا؟! مين اللى كابتنا؟! ايه العبارة؟

http://www.youtube.com/watch?v=GU0NK2fESPI

اللى يعرف الإجابة يقول ما ينكسفش

وبعدين حنطالب له بحصانة وحمابة ان شاء الله

تم تعديل 4 يناير 2012 بواسطة aimen

[se_ Elsyed]

إلى أن يأتي رئيساً مصرياً يتقي الله في هذا الوطن .. أنا بأسميها ثورة المجانين

هي كده ...

فعشان نعمل ثورة على نظام فاسد من منبت شعره إلى أخمص قدمية .. ثم أرى نفس الوجوه العكرة لا زادت ولا نقصت ويقولوا لنا : ما تخافش إطمن يا عم الهندي إحنا بنحمي الثورة وهاننفذ مطالبها ...... يبقى انا كده لبس بيجاما مقطعه وماشي في الشارع والعيال تحدفني بالطوب

وأدي واحد ممن حموا الثورة

هل يُعقل أو يتصور حد عاقل إن النائم العام ما يكلفش نفسه ويقوم هو بالترافع في قضية هامة زي قضية مبارك وعصابتة .

بلاش دي .. هل يعقل إن النائب العام واللي معاه يطلعوا يعيطوا زي الست العاجزة مكسورة الجناح ويقول في محاكمة القرن ويقول أصل غحنا ما عندناش ادلة وماحدش من المخابرات او الامن الوطني او حتى الشرطة رضي يساعدنا في جمع الأدلة ؟

طب ما كان عنده وزارة الزراعة يستعين بها في جمع الدودة ... قصدي جمع الادلة ...

هل يعقل إن ولا قضية من عشرات القضايا اللي راح فيها المئات يتحقق فيها حتى الأن أو يتنشر عنها تحقيقات عادلة علنية أو حتى نشوف أحكام قضائية رادعة فيها ؟

هل يُعقل إنه يقبل على نفسه يكون قرطاس وهو بيشوف اكتر من 12 الف مصري بريء بيتحولوا لمحاكامت عسكرية ويتحكم عليهم من غير تحقيقات ولا نقض ولا استئناف وكل ده في 24 ساعة هي ما تستغرقه أي قضية عسكرية ؟

[se_ Elsyed]

يا عم بطلوا بقى قرفتونا وخربتوا البلد .. أستحملوا الست شهور دول بقى حرام عليكم